Shqiperia nuk garanton mosndryshimin e kufijve me Kosoven dhe Maqedonin, tha Mustafaj

[Kodra]

**********
**********
**********

Patriotizmi,e dijmë të gjithë se ku duhet të shprehet,në luftë askund tjetër.
Patriotizëm të shprehësh në Liri,është të jeshë NACIONALIST-Fanatik.
Nacionalizmi-Fanatik,ndjeket në tërë botën.

Për këtë arësye,deklarat e zotëri Mustafaj,nuk është në momentin e duhur.

Më pëlqeu një thënie e zotit Pandeli Majko e thënë po në ALSAT.

citoj :

,, Nuk dua të shprehem si një anëtarë i Partisë Socialiste,vetëm që Besniku është i Partisë Demokratike,por ky lloj patriotizmi,pse nuk u përmend edhe Ulqini,pse nuk u përmend edhe Çamëria,pse nuk u përmend edhe Presheva,nëse dëshiron njeriu të shprehet Patriot,,.

Pra,nganjëherë është më mirë të heshtësh sesa të mundohesh të sqrosh dhe të thuash se deklarata ime është keqinterpretuar apo është keq e përkthyer.

Një person në këto Poste,duhet të jetë i matur para se të thotë diçka,sepse Mediat janë ato që mizën e bëjnë Buall.


Kodra

[Kalt]

Pavarësia e Kosovës dhe çështje që lidhen me të - diskutim në Universitetin Xhorxhtaun Arben Zajmi
Uashington
23-03-2006


Shefi i diplomacisë së Bashkimit Evropian, Javier Solana, i kërkoi të mërkurën në Bruksel Kryeministrit Agim Çeku mbrojtje të plotë të pakicës serbe në Kosovë. Zoti Solana tha se është folur shumë, por pak është bërë për mbrojtjen e saj.
Tema e pakicave në Kosovë ishte një nga çështjet më të rrahura edhe në diskutimin që u zhvillua të enjten në Universitetin Xhorxhtaun, i organizuar në bashkëpunim me Shoqatën e Studentëve Shqiptarë Pasuniversitarë.
Ish-ambasadori amerikan në Turqi, Mort Abramovic, tha se negociatat për statusin përfundimtar të Kosovës janë një mundësi për të bindur shumicën shqiptare të zbatojë masa reale për mbrojtjen e pakicave. “Duhet shfrytëzuar rasti për të ushtruar trysni ndaj shqiptarëve të Kosovës që të marrin masa e të miratojnë ligjet e nevojshme për përmirësimin e gjendjes së serbëve dhe pakicave të tjera”.
Ambasador Abramovic thotë se, për ndërtimin e një shteti funksional në Kosovë, duhen zgjidhur tri çështje, kryesisht përmes Këshillit të Sigurimit. Vështirësitë që mund të ndeshen për shkak të pozicioneve të mundshme të Rusisë dhe Kinës, thekson ambasadori, shumëkush mendon se janë të kapërcyeshme.“Fillimisht Kosova duhet të pranohet në Kombet e Bashkuara dhe t’i jepet mundësi të bashkëpunojë me organizmat financiare ndërkombëtare. Çështja e dytë është zëvendësimi i UNMIK-ut. Cilat janë ato institucione vendase në gjendje për të marrë frenat në dorë dhe cili do të ishte roli i perëndimit gjatë këtij procesi?” Kurse çështja e tretë, thotë ambasadori, ka të bëjë me zgjidhjen e qytetit të ndarë të Mitrovicës.
Doktor Çarles Kapçan, profesor i marrëdhënieve ndërkombëtare në Universitetin Xhorxhtaun, mendon se është gabim heqja nga tryeza e bisedimeve e mundësisë për ndryshime territoriale, meqenëse “një pjesë e Kosovës është e lidhur de facto me Serbinë”. “Nëse bashkësia ndërkombëtare dhe Prishtina nuk janë të përgatitura të marrin masat e duhura për ribashkimin e Mitrovicës dhe Kosovës Veriore me një shtet funksional kosovar, nuk mendoj se duhet ta konsiderojnë ndarjen si të papranueshme. Kjo është një zonë e banuar gati 100 përqind nga serbët. Sistemi arsimor, ai shëndetësor administrohen nga Beogradi. Ky i fundit ka madje oficerë sigurimi në Mitrovicë në kundërshtim me rezolutën e Kombeve të Bashkuara. Për ta ribashkuar zonën me pjesën tjetër të Kosovës, duhet që këta oficerë të dëbohen dhe mendoj se as Bashkimi Evropian, as Shtetet e Bashkuara, nuk janë të gatshme për diçka të tillë”.
Ndërkaq, doktor Çarls King i Universitetit Xhorxhtaun është i mendimit se asnjë prej diskutimeve për Kosovën dhe të ardhmen e saj nuk ka të bëjë me të drejtën ndërkombëtare, por me vetëvendosjen, pasi sipas tij, vetëvendosja ka qenë parimi, mbi bazën e të cilit bashkësia ndërkombëtare ka vepruar në Ballkan 15 vjetët e fundit. “Shqiptarët e Kosovës nuk e meritojnë pavarësinë më shumë se Serbët e Krajinës, apo ata të Republikës Serbe të Bosnjës. Po ashtu edhe në rastin e kombeve të tjera, si për shembull kurdët, Republika Turke e Qipros, apo raste të tjera në Euroazi. Por nga ana tjetër, po ta shohim problemin se cila zgjidhje do ta bëjë të ardhmen e rajonit më shumë apo më pak të qendrueshme - këndvështrim që është pjesë e logjikës që i dha fund Jugosllavisë - atëherë një Kosovë e pavarur do të përputhej me logjikën e shpërbërjes së Federatës Jugosllave dhe ky është gjithashtu përfundim logjik përsa i përket pavarësisë së Malit të Zi”.
Që të tre ekspertët e hedhin poshtë mundësinë e destabilizimit të Maqedonisë, nëse Kosova bëhet shtet i pavarur.
Ndërkohë që kanë filluar bisedimet ndërmjet Prishtinës dhe Beogradit që pritet të çojnë drejt përcaktimit të statusit përfundimtar të Kosovës, si bashkësia ndërkombëtare, ashtu edhe studiuesit nuk e kanë zgjidhur ende dilemën nëse Kosova do të mbetet një çështje e veçantë, apo do të kthehet në precendent për rajone të tjera të botës. //az//



