Lajme

[fadil]

pershendetje:
kaedhemazi ketu bre djal eshte rubrika e lajmeve e jo e komentimeve.
pse mundohesh ti perziesh temat.

[illyria]

Thaqi tha se ata që djegën dhe rrënuan në emër të protestave janë kriminelë.
Kjo është plotësisht e vërtetë dhe nuk mund të mohohet.
Nuk mund të mohohet që shumica dërrmuese e atyre që "protestuan" duke rrënuar e djegur ishin mu përkrahës të Thaqit.
Duke futur këtu matematikën e thjesht,po del që shumica e përkrahësve të Thaqit janë kriminel !!!
Hashim,nuk pate nevojë me pranue sepse këte moti e dinë të gjithë !

[fadil]

pershendetje:
zonje apo zonjush illyria mos shkruaj me iluzione dhe emocione, mos i akuzo njerzit pa fakte, si mundesh ta vertetosh shkrimin tende kur thua se te gjithe ata ishin perkrahes te Hashim Thaqit?
kur ne te njejten dite edhe Perkrahsit e LDK-se kishin nje protest ne Prishtin dhe qe te gjithe keta protestues ia mesyen qakllavices dhe u konfrontuan me KFOR-in dhe POLICIN, me kete nuk dua ta fajsoj asnje parti Politike apo antarsin e asnjeres sepse ne keto protesta kishte njerez nga te gjitha partit dhe veprimet e tyre u bene me bindjen se do ti sjellin ndonje te mir Kosoves me bindjen se keshtu me nuk mund te jetohet per mllefin qe ishin mbytur nga kriminelete serbe tre femij ne lumin iber, thjesht kjo eshte nje levizje qytetare e cila ia ka bere shum te qart bashksis nderkombtare se ne keshtu me nuk mundemi te lejojm qe edhe ne liri nje grup serbesh qe bejen 10% te popullsis ne Kosove te na vrasin ,te na bllokojn dhe te jen te privilegjuar nga bashksia nderkombtare .
kam shum per te shkruar per kete tem por mendoj se mjafton

[Honesty^uk.]

PRISHTINE (22 Prill) - Presidenti i Republikës, Alfred Moisiu, po zhvillon një vizitë dyditore zyrtare në Kosovë me ftesë të kreut të UNMIK-ut Holkeri. Programi i vizitës së Presidentit Moisiu në Kosovë parashikon takime me zyrtarët më të lartë ndërkombëtarë; kryeadministratorin Holkeri, komandantin e KFOR-it Kamerhof dhe me presidentin e Kosovës Rugova, Kryetarin e Parlamentit Daci, Kryeministrin Rexhepi, Komandantin e TMK-së Çeku, kryetarët e PDK-së Thaçi dhe AAK-së Haradinaj. Një takim të veçantë Presidenti Moisiu do të ketë me akademikë dhe studentë të Universitetit të Prishtinës, personalitete të tjera, përfaqësues të shoqërisë civile kosovare dhe të komuniteteve fetare. Në ditën e dytë të qëndrimit në Kosovë, Presidenti Moisiu i shoqëruar nga Presidenti Rugova do të vizitojë qytetin e Prizrenit dhe Muzeun e Lidhjes së Prizrenit. Ceremonia e dhënies së "Medaljes së Artë të Lidhjes Shqiptare të Prizrenit" Presidentit Moisiu nga Presidenti Rugova mbyll vizitën në këtë qytet. Konferenca e shtypit në Prishtinë në vazhdim shënon dhe përfundimin e vizitës zyrtare të Presidentit Moisiu në Kosovë.

[fadil]

