A po na e japin PAVARESINE,a JO???

[Pupi]

Ah, Pavarsi, Pavarsi. E ty flaka t'dalt.
urrrraaaa, erdhi shumë e mirëpritura pavarsi, që prej sot është rajoni i Hasit i pavarur, rajoni i Dugagjinit i pavarur, Drenica e pavarur, LLapi i pavarur, Anamorava e pavarur, Anadrini i pavarur, shtëpia ime, ara te përroi, dhe koliba ime ku ruaj kallamoqin nga thit e eger.
Më flani unë fola vetëm për këto që besoj, unë nuk dua të më shpërlahet truri duke besuar që Kosova ka, apo do të fitoj Pavarsi.

[aroza]

Postimi origjinal është bërë nga Pupi

Ah, Pavarsi, Pavarsi. E ty flaka t'dalt.
urrrraaaa, erdhi shumë e mirëpritura pavarsi, që prej sot është rajoni i Hasit i pavarur, rajoni i Dugagjinit i pavarur, Drenica e pavarur, LLapi i pavarur, Anamorava e pavarur, Anadrini i pavarur, shtëpia ime, ara te përroi, dhe koliba ime ku ruaj kallamoqin nga thit e eger.
Më flani unë fola vetëm për këto që besoj, unë nuk dua të më shpërlahet truri duke besuar që Kosova ka, apo do të fitoj Pavarsi.

Për ato tjerat po besoj, e për anamoravë nuk po dihet bash mirë, hala s'është korr kallamoqi.

[pirro]

Ne kte thatesire qe e ka kaplu kosoven i kemi drejtu koken nga qielli per dy sene,per me kqyr mos po bjen shi edhe me e prit pavarsine,se pavarsia ka pikat kufitare nuk hyn

[SANTANA-29]

E di vlla qe keni vuajtur shume , po tash duket nje drit ne fund te tunelit , dhe jam i bindur qe do ta fitoj Kosova pavarsin , pasi ka nje mbeshtetje te papasur me pare , keshtu qe duhet te jemi shum konfident per pavarsin e Kosoves............

[yllbardh]

qy.... qy..... dritë n'fundë t'tunellit?!!! rrymë m'atanë tunellit e n'kosovë herë e nalin e herë e lëshojn. Jaaaaa nashti edhe pavarsia e habit rrugën e vjen me rrymën!!!.....hahahaaaaa

[lyra2]

DEKLARATË

Në fund të Konferencës së Dytë Vjetore

Prishtinë, më 15-16 gusht 2007

Të shqetësuar nga gjendja e krijuar pas mënjanimit të zgjidhjes së ofruar nga Pakoja e Ahtisarit si pasojë e vetos së pritshme ruse në Këshillin e Sigurimit të Kombeve të Bashkuara,

Duke konsideruar si të rrezikshme për gjithë rajonin e Ballkanit situatën mjaft të tensionuar që qeveria serbe e Beogradit vazhdon të krijojë në lidhje me zgjidhjen përfundimtare të statusit
të Kosovës,

Duke parë me keqardhje qëndrimin e përçarë dhe të lëkundur të Bashkimit Europian në lidhje me marrjen e hapave për arritjen sa më të shpejtë të një zgjidhjeje të kësaj çështjeje,

Të shqetësuar për ardhshmërinë politike dhe ekonomike të popullit të shumëvuajtur Kosovë e cila vazhdon të mbahet peng;



Ne, studiuesit shqiptarë në Shqipëri, Kosovë, Maqedoni, Mal të Zi dhe Europë e Amerikë, të organizuar në Institutin Alb-Shkenca (Tiranë-Prishtinë-Shkup), në fund të Konferencë së Dytë Vjetore, e cila u mbajt në Prishtinë, më 15-16 gusht, i drejtohemi me këtë deklaratë faktorit të brendshëm dhe të jashtëm:

Kosova është vend i të gjithë qytetarëve të saj, por zgjedhja e statusit të saj përfundimtar duhet të bazohet pikë së pari mbi vullnetin e shumicë dërrmuese shqiptare që jeton në këtë territor.

