Lajme nga Mjekesia

[Naki]

Mikrobiologu slloven zbulon gjenin e trashësisë






Publikuar: 23.09.2012 - 15:22.KD

Me analizën e gjenomit të minjve mikrobiologu slloven Simon Horvat ka ardhur deri te përfundimi i cili në të ardhmen e largët ndoshta do t’i ndihmojë edhe njerëzit me peshën e tepërt trupore.Bëhet fjalë për gjenin e trashësisë,i cili është quajtur “deptor” , ndërsa për dallim nga gjenet tashmë të zbuluara të cilat ndikojnë në rregullimin e apetitit kryesisht me sinjalizimin përmes sistemit qendror nervor, deptori vepron në masën muskulore. Prandaj besohet që në të ardhmen shkencëtarët do të mund të zhvillojnë mjetin për “qetësimin” e këtij gjeni dhe kështu t’i ndihmojnë njerëzit me peshën e tepërt trupore nëse ajo është e kushtëzuar gjenetikisht.

Ndërkohë, rekomandon Simon Horvat nga fakulteti bioteknik në Lubjanë, rekomandimi më i mirë për personat që luftojnë me peshën e tepërt ende mbetet dieta dhe aktiviteti fizik.

Horvat në 15 vjetët e fundit është duke studiuar intensivisht mostrat gjenetike se pse disa njerëz janë të trashë, e disa të hollë. Me bashkëpunëtorët në institutin e vet në Lubjanë ai pas seleksionimit shumëvjeçar ka ndarë dy grupe të minjve me karakteristika të ndryshme gjenetike. Njëri grup i minjve kanë mbetur të hollë pavarësisht sasisë së ushqimit që kanë ngrënë, ndërsa grupi tjetër janë trashur edhe pse kanë konsumuar sasi më të vogla të ushqimit, varësisht prej asaj nëse a kanë pasur variantin e gjenit deptor “vital” apo “të trashë”.

Punimi me të cilin është dëshmuar lidhja në mes gjenit deptor dhe trashjes tek njerëzit si dhe vetë mënyra e funksionimit të gjenit është publikuar para pak kohe në revistën shkencore amerikane ‘Cell Metabolism'. Horvat gjatë punës në studim ka bashkëpunuar me kolegët nga Massachussets Institute of Technology (MIT), kanë përcjellë mediet sllovene.

[Zero Cool]

Mirupafshim operacioneve ne gjoks!



21.09.2012

Acidi ialuronik eshte shpikja më e re e mjekësisë estetike përsa i përket zmadhimit të gjoksit.

Kjo substances mbushëse është e njëjtë me atë që ndodhet në indin lidhes të gjoksit.

Ajo është shumë e kërkuar sepse I jep gjoksit më tepër volum dhe një tonifkim të muskujve pa përdorur operacionet e ndryshme plastike.

Pasi injektohet në zonën e gjoksit, substanca forcohet duke dhënë një efekt natyral të gjoksit.

Problemi i vetëm i kësaj substance është se me kalimin e kohes ajo ezaurohet dhe zgjat vetëm 12 muaj.

Por ajo që është më e rëndësishme është se në krahësim me operacionet plastike në gjoks efektet anësore janë shumë të vogla.

Materiali mund të përdoret edhe në vithe apo pjesë të tjera të trupit.

[Guri i madh]

Shkencëtarët turq prodhojnë lëkurë njeriu nga pendët e pulës







Publikuar: 14.10.2012 - 14:38Ankara, 14 tetor - Akademikët turq me detyrë në Universitetin Kocaeli kanë arritur të prodhojnë lëkurë njeriu nga pendët e pulës, transmeton TRT njoftimin.Doc. Dr. Gyralp Ozkoç (Güralp Özkoç) pedagog në Fakultetin e Inxhinierisë në Universitetin “Kocaeli” ka prodhuar nga puplat e pulës një produkt biomedikal me vlerë të lartë të shtuar, i cili do të përshpejtojë përmirësimin e djegieve në lëkurë dhe humbjet e indeve.

Produkti i ri do të përdoret në veçanti në kurimin e plagosjeve dhe djegieve dhe do të sigurojë riciklimin në ekonomi të 30 mijë tonë puplave të pulës që shkojnë dëm në plehra.

Ozkoç sqaron se me mijëra tonë pendë pulash në gjendje mbeturinash merren nga thertoret dhe pasi pastrohen mirë kompozitët e puplës shkrihen me teknikën e përzierjes në një tretësirë deri sa të përfitojmë një fibroid të veçantë. Pasta duke përdorur shumë teknika të reja kemi siguruar fije dhe lëndën e keratinës, të cilat krijojnë një komunikim mjaft të fuqishëm me trupin e njeriut.

[Lona]

Si të mbrohemi nga sëmundjet e vjeshtës dhe dimrit

http://zhurnal.mk/data/news/allergies.jpg

Të gjithë e kanë provuar tashmë që stinët vjeshtë-dimër janë shumë “kapriçoze” në lëvizjen e temperaturave. Këtë gjë më shumë se gjithçka e ndjen trupi i njeriut. Shumë njerëz ndihen të lodhur, të tjerë në depresion e disa të tjerë akoma sëmuren në mënyrë të pashpjegueshme dhe të përsëritur. Atëherë, çfarë duhet të bëjmë për të qenë në formë njëlloj si në verë? E rëndësishme është të ndjekim disa këshilla të thjeshta dhe praktike. Gjatë stinës së vjeshtës ditët shkurtohen në mënyrë progresive, temperatura ulet ndjeshëm, njerëzit janë më të predispozuar për të kaluar më shumë kohë në vende të mbyllura dhe të ekspozohen gjithmonë e më pak në diell.

Mbrojtja

Vjeshta dhe dimri janë stinët kur shumë njerëz fillojnë të ndërmarrin masat mbrojtëse. Ulja e temperaturave shton mundësitë për t`u prekur nga infeksionet bakteriale dhe virale. “Të mbrohesh” në këtë rast do të thotë ta mbash organizmin dhe sistemin imunitar sa më efiçent, për të qenë më të fortë dhe më të gatshëm për t`u mbrojtur. Stresi ndikon në uljen e mbrojtjes së organizmit. Një nga faktorët që më shumë se të tjerët ul mbrojtjen natyrale të organizmit është stresi, ku bën pjesë si ai fizik, ashtu edhe ai emotiv. Shumë njerëz as që e mendojnë se edhe një stërvitje e sforcuar mund të provokojë stres në organizëm dhe të ulë sistemin imunitar.