premte, 23. Prill, 2004

HAPET ZYRA KOSOVARE PËR BASHKËPUNIM NDËRKOMBËTAR



Zijadin Gashi, Prishtinë


Shefi i administratës së UNMIK-ut Harri Holkeri, ka marrë vendim që të lejojë hapjen e Zyrës për Bashkëpunim dhe Koordinim Ndërkombëtar dhe Dialog Rajonal. Kjo zyrë është hapur në kuadër të zyrës së kryeministrit të Kosovës, kurse drejtuesi i saj do të zgjidhet përmes konkursit.
Zyra do të ketë si funksion të vetin koordinimin e aktiviteteve të qeverisë së Kosovës në kuadër të marrëdhënieve ndërkombëtare, ka thënë me këtë rast Holkeri. Bazuar në këtë fakt, ai ka shtuar gjithashtu se kompetencat në raport me marrëdhëniet me jashtë, mbeten përgjegjësi e tij, si shef i UNMIK-ut.
“Qëllimi ynë politik është që të plotësojmë ato fusha kritike, në të cilat qeveria e Kosovës ka një përvojë të kufizuar," tha ai, duke shtuar se themelimi i kësaj zyre është një hap i rëndësishëm përpara drejt ndërtimit të kapaciteteve qeverisëse vendore dhe thellimit të bashkëpunimit ndërmjet administratës ndërkombëtare dhe Qeverisë së Kosovës.
Kurse kryeministri i Kosovës Bajram Rexhepi, shpreson që ky do të jetë vetëm një hap drejt një transferimi më të shpejtë të kompetencave tek qeveria e tij.
“Ne me të drejtë presim bartjen e kompetencave të tjera në fushën e ekonomisë dhe gradualisht, gjatë muajit të ardhshëm presim hapjen e pesë zyrave të tjera, të cilat ne i kemi kërkuar që në gusht të vitit 2003”, tha kryeministri, duke besuar se ato gradualisht nga përgjegjësitë koordinuese dhe këshillëdhënëse siç janë sot, nesër do të jenë ministri të qeverisë së Kosovës, e cila do të dalë nga zgjedhjet e sivjetme:
“Unë mendoj se mandati i ardhshëm i qeverisë duhet të plotësohet me ministri shtesë, që ajo të jetë një qeveri komplete dhe mendoj se kjo zyrë duhet të jetë bërthamë e një Ministrie të Jashtme në mandatin e ardhshëm të qeverisë”, tha kryeministri i Kosovës.
Në mënyrë që këto zyra të reja, të cilat pritet të hapen, të mund të shndërrohen në ministri, kryeministri Rexhepi tha se pret që para zgjedhjeve të ardhshme të bëhet një ndryshim në Kornizën Kushtetuese, për të krijuar mundësinë ligjore të funksionimit të tyre.
“Ne do të kemi aq kompetenca sa do të jemi efikas në zbatimin e detyrave që dalin nga këto zyra”, tha kryeministri. Lidhur me zyrën për Marrëdhënie me Jashtë, kryeministri tha se ajo do të ketë disa kufizime, siç është nënshkrimi i kontratave me shtete të tjera, që mbetet kompetencë e shefit të UNMIK-ut. "Mirëpo ne,"- tha Rexhepi-"nuk do të kemi pengesa në vënien e kontakteve me të gjitha vendet e tjera.

[Honesty^uk.]

[b]Presidenti Rugova udhëtoi për në SHBA

Prishtinë, 24 prill - Presidenti i Kosovës Dr.Ibrahim Rugova, mbrëmë udhëtoi për një vizitë disaditëshe në SHBA. Presidenti Rugova, i shoqëruar nga bashkëpunëtorët e tij të ngushtë, gjatë qëndrimit në Amerikë do të vizitojë shtetin federal Pensilvania, pastaj Nju Jorkun dhe Uashingtonin.
Pritet që Presidenti Rugova gjatë qëndrimit në SHBA të ketë disa takime të rëndësishme.
Kjo vizitë e Presidentit Rugova qe paraparë gjatë muajit mars, por për shkak të trazirave të 17 e 18 marsit ajo u shty. [/b]

[Honesty^uk.]

Në Prishtinë u përkujtua trevjetori i vrasjes së Ismet Rracit



Prishtinë, 24 prill - Sot në Teatrin Kombëtar në Prishtinë u mbajt një akademi përkujtimore në trevjetorin e vrasjes së Ismet Rracit, kryetar i Asamblesë komunale të Klinës dhe kryetar i degës së LDK-së për këtë komunë. Merrnin pjesë zyrtarë të lartë të LDK-së, udhehëqës komunalë nga Klina, familjarë dhe qytetarë të Klinës dhe të Kosovës. Ismet Rraci u vra në mëngjesin e 24 prillit të vitit 2001 nga një dorë kriminele.
Duke folur në këtë akademi për figurën e Ismet Rracit, nënkryetari i LDK-së Kolë Berisha tha: "Tash tri vjet pothuajse në çdo hap, ne përballemi me mungesën fizike të njërit nga ata që na i mori paqja. Tash tri vjet, në vend se me Ismetin e gjallë, ne takohemi, përshëndetemi, komunikojmë dhe kuvendojmë vetëm përmes kujtimeve, fotografive dhe veprës së tij të rralllë", tha Berisha, duke shprehur dhembje për mikun e bashkëveprimtarin e tij shumëvjeçar Ismet rracin. Por, tha Kolë Bersiha, as familjarët e Ismetit, e as bashkëmendimtarët e tij nuk guxojnë të lejojnë që dhembja ta mundë krenarinë, sepse Ismeti "është dhe do të mbetet përherë i madh, shumë i madh sesa vrasësit e tij".
Ndërkaq, Prenk Gjetaj, nënkryetar i komunës së Klinës dhe kryetar i Degës së LDK-së foli për jetën dhe aktivitetin politik e atdhetar të Ismet Rracit që nga fund vitet e viteve '80 dhe gjatë viteve 90. Ai tha se Ismet Rraci ishte një ndër themeluesit e degës së LDK-së në Klinë dhe sekretar i parë i saj e pastaj edhe kryetar i degës. Gjetaj foli edhe për veprimtarinë arsimore të Ismet Rracit, i cili edukoi shumë breza të rinjsh në frymën patriotike si arsimtar i gjuhës shqipe.
Qëndrimi kombëtar dhe demokratik, tha Gjetaj, e bënte Ismetin Rracin edhe më të dashur në mesin e miqve dhe bashkëveprimtarëve të tij. "Pikërisht para tre vjetëve kriminelët ordinerë, sikurse edhe shumë figura të ndritura të çështjes sonë, kryesisht të LDK-së, e vranë edhe këtë burrë të madh të Kosovës", tha Gjetaj, duke shtuar se "mallkimi i kësaj toke këta vrasëtarë do t'i zërë dhe do t'i ndëshkojë ashpër".
"Ismet Rraci do të mbetet dëshmor i demokracisë, metaforë e fuqishme si shprehje e dashurisë dhe e përkushtimit për liri e demokraci", tha mes tjerash Prenk Gjetaj.
Në fund të kësaj akademie u shfaq një program artistik si dhe u shfaq një videodokumentar.

