BOTA E FSHEHTË: Krijesat e (pa)dukshme - xhinët

[4peace]

vazhdim...







USHTRITË E XHINIT MUSLIMAN NË AFGANISTAN













“Si është përpjestimi i xhinëve muslimanë me ata jomuslimanë?”









“Si një pikë e detit në raport me detin. Xhinët muslimanë janë pakicë. Por përpiqen e angazhohen shumë, njësoj siç përpiqen muslimanët te ju, kudo që janë pakicë. Më beso, kudo që ekzistojnë konflikte të muslimanëve me fuqitë e liga, xhinët muslimanë gjenden atje dhe luftojnë kundër xhinit kafir (mosbesimtar). Po të të binte rasti të shkoje në Afganistan e të shihje atë që kam parë unë apo këtë ta shihte cilidoqoftë musliman, do t’i binte All-llahut në sexhde për shkak të asaj që do të shihte. Xhinët muslimanë kanë luftuar kundër xhinëve komunistë. Atje ku nuk kishte xhinë komunistë, xhinët muslimanë e ndihmonin ushtrinë afgane. Disa i vishnin rrobat e blerta, ndërsa disa që kishin mundësi t’i shihnin, mendonin se ishin melekë”.









“Padyshim se kanë qenë të ndihmuar edhe nga melekët” – i thashë.









“Posi”, tha ai. “Me lejen e All-llahut, por ne xhinët nuk mund t’i shohim melekët. Ata janë shumë më subtilë se ne”.









Pastaj vazhdoi: “Unë e kam për qëllim, dhashtë Zoti, që sapo të shërohet ky njeri, në rastin e të cilit jam përzier edhe unë, të luftoj bashkë me muslimanët në Afganistan e Palestinë”.













KARINI... DHE PANDEHMA E GABUESHME BOTËRORE (PËR SPIRITUALIZMIN)













Abdullah b. Mesudi pohon se Pejgamberi a.s., ka thënë: “Nuk ekziston asnjëri prej jush e që të mos i jetë caktuar edhe shoqëruesi nga xhinët”. “Edhe juve, o i dërguari i All-llahut?” – e pyetën të pranishmit. “Po”, u përgjigj Pejgamberi a.s. “Për dallim që mua All-llahu i Lartmadhëruar më ka ndihmuar duke ma caktuar njërin që e ka pranuar islamin, kështuqë m’i lejon vetëm gjërat e bukura”. (31)















KARINI (PASUESI) I PEJGAMBERIT A.S. E KA PRANUAR VËRTETË ISLAMIN DHE ËSHTË ENDE GJALLË















Mikut tim, xhinit musliman, i thashë: “Ekzistojnë mospajtime ndërmjet mendimtarëve islamikë dhe komentatorëve të haditheve për fjalët e Pejgamberit a.s. “Fe esleme”. Disa mendojnë se Pejgamberi a.s., i ka thënë këto fjalë me fet-ha Fe esleme”, që do të thotë “Dhe kam shpëtuar”, sikundër Pejgamberi a.s., të ketë thënë për veten se ka shpëtuar nga e liga e përcjellësit të tij, i cili ndoshta ka qenë shejtan a xhin i shprishur. Çfarë thua ti për këtë?”









Ai (ngapak i hutuar e njëkohësisht edhe i gëzuar deri në atë masë sa që mezi nuk qajti), tha: “Ky mospajtim është paraqitur më vonë. Përsa u përket as’habëve (bashkëkohanikëve e përcjellësve të profetit), ata që nga fillimi i dinin se përcjellësi (Karini) i Muhammedit a.s., e kishte pranuar islamin me të vërtetë.









E si nuk do ta dinin kur ai ishte gjithnjë bri Muhammedit a.s.?









Oh, sikur ta kishin ditur njerëzit saktësisht se kush është Muhammedi a.s., e çfarë vendi ka ai te All-llahu xh.sh., nuk do të kishin ndjekur kurrë ndonjë rrugë tjetër por vetëm të tijën dhe as që do të kishin vepruar ndryshe pos në frymën e asaj, me të cilën kishte ardhur ai. Përcjellësi i Muhammedit a.s., e ka pranuar islamin në atë moment kur Pejgamberi a.s. u ka thënë tërë njerëzimit se është musliman”.









“Meqë xhinët jetojnë shumë gjatë shpresoj se nuk do të të bezdis nëse të pyes: A është ende gjallë xhini përcjellës (Karini) i Muhammedit a.s.?









“Po , gjallë është”, tha ai, “dhe banon në Bekije”.(32) Ai mban rregullisht ligjërata dhe i mëson xhinët muslimanë me parimet e fesë, ua komenton Kur’anin dhe ua shpjegon hadithet e Pejgamberit a.s. Shumica e xhinëve muslimanë, nëse jo të gjithë (nga të gjitha anët e botës) shkojnë te ai dhe e mësojnë fenë prej tij. Po ta shihje se çfarë interesimi e rrëmuje e madhe bëhet rreth tij, ti do t’i bije All-llahut në sexhde nga falënderimi që i ke parë gjithë ato krijesa”.









“Shpresoj gjithashtu se nuk do të jem i bezdisshëm nëse të pyes se si quhet ai?”









“Quhet ‘Habilul Hadi’”.









“Do t’ia përcjellësh nga unë selamin dhe t’i thuash: “filan fisteku, rob i All-llahut, të do në emër të All-llahut””?









Ai tha: “Edhe ai të dashtë ty për shkak të të cilit e do ti atë”.









vazhdon (mes tjerash) me:











MREKULLITË E KARINIT PREJ XHINI













------------------

[4peace]

MREKULLITË E KARINIT PREJ XHINI















Unë e pyeta: “A është përcjellësi (Karini) musliman te sejcili musliman”?









“Jo, nuk është”, tha ai. “As përafërsisht. Te disa muslimanë përcjellësi është ateist, te disa komunist, te disa është çifut e te disa është i krishterë. Ai mund të jetë i sejcilës fé ose edhe i pafé. Një përcjellës i tillë te muslimani qëndron në supin e majtë, e bind dhe e nxitë për ligësi. Muslimani i tillë është në rrezik të madh. Ndoshta, me ndikimin e tij (njeriut), përcjellësi i tij do ta pranonte islamin dhe do t’ia kishte frikën Zotit e do të bëhej i mirë, në rast se ky njeri do të ishte besimtar i sinqertë”.









“A ekzistojnë xhinë përcjellës edhe te të krishterët, çifutët apo të religjioneve tjera?”









“Xhini përcjellës ekziston te sejcili njeri, i cili ia zbukuron atë që është e keqe. Prandaj varet nga sejcili: ose ta pranojë udhëzimin në fenë islame në mënyrë që, sipas shembullit të njeriut, ta bëj këtë edhe përcjellësi xhin e që do të thoshte shpëtim edhe për të e edhe për përcjellësin e tij apo të ngelë në rrugë të mbrapshtë, që do të thotë shkatërrim si për të ashtu edhe për xhinin përcjellës”.









“Kjo don të thotë se njeriu ka ndikim te xhini përcjellës, sikurse ka ai ndikim në njeriun?”









