Barcelona

[LaCoStA]

Guardiola: Messi nuk di të simulojë




Trajneri i Barcelonës, Pep Guardiola i ka hedhur kategorikisht akuzat që u bënë ndaj ylli të skuadrës Lionel Messi, kinse ai ka filluar të simulojë.”Messi është një lojtar i ndershëm, madje e konsideroj shembull se si duhet të jetë një lojtar sepse ai nuk di të aktrojë, ai don dhe din vetëm të luajë” shprehet Guardiola. Messi u akuzua pas ndeshjes me Gijonin, kinse ai shumë shpesh rrëzohej, duka simuluar në fushë.

[Peja-Boy]

Mesfushori i Barcelonës, Andres Iniesta, është rikthyer në stërvitje të plota pasi ka kaluar testet e stafit mjekësor.

Spanjolli ka munguar në tri javët e fundit si pasojë e një lëndimi që pësoi në përballjen e Ligës së Kampionëve kundër Milanit.
Ndërsa faqja zyrtare e Barcës njofton se gjatë të martës Iniesta është stërvitur me ekipin B të Blaugranëve.

[Peja-Boy]

Ibrahim Afellay e ka kaluar me sukses intervenimin kirurgjik, të cilit iu nënshtrua të martën paradite. Mesfushori holandez u desh të operohej, pas zgjatjes së ligamenteve të gjurit të majtë.

Futbollisti i Barcelonës e pësonte këtë lëndim më 22 shtator, ndërsa sipas mjekëve që e operuan, rikthimi i tij pritet të bëhet pas gjashtë muaj.
Kështu, për përfaqësuesin holandez pothuajse ka përfunduar ky sezon, ngase ai prite të kthehet në muajin prill, një muaj para se të përfundojë kampionati spanjoll.

[LaCoStA]

Puyol: Messi, nga planeti tjetër




Kapiteni i Barcelonës, Carles Puyol ka thënë se bashkëlojtari i tij, Lionel Messi është lojtari më i mirë padyshim i të gjitha kohërave.

“Nëse ka një lojtar i cili kurrë nuk bie poshtë atëherë ai është Lionel Messi”.

“Ai është lojtari më i mirë i të gjitha kohërave. Është vështirë të kujtohet apo të imagjinohet ndonjë tjetër i ai. Asgjë nuk mund të krahasohet me të, ai është nga planeti tjetër”, përfundoi Puyol.

[LaCoStA]

Benitez veç fjalë të mira për Barcelonën




Ish trajneri i Interit dhe Liverpoolit, Rafael Benitez, ka shprehur admirimin e tij për skuadrën e Barcelonës, për trajnerin e saj Guardiola por edhe për stilin e futbollit sulmues që e bënë kjo skuadër.

“Çdo gjë që kam dëgjuar për Guardiolën është se ai është një punëtor shumë i madh që e dashuron futbollin dhe e bënë punën me pasion, dhe në këtë rast ne po flasim për një super trajner i cili udhëheqë një super skuadër”, ka thënë Benitez për “Mundo Deportivo”.

Megjithatë kur spanjolli u pyet nëse kjo Barcelona është me e mira në të gjitha kohërat, Benitez refuzoi të përgjigjet në këtë pyetje.

“Unë e dua skuadrën e Milanit kur ishte trajner Arrigo Sachi, ndërsa edhe Barcelona luan shumë mirë gjithëashtu, ata nuk fitojnë tituj si të tjerët por ata triumfojnë duke luajtur futboll të bukur”, ka potencuar Benitez i cili është i papunë që nga dhjetori i vitit të kaluar kur u shkarkuar nga drejtimi i Interit.

[LaCoStA]

Beckenbauerin e çmendë Barcelona






Franz Beckenbauer ka shprehur admirimin e tij për lojën që e tregon skuadra e Barcelonës. Beckenbauer që është president nderi i Bayern Munchenit mendon se Barcelona është shembulli i futbollit të përsosur.