Aktiviteti

Një aktivitet i moderuar sportiv mund të përmirësojë qarkullim e gjakut, tonifikojë muskulin kardiak, t‘i japë më shumë oksigjen organizmit dhe të shkarkojë stresin motiv. Sigurisht, edhe një ushqyerje jo korrekte dhe e pashëndetshme mund të dobësojë funksionin e sistemit imunitar. Është shumë e rëndësishme të dihet se një ushqyerje e shëndetshme duhet të përshtatet me stilin e jetesës, me llojin e punës që bëjmë, moshën dhe sezonin. Dihet që nevojat ushqimore janë të ndryshme në periudha të ndryshme të jetës, ashtu siç janë të ndryshme në stinë të ndryshme. Megjithatë, rregulli i përbashkët është: shumë fruta, perime jeshile dhe ushqime të freskëta.

Masa për t’a forcuar sistemin

Stina e re sapo ka nisur, por fatkeqësisht shumë prej nesh nuk janë të gatshëm për ta pritur buzagaz. Me një sistem korrekt ushqyerjeje dhe me një administrim të mirë të stresit, do të jeni vërtet në gjendje ta përballoni sa më mirë stinën e vjeshtës dhe dimrit. Gjatë vjeshtës është vënë re se kemi një rënie më të madhe të flokut, krahasuar me muajt e tjerë të vitit. Ky proces që prek gjithë qeniet njerëzore, në këtë periudhë manifestohet edhe te gjitarët që kanë qime në trup. Megjithatë, në disa raste vihet re një rënie jashtë normave të lejuara, ndaj është e nevojshme të ndërhyhet për ta parandaluar.


Domatet parandalojnë sulmin në tru

Ushqimi i pasur me domate redukton rrezikun nga sulmi në tru, pohojnë hulumtuesit në Finlandë. Ata kanë studiuar ndikimin e likopenës, substancës së kuqe e cila mund të gjendet në domate, speca dhe shalqi.Rezultati i studimit, i cili është kryer në mostrën prej 1.031 meshkujsh, i cili është publikuar në revistën “Neurology”, ka treguar që personat të cilët kanë pasur më së shumti likopenë në qarkullim të gjakut kanë qenë më së paku të ekspozuar ndaj rrezikut për të pasur sulm në tru.

Shoqata për sulmin në tru është angazhuar për hulumtime shtesë rreth asaj se pse likopena e ka këtë efekt, përcjell BBC.

Niveli i likopenës në gjak tek të testuarit është matur në fillim të studimit, ndërsa hulumtuesit i kanë përcjellë gjatë 12 viteve të ardhshme.
Ata kanë qenë të ndarë në katër grupe në bazë të sasisë së likopenës në gjak.

Në grupin prej 258 meshkujsh me shkallën e ulët të likopenit janë shënuar 25 sulme në tru dhe 11 sulme në tru në grupin prej 259 meshkujsh, tek të cilët ka qenë i lartë niveli i likopenës.

Rezultate tregojnë që rreziku nga sulmi në zemër është reduktuar për 55 për qind nëse personi ka konsumuar ushqim të pasur me likopenë.
Mjeku Jouni Karppi nga Universiteti i Finlandës lindore në Kuopio ka thënë që ky studim ka vërtetuar që ushqimi i pasur me pemë dhe perime është i lidhur me rrezikun më të vogël nga sulmi në tru.

“Këto rezultate vërtetojnë rekomandimin që njerëzit duhet të hanë pesë herë në javë pemë dhe perime, çka do të çojë deri të reduktimi i madh i numrit të sulmeve të trurit”, ka thënë ai.

Karppi ka shtuar që likopena vepron si antioksidant, redukton inflamacionet dhe parandalon mpiksjen e gjakut. Dr. Clare Walton nga Shoqata britanike për sulm në tru ka thënë që studimi tregon që amntioksidanti, i cili mund të gjendet në domate, spec të kuq dhe shalqi mund të ndihmojë në reduktimin e rrezikut nga sulmi në tru.

Ajo ka shtuar që kjo nuk duhet t’i dekurajojë njerëzit për të ndalur së ngrëni edhe llojet tjera të pemëve dhe perimeve të cilat kanë efekt të mira për shëndetin sepse ende mbesin segment i rëndësishëm i ushqimit. “Hulumtimet shtesë duhen të ndihmojnë për të kuptuar pse antioksidantët e caktuar në perime siç është domatja ndihmojnë në reduktimin e rrezikut nga sulmi në tru”, ka thënë Walton.


Si ta hiqni celulitin pa tretman të shtrenjtë

Celuliti sulmon gjithnjë e më herët dhe pothuajse nuk ka femër e cila nuk ka telashe me të, prandaj ja disa këshilla praktika.

Celuliti është një nga “shqetësimet” e epokës moderne, që pa dyshim është në majë të listës të gjërave që femrat i urrejnë në trupin e tyre. Është zhvilluar një industri e tërë për ta larguar celulitin, nga kremrat e ndryshme dhe rrobat e veçanta e deri tek trajtimet e shtrenjta.

Megjithatë, kundër celuliti mund të luftoni edhe vetë, por ka nevojë për pak mund dhe disiplinë. Për fillim, ndryshoni ushqimin. Gjyshet tona nuk kanë pasur celulit, më së shumti për shkak se kanë ngrënë ushqim më të shëndetshëm. Do të thotë, sa më shumë perime, pemë të freskëta dhe drithëra integrale, sa më pak miell dhe oriz të bardhë. Të dëshirueshëm janë edhe peshku nga ujërat e ftohta, si salmoni për përmbajtjen e madhe të acideve esenciale yndyrore të cilat reduktojnë dëmtimet qelizore.

Uji është gjithmonë recetë e mirë, rreth dy litra në ditë, që lëkura juaj të jetë gjithmonë e hidratuar, ndërsa në këtë mënyrë pastrohen edhe toksinat nga trupi. Përveç ujit të mirë janë edhe çaji i verdhë dhe i gjelbër, ndërsa rekomandohet shmangia e plotë e ushqimit të yndyrshëm dhe të fërguar dhe lëngjeve me sheqerna të plota.

