Fushatë antikombëtare e grekofilve të Janullatosit

[Neferta]

Skandal në Himarë: Parrulla anti shqiptare në mure. Asnjë masë për t’i fshirë

Një skandal ka përfshirë sërisht jugun e vendit, ku gjatë ditës janë vënë re parrulla anti shqiptare, që shtrihen jo vetëm në Bashkinë e Himarës, por edhe në aksin kombtar rrugor Vlorë-Himarë-Sarandë. Në parrullat në gjuhën greke, jo të parat të shfaqura në jug të vendit, shprehen se : “Himara është pjesë e Greqisë”, “Vorioepiri tokë greke”, “Himara është Greke” etj. Por jo vetëm kaq, në disa prej parrullave ka përmbajtje fyese ndaj shqiptarëve dhe në veçanti ndaj komunitetit çam. Parrullat mendohet se janë shkruajtur gjatë orëve të natës dhe nuk dihet nëse kanë lidhje me zhvillimin e zgjedhjeve vendore apo me nismat kundër ndryshimit të kombësisë. Ajo që bie më shumë në sy në këtë situatë është indiferenca e treguar qoftë nga pushteti vendor, ashtu edhe nga institucionet e tjera të shtetit, përfshi ktu edhe mosreagimin e degëve të partive politike në Himarë. al. press.

[Neferta]

Parullat e pisave grkofil





Transmetuar me 14 Prill, 2011 Ora 20:21

Parulla kunder Camerise

Himara dhe rruga që të çon në këtë qytet bregdetar janë mbushur ditën e sotme me parulla antikombëtare dhe fyerje të papranueshme ndaj çamëve dhe Çamërisë.
Sikundër shihni në fotot, parulla me mbishkrimet “Himara është Greqi”, apo “Fuck Çamëria”, por edhe “Do të hakmerremi… nuk harrojmë”, ose “Vorio Epiri është yni” dhe “Vorio Epiri është Greqi”, kanë mbushur muret ndarëse të rrugëve në Himarë.

Himara mbushet me parulla antishqiptare

Shumë banorë kanë shprehur shqetësim për këtë fakt dhe kanë kërkuar që të ndërhyhet urgjentisht për fshirjen e parullave dhe ndëshkim ligjor.

[Neferta]

Kush i ndihmon grekut te qoroditur

Kush është kundër Kreshnikut


DURRËS- Aleanca “Kuq e zi”, në kuadër të sensibilizimit që ka ndërmarrë në gjithë vendin për të kundërshtuar regjistrimin e popullsisë mbi baza etnike dhe fetare, ka zhvilluar ditën e djeshme një takim në qytetin e Durrësit. Në arenën e amfiteatrit antik të qytetit bregdetar kanë marrë pjesë qindra qytetarë si dhe intelektualë të fushave të ndryshme. Përfaqësues të kësaj lëvizje kanë argumentuar edhe një herë se përse është i dëmshëm regjistrimi i popullsisë mbi baza etnike dhe fetare. Historiani Pëllumb Xhufi është shprehur se kërkohet ndryshimi i kombësisë në mënyrë të qëllimtë, për të rritur në mënyrë fiktive numrin e popullsisë së minoritetit etnik grek, ndërkohë që në bazë të konventave ndërkombëtare, kombësia nuk mund të ndryshohet, por ajo lirisht vetëm mund të deklarohet. Për këtë arsye, është shprehur më tej Xhufi, ka synime të qarta nga qarqe të caktuara greke, njëlloj siç ishte edhe ndërtimi i një varreze masive në Kosinë të Përmetit, në mënyrë që aty të caktohet kufiri i të ashtuquajturit Vorio-Epir. Historiani Xhufi ka shtuar se në këtë vend nuk ekzistonte asnjë ushtar grek i vrarë dhe për këtë arsye u dhunuan varret e të parëve të Kosinës, për të mbushur arkat bosh të arkivoleve që erdhën nga Greqia me shpirtrat e të vdekurve ndër vite që ishin shqiptarë. Një nga drejtuesit e Aleancës “Kuq e zi’, Kreshnik Spahiu, ka bërë të ditur se “jo rastësisht kemi zgjedhur amfiteatrin antik me moshë 3000-vjeçare, sepse kombësia jonë, që ka këtë moshë, nuk mund të ndryshohet me 200 apo 300 euro në muaj. Dikush mund të thotë se a duhet ta vazhdojmë këtë sensibilizim në një periudhë që vendi është në fushatë elektorale, unë po përgjigjem se pushteti është vetë shteti, por ne duhet të bëjmë më shumë për cilësinë e këtij shteti”. Më pas Kreshnik Spahiu, nismëtari i kësaj çështjeje theksoi se gjatë kohës që ka zhvilluar aktivitetin në kuadër të kësaj kauze ka patur dhe kërkesa për ndërprerjen e saj. “Më thanë ndërprit nismën e Aleancës ‘Kuq e zi’. Por për mua më i rëndësishëm se pushteti është shteti. Cilësia e ndërtimit të shtetit nuk duhet të ndryshojë. Nuk mund të lejojmë të cenojnë simbolet tona, flamuri shqiptar nuk mund të ndotet”, theksoi Spahiu para të pranishmëve. Në takimin që është zhvilluar paraditen e djeshme kanë qenë të pranishëm edhe intelektualë nga sfera të ndryshme. Poeti Agim Doçi dhe aktori i mirënjohur Mirush Kabashi, kanë recituar vargje të poetëve të famshëm të Rilindjes, Gjergj Fishta dhe Naim Frashëri. Qytetarët e pranishëm kanë firmosur peticionin kundër regjistrimit të popullsisë që është deklaruar nga qeveria një vit më parë, ndërkohë që deri tani ky peticion është nënshkruar nga më shumë se 20 mijë qytetarë, ndërkohë që synimi është që ai të nënshkruhet nga rreth 50 mijë të tillë në gjithë vendin.