[fadil]

THAÇI: SHBA-TË VLERËSOJNË LART GATISHMËRINË TONË PËR IMPLEMENTIMIN E STANDARDEVE



Hashim Thaçi, Kryetar i PDK-së


RADIO EVROPA E LIRË
Zoti Thaçi, ju gjendeni për vizitë në Shtetet e Bashkuara. Cili është qëllimi i vizitës dhe çfarë mund të na thoni për takimet e deritanishme?

HASHIM THAÇI
Vizita ime në Shtetet e Bashkuara të Amerikës është në vazhdën e thellimit të bashkëpunimit të institucioneve të Kosovës me qeverinë e SHBA-ve në procesin aktual politik që po kalojmë, në avancimin e procesit, në implementimin e standardeve për Kosovën dhe përshpjetimin e zgjidhjes së statusit politik të Kosovës. Të gjitha takimet që janë duke u zhvilluar në Departamentin e Shtetit, në Kongres, Senat dhe në Shtëpinë e Bardhë, janë duke çuar në drejtim të asaj se Shtetet e Bashkuara të Amerikës janë të vendosura që të jenë edhe më aktive në zhvillimet politike në Kosovë dhe në rajon dhe vlerësojnë lart punën e institucioneve kosovare, për implementimin e kritereve tona të përbashkëta për ndërtimin e Kosovës demokratike dhe të integruar.

RADIO EVROPA E LIRË
Zoti Thaçi, cilat janë përparësitë dhe shqetësimet në mënyrë konkrete të administratës amerikane, bazuar në takimet që keni patur deri tani?

HASHIM THAÇI
Mendoj se qeveria e Shteteve të Bashkuara të Amerikës është siç jemi dhe ne të fokusuar. Tani për tani është e interesuar që të vazhdojë procesi i implementimit të standardeve si kusht i domosdoshëm për hapjen e zgjidhjes së statusit politik të Kosovës në vitin 2005. Vlerësohet lart nga SHBA-të gadishmëria e lidershipit kosovar për t'u implementuar këto standarde, për të marrë përgjegjësinë për procesin aktual dhe për të ardhmen e vendit, për ndërtimin e një tolerance ndërqytetare e ndëretnike në Kosovë, për angazhimin e institucioneve vendore dhe atyre ndërkombëtare për mirëqënie më të mirë të qytetarëve, për zhvillimin ekonomik, për vazhdimin e privatizimit, për procesin e kthimit të refugjatëve dhe në veçanti përshëndetet gadishmëria e institucioneve vendore për fillimin e dialogut mes Prishtinës dhe Beogradit dhe natyrisht përshëndetet dhe gadishmëria e institucioneve të Prishtinës për të ndërtuar raporte bashkëpunimi me të gjitha vendet fqinje. Gjithë ky përkushtim i yni, është përkushtim i cili çon dhe bind opinionin ndërkombëtar se institucionet e Kosovës, populli i Kosovës është i vendosur për ndërtimin e rendit demokratik dhe Kosova gradualisht po reflekton paqe, siguri, stabilitet, që është parakusht i domosdoshëm për të njohur edhe ndërkombëtarët vullnetin e qytetarëve të Kosovës për pavarësi.

RADIO EVROPA E LIRË
Cilat kanë qenë problemet konkrete që ju keni ngritur në takimet në fjalë lidhur me zhvillimet më të fundit në Kosovë?

HASHIM THAÇI
Me gadishmërinë time dhe përkushtimin për të punuar edhe më tepër për realizimin e standardeve, në veçanti kam ngritur dhe çështjen që ne duhet të jemi të përgatitur që Kosova të ketë dhe vizionin e vet për vitin 2005, vizionin për të ardhmen, vizionin për shtetin e pavarur dhe sovran; që do të ndërtojë një shtet qytetar, që punon drejt krijimit të një identiteti shtetëror, ku të sundojë ligji dhe të gjithë qytetarët të kenë të drejta të barabarta. Duhet të jetë shtet shumë etnik, shumë fetar, ku do të respektohen të drejtat e të gjithë qytetarëve pa dallim përkatësie etnike. Do t'i kushtojmë rëndësi mbrojtjes dhe sigurisë dhe avansimit të mekanizmave të Kosovës, profesionalizimit të tyre në ndërtimin edhe të shoqërisë moderne demokratike, me një qeverisje funksionale, një shoqëri aktive civile, zhvillim ekonomik të theksuar, mirëqënie për të gjithë qytetarët he natyrisht duke përshëndetur vazhdimisht prezencën e NATO-s edhe në të ardhmen.

RADIO EVROPA E LIRË
Zoti Thaçi, derisa ju po zhvilloni vizitën tuaj në Shtetet e Bashkuara, shefi i administratës ndërkombëtare në Kosovë zoti Holkeri, ka bërë të ditur datën e zgjedhjeve dhe sistemin zgjedhor që do të jetë proporcional me lista të mbyllura dhe me një zonë zgjedhore. Cili është reagimi juaj?