Po, ushtrimet janë të obligueshme, sigurisht. Cili do aktivitet i rregullt fizik do të ndihmojë qarkullimin më të mirë, njëkohësisht edhe largimin e toksinave, ndërsa nuk bën keq as heqja e ndonjë kilogrami më shumë dhe zhvillimi i muskujve.

Për fund, bëni masazhe të rregullta, të paktën t’ua bëjë partneri ose ju vetë. Bëni masazh pjesët e trupit me celulit me përdorimin e kremrave ose vajrave për masazh, ndërsa rezultate të shkëlqyeshme mund të arrihen dhe me vajrat esenciale të greipit ose portokallit.


Vitamina C nuk mund të mbrojë nga ftohja, por mund ta shkurtojë atë

Doza e rekomanduar është 90 miligramë për meshkuj dhe 75 miligramë vitaminë C për femrat, ndërsa shtesat e kësaj vitamine nuk guxojnë të qëndrojnë në banjë ose kuzhinë, sepse nuk janë njëlloj efikase.

Vitamina C nuk ka efekt në forcimin e imunitetit në atë masë që mund të bllokojë krijimin e ftohjes, por ka dëshmi se si dozat e larta të vitaminës C mund të shkurtojnë kohëzgjatjen e saj, ka zbuluar studimi i Qendrës nacionale australiane për epidemiologji, e cila ka shikuar 30 studime të ndara për ndikimin e kësaj vitamine në imunitet, të cilat kanë përfshirë 10.000 njerëz.

Njerëzit të cilët çdo ditë marrin shtesë prej një grami të vitaminës C në përqindje të njëjtë sëmuren nga ftohja, si edhe ata që nuk marrin shtesat e asaj vitamine. Megjithatë, ata që e marrin qëndrojnë dyfish më shkurt të sëmurë, shkruan San Francisco Chronicle.

Organizmi ynë e përdor vitaminën C për të forcuar eshtrat, kërcin dhe muskujt, por ndihmon edhe tek absorbimi më i mirë i hekurit. Ekspertët rekomandojnë konsumin prej 90 miligramësh të vitaminës C në ditë për meshkujt dhe 75 miligramë për femrat. Nëse merrni shtesat e kësaj vitamine, nuk duhet t’i mbani në banjë ose kuzhinë, sepse ruajtja në hapësira ku lagështia në ajër është e lartë, dobëson veprimin e saj.

Citruset, perimet e gjelbra, dredhëzat dhe pjepri janë burime të mira të vitaminës C, ndërsa mënyra më e mirë për të rritur konsumin e asaj vitamine në organizëm është që pemët dhe perimet t’i hani të papërpunuara, këshillojnë shkencëtarët.

[Lona]

Ide të shpejta për kafjall të shëndetshëm

Për kafjall të shëndetshëm, i cili do t’ju mbajë të ngopur nuk duhet shumë kohë, por vetëm disa ushqime të cilat me siguri tashmë i keni në frigorifer

Ka shumë këshilla se si duhet të hahet shëndetshëm, veçanërisht në mëngjes. Por, kush ka kohë të mendojë dhe të përgatisë kafjall të shëndetshëm me aq punë dhe obligime? Mos u shqetësoni, me disa ide që mund të realizohen shumë shpejt, do të keni kafjallin e shëndetshëm i cili do t’ju ndihmojë që dita e punës të kalojë më lehtë dhe t’ju japë energji.

Drithërat edhe qumështi: Kjo është klasike – një pjatë më drithëra me qumësht të ftohtë ose të nxehtë është një nga zgjedhjet më të mira për shujtën e parë në ditë. Drithërat janë të pasura me fibra dhe proteina.

Pemët: Cilado pemë është e mirë për fillimin e ditës. Pemët përmbajnë shumë hekur dhe materie ushqyese, ndërsa nëse ju ngutet më së lehti është ta fusni në çantë dhe ta hani gjatë rrugës deri në punë. Nëse doni të zgjidhni më të shëndetshmen prej të shëndetshmeve, zgjidhni mollën.

Buka e zezë: Kjo bukë e shëndetshme është e mbushur me materie ushqyese dhe hahet lehtë. Në të mund të vendosni ndonjë mëlmesë që u pëlqen, domate të freskët ose sallatë – keni fituar kështu kafjallin e shëndetshëm i cili do t’ju ngopë.

Vezët: Për të zier vezët me të vërtetë nuk duhet shumë kohë e as vëmendje. Prandaj, derisa visheni, zieni dy vezë të cilat do t’ju mbajnë të ngopur deri në kohën e drekës. Veçanërisht rekomandohet të hahet e bardha e vezëve.

Frape: Përgatitja e një gote të kësaj pije me ndihmën e mikserit zgjat vetëm një minutë. E shkëlqyeshme është që mundeni edhe të eksperimentoni – zgjidhni pemën që dëshironi, ose për shembull, shtoni pak kafe.


Katër arsye pse duhet ta hani vezën e plotë

Disa ende besojnë (gabimisht) se duhet të hahet vetëm e bardha e vezës, ndërsa njëkohësisht e anashkalojnë të verdhën e vezës.
Pasi që për disa dekada janë shpallur të dëmshme për shëndetin tonë, veçanërisht në sasi më të mëdha, vezët ngadalë, por sigurt janë duke u kthyer në listat e ushqimeve të shëndetshme dhe bëhen pjesë e pashmangshme e ushqyerjes së shëndetshme.

Megjithatë, ka shumë që ende besojnë (gabimisht) që kjo vlen vetëm për të bardhët e vezëve, ndërsa njëkohësisht konsiderojnë që duhet të anashkalojnë të verdhët e vezës. Ju sjellim katër arsye të cilat do t’ju bindin që kjo nuk ka lidhje me mendjen e shëndoshë:

1.Një vezë e plotë përmban 180 miligramë kolesterol. Asociacioni amerikan për zemër rekomandon konsumin ditor deri në 400 miligramë, çka do të thotë që, nëse nuk keni problem me kolestrolin në gjak, pa frikë mund të hani një vezë në ditë, gjithnjë derisa nuk e teproni me ushqimet si mishi dhe produktet e qumështit.
2.E bardha e vezës është ndoshta e pasur me proteina, por pikërisht në të verdhën e vezës gjenden shumica e ushqyesve nga veza. Një e verdhë e vezës ka 22 mg kalcium, 245 µg vitaminë A, 18 µg vitaminë D, 66 mg fosfor dhe 25 µg acid folik.