·
Kosova është unike dhe e pandarë. Çdo hapje e diskutimit të kufijve ndërmjet Serbisë dhe Kosovës krijon mundësinë e diskutimit të kufijve të Kosovës edhe me Maqedonisë dhe Malin e Zi.

· Kosova do të jetë shtet unik dhe funksional ku respektohen standardet ndërkombëtare të respektimit të drejtave të njeriut për të gjithë qytetarët e saj dhe ku të gjitha objektet fetare dhe kulturore, pavarësisht kujt i takojnë janë objekte kulturore dhe shpirtërore të të gjithë qytetarëve të Kosovës.

· Qeveria e Kosovës, Grupi i Unitetit, Partitë politike, OJQ-të dhe institucionet shkencore, arsimore e kulturore të Kosovës duhet me urgjencë të caktojnë afatet ditore të punës deri në fund të bisedimeve të dyta.

· Zgjedhjet komunale dhe qendrore, të mbajtura sipas parimit demokratik të legjitimimit të pushtetit nga populli, duhet të kontribuojnë në forcimin e mëtejshëm të shtetit të ardhshëm të Kosovës duke shmangur mosmarrëveshjet për interesa të ngushta partiake.

· Ne Ju ftojmë që nën moton "Të gjithë për pavarësinë, sot!" të bashkohemi në një program ditor për të përmbushur të gjitha obligimet që kanë të bëjnë me përmbylljen e pakos ligjore, ekonomike dhe pse jo edhe morale për Kosovën si një shtet
të pavarur dhe sovran.

Instituti Alb-Shkenca në Forumin e të cilit janë bashkuar rreth 1700 studiues të shpërndarë në shumë vende të botës dhe nga të gjitha fushat e dijës, është gati që me vullnetin e tij të ndihmoj një projekt (ditor) urgjent dhe të definuar mirë deri në fund për zgjedhjen përfundimtare të statusit të Kosovës.

Prishtinë-Tiranë-Shkup, 16 gusht 2007

[yllbardh]

Në strategjinë ruse të bllokimit permanent të pavarësisë së Kosovës po del gjithnjë e më hapur një element i ri. Partnerët perëndimore, çdo
ditë e më tepër po kuptojnë nga takimet dhe bisedimet e tyre me përfaqësuesit e diplomacisë ruse, një orientim të ri të platformës
së Moskës për çështjen e Kosovës: Nga paralelizmat me rajonet problematike të ish-hapësirave sovjetike, si Abhazia, Osetia e Jugut apo Transdniestri, që kanë qenë fjala kryesore e diplomacisë ruse për çështjen e Kosovës qysh nga janari i vitit 2006, po del në krye të kësaj platforme përpjekja për ngjashmërinë e Kosovës me çështjen e Palestinës. Aktualizimin e këtij qëndrimi e formuloi edhe njëherë më 21 gusht Kostantin Kozaçev, kryetar i komitetit të politikës së jashtme të Dumës ruse dhe që vlerësohet nga rusologët, si një nga hartuesit e vijës obstruksioniste zyrtare të Rusisë ndaj Kosovës. Në një intervistë me një gazetë serbe, ai deklaroi se "Rusia nuk do të lejojë kurrë që Kosova të bëhet shtet. Çështja palestineze ka marrë disa dekada për t'u zgjidhur dhe Kosova nuk duhet të jetë përjashtim". Në fakt, autorësinë e këtij qëndrimi zyrtar për ngjashmërinë e çështjes së Kosovës me çështjen e Palestinës e ka ministri i Jashtëm, Sergej Lavrov, i cili është i pari që e ka lancuar në tryezat më të rëndësishme diplomatike ndërkombëtare, ku është diskutuar për çështjen e Kosovës dhe i cili edhe në një artikull të tij të njohur të kohëve të fundit për politikën e jashtme të Rusisë, me titull: "Të frenosh Rusinë: Një kthim në të kaluarën", shkruan se në rastin e Palestinës, për dekada me radhë kemi parë një situatë të ngjashme me Kosovën dhe shteti palestinez është ende inekzistent.
Paralelizmi që po vendos diplomacia ruse mes çështjes së Kosovës dhe çështjes së Palestinës shënon një shkallëzim të ri dhe tepër me interes për t'u analizuar, të platformës dhe strategjisë së Rusisë, së pari në drejtim të Kosovës dhe së dyti në një plan më të gjerë të marrëdhënieve ndërkombëtare, që kanë të bëjnë me raportet e saj të mëtejshme me Bashkimin Europian dhe me SHBA-në.
Gjëja e parë që bie në sy, është se Rusia e klasifikon çështjen e Kosovës si një çështje, e cila kërkon dekada për t'u diskutuar apo zgjidhur. Ajo jo vetëm refuzon afatet kohore që kërkon perëndimi për përcaktimin e statusit të Kosovës në 120 ditë apo në gjashtë muaj apo në një vit, por paraqet dhe natyrisht kërkon afatin e dekadave të pafund.
Gjëja e dytë që tërheq vëmendjen, është se Rusia i jep çështjes së Kosovës një dimension botëror njëlloj me konfliktin e Lindjes së Mesme, i cili zgjat prej 60 vjetësh. Padyshim, çështja e Kosovës nuk e ka këtë përmasë dhe as mund ta ketë, por Moska ka synimin ta shndërrojë në një konflikt ndërkombëtar të atij karakteri.
Gjëja e tretë që konstatohet, është se Moska bën një ndryshim në qëndrimin e saj strategjik dhe kërkon ta shndërrojë Kosovën nga një "konflikt të ngrirë" siç janë Abhazia apo Transdniestri, në një "konflikt të shkrirë", siç është ai i Lindjes së Mesme, konflikti palestinez.
Nuk është vendi këtu t'i hyhet hulumtimit dhe karakterit të konfliktit palestinez, por është me vend të kujtohet se Bashkimi Sovjetik, pra Rusia, vendi i Putinit dhe i Lavrovit, është një nga protagonistët e krijimit të konfliktit të përgjakshëm, që ka në qendër Palestinën. Interesi publik është të zbërthehen taktikat dhe strategjia e Kremlinit për ta shndërruar Kosovën në një Palestinë.
vazhdon....

