Çfarë thonë të huajt për Shqiptarët? - Page 5

**Zero Cool** · 14-04-13, 08:06

Goodwin: 'Osmanët: shqiptarët e vetmja racë në të drejtë të tyre'

SHQIPTARËT, E VETMJA POPULLSI NË PERANDORI, TË CILËN OTOMANËT E NJIHNIN SI NJË RACË NË TË DREJTË TË TYRE

Otomanëve ju desh të njihnin rreth tridhjetë qeverisje të ndryshme fisnore në malësitë e Armenisë e të Kurdistanit. Kryetarët e lashtë Gegë, të Veriut të Shqipërisë ishin gjysmë të pavarur.
[…]
Shqipëria u bë pjesë e Perandorisë në vitin 1468 dhe shqiptarët përparuan shpejt në ushtri e burokraci; ishin qitës të shkëlqyer dhe me kalimin e kohës vendosën një monopol mbi disa degë të ndryshme të ndërtimit e të mjekësisë. Qeleshet e bardha ishin goxha të njohura në vendet e ndërtimit nëpër Ballkan, në këtë shekull, dhe ata ishin të shquar për mjeshtëritë e tyre të ndërtimit të ujësjellësve të përsosur. “Pa asnjë dije matematike, rregull apo instrumente, ata i ndërtojnë këta ujësjellës, masin lartësitë e maleve, distancën e vendeve, më saktësisht se sa ç’mund të bëjë një gjeometër dhe vlerësojnë shumë mirë cilësinë e sasinë e ujit. Kur pyeten për themelet e këtij arti, ata as nuk e kanë idenë se për se ju duke folur, e as nuk mund ta shpjegojnë vetë.” Mjeshtëria e tyre kirurgjike ishte gjithashtu e mistershme, pasi ata mund të operonin “thyerje” dhe ta ngrinin pacientin në këmbë e shëndoshë e mirë brenda një dyjavëshi.
[…]
Prej të gjitha kombeve të cilët i sunduan Otomanët – tridhjetë e gjashtë, sipas një numërimi të kujdesshëm – beduinët ishin më kokëfortët, grekët më dinakët, egjiptianët më qytetësit, serbët më të ligjtë, hungarezët të gjykuar si më të mërzitshmit dhe shqiptarët, e vetmja popullsi në perandori, të cilën Otomanët e njihnin si një racë në të drejtë të tyre – e cila ngjante se përfshinte çdo pirat, horr, vrasës apo mashtrues nën sundimin Otoman.
[…]
Kreta u bë një qendër e fuqishme islamike dhe pothuajse e gjithë popullsia ishte kthyer në myslimane që pas një shekulli nga pushtimi otoman. Që nga shekulli i XVIII-të disa shqiptarë ishin hutuar aq shumë sa që ata “thoshin se ishin plotësisht të paaftë që të gjykonin se çfarë ishte më mirë, dhe shkonin në xhami të premten dhe në kishë të shtunën” (shënim: autorë të tjerë e shpjegojnë këtë shprehje më gjatë dhe shqiptarët me këtë mënyrë tregonin shpërfilljen e tyre ndaj religjioneve duke bërë edhe shaka madje).

Titulli: Lords of the Horizons
Autori: Jason Goodwin

**Zero Cool** · 15-04-13, 17:55

Pavarësisht, përshkrimeve nga Clark dhe të tjerë për pjesëmarrjen në trupat osmane, nuk harrohet thuajse në asnjë rast përmendja e rezistencës shqiptare dhe vlerësimi i shqiptarëve për shkak të dhuntive e jo të afrimitetit me religjionin apo pushtetin osman. Nga ana tjetër, për shqiptarët Perandoria Osmane përfaqësonte një mundësi pasurimi e jetese. Në atë kohë, Stambolli ishte metropoli i Lindjes, qendër botërore nga më të fuqishmet dhe emigrimi i shqiptarëve drejt kësaj qendre është si i shumë etnive të tjera (emigrimi ndodh edhe sot për arsim, ekonomi, punë etj). Sidoqoftë, shqiptarët arritën që të mbanin trysninë e Perandorisë me një shkathtësi të habitshe luftarake, për më shumë se dy dekada të flakta. Gjenialiteti i tyre luftarak është epokal....