VOA News

[Dilaver]

14:00/26.03.06 - Mustafaj takohet me Surroin; ne Durres takohet delegacioni i Kosoves me pakicat etnike te Kosoves


Ministri i Punëve të Jashtme te Shqiperise, Besnik Mustafaj priti Drejtuesin e Lëvizjes ORA të Kosovës Veton Surroi i cili gjendet ne Tiranë si anëtar i delegacionit negociator të Kosovës në kuadër të një takimi që do të zhvillohet nesër ne Durrës me Këshillin Konsultativ për Komunitetet në Kosovë.
Gjatë këtij takimi, Ministri i Jashtëm Mustafaj e siguroi Surroin për vëmendjen e madhe që i kushton Qeveria Shqiptare bisedimeve për statusin e ardhshëm të Kosovës dhe mbështetjen qe i jep diplomacia shqiptare këtyre bisedimeve.
Në përfundim të takimit, Ministri i Jashtëm i Shqipërisë dhe Drejtuesi i Lëvizjes ORA dhanë një konferencë të përbashkët për shtyp.

[Guri i madh]

Postimi origjinal është bërë nga Dilaver

14:00/26.03.06 - Mustafaj takohet me Surroin; ne Durres takohet delegacioni i Kosoves me pakicat etnike te Kosoves


Ministri i Punëve të Jashtme te Shqiperise, Besnik Mustafaj priti Drejtuesin e Lëvizjes ORA të Kosovës Veton Surroi i cili gjendet ne Tiranë si anëtar i delegacionit negociator të Kosovës në kuadër të një takimi që do të zhvillohet nesër ne Durrës me Këshillin Konsultativ për Komunitetet në Kosovë.
Gjatë këtij takimi, Ministri i Jashtëm Mustafaj e siguroi Surroin për vëmendjen e madhe që i kushton Qeveria Shqiptare bisedimeve për statusin e ardhshëm të Kosovës dhe mbështetjen qe i jep diplomacia shqiptare këtyre bisedimeve.
Në përfundim të takimit, Ministri i Jashtëm i Shqipërisë dhe Drejtuesi i Lëvizjes ORA dhanë një konferencë të përbashkët për shtyp.

paj me burrin qe qenkan fotografue pe di se nuk paska kurgja as prej kti mustaf zezes
ishalla sna ban lazem me ik edhe nji her se as strehmore per veti ska me mujt me gjet

[prishtinasi]