[yllbardh]

Në kronikën e tratativave ndërkombëtare për statusin e Kosovës ka një dinamikë agresive ruse, jo vetëm për refuzimin e pavarësisë dhe moszgjidhjen e çështjes së statusit, por për radikalizimin e ngritjen e tensioneve në Kosovë e rreth saj. Ky radikalizim është shprehur në hedhjen poshtë apriori të planit të ish-presidentit të një vendi neutral si Finlanda, planit Ahtisaari për pavarësinë e mbikëqyrur, plan që fitoi mbështetjen e sekretarit të përgjithshëm të OKB-së, Ban Ki Mun, të Bashkimit Europian, SHBA-së, NATO-s, Këshillit të Europës, etj. Ky radikalizim është shprehur në pozicionin e ngurtë dhe bolshevik të Rusisë, e cila nuk ka bërë asnjë lloj kompromisi apo lëshimi, ndonëse perëndimi ka afro një vit që vetëm ka lëshuar pe dhe madje është arritur në një situatë diplomatike, ku pa mbushur tre muaj nga paraqitja në OKB, për t'i bërë qejfin Moskës plani Ahtisaari nuk po figuron as në listën e literaturës diplomatike të Grupit të Kontaktit. Ky radikalizim shprehet sidomos në përpjekjet për të ngritur tensionet dhe acarimet në terren. Ka një politikë zyrtare të Moskës të inkurajimit të agresivitetit nacionalist në rritje të Beogradit zyrtar, i ngjashëm me histerinë nacionaliste të regjimit të Millosheviçit në vitet 1998-1999. Në qarqet zyrtare të Serbise dhe vetë kryeministri V.Koshtunica, janë lëshuar ditët e fundit haptas kërcënime për dërgimin e trupave dhe policisë serbe në Kosovë, që është një provokim i rëndë, por të mos thënë pothuajse një shpallje lufte. Në qarqet zyrtare të Serbisë, ministrat e partisë së kryeministrit V.Koshtunica kanë ndërmarrë një fushat skandaloze kundër NATO-s, me deklaratat e Popoviçëve, Samarxhiçëve dhe sidomos të ministrit të brëndshëm Dragan Joçiç, një nga protektorët kryesorë të kriminelit të fshehur, Ratko Mladiç dhe krahu i djathtë i Koshtunicës. Shërbimet sekrete serbe dhe ruse po nxisin një radikalizim të situatës në veri të Kosovës, ku forcat ekstremiste serbe kanë deklaruar se do të shpallin edhe ata shtetin e Mitrovicës veriore, nëse Kosova merr pavarësinë. Edhe alternativa e ndarjes së Kosovës, që ridoli në skenë javët e fundit, është një lëvizje shahistike e diplomacisë ruse për ta turbulluar sa më shumë situatën rreth Kosovës.