SHQIPTARI NË USHTRINË TURKE

Ushtari shqiptar bart një ndjenjë nderi shumë tërheqëse; frymë kjo, edhe pse mes tyre, merret hak me vdekje të menjëhershme. Sa për thyerjen e rregullit ushtarak, ai nuk është rrahur kurrë. Dënimet e vetme në përdorim, kanë qenë varja apo prerja e kokës. Shqiptarët kanë qenë prej kohësh të renditur si trupat më të mira në ushtritë turke, në të cilat, në të vërtetë, ata janë konsideruar në të gjitha rastet si detashment i vdekjes. Skënderbeu, i cili është heroi i sa e sa romaneve kalorësiake, ishte vendas e princ i një krahine në Shqipëri. I mbështetur prej bashkatdhetarëve të tij trima, ai e hodhi tutje zgjedhën turke dhe i bëri ballë tërë fuqisë së pushtetit osman, e cila ishte për më tepër në kulmin e saj, për një hapësirë kohore prej njëzet e tre vjetësh. Pas vdekjes, varri i tij u dhunua nga ana e pushtuesve të vendit të tij dhe një dëshmi e caktuar e vlerës së këtij varri mund të nxirret nga rasti se jeniçerët mbanin në trup si byzylykë, copa nga eshtrat e tij. Shqiptarët, shpesh herë kanë provuar të jenë kundërshtarë të fuqishëm të trupave ruse dhe aq e madhe është dashuria e lavdisë, e natyrshme në ta, sa kur sodisin një interval të gjatë qetësie në vendin e tyre, regjistrohen vetë në shërbim të Pashallarëve të ndonjë prej pjesëve të tjera të zotërimeve turke, me qëllim përmbushjen e zjarrmisë së tyre luftarake.

Titulli: The Military costume of Turkey
Autori: John Clark

**Zero Cool** · 15-04-13, 17:57

Askush (shtet apo komb) nuk fal asgjë, sidomos perandoritë. Cilësia luftarake ishte baza e tipari për të cilin vlerësoheshin shqiptarët.

OHN CLARK: SHQIPTARËT JANË TRUPA JANË TË ÇARTUR DHE TË VRULLSHËM; NDJEJNË KRENARI TE PREJARDHJA E TYRE NGA SPARTANËT

Emri i arnautëve u jepet atyre trupave, të cilat janë të krijuara në Maqedoni, More dhe provincat që kufizojnë Sklavoninë (sllavët) e sipërme dhe janë të komanduar prej oficerësh nga provincat e tyre. Këta trupa janë të çartur dhe të vrullshëm, ngaqë merren që nga mosha e tyre e mitur me punë të mundimshme. Ata ndjejnë krenari te gjetja e prejardhjes së tyre nga spartanët dhe përpiqen të imitojnë egërsinë luftarake dhe sjelljen e të parëve të tyre. Durojnë pa murmuritur, marshimet më sfilitëse, por në aspekte të tjera janë të padisiplinuar. Ata janë gjithashtu të çrregullt dhe shumë të dhënë pas kumarit e plaçkitjes. Pasionet e tyre, i kanë pak nën kontroll, përderisa mosmarrëveshjet private përfundojnë shpesh në vrasjen e njërës prej palëve. Megjithatë, këto trupa janë qitës të shkëlqyer si dhe shumë aktivë në fushëbetejë. Ata janë të organizuar zakonisht në korpuset e këmbësorisë, një mijë trupa të forta nën komandën e një oficeri, të vetëquajtur Bimbash, edhe pse disa prej tyre janë të hipur në kalë. Disa prej këtyre trupave ishin të punësuar gjatë fushatës në Egjipt. Armët e një ushtari Arnaut përbëhen nga një palë pistoleta mbërthyer në një brez, një thikë e gjatë, hanxhar ose kamë dhe një mushqetë me tytë gjatë.

Titulli: The Military costume of Turkey
Autori: John Clark

**Zero Cool** · 29-05-13, 15:53

BIRRA ILIRE “SABAIA “

Edhe Shen Jeronimi e përmend pijën Sabaium e bërë nga Ilirët e Panonisë dhe të Dalmacisë

Ammanius Marcelinius (historian Romak ) e permend birrën Ilire “Sabaia apo Thabaia”

Birra është pirë në anët tona ,në shkallë kombëtare që para 5000 vjetësh.

