Lajme

[Krokodilli]

Arafat i gjallë apo i vdekur? Aktuale

Agjencitë e lajmeve japin të dhëna kontradiktore për gjendjen e liderit palestinez. Thuhet se ai është në gjendje kome. Disa agjenci kanë raportuar për vdekjen e tij, ndërsa agjenci të tjera thonë që ai është në gjendje kome dhe mjekët në spitalin francez po luftojnë për jetën e tij.


Ndërkohë Autoriteti Palestinez tashmë ka bërë disa transferime kompetencash.

[Krokodilli]

Maqedoni: dështon referendumi kundër decentralizimit
8 nëntor 2004

Në Maqedoni, nacionalistët dështuan në përpjekjet për të përmbysur një ligj që i jep popullsisë shqiptare pushtet më të madh.
Zyrtarë të Komisionit të Zgjedhjeve thanë se vetëm 26 për qind e qytetarëve me të drejtë vote morën pjesë në referendumin e propozuar nga nacionalistët. Të paktën 50 për qind e shtetasve me të drejtë vote duhej të merrnin pjesë, në mënyrë që referendumi të shpallej i vlefshëm.

Votuesit maqedonas u pyetën në referendum nëse kërkonin të kthenin kufijt e brendshëm komunalë që ekzistonin para marrëveshjes së paqes të vitit 2001 e cila i dha fund kryengritjes së armatosur të shqiptarëve. Shumica e atyre që morën pjesë, votuan në favor.

Riorganizimi komunal në bazë të marrëveshjes së paqes, çoi në ndryshimin e disa kufijve të brenshëm dhe u dha shqiptarëve kontroll më të madh në zonat ku ata përbëjnë shumicën.

Bashkimi Evropian dhe Shtetet e Bashkuara kishin bërë thirrje për bojkotimin e referendumit duke paralajmëruar se miratimi i tij do të çonte në paqendrueshmëri më të madhe.

[Krokodilli]

Shkup: Maqedoni...

Referendumi qe u mbajt ne Maqedoni per heqjen e disa te drejtave te shqiptareve te maqedonis dhe per ndalimin e jepjes se autonomis shqiptareve ne maqedoni nuk pati sukses .26.5 % ishin kunder autonomis,, gje qe ishte nje numer i vogel,,,.
Maqedont kishin nje gezim por edhe nje hidherim diten e sotme 8/11/2004

bazuar nga votat e sotit,, maqedont jan te sigurt se kurdohere pjesa lindore do te ndahet nga maqedonia,,
*****Pohimet e disa qytetarve Maqedon te shkupit.... :arrow: Tashme dihet se pjesa lindore kontrollohet nga shqiptart.. dhe se kurdohere do ta ndajn ate pjese,, sikurse ne Kosove,,, e paten autonomine nje here,, dal nga dal u ndan nga serbia...
:arrow: Si duket shqiptaret do ta arrijn ate qe kan filluar,,, bashkimin e trojeve shqiptare,, kurse ne si maqedonas vetem se deshirojm te hym ne bashkimin evropian do ta lem gjysen e maqedonis ne duar te shqiptarve.....


Lajm i mire per shqiptaret kudo qe jemi

[LUMI_007]

KURRSESI KONFRONTIME

Si kurrë më parë, duhet t’i kuptojmë realisht rrethanat aktuale në Kosovë dhe rreth Kosovës. Kurrsesi konfrontime. Tani nevoitet mirëkuptim, pajtim dhe veprimtari në rrugë për rezultate pozitive. Vetëm kështu mund të arrihet pavarësia e Kosovës, që është kapitale për jetë në liri. Kosova sot gjendet para fitoreve të mëdha, por edhe para sfidave të rrezikshme. Rrethanat aktuale ofrojnë mundësi për njohjen e pavarësisë së Kosovës. Për t’u arritur ky objektiv kaq madhor, duhet t’i mënjanojmë konfrontimet dhe me mirëkuptim e marrëveshje të shëndoshë t’i formojmë institucionet e Kosovës.