3.Ngrënia e vezës për mëngjes mund t’ju ndihmojë në luftën kundër kilogramëve. Një vezë mesatare ka vetëm 92 kalori, ndërsa jep 6,3 proteina, të cilat do t’ju japin energjinë e nevojshme të mëngjesit, për ç’arsye ka shumë më pak mundësi që para dreke të hani ndonjë ëmbëlsirë të pashëndetshme.
4.Acidet yndyrore të shëndetshme janë esenciale për shëndetin e trupit tonë, për ç’arsye vezët e pasura me acide yndyrore omega 3 janë mënyrë e thjeshtë për të rritur sasinë e këtyre acideve në ushqimin tuaj.


Panxhari, viagra natyrale

Konsumimi i panxharit do të sjellë shumë përparësi, prandaj duhet të gjendet çdo ditë në pjatat tuaja. Edhe shkencërisht është dëshmuar se panxhari ka efekt afrodiziaku.

Qysh në kohërat e lashta, romakët e vjetër e kanë përdorur panxharin si afrodiziak. Edhe pse shumë bimë në kulturat e vjetra janë konsideruar afrodiziakë, për panxharin është dëshmuar shkencërisht një efekt i tillë.

Panxhari përshpejton qarkullimin e gjakut në zonën e gjenitaleve. Po ashtu panxhari përmban shkallë të lartë të mineralit të borit, i cili nxit lirimin e hormoneve seksuale.

Panxhari është i pasur me nitratet e pasura të cilat në trup shndërrohen në oksidin e nitratit i cili zgjeron enët e gjakut, shpejton qarkullimin e oksigjenit dhe nutrientëve, ndërsa juve ju jep më shumë energji. Një filxhan panxhar përmban vetëm 60 kalori dhe shumë fibra. Sheqernat në panxhar janë karbohidrate komplekse dhe për dallim nga sheqeri i bardhë, kaloritë nga panxhari vijnë me shumë nutrientë dhe fitokimikate që janë të shkëlqyeshme për shëndetin tuaj.

[Lona]

Cilat fruta vjeshtore bëjnë çudi për shëndetin?

Ushqimet vjeshtore që i gjejmë lehtë në treg dhe dyqane na ruajnë shëndetin. Disa prej tyre kanë veçori të veçanta dhe mund të ndihmojnë me problemet, siç është ftohja

Manat (dudat) janë të pasura me hekur

Manat janë pasuri e vërtet për pasqyrën e gjakut dhe dobitë nga kjo frutë qëndrojnë në maje të listës në mes frutave të tjera malore. Janë të pasura me hekur, ushqejnë qelizat e kuqe të gjakut dhe parandalojnë aneminë. Në njëqind gramë ka rreth 1,85 miligramë hekur, ka thënë doktoresha Sarah Wilson për “Daily Mail”. Përveç se janë të pasura me hekur, manat janë të pasura edhe me vitaminë C dhe resveratrol, antioskidantin i cili përndryshe gjendet në rrush. Disa studime të reja thonë që kjo substancë ndihmon në luftën kundër kancerit.

Lajthitë ruajnë zemrën

Kanë përqindje të lartë të yndyrave mono-të pangopura të cilat janë të mira për uljen e kolesterinës. Studimi i para disa viteve ka dëshmuar që rreth 35 për qind të meshkujve të cilët kanë ngrënë rregullisht lajthi kanë reduktuar rrezikun nga sëmundjet e zemrës. Përveç që parandalojnë kolesterinën e rritur, janë të mira kundër aritmisë sepse përmbajnë acidet omega-3.

Shega mbron nga ftohja

Shurupin e shegës është mirë ta pini sapo të ftoheni, sepse ka një mijë herë më shumë vitaminë C se portokajtë dhe limonët. Përveç vitaminës C është e pasur edhe me vitaminat D dhe E, si dhe kalcium dhe hekur, ka shpjeguar Sarah Wilson.

Boronicat ruajnë shikimin

Antioksidantët antocianine, të cilat gjenden në boronica, janë të dobishme sepse ruajnë indin në sy dhe parandalojnë mjegullimin e shikimit, por edhe ruajnë enët e gjakut. Dihet që boronicat janë të mira kundër rritjes së tumoreve.

[Naki]

Kercimi,nje metod preventive per nje shendet te mire trupor dhe mental.