HASHIM THAÇI
Ne e përshëndesim vendimin e zotit Holkeri për caktimin e datës së zgjedhjeve, por më vjen keq që sistemi zgjedhor nuk është me lista të hapura. Këtu qëndrimi i Partisë Demokratike të Kosovës dhe i imi ka qenë që të kemi një sistem me lista të hapura në mënyrë që të gjithë qytetarët të dinë se për kë votojnë dhe të votojnë për vlera e jo të mos dinë se për kë do të votojnë. Kështu që përshëndes vendimin e zotit Holkeri për caktimin e datës së zgjedhjeve, por në të njëjtën kohë shpreh dhe brengën time sepse është vendosur përsëri të votohet me sistemin me listat e mbyllura, që mendoj se do të ketë reflektime negative tek qytetarët dhe një mesazh jo i mirë tek ndërkombëtarët për Kosovën.

Intervistoi Iliriana A. Bajo

[progoni]

Edhe ktu me pasul të djeshit,nuk ke faj fadil politika-
-qyshtu është kur nuk ka të sotit.


Të kan lën në pik të lloqit shokët e idealit (po edhe nuk kan sen të re,fukara në politikë ma.)

[Honesty^uk.]

Presidenti i Kosovës Ibrahim Rugova, i cili ndodhet për një vizitë disaditëshe në Shtetet e Bashkuara të Amerikës, do të ketë takime me zyrtarë të administratës amerikane, ndërkaq të martën do takohet me Sekretarin e Përgjithshëm të OKB-së, Kofi Anan. Presidenti Rugova pas arritjes në Nju Jork, për nder të tij, komuniteti shqiptar, Dega e LDK-së, pastaj Këshilli Kombëtar Shqiptaro-Amerikan dhe Shoqata Panshqiptare "Vatra" organizuan një darkë në Nju-Xhersi. Duke folur para shqiptar-amerikanëve, Presidenti Rugova tha se kishte ardhur në SHBA që të takohet dhe të bisedojë miqtë e Kosovës. "Kam ardhur që t'i vizitoj miqtë tanë, t'ju vizitoj juve dhe posaçërisht kam ardhur për Kosovën dhe çështjen e saj, për mundësitë e realizimit të pavarësisë së Kosoëvs, që ne të gjithë e dëshirojmë dhe që të gjithë punojmë për të", theksoi Presidenti Rugova, duke folur në këtë takim. Presidenti Rugova pati një takim tjetër me zëvendësguvernatoren e shtetit Pensilvania, ndërkaq sot Presidentit Rugova do t'i jipet një mirënjohje e veçantë si mik i Shteteve të Bashkuara të Amerikës. Të martën presidenti i Kosovës takohet me Sekretarin e Përgjithshëm të OKB-së, z. Kofi Anan, ndërkaq të enjtën dhe të premtën ai do të jetë në Uashington për takim me zyrtarë të Departamentit të Shtetit dhe Shtëpisë së Bardhë.

[Honesty^uk.]

Rriten kapacitet e qeverisë së Kosovës


Nexhat Daci beson se është e mundshme të realizohet pavarësia nëse ka seriozitet
Nën organizimin e qeverisë britanike gjatë fundjavës në Londër është mbajtur një konferencë për Kosovën, në të cilën veç përfaqësuesve ndërkombëtarë kanë marrë pjesë edhe delegacione të shqiptarëve të Kosovës dhe të serbëve.
Në mesin e pjesëmarrësve ishte edhe kreu i Parlamentit të Kosovës, Nexhat Daci, i cili i tha BBC-së se qëndrimi ndërkombëtar ndaj Kosovës ka filluar të ndryshojë dhe se pritet bartja më e shpejtë e përgjegjësive në duart e kosovarëve, përfshirë edhe ato përgjegjësi që janë të rezervuara për UNMIK-un.

Zoti Daci tha se institucionet e Kosovës duhet që tani të jenë më të kujdesshme ndaj pakicave në veçanti asaj serbe.

Ai mbetet optimist se pavarësia e Kosovës mund të realizohet brenda vitit 2005.

Arbër Vllahiu zhvilloi një bisedë me zotin Daci dhe fillimisht e pyeti se a e përmbledhë tema bosht e konferencës në Londër gjithë pesëvjeçarin e Kosovës?

Z. Daci: Ishte një përmbledhje e gjithë asaj që ngjau në Kosovë, në veçanti në aspektin ekonomik, megjithëse edhe aspekti politik nuk mund të përjashtohej. Kjo për faktin se këto janë dy segmente të lidhura me njëra tjetrën. Ka një kthesë shumë pozitive reth vlerësimeve që unë I kam dhënë një vit më parë, dhe çuditërisht ka një përputhje mendimesh rreth zhvillimeve në Kosovë në këto vite. Ajo që është premtuese dhe në të mirë të Kosovës ka përafrim të qarqeve rreth përshpejtimit të kalimit të përgjegjësive në duart e institucioneve vendore. Mua më gëzon fakti se do të rriten kapacitet e qeverisë së Kosovës. Është mendim i përafërt se qeveria jonë duhet të kompletohet me të gjitha organet e saj, do të thotë gati të gjitha ministritë pos asaj të mbrojtjes, të cilën ne nuk e kemi kërkuar ndonjëherë.

BBC: Profesor Daci, pas të gjitha zhvillimeve të marsit në Kosovë, duket sikur është përshpejtuar procesi I zgjidhjes së statusit përfundimtar të Kosovës?

