Pyetje & Pergjigje - Page 33

Maxi · 16-08-09, 18:37

Kush obligohet të agjëroj?

Obligimi i agjërimit vlen për çdo Musliman/e i/e cila është i/e shëndosh fizikisht dhe psiqikisht i/e moshërritur dhe që e din se është farz agjërimi në muajin e Ramazanit,
Fëmijët nuk janë të obliguar,mirpo është mirë të motivohen që të mbajn aq ditë sa që kanë mundësi,që kjo të ju mbeteshte shprehi për në moshën e tyre të pjekur.

Maxi · 16-08-09, 18:46

A ka persona që janë të liruar të kryejn agjërimin?

Të sëmurit,pleqët e shtyrë në moshë,gratë shtatzëne,nënat që kanë fëmij të vogël në gji,gratë në menstroacione dhe gurpe të ngjashme lirohen nga ky obligim.Personat sëmundja e të cilëve është e pashërueshme si psh. sëmundjet kronike ,dobësia e madhe e pleqësis,duhet për çdo ditë Ramazani të paguajn një fitër.Tjerët që nuk kan mundur të agjërojn dhe nuk bien në këtë gurp..psh.shtatzania, sëmundjet e përkohshme etj...duhet që pas Ramazanit të agjërojn po aq ditë sa që nuk kan mund gjatë Ramzanit.

Peja-Boy · 26-08-09, 16:20

A eshte e Lejueshme,a eshte e demshme, a eshte gjynah te agjerojn grat Shtatzona ...???

Lijanna · 26-08-09, 16:40

Citim:

Postimi origjinal është bërë nga Peja-Boy

A eshte e Lejueshme,a eshte e demshme, a eshte gjynah te agjerojn grat Shtatzona ...???

Nese nuk munden d.m.th kur demtohet shendeti i nanes ose femijes, ben mos me agjeru (e ato dite qe nuk i agjerojne duhet m'i kompensu ma vone)

PS Qeshtu e di une.

hasanmehmeti · 27-08-09, 23:47

Citim:

Postimi origjinal është bërë nga Lijanna

Nese nuk munden d.m.th kur demtohet shendeti i nanes ose femijes, ben mos me agjeru (e ato dite qe nuk i agjerojne duhet m'i kompensu ma vone)

PS Qeshtu e di une.

Sahih.Mire po e dishe Lijanna,All-llahu te shperblefte.

Maxi · 27-10-09, 19:46

Çfarë dallimi ka midis sufizmit dhe shiizmit?

Përgjigjja:

Tesavvufi ndryshe quhet edhe sufizëm, kurse në botën perëndimore më shumë njihet me termin misticizëm. Si rrymë misticizmi njihet dhe ka qenë po edhe sot është prezent edhe në hebraizëm, edhe në krishterizëm edhe në hinduizëm e në shumë fe të tjera, dhe zakonisht tregon prirjen për një ngritje shpirtërore, për takimin me Zotin.Pra Tesavvufi ose Sufizmi islam, është shumë i përngjashëm nga aspekti teorik, me misticizmin e feve të tjera, mirëpo edhe dallon prej tyre në një sërë pikash.Në tesavvuf me rëndësi është që njeriu të largohet nga kënaqësitë e kësaj bote, të mos e lakmojë shumë këtë botë dhe të jepet kryekëput pas Zotit, pas ibadetit dhe përkushtimit ndaj Zotit. Kjo është një ngritje shpirtërore...

Brenda tesavvufit si të këtillë ekzistojnë shumë shkolla apo siç i quajmë ndryshe tarikate. Secila prej tarikateve mundohet t'i realizojë qëllimet kryesore të tesavvufit në mënyrën dhe stilin që e sheh më të përshtatshëm. Te ne shqiptarët mbisundon tarikati bektashian, e pastaj vjen tarikati rufai, sa'dij, nakshibendij etj.