[Neferta]

Te dalim per nje fitore kunder grekofilvet
Partia Drejtësi Integrim dhe Unitet zhvilloi një takim me mbështetës të saj të Njësisë nr. 8 në Tiranë në mjediset e Muzeut Historik Kombëtar. Duke folur përpara mbështetësve të kësaj partie, kreu i PDIU-së, Shpëtim Idrizi kërkoi votën e të gjithë qytetarëve të Tiranës, për të mbështetur një forcë politike që ka në qendër të vëmendjes çështjen kombëtare. Ai kërkoi nga forcat e mëdha që të tregojnë se janë të mëdha dhe të tërheqin njërin nga kandidatët në Himarë, për t’i dhënë fund abuzimit me këtë territor kreshnik të Shqipërisë.
“Pamë përpara dy ditësh se në Rivierën Shqiptare ishin mbushur muret me parulla antishqiptare, që ofendonin rëndë këdo që ka në zemër këtë vend dhe ofendonin rëndë Himarën. Jam i sigurt se kudo në Shqipëri, e veçanërisht në këtë sallë, të gjithë janë ndierë të indinjuar nga ky akt. U drejtohem të gjithë atyre që për të marrë një votë më shumë, bëjnë provokime të tilla, se ne nuk do t’i tolerojmë. Shteti shqiptar nuk duhet të qëndrojë duarkryq.” – tha Idrizi.
Ai shtoi se shteti shqiptar nuk duhet të ndalojë vetëm ata që organizojnë protesta paqësore kundër Vasil Bollanos e të lërë të lirë ata që provokojnë marrëdhëniet mes Shqipërisë dhe Greqisë dhe kërkoi që prokuroria të ndërhyjë menjëherë dhe të vendosi përpara drejtësisë të gjithë fajtorët.
“Këta rrenegatë që përdorin gjuhën e urrejtjes kundër shqiptarëve e kundër himariotëve, nuk mund të lihen të lirë. Ata dëmtojnë imazhin e minoritetit, dëmtojnë imazhin e Greqisë, dëmtojnë imazhin e shqiptarëve, dëmtojnë imazhin e zemrës së Labërisë, të Himarës. Ata nuk kanë lidhje me vëllezërit tanë himarjotë, e aq më pak me Labërinë. Ata po shohin se po vjen dita që do të japin llogari për vjedhjen e pronave që kanë bërë në bregdet, për klimën e urrejtjes që kanë krijuar dhe për keqmenaxhimin e pushtetit vendor. Prandaj, tentojnë që të rivendosen në qendër të vëmendjes, edhe njëherë nëpërmjet provokimit, duke tentuar të grupojnë disa vota urrejtjeje dhe cmire. Përgjigjen më të mirë do ta marrin më 8 Maj.” – tha Idrizi.
Kryetari i PDIU-së bëri një thirrje të drejtpërdrejtë ndaj forcave të mëdha që të lënë mëritë mes tyre dhe të bashkohen rreth flamurit, duke tërhequr njërin nga kandidatët në garë.
“Më vjen keq që forcat e tjera politike heshtin përpara këtyre provokimeve. Himara sot thërret. Idealet e Petro Markos janë lënë në harresë. Sot, duhet të bashkohemi të gjithë që provokimeve të ulëta të këtij lloji t’i japim fund. Me votën tonë, me votën e himariotëve të vërtetë, me votën e atyre që kanë humbur pronat, që kanë humbur pasurinë, që nuk përfitojnë nga turizmi, sepse kryetari i bashkisë merret me zhgarravitjet e mureve. Partitë e mëdha duhet të tregojnë sot se janë realisht të mëdha. Duhet të tërheqin njërin prej kandidatëve dhe të mbështesin vetëm një kandidat për Himarën. Në emër të flamurit kombëtar. Të flamurit të Gjergj Kastriotit, që edhe sot kujtohet me krenari në Himarën Kreshnike, si çlirimtari i kësaj zone. Flamujt e partive përpara këtij flamuri nuk janë asgjë. Asnjëherë nuk është vonë për të vendosur në vend dinjitetin kombëtar. Ka ardhur çasti që të ulen
www.youtube.com/watch?v=mF1-WRNNYAw
www.youtube.com/watch?v=jdkHEAaiLWU&feature=related
flamujt e partive dhe të ngrihet lart Flamuri Kombëtar.”