Të kërcesh, jo vetëm që argëtohesh, po i bën mirë edhe mendjes dhe trupit. Studimet e fundit tregojnë se me kërcimin mund të luftosh shumë patologji
Balet klasik, kërcim modern, tango, salsa, merenge, rege, apo ndonjë lloj tjetër kërcimi. E keni vetë në dorë të zgjidhni atë që ju pëlqen, por pavarësisht kësaj, kujtoni gjithmonë se kërcimi është një ilaç shumë efikas për të pasur një mendje të shëndetshme. Në fakt, asnjë prej nesh nuk do t’i thoshte jo një ftese për t’u argëtuar në një bar me muzikën që ne pëlqejnë. Arsyeja? Sigurisht për t’iu larguar streseve të jetës së përditshme, për t’u çlodhur dhe për t’u ndjerë plot energji ditën tjetër. Por nëse efektet janë kaq pozitive menjëherë në kaq kohë, ç’mund të thuhet nëse kërcimi praktikohet rregullisht, minimumi dy ose tri herë në javë. Atëherë nuk kemi pse e vëmë më në dyshim: një kurs kërcimi do të ishte gjëja më e mirë që duhet bërë në këto kohë të vështira. Këtë na thonë edhe mjekët suedezë, prandaj nuk kemi pse të jemi skeptikë për të besuar se kërcimi mund të na e lehtësojë jetën. Maria, një vajzë 19 vjeçe, pjesë e studimit, e tregon më së miri këtë. “Ndihesha e lodhur dhe shfaqja herë pas here shenja ankthi dhe lodhjeje. Rastësisht vendosa të bëhesha pesë e një studimi për të vërtetuar efektet e kërcimit në këto lloj gjendjesh shpirtërore dhe fizike. Pas një përvoje të mrekullueshme, mund të them me plot gojën se tani ndihem më mirë”, tregon ajo. Edhe Ingridi e mbështet plotësisht këtë tezë. Ajo tregon se tashmë shkon në kurse kërcimi tri herë në javë, në mënyrë të rregullt dhe nuk ka ndërmend të heqë dorë për asnjë arsye.
Sipas një studimi të fundit, kërcimi është shumë i mirë për të luftuar stresin, depresionin, por edhe dhembjen e kokës. Ky aktivitet i këndshëm fizik mund të na ndihmojë të kemi një shëndet mendor, shumë herë më të mirë. Studimet kanë treguar se simptomat e lidhura me depresionin, ankthin dhe stresin, lodhjen fizike apo mendore, madje edhe dhembjen e kokës, mund të largohen lehtësisht përmes një aktiviteti të thjeshtë, argëtues dhe të shëndetshëm: kërcimin. Me pak fjalë, kush e praktikon me njëfarë rregullsie këtë lloj aktiviteti fizik, duket se arrin të kontrollojë më mirë shqetësimet psikofizike, duke fituar më shumë vetëbesim dhe një aftësi më të madhe për të përballuar problemet e jetës së përditshme. Këtë e sugjeron edhe një studim i fundit suedez që ka analizuar me kujdes efektet e kërcimit në një grup vajzash të reja. Grupi i koordinuar nga Anna Duberg, fizioterapiste në “Örebro University Hospital” ka përfshirë 122 vajza suedeze me moshë nga 13 deri në 19 vjeçe. Të gjitha vajzat kishin shkuar shpesh në spital për të marrë ndihmë për simptomat e ankthit, depresionit, lodhjes psiko-fizike, dhembjes së kokës, dhembjes së shpinës apo edhe qafës dhe shpatullave. Pjesëmarrëset në studim u ndanë në dy grupe, ku i pari përbëhej nga 59 vajza ndërsa i dyti nga 53. Ato që i përkisnin grupit “59” u ftuan në një program vallëzimi, që parashikonte kërcimin në grup dhe me rregullsi për rreth dy ditë në javë. Të tjerat që i përkisnin grupit “53” nuk i modifikuan aspak zakonet e tyre të jetesës. Rezultatet e studimit ishin të mrekullueshme. Simptomat jo vetëm që ishin zhdukur në kohën kur kryhej aktiviteti, por edhe për katër deri në tetë muaj më pas, vajzat ndiheshin shumë mirë, duke mos shfaqur shenja ankthi, stresi apo depresioni. Në grupin tjetër gjendja nuk kishte ndryshuar aspak. Në fund, pjesëmarrëset deklaruan në 91 për qind të rasteve se kërcimi kishte qenë një përvojë pozitive dhe që me siguri do ta merrnin në konsideratë në të ardhmen. Me sa duket është pikërisht rasti për të thënë kërceni sa më shumë, për të luftuar stresin, shkaktarin e të gjitha sëmundjeve të sotme moderne.

[emine]

Një grup shkencëtarësh kanë zbuluar arsyen se pse disa çifte janë në mënyrë të pashpjegueshme sterilë. Ky studim jep shpresa të reja për gjithë ata që duan të bëhen prindër.
Quhet pikërisht “sterilitet i pashpjeguar” dhe është një situatë e pashpjegueshme deri më sot, kur çiftet nuk arrijnë të kenë fëmijë edhe pse si mashkulli dhe femra në analizat e tyre dalin favorit për të ngjizur pasardhësin e tyre.
Studiuesit irlandezë të Queen University në Belfast duket se kanë gjetur një zgjidhje.
Profesoresha Sheena Lewis dhe kolegët e fakultetit të mjekësisë dhe kirurgjisë kanë drejtuar një studim ku u përfshinë 239 çifte me diagnozën e sterilitetit të pashpjeguar, ku u vu re se në 80% të rasteve problemi vinte nga një dëmtim serioz në ADN-në e spermatozoidëve.
“Pjesa më madhe e çifteve me probleme pjellorie nuk janë në gjendje të marrin një shpjegim për situatën e tyre. Nga kjo situatë e dëmtimit të spermatozoidëve, vihet re një ulje e numrit të spermatozoideve dhe lëvizshmëri të dobët për të depërtuar drejt destinacionit të ngjizjes”, shpjegon Lewis, citon noa.al
Nëse deri më tani nuk diheshin arsyet e kësaj mungese pjellorie, studiuesja thotë se pas identifikimit të shkakut mund të lindë edhe kura për ta korrigjuar duke krijuar mundësinë për lindjen e një fëmije.
Rezultatet e plota të këtij vëzhgimi u publikuan në Reproductive Biomedicine Online , ku thuhet gjithashtu se në këto raste çiftet mund të kenë fëmijën e tyre falë farëzimit artificial.

[Naki]

Dieta që largon helmet nga organizmi
Prishtinë, (Kosovapress) 05 Janar 2013 09:27

Lëngjet e freskëta nga pemët dhe perimet mund të ndihmojnë që me shpejtësi ta pastroni organizmin dhe të hiqni disa kilogramë shtesë, por, kurrsesi mos planifikoni që në mënyrë ambicioze përmes këtij regjimi rigoroz të qëndroni më shumë se disa ditë, në të kundërtën dëmi do të jetë më i madh sesa dobia.

Më së miri do të ishte që këtë dietë ta mbani gjatë fundjavës dhe atë më së gjati një ose dy ditë. Kjo kohë mjafton për ta liruar organizmin nga materiet e dëmshme dhe helmet e grumbulluara.

Rregulli kryesor është që ditën ta filloni me lëng të freskët të shtrydhur nga agrumet apo portokajtë. Në gotën me lëng të shtrydhur shtoni dy decilitra ujë të vakët, e përzieni dhe e konsumoni. Kjo dietë ju sugjerohet sidomos atyre personave që kanë një organizëm të ngadalshëm, sepse metabolizmi i ngadaltë, tretje jo e mirë, pastrimi jo i rregullt i zorrëve, sjellin deri në grumbullimin e helmeve në organizëm dhe ngadalësojnë eliminimin e dhjamit. Limoni në raste të tilla ka efekt të mirë, sidomos kur merret në mëngjes, pasi ai përgatit mëlçinë, laboratorin më të rëndësishëm natyror për ta kryer funksionin e vet.

