Është ndarë tragjikisht nga jeta ikona e filmit, Bekim Fehmiu

[Fshatari]

Është ndarë tragjikisht nga jeta ikona e filmit, Bekim Fehmiu
Beograd, 15 qershor - Bekim Fehmiu, 74 vjeç është gjetur i vdekur në banesën e tij në lagjen Zvezdara në Beograd, raportojnë mediet serbe.
Lajmin në Beograd e ka konfirmuar ministri i brendshëm serb, Ivica Daqiq i cili ka thënë se mendohet se bëhet fjalë për vetëvrasje, pasi që Fehmiu ka vdekur nga arma e regjistruar në emrin e tij.
Familjarët e tij në Prishtinë e kanë konfirmuar lajmin për KTV-në.
Bekim Fehmiu, u lind më 1 qershor 1936 në Sarajevë. Fakultetin e Artit Dramatik e kreu në Beograd nga vitit 1956 deri në vitin 1960, në klasën e profesorit Mate Milosheviq. Famën e arriti me filmin „Mbledhësit e puplave” të Aleksandër Sasha Petrovicit, në vitin 1967.
Karrierën e ka zhvilluar jashtë, dhe sidomos në Itali, ku ka punuar me regjisorin Dino Laurentiso.
Ka bashkëpunuar edhe me Xhon Hjuston, Avo Gardner, Sharlo Azbavuron dhe të tjerë.
Me aktrimin nuk merrej që prej vitit 1987, në shenjë proteste për histerinë antishqiptare.
Ka fituar shumë shpërblime, mes tjerash edhe Arenën e Artë në festivalin jugosllav të filimit, në Pulë, për rolin e Halil Begut në filmin ‘Roy”.
Ka qenë i martuar me Branka Petriqin, me të cilin ka pasur dy dhem – Hedonin dhe Uliksin.
Uliks Fehmiu është gjithashtu aktor, dhe rolin e fundit të madhe e ka pasur në filmin “Nesër në mëngjes”, të Oleg Novakoviqit.
Në prill 2001 e botoi autobiografinë “Shndritshëm dhe tmerrshëm”, të cilën në fakt e kishte shkruar në vitin 1985.