[Neferta]

Kush eshte fajtore qe qelbesira e huaj ka hyre si krimb i brendshem ne gjirin e shqiptarve sidomos ayre ortodoks. Janulli-grek dhe ata qe e mikpriten skan vende ne trojet shqiptare. Ja se me qfare kundershtish eshte zgjedhur ky drrbeder
Okupimi i kishes orthodokse shqiptare ... -
Okupimi i kishes orthodokse shqiptare

[Neferta]

Veprat e pista te Janullatosit
Në qytetin jugor të Ksamilit Anastasios Janullatos në themelet e kishës ka vendosur gurë të mëdhenj të sjellë nga Athina të shkruara me shkronja greke .

Jemi duke zbuluar me anë te punëtorëve që kanë bërë ndertimin e kishës se Ksamilit ku na është treguar një fakt tragjik nga burime kofidenciale nga vete drejtusi i punimeve.“Në hapjen e themeleve më është urdhëruar të vendos një gurë me përmasa të mëdhaja të ardhur posacërisht nga greqia“.Sipas tij mendohet të jetë një gur 2000 vjecar nga informatat që ai kishte dëgjuar fshehurazi nga greket në atë kohë.“Mbi të ka pasur vetëm disa shkrime më shkronja greke“.

[lirik]

mendoj se greqia eka trashe zullumin shoven dhe duhet te shtrengohet fort populli shqiptar

[Neferta]

Kriminelet grek ne
truallin shqiptare
Vrasjet e ushtarëve shqiptarë nga MAVI dhe versioni zyrtar për ngjarjen