Me siguri, njohja e pavarësisë së Kosovës ka për të ndihmuar stabilitetin e gjendjes në vend dhe në Maqedoninë fqinje. Gjithashtu, pavarësia e Kosovës ka për t’i qetësuar fqinjët e tjerë dhe për të zvogëluar rrezikun e agresorëve serbë në Ballkan e në regjion. Por, duhet gjithsesi kuptuar rrezikun e aksioneve të tashme të agresorëve serbë, të bashkëpunëtorve të tyre dhe të forcave të tjera agresive në Ballkan e nëpër botë kundër Kosovës. Gjithashtu, duhet të kuptohet që këto forca antikosovare e antishqiptare janë duke vepruar për t’i përqarë e konfrontuar drejtuesit e partive politike, liderët e Kosovës e sidomos drejtuesit kryesorë të UÇK-së. Po njoftoj e garantoj që aksionet eventuale kundër ndonjë ish lideri të UÇK-së mund të rrezikojnë edhe liderë të tjerë. Në këta binarë po përpiqen të na hudhin armiqtë e jashtëm dhe bashkëpunëtorët e tyre brenda Kosovës. Prandaj, konfrontimet rreth formimit të institucioneve të Kosovës mund ta shtyjnë ose rrezikojnë Pavarësinë e Kosovës. Në këtë veprimtari të rrezikshme nuk duhet të përfshihet asnjë shqiptar që sado pak ka mendje të shëndoshë.

Për ta njohur Pavarësinë e Kosovës tani janë të interesuar drejtuesit kryesorë të bashkësisë ndërkombëtare. Përveç Amerikës e Anglisë, edhe liderë të tjerë me peshë politike të shteteve të Bashkimit Evropian tani e kanë kuptuar rëndësinë që ofron pavarësia e Kosovës për stabilitet në regjion dhe paqe botërore.

Duke qenë me dekada i interesuar për çështjen kombëtare, e sidomos për shpëtimin e Kosovës dhe për të ndihmuar Shqipërinë, gjithnjë isha i angazhuar që liderët e shteteve të Aleancës Perëndimore ta kuptonin drejt faktorin shqiptar. Nuk ka asnjë dyshim, z.Petersen është njeri me vlera të larta intelektuale, njerëzore e politike. Dihet që presidenti Bill Clinton, senatori Robert Dole e z.Tony Blair janë shpëtimtarë të Kosovës dhe figura të përhershme në historinë kombëtare shqiptare. Por, fatmirësisht tani edhe z.Petersen, Përfaqësues Special i Sekretarit të Përgjithshëm të OKB-së, po gëzon përkrahjen e parezervë të Kosovës e të mbarë kombit shqiptar dhe s’ka dyshim se do të zë, gjithashtu, vend me rëndësi në historinë tonë.

Gjithashtu, duhet të dihet që aktualisht armiqtë e Kosovës e të kombit shqiptar gjenden në aksione që me korrupcion e me veprimtari të tjera të paligjshme të fitojnë përkrahjen e ndërkombëtarve, sidomos të atyrë që tani gjenden në Kosovë. Ndërkaq, armiqtë po veprojnë që “liderët tanë”, prijësit e partive politike dhe politikanët e Kosovës t’i përvetësojnë përmes bizneseve të ndryshme dhe të shkaktojnë konflikte në mes tyre.

Prishtinë. 30 nëntor 2004 Me nderime,

[LUMI_007]

KURRSESI KONFRONTIME

Si kurrë më parë, duhet t’i kuptojmë realisht rrethanat aktuale në Kosovë dhe rreth Kosovës. Kurrsesi konfrontime. Tani nevoitet mirëkuptim, pajtim dhe veprimtari në rrugë për rezultate pozitive. Vetëm kështu mund të arrihet pavarësia e Kosovës, që është kapitale për jetë në liri. Kosova sot gjendet para fitoreve të mëdha, por edhe para sfidave të rrezikshme. Rrethanat aktuale ofrojnë mundësi për njohjen e pavarësisë së Kosovës. Për t’u arritur ky objektiv kaq madhor, duhet t’i mënjanojmë konfrontimet dhe me mirëkuptim e marrëveshje të shëndoshë t’i formojmë institucionet e Kosovës.