“Po, pra”, tha ai, “për dallim se ndikimi i njeriut është shumë më i madh. Lexoji fjalët e All-llahut të Lartmadhëruar xh.sh”.:









“E shoku i tij do të thotë:”Ky, skaj meje, është gati. Hidheni në xhehennem sejcilini mosmirënjohës, inatçi, i cili pengoi që të bëhen vepra të mira e ishte dhunues e cinik i cili ka besuar në tjetër zot përveç All-llahut – prandaj hidheni në vuajtje më të rëndë!” E, shoku i tij do të thotë: “O Sundimtar, unë nuk e kam ftuar me dhunë, ai vetë ishte në lajthitje të madhe”. “Mos u ngatërroni para Meje” – do të thotë Ai –“qëmoti ju kam kërcënuar, fjala Ime nuk ndërrohet dhe unë nuk jam i padrejtë ndaj robërve të mi. Në ditën kur ta pyesim xhehennemin: “ A je mbushut?” – ai do të përgjigjet: “A ka të tjerë?” E xhenneti do të jetë gjithnjë e më afër të ndershmëve dhe nuk do të jetë larg asnjërit.’” (Kaf,23.32)









Pastaj ka vazhduar: “Do të të them diçka të rëndësishme për përcjellësin. Poqese ai është musliman, me lejen e All-llahut, të do, përkujdeset për ty e të mbron nga një mori fatkeqësish e të papriturash tjera, të ndihmon e të nxit për nënshtrim ndaj All-llahut xh.sh. ta përkujton namazin nëse e ke harruar dhe të zgjon nëse të ka marrë gjumi. Nëse ti e forcon ibadetin (adhurimin) edhe ai të jep forcë e dëshirë më të madhe, prandaj ai i lutet All-llahut xh.sh për ty e të falënderon. Ai nuk ndahet kurrë, pos në rastet kur do të kesh marrëdhënie (seksuale) me gruan dhe këtë e bën nga turpi. Kur të mbyllesh me gruan ai flen jashtë. Kur të vijë koha e namazit, ai të lë për një moment, derisa ta kryejë namazin. Sa hap e mbyll sytë ai gjendet në Qabe, e kryen namazin në harem dhe kthehet sërish. Poqe se përcjellësi është i keq, ai të rrin në supin e majtë dhe të pëshpërit gjëra të këqia. Përpiqet të të pengojë në namaz, ta ngushton gjoksin me gjoksin e tij me përpëlitje deri sa të jesh duke e lexuar Kur’anin. Ai përpiqet të të frenojë nga çdo e mirë. Nëse dëgjon çdo gjë, që të dy do të shkoni në xhehennem. Në Ditën e Gjyqit ju të dy do të grindeni e akuzoheni ndërmjet veti, porse kjo zënkë nuk do t’ju ndihmojë, siç është thënë në Kur’an, në kaptinën (suren) Kaf”.









“Në rregull”, i thashë. “E kam një pyetje të rëndësishme, e cila është: Çka ndodh kur xhini përcjellës është musliman i nënshtruar All-llahut xh.sh., ndërsa njeriu musliman “rrëshqet” dhe bën mëkate?”









“Kjo e godet Karinin deri në atë masë, sa që ky, jo rrallë, dobësohet e sëmuret. Në momentin e vet aktit të bërjes së mëkatit përcjellësi largohet dhe pasi ta ketë kryer ai (njeriu) mëkatin, ai kthehet sërish, i tëri i molepsur e i pikëlluar për këtë”.









“Po te femrat a është përcjellësi xhin a xhineshë?”









“Logjikisht se te femra edhe përcjellësi (në këtë rast përcjellësja) është femër (xhineshë)”.









“ E nëse njeriu martohet me ndonjë grua dhe, në atë rast xhini i tij përcjellës martohet me përcjellësen e saj xhineshë?”









“Jo, s’është e mundur”, tha ai. “Ekzistojnë lloje të ndryshme xhinësh, të cilët posedojnë mundësi të ndryshme. Këtë lloj të xhinëve, All-llahu xh.sh. e ka krijuar pa epshe dhe prirje (për marrëdhënie seksuale), që do të thotë se ata nuk martohen e kështu edhe nuk mund të shumëzohen. Ç’është e drejta, që ai (përcjellësi) është i lindur nga xhini e xhinesha, por këtu kemi të bëjmë me një lloj të veçantë, për të cilin ka dashur All-llahu xh.sh. për të qenë të tillë. Ngjashëm me hermafroditët te ju, të cilët nuk kanë ndiesi e epshe, për dallim nga ajo se ky lloj i xhinëve nuk janë si hemafroditët, meqenëse janë një lloj shumë subtil i xhinëve”.







vazhdon (mes tjerash) me:





EDHE XHINËT KANË KARINA (PËRCJELLËS) NGA XHINËT







!!!

[4peace]

vazhdim...









EDHE XHINËT KANË KARINA (PËRCJELLËS) NGA XHINËT











“Më lejo të ta shtroj edhe një pyetje, e cila sapo m’u kujtua”.









“Urdhëro”, tha ai, “fol”!









“A e ke edhe ti sikur ne Karinin nga xhinët apo ndoshta përcjellësi yt është nga ndonjë qenie krejt tjetër apo xhinët mbase nuk kanë fare përcjellës?”









Duke buzëqeshur më tha: “Subhanallah! Logjikisht që edhe ne kemi përcjellës, ashtu siç e kanë këtë edhe të gjithë llojet e tjerë të xhinëve.









Në këtë aspekt ne jemi plotësisht të njëjtë me ju. Atë qe e keni ju e kemi edhe ne”.









“Në rregull. Do të thotë se ti në këtë moment je në gjendje ta shohësh xhinin tim përcjellës (Abdul-Hadiun), por a je në gjendje ta shohësh edhe përcjellësin tënd?”









“Mu ashtu siç nuk je në gjendje ta shohësh përcjellësin tënd, në të njëjtën mënyrë nuk jam në gjendje as unë për ta parë timin”.





“Subhanallah!” – thashë.” Vallë, po a nuk jeni xhinë ti dhe përcjellësi yt?”









“Subhanallah!” tha ai. “Ai është një lloj krejt tjetërfare. Përcjellësit janë të një lloji të veçantë të xhinëve, të cilët quhen “xhinë të kuq”. Ata janë më subtilë se ne dhe ne mund t’i shohim ata në vetëmse një rast, e ky është, po qese ndonjërin nga ne e ngërthejnë xhinët apo e kanë pirë ujin, në të cilin është bërë sihri”.









“Njësoj si te ne njerëzit”?











“Plotësisht njësoj”, tha ai. “edhe te ne ekzistojnë sihribazët, të cilët janë shumë më të këqinj e më të rrezikshëm se ata tuajt. Ndërkaq, rregullat janë të njëjta. E gjithë ajo që vlen për ju vlen edhe për ne, për dallim që ju muk mund të na shihni, veç situatave që tashmë i kam përmendur”.









I habitur, e pyeta:” Kjo do të thotë se xhini mund ta magjepsë e ta sulmojë vet xhinin (tjetër)?”









“Posi”, tha ai.”Në botën tonë kjo gjë është prezente me përmasa të mëdha”.







“E, a ke pasur ti rast të shohësh ndonjë rast të tillë?”









“Kam pasur. Kam qenë në një situatë kur isha duke e shëruar një njeri nga sihri, me ndihmën e përcjellësit të tij. Atëherë zbulova se edhe përcjellësin e tij e kishin ngërthyer e sulmuar gjashtë xhinë të tjerë. Unë, gjat bisedimit, ndërsa njëri prej tyre fliste në gjuhën urde, tjetri në arabishte e kështu me radhë, ia dola ta shëroj, megjithëse pata shumë mundim e komplikime”.





vazhdon (mes tjerash) me:





PËRGËNJESHTRIMET LIDHUR ME SPIRITUALIZMIN





!!!