Në orën 02.30 të mëngjesit të datës 10 prill 1994, një komando greke e veshur me uniformën e ushtrisë së këtij shteti sulmoi në befasi Postën Kufitare të Peshkëpisë, në Rrethin e Gjirokastrës. Si pasojë e këtij sulmi, u vranë kapiteni i parë Fatmir Shehu dhe ushtari Arsen Gjini. Ngjarja e rëndë tronditi më tej marrëdhëniet midis dy shteteve, Shqipërisë e Greqisë. Krimi u mor përsipër më pas nga organizata terroriste greke MAVI (Fronti për Çlirimin e Vorio–Epirit). Ky grup botoi në gazetën e Athinës “Eleftherotipia”, të nesërmen e ngjarjes, më 11 prill, një deklaratë, ku, pasi merrnin përsipër aktin kriminal, kërkonin të rriteshin veprimet për “të çliruar Vorio–Epirin”. Si për të vazhduar në këtë linjë, dy ditë më vonë, më 13 prill, gazeta tjetër greke “Stohos”, e shquar për tonet e forta nacionaliste, botoi foton e guerilëve të MAVI-it shoqëruar me titullin e madh: “Frikë në Tiranë nga goditja e fortë”. Athina zyrtare mbajti deklarimet zyrtare. Sekretari i shtetit për Punët e Jashtme, Jorgos Papandreu, deklaroi: “Është e vërtetë se në Greqi ka elementë ekstremistë për çështjen e Epirit të Veriut dhe nuk mund të përjashtohet gjë, madje as përfshirja e ushtarakëve grekë në mënyrë individuale”. Ndërsa zëdhënësi i qeverisë greke, Venizellos, tha: “Pa zhvilluar hetime, nuk mund të përjashtohet ekzistenca e elementëve fanatikë.”
Gazeta “Stohos” , tri muaj më parë, më 1 dhjetor 1993 kishte shkruar:
“Me armët fitorja jonë. Mos harroni se Greqia është e gjitha toka që vaditëm me gjak. ‘Stohos’ përgatit beteja te reja. Qëndroni edhe ju afër tij, bashkëluftëtarë në marshimin e kombit. Me kokën lart, Bizanti bëhet”. E njëjta gazetë, pak ditë para ngjarjes, më 30 mars 1994 shkruante: “E keqja më e vogël që do t’i ndodhi një vorioepiroti që banon në Shqipëri, do të kundërpeshohet me ekzekutimin e 5 shqiptarëve”.
Pas ngjarjes, marrëdhëniet midis dy shteteve u acaruan së tepërmi. 10 prilli ishte një prej shenjave më të dallueshme në këtë acarim. Shteti shqiptar shpalli më 13 prill 1994 person të padëshiruar konsullin e përgjithshëm grek në Gjirokastër Kristos Jakovu, të cilin e urdhëroi të linte territorin shqiptar brenda 48 orëve. Si veprim reciprok, shteti grek bëri të njëjtën gjë me sekretarin e parë të ambasadës shqiptare në Athinë, Kastriot Robo. Më 14 prill qeveria shqiptare i kërkoi Këshillit të Sigurimit të OKB-së të dënonte ashpër qeverinë greke dhe ta rreshtonte atë në vendet që përkrahin terrorizmin. Po ashtu u arrestuan mjaft elementë të përzier në veprimtari antishqiptare. Më 16 prill zëdhënësi i Ministrisë të Punëve të Jashtme të Shqipërisë deklaroi se pala greke nuk ka kurrfarë vullneti për të kapur autorët e masakrës, ndërsa qeveria shqiptare deklaroi se më i dobishëm sesa një takim dypalësh do të ishte një komision i ngritur nga Bashkimi Europian dhe KSBE-ja.
Ende sot, pas kaq vitesh, nuk mund të flitet për vënie të drejtësisë së kësaj çështjeje, ndërsa MAVI shfaqet ndonjëherë me ndonjë kërcënim tjetër, madje edhe ndaj qytetarëve shqiptarë me origjinë greke.
Komunikata e Ministrisë së Rendit
Publik, nr.101, datë 11 prill 1994

[Neferta]