Në bazë, nëse i lexojmë veprat e themeluesve të tarikateve, do të vërejmë se thuajse asgjë nuk bie në kundërshtim me mësimet bazë të Islamit. Mirëpo njerëzit më pas, duke i ndryshuar ato mësime e rregulla të themeluesit të tarikatit, kanë shpikur ide e veprime që shumë keq bien ndesh me Islamin. Pra, si tendencë tesavvufi është brenda Islamit dhe ka mbështetje në Kur'an dhe në hadithet e Muhammedit a.s., mirëpo nga aspekti praktik se si po zbatohet dhe si po manifestohet tarikati, ka mjaft gjëra për t'u kritikuar.

Për më shumë të porosis ta lexosh këtë libër që e ceka më lart dhe që është në faqen tonë.

Kurse shiizmi është një shkollë ose sekt politik në Islam. Shiizmi rrënjët i ka qysh në kohën e parë të Islamit, gjegjësisht menjëherë pas vdekjes së Muhammedit a.s. Sipas shiitëve, pas vdekjes së Muhammedit a.s. halif (kryetar shteti) është dashur të jetë Aliu e jo Ebu Bekri dhe se kinse Muhammedi a.s. qysh duke qenë gjallë e paska lënë me gojë (testament) që pas tij halif të ishte hazreti Aliu. Mirëpo burimet e hadithit e të historisë islame nuk e mbështesin një gjë të tillë dhe thonë se nuk është e vërtetë që Muhammedi a.s. ka thënë diçka kështu. E vërteta është se Muhammedi a.s. këtë gjë nuk e ka caktuar vetë, por e ka lënë në kompetencat dhe vullnetin e vetë muslimanëve që ata vetë ta zgjedhin kryetarin e shtetit....

Më vonë ndodhin edhe disa ngjarje jo të lakmueshme për muslimanët dhe shiizmi sa vjen e shtohet dhe thellohet hendeku midis tyre dhe pjesës shumicë sunnite, që jemi edhe ne. Më vonë, këtë çështje pastër politike shiitët e veshin edhe me petk fetar, duke e vesh me ajete nga Kur'ani duke i komentuar ato sipas dëshirës dhe ineresit të tyre dhe duke shpikur hadithe (fjalë të Muhammedit a.s. ) që ai kurrë nuk i ka thënë.

Fjala shi'ij do të thotë ithtar, simpatizues, dhe në literaturën islame përmendet termi "Shi'atu Alijj", që do të thotë "ithtar, simpatizues i Aliut". Nga aspekti gjuhësor të gjithë muslimanët janë shi'it, sepse nuk mund ta gjesh asnjë musliman në botë i cili nuk e do dhe nuk e simpatizon hazreti Aliun, mirëpo nga aspekti terminologjik dhe politik shi'itët janë vetëm ata që sot jetojnë në Iran, një pjesë në Irak, Siri, Turqi, Kuvajt etj.

Ky ishte kryesisht dallimi midis tesavvufit dhe shiizmit. Mirëpo këto kanë edhe anët e tyre të përbashkëta. Prandaj ndoshta mund të na duken si të përziera me njëra-tjetrën. Thash ka disa shkolla të tesavvufit që janë identike me ndonjë shkollë të shiizmit, sepse edhe shiizmi ka shkollat apo grupet e veta të brendshme, mirëpo ka edhe shumë tarikate të tjera që janë sunnite dhe nuk kanë të bëjnë aspak me shiizmin.

Si do që të jetë, është e vërtetë se të gjithë ata njerëz që thonë se janë muslimanë, ne e kemi për borxh ata t'i trajtojmë si muslimanë dhe nuk kemi të drejtë t'u themi se nuk janë muslimanë. Ata janë muslimanë, mirëpo të kësaj shkolle apo të atij tarikati. Të gjithë këta gjenden nën ombrellën e madhe të Islamit.

Idila · 06-12-09, 18:10

Selamu alejkum vëllezër

E kam një pyetje të thjesht por që mua më mundon, të them, pak...pasi që shpeshherë ngelem përgjysmë kur dua të them, e s`di si ta them;

Tybestikfa
Tybeistikfa
Tybestafkurulla
apo
Tybastakfurulla

Nuk di cila është e saktë nga këto, apo e thënë më mirë si duhet të them më saktë?

