Keqpërdorimi i gjuhës shqipe

[Oqeani]

Postimi origjinal është bërë nga Idila

..........................

Tani nuk paska keqeperdorim ! Nje thenie ne menyre telegrafike !

[shfletuesi_]

Dhe ati ju thaft dora qe perbuze kete gjuhe hyjnore.... vendosja dikush shenjat e pikesimit ejat pa ze edhe le te vazhdon :)

[Oqeani]

Postimi origjinal është bërë nga shfletuesi_

Dhe ati ju thaft dora qe perbuze kete gjuhe hyjnore.... vendosja dikush shenjat e pikesimit ejat pa ze edhe le te vazhdon :)

Psrej kur paskemi - e - pa zë !!!

A vertete dikush ka:
ç - te forte dhe te bute !!!!

[shfletuesi_]

Postimi origjinal është bërë nga Oqeani

Psrej kur paskemi - e - pa zë !!!

A vertete dikush ka:
ç - te forte dhe te bute !!!!

Hahahahaha


Qeni edhe Ceni 1 shkronje i dallon eshte rrezik qe cenit ti ngjitet zingjiri e qenit jo :P hahaha kush eshte pak qorr.

[panta_rhei]

Gjyshat tonë, eh paçin dritë!
Njerz koktrashë, kurgja s'kanë dijtë:
.......... Jan kenë t'hutuemun!...
Ata t'mjerët s'kan dijtë athera,
as buon giorno, as kali spera,
as sabah sherif teheir-ollsun!
Na sot jem për t'u lavdue,
dijmë me folë, me bisedue
.......... nga mendja jem holluemun!
Çojmë n'dhe t'huej djalin m'u msue,
kombin tonë m'e përparue,
.......... dhen tonë m'e nderuemun;
rri n'shkollë djali pesë - gjashtë vjet,
kur vjen n'Shkodër, shqyp nuk flet,
.......... Shqypen ka harruemun!!!!
Kur flet shqyp, asht çud m'e ndi
Gjys-për-gjys tue e përzi
.......... me fjalt t'gjuhve t'hueja!...
Thotë: me thanë la verita
ktu në Shkodër sot diçka
..........j an civilizuemun...
La gioventu ka studiue
di me folë, me ragionue
.......... po m'vjen mirë: bravissimo!
Veramente, n'shkolla t'hueja
me kenë me studiue dhe grueja,
.......... kish me u ndritë il popolo,
Se n'dhe t'huej asht rispettata,
grueja asht emancipata,
.......... nuk asht schiava e burrave!...
Dhe kah ana e Toskenis
ku janë shkollat e Greqis,
.......... çud asht me i ndigjuemun;
atje Toskat t'thotë gjithehera:
mirëmbrëma, kali mera
.......... si ta kam, kalla mu ise?!
Thuej: ç'po bahet nga Greqija?
T'thotë: atje është elefterija,
.......... bota është e gëzuarë!!!
Nga Jakova e nga Pesrendi,
n'Stara Serbia(?!) ku i kishteni
.......... msohet n'shkolla t'serbëve,
tue folë shqyp t'thotë me pahir:
si ja brate, nadja e mirë,
.......... dobro itro, kakoti?...
E kshtu gjuha po shëmtohet,
dhe kshtu kombi po mjerohet
.......... nga shkollat e hueja!...


Kjo poezi eshte shkruar nga Filip Shiroka ne vitin 1889.

[Idila]