[4peace]

vazhdim...







PËRGËNJESHTRIMET LIDHUR ME SPIRITUALIZMIN













E pyeta: “ A i përngjan përcjellësi njeriut përnga pamja? (për të cilin është i obliguar të angazhohet)?”









“Logjikisht që nuk i përngjan, sepse ai është xhin. Mirëpo, meqenëse ai është parreshtur me të, ateherë mund të shndërrohet me lehtësi në figurën dhe tiparet e tij po qe se do ta nxiste dikush për ta bërë këtë. Ai mund ta imitojë edhe në të folur, prandaj pohon se ai është shpirti nga bota e Berzehut, për t’iu përgjigjur thirrjes së atij që e ka ftuar me qëllim që t’i përgjigjet pyetjeve të shtruara. Ai madje mund ta imitojë në tërësi shkrimin e tij”.









“Në rregull”, i thashë. “Unë e di se thirrja e shpirtërave është një gënjeshtër e kulluar dhe trillim dhe se shoqatat shpirtërore (spiritualiste) që merren me to, përhapin vetëmse gjepura (trillime) e gënjeshtra, të cilat nuk kanë asgjë të përbashkët me islamin apo me religjionet tjera. All-llahu i Lartmadhëruar xh.sh. qysh heret i ka ndërprere polemikat për shpirtin, për të cilën flasin fjalët e Tij: “Nëse të pyesin ty për shpirtin, thuaju se shpirti është çështje vetëm e Sundimtarit tim”. (35) (El-Isra; 85)









Berzahu është faza e parë e xhennetit apo xhehennemit. Muhammedi a.s., ka thënë: “Kaburi është ose kopsht i xhennetit ose humnerë e xhehennemit”. (37) Prandaj, Berzahu është sekret dhe njerëzit nuk kanë mundësi ta njohin dhe nuk iu është mundësuar asnjë kontakt me atë botë, përveç nëpërmjet ëndërrave të bukura... Pas kësaj hyrjeje të shkurtër, a don të t’i tregoj disa fotografi të seansave të “spiritualizmit modern”, lidhur me atë që e quajnë “trupëzim (mishërim) të shpirtërave”?









“M’i trego”, më tha ai.









“Ç’mendon për këto dy fotografi?” (ia tregova disa fotografi të rralla të disa personave, nga goja e të cilëve sapo dilnin disa koka të individëve, të cilat nuk kam mundësi t’i tregoj në këtë libër).









Miku im më vështroi i çuditur e më tha: “Të betohem në Zotin se në këtë person kanë hyrë kushedi sa xhinë. Vështruar nga poshtë, vërehen se janë pesë prej tyre, të cilët janë inçizuar në momentin e shndërrimit të tyre”.









“A je i sigurtë se këta janë xhinë?”









Ai për këte m’u drejtua: “Të betohem në All-llahun e Lartmadhëruar se këta janë xhinë. Vallë, a ekziston ndonjë xhin që nuk e njeh popullin e vet dhe mundësitë e tij?” Pastaj, i habitur, nisi të pyesë: “Si ia ka dalur njeriut ta inçizojë këtë?”









I thashë: “Me ndihmën e kamerave sensibile. Ka ardhur koha, miku im, kur njeriu e dëshmon superioritetin e tij në Tokë, dhe mendoj se përmes kësaj diturie do t’ia dalin të sundojnë gjithçka”. Pastaj vazhdova. “E çfarë thua për këto fotografi?” (Ia tregova fotografinë tjetër të parëndomtë).









“Kjo është fotografi e shndërrimit të xhineshës”.









“Por ajo duket sikur të ketë qëndruar gjat në një formë të tillë të shndërrimit!?”









“Kjo është e mundur po qe se ekziston marrëveshja ndërmjet saj dhe sihribazit që e ka nxitur. Midis tyre është vendosur një besim i fortë dhe, kurdo që të ekzistojë një besim i tillë, atëherë xhinit i mundësohet për të mbetur për një kohë të gjatën në formën që është shndërruar (mishëruar)”.









“A është ky ndonjë përjashtim nga rregullat e përgjithshme?”









Duke qeshur, thotë: “Po, pra”.







“Po ç’mendon për këtë koleksion fotografishë?” (Ia tregova më shumë koleksione fotografishë, gjithashtu të parëndomta).









Kurse xhini musliman tha: “Të betohem për të dytën herë në All-llahun xh.sh. , se në të tëra këto fotografi janë vetëm xhinët, të cilët janë inçizuar gjat momentit të shndërrimit të tyre. Ata që trillojnë gënjeshtra për All-llahun, ngulmojnë se këta janë shpirtëra. E, për të të bindur se ato janë trillime dhe se këtu nuk kemi të bëjmë fare me shpirtëra porse është fjala për xhinë, atëherë le të kërkojë ai po nga ai shpirt që të sjellë ndonjë gjësend nga ajo botë ku gjendet momentalisht ai, si, bie fjala, ndonjë fije bari, ndonjë bimëz a diç të ngjashme me to:”









“Unë e di se këtu kemi të bëjmë me xhinë por kam dashur që bota ta dëgjojë nga vetë xhinët ngulmimin e gënjeshtrave dhe trillimeve të tyre”.









Ai, pas kësaj, më tha: “Do të të them diçka shumë të rëndësishme...Të gjitha bisedat që janë bërë me xhinët, e të cilët ngulmojnë se janë shpirtëra dhe se janë kthyer nga bota tjetër, janë gënjeshtra të kulluara, meqenëse te xhinët dhe shejtanët gënjeshtra qarkullon në gjakun e tyre mu ashtu siç qarkullon oksigjeni në gjakun tuaj. Po të mos isha besimtar i sinqertë, këtë gjë nuk do ta kisha thënë kurnjëherë. Shejtanët kanë aftësi për t’i bindur me diç të tillë vetëmse ata që janë të dobët në besim”.









vazhdon (mes tjerash) me:





TRILLIMET PËR SHFAQJEN E MARIJES SË VIRGJËR







!!!

[4peace]

>>>>>>>>>>>>>>>>>>>









TRILLIMET PËR SHFAQJEN E MARIJES SË VIRGJËR











Ai, pak më vonë, vazhdoi: “Në emër të All-llahut të Lartmadhëruar xh.sh., do të të tregoj diçka edhe për trillimin te të krishterët për shfaqjen e Marijes së virgjër, e cila i shëron të sëmurët. Të betohem me All-llahun e Madh xh.sh., se ajo që paraqitet në fytyrë e figurë të Marijes së virgjër apo të ndonjë të shenjtit tjetër të tyre – është xhin a shejtan, i cili e njeh mjekësinë. Kurse, si dëshmi që po e them të vërtetën unë po e sfidoj, provokoj dhe po e thërras te ndonjë shejh musliman, i cili është “dijetar” i mirë e i devotshëm, që është në gjendje t’i robërojë (xhinët e shejtanët) duke e kënduar Ajetul-Kursijen, nëse janë të shndërruar, apo t’i përzëjë ata, nëse përpiqen të bëjnë shaka me të. Ndërkaq, prej Ajetul-Kursijes nuk frikësohet e nuk ikën askush përveç gënjeshtarit”.









