Elections 2013

[Zero Cool]

Kryetarët e “përjetshëm”



Prishtinë, 09.10.2013
Të paktën pesëmbëdhjetë kandidatë për kryetarë të komunave, anëtarë të tri partive më të mëdha në vend, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës, sivjet i kanë hyrë garës zgjedhore për të tretën herë, shkruan Zëri.





Partia e ish-presidentit të ndjerë, Ibrahim Rugova, i prin garës zgjedhore në raport me kandidatët që kanë qeverisur komunat për dy mandate dhe të cilët tashmë kërkojnë edhe një mandat të tretë.

Sipas shembëlltyrës se tij:









Derisa lideri i kësaj partie, Isa Mustafa, garon sërish në Prishtinë për të parin e kësaj komune, bashkëpartiaku i tij, Burim Berisha, garon për mandat të tretë në Fushë Kosovë, Agim Veliu në Podujevë, Bajrush Ymeri në Novobërdë, dhe Shaip Surdulli në Kamenicë. Madje, Surdulli kaherë që nga viti 2000, kur janë mbajtur zgjedhjet e para lokale, që do të thotë se në zgjedhjet e 3 nëntorit të këtij viti garon për të katërtën herë radhazi.

Mandat të tretë kërkojnë edhe dy figurat tjera të Lidhjes Demokratike të Kosovës, Lutfi Haziri në Gjilan dhe Eqrem Kryeziu në Prizren, të cilët kanë qeverisur nga dy mandate rresht, por që të dy, këtë e bëjnë pas një periudhe që nuk kanë qenë aktiv në qeverisjen lokale, ndërsa komunat ku ata kanë udhëhequr janë drejtuar nga anëtarët e Partisë Demokratike të Kosovës.

Ndërkohë që nga partia më e madhe në pushtet PDK, në gjashtë komuna garojnë kandidatë që kanë qeverisur tashmë nga dy mandate.

[Guri i madh]

PDK-ja dhe Agim Çeku në salla boshe në Prishtinë, i bojkoton kryeqyteti




Gazeta “Bota sot” siguron dokumente e hollësi për fushatën e Agim Çekut dhe tubimet në nëndegët e PDK-së në Prishtinë

Gazeta “Bota sot” siguron dokumente e hollësi për fushatën e Agim Çekut dhe tubimet në nëndegët e PDK-së në Prishtinë. PDK-ja dhe Agim Çeku do ta zhvilloj fushatën zgjedhore me 13 tubime në nëndegët e PDK-së në Prishtinë, derisa PDK ka ministruktura të 47 nëndegëve. Kalendari takimeve të Agim Çekut përfshinë takimet: 3 tetor hapja e fushatës, 5 tetor tubim në Pallatin e Rinisë në Prishtinë, 7 tetor tubim në nëndegën “Kodra e Diellit”, 10 tetor “Kodra e Trimave”, 12 tetor tubim në “Dardania”, 13 tetor tubim në Kolevicë, 17 tetor tubim në “Arbëria – Tophane”, 20 tetor tubim në Ulpianë, 23 tetor tubim në nëndegën “Lagja e Muhaxhirëve”, 26 tetor tubim në nëndegën “Qendra”, 29 tetor tubim në nëndegën Taslixhe-Sofali, 1 nëntor mbyllja e fushatës. Të gjitha këto tubime janë paraparë të zhvillohen rreth orës 4 pasdite, në koordinim me nëndegët e PDK-së në kryeqytet. Fakti se PDK-ja dhe Agim Çeku do zhvilloj vetëm 13 tubime me nëndegët, e jo 47 sish, nënkupton se PDK-ja gjendët në një hall të madh, s’ka mbështetje në kryeqytet, qytetarët bojkotojnë tubimet e PDK-së. Është një strategji defanzive e PDK-së, e jo ofanzive.

[Guri i madh]

Sondazhet paralajmërojnë rënie të PDK-së



Publikuar: 11.10.2013 - 12:31Prishtinë, 11 tetor - Edhe në zemër të Drenicës PDK-ja i ka tubimet e zbehta. Ndërsa PDK do tkurret minimalisht me 6% deri 8 % dhe primatin do ta marrë LDK. Ky parashikim vjen nga vetë të angazhuarit në institucionet që drejtohen nga PDK. Saktësisht ky parashikim erdhi publikisht dje nga këshilltari politik i zv.ministrit (PDK) të Jashtëm të Kosovës dhe këshilltari i kryeministrit të Shqipërisë (PS).