Me siguri, njohja e pavarësisë së Kosovës ka për të ndihmuar stabilitetin e gjendjes në vend dhe në Maqedoninë fqinje. Gjithashtu, pavarësia e Kosovës ka për t’i qetësuar fqinjët e tjerë dhe për të zvogëluar rrezikun e agresorëve serbë në Ballkan e në regjion. Por, duhet gjithsesi kuptuar rrezikun e aksioneve të tashme të agresorëve serbë, të bashkëpunëtorve të tyre dhe të forcave të tjera agresive në Ballkan e nëpër botë kundër Kosovës. Gjithashtu, duhet të kuptohet që këto forca antikosovare e antishqiptare janë duke vepruar për t’i përqarë e konfrontuar drejtuesit e partive politike, liderët e Kosovës e sidomos drejtuesit kryesorë të UÇK-së. Po njoftoj e garantoj që aksionet eventuale kundër ndonjë ish lideri të UÇK-së mund të rrezikojnë edhe liderë të tjerë. Në këta binarë po përpiqen të na hudhin armiqtë e jashtëm dhe bashkëpunëtorët e tyre brenda Kosovës. Prandaj, konfrontimet rreth formimit të institucioneve të Kosovës mund ta shtyjnë ose rrezikojnë Pavarësinë e Kosovës. Në këtë veprimtari të rrezikshme nuk duhet të përfshihet asnjë shqiptar që sado pak ka mendje të shëndoshë.

Për ta njohur Pavarësinë e Kosovës tani janë të interesuar drejtuesit kryesorë të bashkësisë ndërkombëtare. Përveç Amerikës e Anglisë, edhe liderë të tjerë me peshë politike të shteteve të Bashkimit Evropian tani e kanë kuptuar rëndësinë që ofron pavarësia e Kosovës për stabilitet në regjion dhe paqe botërore.

Duke qenë me dekada i interesuar për çështjen kombëtare, e sidomos për shpëtimin e Kosovës dhe për të ndihmuar Shqipërinë, gjithnjë isha i angazhuar që liderët e shteteve të Aleancës Perëndimore ta kuptonin drejt faktorin shqiptar. Nuk ka asnjë dyshim, z.Petersen është njeri me vlera të larta intelektuale, njerëzore e politike. Dihet që presidenti Bill Clinton, senatori Robert Dole e z.Tony Blair janë shpëtimtarë të Kosovës dhe figura të përhershme në historinë kombëtare shqiptare. Por, fatmirësisht tani edhe z.Petersen, Përfaqësues Special i Sekretarit të Përgjithshëm të OKB-së, po gëzon përkrahjen e parezervë të Kosovës e të mbarë kombit shqiptar dhe s’ka dyshim se do të zë, gjithashtu, vend me rëndësi në historinë tonë.

Gjithashtu, duhet të dihet që aktualisht armiqtë e Kosovës e të kombit shqiptar gjenden në aksione që me korrupcion e me veprimtari të tjera të paligjshme të fitojnë përkrahjen e ndërkombëtarve, sidomos të atyrë që tani gjenden në Kosovë. Ndërkaq, armiqtë po veprojnë që “liderët tanë”, prijësit e partive politike dhe politikanët e Kosovës t’i përvetësojnë përmes bizneseve të ndryshme dhe të shkaktojnë konflikte në mes tyre.

Prishtinë. 30 nëntor 2004 Me nderime,
Dr.Ramadan Xhema

[Barbaroza]

Sandej Tajms: UNMIK-u do të marrë urdhrin nga Gjykata e Hagës


“Haradinaj do të arrestohet në mes të janarit”



Arrestimi i mundshëm i kryeministrit të Kosovës, Ramush Haradinaj, u njoftua së fundi nga gazeta “Sunday Times” (Sandej Tajms), e cila paralajmëron se mandati është formuluar nga Gjykata e Hagës dhe në një afat prej disa javëve do t’i dërgohet Misionit të OKB-së në Kosovë (UNMIK).