2 .Më 10.4.1994 ora 2.30, 6 - 7 persona të paidentifikuar, të veshur me uniformë ushtarake greke, të maskuar me maska, kanë hyrë nga toka greke, nëpërmjet grykës së Bogazit, në tokën shqiptare, në postën kufitare të Peshkëpisë. Aty në mënyrë të befasishme kanë goditur me armë automatiku tip ‘Shotgun’ rojën e jashtëm të postës, ushtar Arsen Llazar Gjini, vjeç 20, nga fshati Seman Fier, duke i shkaktuar atij vdekjen e menjëhershme. Më pas kanë kapur rojen e derës së hyrjes së postës, i cili së bashku me rojen e jashtme e kryenin shërbimin pa municion, e janë futur në ambientet e postës. Dy prej tyre kanë hyrë në dhomën ku flinin nënoficerët e postës, Qemal Stroka dhe Siat Selfo, të cilët i kanë nxjerrë të lidhur. Një person tjetër prej tyre ka hyrë në dhomën e komandantit të postës, Fatmir Sali Shehu, vjeç 34, lindur në Qesarat të Tepelenës, banues në Gjirokastër, duke e nxjerrë në korridor e aty e kanë goditur me automatik, duke i shkaktuar plagë në gjoks e në krahun e majtë, duke i shkaktuar vdekjen. Pas këtyre veprimeve, kanë hyrë në fjetoren e ushtarëve duke goditur me automatik muret e tavanit të saj. Kanë sjellë aty trupin e ushtarit të vrarë me automatik dhe kanë goditur e plagosur 3 ushtarë të tjerë, që janë jashtë rrezikut, duke u thënë se po të lëviznin, do ta pësonin dhe se këtë e bënin për ‘Vorio-Epirin’, të cilin nuk e kanë harruar. Kanë kërkuar të dinë se ku është depoja e armatimit, por ushtarët nuk e kanë treguar. Gjatë kësaj kohe kanë kontrolluar dhe kanë marrë 16 automatikë dhe 2 pistoleta në kasafortën e fjetinës, duke i këputur drynat pasi kanë lidhur në pranga të markës ‘Tajvan’ nënoficerin Qemal Stroka, e kanë marrë me vete duke u thënë ushtarëve se ky është i vdekur, prandaj ju mos lëvizni. Pasi e kanë marrë me vete, janë larguar në drejtim të kufirit nga gryka e Bugazit. Afër kufirit, rreth 200 m larg piramidës 24, e kanë lënë nënoficerin Qemal Stroka të lidhur me pranga, duke i thënë të kthehet në postë dhe për çdo minoritar do ta paguani 10 nga ju dhe kanë ikur në tokën greke. Veprimet e tjera hetimore u bënë nga një grup hetuesish të policisë hetimore. Gjatë këqyrjes së vendit të ngjarjes, u gjetën gëzhojat e automatikut ‘Shotgun’ me të cilat kishin qëlluar. Në rrugën e kthimit për në tokën greke u gjetën disa pajime ushtarake, si çanta shpine, shirita dore të prodhimit amerikan. Nga veprimet e para hetimore, u provua se disa persona të identifikuar nga ata që flisnin vetëm greqishte të pastër, njëri fliste shqipe të çalë me theks minoritar dhe tjetri shqipe të pastër me dialekt të jugut. Nga policia hetimore u ndaluan për shpërdorim detyre, për mosmarrjen e masave për kryerjen e rregullt të shërbimit, e organizimin e punës për ndjekjen e moskapjen e këtij grupi terrorist, nënoficerët e postës kufitare të Peshkëpisë, si më poshtë: Qemal Sulo Stroka, vjeç 30, banues në Peshkëpi, nënoficer në këtë postë, instruktor qeni me kombësi e shtetësi shqiptare; Siat Felek Selfo, vjeç 42, banues në Peshkëpi, nënoficer magazinier; oficer Arian Reiz Guma, vjeç 39, banues në Gjirokastër, komandant i qendrës së stërvitjes; për arsye se ka urdhëruar të kryhet shërbimi pa municion në postë. Ndalimet i bëri inspektori i policisë hetimore Ilirian Delilaj dhe Denarl Alikaj. Materialet prokurorisë”.
Pjesë nga deklarata e Këshillit të Ministrave e datës 12 prill 1994
“Lidhur me incidentin e datës 10 prill 1994, kur një komando e përbërë nga 6 - 7 persona grekfolës, të veshur me uniformë të ushtrisë greke, sulmoi një qendër stërvitore të rekrutëve shqiptarë…, duke vrarë ushtarin roje Arsen Gjini - 20 vjeç, dhe kapitenin e parë Fatmir Shehu - 34 vjeç, duke hapur zjarr mbi rekrutët që po flinin e duke plagosur prej tyre Eduart Vermishin, Frederik Kalemin dhe Janaq Xegën, si dhe duke plagosur mjaft të tjerë para se të largohej e ndjekur nga forcat e rendit, dhe që dëshmohet se përfundoi në postën kufitare greke të Argjirohorit, qeveria e RSH-së shpreh indinjatën e saj të thellë për këtë akt madhor armiqësor, i cili është një sulm direkt ndaj sovranitetit dhe integritetit të Republikës sonë… Politika e akteve terroriste dhe e masakrave është në përputhje me politikën e re greke të mbrojtjes, që siç është deklaruar shtrihet nga Qiproja e deri në të ashtuquajturin ‘Vorio-Epir’, siç e quan Athina Shqipërinë e Jugut. Le të përmendim këtu edhe deklaratat e herëpashershme me pretendime territoriale ndaj Shqipërisë, të qeveritarëve dhe politikanëve të lartë grekë, si ato të ish-kryeministrit Micotaqis, i cili më 14 korrik 1993 flet për aneksimin e Vorio-Epirit nga shteti shqiptar në vitin 1913; ajo e zëdhënësit qeveritar Evangjelos Venizellos, i cili në tetor 1993 njehson Shqipërinë me Vorio-Epirin; deklarata e ministrit të Presidencës, Kuvellos, që më 10 gusht 1992 flet publikisht në stadiumin e Athinës për Himarën si “tokë e paçliruar”; apo deklaratën e liderit të opozitës, Miltiadhis Evert, i cili shkon edhe më larg, duke thënë në janar të vitit 1994 se Epiri i Veriut është Greqia e Veriut… Ballkani dhe Europa e njohin mirë moralin e bandave greke. Shumë herë në gjysmën e parë këtij shekulli, njësi të armatosura greke kanë penetruar në territorin shqiptar duke kryer masakra, djegie, shkatërrime dhe akte të tjera terroriste… Deklaratat e zyrtarëve grekë se Greqia është faktor paqeje, sigurie dhe stabiliteti nuk mbështeten nga realiteti. Lidhur me masakrën e datës 10 prill 1994, zëdhënësi i qeverisë greke, duke mos shprehur as keqardhjen më të vogël për viktimat, nuk shpreh asnjë angazhim të qeverisë së tij për të zbuluar dhe dënuar autorët e kësaj masakre, të cilët pasi kryen veprën kriminale shkuan në drejtim të postës kufitare greke…”.