” Sot masa e të gjitha gjërave është Barcelona. Ky klub është më i mirë se edhe kombëtarja spanjolle sepse Messi është në radhët e tyre. Unë dhe të gjithë ne duhet të dashurojmë lojën e Barcelonës sepse bëhet fjalë për diqka të përsosur” shprehet Kaiseri gjerman.

[LaCoStA]

Bartësit e Barcelonës së “çmendur”






Barcelona konsiderohet si një ndër ekipet më të famshme prej kohësh në Evropë. Në ekipin katalonas gjithmonë ka pasur lojtar eminent të futbollit evropian duke arritur suksese të çmuara me skuadrën e Barcelonës.
Por shtrohet pyetja : A është kjo gjenerata më e mirë në histori të Barcelonës? Ekipi i udhëhequr nga Pep Guardiola vërtet po bën histori, duke mahnitur me lojën , sharmin mbi të gjitha rezultatet impresive që dita ditës po kalojnë çdo rekord të mundshëm.

Lojtarët si Messi, Xavi Puyol e Iniesta vërtet po dëshmojnë se futbolli s’mund të jetë aq i komplikuar sa që shpesh paragjykohet. Kjo përbërje nga titanët e futbollit botëror po jep shenja të qarta se kjo përbërje aktuale mbase është vërtet më e mira në histori të këtij klubi, mjaft të respektuar në Evropë dikur, dhe posaqërisht Sot.

[LaCoStA]

Xavi: Messi, një nga më të mirët në histori



Lionel Messi vazhdon të marrë lëvdatat më të mira nga bashkëlojtarët e tij te Barcelona, ndërsa kësaj radhe është Xavi Hernandez që pohon se argjentinasi është lojtari më i mirë në planet.

“Nuk dyshoj se Messi është futbollisti më i mirë në botë dhe njëri nga më të mirët në histori”.


“Ne kënaqemi me lojën e tij, në fushë dhe jashtë fushe, dhe është e mahnitshme ajo që bën ai”.


“Messi është shumë modest, një bashkëlojtar i shkëlqyer dhe një pikë referente për Barcelonën”, ka thënë mjeshtri i mesfushës.

[LaCoStA]

Xavi: Topi i artë sërish për Messin



Xavi Hernandez, mesfushori i Barcelonës, mendon se Lionel Messi duhet të jetë fituesi i Topit të Artë edhe për këtë vit.

Nëse do të ndodhte kjo, argjentinasi i Barcelonës do ta fitonte për herë të tretë këtë çmim individual.

“Messi meriton të fitojë Topin e Artë këtë vit dhe në vitet në vazhdim. Ajo që ai po bën është diçka e jashtëzakonshme me të cilën kënaqemi ne në fushë dhe publiku që na shikon. Messi është i përulur, një mik i mirë dhe pikë referimi për Barcelonën dhe botën e futbollit”, thekson Xavi.

Truri i katalanasve dhe përfaqësueses spanjolle siguron se Barcelona ka ende uri për fitore.

“Gjithmonë kemi motivimin për të fituar të tjerë Champions, të tjerë kampionate, të tjera kupa dhe Botërorin e Klubeve në dhjetor. Duam të fitojmë gjithçka”, shtoi spanjolli.

[LaCoStA]

Messi pushton Spanjën



AS Inkerfel Anketa bëri një analizë lidhur më futbollistët më të mirë në histori të Kampionatit Spanjoll. Kështu të anketuarit vlersojnë Lionel Messin si futbollistin më të mirë në histori të këtij kampionati. Pas tij renditet argjentinasi tjetër Diego Armando Maradona pasi kaloj 2 sezone tek Barcelona dhe një tek Sevilla.Legjenda e Realit, Alfredo Di Stefano renditet në pozitën e tretë duke lënë prapa yje si Raul, Zidane e Cruyff.

[LaCoStA]

Pique: Guardiola do të qëndrojë



Mbrojtësi i Barcelonës, Gerard Pique, është i bindur se trajneri Pep Guardiola do të nënshkruajë kontratë të re me kampionët e Spanjës dhe Evropës.