Urdhri për arrestimin e kryeministrit të Kosovës, Ramush Haradinaj, përmban akuza për krime lufte, shkruan gazeta britanike “Sandej Tajms”, duke u referuar në deklaratat e disa përfaqësuesve anonim perëndimor në Prishtinë. Diplomatët thonë se 36-vjeçari, Haradinaj me siguri do të akuzohet lidhur me vrasjen e 40 serbëve dhe shqiptarëve civilë në vitin 1998, në afërsi të fshatit të tij të lindjes në Gllogjan, shkruan “Sandej Tajms” dhe shton se “kjo masakër është vetëm një nga krimet e luftës së UÇK-së, që i heton Gjykata e Hagës”. Gazeta thekson se Haradinaj me karizmën e vet, pas luftës siguroi mbështetje nga bashkësia ndërkombëtare dhe se përfaqësuesit zyrtarë britanikë kanë dhënë mbështetje të karrierës së tij politike, ndërsa e njëjta mbështetje nuk i është dhënë edhe rivalit të tij kryesor dhe bashkëluftëtarit të mëparshëm, Hashim Thaçit. Disa diplomatë thonë, shkruan gazeta, se Haradinaj beson se mund të bëhet kryeministër i parë i Kosovës së pavarur. “Një diplomat francez tha se autoritetet e Kosovës presin që Haradinaj do t’i dorëzohet Gjykatës së Hagës nga mesi i janarit”, shkruan gazeta. “Sandej Tajms” shton se përfaqësuesit ndërkombëtarë dhe OKB-së druajnë se madje, edhe nëse kryeministri i Kosovës do t’i dorëzohet policisë, largimi i tij nga pozicioni mund të shkaktojë trazira të njëjta si ato të marsit në Kosovë. KFOR, forca paqeruajtëse në Kosovë, mund të ndërmarrë aksionin e arrestimit. Madje, javën e kaluar kreu i NATO-s, Jaap de Hoop Scheffer, u bëri thirrje kosovarëve të ruajnë qetësinë, sepse “është absolutisht e nevojshme për Haradinajn dhe të ardhmen e tij të përgjigjet nëse ai është i akuzuar”. Ndërkaq, dje shefi i UNMIK-ut Soren Jessen Petersen ka pritur në një takim ministrat e rinj të Kosovës në prag të miratimit të programit të qeverisë, që pritet të finalizohet sot, si dhe në kohën kur UNMIK-u është duke përgatitur raportin e radhës, ku bëhet vlerësimi i procesit të përmbushjes së standardeve. Kryeministri i Kosovës, Ramush Haradinaj, tha pas këtij takimi, se aty janë shtruar për diskutim çështjet programore dhe standardet, duke shtuar se kishte dhe ballafaqime mendimesh për çështje të ndryshme.

[Barbaroza]

Haradinaj takoi përfaqësuesin e Këshillit të Evropës dhe të Komisionit Evcopina në Kosovë

Prishtinë, 15 dhjetor - Kryeministri Ramush Haradinaj dhe shefi i zyrës së Këshillit të Evropës në Kosovë Oven Masters, biseduan për zhvillimet më të reja në procesin e reformave në pushtetin lokal dhe për procesin e decentralizmit. Me këtë rast Haradinaj vlerësoi se qeveria ka bërë përparim në këtë drejtim ngase tashmë është formuar Ministria e Pushtetit Lokal.
Haradinaj tha pas takimti se kishte shpjeguar vendosmerinë e tij për të bërë përparime në reformat e pushtetit lokal dhe në procesin e decentralizimit, duke u shërbyer me punën që ka bërë grupi për decentralizim me qëllim që të avancohet proces më shumë Zyrtari i Këshillit të Evropës në Kosovë Oven Masters nga ana e tij premtoi ndihmë për qeverinë e re në mënyrë që të arrihet përparim në procesin e decentralizimit.
"Këshilli i Evropës ka një ekspertizë të caktuar në qeverisjen lokale. Ne do të dëshironim të bëjmë gjithë çka është e mundur për të plotësuar kërkesat e Qeverisë dhe kryeministrit të Kosovës në aspektet ku iu nevojitet mbështetja jonë, gjatë rrjedhës së procesit të decentralizimit".
Gjithashtu sot Kryeministri Haradinaj është takuar edhe me përfaqësuesin e Komisionit Evropian në Kosovë, Xhorxho Mamberto, me të cilin ka biseduar për projektet e qeverisë dhe për vazhdimin e mbështetjes nga Komisioni Evropian.
Haradinaj ka shprehur gatishmerinë e qeverisë që në ditët e para të vitit të ardhshëm për të bashkuar potencialin, për të pasur një bashkëpunim edhe më të mirë në këto projekte.
Gjithashtu edhe Mamberto shprehu gatishmerinë e Komisionit Evropian për të vazhduar bashkëpunimin me Qeverinë e Kosovës në realizimin e projekteve të përbashkëta.