Z. Daci: Unë ndaj këtë mendim. Edhe përfaqësitë e ndryshme evropiane të cilat mund të kenë patur ndonjë rezervë për këtë kanë filluar ta ndryshojnë mendimi prandaj, do të përshpejtohet mjaft ky proces. Por kuptohet varet krejt nga shtytjet që ne do t'i japim në Prishtinë. Varet nga serioziteti dhe përgjegjësia jonë në institucione dhe mbi të gjitha duhet të jemi të kujdesshëm që më shumë vëmendje t'i kushtojmë gjendjes së pakicave dhe në veçanti atyre serbe në Kosovë.

BBC: Profesor, qeveria e Kosovës e ka marrë një pjesë të përgjegjësisë për ato që ndodhën në Kosovë. A e keni marrë ju dhe Kuvendi i Kosovës pjesën tuaj të përgjegjësisë dhe a janë të gatshëm udhëheqësit politik shqiptarë që të marrin përgjegjësitë e tyre, kur janë në pyetje pakicat?

Z. Daci: Po! Është shtuar një përgjegjësi në të gjitha institucionet e Kosovës përfshirë edhe Kuvendin. Ka një çasje tjetërfare dhe jemi të gatshëm që vërtetë me një përgjegjësi të mëdha t'i kryejmë detyrat tona. Ne nuk do të lëmë asnjë punë, që kërkohet nga ne pra nga Kuvendi, pa e kryer me përgjegjësi dhe cilësi. Ne duhet ta pajisim qeverinë e cila mund të jetë pastaj ekzekutive dhe rezultative.

BBC: Grupi Ndërkombëtar i Krizave (ICG) ka gjetur shkaktarët dhe ka thënë se një ndër fajtorët janë udhëheqësit politik shqiptarë të cilët shkojnë prapa popullit dhe nuk e drejtojnë atë. Pajtoheni me kritikat që ndërkombëtarët kanë bërë ndaj jush, udhëheqjes politike shqiptare?

Z. Daci: Kur të shikosh nga jashtë Kosovës qëndron kjo që thuhet. Ndoshta fatkeqësisht një pjesë e kësaj edhe është e vërtetë. Ne shpeshherë jemi më të preokupuar që t'i ndjekim dëshirat e qytetarëve dhe jo ta luajmë rolin prijës dhe kjo po na hakmerret në përgjithësi në proceset në Kosovë. ICG-ja, është një grupacion, institucion shumë serioz dhe mendimet e tyre duhet t'i marrim me sinqertësi dhe seriozitet, prandaj në këtë ka shumë të vërteta. Por ka edhe një pjesë të asaj që unë e them shikim nga largësia, kur nuk je në mjedisin ku zhvillohen proceset në një tjetër mënyrë mund të shihen ato.

BBC: Profesor Daci dhe së fundi, pas gjithë asaj që ndodhi, jeni të bindur dhe të gatshëm ju udhëheqësit kosovarë se pavarësia e Kosovës mund të realizohet në vitin 2005?

Z. Daci: Unë jam optimist dhe mendoj se po. Do të duhet një punë më serioze nëpër parti politike. Dhe në qoftëse vërtetë e kemi një seriozitet, siç flasim, unë them po!

[Honesty^uk.]

PRISHTINE (27 Prill) - Presidenti i Kosovës Ibrahim Rugova ka vizituar shtetin federal amerikan Pensilvania, me ftesë të zv.guvernatores së këtij shteti, Ketrin Bejker Noll. Me këtë rast presidenti Rugova me bashkëpunëtorët, pati takime me zyrtarë civilë dhe ushtarakë të Pensilvanisë. Në një ceremoni të zhvilluar me këtë rast, Presidentit Rugova iu dorëzua çmimi "Mik i SHBA-së" dhe "njeriu që punon për ta përmbyllur kornizën ligjore për pavarësinë e Kosovës". Zv.guvernatorja e Pensilvanisë znj. Katrin Bejker Noll, në një darkë të organizuar për nder të Presidentit Rugova, tha se miqësia e Ibrahim Rugovës ndaj SHBA-ve ka qenë jo vetëm në të mirë të Kosovës, por edhe të SHBA-ve. Ndërkaq, Presidenti Rugova, duke falenderuar për mirënjohjen tha se "roli i Amerikës ishte i pazëvendësueshëm edhe në jetësimin e aspiratës shekullore të shqiptarëve". "Njohja sa më e shpejtë e pavarësisë së Kosovës do ta qetësonte këtë pjesë të Evropës dhe tërë botën",- tha Presidenti Rugova. ro/ro

[fadil]

Instituti Amerikan i Paqes: Ka ardhur koha që OKB të caktojë parametrat për statusin final të Kosovës Botë

Trazirat e 17-19 marsit në Kosovë, që rezultuan në vdekje të civilëve shqiptarë e serbë, dëmtuan prona private, objekte fetare dhe larguan civilë minoritarë nga shtëpitë e tyre, kërkojnë reagimin adekuat të SHBA-ve dhe të bashkësisë ndërkombëtare. Deri tash diskutimet janë polarizuar midis atyre që mbrojnë pavarësinë e menjëhershme të Kosovës dhe atyre që duan ta përjashtojnë këtë mundësi. Të parët arsyetohen se demonstratat dëshmojnë se Kosova nuk mund të mbahet në kafaz për një kohë të gjatë, ndërsa protektorati ndërkombëtar duhet t'i lëshojë rrugë vetëvendosjes. Të dytët pohojnë se sjellja e gabueshme nuk duhet shpërblyer dhe se multietniciteti ka dështuar në Kosovë. Këto pozicione nuk janë të reja dhe nuk do të zgjidhin problemet që ngritën ngjarjet e 17-19 marsit të vitit 2004, thuhet ndër të tjera në raportin e Institutit Amerikan të Paqes.