“Ç’mendon për operimet, të cilat i kryejnë kryesisht me sukses?” – e pyeta.









Ai, në lidhje me këtë, m’u përgjigj: “Kjo është gjë fare e thjeshtë dhe e lehtë për kirurgët xhinë. Te ne xhinët, ekzistojnë ekspertë më të mëdhenj e më të mirë në mjekësi se sa te ju. Kurse të tillë ekzistojnë në çdo vendbanim, pavarësisht se ku jetojnë a cilit besim i takojnë. Këta duan të dëshmojnë se feja e krishterë është e vërtetë, i qofsha falë All-llahut që më nxorri nga ajo!” (Pastaj buzëqeshi, duke vazhduar bisedën). Do të të them edhe diçka. Te ne në Indi, ekziston zjarri, të cilin e quajnë “zjarr i shenjtë”. Shkon djaloshi, prej atyre që i besojnë lopës, duke dashur të privohet nga jeta e vet, dhe hidhet në atë zjarr. Pas njëfarë kohe, shfaqet shejtani në figurë dhe fytyrë të tij, duke iu drejtuar familjes së tij: “Unë gjendem në një begati të madhe”, dhe vazhdoi të gënjejë sa që, po të mos i frikësoheshin çdonjëri prej tyre vdekjes, do të ishin hedhur me ëndje në atë zjarr”.





vazhdon me...





SIHRET DHE SIHRIBAZËT











SHNDËRRIMI I XHINËVE NË FIGURË NJERIU

SËMUNDJET DHE MJEKIMI







!!!

[4peace]

>>>SIHRET DHE SIHRIBAZËT<<<





SHNDËRRIMI I XHINËVE NË FIGURË NJERIU

SËMUNDJET DHE MJEKIMI





Kjo është kaptina më e rëndësishme e këtij libri. Këtu kam përfshirë shkurtimisht të gjithë atë më kryesoren, të cilën e kam mësuar mbrenda tre muajsh duke qenë i shoqëruar me xhinin musliman. Këtu ka gjëra për të cilat do të mund të shkruaja një vëllim të tërë.


Por këtë, me vullnetin e Zotit, do ta bëj në librin e ri, të cilin e kam ndërmend ta shkruaj pak më vonë. Këtu, në pika të shkurtëra, do t’i spikas vetëm ato më të rëndësishmet.





SIHRI DHE SIHRIBAZËT





Sihri është një lloj më vete i së ligës e të cilin, All-llahu i Lartmadhëruar, ka dashur që të ekzistojë në botë, në mënyrë që me të t’i sprovojë njerëzit, por të cilën nuk e preferon, kështuqë ua ka ndaluar njerëzve rreptësisht që ta bëjnë këtë.


Shkurt, sihri është akt, të cilin e bën personi përkatës, i cili i posedon kushtet e caktuara, në rrethana të jashtëzakonshme dhe përgatitjet në mënyrë misterioze e të panjohura, me qëllim që t’i shkaktojë telashe ndonjë individi a grupi të caktuar njerëzish.


Sihri është rrezikshmëri. Ai bëhet me qëllim që t’iu mirret dëshira ndonjë personi – me të cilën e ka nderuar All-llahu xh.sh, e në bazë të së cilës do të jetë i shpërblyer apo i ndëshkuar, sikundër edhe futjen (e këtij personi) në fanitje të ndryshme, në mënyrë që t’i duken gjërat krejt ndryshe nga se janë në të vërtetë. Prandaj, sihri nuk e ndërron gjendjen e vërtetë të gjërave, porse vetëm e ndryshon në pamje tjetër nga ajo çfarë janë në realitet. Ekziston dallimi qenësor midis mu’xhizes (mrekullisë) dhe sihrit. Mu’xhiza (mrekullia) në tërësi ndryshon gjendjen reale të gjërave dhe objekteve përkatëse, ndërkaq, nga ana tjetër, sihri nuk e ndryshon realitetin e tyre por vetëmse e shfaq të ndryshuar. Kështu, shkopi i Musait (Moisiut), është shndërruar me të vërtetë në gjarpër të mirëfilltë, i cili i ka gëlltitur litarët e sihribazëve, të cilët shikuesve iu dukeshin si gjarpërinj. Magjistarët, të cilët nuk e kishin magjepsur veten. Litarët e tyre nuk iu dukeshin si gjarpërinj por e kishin parë gjarpërin, i cili ishte shndërruar nga shkopi i Musasë, se si i gëlltiste litarët e tyre.


“E sihribazët ranë në sexhde, duke folur: Ne besojmë në Sundimtarin e botërave, Sundimtarin e Musasë (Moisiut) e të Harunit (Aronit)”.(38)





vazhdon me:


RREZIKU NGA SIHRI



!!!

[4peace]

RREZIKU NGA SIHRI





Përveç asaj që sihri paraqet halucinacion dhe dukje të mbrapshtë, ai ndikon në mënyrë negative edhe në organizmin e njeriut me mundësi shkaktimi të një sërë sëmundjesh si çrregullime psikike, madje edhe vdekje, po qe se me to binden shejtanët dhe detyrohen të hyjnë (depërtojnë) në personin përkatës. Mirëpo, janë çbërë me dhjetra lloje të sihrit, me dëshirën e All-llahut, me ndihmën e xhinit musliman, nga të cilat kanë qenë të bëra sihre të tilla, të cilat mund t’i shkaktojnë çmenduri personit të caktuar, ndërsa të tjerat janë të një intensiteti diç më të dobët, megjithëse edhe këto janë mjaft të rrezikshme.






QËNDRIMI I ISLAMIT PËR SIHRIBAZËT





All-llahu i Lartmadhëruar xh.sh, thotë: “dhe udhëhiqen me atë që thonin shejtanët për mbretërine e Sulejmanit (Salomonit). E Sulejmani nuk ishte mosbesimtar, - shejtanët janë mosbesimtarë duke i mësuar njerëzit për magji mbi atë që u zbriti në Babil dy engjujve, Harutit e Marutit. E, ata të dy nuk ia mësonin (magjitë) askujt, para se t’i thonë: “Ne jemi vetëm një sprovë, pra mos u bëj afetar. E njerëzit i mësonin (prej këtyre dyve) magjitë me të cilat e ndanin gruan prej burrit, por pa lejen e All-llahut; me atë nuk mund t’i bënin askujt dëm, dhe ashtu mësonin çfarë u sillte dëm e nuk u sillte doni atyre. E, ata (çifutët) e dinin që nga e tërë kjo nuk do të kishin kurrfarë besimi. Sikur ta dinin se për çfarë e shitën vetveten, ajo është shumë më e keqe”. (El-Bekare, 102)




Ky tekst i Kur’anit pohon qartë se sihri nuk është besim dhe se është i pafe sejcili që mirret me sihër dhe e bën atë. Po të mos ishte kështu, atëherë për çfarë arsye do ta kishin tërhequr vërejtjen Haruti e Maruti: “Ne jemi vetëm sprovë, pra, mos u bëni afetar!”.