[Gentiani]

FDH: Trupa të pajetë të shqiptarëve nga Kosova janë varrosur në rrethinën e Bujanocit



Beograd, 24 dhjetor (presheva.com) - Fondi për të Drejtën Humanitare (FDH) nga Beogradi ka njoftuar se posedon informata se në Serbi ka ende varreza masive ku janë të fshehura eshtrat e trupave të pajetë të shqiptarëve të Kosovës. FDH-ja ka bërë të ditur nëpërmjet një kumtese se gjatë bombardimeve të NATO-s, në disa fabrika me furrëlarta ka pasur djegie të kufomave, ka njoftuar agjencia “Beta”. “Fondi ka marrë informacione nga shumë burime të pavarura se gjatë bombardimeve të NATO-s trupat e pajetë të shqiptarëve nga Kosova janë varrosur nëpër shpella të lokaliteteve të papërshtatshme në hapësirën Bujanoc -Vranjë ose janë djegur në furrat të cilat e zhvillojnë temperaturën e duhur për asgjësimin e plotë të provave”, thuhet në kumtesë. Me këtë rast përmenden dërgimi i kufomave në fonderinë e Borit, Smederevës, fabrikën “Maçkatica” të Surdulicës në Serbi; si dhe në minierat e Trepçës dhe termocentralët e Obiliqit në Kosovë. Fondi për të Drejtën Humanitare i cili drejtohet nga Natasha Kandiqi ka kërkuar të shtunën nga Kuvendi i Serbisë formimin e një komisioni hetuese për vërtetimin e fakteve lidhur me varrezat masive në Serbi dhe asgjësimin e provave mbi krimet në Kosovë. Kjo organizatë joqeveritare ka pohuar se Serbia ende nuk i ka dorëzuar 500 kufoma të shqiptarëve të Kosovës të zhvarrosura nga varrezat masive në Serbi në lokalitetet Batajnicë, afër Beogradit, Petrovo Selo dhe Peruçar afër Bajina Bashtës, ndërsa fati i rreth 2000 shqiptarëve tjerë nuk dihet ende. “Duke i fshehur të dhënat mbi fatin e shqiptarëve të pagjetur të Kosovës, Serbia po shkelë detyrimin shtetëror që t’ua kumtojë të vërtetën familjeve të personave të pagjetur mbi fatin e më të afërmëve të tyre dhe me këtë ta pranojë përgjegjësinë për vuajtjet e viktimave shqiptare gjatë vitit 1998 dhe 1999”, nënvizon kumtesa. Sikurse theksohet, asnjë procedurë penale nuk është inicuar për shkak të krimeve mbi shqiptarët e Kosovës, trupat e pa jetë të të cilëve janë gjetur në varrezat masive në Serbi.

[Drenicaki]

Me 24 dhjetor është zhvilluar takimi ne mes te kryetarit Ibrahim Rugova dhe kryeministrit Ramush Haradinaj.
Pas urimit te krishtëlindjeve qe ibëri kryeministri Haradinaj kryetarit Rugova menjëher filluan bisedën serioze te pushtetit dhe politikes kosovare.
Kryeministri theksoi se me te gjitha format do ta dergoi ne perparim qeshtjen e kosovës,por edhe nese do te ket veshtirësi politike prap jam i bindur se te pakten kontoja ime do te perparoi shumë,theksoi nder te tjerash ai!
Ky ishte lajmi ynë i fundit nga qenra korruptuese e kosovës per ju Faton Gjylekari :lol: :lol: :lol:

[Dilaver]

Shpallen ne kerkim 13 agjente te CIA per terroristin e Tiranes, Abu Omar

MILANO (25 Qershor) -Trembedhjete agjente te CIA-s amerikane jane shpallur ne kerkim nga Policia e Milanos nen akuzen e rende te sekuestrimit te personit.