Këto pozicione nuk janë të reja dhe nuk do të zgjidhin problemet që ngritën ngjarjet e 17-19 marsit të vitit 2004. Me qëllim të zhvillimit të përgjegjësive për këto trazira, duhet të marrim në konsiderim se çfarë ndodhi, pse ndodhi dhe parandalimin që të mos ndodhin akte të tilla në të ardhmen. Instituti i Paqes i Shteteve të Bashkuara konvokoi më 7 prill një grup të vogël të njerëzve që kanë njohuri për ngjarjet e marsit për t'i analizuar disa nga këto çështje. Ekstremizmi, dekurajimi i të rinjve dhe shtyrja e statusit final, qenë përzierjet shpërthyese. Ndërsa hetimet janë në vazhdim e sipër, shihet qartë se qe njoftimi i medies për vdekjen e tre fëmijëve shqiptarë që u atribuohej serbëve, ai që nxiti protestat e të dyja palëve, të serbëve dhe të shqiptarëve në Mitrovicë. Organizatorë, të paidentifikuar ende, i shfyrtëzuan demonstratat spontane për të mobilizuar mijëra të rinj shqiptarë për të protestuar, duke marshuar në shkatërrimin e shtëpive, veturave, dhe objekteve fetare të serbëve dhe të UNMIK-ut. Dhuna u përhap sakaq në dhjetëra vendbanime të Kosovës. Këto ngjarje ndodhën në një kontekst më të gjerë. Në njërën anë, fitorja e radikalëve në zgjedhjet e dhjetorit në Serbi, krijimi i qeverisë nacionaliste në Beograd dhe deklaratat e zëshme në Serbi për ta mbajtur Kosovën nën sundimin e saj, ka ngjallur shpresat e serbëve dhe frikën në radhët e shqiptarëve të Kosovës për kthimin e sundimit serb në Kosovë. Në anën tjetër, bashkëpunimi ndërmjet partive kryesore shqiptare për realizimin e "standardeve para statusit" shkaktoi padurimin e shumë shqiptarëve dhe krijoi hapësirë të madhe politike për ata të cilët angazhohen për pavarësi të mënjëhershme dhe të pakushte dhe që janë të përgatitur për t'i përdorur mjetet e dhunshme për marrjen e kësaj pavarësie nëpërmjet spatrimit etnik të serbëve nga Kosova. Krijohet përshtypja se trazirat i kanë zënë në befasi liderët e tri partive kryesore politike të Kosovës, mirëpo figurat e rangut më të ulët partiak mund të kenë pasur njohuri dhe mund t'u janë bashkuar organizatave të veteranëve dhe organizatave të tjera për ta nxitur dhe organizuar dhunën. Ata që i hodhën vaj zjarrit ishin të rinjtë shqiptarë, të cilët e ndiejnë veten të pashpresë. Ekonomia e Kosovës kishte përfituar nga vendosja e pranisë dhe nga ndihmat ndërkombëtare, që tani është duke pësuar rënie të vazhdueshme. Puna me ndërkombëtarët dhe mundësitë e tyre për të udhëtuar jashtë janë limituar në mënyrë të skajshme. Shumicës prej tyre u mungojnë dokumentet adekuate dhe disa vende nuk i pranojnë dokumentet e UNMIK-ut. Janë të paktë ata që janë në gjendje të marrin viza për SHBA apo Evropë. Të papunësuar, të izoluar dhe të dekurajuar, siç janë, shumë të rinj iu bashkuan protestës kundër serbëve , të cilët ata i quajnë shtypës, dhe të cilët u inkurajuan nga disa liderë të cilët duket se ofronin zgjidhje të shpejtë për statusin final të Kosovës. Përgjigjja ndërkombëtare ishte joadekuate. Ndërkohë që publikisht KFOR-i dhe UNMIK-u pohojnë se kanë reaguar shpejt dhe me efikasitet, shumë prova flasin se këto konstatime nuk qëndrojnë në tërësi. Megjithatë KFOR-i mobilizoi efektivin e vet rezervë pa humbur kohë dhe ia doli të rikthente rendin dhe ligjin. Pasi gjendja në Kosovë u qetësua, përgjigjja ndërkombëtare kryesisht u fokusua në planin e implementimit të "standardeve para statusit në Kosovë" dhe përcaktoi një afat kah mesi i vitit 2005 për vlerësimin e tyre. Politika "trazira para statusit" u hodh poshtë. Vizita e zyrtarëve të lartë të ShBA-ve dhe të Evropës në Prishtinë është përqendruar në ruajtjen e kursit të qëndrueshëm dhe në mosdorëzimin para ekstremistëve. Vizita e nënsekretarit amerikan të Shtetit, Mark Grosman në Prishtinë qe thelbësore për sinjalizimin dhe qartësimin e sërishëm të interesit të vazhdueshëm amerikan në Kosovë. Në të njëjtën kohë në Uashington dhe në kryeqyetet e Evropës po shtohet pranimi i së vërtetës se stili i punës së deritanishme nuk është i mjaftueshëm. Tani " standardet para statusit" janë vetëm parullë. Grupi i Kontaktit po planifikon të takohet në Prishtinë para përfundimit të prillit. Ai planifikon që takime të tilla të organizojë për çdo gjashtë javë. Flitet edhe për hapjen e "bisedimeve " Prishtinë-Beograd në nivelin politik që do të përqendrohej në çështjet thelbësore. UNMIK-u ka themeluar një bord për shqyrtimin e krizës dhe gjetjen e gabimeve. Ajo që komuniteti ndërkombëtar nuk e ka bërë ende është zhvillimi i një plani strategjik për kundërvënie ndaj ekstremizimit dhe shpërblimin e të moderuarëve. Kryeministri i Kosovës Bajram Rexhepi ka marrë lëvdata ndërkombëtare për angazhimin dhe përpjekjet kurajoze për shpërndarjen e turmave dhe dhënien fund të dhunës. Mirëpo institucioenet e vetëqeverisjes së përkohshëm në krye të të cilave qëndron ai kanë marrë barrën për rindërtimin. Partitë politike shqiptare u bënë bashkë vetëm në një deklaratë të shkëlqyeshme kundër dhunës. Komuniteti ndërkombëtar ka kërkuar këtë gjë, por deri më tash nuk ka parë të jetë ndërmarrë ndonjë masë disiplinore kundër atyre që janë involvuar në këtë dhunë. Po ashtu edhe organizatat e shoqërisë civile kanë bërë një deklaratë të fuqishme pas ngjarjeve, por, për kthimin e deklaratës së tyre në veprim nuk mjaftojnë vetëm fjalët. Kosovës i është pamundësuar privatizimi i shumë aseteve shtetërore, për shkak të statusit të saj të padefinuar dhe të kundërshtimeve të vazhdueshme nga Beogradi. Për dallim nga