Miku im thotë:[i] “Të jesh i sigurt se sihribazi është orakull – i pafe. Kush merret me sihre është jobesimtar. Sihribazi i thërret shejtanët dhe xhinët me fjalë, të cilat, në parim janë përplot jobesimtari e kulluar dhe shirk. Ndërsa veprimet që i bën ai me këtë rast, thënë më së buti, janë të paqena dhe të ndyta. Në të shumtën e rasteve krijohet marrëveshja midis sihribazit dhe xhinit a shejtanit, në mënyrë që ky i fundit, si kundërshpërblim t’i krijojë mundësinë për të bërë çka të dojë. Edhe kështu ndodh. Sihribazi urdhëron kurse xhini, gjegjësisht shejtani, kryen (zbaton) atë çfarë kërkon ai (njeriu) prej tyre”.




“E, nëse sihribazi do të donte ta ndërprejë kontratën?”




“Në këtë rast xhini, gjegjësisht shejtani, do të përpiqet t’i hakmerret në atë mënyrë që t’ia verbojë syrin apo edhe ta vrasë. Ai këtë nuk do të kishte qenë në gjendje për ta bërë, po qe se sihribazi nuk do të pendohej sinqerisht e t’i kërkojë mbrojtje All-llahut të Lartmadhëruar xh.sh., e Ai t’ia pranojë pendimin dhe ta marrë atë në mbrojtje”. Pastaj vazhdoi: “Të betohem në Zotin se ekzistojnë sihribaze (femra) dhe fallxhesha, të cilat i kushtëzojnë xhinët a shejtanët për t’iu ndihmuar që me ta të kryejnë marrëdhënie seksuale”.




“Dhe, ato kanë kryer marrëdhënie normale (seksuale)?”




“Po”[/b], tha ai. “Ai, herë-herë i futet asaj në mitër dhe kryen me të marrëdhënie seksuale dhe, herë-herë inkarnohet (shndërrohet) në figurë njeriu, në mënyrë që të ketë marrëdhënie normale (seksuale) me to, sikurse me njeriun. Në marrëdhënie të këtilla ndiejnë kënaqësi që të dyja palët, ndonëse ajo nuk mund të ngelë shtatzënë, për arsyet që tashmë i kam përmendur”.




“T’i kthehemi tash marrëveshjes ndërmjet sihribazit dhe shejtanit, gjegjësisht xhinit”.




“E, ç’të intereson nga kjo?”




“Më intereson rezonimi yt lidhur me këtë kontratë”. (Me këtë rast ia tregova një marrëveshje të shkruar.)




I lemeritur nga habia, xhini musliman tha: “Dorëshkrimi është i njeriut, ndërsa vula është e xhinit”.




“Ai (sihribazi) pohon se kjo vulë është e zëvendësit të Iblisit, i cili quhet “Esmodios”.




Xhini musliman tha: “Xhinët bëjnë shaka me njerëzit. Kjo nuk është vulë e zëvendësit të Iblisit, madje as e Ifritit, i cili është ndër xhinët më të fortë. Kjo është vulë që i përket xhinit të rëndomtë, Maridit, të cilin, po të kem rastin për ta takuar, do të mund ta shkatërroja”.


vazhdon me:


E VËRTETA PËR MAGJISTARIN AMERIKAN DEJVID KOPERFILD



!!!

[LLapijani]

Zoteri i nderuar shume me ka pelqyer ky shkrimi i yte pore ne funde shkeruan se do te shkeruani per magjistarin Amerikan Dejvid Koperfilldte lutem na trego se kure do te filloni te shkeruani edhe me tutje te pershendet LLapijani.

[Besiana]

Edhe mua me ka pelqye kjo teme shume me intereson se a dote vazhdoni me tutje te shkeruani ne lidhje me kete teme a ka vazhdim ajo dhe me shume se qka ashte puna e magjistarit amerikan Dejvid Koperfilld.

[4peace]

Pershendetjet me te sinqerta nga une Besiana e LLapijani


Me falni qe qenkam vonuar per njer kohe. Megjithate me vie mire qe jeni te interesuar per kete teme. Ndaj dhe po ua plotesoj permenjehere deshiren ju te dyve e mbase edhe te interesuarve tjere.

Ca fjale, para se te filloj:
Edhe une e kam pare disa here ne TV David (Dejvid) Coperfieldin. Kam percjellur edhe te tjere por ky eshte me i njohuri, me i famshmi nder ata qe mirren me iluzion, meqe ky quhet me teper iluzionist se magjistar, megjithese per keto e gjera qe permenden te tekstet e mia mungojne shume shprehje adekuate...Qyshmoti kam degjuar se keta njerez, kur te fillojne te merren me kete pune e kane njefare kodeksi, nje lloj bese... me cka nuk guxojne t'ua deftojne fshehtesite e truqeve te veta njerezve te rendomte. Madje, sic kam marre vesh une, keta marrin edhe denime te renda ne rast se do ta benin nje gje te tille. Kete punen e ketij denimi e kam kuptuar vetem pasi qe e kam lexuar kete liber qe jam duke e postuar ketu. Me kete rast, meqe edhe une me te vertete kam qene i impresionuar nga disa truqe te Coperfieldit (ndoshta kane pasur rastin edhe ata qe jetojne neper vendet gjermanofone), e kam percjellur nje magjistar, i ashtuquajtur "magjistari me maske" ne TV RTL. Ky pra i tregonte, me kete rast edhe i tradhtonte nga shkaku se e thente kodeksin qe e permenda pak me pare, shume nga truqet e tyre se si behen ato. Prandaj edhe paraqitej cdo here me maske, ashtuqe te mus mund ta njohe askush. Rrezik jete apo jo? Madje edhe me keq?!

Ky liber me ka ndihmuar qe kete teme te mund ta njoh edhe me mire.


Lexim te kendshem!




E VËRTETA PËR MAGJISTARIN AMERIKAN DEJVID KOPERFILD





Në një ndërkohë, unë i thashë: “E kam parë në televizion magjistarin amerikan, i cili quhej Dejvid Koperfild, se si e bënte këtë e atë”.





Duke bërë me gisht në drejtim të televizorit në shtëpinë time, miku im sikur ta njihte atë, tha: “Mendon në atë djaloshin që po paraqitet në këtë aparat, i cili mbetet gjallë edhe pas shkatërrimit e që po ngritet në qiell pa asgjë?”





“Po”, i thashë. “Fjalën e pata për të”.




“Në botën e xhinëve, kjo është gjë e njohur! Ekzoston ndonjë marrëveshje (kontratë) ndërmjet tij dhe Ifritit, kurse Ifriti posedon me mijëra ushtarë, hiq pesë xhinët, të cilët janë të fuqishëm e me forcë të madhe”.




“Don të thotë se pranë tij janë gjashtë xhinë të mëdhenj plus me qindra të tjerë të rëndomtë?”





“Po”, tha ai. “Ata e ngrisin dhe e bartin. Atij, për t’u ngritur paksa në ajër, i nevojiten me mijëra xhinë. Përsa i përket asaj vajzës, të cilën e pret (ndanë në dysh me sharrë), ajo ndodh të jetë xhineshë e inkarnuar (shpërndërruar) në figurë të vajzës, e cila e lëshon arkën gjat kohës së prerjes së arkës dhe, pasi ta ketë bërë këtë (Dejvidi) ajo kthehet sërish”.




Pasi që i tregova një kopje të kontratës, e pyeta: “Në mos ndoshta ta ketë nënshkruar Koperfildi këtë kontratë?”






Xhini, i habitur, më pyeti: “Prej nga erdhi kjo”?





