Qeveria e re!!! - Page 41

premium · 02-10-09, 19:11

Nëse votojmë..... çfare dot fitojmë ???
duart e tona po ja mundsojnë vjedhjen e harambashav....

Kaqanikasja · 03-10-09, 19:09

Qeveria e re vetem po perparon

Oqeani · 03-10-09, 19:13

Citim:

Postimi origjinal është bërë nga Kaqanikasja

Qeveria e re vetem po perparon

Po mendon duke i mbushur xhepat !

Kaqanikasja · 03-10-09, 19:14

Citim:

Postimi origjinal është bërë nga Oqeani

Po mendon duke i mbushur xhepat !

Duke punu i nderuar

Oqeani · 03-10-09, 19:15

Citim:

Postimi origjinal është bërë nga Kaqanikasja

Duke punu i nderuar

Po, vertete po, e pashe njerin me lopate ne dore !

Guri i madh · 03-10-09, 19:18

qeveria e re po mendon se kosova duhet me jetue me ndihma ose VITRA qysh thot populli

populli punon ter vitin e prodhimet e tija duhet me i hudh se qeveria ju ka ofrue kushte shum te mira prodhusve te shkinis ,qe edhe bizniset e qeveritarve jan me prodhimet e shkinis ,po edhe qumshti qe perdoret ne institucione kosovare esht nga shkini ,bile ne paketim shkrun MOJA KRAVICA ,ky qumsht perdoret edhe ne parlamentin e kosoves ne spitale etj , e vetem ne komunen e therandes esht mbyll nji fabrik e perpunimit te qumshtit po edhe 25 pika grumbulluse

e ne me ket qevirin thaqi jemi nji shtet i VITRAVE KUSH BAN RAHMET NAL LEK ME NA FAL

Kaqanikasja · 03-10-09, 19:32

Citim:

Postimi origjinal është bërë nga Oqeani

Po, vertete po, e pashe njerin me lopate ne dore !

po bre interesant spo i shifeni disa pun te mira qe po bohen po vetem dallash po shifni

Oqeani · 03-10-09, 19:33

Citim:

Postimi origjinal është bërë nga Kaqanikasja

po bre interesant spo i shifeni disa pun te mira qe po bohen po vetem dallash po shifni

Pse dalalsh, a keq me e pa me lopate a, lopata bene pune moj ...

Kaqanikasja · 03-10-09, 19:35

Citim:

Postimi origjinal është bërë nga Oqeani

Pse dalalsh, a keq me e pa me lopate a, lopata bene pune moj ...

ok de edhe un kurgjo nuk thash

Oqeani · 03-10-09, 19:39

Citim:

Postimi origjinal është bërë nga Kaqanikasja

ok de edhe un kurgjo nuk thash

Aha, po ti e din se jam i trashe ka truni, - e tash e kuptova se nuk tha asgje ! ( kallxho qiko se shkova posht une, dhe ti me mua)

fadil · 05-10-09, 20:04

Shkollat me formulë të re të financimit, thotë Hoxhaj

Ministria e Arsimit Shkencës dhe Teknologjisë ka bërë të ditur se nga viti 2010 shkollat do të kenë formulë të re të financimit. ...Postuar: 13:34:51 / 05.10.2009
Autonomia financiare e shkollës është një qasje e re që ka për qëllim t’i mundësojë secilës shkollë autonomi të plotë në menaxhimin e buxhetit të ndarë nga komuna. Po ashtu, autonomia financiare ndihmon në përshpejtimin e procedurave për blerjen e mallrave dhe kryerjen e shërbimeve, ka shpjeguar ministri i arsimit Enver Hoxhaj. Sipas tij, sistemi i ri i financimit i mundëson shkollës efikasitetin në punë.

“Me këtë shkolla jonë do të ndryshojë në përmbajtje në formë dhe në menaxhimin e shkollës. Shkolla e Republikës së Kosovës me korrikolumin e ri do të jetë një shkollë e integruar e cila do të shkarkohet nga lëndët e tepërta . Shkolla me autonominë financiare do ta ketë në qendër nxënësin në procesin e mësimdhënies dhe do të sigurohen kushte më të mira në punë për nxënësin dhe mësimdhënësin”,. tha Hoxhaj.

Ky sistem iri , sivjet është pilotuar me sukses në tri komuna, ndërsa nga viti 2010, do të përfshihen në skemë edhe 10 komuna të reja. Reformimi i sistemit për financimin e arsimit është përkrahur nga Banka Botërore.

“Meqë për herë të parë në Kosovë alokohet një projekt i tillë në shkolla atëherë edhe përgjegjësia bie mbi shkolla por kjo nënkupton se nevojat do të përcaktohen në nivel të shkollës dhe shkollat do të kenë mundësi më të mirë të përdorimit dhe menaxhimit të mjeteve të tyre”, tha përfaqësuesi i Bankës Botërore Ranjit Najak.