Postimi origjinal është bërë nga Guri i madh

paj me burrin qe qenkan fotografue pe di se nuk paska kurgja as prej kti mustaf zezes
ishalla sna ban lazem me ik edhe nji her se as strehmore per veti ska me mujt me gjet

S'po ta mush synin a....hajte njeri...se mashkull eshte mos e kqyre si femen ti;)

[Kalt]

Kreu i Kuvendit të Kosovës në Tiranë. Topalli: Kosova e pavarur, nuk ka ndryshim kufijsh

Kolë Berisha: Nuk ka siguri për mosndryshimin e kufijve

Shekulli

TIRANE - Kryetari i Kuvendit të Kosovës, Kolë Berisha, tha dje në Tiranë se, nëse kufijtë ndryshojnë në pjesë të tjera, duke kuptuar rajonin, nuk do të ketë siguri se nuk do të ndryshojnë edhe këtu. Berisha u përgjigj pas takimit me kryetaren e Kuvendit, Jozefina Topalli, mbi deklaratën e ministrit të Jashtëm, Besnik Mustafaj për mosgaranci për kufijtë po të ndahej Kosova. "Po, shikoni! Dua të them se është kuptuar shumë drejt deklarata e zotit Mustafaj në Kosovë, është interpretuar shumë bukur. Nëse kufijtë ndryshojnë në pjesë tjetër, nuk mund të sigurojmë se nuk ndryshojnë edhe këtu. Nuk kemi pretendime territoriale për momentin". Në këtë moment, kryetarja e parlamentit, Topalli, ndërhyri disa herë duke thënë se deklarata e Mustafajt ishte keqkuptuar dhe se Kosova do të jetë e pavarur. “Lidhja jonë është e veçantë, tha Topalli, ndaj bashkëpunimi mes të gjitha institucioneve tona, veçanërisht mes dy Kuvendeve do të thellohet më tej. Ne vlerësojmë seriozitetin e përfaqësuesve tuaj në negociatat për statusin përfundimtar që padyshim do të jetë pavarësia përmes garantimit të të drejtave të pakicave dhe mosndryshimit të kufijve”, -shtoi ajo. “Është e rëndësishme, tha Kolë Berisha pas takimit me Topallin, që në negociatat për statusin e Kosovës shkojmë si Kosovë dhe jo si parti politike. Kemi garantuar dhe vazhdojmë të garantojmë të drejtat e pakicave dhe këtë e kemi shprehur në të gjitha dokumentet dhe deklaratat tona. Gjithashtu do të donim, dhe mbetemi të angazhuar, që edhe përfaqësuesit serbë të vijnë në Kuvend. Jemi të vendosur në angazhimet tona të cilat do të realizohen me një Kosovë të pavarur”, -tha Kolë Berisha. Në takimin me partitë e opozitës, PS-në, PSD-në, LSI-në dhe PAD-në, është dhënë përsëri mbështetja për Kosovën e pavarur. Por opozita ka gjykuar si të pavend ndarjen e takimeve në këtë cilësi opozitë dhe pozitë me delegacionin nga Kosova. Në takimet e delegacionit nga parlamenti i Kosovës është folur edhe me Topallin edhe me opozitën edhe me kryeministrin Berisha për bashkëpunimin ndërmjet të dy vendeve. Delegacionet diskutuan për të gjitha fushat, veçmas për rrugën Durrës-Prishtinë që mundëson lidhjen e Kosovës me detin dhe zhvillimin e verilindjes së Shqipërisë. Sakaq, kryeministri Sali Berisha ka ritheksuar pa më të voglin dyshim „mbështetjen e qeverisë shqiptare për një Kosovë të pavarur, demokratike, të zhvilluar, respektuese të të drejtave dhe lirive të serbëve dhe pakicave të tjera, si dhe një vend të qytetarëve të barabartë përpara ligjit duke theksuar gjithashtu se pavarësia e Kosovës do të jetë një kontribut i rëndësishëm për paqen dhe stabilitetin e rajonit“. Kryetari i Kuvendi të Kosovës, Kolë Berisha, në takim me kryeministrin ka vlerësuar gjithashtu rëndësinë që ka Kosova e pavarur, ndërsa ka shtuar se „prania ushtarake në Kosovë do të jetë e nevojshme edhe pas përfundimit të procesit të statusit si një garanci jo vetëm për Kosovën, por edhe për paqen dhe stabilitetin në rajon, ndërsa prania civile është gjithashtu e nevojshme, por me një status të ndryshëm nga ai i tanishmi“.

09/04/2006