Sipas akuzes ata kane organizuar dhe realizuar rrembimin e imamit egjiptjan Abu Omar (Nasr Osama Mustafa) ne Milano me 17 shkurt 2003 duke e transferuar me ane te nje avioni per ne Egjipt, ku ai eshte torturuar cnjerezisht.

Abu Omar eshte i njohur edhe si nje nga pjestaret e Celules se Xhihadut Islamik te Tiranes, qe u shpartallua nga CIA dhe SHIK ne vitin 1998.

Mes agjenteve per te cilet eshte nenshkruar urdheri i arrestit eshte edhe kreu i stacionit te CIA-s per Milanon, i cili ne vitin 2003 ishte akrediatur si diplomat "konsull i Shteteve te Bashkuara te Amerikes ne Milano". Mes agjenteve sekrete te shpallur ne kerkim jane edhe tre gra: "Cynthia" dhe nje mike e saj ispano-amerikane, qe kishin bere stafeten, si dhe nje tjeter e quajtur "Monica", e cila kontrollonte me makine rruget nga do te leviznin.
Njeriu i Celules se Tiranes
Njeriu qe u rrembye ne Milano i njohur si Abu Omar si dhe me emrin tjeter Nasr Osama Mustafa, ka nje te shkuar te perzishme ne Tirane. Ai u vendos ne kryeqytetin shqiptar menjehere pas hapjes se Shqiperise, ne vitin 1990, i organizuar nje nje shoqate islamike ndihmash ushqipmore me qender ne rrugen e Kavajes. Shpejt Osama Mustafa martohet me nje shqiptare te quajtur Marsela Glina me te cilen i lindin dy femije, nje vajze dhe nje djale. Familja jeton dite te lumtura, madje ne saje te te ardhurave qe dyshohet te jene te Xhihadit Islamik Egjiptjan te lidhur qe ne kete kohe me Al Kaedan e Osama bin Laden, Nasr Osama Mustafa behet edhe pronar i nje furre buke dhe i nje sallamerie, por dite te veshtira do te pasonin. Ne vitin 1995 sherbimi sekret shqiptar e rremben ate dhe e mban disa dite te qeli. Pasi fiton lirine, ai kupton se Tirana nuk ishte me tej nje toke e bekuar per qendrim te metejshem. Shet nen vlere bizneset dhe largohet ne vitin 1996 duke tentuar te terheqe me vete edhe gruan dhe femijet, por nuk mundet. Vendoset fillimsht ne Gjermani dhe me tej ne Xhamine e madhe te Milanos, ku sherbente si imam. Ne shkurt te vitit 2003 ate e rrembejne duke e zhdukur pa adrese. Dy vite me pas ai rishfaqet ne Egjipt, porse vetem per pak dite, pasi serish arrestohet. Keshtu u kuptua se ai ishte rrembyer nga sherbimet sekrete amerikane dhe egjitjane. Pikerisht nje veprim i tille i paautorizuar eshte konsideruar i paligjshem nga drejtesia italiane, e cila pas sigurimit te provave e hetimeve ka urdheruar arrestimin e agjenteve te CIA-s, te implikuar ne kete histori.
Gabimet e CIA-s
Gjate veprimeve per te rrembyer imamin e Xhamise se Milanos, agjentet amerikane te CIA-s kane bere nje gabim te pafalshem duke perdorur telefona me karta italiane, shume te lehte per t'u pergjuar dhe hetuar. Celularet e marre ne shqyrtim jane perdorur ne nderkohen nga 12:28 deri ne 12:33 te dites se rrembimit te Abu Omar ne rrugen Guerzoni, prane banese se egjiptjanit te dyshuar per lidhje me Xhihadin Islamik Egjiptjan. Madje eshte siguruar edhe nje deshmitare okulare. Nje grua ka pare dy persona te veshur me uniforma te policise italiane, qe e kane ndaluar egjiptjanin per ta futur me pas ne brendesi te nje kamioncine. db/db (GazetaShqiptare/BalkanWeb)

[Dilaver]

Sot në orët e pasditës në Milano vdiq gazetari Bardhyl Ajeti

Sot në orët e pasditës, vdiq gazetari Bardhyl Ajeti. Lajmin e kanë konfirmuar edhe redaktorët e gazetës së përditshme "Bota Sot" . Gazetari Bardhyl Ajeti u plagos në kokë, kohë më parë nga persona të panjohur në Bresalc të Gjilanit.