Gjuhëtarët: Dëmtimi i terminologjisë shqipe vjen nga keqpërdorimi i gjuhës Zhvillohet konferenca shkencore “Gjendja dhe zhvillimi i terminologjisë shqipe, probleme e detyra”
Dëmtimi i terminologjisë shqipe vjen nga keqpërdorimi i gjuhës, kështu u shprehën dje gjuhëtarët nga Shqipëria dhe Kosova në konferencën shkencore "Gjendja dhe zhvillimi i terminologjisë shqipe, probleme e detyra”. Konferenca e parën llojin e saj mbi këtë temë u organizua dje në mjediset e Akademisë së Shkencave në Tiranë. Në këtë konferencë, të organizuar nga Akademitë e Shkencave të Shqipërisë dhe Kosovës dhe Qendrës së Studimeve Albanologjike, u theksua se terminologjia mbetet problem parësor në botën e globalizmit. Ardian Marashi drejtor i Qendrës së Studimeve Albanologjike, theksoi në kumtesën e tij në këtë konferencë se roli i terminologjisë është parësor.“Roli i terminologjisë është parësor, pasi terminologjia shërben edhe si kapital i të gjitha mjeshtërive dhe dijeve që huazohen nga bota”, pohoi Marashi.
Më tej në fjalën e tij ai vijoi të tregonte se në botë janë marrë masa të shumta për të ruajtur terminologjinë e çdo gjuhe, ku ai përmendi Francën dhe Kanadanë. “Në Francë, në çdo ministri apo institucion shtetëror funksionon dhe një sektor, i cili rregullon dhe pastron terminologjinë,po ashtu dhe në Kanada ekziston një fjalor me më tepër se tre milion fjalë me terma dhe veprimtari të ndryshme; Organizata e Kombeve të Bashkuara ka në shërbim të saj dhe një sistem të referencës dhe terminologjisë, etj”, tregoi Marashi. Ndërsa drejtori i Akademisë së Shkencave të Shqipërisë Gudar Beqiraj theksoi në fjalë e tij rëndësinë e kësaj konference, pasi ajo u shërben të gjithë shqiptarëve. “Është një konferencë shumë e rëndësishme në fushën e gjuhësisë, por kjo na shërben të gjithëve. Unë kam qenë një nga kontribuesit për projektin që ne kemi së bahsku me Akademinë e Shkencave të Kosovës, por jo në pozicionin që kam sot, por si matematikan, për të realizuar këtë fjalor që është i domosdoshëm që ne të mos kemi terma me shumicë të huaj. Nga këto kumtesa që u mbajtën aty unë megjithëse nuk jam i fushës i dëgjova me vëmendje dhe kënaqësi”, tha drejtori Beqiraj.

[Idila]

Në kumtesën e tij zëvendësministri i Arsimit dhe Shkencës, Halit Shamata, theksoi se: "Megjithëse ndër vite, që prej rilindësve e në vijim, janë marrë masa për ruajtjen e terminologjisë, sot në Shqipëri kjo fushë ka ende probleme”. Por pjesë e rëndësishme e kësaj konference ishin dhe kritikat nga gjuhëtarët. Duke kritikuar terminologjinë e përdorur në media nga politikanët dhe biznesmenët, prof. Hëna Pasho theksoi se: “Dëmtimi i terminologjisë vjen dhe nga keqpërdorimi i gjuhës”. Si tipar më të dukshëm të këtij dëmtimi, prof. Pasho cilësoi huazimin e fjalëve nga gjuhët e huaja, të cilat e kanë dhe në gjuhën tonë një term të barazvlefshëm. Prof. Agron Duro nga Instituti i Gjuhësisë tregon se problemi themelor është dëmtimi i terminologjisë shqipe nga ato të huaja. “Sigurisht që kjo është konferenca e parë që bëhet për terminologjinë dhe është një bilanc që nga Rilindja, që nga punët që janë bërë për terminologjinë në atë kohë. Problemi themelor ka qenë ndërtimi i terminologjisë sa më shqip, dhe ne sot jemi në këto hulli punësh që bëhen për shqipërimin e terminologjisë. Shqipërimi i terminologjisë është njëra anë e problemit dhe ana tjetër me sistemimin e terminologjisë, që ka të bëjë me hartimin e fjalorëve treminologjikë dhe sidomos pasqyrimi i terminologjisë, jo vetëm në fjalorët terminologjikë, por dhe në fjalorët gjuhësorë.
Edhe në këta fjalorë janë një numër i madh tremash. Sipas llogaritjeve vetëm fjalori i vitit 1980 ka rreth 10mijë terma të pastra,që do të thotë që janë të identifikuara, por ka dhe probleme të tjera që lidhen me termat në tekste, ku përplasen termi i huaj me atë shqip. Këtu në radhë të parë del si problem teknologjia e informatikës. Ne këtë e quajmë terma dytësorë, p.sh mouse, mi apo miush në fjalorin e vitit 2006”, theksoi prof. Duro. Më tej sipas tij termat në gjuhën angleze janë të pashmangshëm në gjuhësh shqipe. “Them se futja e anglishtizmave në gjuhën shqipe është një dukuri e papërballueshme dhe nuk ke se ç’ti bësh se këto terma futen në sasi të mëdha, dhe ka dy probleme.
I pari është se ato mund të jenë të vetme dhe nuk gjejnë një në shqip, por kur ka të tjera si p.sh. pasword mund ti thuash fjalëkalim, kështu që nga ana e standardizimit të terminologjisë dalin shumë probleme dhe më themelori është se cilët duhet të zgjedhësh. Problemi është që me forcat e përbashkëta të punohet në fushën e terminologjisë, pra gjuhëtari, terminolog dhe specialist, të cilët duhet të jenë të tre bashkë. Deri tani të metat themelore nisen pikërisht nga mos bashkërendimi i punë së këtyre tre hallkave”, cilësoi ndër të tjera gjuhëtari Duro. Nga Akademia e Shkencave të Kosovës prof. Latif Susuri thekson se: “Kjo është konferenca e parë e kësaj natyre për terminologjinë shqipe. Gjuha shqipe në Kosovë është në nivel të zhvillimit,por dhe ne kemi pasur shumë probleme për sa i përket ndikimit të serbokroatishtes të gjuhën shqipe, që flitet në Kosovë. Kjo është hasur më shumë në përkthimet e ndryshme, por tani po shkon mirë pasi ka shumë fjalor terminologjikë dhe ka shumë punime shkencore.
Ne me gjithë ato punime që ne kemi bërë me fjalorët duhet të ekzistojë një bankë e të dhënave, ku të grumbullohen, sistemohen dhe do të ruhen që mos të humbi, dhe të shkojë drejt standardizimit të përdorimit të termave. Përdorimi i tremave nga gjuha angleze në atë shqipe shumë herë nuk kuptohet nga njerëzit”, theksoi prof. Susuri. Ndërkohë që sipas tij, mbajtja e kësaj konference do të behet tashmë një traditë dhe do të vazhdojë dhe në Kosovë.