Nëse dikush pëlqen kombinimet, mundet që në vend të ujit të vakët të shtojë jogurt pa yndyrë apo edhe qumësht. Për mbajtjen e kësaj diete, edhe pse është mjaft e shkurtër, nevojitet vullnet dhe që në organizëm të mos konsumohet gjë tjetër pos lëngjeve dhe eventualisht ndonjë supë të pastër me perime, pa shtesa apo erëza.

[rastesishT]

Radiografia e shpeshtë e dhëmbëve lidhet me kancerin në tru

Studimi i ri sugjeron se radiografitë e dhëmbëve tek fëmijët mund të krijojnë probleme për shëndetin më vonë. Dhe prindërit mund të jenë veçanërisht të shqetësuar. Por disa ekspertë të shëndetësisë ngrenë pyetje mbi metodologjinë e studimit.

Nëse mendohet se ndeshja e shpeshtë me rreze, si në rastin e radiografive të dhëmbëve, është e rrezikëshme, studimi thotë se ka arsye për t'u shqetësuar. Radiografitë e shpeshta të dhëmbëve tek fëmijët mund të kenë lidhje me kancerin në tru në moshë të rritur. Studimi thotë se tumorët e krijuar nga ky faktor nuk janë malinjë, por ushtrojnë presion në tru dhe shkaktojnë paaftësi.

Shkencëtarët shqyrtuan historinë dentare të 1 mijë e 400 pacientëve me tumor në tru. Në të njëjtën mënyrë ata vepruan edhe me një numër të barabartë personash të shëndetshëm.

Dhe rezultatet treguan se personat me tumor në tru mbanin mend se kishin kryer dy herë më shumë radiografi të dhëmbëve para moshës 10 vjeç.

Megjithatë, disa ekspertë të shëndetësisë e kritikojnë këtë lloj metodologjie që mbështetet në kujtesë. Ata thonë se shumë studime kanë treguar se personat e sëmurë janë më të prirur të kujtojnë episode nga historia e tyre mjekësore sesa personat e shëndetshëm.

Gjithësesi, ekspertët këshillojnë, veçanërisht dentistët të mos harrojnë se radiografitë duhet të kryen vetëm kur janë të nevojëshme për diagnostikim dhe trajtim. Shoqata amerikane e dentistëve në një deklaratë të saj thotë se kryerja e radiografive të dhëmbëve duhet të bazohet edhe në moshën e pacienteve dhe historinë e tyre dentare. Për shembull një fëmijë mund të ketë nevojë për radiografi të dhëmbëve një herë në 1 deri 2 vjet - një i rritur i shëndetshëm pa probleme dentare, jo më shumë se 1 herë në 2 deri 3 vjet.

Shoqata Amerikane e Dentistëve thekson se dozat e rrezeve X në të kaluarën kanë qenë shumë më të larta sesa sot..dhe shton se radiografitë vazhdojnë të jenë të nevojëshme për diagnostikimin e dëmtimeve, infeksioneve dhe problemeve të tjera dentare.


A parandalon Omega-3 shtesë goditjet në zemër?

Shumëkush ka parë reklama rreth acideve yndyrorë Omega-3. Por a e ndihmojnë ato shëndetin e zemrës? Prej kohësh, shkencëtarët kanë besuar se Omega-3 që gjendet në peshk është e mirë për shëndetin kardio-vaskular.

Por një studim i ri në Archives of Internal Medicine, pas një shqyrtimi të shëndetit të rreth 20 mijë pacientëve të përfshirë në 14 studime të mëparëshme, konstatoi se tek pacientët të cilët kishin pësuar një goditje në zemër – acidet yndyrore Omega-3 në formë tabletash nuk kishin mundur të parandalonin një goditje të dytë. Në fakt, autorët e studimit vunë re se këta pacientë nuk kishin pasur asnjë lloj përfitimi nga Omega -3 shtesë.

Megjithatë, ekspertët vazhdojnë të rekomandojnë një dietë të pasur me Omega-3 duke ngrënë peshk të paktën 2 herë në javë, si për popullatën e përgjithëshme edhe për personat me sëmundje kardio-vaskulare.

Një dietë e tillë ofron acide yndyrore Omega-3 dhe gjithashtu mund të zëvendësojë burimet me proteina më pak të shëndetëshme, si ato që përmban mishi i kuq.


Operacion plastik për trajtimin e migrenës

Gazeta The Wall Street Journal kishte këto ditë një artikull mbi trajtimin e migrenës nëpërmjet një menyre jo të zakonshme.

Miliona vetë vuajnë nga kjo dhimbje kronike e kokës, dhe disa prej tyre tani i nënshtrohen operacionit plastik – jo që të duken më mirë, por të ndjehen mirë.

Sipas statistikave, 36 milionë amerikanë vuajnë nga migrena dhe arsyeja pse gratë preken 3 herë më shumë sesa burrat, nuk dihet.

Njerëzit kanë provuar mënyra të ndryshme për trajtimin e migrenës, duke filluar nga dieta, terapia fizike dhe të gjitha ilaçet – të vjetra e të reja – që dalin në treg, por në shumicën e rasteve, pa ndonjë efekt.

Kjo mund të jetë edhe një asrye që sa herë njoftohet mbi një mënyrë të mundshme trajtimi, sado jo-konvencionale, lajmi tërheq vemendjen, shpresat për shpëtim ringjallen dhe personat me migrenë duan t’a provojnë.

Kirurgjia plastike ka kohë që përdoret për përmirësimin e cilësisë së jetës, përfshi ndryshimet kozmetike e deri te rikonfigurimi i trupit apo fytyrës së dëmtuar nga aksidente të ndryshme.