Pas një trajtimi disaditor në QKU, në gjendje të agonisë, Ajeti është dërguar ditë më parë në një spital të Milanos.




RTK 25/06/2005 18:24:27

[Honesty^uk.]

Sali Berisha


Berisha deklaron fitoren nga ballkoni i selise se PD

[Dilaver]

Presidenti Rugova i dorëzoi ish sekretares amerikane të Shtetit, Medlin Ollbrajt, Medaljen e Artë të Lirisë


Prishtinë, 5 korrik - Presidenti i Kosovës, Dr. Ibrahim Rugova, në një solmnitet rasti, sot i dorëzoi ish sekretares amerikane të Shtetit, Medlin Ollbrajt, Medaljen e Artë të Lirisë, me të cilën e ka dekoruar më 12 qershor 2004, në 5-vjetorin e Ditës së Lirisë të Kosovës.
Presidenti Rugova zhvilloi edhe një takim me zonjën Ollbrajt ku bisedoi për gjendjen aktuale në Kosovë.
Presidenti Rugova pasi shprehu kënaqësinë për takimin me zonjën Ollbrajt, e çmoi si mike të madhe të Kosovës dhe të popullit tonë. Duke e falenderuar që sot ndodhet në vendin tonë dhe që ka gjetur kohë të jetë këtu, Presidenti tha se ajo "gjithmonë është e dashur dhe e respektuar".
Ndërkaq duke folur për takimin, Presidenti Rugova tha se me zonjën Ollbrajt ka biseduar për progresin e Kosovës dhe se e ka njohur me arritjet që janë bërë, për gjendjen e mirë të sigurisë, stabilitetin e përgjithshëm. "Po punojmë në vlerësimin e gjendjes së përgjithshme që të hapen bisedat për të ardhmen; punët që i kemi t'i kryejmë dhe natyrisht për të ardhmen, për pavarësinë", u shpreh Presidenti Rugova, duke insistuar që të njihet sa më shpejt pavarësia nga SHBA-të BE-ja, po sidomos nga SHBA-të. Pavarësia, tha ai, do të hapte perspektiva të reja për të ardhmen e Kosovës, për popullatën e saj të re, duke u angazhuar për një mbrojtje dhe siguri të minoriteteve dhe të grupeve etnike.
"Kemi bërë një progres, por duhet të punojmë më shumë, po me pavarisinë do të bënim edhe më shumë. Unë punoj për këtë çështje, sikur edhe qeveria e grupet politike".
Në fund duke i shprehur një falenderim të madh ish-sekretares së Shtetit për të gjitha ato që ka bërë për Kosovën, për lirinë e Kosovës, Presidenti tha se pret përkrahjen dhe ndihmën e mëtejshme të zonjës Ollbrajt në këtë fazë të rëndësishme për Kosovën: "Jeni një mike e madhe e Kosovës. Unë kam miqësi permanente me SHBA-të", tha Presidenti i Kosovës Ibrahim Rugova.
Zonja shprehu kënaqësinë e madhe që sot ndodhet në Kosovë.
"Kosovës i kam kushtuar shumë kohë duke menduar se si ta ndihmoja. Shumë shpesh jam ndjerë edhe e shqetësuar për të. Prandaj sot jam shumë e kënaqur që jam këtu, pikërisht këtë vit që është vendimtar për Kosovën", u shpreh pas takimit zonja Medllin Ollbrajt.
Ish-sekretarja e Shtetit porositi që në Kosovë duhet të zhvillohet demokracia dhe kërkoi mbrojtjen dhe respektimin e të drejtave të pakicave.
"Unë e kam bërë të qartë në mesazhet e mia, ashtu edhe në bisedat me Presidentin se demokracia në Kosovës është shumë e rëndësishme. Unë tash jam shefe e Institutit Nacional Demokratik, i cili i është i përkushtuar në ndërtimin e demokracisë në Kosovë dhe në vende të tjera", tha zonja Ollbrajt duke thënë se është e rëndësishme që Kosova të jetë një vend shumetnik, ngase, siç tha, kjo e bën atë më të fortë.
Zonja Ollbrajt vlerësoi se është bërë mjaft progres, por duhet të bëhet edhe më shumë, duke premtuar se si qytetare amerikane dhe mike e Kosovës do të bëjë çmos që është e mundur që ta ndihmojë Kosovën edhe në këtë fazë.
"Të gjithë duan t'ju ndihmojnë. Unë nuk i përfaqësoj SHBA të zyrtarisht, por po flas si një qytetare amerikane dhe, shpresoj, si një mike e këtij vendi, do të bëj çdo gjë që t'ju ndihmojmë dhe, sepse ky vit është vendimtar për Kosovën", theksoi zonja Ollbrajt.