“Ma ka dhënë një musliman. Ai e kishte marrë nga një perëndimor... i cili paska thënë se kjo është ajo kontratë ndërmjet atij magjistari dhe Iblisit personalisht”.





“Jo, ore. Kjo nuk është e vërtetë”, tha ai. “Kjo është gënjeshtër e rëndomtë. Këto nuk janë as nënshkrimi e as vula e Iblisit. Është vështirë të lëshohet Iblisi në një shkallë të tillë për të nënshkruar kontratë me ndonjë njeri. Ai , për gjëra të tilla, e obligon ndonjërin nga ushtarët e vet duke e urdhëruar të gënjejë kinse ai vetë është Iblisi”.





“Po atëherë, cila është e vërteta këtu?”





“E vërteta është se kjo është kontratë e magjistarit me katër xhinë. Këtu po duken qartë katër vula e katër nënshkrime. Këta janë katër Ifritët”.





“E si e din ti këtë?”





“Vulla të tilla kam parë shpeshherë, madje edhe gjyshi im e kishte një vulë si këto”.





“Në cilën gjuhë është e nënshkruar kjo kontratë?”





“Nuk e di”, tha ai, “por , më duket se kjo është gjuha e vjetër greke”. (Sikur iu përkujtua diçka). “Të jesh i bindur se të ngjashmit me këtë magjistar nuk vdeksin me vdekje normale. Po qe se na e mundëson All-llahu për të qenë gjallë, do të shohësh se si do ta ketë fundin ai”.





vazhdon (mes tjerash) me


LLOJET E SIHRAVE (MAGJIVE)



!!!

[4peace]

LLOJET E SIHRAVE (MAGJIVE)





Sot, lloji më i përhapur i sihrit është ai, me anë të të cilit “hidhet” urrejtja ndërmjet një çifti bashkëshortor, në mënyrë që të vije deri te shkurorëzimi (divorci) i tyre. Pas kësaj vie ai lloj i sihrit, me të cilin pengohen marrëdhëniet seksuale të një çifti bashkëshortor e pas këtyre vie lloji i sihrit, me anë të të cilit ndonjë personi të caktuar i çrregullohet çdo përparim në punët e tij të përditshme, punët e tregtisë (afarizmi) e të ngjashme. Janë prezente edhe ato lloje të sihrit me të cilat bëhet pengesa e martesës së dy të rinjve beqarë (mashkull e femër). Pastaj vijnë lloje tjera që shkaktojnë çrregullime fizike e psikike te njerëzit gjegjës. Poashtu është i pëhapur edhe lloji i sihrit, përmes të të cilit nënshtrohen xhinët a shejtanët, duke i detyruar ata që të futen në mitrën e ndonjë femre (të martuar), në mënyrë që ajo të mos mund të lind fëmijë e të bëhet shterpë apo, ruana Zot, që në mitrën e saj të krijohet kanceri. Në ditët e sotme është gjithashtu i përhapur lloji i sihrit, me të cilin nënshtrohet xhini për t’u futur në mitër të ndonjë femreje (apo edhe në pjesët tjera të trupit) me qëllim që asaj t’i shkaktohen sëmundje të ndryshme në lëkurë, apo për ta bërë të shëmtuar e jotërheqëse për çdo djalë beqar që do t’i paraqitej asaj, kështuqë ajo për këtë shkak mbetet e pamartuar e lehonë.





LLOJI MË I RREZIKSHËM I SIHRIT





Sihri me të cilin çrregullohen marrëdhëniet seksuale ndërmjet çifteve bashkëshortore, fatkeqësisht është tejet e i përhapur në ditët e sotme, madje edhe në vet shtetet islamike. Dr. Ahmed Hixhazi Es-Seka e mohon dhe e përgënjeshtron një gjë të tillë si kjo. Për gjendje të tilla ai ka dhënë disa pikëpamje e shpjegime të veta, të cilat, fatkeqësisht, nuk kanë dhënë kurrfarë rezultatesh pozitive. Ai ngulmon se këto gjendje (situata) e dobësi momentale paraqiten si rezultat i ndonjë lodhjeje psikike apo brenge, me të cilat është dikush i preokupuar apo se fjala është për cfilitje fizike, paaftësi etj.




Me këtë rast dua të porosis fare qartë e zëshëm se një meditim i tillë është krejtësisht i gabueshëm. Shejhu Muhamed Mutevveli Esh-Sha’ravi, duke i shpjeguar shkaqet e çrregullimeve seksuale midis çifteve bashkëshortore thotë: “Xhini është në gjendje të inkarnohet (shndërrohet) në figurën e gruas së bukur, ndërkaq që burrit të saj t’ia paraqesë tejet të shëmtuar e krejt tjetërfare nga ajo që ajo e ka në të vërtetë pamjen e saj, kështuqë burrin fillon t’i shmanget e ta përbuzë”.




Kjo që vë në pah Shejh Esh-Sha’ravi është e vërteta por jo edhe e tërë e vërteta. Ekzistojnë dy lloje të sihrit, me anë të të cilëve shprishen (çrregullohen) marrëdhëniet seksuale ndërmjet bashkëshortëve.




Xhini musliman thotë: “Ekziston pengimi i marrëdhënieve seksuale pa nënshtrimin e xhinëve. Ky lloj i sihrit është shumë i rrezikshëm. Ky e mbyt tërësisht epshin seksual te njëri apo te të dy bashkëshortët. Ndërkaq, ekziston edhe lloji tjetër i sihrit, me të cilin nënshtrohen xhinët në personin përkatës, me qëllim që t’ia frenojnë ndiesinë dhe në këtë mënyrë t’ia mbysin (dëmtojnë) qendrën e trurit (që ka si funksion) për kënaqësi seksuale”.




“Cili është ilaçi për këtë?”




“Një lloj i ilaçit është për rastin e parë e një tjetër për llojin e dytë të sihrit. Te lloji i parë, sihri duhet të gjendet e të cbëhet apo të lutet All-llahu i Lartmadhëruar xh.sh, që me fuqinë e Vet ta shkatërrojë, në rast se nuk jemi në gjendje ta gjejmë ne vetë. Te lloji i dytë duhet doemos të përzohet (ndërhyjë) xhini, i cili është i nënshtruar (detyruar) për ta bërë frenimin e ndiesisë seksuale”.




vazhdon (mes tjerash) me:


MËNYRA E ZBULIMIT TË SIHRIT DHE E PRANISË SË XHINIT NË ORGANIZËM



!!!

[4peace]

MËNYRA E ZBULIMIT TË SIHRIT DHE E PRANISË SË XHINIT NË ORGANIZËM





E pyeta mikun tim: “Si mund ta vërejmë kur te ndonjë person është (prezent) sihri dhe kur është (ai) i sulmuar nga xhini?”




Ai tha: “Personi, tek i cili gjendet sihri, ndien se i shfaqet diçka pa pandehur siç është, bie fjala, ta urrejë papritmas bashkëshorten e vet, megjithëse në momentin paraprak e ka dashur shumë dhe këtë e bën pa asnjë arsye. Apo i paraqitet papritmas dhembje e madhe në ndonjë pjesë të trupit. Në këto raste kemi të bëjmë kryesisht me llojin e sihrit ku është i nënshtruar xhini (a shejtani) dhe me llojin më të rrezikshëm të xhinit.