territoret e tjera në Ballkan, që janë të anëtarësuara në FMN dhe në Bankën Botërore, Kosova mund të marrë vetëm grante të vogla për shkak se statusi i saj i padefinuar e pengon të nënshkruajë garancione sovrane që kërkohen nga institucionet financiare ndërkombëtare, në rastet e tilla. Ky është hendikep serioz në fushën e ekonomisë që limiton ndjeshëm krjimin e vendeve të reja të punës dhe progresin ekonomik, veçanërisht tani kur ndihma ndërkombëtare dhe format e tjera të përkrahjes po pakësohen gjithnjë e më shumë. Përveç kësaj, deri tani Kosovës i është pamundësuar privatizimi i shumë aseteve shtetërore, përsëri për shkak të statusit të saj të padefinuar dhe të kundërshtimeve të vazhdueshme nga Beogradi. Ndërkohë që për shumë kompani në pronësi shoqërore, mendohet se janë të padobishme, ato mbajnë të bllokuar sasi të madhe të pasurisë së patundshme dhe resurse të tjera të nevojshme për zhvillimin ekonomik. Gjërat që duhen bërë patjetër Hollësistë ende janë të paqarta, por pasojat e shpërthimit të dhunshëm janë më së evidente: ekstremizimi politik, rinia e pashpresë dhe lëvizja e ngadalshme drejt çështjes së statusit kanë dëshmuar një kombinim të fuqishëm. Ritheksimi i standardeve para statusit është i domosdoshëm, por nuk është reagim i mjaftueshëm. Me qëllim të parandalimit të shfaqjes së rasteve të tilla në të ardhmen, strategjia efektive do të duhej të synonte arritjen e këtyre gjërave. Dekurajimi i ekstremizmit dhe përkrahja e të moderuarëve- Sigurimi i shpresës në radhët e të rinjve për një të ardhme më të mirë nëpërmjet punësimit dhe ofrimi i mundësive për shkollim dhe, ritheksimi i nevojës dhe rëndësisë së procesit për caktimin e statusit final. Kjo nuk mund të bëhet brenda kontekstit "standardet para statusit" dhe kërkon më shumë se angazhimin aktual ndërkombëtar. Më poshtë po japim një seri masash, shumica prej të cilave duhet incicuar nga UNMIK-u dhe të cilat së bashku do të kenë ndikim të rëndësishëm në arritjen e asaj që quhet "standardet para statusit". - Të bëhet ndjekja këmbëngulëse e nxitësve të dhunës, duke u përqendruar edhe në figurat e lidershipit, në ata të cilët mbajnë pozita të rëndësishme politike në kuadër të partive politike dhe të institucioneve të Kosovës. - Të vlerësohet dhe riparohet dëmi i shkaktuar dhe të inkurajohet kthimi i të gjithë të zhvendosurve nëpër shtëpitë e tyre, me shtimin e sigurisë nga ana e KFOR-it dhe UNMIK-ut. - Të forcohen insitucionet vetëqeverisëse nëpërmjet krijimit të ministrive të brendshme dhe të drejtësisë, insitucione këto që janë të nevojshme pavarësisht nga statusi final që do të vendoset më vonë. Fillimisht ato të luajnë një rol këshillëdhënës dhe mbledhës të informatave për mbështjetjen e punës në lëmin e sigurisë që është përgjegjësi e UNMIK-ut, në përputhje me Rezolutën 1244 të Këshillit të Sigurimit. - Të forcohet edhe më tej autoriteti institucioneve të përkohshme nëpërmjet krijimit të një zyre për punë të jashtme, në përputhje me Rezolutën 1244, nën autorizimin e kryeministrit për të themeluar zyra prfaqësuese për mbledhjen e informatave dhe për promovimin e tregtisë dhe bashkëpunimit ekonomik duke përfshirë Tiranën, Shkupin, Beogradin, Uashingtonin dhe Brukselin. - Të vendoset pranimi definitiv i dokumenteve të UNMIK-ut nga të gjitha vendet anëtare të BE-së dhe nga vendet fqinje. - Të fillojnë projektet pilot për testimin e decentralizimit në baza joetnike, por rajonale. - Të shtohet në mënyrë të ndjeshme mbështetja për arsimimin dhe për organizatat e shoqërisë civile, të përkushtuara për zgjidhjen e problemeve të Kosovës në mënyrë paqësore. - Të rishikohet raportimi i shtypit dhe të zbatohen masa legale kundër atyre që vlerësohet se e kanë nxitur dhunën. - Të rishikohet dhe të reformohet planprogrami që përdoret nga serbët dhe shqiptarët në shklollat e Kosovës dhe të përpilohet një planprogram i ri për historinë e Kosovës. - T'u mundësohet FMN-së dhe Bankës Botërore dhënia e huave Kosovës. - Të vazhdohet privatizimi. - Të përmirësohet komunikimi emergjent dhe reagimi i koordinuar ndërmjet UNMIK-ut, KOR-it dhe institucioneve vetëqeverisëse. Përveç kësaj, kërkohet shtimi i përkushtimit të Qeverisë Amerikane për Kosovën, duke pasuar kështu vizititën e nënsekretarit Grosman dhe duke vënë në spikamë se ShBA-të synojnë ta vazhdojnë punën për përcaktimin e statusit final të Kosovës, sapo të jetë arritur progres i mjaftueshëm në trajtimin e serbëve dhe të minoriteteve të tjera. ShBA-të duhet të inicojnë angazhim energjik për definimin e procesit, të strategjisë dhe të agjendës negociuese për zgjidhjen e statusit final të Kosovës. Kjo kërkon ose emërimin e një të dërguari të posaçëm për të punuar me Grupin e Kontaktit dhe me Kombet e Bashkuara në modalitetet që do të shërbenin për caktimin e statusit final, ose emërimin e një amerikani në postin e PSSP-së, pas skadimit të mandatit aktual. Këshilli i Sigurimit nuk ka miratuar ndonjë rezolutë për Kosovën që nga përfundimi i luftës së NATO-s kundër Jugosllavisë. Ka ardhur koha që OKB-ja të caktojë parametrat për vendosjen e statusit final të Kosovës. Çfarëdo rezolute e re duhet të përfshijë garanci të fuqishme ndërkombëtare për të drejtat dhe sigurinë e serbëve dhe të minoriteteve të tjera, si më poshtë: Nuk ka kthim të sundimit të Beogradit; Nuk ka ndarje të Bosnjës dhe të Maqedonisë; Nuk do të ketë tjetërsim të pasurisë dhe monumenteve serbe në Kosovë dhe Nuk do të ketë dhunë, thuhet në raport.