Në dhjetë vitet e fundit buxheti për nevojat e arsimit në një komunë, është menaxhuar në tërësi nga komuna. Të gjitha komunat tjera që nuk janë përfshirë në këtë projekt, do të fitojnë autonominë financiare gjatë vitit 2011.

fadil · 05-10-09, 20:05

GDNK, të kënaqur me përparimet në Kosovë

Grupi Drejtues Ndërkombëtar për Kosovën i ka përshëndetur të arriturat në Kosovë gjatë muajve të fundit. Në takimin e sotëm në Prishtinë, ka marrë pjesë dhe ndihmës-sekretari amerikan i Shtetit, Stjuart Xhons....Postuar: 16:47:39 / 05.10.2009Në takim po ashtu kanë marrë pjesë përfaqësuesit e vendeve të BE-së të cilat e kanë njohur pavarësinë e Kosovës, përfaqësuesi i Turqisë si edhe udhëheqësit e institucioneve të Kosovës dhe ata të misionit civil ndërkombëtar.

Përfaqësuesit e Grupit Drejtues Ndërkombëtarë për Kosovën (GDNK) janë shprehur të kënaqur me përparimet që janë shënuar në Kosovë gjatë javëve dhe muajve të fundit. Njëherësh, përfaqësuesit e GDNK -së kanë kërkuar nga institucionet e Kosovës që të vazhdojnë me përgatitjen e zgjedhjeve të ardhshme lokale sipas standardeve dhe parimeve për zgjedhje të lira, fer dhe demokratike.
Duke i komentuar konkluzionet e takimit të sotëm të mbajtur në Prishtinë, Përfaqësuesi Civil Ndërkombëtar, Piter Feith tha se anëtarët e Grupit Drejtues Ndërkombëtar për Kosovën e kanë vlerësuar lartë zbatimin e Planit të Ahtisarit, procesin e deritashëm të decentralizimit dhe kanë inkurajuar Prishtinën të vazhdojë me organizimin e zgjedhjeve. “Vendet anëtare të Grupi Drejtues janë të impresionuara me përparimet që janë arritur në Kosovë. Po ashtu mund të jemi të kënaqur me faktin se vendet e anëtare të këtij Grupit do të përcjellin edhe zhvillimet për Kosovën në Gjykatën Ndërkombëtare të Drejtësisë”, tha Piter Fejt.
Edhe presidenti Fatmir Sejdiu tha se janë vlerësuar lartë të arriturat në Kosovë, por sipas tij, është evidente se ende ka nevojë për disa hapa konkret në veri të Kosovës.
Me vlerësime pozitive nga ky takim është paraqitur edhe kryeministri Hashim Thaçi.
Grupi Drejtues Ndërkombëtar për Kosovën, i cili sot është mbledhur në nivelin e drejtorëve politikë, është formuar pas shpalljes së pavarësisë për të vlerësuar të arriturat por edhe sfidat në zbatimin e Pakos së Ahtisarit.
Në takimin e sotëm, si sfidë është përmendur mosintegrimi i serbëve të veriut në institucionet e Kosovës, për çka GDNK u ka dhënë mbështetje institucioneve evropiane për të shtuar praninë në këtë pjesë të Kosovës.
GDNK mbledh përfaqësuesit e vendeve që e kanë njohur pavarësinë e Kosovës.

Kaqanikasja · 05-10-09, 21:02

Citim:

Postimi origjinal është bërë nga Oqeani

Aha, po ti e din se jam i trashe ka truni, - e tash e kuptova se nuk tha asgje ! ( kallxho qiko se shkova posht une, dhe ti me mua)

mundesh me thon per vehte qe shkove posht per tjer mos flit

MemphiSx · 08-10-09, 18:45

Shefi i Zyrës Civile Ndërkombëtare në Kosovë dhe përfaqësuesi i lartë i BE-së, Pieter Feith ka thënë për BBC-së se Bashkimi Evropian mbetet i shqetësuar për cilësinë e qeverisjes në Kosovë

Sinqerisht osht per me u shqetesu secili banore i Republikes se Kosoves,kur ipen keso deklarata nga institucioni ne te cilin synojm te futemi!!

I vetmi sukses i ksaj qeverie,thuhet te jet integrimi i serbve permes procesit te decentralizimit!!

fadil · 09-10-09, 12:54

Vetëpërfaqësohemi
Zëvendëskryeministri Hajredin Kuçi ka thënë se Kosovën nuk mund ta përfaqësojë askush në nismat rajonale. Pas 17 shkurtit, sipas tij, vendi përfaqësohet nga autoritetet legjitime. Këto komente dolën pas mbledhjes së Qeverisë, ku u morën një sërë vendimesh.

