Duhet ta shikoni!

[LaDy_Diaspora]

Me rrëfime suksesi - kundër klisheve për "shqiptarët e këqinj"

Më 24 nëntor, televizioni publik i Zvicrës SF1 emeton filmin dokumentar "Shqiptarët e mirë – emigrantët e suksesshëm në Zvicër"



Në rrethanat kur shqiptarët në Zvicër janë bërë viktimë e klisheve nga më të ndryshmet, nuk mungojnë as përpjekjet për të paraqitur ata në një dritë tjetër, më reale dhe më pozitive. Filmi dokumentar i televizionit publik i Zvicrës SF1 në gjuhën gjermane "Shqiptarët e mirë – emigrantët e suksesshëm në Zvicër" është në mesin e pëpjekjeve të tilla.

Ky film bën portretimin e katër personaliteteve të suksesshme shqiptare që jetojnë në Zvicër.

Shqiptarët, sipas perceptimit më të përhapur në opinionin zviceran konsiderohen më shpesh si "ngasës të shpejtë të automobilave, trafikantë të drogës, provokatorë: Shqiptarët janë grupi i dytë më i madh i të huajve në Zvicër dhe ata përballen me një imazh shumë të keq. Kur flitet për ta publikisht, në shumicën e rasteve vihen në lidhje me kriminalitet, keqpërdorim të ndihmave sociale, dhunë dhe me sjelljeve maçoiste". Kjo është hyrja e njoftimit mbi filmin dokumentar të autorit Béla Batthyany "Shqiptarët e mirë – emigrantët e suksesshëm në Zvicër".

Dhe, pikërisht këtë stereotip autori dëshiron ta përgënjeshtrojë. Për këtë ai ka marrë katër personalitetet të suksesshme shqiptare në Zvicër. "Një sportist, një bankier, një politikane dhe një mjek - DOK i ka portretuar katër shqiptarë të cilët janë shumë të suksesshëm.

Megjithatë nuk dëshirojnë të konsiderohen si përjashtime ose diçka të veçantë. Sepse ka shume shqiptarë të suksesshëm në Zvicër, vetëm se ata duhet të perceptohen si të tillë..."

Shqiptarët, vazhdon prezantimi i filmit, vuajnë pa të drejtë nën paragjykimet e shkaktuara nga një numër i vogël i bashkatdhetarëve të tyre që kryejnë vepra të dënueshme.

Derisa më shumë flitet për shqiptarët sesa me ata, nuk mund t'i largojmë njollosjet e "Deles së zezë". Për integrim duhet kohë.

Por, sipas autorit të filmit, "një gjë është e qartë: Edhe shqiptarët një ditë do të jenë pjesë e vetëkuptueshme e Zvicrës. Dhe pastaj ndoshta do të shtrohet pyetja; a ka pranë shqiptarëve të mirë, shqiptarë jo të mirë".

Filmi ofron po kështu të dhënat elementare mbi shqiptarët në Zvicër, kohën e ardhjes së tyre këtu, shtetet e prejardhjes etj.

Filmi, që zgjat 53 minuta, shfaqet më 24 nëntor, e enjte, me fillim në orën 20.00, në televizionin publik të Zvicrës SF1 në gjuhën gjermane.