Përsa i përket personit që është sulmuar a ngërthyer nga ana e ndonjë xhini, tek ai janë simptomatike dy gjendje. Personi gjegjës fillon përmenjëherë të mbyllet në vetvete e të izolohet nga bota apo, papritmas, bëhet njeri i shoqërueshëm ku për shoqëri të veten e tërheqin ekskluzivisht shoqëritë e këqia. Simptomet tjera te një person i tillë janë edhe këto: Atij i skuqet apo i nxihet kohëpaskohe fytyra a ndonjë pjesë e saj, ëndërron ëndërra të llahtarshme e tepër shqetësuese. Bie fjala: Personi gjegjës jo rrallë sheh (ëndërr) duke rënë nga ndonjë lartësi e madhe, ndien frikë të madhe në vete, ndien dhembje të padurueshme në një a disa pjesë të trupit të vet, flet fjalë të çuditshme e të panjohura, etj.


Për çdo rast, ekziston mënyra e të verifikuarit nëse te ai person është fjala për sihrin, sulmin nga xhini apo kemi të bëjmë me ndonjë sëmundje natyrore”.



“E në ç’mënyrë mund të bëhet kjo?”




Ai tha: “Thuaje duanë në shuplakën tënde, si vijon:

1. Dhjetë ajetet e fundit të sures...
2. Njëzet e dy ajetet e fundit ...
3. Dy suret: El-... dhe En-...


Në momentin kur je duke i “kënduar” këto, vendose shuplakën e djathtë në gojë. Pasi ta kryejsh këtë, vendose shuplakën para syve të të sëmurit dhe kërko nga ai të shikojë në shuplakën tënde. Në rast se nuk është në gjendje ta shikojë shuplakën por fillon të ndiejë alivani (të fikët), kokëdhembje, dridhje të qepallave të syve, dora yte t’i duket e kuqe a e zezë, në shuplakën tënde i sheh dy kryqa, ndien ngrohtësi (temperaturë të lartë) në kohë apo nëse i shfaqet çfarëdoqoftë shenje tjetër pa pandehur e befasisht – në këtë rast duhet të jesh i sigurtë 100% se te ky person kemi të bëjmë me sihër, sulm nga xhini apo që të dyjat së bashku”.




vazhdon (mes tjerash) me:


SHËRIMI NDAJ ÇRREGULLIMIT TË MARRËDHËNIEVE SEKSUALE NDËRMJET BASHKËSHORTËVE



!!!

[4peace]

-vazhdim-


SHËRIMI NDAJ ÇRREGULLIMIT TË MARRËDHËNIEVE SEKSUALE NDËRMJET BASHKËSHORTËVE





“E cila është mënyra e shërimit të atij personi, tek i cili është bërë sihri?”



“Mënyra më e mirë dhe më efikase është që, po qe se është e mundur kjo, të gjindet sihri dhe të çbëhet”.




“Po, nëse nuk është e mundur të gjendet, si mund të shërohet atëherë, përmes Kur’anit?” – e pyeta.




Ai ma ktheu: “Ekzistojnë mënyra të shumta, me ndihmën e All-llahut. Mënyra më e njohur është ajo me të cilën shërohet lloji më i rrezikshëm i sihrit. E ky sihër është ai që i çrregullon marrëdhëniet seksuale ndërmjet bashkëshortëve:


1) Merri shtatë gjethe të lotosit të gjelbër, shtypi (imtoi) me gur, mjet të metaltë apo ndonjë mjet tjetër të fortë, në mënyrë që të bëhen pluhur.


2) Këtë pluhur të gjethes së lotosit fute në një enë të madhe dhe mbushe me ujë, ashtu që të ketë mjaft si për të pirë nga ary, ashtu edhe për t’i pastruar (larë).


3) Fute gishtin tënd të djathtë në atë ujë (të përzier) me pluhur lotosi.


4) Afroju me gojë atij uji dhe “këndo” (recito) në të, me sa vijon:


- Ajet..
- Suren El-...
- Suren ...
- Suren ...
- Suren ...
- Ajetet për sihrin nga sure-ja El-..., ajetet 17 e 19.
- Ajetet për sihrin nga sure-ja ..., nga ajeti 79 deri tek ajeti 82.
- Ajetet për sihrin nga sure-ja ..., që nga ajeti 65 e deri tek ajeti 69.


Këtë ujë personi gjegjës duhet ta pijë e të lahet shtatë ditë me të. Me ndihmën e All-llahut, pas kësaj (periudhe shtatë ditëshe) nuk do të ngelë kurrfarë gjurme nga sihri”.







FUTJA E XHINIT (MBRENDA) NË NJERI





Ngandonjëherë njeriu çuditet, kurse unë vetë nuk jam çuditur dhe (nuk) kam pyetur për atë se në çfarë mënyre mund të hyjë xhini a shejtani në trupin e njeriut. Mirëpo, unë jam bindur se ai, jo vetëm që mund të hyjë në të porse edhe të strehohet (të banojë) në ndonjërën nga pjesët e trupit të njeriut.


Kjo nuk do të duhej të na habiste, veçanërisht në atë rast kur ta kemi parasysh hadithini e Pejgamberit a.s., të cilin e ka transmetuar Safija, e bija e Hajjit, në të cilin thuhet: “Me të vërtetë shejtani sorrollatet nëpër qarkullimin e gjakur të njeriut”. (34)




Sipas kësaj, ai është në gjendje të sorollatet e të vërtitet në organizmin e njeriut njësoj sikurse sorrollatet rryma nëpër tela. Disave prej tyre iu shkon ndoresh për ta okupuar (ngërthyer) njeriun deri në atë masë, sa që mund t’i shkaktojnë çmenduri, t’ia marrin mendjen tërësisht apo tërësisht t’ia marrin dikujt dëshirën (vullnetin për të bërë diçka) dhe mendjen. Që të gjitha këto situata që i përmenda pak më parë, unë i kam parë dhe i kam përjetuar edhe vetë.


vazhdon (mes tjerash) me:


ARSYET PËR TË CILAT XHINËT I RRËMBEJNE DHE I SULMOJNË NJERËZIT


!!!

[4peace]

-vazhdim-


ARSYET PËR TË CILAT XHINËT I RRËMBEJNE DHE I SULMOJNË NJERËZIT





E pyeta mikun tim: “Cilat janë arsyet që xhinët t’i rrëmbejnë e sulmojnë njerëzit?”



“Për këtë ekzistojnë shkaqe të shumta. Kryesori dhe themelori është shprishja e njeriut. Muslimani i cili tëhuajësohet nga feja e vet, e lë anash përkujtimin në All-llahun dhe bën harame (mëkate), është si terren shumë i përshtatshëm për rrëmbimin dhe sulmin nga ana e shejtanëve e xhinëve të rëndomtë apo Ifritëve. Arsye për këtë mund të jetë edhe ajo që njeriu, duke e mos ditur (pa dashje) për këtë, ta ketë lënduar ndonjë xhin. Bie fjala, njeriu gjuan diçka të rëndë në ndonjë vend, pa e “kënduar” Bismilahin, e aty qëllon xhini dhe në këtë rast lëndohet xhini. Apo ndokush derdh ujë të nxehtë në kanalizim, pa e pasë “kënduar” Bismilahin, e aty (mbrenda në kanalizim) të qëllojnë fëmijët e xhinit a shejtanit e kështu që ata me këtë rast të përvëlohen apo çbëhen. Në rastet e këtilla, xhinët a shejtanët e shfrytëzojnë çdo moment me qëllim hakmarrjeje ndaj atij personi që i ka bërë këto. Në rast se ky person qëllon i dobët në besim dhe larg nga dhikri, ata e rrëmbejnë. Arsye tjetër mund të jetë edhe ndonjë rast kur ndonjë xhin dashurohet në ndonjë femër përkatëse. Kjo iu ndodh rëndom atyre grave që janë të zbuluara dhe të stolisura tej mase.