Gëzuar me Thabaia Oqean

Oqeani · 29-05-13, 17:01

Citim:

Postimi origjinal është bërë nga Zero Cool

BIRRA ILIRE “SABAIA “

Edhe Shen Jeronimi e përmend pijën Sabaium e bërë nga Ilirët e Panonisë dhe të Dalmacisë

Ammanius Marcelinius (historian Romak ) e permend birrën Ilire “Sabaia apo Thabaia”

Birra është pirë në anët tona ,në shkallë kombëtare që para 5000 vjetësh.

Gëzuar me Thabaia Oqean

:).....

Suelaa · 01-06-13, 16:58

Fjalet me te mirat i flasin per ne gjithkund, popull i vogel jemi po zanin e kemi te mall

**Zero Cool** · 01-06-13, 20:37

Vallja e shpatave, vallja Pirrike - Spartane e Shqiptarëve

Vallja e Shpatave, e ka origjinën nga vallja spartane Pirrike dhe nga lojërat-trojane romake. Vallja e Shpatave është kërcyer në Nuremberg në 1350 dhe më vonë ka qenë shpesh pjesë e baletit të Oborrit Mbretëror, ku organizoheshin imitime betejash mes verës dhe dimrit, etj.
(Foto: pullë e vjetër postare shqiptare që shfaq vallen e shpatave)

Titulli: The dance encyclopedia
Autori: Anatole Chujoy, Phyllis Winifred Manchester
Botues: Simon and Schuster, 1967

Kultura e moçme Shqiptare

BRITANNICA:
NË STATUS, GRATË ILIRE ISHIN TË BARABARTA ME BURRAT

Në status, gratë ilire ishin mjaft të barabarta me burrat, madje deri në pikën e të bërit krerë të besëlidhjeve fisnore. Në lidhje me çështjet e fesë, ilirët ishin paganë të cilët besonin në jetën e përtejme dhe i varrosnin të vdekurit e tyre së bashku me armët dhe me artikuj të ndryshëm.

Titulli: The New Encyclopædia Britannica: Macropædia
Volume 13 di The New Encyclopædia Britannica
Botues: Encyclopædia Britannica, 1991

**Zero Cool** · 01-06-13, 20:41

Shqiptarët parë me sytë e kundërshtarit-pikturat e Paja Jovanović I

**Zero Cool** · 01-06-13, 20:43

Shqiptarët parë me sytë e kundërshtarit-pikturat e Paja Jovanović - II

**Zero Cool** · 09-06-13, 08:34

Letër e Dora d'Istrias drejtuar Jeronim de Radës, Firence, 16 prill 1879

Shqiptarët nuk janë pra as sllavë, as helenë barbarë, por përfaqësuesit e një qytetërimi më të vjetër, një nga më të lashtit e Evropës, i cili ka lënë monumentet dhe kujtesën në të dy brigjet e Adriatikut dhe të detit Jon, si në fushat ku qe Troja, aty ku Hektori është përfaqësuesi i lashtësisë, ashtu si Skënderbeu është ideali i Mesjetës, dhe Boçari personifikimi kalorësiak i kohëve moderne; mbi të cilat shekujt, shqotat, revolucionet, tiranët, pushtimet, fetë, mynxyrat kaluan si shkulme të tërbuara pa arritur ta shfarosin, dhe që një ditë është e destinuar ta thyejë gurin e rëndë të varrit të tij.