Agjensia e Lajmeve "SOT"

[Idila]

“Jo, debateve boshe, ta lëmë gjuhën të rrjedhë”

Tërhequr më 22 Shkurt 2010



Alma Mile

Dita Ndërkombëtare e Gjuhës Amtare (21 shkurti), shpallur nga UNESCO, e gjen shqipen me jo pak probleme. Fjalë të huaja, deformim strukturor, etj., të lidhura me kontekstin e ri të zhvillimit në Shqipëri, por edhe me problemin e mësimdhënies në shkollat tona. Në një intervistë për gazetën “Panorama”, Dekani i Fakultetit të Histori-Filologjisë, Shezai Rrokaj flet pikërisht për këto probleme dhe si mund të zgjidhen ato. Data 21 shkurt është shpallur nga UNESCO si Dita Ndërkombëtare e Gjuhës Amtare. Kjo ditë e gjen shqipen me ato probleme që kanë gjithë shqiptarët, një gjuhë të zhvilluar, dinamike, që ka sfiduar të gjithë kufijtë imagjinarë politikë. Pra një gjuhë që rrjedh bashkë me idetë, me konceptet, institucionet. Për shkak të hapjes është e detyruar të përballet me trysninë e globalizmit, me futjen e fjalëve të huaja, deformimet strukturore, çka janë të pashmangshme në një shoqëri që ridimensionohet ekonomikisht dhe politikisht. Por me kalimin e kohës, vetë njerëzit që flasin gjuhën, i bëjnë thirrje kujtesës së tyre në mënyrë që në një kohë të mëvonshme imunizimi gjuhësor të triumfojë mbi shpejtësinë e madhe me të cilën futen fjalët e huaja. Shqipja futet në 30 gjuhët e botës, se e kalon kufirin 10 milionë folës. Gjuha shqipe është zhvilluar në situata nga më të ndryshmet. Ka qenë një gjuhë e nënshtruar nga tërësia e kolonëve, që kanë shkelur barin shqiptar, si nga ata perëndimorë, ashtu dhe lindorë, duke filluar që nga visigotët, romakët, sllavët, turqit, etj.
Në një histori të ndërlikuar si kjo e jona, si ka mundur të mbijetojë gjuha shqipe?

[Idila]