[lirik]

duhet ashpersuar dhe kontrolluar qdo gje greke qe mund te depertoj ne tokat shqiptare qdo gjë nga ata esht e rrezikshme per interesat tona kombtare

[Neferta]

Nje humor me GREKOMADHIN www.youtube.com/watch?v=5HHsX21rViU&NR=1

[Neferta]

Greket mbeten greker
KRETE-Mori përmasa të paparashikueshme dhe të përgjakshme përplasja mes disa të rinjve grekë dhe disa shqiptarëve në qytetin Iraklio të Kretës, e veçanërisht në zonat e Therisos dhe Trinisë së Shenjtë, të cilat gjatë natës, sic shkruajnë mediat, u bënë “fushë beteje." Policia e Iraklio u vu në alarm pasi “Qendra për veprim të shpejtë”, pati shumë telefonata nga banorët që informonin për episode të rënda dhune të pasuara me lëndime.

Sipas informacioneve, rreth 60 të rinj që mbanin maska, helmeta dhe leva, kishin dalë rrugëve të zonës në një fushatë, sic e cilëson media, “për të identifikuar të huajt”.

Në vendngjarje shkuan forcat e policisë, të cilat filluan kërkimin e protagonistëve në mes të rrugicave të ngushta ku ata tentuan të fshihen.
Mësohet se 3 të rinj janë plagosur, ndërsa forcat e sigurimit arritën të ndalojnë 15 të rinj. Ende nuk bëhet e ditur nëse të lënduarit dhe të arrestuarit janë të shtetësisë greke apo shqiptare.

përleshje mes grekëve dhe shqiptarëve

[lirik]

gjithqka q ena kanoset esht rezultat i mos punes dhe moskordinimeve shqiptare -shqiptaret me shum dijne te qajne se s ate veprojne

[Neferta]