[Honesty^uk.]

PRISHTINE (28 Prill) - Arrestohet Sami Lushtaku, ish epror i UÇK-së, komandant i zonës operative të Drenicës. Leshtaku është arrestuar sot rreth orës 7.00 të mëngjesit nga trupat e KFOR-it në banesën e tij në Skënderaj. Burime jozyrtare bëjnë të ditur se ndaj Leshtakut rëndon akuza për nxitje të trazirave në muajin mars në Kosovë. Lushtaku bën pjesë në "listën e zezë" të presidentit amerikan Xhorxh Bush. Po sipas këtyre burimeve, KFOR ka bastisur ehde banesën e vëllait të tij, Ukshim Lushtaku në Prekaz. Në fillim të seancës së sotme të Kuvendit të Kosovës, në emër të grupit parlamentar të PDK-së, Arsim Bajrami dënoi arrestimin e gjeneral Sami Lushtakut dhe kërkoi ndërprerjen e fushatës së bastisjeve në fshatrat e Drenicës dhe të arrestimeve të figurave të UÇK-së, si tendencë që ka për qëllim inkriminimin e qyetarëve më të merituar të vendit.

[illyria]

Edhe nëse kjo është rubrikë lajmesh,ne kemi drejt ti komentojmë ato.
Pra, a din ndokush më përafërsisht për arsyen e arrestimit të eprorit Sami Lushtaku dhe
a u bë ky arrestim në bazë të ligjit të sapomiratuar penal të Kosovës?
Unë njoh shumë eprorë të lart të TMK-së që nuk kanë bërë kurrfarë krimi dhe që nuk kanë lidhje me mafi dhe jam më se i bindur që askush nuk do të ngritë aktpadi kundër tyre,normalisht,përveq Beogradit!
"KU KA TYM,KA EDHE ZJARR"