Gjuha shqipe ka pësuar mbi kurrizin e vet, tërësinë e rrebesheve që i ka rezervuar koha, por si feniksi është ngritur nga hiri dhe ka mbijetuar edhe në kohët, kur nuk ka pasur asnjë lloj institucioni për ta ruajtur, as akademi e kancelari. Kjo për shkak të diçkaje shumë të çuditshme, që të gjitha gjuhët e kanë, por shqipja në veçanti. Popujt e tjerë i kanë mbajtur të unifikuar edhe dukuri të tjera që janë elementë të etnisë. Shqiptarët kanë pasur vetëm dy elementë themelorë, gjuha dhe gjaku, që nuk e kanë tradhtuar dhe shpërbërë shqiptarin. Ndërsa problemi i fesë, që në disa vende ka qenë unitar, tek ne, nuk ka qenë i tillë, sepse ne kemi një larmi fetare dhe feja i ka shërbyer shqiptarëve, sa herë është kënduar në shqip. Marrim si shembull arbëreshët, nën trysninë e kulturës italiane dhe Vatikanit, që rezistuan, duke ruajtur edhe ortodoksinë, pikërisht se në qishë (kishë), prifti këndonte në gjuhën shqipe. Pra gjuha është gjëja më e çmueshme, që ka një vend. Wilhelm Fon Humboldt thotë që gjuha e një populli është shpirti i tij dhe shpirti i tij është gjuha e tij. Të flasësh shqip nuk do të thotë të përdorësh mjetet e gjuhës për të komunikuar nga një folës tek tjetri. Ne jemi shqiptarë, jo se flasim shqip, por siç thoshte Umberto Eco, gjuha është ajo gjë që e ka bërë njeriun një fakt gjuhësor. çdo shqiptar është një rrjet gjuhësor, një burim informacioni, pasuri kulturore që komunikon në mënyrë të dyfishtë shqip, përmes asaj që jemi dhe asaj që themi.
E ndërsa shqipja i ka shpëtuar kaq shumë rrebesheve, nuk mendoni se duhet ta shpëtojmë nga vetë shqiptarët që e keqpërdorin atë?

[Idila]

Nuk dua të pajtohem me mendimet e pesimistëve, sipas të cilëve fatkeqësia Shqipërisë i vjen nga vetë shqiptarët. Gjuha shqipe dhe vetë shqiptarët nuk mund të jenë as më të mirë, as më të këqij se ky produkt që ne sot kemi, që vjen nga një konvertim i një shumësie faktorësh historikë, kulturorë, ekonomikë, shoqërorë, etj. E keqja e gjuhës shqipe, nuk i erdhi në kohën e mungesës së institucioneve, jo më t'i vijë sot. Ka një shqetësim të madh për mënyrën se si ne flasim shqip, se si ajo ndikohet nga gjuhët e tjera, apo për mënyrën se si mësohet në shkolla. E kemi të lehtë ta gjejmë problemin tek tjetri, por pak herë i bëjmë pyetje vetes se ç'gjë e bën gjuhën tonë kaq problemore në disa raste të caktuara. Si shumë të tjerë besoj shumë, që gjuha është një element kulturologjik, identiteti. Hajdegeri thoshte se gjuha është strehëza, ku futet njeriu dhe dua të besoj se nëse duhet të shkojmë drejt prirjes për ta përsosur një shqiptar, për ta bërë atë me një dimension më demokratik, më emancipues, kjo do të vijë në mënyrë të përshkallëzuar me përvetësimin dhe përsosjen e gjuhës.
Si mund ta arrijmë përsosjen e gjuhës?
Faktori i parë është shkolla, e cila detyrimisht luan një rol të rëndësishëm në pikëpamjen e mësimit, pasurimit dhe respektimit të normës gjuhësore. Shkolla e ka për detyrë këtë rol, ashtu si edhe institucionet e larta, si institutet, akademitë, shoqatat e gjuhëtarëve, shteti në tërësi. Ajo për të cilën ne kemi nevojë është që shqiptarët të jenë sa më pranë shqipes. Më mirë të përdorim një fjalë shqipe, qoftë kjo edhe dialektore, se sa një të huaj, sepse në fund të fundit dhe asaj ne i japim mundësinë për tu integruar në gjuhë. Nga ana tjetër mendoj se shqiptarët i ka prirë një fat i madh. Kufijtë u hapën dhe sot njerëzit lëvizin dhe bashkë me ta dhe idetë, strukturat. Kjo bën që të mos shikojnë njëri-tjetrin si të huaj, por si në pasuri gjuhësore. E rëndësishme është të komunikosh, t'i lësh format të rrjedhin natyrshëm, të mos marrësh pozicione krahinoriste, a thua se kjo gjuhë letrare do të ishte mbështetur mbi gegërishten do të ishte më fisnike se sa mbi toskërishten. Toskërishtja është po aq shqip sa gegërishtja dhe gjuhëtarët nuk duhet të marrin pozicione të tipit krahinorist, ashtu sikundër ka disa tendenca për të krijuar të ashtuquajturën gjuhë letrare "kosovarisht".