Por tani kirurgjia plastike ka filluar të përdoret edhe për trajtimin e migrenës – një ngritje e lehtë e lëkurës mbi vetulla ose në ballë, jep efekte të dëshirueshme. Dr. Jay Austen, Shefi i Krirugjisë Plastike në spitalin e përgjithshëm në Massachusets, thotë se fillimisht personat që vuanjnë nga migrena trajtohen me ‘botox’ dhe kur tregojnë përmirësime, atëherë shikohen si kandidatë për operimin e migrenës.

Kjo ndërhyrje quhet “operacion për dekopresimin e nervit”, pasi mjekët besojnë se migrena shkaktohet nga fijet nervore që shtypen ose kompresohen nga inde ose muskuj. Kur këto fije nervore në ballë a mbi vetulla çlirohen kirurgjikisht, dhimbjet e kokës mund të ikin përgjithmonë. Një tjetër efekt i kënaqshëm që mendohet se sjell ky lloj operimi është edhe ndryshimi kozmetik – pacienti/pacientja duken më të rinj.

http://www.voanews.com/albanian/news...147154475.html

[Zero Cool]

Makaka mund të shpëtojë njerëzimin nga veset e këqija





Shkencëtarët gjermanë zbuluan në trurin e majmunit Makaka neurone të lidhura me vetë-ndërgjegjësimin që janë unike për njerëzit, majmunët, balenat dhe elefantët. Siç raporton ZR, neuronet u gjetën në pjesën e trurit përgjegjëse për lindjen e emocioneve, sidomos të dashurisë, urrejtjes, vetë-besimit dhe sikletit.

Studimi i këtyre neuroneve dhe lidhjet e tyre me zona të tjera të trurit në majmunët mund të ndihmojë në studimin e evolucionit të vetëdijes së njerëzve, shkaqeve të sëmundjeve të tilla si autizmi e madje edhe veseve të këqija të tilla si pirja e duhanit apo përdorimi i drogës.

[Lona]

Mendja nuk njeh pushim, përpunon informacione edhe në gjumë
Gjumi nuk shërben vetëm për të qetësuar memorien, por edhe për të organizuar kujtimet, ndërsa studimet e fundit kanë treguar se gjumi shërben edhe për të mësuar.

Këtë fakt e ka treguar një studim i drejtuar nga Anat Arzi i institutit Weizmann di Rehovot, në Izrael dhe i publikuar në “Nature Neuroscience”.

Në këtë studim thuhet se truri është në gjendje të përpunojë informacione dhe të reagojë ndaj tingujve dhe erërave, si në gjumë edhe kur jemi zgjuar.

Ndonëse eksperimentet kur njeriu është në gjumë janë të vështira për tu dejtuar, Arzi shprehet se duhet pasur siguri nëse objekti i studimit është me të vërtetë në gjumë gjatë ngacmimit.

“Ndërkohë që flemë, truri reagon ndaj erërave dhe ndaj zhurmave njëlloj si kur jemi zgjuar, marrim frymë thellë kur ndiejmë aromë të këndshme si të ndonjë parfumi dhe rrallojmë shpeshtinë e frymëmarrjes kur era është e keqe, këtë e kemi vërtetuar në eksperimente të ndryshme”, u shpreh Anat Arzi.

Sipas tij menjëherë sapo zgjohen subjektet në fjalë u nënshtrohen eksperimenteve pa pasur dijeni se janë vëzhguar edhe kur kanë qenë në gjumë, dhe reagimet e tyre ndaj erërave dhe zhurmës janë njëlloj si në kohën kur flenë.

Kanella balancon nivelin e sheqerit në gjak
Antioksidantët në kanellë ndihmojnë trupin për të balancuar nivelin e sheqerit në gjak, të cilat pastaj qetësojnë dëshirën për karbohidrate.

Kanella ndihmon në kontrollimin e nivelit të sheqerit në gjak, nivelet e larta të të cilit përbëjnë rrezik për shfaqjen e sëmundjeve të zemrës. Sipas studimeve, u zbulua se nëse të sëmurët me diabet tipi-2 konsumojnë kanellë për 6 javë, jo vetëm ulin nivelin e sheqerit në gjak, por edhe LDL, kolesterolin e keq.

Mund ta konsumoni me qull tërshëre ose mollë të prerë.

Shkopinjtë nga kanella mund t’i shtoni në çaj për shije të mirë.

Kanella shfrytëzohet si mëlmesë me mijëra vite për shkak të aromës së saj, ndërsa përdorimi i saj në mjekësi ka filluar në Egjiptin e lashtë. Kjo mëlmesë është edhe pjesë e mjekësisë tradicionale kineze.


Rrushi mbron nga sëmundjet kardiovaskulare
Rrushi që konsiderohet mbret i të gjithë frutave, është shumë i shëndetshëm, prandaj ju sugjerohet të gjithëve pa përjashtim, e sidomos personave të cilët vuajnë nga sëmundjet kardiovaskulare.

Rezultatet e hulumtimit të kryer nga University of Michigan Bolling, drejtuar nga doktor Steven Bolling, tregojnë se rrushi dhe varietetet e tij (i kuq, i bardhë dhe i zi) mund të mbrojë nga sëmundjeve të zemrës. Lëvorja e rrushit është e pasur me kvercetinë, substancën e cila e rregullon nivelin e kolesterolit në gjak dhe e zvogëlon rrezikun për të pësuar sulm në zemër, e po ashtu rrushi është i pasur me polifenole dhe taninë, materiet të cilat parandalojnë shfaqjen e tumoreve të ndryshme.

Numri më i madh i përbërësve të dobishëm fshihet në farat e rrushit të zi, prandaj mendohet të jetë i shkëlqyeshëm në pastrimin e organizmit nga helmet.

Rrushi është i pasur me sheqerna në të cilat mëlçia mbështetet me të madhe, ashtu që i deponon për t’i përdorur kur t’i nevojitet organizmit, mirëpo diabetikët duhet ta përdorin në mënyrë të kontrolluar Rrushi nuk u sugjerohet atyre që dëshirojnë të humbin në peshë, por ndihmon ata që vuajnë nga kapsllëku.

Rrushi i bardhë dhe i zi janë të pasur me vitaminat nga grupi B, si dhe vitaminat A dhe C.