Nga Faton Ismajli më 09.10.2009 në ora 8:24

Zëvendëskryeministri Hajredin Kuçi ka deklaruar se Kosovën nuk mund ta përfaqësojë askush në nismat rajonale, përveç autoriteteve legjitime të saj.
Por, ai ka pranuar se, si pasojë e pengesave nga Serbia dhe Bonjë Hercegovina, Kosova shpesh është penguar që të marrë pjesë në tryezat rajonale.

“Ne kemi qenë të kujdesshëm që të marrim pjesë në tryezat rajonale. Natyrisht gjithmonë duke pasur parasysh aktet juridike dhe përfaqësimit tonë si shtet. Ne kemi thënë qëndrimin tonë se më emër të Kosovës, përfaqësimin e bëjnë vetëm institucionet e Kosovës dhe jo dikush tjetër”, ka thënë Zëvendëskryeministri Kuçi, pas mbledhjes së rregullt të Qeverisë së Kosovës.

“Kjo është respektuar në tërësi, por dua të them se ka pasur pengesa nga ana e Serbisë. Fatkeqësisht në momente të caktuara edhe nga Bosnja e Hercegovina. Por, gjithsesi mendoj se duhet të mendojmë si t’i gjejmë rrugët e bashkëpunimit dhe jo të pengesave për njëri tjetrin”, ka shtuar ai.

Përkitazi me Samitin e Sarajevës që pritet të mbahet vitin e ardhshëm, Zëvendëskryeministri Kuçi ka thënë se Kosova ka informata jozyrtare për këtë, por gjithsesi do të jetë e përfaqësuar denjësisht.

Komisioni Europian, në raportin vjetor të progresit për Serbinë, ka drejtuar vërejtje ndaj Beogradit për mosbashkëpunim rajonal. Përmes këtij raporti, Komisioni Europian i bënë thirrje Beogradit që të ketë qasje më pragmatike dhe sjellje më konstruktive ndaj pjesëmarrjes së Kosovës në tregtinë dhe bashkëpunimin rajonal, në mënyrë që t'i mundësohet pjesëmarrja e Kosovës në forumet dhe organizatat rajonale.

Në mbledhjen e Qeverisë së Kosovës, të enjten, janë marrë një sërë vendimesh.

Fillimisht është miratuar Propozim-vendimi për shpronësimin e pronave të paluajtshme në segmentin Vërmicë-Prizren, ku parashikohet të ndërtohet autostrada Vërmicë- Merdar, ndërsa zyrtarë të qeverisë thanë se fillimi i punimeve në këtë projekt është çështje ditësh.
Kryeministri Hashim Thaçi tha se të gjitha dokumentet ligjore janë përgatitur nga dikasteret qeveritare dhe për shpronësimin e pronave ku kalon autostrada janë ndarë 12 milionë euro.

“Kemi kërkuar nga ministritë përkatëse të ndërmarrin veprimet e nevojshme procedurale. Si rezultat i kësaj, është kërkuar shpronësimi i pronave të paluajtshme të cilat gjendjen në segmentin e parë të autostradës, duke u bazuar në ligj”, tha Thaçi.

Ndërsa, Ministri i Ekonomisë dhe Financave (MEF), Ahmet Shala tha se të gjitha masat për veprim janë marrë sa i përket MEF’it, ndërsa i ka mbetur Komunës së Prizrenit që të fillojë procedurat. Më datën 13 të këtij muaji, ai tha se është caktuar një dëgjimi publik, ku qytetarët mund të informohen rreth procedurave ligjore për kompensim.

Përveç kësaj, Qeveria të enjten miratoi edhe Propozim-vendimin për shlyerjen e detyrimeve të mbetura për kampin e romëve, ashkalinjve dhe egjiptianëve në pjesën veriore të Mitrovicës. Ky është një borxh që kalon shumën prej 70 mijë eurosh dhe ka mbetur pa u shlyer nga qeveria e kaluar.

Po ashtu, Ekzekutivi miratoi listën e mediumeve përfituese të granteve nga fondi për mbështetjen e mediave minoritare, multietnike dhe grupeve tjera të veçanta. Në listë, siç tha Zëvendëskryeministri Ramë Manaj, nuk janë përfshirë vetëm dy mediume turke për shkak të mosplotësimit të proceduarve të nevojshme ligjore.

Ndërkaq, Projektligjit për dhënien në shfrytëzim dhe këmbimin e pronës së paluajtshme të komunës, qeveria nuk i dha mbështetje, pasi që u kërkua që për këtë çështje paraprakisht të zhvillohet një debat ndërministror.

Ministri i Pushtetit dhe Administrimit Lokal, Sadri Ferati, tha se prona publike komunale është një çështje që po e sfidon pushtetin lokal, duke marrë parasysh zbrazëtirat ligjore që ekzistojnë.

“Me këtë parashikojmë dhënien e pronës komunale në shfrytëzim afatgjatë për interesa të përgjithshme publike”, tha ai.