“Nuk dua të shtoj presion në Guardiolën. Ai do t’i bëjë gjërat në tempon e tij, siç ka bërë çdo vit. Ai gjithmonë ka nënshkruar marrëveshje të re, dhe besoj se do ta bëjë edhe këtë vit”.

“Ai e do punën e tij këtu dhe lojtarët besojnë në të. Mendoj se ky ekip është më i miri në histori dhe kurrë nuk duhet të thyhet. Pep nuk ka asnjë arsye të largohet nga klubi”, ka thënë Pique për El Mundo Deportivo.

[LaCoStA]

Kundërpërgjigjet Barca


Barcelona nuk e ka lejuar Real Madridin që ta shijojë gjatë pozitën e parë në tabelë, pasi me fitore prej 3-0 kundër Racing Santanderit e ka rikthyer primatin në La Liga.

Pas kombinimeve me Andres Iniestan duke qitur jashtë lojë pesë mbrojtës, Lionel Messi kaloi vendasit në epërsi nga afërsia (11’).



Goli i dytë erdhi nga aksioni i Pedros dhe Xavit, ndërsa ishte ky i fundit që e plasoi në rrjet (28’) dhe me epërsi të dyfishtë përfundoi pjesa e parë.

Në gjysmën e dytë, Blaugranët shënuan vetëm një herë, ndërsa ishte sërish Leo Messi që e shfrytëzoi goditjen e Iniestas për ta trefishuar avantazhin e katalunasve (68’), ndërsa ky ishte goli i dhjetë për të këtë edicion në Kampionatin spanjoll.



Pas shtatë ndeshjeve, Barcelona ka pesë fitore dhe dy barazime, gjegjësish 17 pikë, një më tepër se rivali i përbetuar, Real Madrid.

[LaCoStA]

Messi bën histori, kalon Kubalan




Futbollisti më i mirë në botë Lionel Messi ka arritur të shënojë 2 gola në fitoren e arritur ndaj Racing Santanderit. Por 2 golat e Messis kishin vlerën e një historije të re tek Barca, pasi që Messi ka kaluar legjendarin e Barcelonës Radoslav Kubala në krye të listët së golashënuesve më të suksessëhm tek Barcelona.
Messi tani ka 196 gola të shënuar për Barcelonën përkundër Kubalas i cili kishte realizur plot 194 herë.

[LaCoStA]

Pique mungon dy javë



Mbrojtësi i Barcelonës, Gerard Pique do të jetë jashtë aksionit për dy javët e ardhshme, pas largimit të tij nga loja për shkak të dëmtimit në sfidën ndaj Racing Santander.

24 vjeçari ishte rikthyer nga lëndimi, por u detyrua që për shkak të një dëmtimi tjetër në kofshë të largohej nga takimi vetëm tetë minuta pas inkuadrimit.

Menjëherë mjekët e Barcelonës e kanë ekzaminuar mbrojtësin dhe kanë arritur të zbulojnë një zgjatje në kofshën e tij të djathtë, duke bërë që ai të qëndrojë dy javë jashtë fushave.

[LaCoStA]

Fabregas rikthehet këtë javë



Cesc Fabregas është në rrugë për t’u rikthyer pas lëndimit që mori dy javë më parë dhe mund të jetë në fushë në ndeshjen e vikendit kundër Sevillas.



Ish-ylli i Arsenalit morri një lëndim në gju gjatë një seance stërvitore para ndeshjes së Barcelonës kundër Sporting Gijon më 2 tetor dhe që atëherë ka punuar në rikuperim.


Fabregas pritet që sot ose nesër të zhvillojë seancë të rregullt stërvitore dhe mund të përfshihet për ndeshjen e ardhshme në La Liga.


Barcelona të mërkurën takohet me Viktoria Plzen në kuadër të Ligës së Kampionëve, por është me pak gjasa që 24-vjeçari të jetë i gatshëm për këtë takim.