[Idila]

Do të ishte e mundur një gjë e tillë?
Nuk hyn në asnjë koncept teorik të pranueshëm sot, identifikimi i gjuhës me shtetin. Dihet që shteti nuk identifikohet me gjuhën, në të kundërt çdo të bëhej në Zvicër, në Amerikë, Gjermani, etj. Të ndash shqipen, sot kur shoqëria po priret drejt globalizimit, do të thotë të ndjekësh rrugën e Don Kishotit që shkon dhe bën luftë me mullinjtë e erës. Ajo që i kërkohet shqipes është të mësohet mirë si pasuri kombëtare në të gjitha institucionet që merren me punimin e gjuhës shqipe dhe të mos lejohet keqpërdorimi i saj në institucione, si shtëpitë botuese, gazetë, administratë, në shkresat që nxjerrin, për të qenë shumë të kujdesshëm. Ta lëmë gjuhën të rrjedhë dhe të mos i vemi pengesa artificiale.
Pra, pavarësisht debateve për gjuhën standarde, hapjen e saj, etj, shqipja do të rrjedhë në shtratin e vet?
Shqipja rrjedh në shtratin e vet. Si mund të flasim për dialektet, kur vetë zhvendosja demografike e shqiptarëve i ka kthyer të folmet dhe dialektet, thjesht në konfiguracione klasike, të cilat nuk kanë asnjë fakt real. Dialekt quhet një e folur që kufizohet në një territor të caktuar. Sot shqipja ka shkuar nga koncepti i dialektit, në një koncept më të gjerë demografik-sociologjik. Rrjedhja, qarkullimi në të gjitha dejet materialo-shpirtërore të shqiptarëve është siguria më e madhe që shqipja të mbijetojë.
Meqë përmendëm shkollat, përse ajo është e "pafuqishme" për të na e mësuar shqipen ashtu si duhet?
Në këndvështrimin tim ka probleme vërtetë shqetësuese. Së fundmi shkolla jonë ka përmirësime në metodologji dhe tekste, por në përgjithësi është konceptuar sikur të gjithë shqiptarët do të bëhen gjuhëtarë. Në mënyrë shumë agresive fëmijëve tanë u jepet një aparat metalinguistik, i cili nuk u jep kohë të mendojnë dhe të shkruajnë shqip. Shkolla jonë vuan nga disa defekte. I pari është se ka shumë informacion, që më shumë kërkohet të mësohet mekanikisht, duke mos u lënë kohë fëmijëve të mendojnë me kokën e tyre, pra është një shkollë "përmedshiste". Shkolla është e ngarkuar me shumë informacion të vjetruar, që ka bërë që bashkë me aparatin metodik të teksteve, të mos nxisë në masën e duhur, të mësuarin krijues. Ky është një problem për gjithë tekstologjinë shkollore. Problemi i dytë nga i cili vuan shkolla jonë është niveli i mesatarizmit në tekst. Ne bëjmë tekste të shtatës, të cilat janë mirë për ata të pesës që duan të ngjiten në këtë nivel, po ata që kanë inteligjencën e dhjetës, përse duhet të zbresin? Tekstet duhet të kenë një hapësirë dimensionale perceptuese, që t'i përgjigjen moshave që i studiojnë sipas klasave. Dhe së fundi është mekanicizmi i të mësuarit të gjuhës shqipe, njëlloj si të gjitha shkencat e tjera. Nuk ka dallim gjuha nga kimia, fizika. Ndërkohë që gjuha përdoret jo vetëm si e tillë, por edhe për tu shprehur në kimi e fizikë. Tekstologjia jonë për fat të keq, ende nuk ka përqendruar shkollën tek nxënësi, sesi ai të flasë mirë, natyrshëm në gjuhën e vet. Gjuha është natyrore, nuk është metalinguistikë. Të heqim dorë nga koncepte që ata më vonë do t'i mësojnë, nëse do të duan të bëhen gjuhëtarë, astronautë, fizikanë, etj. Atëherë më shumë se kundrinori, do t'u duhet të flasin shqip pastër dhe drejtë.

[Idila]

Anëtarë të nderuar, le të mundohemi/mendohemi se si mund t`i shqiptojmë fjalët shqip në vend të fjalës së huaj?!

