AKR, LDD dhe PD Bashkë, me 15 nëntor

[pirro]

Bashkë, me 15 nëntor
AKR’ja, LDD’ja dhe PD’ja kanë arritur marrëveshje për të garuar së bashku më 15 nëntor, në shumicën e komunave. Në Prishtinë, Mitrovicë, Gjakovë dhe Kamenicë, LDD’ja dhe PD’ja do të mbështesin kandidatët e AKR’së. Në Pejë, Prizren dhe Istog, AKR’ja dhe PD’ja mbështesin kandidatët e LDD’së. Koalicioni formalizohet sot, duke shënuar kështu marrëveshjen e parë të partive opozitare.

Nga Leonard Kerquki më 14.09.2009 në ora 8:29

Aleanca Kosova e Re, Lidhja Demokratike e Dardanisë dhe Partia e Drejtësisë kanë arritur marrëveshje për të garuar së bashku në zgjedhjet e sivjetshme lokale në shumicën e komunave.

Marrëveshja pritet të nënshkruhet të hënën në ambientet e Parlamentit të Kosovës, nga kryetarët e tri partive që përbëjnë koalicionin: Behgjet Pacolli, Nexhat Daci dhe Ferid Agani.

Kështu formohet koalicioni i parë i shumicës së subjekteve që përbëjnë bllokun opozitar.

Burime të gazetës Express kanë thënë se ideja është që në komunat ku një parti garon me figura të forta, atëherë dy partitë mbështesin atë kandidat. Ndërkaq në balotazh, secila prej partive në koalicion mbështet kandidatin e partnerit që ka arritur edhe më tej të mbesë në garë.

Bie fjala, në Prishtinë, Mitrovicë, Gjakovë, Kamenicë... LDD’ja dhe PD’ja do të mbështesin kandidatët e AKR’së.

“Në këto komuna, LDD’ja dhe PD’ja nuk do të qesin kandidatë të tyre, por ato do të mbështesin kandidatët e AKR’së”, ka thënë një burim i gazetës.
Në Pejë, Prizren, Istog, ndërkaq, AKR’ja dhe PD’ja do të mbështesin kandidatët e LDD’së së Nexhat Dacit.

“Njësoj si në rastin e parë, edhe me këtë rast, AKR’ja dhe PD’ja nuk dalin me kandidatë të tyre. Por pozicionohen në krah të kandidatëve të LDD’së”, thotë burimi i gazetës.
Shkrimin e plotë mund ta lexoni në gazetën Express...