Përfundimi kryesor, që mund të nxirret nga këto zhvillime, është se Rusia dhe diplomacia ruse kanë ndërmarrë një fushatë të gjërë për ta kthyer Kosovën nga një konflikt të ngrirë, në një konflikt që vlon dhe të vazhdueshëm. Ata e bëjnë këtë jo për Serbinë, por për interesa gjeopolitike e gjeostrategjike të Rusisë në kontinentin europian dhe më gjërë. Vërtet presidenti i Rusisë, Vladimir Putin shpalli para pak kohësh në mënyrë pompoze se Rusia do të kthehet në Ballkan, por synimi i shndërrimit të Kosovës në një Palestinë, lidhet jo me vetë Ballkanin, se sa me politikën e Kremlinit ndaj BE-së dhe SHBA-së.
Moska kërkon dhe po lufton që Kosova të shndërrohet në Palestinë, jo vetëm sepse ajo është kundër shqiptarëve dhe kombit shqiptar, por sepse ajo synon t'i krijojë Bashkimit Europian dhe SHBA-se një konflikt të pazgjidhshëm, të ngjashëm në intensitet dhe në efekte ndërkombëtare si konflikti i Palestinës. Ky mund të jetë shpjegimi i vetëm që mund t'i bëhet paradoksit që Serbia dhe udhëheqësit e saj, në mënyrën më absurde dhe madje donkishoteske, arrijnë deri atje sa të kërcënojnë BE-në, NATO-n e SHBA-në dhe shpallin se ata refuzojnë të bëhen anëtarë të NATOs e të BE-së, nëse Kosovës i njihet pavarësia, me një megalomani tipike ballkaniko-komuniste, sikur është NATO dhe BE, që ia kanë nevojën e Serbisë dhe jo e kundërta. Prapa këtij qëndrimi jashtë kohe të Beogradit është Rusia. Madje do të thoshim se Rusia tani nuk duket e gatshme të pranojë as dhe një zgjidhje të Kosovës sipas planit serb, sepse Rusisë i intereson konflikti i pazgjidhur dhe i zgjatur me dekada si Palestina.
Rezulton kështu një strategji tepër e rrezikshme e Rusisë, që dëmton interesat jo vetëm të Kosovës, jo vetëm të kombit shqiptar, jo vetëm të stabilitetit dhe paqes në rajon, por shumë-shumë më gjërë. Nuk duhet harruar se diplomacia e Rusisë gjithmonë ka avancuar objektivat e saj nëpërmjet konflikteve të pazgjidhura apo konflikteve të ngrira dhe të shkrira në rajone të ndryshme të globit. Në këtë kuadër, ajo kërkon që ta shndërrojë Kosovën në Palestinë, sepse në rastin e Kosovës, si një konflikt i pazgjidhur dhe i zgjatur, çmimin e paguan Europa. Një Kosovë e shndërruar në Palestinë është një hipotekë e re e vazhdueshme e Europës tek Rusia.
Këto janë zhvillime negative dhe duket tepër naive shpresa e disa qarqeve diplomatike europiane, të cilët mendojnë se duke i lëshuar Rusisë në çështjen e Kosovës, do ta qetësojnë ariun rus dhe do ta bëjnë më bashkëpunues. Objektivi i shpallur i Rusisë për kthimin e Kosovës në një Palestinë, duhet të shërbejë si nj sinjal alarmi për diplomacinë europiane.
Artikull i huazuar nga "Gazeta Shqiptare online"