[Dilaver]

Një zyrtar socialist ka vrarë veten për shkak se në shkritoren e Borit janë djegur kufomat e shqiptarëve

Bor, 6 korrik - Kundër Natasha Kandiqit, drejtoreshë e Fondit për të Drejtën Humanitare, është paralajmëruar një padi për shkak të një deklarate të saj se zyrtari i lartë i Partisë Socialiste në Bor Dushan Nikoliq më 23 qershor ka vrarë veten për shkak të njohurive se në furrat e shkritores së Borit janë djegur kufomat e shqiptarëve të Kosovës. Nikoliq kishte kërcyer në furrën e shkritores së Borit.
Ndërkohë Natasha Kandiq deklaroi se ka indikacione se Nikoliq ka vrarë veten sepse nuk ka mundur të pajtohet me faktin se një gjë e tillë ka ndodhur.
Ajo ka theksuar se të gjithë ata që kanë të dhëna se çfarë ka ndodhur me kufomat e shqiptarëve i kanë mbyllur të gjitha shënimet rreth varrezave të reja masive.
"Të gjithë dëshmitarët e mundshëm rreth krimeve mbi civilët shqiptarë janë nën frikën dhe kërcënimet e tmerrshme, gjë që tregon se sa ende ka fuqi tërë sistemi i Millosheqit", ka thënë Kandiq.

[Dilaver]

Dje në Pejë u përkujtua 7-vjetori i betejës së Loxhës

Pejë, 7 korrik - Dje në Pejë me një akademi përkujtimore, Dega e LDK-së në Deçan ka përkujtuar 7-vjetorin e betejës së Loxhës afër Pejës. Oratorët me këtë rast vlerësuan si të parën betejë frontale mes UÇK-së dhe forcave serbe. Në përkujtim të betejës është folur edhe për figurën kryesore të kësaj beteje kolonel Tahir Zemaj.
Kryetari i Degës së LDK-së në Deçan, Besm Sejfijaj dhe kryetari i KK të Pejës, Ali Lajçi, thanë se kjo ishte një betejë që hyri në histori si rasti në të cilin populli i Kosovës e pa se ajo kishte institucione. Sejfijaj tha se betejat në Loxhë, Llukë të Epërme dhe Koshare, bashkë me udhëheqjen e urtë të Ibrahim Rugovës, bënë që Kosova të ketë lirinë.
Ali Lajçi ka veçuar respektin për figurën e Tahir Zemajt për shkak të profesionalizmit dhe përkushtimit.
Pjesëmarrës i kësaj beteje, Skënder Rexhahmetaj, tha se lavdia e betejës së Loxhës ka kaluar kufijtë e Kosovës dhe ajo ka thyer mitin e superioritetit të forcave serbe.
Në emër të Presidencës tubimin e kanë pëshënetur anëtari i Kryesisë së LDK-së, Hajzer Krasniqi dhe këshilltari i presidentit, Berim Ramosaj. Krasniqi ka thënë se nga beteja e tillë, si ajo e Loxhës, del amaneti për të punuar për liri, pavarësi dhe demokraci, për të cilën dhanë jetën shumë djem e vajza të Kosovës, qoftë duke luftuar me laps, qoftë duke luftuar me pendë.
Pas përfundimit të akademisë në Strellc të Deçanit u bë zbulimi i përmendores së kolonel Tahir Zemajt, të birit të tij Enisit dhe Hasan Zemajt, të cilët u vranë në një atentat më 4 janar 2OO3.
Po ashtu u bënë edhe homazhe dhe u vunë kurora lulesh mbi varret e tyre.