Ju falënderoj paraprakisht.

Maxi · 06-12-09, 20:37

Ju përshëndes e nderuar Idila
"Paqa,mëshira dhe bekimi i Zotit qoftë mbi ju"

Teube- Pendim
Istigfar- Falje

Ps. Se dij se në çfar rasti e përdorni atë shprehje,por sa e kuptova besoj se ka të bëj me "kërkim faljen" .

Idila · 06-12-09, 20:47

Citim:

Postimi origjinal është bërë nga Maxi

Ju përshëndes e nderuar Idila
"Paqa,mëshira dhe bekimi i Zotit qoftë mbi ju"

Teube- Pendim
Istigfar- Falje

Ps. Se dij se në çfar rasti e përdorni atë shprehje,por sa e kuptova besoj se ka të bëj me "kërkim faljen" .

Ju falemnderit i nderuar.
Në fakt duket pak qesharake, por nuk di pse na ka ngelur si shprehi në familje sa herë kujtojmë derrkucin themi gjithmon tybestafkurulla...
Por shpesh më është dhënë rasti të dëgjoj këtë fjalë të theksohet në mënyra të ndryshme sikur ato që shkrova më lartë....

Ju falemnderit, Zoti qoftë me ju.

P.s. Murriz, ju falemnderit edhe juve.

Dilaver · 06-12-09, 22:14

E nderuar Idila!
Sa i përket pyetjese që keni parashtruar unë kisha për të shtuar

Estagfirullah (arabisht) në përkthim do të thotë: “Allahun për falje e lus” ose me shkurtë “Më fal o Allah”.

Tewbe (arabisht) do të thotë pendim.

Në zhargonin popullor këto dy fjale janë bashkuar dhe deformuar e është krijuar një fjalë me një kuptim tërësisht të gabuar dhe bie në kundërshtim me kuptimin origjinal.

Citim:

Postimi origjinal është bërë nga Idila

Tybestikfa
Tybeistikfa
Tybestafkurulla
apo
Tybastakfurulla

“Tewbe estagfirullah” në përkthim do të thotë “Pendohem dhe nga Allahu falje kërkoj”

sherri · 06-12-09, 22:48

Citim:

“Tewbe estagfirullah” në përkthim do të thotë “Pendohem dhe nga Allahu falje kërkoj”

A te kupton Zoti,nese nuk thuhet ne Arabisht?

teutaA · 06-12-09, 23:13

Citim:

Postimi origjinal është bërë nga sherri

A te kupton Zoti,nese nuk thuhet ne Arabisht?

sherri edhe un qushtu kam pyet po kan kesh me mue

**GURI SYLAJ** · 07-12-09, 09:47

Citim:

Postimi origjinal është bërë nga teutaA

sherri edhe un qushtu kam pyet po kan kesh me mue

Ata qe qeshen jan te padieshem!!
Vet Emri ,per Zotin , I GJITHEDIJSHEM - tregon se , Ai , i kupton te gjitha gjuhet!!!

Makresh · 07-12-09, 10:04

Perse kur'ani, hadithet e disa lutje profetike thuhën ne arabisht dhe me pas, vie perkthimmi ne shqip, ?

ps: E riformulova kete pyetje, qe me te dijshmit ti pergjigjen sic duhët.

Nero · 07-12-09, 10:23

Citim:

Postimi origjinal është bërë nga Makresh

Perse kur'ani, hadithet e disa lutje profetike thuhën ne arabisht dhe me pas, vie perkthimmi ne shqip, ?

ps: E riformulova kete pyetje, qe me te dijshmit ti pergjigjen sic duhët.

Kur'ani i ka zritur Muhameddit a.s permes Xhibrilit n'gjuhen arabe,sepse arabishtja ka qene gjuha te cilen e ka perdorur Muhameddi a.s ne at kohe,e me vone jane perkthyer ne gjuhen shqipe per te ditur kuptimin dhe domethenien e tyre(pra te ajeteve kur'anore dhe haditheve)