[Bjeshka1]

Kadare: Shqipëria të bëjë më shumë për Kosovën

Kadare nuk pranon që në këmbim të pavarësisë, Kosova të këmbejë territoret e saj. Sipas tij, ndarja është pazar jo i pastër dhe se nëse ndodh një gjë e tillë atëherë ajo do të hapë radhën e një konflikti të ri


Shkrimtari Ismail Kadare kritikoi ashpër dje diplomacinë shqiptare se ka pasur një mungesë serioze në ndjekjen hap pas hapi të çështjes së Kosovës. Në një intervistë dhënë për Radio “Europa e Lirë”, Kadare ka theksuar se Shqipëria duhet të bënte shumë më tepër se sa çka bërë deri më tani për Kosovën, pasi sipas tij, Kosova nuk është në Hënë, që të jepen gjykime si për diçka të largët që nuk ka lidhje me shqiptarët e Shqipërisë. “Mendoj se Shqipëria duhet të bënte më tepër. Ato pseudofilozofitë e diplomacisë sonë, disa herë që kanë dalë nga pjellë e një paaftësie dhe një mangësie morale, ato janë jo qesharake por janë të dënueshme. Shqipëria nuk është një planet tjetër dhe po jep gjykime për Kosovën nga planeti Hëna, nga Bangladeshi ose nga Japonia. Shqipëria është vend i parë i interesuar dhe nuk e fshehë këtë gjë s’ka pse ta fshehë sepse do të ishte hipokrizi totale”, - është shprehur në këtë intervistë Kadare.

Më tej, ai shtoi se Shqipëria është vendi që duhej të angazhohej me ndershmëri, me dinjitet, duke qenë sigurisht konstruktive, jo destruktive, “prandaj Shqipëria - është morali i saj historik që e kërkon, është dinjiteti historik i një kombi”. Ai mendon se diplomacia shqiptare do ta korrigjojë shumë shpejt qëndrimin e saj sa i takon kësaj çështjeje.

Sa i takon njohjes së njëanshme të pavarësisë së Kosovës, Kadare është shprehur në këtë intervistë se populli i saj ka të drejtë të shfrytëzojë të gjitha mundësitë që të mos poshtërohet. “Populli i Kosovës ka të drejtë të përgjigjet me të gjitha opsionet. Nuk bëhet lëshim kur është fjala për lirinë e një populli. Nuk ka negocim për këtë gjë. Ky popull ka të drejtë me të gjitha mënyrat të kërkojë lirinë e vet. Ta mbrojë deri në fund lirinë e vet”, - thekson më tej ai.

Por Kadare nuk pranon asesi që në këmbim të pavarësisë, Kosova të këmbejë territoret e saj. Sipas tij, ndarja është pazar jo i pastër dhe se nëse ndodh një gjë e tillë atëherë ajo do të hapë radhën e një konflikti të ri të pambarueshëm në Ballkan. “Do të hapi vatra sherresh, grindjesh të cilat do të kushtojnë jashtëzakonisht shtrenjtë popujve këtu dhe Evropës bashkë. Prandaj kjo nuk e zgjidh, kjo nuk e mbyll, kjo hap një konflikt të ri të tmerrshëm”, - shton më tej Kadare. Bisedimet shtesë, Kadare i konsideron si një lloj “pendimi” të komunitetit ndërkombëtar ndaj ndërhyrjes që bëri vite më parë në Kosovë. “Ky pendim është njëherësh absurd i pakuptueshëm. Pendim pse u bombardua një shtet, Jugosllavia. Thuhet ose s’thuhet hapur ndihet ky pendim. Në Ballkan ndodhi një gjë që ka qenë shumë e qartë, ndodhi një nga krimet më monstruoze në historinë e Evropës, në gjithë Ballkanin, në gjithë Evropën”, - shprehet më tej Kadare në këtë intervistë.