Ai e pranoi zyrtarisht se tendenca është se PDK do ta humbë përparësinë e forcës kryesore politike në Kosovë, shkruan “Bota Sot”. Sondazhet flasin për rrugë pa kthim të PDK-së drejt rënies. Rënia e PDK-së 6% deri 8 % do i jepte avantazhin LDK-së që të marrë në dorë qeverisjen në Kosovë.

Paralajmërimet e sondazhistëve për rënien e PDK-së e konfirmojnë edhe sallat boshe ku po mbahen tubimet zgjedhore. Askush nuk e kishte imagjinuar se pardje fushata zgjedhore në zemër të Drenicës, në Gllogovc/ Drenas, të anulohej nga sheshi i qytetit, për t’u zhvilluar në sallën e izoluar të kulturës, ku s’ka vende për më shumë se 200 persona.

Krerët e PDK-së e kishin paralajmëruar se fushata do të mbahej në sheshin e Drenasit/ Gllogovcit, por në momentin e fundit e kishin ndërruar mendjen, sepse në qytet s’kishte fare njerëz.

Fakti se edhe në zemër të Drenicës PDK-ja i ka tubimet e zbehta me qytetarë është shumë domethënëse se partia do të pësoj rënie.

[Guri i madh]

Veteranët e Serbisë përkrahin drejtorin e







ThaçitPublikuar: 14.10.2013 - 10:25Prishtinë, 14 tetor - Kandidati i Partisë së Pavarur Liberale për kryetar të Graçanicës, Sërgjan Popoviq, parti kjo që udhëhiqet nga zëvendëskryeministri Sllobodan Petroviq, ka marrë mbështetje të fuqishme për ta përkrahur në zgjedhje nga veteranët e luftës të Serbisë, me të cilët ka nënshkruar edhe memorandum bashkëpunimi.Popoviq deri para se t’i hyjë garës për kryetar të Graçanicës ka udhëhequr Zyrën për Komunitete në kuadër të Kryeministrisë dhe njëkohësisht e ka këshilluar kryeministrin Hashim Thaçi.


Sipas të përditshmes “Zëri”, Popoviq dhe Shoqata e Veteranëve të Luftës e Serbisë kanë nënshkruar të premten që lamë pas një memorandum bashkëpunimi, ku kjo e fundit zotohet se në mënyrë aktive do të jetë e përfshirë në fitoren e kandidatit të SLS-së në zgjedhjet për kryetar të kësaj komune.

“Kandidatin e Partisë së Pavarur Liberale Serbe për kryetar të Graçanicës, sot edhe zyrtarisht e ka përkrahur Shoqata e Veteraneve të Luftës e Serbisë. Veteranët e Serbisë do të punojnë aktivisht në fitoren e Popoviqit në zgjedhjet për kryetar të kësaj komune, pasi që e shohim si një mënyre përmirësimi të gjendjes së keqe në këtë komunë”, thuhet në njoftim, e i cili është i publikuar edhe në ueb faqen zyrtare të kësaj partie.

[Guri i madh]

Thaqi ia nxehe qafen Gazetarit te KTV se - YouTube

[Zero Cool]

Votimi jashtë vendit ?!



Votuesi me të drejtë vote i cili përkohësisht mungon në Kosovë mund të votojë për zgjedhjet në Kosovë nëse ai ose ajo ka aplikuar suksesshëm për votim jashtë Kosovës dhe ka votuar në përputhje me dispozitat e këtij ligji dhe rregullat e KQZ-së. Vota përmes Votimit Jashtë Kosovës duhet të pranohet nga KQZ-ja para ditës së zgjedhjeve, sikurse përcaktohet me anë të rregullave të KQZ-së.

Procesi i votimit nga Jashtë Kosove realizohet përmes postës. Ky process bazohet në dy periudha. Në përiudhën e regjistrimit dhe periudhën e dërgimit të fletëvotimit.

Çdo qytetarë që konsideronë se ka të drejtë dhe është i interesuar për të votuar duhet të aplikojë për t’u regjistruar si votues jashtë vendtit. Pas aplikimit KQZ-ja do të ju njoftojë nëse kërkesa e juaj është aprovuar apo jo. Të gjithë aplikuesit e aprovuar do të pranojnë fletëvotimet e caktuara dhe materialet tjera përcjellëse në adresën e paraqitur gjatë aplikimit sa më shpejt që të jetë e mundur.