Me këtë rast do t’i kisha thënë dy gjëra me rëndësi. E para ka të bëjë me ato gra të cilat vëjnë llak nëpër gishtërinj. Kur ndonjë nga femrat vë llak në thonj, atëherë kur të marrë abdes (bëj pastrim ritual) apo të lahet, uji nuk ka mundësi depërtimi nën atë llak. Në këtë rast, abdesi apo larja e të njëjtës, nuk i vlen. Nga ana tjetër, kjo do të thotë se ajo shkon e papastër dhe për këtë të mos jetë fare e vetëdijshme. Xhinët a shejtanët e shfrytëzojnë një situatë të tillë për rrëmbim e sulm. Fytyrën e grave të bukura, All-llahu xh.sh., e fsheh nga shikimet e xhinëve a shejtanëve, kështuqë ata të mos mund të dashurohen në to apo t’i rrëmbejnë ato e as të mund t’ia bëjnë ndonjë të ligë tjetër.


E dyta ka të bëjë me dobësinë e njeriut gjat sutuatave kur ka dhembje të madhe apo gëzim të ekzagjeruar. Këto janë çaste jashtëzakomisht të volitshme për xhinët a shejtanët për ta bërë rrëmbimin e tij mu në ato çaste.


vazhdon me:


SHPORRJA APO ÇBËRJA E XHINIT


!!!

[4peace]

<vazhdim>



SHPORRJA APO ÇBËRJA E XHINIT





“E, si është e mundur të bëher shporrja e xhinit apo çbërja e tij, kur ata e rrëmbejnë ndonjë person dhe nuk duan ta braktisin atë?”


Miku im, tha: “Para së gjithash, ai që merret me shporrjen e xhinit a shejtanit, duhet t’i plotësojë disa kushte të caktuara, siç janë:

- të jetë i nënshtruar Zotit
- të mbështetet sinqerisht në All-llahun xh.sh.,
- t’u përmbahet të gjitha parimeve të islamit
- të jetë me abdes që nga vendi prej nga shëron dhe
- t’i heqë të gjitha fotografitë e statujat, nëse i ka, meqenëse ato u japin forcë (energji) xhinit a shejtanit.


Nëse është fjala për femrën e sëmurë, le ta urdhërojë që të mbulohet dhe të marrë abdes, e në kokë t’ia vë mus’hafin, në mënyrë që xhini të mos tentojë të dalë përmjet syve të saj e kështu ta lëndojë. Poashtu, një mus’haf, mund të vendoset në gjoksin e të sëmurës. Nëse te e sëmura ka më tepër xhinë, është e nevojshme që dikush t’ia mbajë këmbët...


Pasi që të jenë plotësuar kushtet e përmendura, atëherë fillon faza shëruese. Ai që e kryen aktin e të shëruarit, duhet ta vendosë shuplakën e dorës së tij të djathtë në kokën e të sëmurit, kurse në veshin e djathtë të tij “të këndojë” me sa vijon:


1) Fatihanë
2) Katër ajetet e para të sures El-Bakare,
3) Ajetull-Kursijen, një ajet para dhe një pas saj,
4) Katër ajetet e fundit të sures El-Bekare,
5) Nëntë ajetet e para të sures Ali_Imran,
6) Ajetet e 18 e 19 të sures ...,
7) Prej sures En-Nisa, nga ajeti 115 e deri te ajeti 121.
8) Ajetet 54 e 55 të sures El-A’raf,
9) Ajetet 115, 116,117 e 118 prej sures El-Mu’minum,
10) Dhjetë ajetet e para të sures Jasin,
11) Dhjetë ajetet e para të sures Es-Safat,
12) Tre ajetet e para të sures ...,
13) Gjashtëmbëdhjetë ajetet e para të sures Er-Rrahman,
14) Katër ajetet e para të sures El-Xhin dhe
15) Suren El...
16) Suren El...
17) Suren El...
18) Suren El...
19) Suren El...
20) Suren El...
21) Suren En...
22) Suren...
23) Suren ...
24) Suren ...dhe
25) Suren...


Pastaj, miku im, xhini musliman, vijoi: “Ai, gjatë “të kënduarit”, mund ta mallkojë shejtanin a xhinin e mundet, në frymën e hadithit, “të këndojë” dua kundër tyre, kështuqë, nëse është ndonjë (xhin a shejtan) i dobët, ai mund të flasë. Poqe se flet (xhini o shejtani), ai është i obliguar që t’i nxisë në islam. Ndodh që All-llahu xh.sh, me sebepin e Tij, ta udhëzojë (në islam), po qe se ai (xhini a shejtani) mbetet i ndërlidhur me pabesim, nuk guxoni ta vrisni për këtë rasye. Le t’i kujtohen fjalët e All-llahut të Lartmadhëruar xh.sh.: “Nuk ka dhunë në fé”.




Poqese qartësohet se dëshiron të dalë dhe ta lëshojë atë (trupin), urdhëroje që të dalë përmes gishtit të majtë të këmbës së majtë, pastaj merre një gjilpërë dhe me të shpoje gishtin tri ose katër herë, në mënyrë që të dalë prej ndonjërës nga ato vrima, pasi që më parë të jesh i bindur se është penduar për shkak të dhunës që e ka ushtruar kundër atij personi”.




“Po qe se do të jetë i dobët dhe nuk do të dëshirojë të flasë, si do të dihet se e ka lëshuar trupin e personit gjegjës?”





“Me ndihmën e All-llahut, kjo është e lehtë për t’u hetuar”, tha ai. “Të “kënduarit” e mëparmë përsërite edhe një herë dhe, po qe se i sëmuri do të ndiejë ende marramendje, dhembje të kokës, ndonjë mundim në gjoks, ngulfatje, dridhje në trup a në ndonjërën nga pjesët e trupit, nëse i sëmuri tenton t’i vendosë duart në sy (sepse xhini a shejtani i kërcënohet se do t’ia nxjerrë sytë, prandaj duhet ta pengosh që t’i vendosë duart në sy!!!), atëherë ta dijsh se xhini (a shejtani) gjindet ende në trup të të semurit dhe se të ka gënjyer. Në këtë rast mund ta çbësh në atë mënyrë që në një gotë uji të “këndosh”:
- Ajetul...,
- Dhjetë ajetet e para të sures Es... dhe të sures .... dhe En... dhe
- Ia jep të sëmurit atë ujë për ta pirë


Ai (xhini), me ndihmën e All-llahut, do të çbëhet. Është mirë që të sëmurit t’i përsëritet për disa herë “të kënduarit” në gotën me ujë e t’i jipet pakëz ujë i njelmët, në mënyrë që ta hedhë me të vjellura xhinin e çbërë nga barku i tij. Nëse nuk e vjell atë, atëherë ai (xhini i çbërë) do të dalë jashtë gjatë kryerjes së nevojës së madhe”.


vazhdon me:


KËSHILLAT ISLAME



!!!