Sipas tij, komuniteti europian nuk duhet të pendohet për sulmet që bëri kundër Jugosllavisë, pasi nuk duhet të ketë kthim prapa. Europa, sipas Kadaresë, duhet ta detyrojë Serbinë që të kërkoj të falur për krimet që ka bërë ndaj popullsisë së pafajshme të Kosovës. “Serbia po përkëdhelet dhe duke e përkëdhelur Evropa po i bën dëmin më të madh Serbisë, popullit serb. E zhyt më thellë në fajin e tij”, - thotë shkrimtari. Ai thekson se, me këtë përkëdhelje të fundit, serbët nuk po arrijnë të kuptojnë se ç’kanë bërë ushtarët dhe paramilitarët në Kosovë dhe vendet e tjera të Jugosllavisë. “Nëse ai kupton ai çlirohet nga një gjë e keqe dhe kjo ndihmon demokracinë serbe. Nuk e ndihmojnë këto pazarllëqe. Nuk ka demokraci në Serbi në qoftë se nuk pranohet ky krim”, - shprehet Kadare në intervistën e dhënë për radion Europa e Lirë.
balkanweb

[yllbardh]

SHBA do ta njohin pavarësinë e shpallur të Kosovës, edhe nëse KS i OKB vazhdon të jetë i bllokuar “Shtetet e Bashkuara të Amerikës janë të gatshme që ta njohin pavarësinë e njëanshme të Kosovës , edhe nëse Këshilli i Sigurimit i Kombeve të Bashkuara nuk do të arrijë që të gjejë një zgjidhje për statusin e saj. Shqiptarët e Kosovës kanë treguar se nëse nuk do të arrihet një marrëveshtje , ata do ta shpallin vetë pavarësinë “, ka deklaruar Kurt Volker, nënsekretar amerikan i shteti për cështjet europiane dhe euroaziatike. “Ne do ta njohim pavarësinë e Kosovës, si dhe duhet t’i marrim të gjitha përgjegjësitë tona për të ruajtur paqen dhe sigurinë në Ballkan”, ka thënë diplomati amerikan Volker.
Huazuar nga RTKlive.com

[legenda]

Sipas një gazete të Beogradit,

SHBA-të do ta njohin Kosovën si shtet në dhjetor



Beograd, 20 shtator

- Pothuajse është e sigurt se shqiptarët në gjysmën e dhjetorit do të shpallin Kosovën shtet të pavarur, shkruan një e përditshme e Beogradit, duke u mbështetur në qarqet diplomatike perëndimore në Beograd.

"Ekziston tashmë skenari i gatshëm që pas 10 dhjetorit, kur është caktuar mbledhja e Këshillit të Sigurimit të KB, në të cilën nuk do të miratohet kurrfarë rezolute për Kosovën, t'u hapen dyert shqiptarëve të Kosovës që krahinën autonome, në kuadër të Serbisë, ta shpallin për shtet të dytë shqiptar në Ballkan",

pohon në numrin e sotëm gazeta "Veçernje novosti". Sipas gazetës në fjalë, në zgjedhjet e nëntorit në Kosovë, do të zgjidhej kuvendi i ri dhe qeveria e re.

Udhëheqja e re do të shpallte pavarësinë.

Por do të kishin një periudhë transitore prej 120 ditësh që të vendosen institucionet shtetërore të gatshme që të zbatojnë planin e Ahtisarit. Gazeta pohon se ky është një skenar amerikan që po qarkullon në "postat diplomatike", i cili parashikon që

Shtetet e Bashkuara pas shpalljes menjeherë do ta njohë Kosovën si shtet.

---------------
( QIK )

[lyra2]

Ankete: Mbrojtja e Kosoves vjen per serbet me se pari ne vend te peste

Beograd - Per serbet mbrojtja e Kosoves nuk eshte detyre paresore. Nje ankete e Qendres se Beogradit per Zgjedhje te Lira dhe Demokraci ka treguar, se Kosova vjen me se pari ne vend te peste pas zhvillimit ekonomik, pakesimit te papunesise, standartit te jeteses dhe luftimit te kriminalitetit te organizuar.