Udhëzim i votimit përmes postës

Në Zgjedhjet për Kuvendin Komunal, Votuesit mund të shënjojnë në Fletëvotim një subjekt politik dhe mund të votojë për një kandidat nga lista e kandidatëve të këtij subjekti politik. Ndërsa në fletëvotimin për Kryetarë Komune, në anën e majtë të fletëvotimit ju mund të shënoni vetëm një kandidat për kryetar komune.

Në ueb faqen e KQZ-së janë të vendosura Fletëvotimet për Kuvendet Komunale, Fletëvotimet për Kryetar të Komunave dhe Listat e Kandidatëve për secilën komunë.

Kthimi i pakos së fletëvotimit:

Vendosni VETËM fletëvotimet në zarfin e fshehtësisë dhe mbylleni Kjo do të mbajë votën tuaj sekrete.
Vendosni fotokopjen e një dokumenti identifikues të vlefshëm ose një shënim që përfshin të dhënat tuaja personale që përmban emrin, mbiemrin, emrin e babait dhe datën e lindjes,. Dëftesën e regjistrimit (e cila duhet të prehet me gërshërë) dhe zarfin e fshehtësisë me fletëvotimet brenda vendoseni në zarfin e kthimit me adresë të shtypur të KQZ-së.

Secili person duhet të dërgojë zarfin kthyes të tij/saj duke i përfshirë artikujt më lartë
Vëni vula postare të mjaftueshme dhe dërgojeni me postë tek ne.

Komisioni Qendror i Zgjedhjeve, Republika e Kosovës,
Votimi Jashtë Kosovës,
Posta nr. KUTIA 351,
10 000 Prishtinë, Kosovë.

Deri më 1 Nëntor 2013.

Zarfi i kthimit i cili përfshin të gjitha dokumentet e kërkuara dhe zarfin e pashënuar (të fshehtësisë) së bashku me fletëvotimet duhet Pranuar në kutin postare deri me 1 Nëntor 2013. Luteni që t’i ktheni dëftesat e regjistrimit

Periudha e votimit

Çdo votues me të drejtë vote me qëndrim jashtë Kosovës ka të drejtë të votojë në zgjedhjet për Kuvend, nëse ata kanë përmbushur me sukses procesin paraprak të regjistrimit. Periudha e regjistrimit është realizuar prej datës 27 Korrik deri më 17 Shtator 2013. Ndërsa, Periudha e Votimit fillon me datë 1 Tetor 2013 dhe përfundon me datën 1 Nëntor 2013.

Për të siguruar integritetin e mëtejshëm të procesit të votimit, KQZ-ja do të verifikojë vlefshmërinë e të gjitha pakove të fletëvotimit të pranuara nëse janë të pranueshme. Ky proces plotësues i verifikimit do të zhvillohet të dielën më 3 nëntor 2013, duke filluar në orën 08:00 në zyrat e KQZ-së. Pasi të përfundojë verifikimi, pakot e fletëvotimeve do të transportohen në Qendrën e Numërimit dhe të Rezultateve.

Komisioni Qendror i Zgjedhjeve njofton se vëzhguesit e akredituar mund të vëzhgojnë procesin e verifikimit të vlefshmërisë.

Zarfi i kthimit i cili përfshin të gjitha dokumentet e kërkuara dhe zarfin e pashënuar (të fshehtësisë) së bashku me fletëvotimet duhet Pranuar në kutin postare deri me 1 Nëntor 2013.

Fletëvotimet e shënjuara mund t’i dërgoni përmes postës në adresë të KQZ-së:

Komisioni Qendror i Zgjedhjeve,
Votimi Përmes Postës,
Posta Nr. 6
Kutia 351,
10 000 Prishtinë,
Republika e Kosovës.



Fletëvotimet me postë duhet të pranohen nga KQZ-ja më së largu deri më 1 Nëntor 2013.

[Guri i madh]

http://www.youtube.com/watch?feature...KDWhqmsPdY#t=0

[Zero Cool]

Koalicioni i Thaçit me PSD serbe zemëron vëllanë e dëshmorit Mujë Krasniqi







Klinë, 23.10.2013

PDK-ja mund të humbë shumë vota të familjeve të dëshmorëve në Klinë, për shkak se i Thaçi ka bërë koalicion parazgjedhor me Partinë Social Demokrate serbe, e cila do të mbështesë kandidatin e PDK-së, Sokol Bashota.