Jugu dhe çamët

, Prill 18th, 2011

SHPETIM IDRIZI
Ditët e fundit, Himara, njëra nga qendrat e banuara më të rëndësishme të historisë së Shqipërisë, ishte mbushur me parulla kundër komunitetit çam dhe që e shpallnin këtë tokë kreshnike të kombit shqiptar si “pjesë e Greqisë”. Si kryetar i PDIU, nuk do të merresha me këto inskenime elektorale, nëse ato nuk do parapriheshin nga një takim midis autoriteteve tona dhe atyre greke, ku pala greke kishte shprehur shqetësim për “festimin nga ana e këtij komuniteti të gjenocidit grek në Igumenicë”. Këto dy ngjarje kanë të përbashkët ndjenjën e kriminalizimit të një komuniteti të tërë si komuniteti çam. Ngjarja e Himarës synon ndërkaq krijimin e një klime tensioni në Shqipëri, nxitjen e urrejtjes midis krahinave të ndryshme etj.
Po i marr me radhë dy ngjarjet.
Parullat e Himarës, të frymëzuara nga qarqe ekstremiste të politikës greke, që në Shqipëri kanë përfaqësues Bollanon, na thonë shumë sesa duhet të bëjë shoqëria greke për t’u çliruar nga djajtë e së shkuarës. Pse e vë gishtin tek ekstremistët grekë? Pse ne e dimë se himariotët e vërtetë nuk urrejnë askënd, aq më shumë një popullsi martire si popullsia çame. Ne e dimë se Himara, vend që ka prodhuar figura të shquara të historisë sonë kombëtare dhe asaj të Greqisë, të revolucionit grek etj, Himara me standarde të larta intelektuale, prej disa vitesh është shndërruar në një terren eksperimental të qarqeve ekstremiste greke. Përveç lëmoshave të pensioneve të gjyshërve të tyre, nëpërmjet individëve të paguar, të drejtuar nga një personazh tragjikomik si renegati Vasil Bollano, këto qarqe duan të provokojnë ndjenjat e shqiptarëve dhe në veçanti të popullsisë çame. Ky njeri që ka bërë shumë abuzime me pronat e himariotëve, që e ka lënë të pazhvilluar qytetin e vet, që do ta shkëpusë nga territori shqiptar, e ndien se ora e llogarisë para zgjedhësve, bashkëqytetarëve të vet, për abuzimet e tij po vjen, ndaj po luan kartën e gjoja nacionalizmit grek. Në këtë lojë ai është dhe burracak, pasi i përfshirë në fushatë, nuk preferon të luajë vetë me këtë kartë. Atij i duhen dhe votat e atyre që ndihen shqiptarë, ndaj aktivizon “zogjtë e natës”, njerëz të paguar, që artikulojnë kaq shëmtuar mesazhet e egra të qarqeve nacionaliste të vendit fqinj. Ne besojmë se këto qëndrime të egra kundër komunitetit çam, shkruar në greqisht në Himarë, nuk janë të himariotëve, por dhe as nuk shprehin mendimet e të gjithë shoqërisë greke, sepse nuk pranojmë kështu që vendi fqinj, me histori të madhe qytetërimi është rob i mentaliteteve përjashtuese të së shkuarës. Këto mentalitete kanë prodhuar veprime gjenocidale, që e kanë regjistruar Greqinë në historinë e përbotshme si vendi që i ka spastruar me gjak të gjithë minoritetet nga territori i vet.
Ne i bëjmë thirrje partive politike të pranishme në Himarë, të distancohen nga akte të tilla, nga mesazhe si këto që duan të nxisin urrejtje dhe të provokojnë ndjeshmërinë e komunitetit tonë. Ne s’biem pre e provokimeve të ulëta si këto. Ky është qëllimi i lojës së atyre që i kanë nxitur mjeranët e natës të shkruajnë parulla. Ne duam që zgjedhjet në Himarë të zhvillohen të qeta, si kudo në Shqipëri, të fitojë më i miri, dhe jo ai që i fshehur pas sloganeve nacionaliste greke, po abuzon me pronat e himariotëve.
Ne i bëjmë thirrje partive më të mëdha të zvogëlojnë retorikën kundërvënëse në Himarë dhe pse jo, të shkojnë tek një kandidat i përbashkët. Në Himarë, duhet të fitojë ai që mban flamurin kombëtar, i cili duhet të ngrihet mbi flamujt e partive.