Sipas anketes se prezantuar te premten 48 perqind e serbeve jane te gatshem te heqin dore nga nje integrim ne Bashkimin Evropian, ne menyre qe Kosova te mbetet brenda kufijve serbe. 70 perqind e te pyeturve ishin ama kunder asaj qe per shkak te Kosoves te kalohet tek dhuna. Rreth 34 perqind e te pyeturve shprehen bindjen qe Serbia ne politiken e saj te jashtme duhet te mbeshtetet tek Rusia, 32 perqind do te deshironin qe ne rolin e mbeshtetesit per politiken e jashtme te kishin Bashkimin Evropian.


===

Pikerisht duke u nisur nga lajme te tilla nuk duhet lejuar qe te plogeshtohemi ne keto momente. Qe rezoluta u kthye mbrapsht prej ruseve, qe ruset i japin mbeshtetje konsekuente serbeve, kjo nuk do te thote qe tani te kalojme ne gjendjen pasive te pritjes. Eshte gjendja me e keqe dhe nese ka nje qellim pas gjithe ketyre levizjeve eshte pikerisht ky: shqiptaret te corientohen, te turbullohen, ta humbasin paresoren nga syte. Javen e kaluar lexova dy emaile qe ishin te perfshire nga kjo gjendje, e zhgenjimit dhe trishtimit per sa ka ndodhur. Ju lutem atyre qe i kane derguar qe ta kene parasysh sa me lart.
Politikanet e Kosoves duhet t'i shfrytezojne keto informacione si i mesipermi dhe te behen me te forte ne qendrimet e tyre para mediave e para te huajve. Shenjat e forces jane ato qe merren parasysh ne keto kohe. Sy per sy, dhembe per dhembe eshte shprehja. Keshtu duhet te jete dhe pergjigja.

[LABI]

PAVARESIA S'JIPET - POR FITOHET

LIRIA S'JIPET (kerkohet) - POR FITOHET

LIRIA - NUK PREKET - POR , PERJETOHET


LIRIA -eshte nje mundesi qe njeriu te vendos, veproj, sjellet ne saje te vullnetit te vet, duke mos qene i detyruare t'ju nenshtrohet asnjelloj force, kauzaliteti te jashtem

VULLNETI I LIRE - ESHTE PAVARESIA ,

VULLNETI I LIRE - ESHTE LIRAAA

S'KA PERGJEGJESI - PA LIRI

S'KA LIRI - PA PERGJEGJESI


PROMOVIMI I LIRISE ( te shprehurit, menduarit, te qeverisurit me veteveten, te percaktuarit te fatit nga vullnetiindividit/qytetarit) - ESHTE NJE VLERE E SHOQERIVE TE CIVILIZUARA BASHKEKOHORE/ DEMOKRATIKE

[legenda]

.....Labi,,,cka u ba Njeriii!!!!!???
na myte me parulla keto dy dite,ahahaaaa...
qenke mbush...durim,njeri,,,ahaha (pak humor,a).


respekt
Legenda

Postimi origjinal është bërë nga LABI

PAVARESIA S'JIPET - POR FITOHET

LIRIA S'JIPET (kerkohet) - POR FITOHET

LIRIA - NUK PREKET - POR , PERJETOHET


LIRIA -eshte nje mundesi qe njeriu te vendos, veproj, sjellet ne saje te vullnetit te vet, duke mos qene i detyruare t'ju nenshtrohet asnjelloj force, kauzaliteti te jashtem

VULLNETI I LIRE - ESHTE PAVARESIA ,

VULLNETI I LIRE - ESHTE LIRAAA

S'KA PERGJEGJESI - PA LIRI

S'KA LIRI - PA PERGJEGJESI


PROMOVIMI I LIRISE ( te shprehurit, menduarit, te qeverisurit me veteveten, te percaktuarit te fatit nga vullnetiindividit/qytetarit) - ESHTE NJE VLERE E SHOQERIVE TE CIVILIZUARA BASHKEKOHORE/ DEMOKRATIKE

[jadore]

Postimi origjinal është bërë nga legenda

.....Labi,,,cka u ba Njeriii!!!!!???
na myte me parulla keto dy dite,ahahaaaa...
qenke mbush...durim,njeri,,,ahaha (pak humor,a).


respekt
Legenda

kjo eshte shenje e mire qe shqiptari po vetedijesohet ..
( sikur te kishim me shume Lab )
p.s.
dhe une juve ju pershendes