Për këtë arsye, vëllai i dëshmorit Mujë Krasniqi, Afrimi, ka hequr dorë nga kandidatura e tij për asamblenë komunale nga radhët e PDK-së, raporton KTV.

Ai nuk dëshiron të bëjë deklarata, por thotë si familje e cila dha dy vëllezërit - Mujë e Ali Krasniqin, për Kosovën, e të cilët u vranë nga forcat serbe në vitin 1998, nuk mund të jetë pjesë e një partie që bëri koalicion me serbët e Klinës.

KTV-ja ka kërkuar përgjigje nga dega e PDK-së atje, por kryetari Sokol Bashota nuk ka dashur të flasë.

“Jam në një takim”, ka qenë përgjigjja e tij e shkurtër, duke e mbyllur më pas telefonin. Para dy ditësh Bashota ka nënshkruar marrëveshje me degën e Partisë Social Demokrate serbe, ku këta të fundit dhanë mbështetje për kandidatin e PDK-së, Sokol Bashota.

[Guri i madh]

ALMAKOS - Kush ia mërdhini Hashim Thaçit në Vushtrri? (Video)

[Guri i madh]

PDK fushat me kallasha

Bota Sot | 24.10.2013 17:03



Kur fushata elektorale për zgjedhjet lokale është pothuajse në kulminacion, partia e cila e thirr veten si "parti e luftës", PDK, nuk po mundet të ju ndahet lehtë atyre që mendohet se ju kanë mbet si "trofe" nga lufta e fundit. Një armë "kallash" nuk i ka shpëtuar syrit të mediave në tubimin e PDK-së të mbajtur në Fushë-Kosovë. Edhe pse koha e dorëzimit të armëve ka kohë që ka mbaruar, tani i mbetet policisë së Kosovë të bej detyrën e saj, e cila nuk do ta ketë të vështirë të identifikojë autorët e saj pasi që tubimi duket të ketë qenë publik.

[Guri i madh]

http://www.youtube.com/watch?v=7HyGu...2u4zy3G8CPGIhQ

[Zero Cool]

A po fitojm a jo


ps: Ne veri u pshurr n`ta, sipas meje pergjegjesine e ka kryeministri i cili u mor vesh me shkijet edhe me Ashtonken qe zgjedhjet do te vajne mire edhe atje (këshe)....

[Zero Cool]

PDK humb Malishevën: Iniciativa dhe LDK në balotazh


Nga rezultatet preliminare të Komisionit Qendror Zgjedhor bëhet e ditur se Partia Demokratike e Kosovës ka humbur qeverisjen e komunës së Malishevës.

Në këtë komunë, referuar të dhënave të gjertanishme në balotazh priten të jenë Iniciativa për qytetare për Malishevën me 42.19% të votave dhe Lidhja Demokratike e Kosovës me 25.81 %.

Në zgjedhjet e 3 nëntorit, PDK ka arritur të marrë 25.71.

[Zero Cool]

Edhe Peja në balotazh



Qytetarëve të Pejës do t’iu duhet edhe njëherë të dalin në zgjedhjet lokale. Kjo për faktin se nga rezultatet e Komisionit Qendror të Zgjedhjeve mësohet se Gazmend Muhaxhiri i LDK-së dhe Ali Berisha i AAK-së do të jenë në balotazh për kreun e Pejës.

Muhaxhiri prin me 40.85 për qind të votave, gjersa Berisha ka 36.12 për qind. I treti në radhë është Muhamet Halitaj nga PDK me 15.22 %, ndërsa Hivzi Muharremi 4 %.

[Zero Cool]

Në Prishtinë, Isa dhe Shpendi në balotazh



Nga rezultatet e fundit të Komisionit Qendror Zgjedhor bëhet e ditur se në garën për Prishtinën, prinë kryetari aktual Isa Mustafa me 43.14 për qind të votave, pastaj është Shpend Ahmeti me 31.49 për qind.

I treti me radhë është Agim Çeku nga Partia Demokratike e Kosovës me 10.80 për qind, pasuar nga kandidati i AKR-së, Korab Sejdiu, me 6.42 për qind, ai AAK-së, Besnik Tahiri, me 4.34 për qind, Valon Murati nga LB-ja, me 1.65% dhe Visar Arifaj i Partisë së Fortë me 1.55 për qind të votave.