**Zero Cool** · 09-06-13, 13:33

Në një ndejë në Mal të Zi, Mark Milnai i thotë Ali pashë Gucisë:
- Ju shqiptarët jini sikur dhitë e egra. A i ke parë dhitë e egra, njëra në atë rrëpirë, tjetra në rrëpirën përball thërasin e bërtasin se nuk u rrihet vetëm, por kur bëhën bashkë, të parën punë që bëjnë, godasin njëra-tjetrën në lule të ballit, veç në këmbë të prapme për të bërë belanë...
Ali pashë Gucia buzëqeshi e tha:
- E more Mark Milani, sa di unë, edhe ti prejardhjen e ke shqiptare, por pasi u bërë malazez “të koftë me sherr kombi i ri...” E për dhitë e egra, po them, e ke gabim!
- Pse e kam gabim?
- Sepse shqiptarët nuk janë sikur dhitë e egra, por janë shqiponja. I ke parë buburrecat? Ata janë të vegjël, qyqar, rrinë bashkë e punojnë bashkë se vetëm nuk ua mban dhe s’ia dalin dot. E shqiptarët sillen sikur shqiponjat. I ke parë shqiponjat në fluturim, i bien qiellit trup e tërthor e askënd se mbajnë afër vetes, sepse ato janë sundimtare të plota të qiellit e nuk ia kanë nevojën kujt për ndihmë.
- Hollë ke qitur Ali pashë Gucia!...
- Jo, s’thashë gjë të re, o Mark Milani! Shqiptarët prej shqipeve e kanë marrë emrin, e mjerë ata që s’kanë ndenjur me shqipe, po janë bërë bashkë me buburrecat!

**Zero Cool** · 10-06-13, 16:25

SARANDA OSE ONHEZMI DARDAN, GJIRI KU U VARROS PRINCI TROJAN ANKIZI, BABAI I ENEAS

Halikarnasi e quan Onhezmin, portin e Ankizit dhe jep hollësi se si trojanët i kushtuan atje një tempull Afërditës: “Nga Buthrotum ata lundruan përgjatë bregut dhe arritën në një vend që asokohe quhej Gjiri i Ankizit, por tanimë ka një emër më pak të rëndësishëm. Aty, ata ndërtuan gjithashtu një tempull për Afërditën dhe pastaj kapërcyen Gjirin e Jonit.” Është padyshim kjo traditë, ajo që rri përfund besimit lokal të përmendur gjashtë shekuj më vonë nga historiani bizantin i Oborrit, Prokopi, besim i cili thotë se Ankizi vdiq në Onhesmos. Autorë të tjerë antikë shkruajnë se Ankizi vdiq në Itali .

Titulli: Saranda, ancient Onchesmos: a short history and guide
Autori: Richard Hodges
Botues: Migjeni Publishing House, 2007

**Zero Cool** · 18-06-13, 16:52

Projekti i Musolinit për Shqipërinë etnike !

vjeshta · 19-06-13, 12:32

Che siamo una bella razza.(te hujt nuk po folshin shqipe :P)

**Zero Cool** · 27-06-13, 16:09

Historiani grek dëshmon krimet greke mbi çamët

Tiranë, 27.06.2013

Në vitin 2007, kur merresha me projektin dhe realizimin e veprimtarive kushtuar historisë dhe kulturës së Çamërisë, z. Hilmi Saqe më solli për të ekspozuar në Muzeun Historik Kombëtar ca fletë të zverdhura nga koha. Ato ishin të fotokopjuara.

Me duart që më dridheshin dhe me shikim të turbulluar (pse ta fsheh nga lotët), i shfletova disa herë dhe i lexova me dhimbje ato fletë. Ato nuk janë as kujtime, as kronika të tragjedisë çame, as të dhëna për masakrat e viteve 1944-1945. Ato janë më shumë se kujtime, më shumë se kronika individësh, më shumë se raporte të shtabeve të Luftës se Dytë Botërore në Çamëri.

Ato janë lista me emrat e të masakruarve. Nuk janë të plota. Janë një pjesë (vetëm 13 faqe). Duhet të kenë qenë qindra faqe, sepse diku në fund të tyre dallohen numrat 105, 106, të faqeve. Krahas tyre, z. Hilmi Saqe më dha edhe një listë tjetër, ku janë shënuar emrat e atyre që kanë deponuar për masakrat në Paramithi, Pargë, Filat, Spatar, Vola, Vërselë, Smarte.

Ndoshta këta apo edhe të tjerë kanë dhënë edhe emrat e të masakruarve çamë nga bandat e kriminelëve të Napoleon Zervës. Ç'përmbajnë këto lista? Janë lista me fëmijë të masakruar nga forcat zerviste gjatë 1944-1945, emrat e pleqve e grave të masakruara e të humbura gjatë 1944-1945, emrat e të marrëve e sakatëve të masakruar gjatë 1944-1945, familje të zhdukura dhe të masakruara gjatë 1944-1945.