Schumaher alias Bajrush Xhemaili pinoter i klikes se Thaçit marrin jetra njerzish..

[GjIlAnAsI_cSi]

Njerzit arrogante te Thaçit mbysin te rinjet ne qender te Prishtines,

ngushellime familjes,sherim te mire te tjerve dhe zoti qofte me ju

Shkrim nga "gazeta express"


http://www.gazetaexpress.com/index.p...o/8227/C4/C15/

Aksident me një viktimë
Me veturën e tij zyrtare, Bajrush Xhemaili, kryetar i Ferizajt, ka humbur kontrollin duke goditur disa vetura në Veternik. Me këtë rast janë lënduar Xhemaili dhe pesë persona të tjerë. L. Rr., ka ndërruar jetë në orët e pasdites, pasi nuk ka mundur t`iu bëjë ballë lëndimeve.


Nga Nebih Maxhuni më 21.05.2009 në ora 10:22

Zyrtarët e QKU`së kanë konfirmuar për Express se L. Rr ka ndërruar jetë të enjten në mbrëmje, pasi nuk ka mundur t`iu bëjë ballë lëndimeve nga aksidenti i ndodhur në hyrje të Prishtinës.

Në këtë aksident janë lënduar edhe katër persona të tjerë, në mesin e të cilëve ishte edhe Kryetari i Komunës së Ferizajt, Bajrush Xhemaili. Xhemaili është përplasur me veturën e tij zyrtare, përderisa ka qenë duke ardhur nga Ferizaj në Prishtinë. Vetura me të cilën po udhëtonte kryetari i Ferizajt, është përplasur fillimisht me një veturë të tipit Mercedes, për të vazhduar edhe me disa vetura të tjera. Gjashtë persona janë lënduar, katër prej të cilëve rëndë. Bajrush Xhemaili ka qenë personalisht duke vozitur veturën zyrtare, ku si pasojë e shpejtësisë së madhe ka goditur disa vetura. Ngjarja ka ndodhur në mëngjesin e së enjtes.

Burime mjekësore nga QKUK-ja kanë thënë për Express se të lënduarit në këtë aksident janë Labinot Rrustemi, i lënduar më rëndë, Ilir Haziri po ashtu i lënduar rëndë, Driton, Bardita e Vezire Bytyqi.

Të gjithë të lënduarit janë kuruar në Qendrën Emergjente në QKU, ku gjendja shëndetësore e kryetarit Bajrush Xhemaili, Ilir Hazirit dhe Bardita Bytyqit vazhdon të jetë e rëndë. Shpend Fazliu, zëdhënës në QKU, ka thënë se rreth orës 8 e 45 minuta në Emergjencë janë pranuar gjashtë persona, si pasojë e një aksidenti të rëndë.

“Gjashtë persona të lënduar janë trajtuar nga kujdestarët e Emergjencës, u është dhënë ndihma shëndetësore nga ekipet e Emergjencës. Gjendja e disa prej tyre është e rëndë, kurse disa nga të lënduarit janë mjekuar dhe janë jashtë rrezikut për jetë“, thotë ai.

Sipas mjekëve të Qendrës Klinike Universitare, kryetari i Ferizajt ka pësuar lëndime të gjoksit dhe aktualisht është i shtrirë në mjekimin intensiv qendror.

Burime të Expressit nga QKU-ja kanë treguar se në orët e pasdites në QKUK ka aterruar një helikopter i KFOR-it amerikan, me dëshirën që të transportonin për në bazën amerikane Bonsteel kryetarin Bajrush Xhemaili, Ilir Hazirin dhe Bardita Bytyqin.

Mjeku Nehat Baftiu ka konfirmuar për Express se një helikopter amerikan i përbërë nga një ekip i mjekëve amerikanë ka aterruar në oborrin e QKU- së.

“Është e vërtetë se një helikopter nga Bonstelli ka aterruar në orët e pasdites, ku janë interesuar për gjendjen e personave të aksidentuar. Ata kanë dashur të bartin personat e lënduar, Bajrush Xhemailin e dy të tjerë, por që gjendja e rëndë shëndetësore e tyre e ka pamundësuar këtë”, thotë Baftiu.

Sipas tij, deri në orët e pasdites të së enjtes, gjendja shëndetësore e kryetarit të Ferizajt ka qenë mjaft e rëndë.

“Pas lëndimeve në gjoks, Xhemaili ka qenë në gjendje shumë të rëndë. Ka pasur shtypjen e gjakut 50 me 20. Më vonë është stabilizuar kjo situatë, ku shtypja e gjakut e Xhemailit tash për tash është 86 me 52 “, tregon Nehat Baftiu.

Një hetues policor në vendin e ngjarjes i ka thënë Expressit se dyshohet se kryetari i Ferizajt, i cili ishte duke vozitur veturën zyrtare të Komunës, ka humbur kontrollin dhe si rezultat e shpejtësisë së madhe është ndeshur me një veturë të tipit “Mercedes”.

Familjarë të të lënduarve që prisnin para Qendrës Emergjente, kanë thënë se janë në pritje të gjendjeve shëndetësore të të afërme të tyre dhe se do të ngrehin padi ndaj kryetarit Bajrush Xhemaili për dëmin e shkaktuar.
“Mua s`më intereson kush është ai, po pres nëse djali im do të shpëtojë dhe do të ngre padi penale ndaj kryetarit Bajrush Xhemaili për të gjitha këto”, thotë njëri nga prindërit, djali i të cilët vazhdon të jetë në gjendje të rëndë shëndetësore.