[Lona]

Lëkurë e stresuar? Ja terapia anti-rrudhë

“Të përkryera!” Me këtë fjalë emërtohet sindroma e femrave që aspirojnë sukses në të njëjtën kohë në fusha të ndryshme të jetës. Edhe kur ndihen të lodhura, konsumojnë ende energji, gjë që reflektohet mbi lëkurën e tyre, duke e kthyer atë në të zbehtë dhe pa ndriçim.

Çfarë do të thotë lëkurë e stresuar?
Ajo që papritur shndërrohet në të yndyrshme. Manifeston pore të mëdha, akne në moshë madhore dhe shfaqje rrudhash të papritura.

A ka zgjidhje të shpejta për këtë problem?
Nëse lëkura është bërë e yndyrshme dhe me akne, përdorni produkte kozmetike me bazë acidin salicilik. Gjithashtu produktet me bazë retinolin ndihmojnë në rinovimin e qelizave.

Çfarë duhet të bëjmë nëse lëkura është shumë e thatë?
Duhet menduar për një trajtim estetik tek mjeku dermatolog. Një trajtim mund të jetë seanca një herë çdo tre muaj me ‘hidrobalance’. Më saktë, ky trajtim fut nën lëkurë një lloj xheli, i cili e hidraton atë thellësisht. Gjithsesi, çfarëdo seance estetike tek dermatologu të bëni, duhet të evitohen ndryshimet e menjëhershme të temperaturës nga shumë nxehtë në shumë ftohtë ose anasjelltas.

Lëkura e yndyrshme mund të jetë më e prekshme nga stresi sesa ajo e thatë?
Aspak. Edhe ata që nuk kanë pasur asnjëherë problem me aknet mund të manifestojnë shqetësime të përkohshme të tilla. Kjo ndodh kur në trup rritet prodhimi i hormonit të stresit, kortizolit, i cili bën që prodhimi i yndyrës të shtohet.

Edhe lëkura e trupit është po kaq e ndjeshme ndaj stresit?
Po, nëse sistemi imunitar dobësohet. Në këtë moment qelizat e lëkurës kthehen në më pak të oksigjenuara dhe janë shënjestër ndaj aksionit të radikaleve të lira, të cilat sjellin dehidratim apo tharje të lëkurës.

Në cilat periudha të vitit lëkura stresohet më shumë?
Në harkun kohor të ndryshimit të stinëve, njësoj si tani. Lëkura sforcohet më tepër për shkak se dielli nuk e rreh më si gjatë verës dhe anasjelltas. Në këtë periudhë duhet të përdoren kremra hidratues dhe rekomandohen edhe vitaminat me magnez.

A ekzistojnë në të vërtetë rrudhat e shkaktuara nga stresi?
Fatkeqësisht po. Stresi ngadalëson qarkullimin e gjakut duke bërë që rrudhat e shprehisë të kthehen në rrudha të thella dhe të qëndrueshme.

TRI MËNYRA PËR RIGJENERIMIN E LËKURËS

Dieta AD HOC
Në periudhat më stresuese të jetës së përditshme, kjo dietë, e cila zgjat 40 ditë, konsiston në ngrënien e orizit integral për drekë dhe peshkut e perimeve në darkë. Shumë ujë, të cilit mund t’i shtohet gjithashtu pak lëng limoni.

Aktiviteti fizik
Joga është një strategji shumë e mirë jo vetëm për trupin, por edhe për lëkurën. Është vërtetuar që meditimi 20-minutësh çdo ditë ndihmon qelizat të rinohen. Shtohet prodhimi i endorfinës, e cila ndihmon lëkurën të riaktivizojë funksionet e saj rigjeneruese.

Trajtimet
Në kushtet e shtëpisë mund të realizohet një maskë anti-stres. Në një kos dietik, pa yndyrë, shtohet pak krem me veti hidratuese. Lihet në lëkurën e fytyrës për 30 minuta dhe e ndihmon atë të duket më rrëzëllitëse.

… dhe një ushtrim për të luftuar rrudhat
Nxirrni buzët jashtë, si peshk, njësoj sikur do të donit të dërgonit një puthje, por pa i rrudhur ato. Shqiptoni zanoren ‘a’, gjithmonë duke qëndruar me buzët jashtë, përpiquni njëkohësisht të buzëqeshni. Ndihmon edhe për rrudhat e zonës së mjekrës

Barku dëmton zemrën më shumë se obeziteti

Kush ka bark rrezikon më shumë për të pasur një vdekje që mund të lidhet me një patologji me zemrën, në raport me personat që kanë shëndet në total.

Një studim i Mayo Clinic në Rochester, në Minnesota tregon se personat që kanë barkun e madh janë më të prekur nga sëmundjet e zemrës.

Barku është i përbërë nga yndyra dhe dhjamëra të shumtë që kanë një ndikim të keq në metabolizëm dhe veçanërisht me me komponentë toksikë që shtojnë rreziqet kardiake.

[achiles]

Zbulohet geni i lumturisë - por e kanë vetëm femrat


Ai quhet Maoa dhe është geni që ju bën të lumtur. Por juve meshkuj, mos t’ju vijë keq, po t’ju themi se ai ka fuqi vetëm për femrat. Kjo mund të shpjegojë edhe sepse, shpesh, ju jeni më të trishtuara se ato.

Ky fakt pohohet nga shkencëtarët amerikanë në Universitetin e Floridas, që kanë botuar rreth tij edhe studimin përkatës në revistën “Progress in Neuro-Psychopharmacology & Biological Psychiatry”.

Sipas tyre, në trurin femëror ushtron aktivitetin geni Maoa, i lidhur me një dozë më të lartë lumturie tek femrat, sesa tek meshkujt në përjetimin e gjërave.

"Ky në fakt, quhet edhe gen luftëtar, por në këtë rast ne kemi analizuar anën e tij pozitive", cilëson studiuesi Henian Chen, lidhur me një fakt të tillë.

Sipas tij, Maoa rregullon veprimtarinë e një enzime që ndikon në proceset e serontinës, dopaminës, të njohur si hormonet e kënaqësisë dhe mirëqënues, duke i transmetuar ato në tru.

Proces ky që ndikon në mënyrë direkte në përmirësimin e gjendjes shpirtërore.

Ndërsa tek burrat, sipas studiuesit, këto efekte pozitive janë penguar ndoshta nga testosteroni.