Ne vlerësojmë shumë angazhimin e qeverisë qendrore, e cila, megjithëse me vonesë, ka ndërtuar një rrugë e cila i jep zhvillim gjithë Bregut, nëpërmjet turizmit. Turizmi do t’i japë mirëqenie himariotëve dhe gjithë zonës së Bregut, do të rrisë komunikimin e kësaj zone me shqiptarët e Veriut, të Kosovës, të Maqedonisë, duke zvogëluar terrenin për ideatorët e tensionit në Himarë, të cilët rrinë prapa Bollanos. Kështu, të gjithë shqiptarët do ndihen shqiptarë dhe s’kanë nevojë të ndihen grekë.
Takimi i Janinës
Dhe diçka në lidhje me takimin sekret midis autoriteteve tona policore dhe atyre greke, që ne e mësuam nga mediat. Për sa kohë ky takim nuk është përgënjeshtruar zyrtarisht, duhet të supozojmë se ai ka ndodhur dhe çfarë kanë raportuar mediat është e vërtetë.
Ne nuk shohim ndonjë problem në këtë takim, apo në idenë e takimeve, edhe jashtë vëmendjes së mediave. Ajo që na bën përshtypje nga deklarimet greke në këtë takim, është ai që lidhet me çamët. Sipas medias, një zyrtar i lartë grek paska thënë se “I ashtuquajturi festim i gjenocidit çam në Igumenicë është provokues”. Në lidhje me këtë deklarim, ne si PDIU duam të sqarojmë se ky është një manipulim i madh me një mesazh që kemi dhënë ne jo vetëm gjatë fushatës, por dhe më parë se “një grup pleqsh, të rinjsh, do të vizitojnë Igumenicën në përvjetorin e gjenocidit grek”. Kjo vizitë për të cilën ne kemi folur, nuk është festim. Ne s’kemi çfarë të festojmë, festën e kanë bërë kriminelët që pastruan etnikisht territorin ku shqiptarët kanë qenë banues autoktonë.
Iniciativa jonë është thellësisht njerëzore, jo-politike, me natyrë përkujtimore, dhe ne s’dimë ndonjë provokim që mund të vijë prej përkujtimit të të vdekurve, gra, pleq e fëmijë që humbën jetën prej gjenocidit të trupave paramilitare greke. Me moslejimin e këtij përkujtimi, autoritetet zyrtare greke do ta shpallnin këtë gjenocid jo si vepër e këtyre grupeve, por si qëndrim të gjithë shoqërisë dhe shtetit grek. Ne s’duam ta besojmë këtë.
Ne duam thjesht t’i japim mundësi disa pleqve, burra dhe gra që i kanë mbijetuar gjenocidit të shohin vendin e të parëve që e lanë nën kërcënimin e humbjes së jetës. Ne duam që ata të nderojnë të rënët, shumë prej të cilëve nuk patën lavdinë e të pasurit një varr si ushtarët grekë të rënë në Shqipëri. Me këtë vepër ata s’provokojnë asnjeri. Ata thjesht duan të shfrytëzojnë avantazhet e qarkullimit të lirë të njerëzve, një vlerë europiane e fituar tashmë dhe prej shqiptarëve.
Qarqet nacionaliste greke në pushtet duhet të qartësojnë nëse u referohen vlerave njerëzore europiane, apo parimeve që udhëhoqën veprimet gjenocidale të kriminelëve të komanduar nga Zerva, dhe që nuk spastruan vetëm shqiptarët, por dhe hebrenjtë dhe sllavo-maqedonasit e Greqisë.
Dhe një çështje tjetër. Greqia zyrtare s’ka asnjë të drejtë t’u bëjë presion autoriteteve zyrtare shqiptare të drejtësisë mbi çështje të caktuara, si ajo e shtetasit shqiptar Aristotel Guma, siç njoftuan mediat prej këtij takimi. Shqipëria s’ka guxuar të ngrejë zërin për asnjë çështje në morinë e qindra vrasjeve me sfond etnik të kryer në Greqi ndaj shtetasve të saj. Aq më shumë Greqia s’ka të drejtë të fusë hundët në veprimet hetimore që lidhen me vrasjen e një shtetasi shqiptar, me kombësi shqiptare, pavarësisht procesit të tentuar të blerjeve masive të kombësive në Shqipëri.

[Neferta]

Pergjumje e dehur













Edhe partite parlamentare ne Shqiperi kan faj per zgjerimin e dukurise antikombetare te grekofilve duke u knaqur me benificionet dhe verberin e parase .
Ndikimi i paras greke dhe elementit destabilizues grek na ka prure para nje akti te jesh o mos te jeshe.Mioperija dhe pergjumja politike karshi ket problemi eshte e barabart me trashjen e nje tradhtije te heshtur kombetare. Vjen greku edhe shkau si ne bahqe te babes, ku jemi ne te dehur apo myku na ka zene trurin.
www.top-channel.tv/video.php?id=22757