Përshembull
adash; ka prejardhje nga gjuha turke. Kur dy persona kanë të njëjtin emër. Më shqip do të tingëllonte emnak.

agrar - kjo fjalë ka prejardhje nga gjuha italiane, që fatkeqësisht sot me këtë fjalë e kemi zëvendësuar fjalën e bukur dhe të qartë shqipe bujqësore.

akcenti - është fjalë e huaj që sot kryesisht përdoret si term gjuhësor dhe muzikor. A nuk do të tingëllonte më bukur fjala shqipe theks duke e përjashtuar atë fjalë të huaj nga gjuha jonë?

akoma - hala ( akoma- fjalë të cilën vet e përdorë si shpesh) është e huazuar nga greqishtja, ndërsa hala - nga turqishtja dhe në gjuhën shqipe ka domethënjen ende, edhe ca, përsëri, edhe më, etj.

aleti - edhe kjo fjalë është shumë e vjetër e që herët është futur në gjuhën tonë. Më e dobishmja do të ishte të themi vegël pune ose mjet.

asistent - asistoj - këto dy fjalë të huazuara lehtë mund të zëvendësohen me fjalën e bukur shqipe ndihmë. Kur themi jam asistent i profesorit, inxhinierit, mund të themi jam ndihmës i inxhinierit. Edhe fjala asistoj zëvendësohet me fjalët ndodhem, marr pjesë, jam i pranishëm.

etj, etj,

[Idila]

Në rregull Panta, po pse ç`mendove ti se mos jam ndonjë albanologe unë?
Do të ishte tepër produktive(frytëdhënëse) dhe primare(parimore) për të gjithë ne në qoftëse do ta gjenim bashkërisht fjalën shqipe në vend të fjalës së huaj. Edhe pse kemi dhe nga fjalët e huazuara të cilat kanë emrin origjinal të tyre nga firma apo zbuluesi përkatës, si përshembull: kemi kompjuterin, telefonin etj, të cilat nuk ndryshojnë përkah emri pamarrë parasysh se në cilën gjuhë të botës bëjnë pjesë.

Postimi origjinal është bërë nga panta_rhei

OK Idila, pse nuk provon njëherë me këto:

Qeveri,=
politikë,=
ekonomi,=
motor,= motoçikletë
shkollë,
super,= Shkëlqyeshëm
naftë,= (S`ka si ia ndryshon emrin sepse nuk e kemi zbuluar ne :d)
makinë,=
veturë,
automobil,
karrocë,
ministër,
telefon,
kompjuter,
letër,
aeroplan,
automatik,
gomë,
stil,=qëndrim
frizurë,=balluket (hahah)
xhaketë,= xhaketë e jo jakne apo pardesy
jakne,
pardesy,
peisazh,
portret,
temë,
kapitull,
titull,
uniformë,
pizhama,
formë,=mënyrë
formalitet,
postë,
elektronikë,
propozim,=
draft,
formular,
dialekt,
votë,
kandidat,
shallë,
dhe
Idilë.

...cilat janë fjalët e gjuhës së pastër shqipe për këto fjalë të huaja.

Të tjerat po ti lë ty tani. ;)

[Idila]

Postimi origjinal është bërë nga panta_rhei

dmth ti mendon se motoçikletë është fjalë shqipe dhe jo e huaj (po motor i aeroplanit për shembull)?!

xhaketë, anglisht jacket (që lexohet xhaket), gjermanisht jacke, frengjisht pardesy

stil i shkrimit, sipas teje është qëndrim i shkrimit?!

shumë mirë Idila ("shumë" është latinisht "summ")...

Nuk mendoj se je albanologe, përkundrazi, mendoj se këso gjërash ty ta thejnë kurrizin nga pesha tepër e rëndë.

More unë e pata fjalën, përshembull, biçikletë-motoçikletë dmth, me motor.
Nuk e kuptoj se çfarë ta theu ty kurrizin apo shpinën? lol
Sa vërsulës shkrimi yt sikur të kapa për fyti!

Natën e mirë e bëfsh ;)

[Idila]

Postimi origjinal është bërë nga panta_rhei

Ncuk, Idila, jo pasha Zotin s'më kape për fyti!
Unë thjeshtë i konsideroj hipokritë dhe i urrej ata që këmbëngulin të thirren në gjëra që nuk ua kanë idenë.

Kur mundohen ta mbrojnë të tillët, mjerë gjuha shqipe, thuaj!

Këmbëngulëse? O njerëz, ejani dhe mbusheni mendjen! Ja vdekje ja liri! :p

Pastaj...
...të tillë më konsideron ti mua?

Ndihem tej mase e privilegjuar për konsideratën nga lartmadhëria e juaj të marr një kompliment të tillë.
Është unik dhe i paharrueshëm! LOL