Kapja e Sadamit fitore për Forcat e Koalicionit

Amerikanët pohojnë të kenë kapur Sadam Hyseinin



Ish presidenti irakian Sadam Hysen besohet të jetë kapur në qytetin e Tikritit, thanë zyrtarë të ushtrisë amerikane. Arrestimi u bë pa rezistencë, thanë zyrtarët në Uashington. Ai ishte me një grup të vogël të cilët gjithashtu u arrestuan. Ekziston “shkallë e madhe e besimit” se njeriui i arrestuar është Sadami, thanë zyrtarët. Pas arrestimit ai është dërguar në aeroportin e Bagdadit, ku u është treguar ish liderëve të tjerë të Irakut të cilët tashmë gjenden prapa grilave. Në aeroport Sadami duhet ti nënshtrohet procesit tëKryesuesi i Këshillit Qeverisës të Irakut, Abdel-Aziz al-Hakim, tha se testet e AND-së kanë konfirmuar se ish lideri irakian Sadam Hysen është kapur në Irak. Është paralajmëruar një konferencë për shtyp e venmdeve të Koalicionit në Irak , ku do të shpalosen detaje të tjera rreth kësaj. identifikimit, thanë zyrtarët.



Administratori i Irakut Pol Bremer ka konfirmuar se ish diktatori irakian Sadam Hysein është kapur i gjallë. Kjo është fitore e madhe për forcat e Koalicionit, ka thënë Bremer.

Këshilli Qeverisës i Irakut njoftoi arrestimin e Sadam Hyseinit përmes një deklarate për popullin irakian. " Këshilli Qeverisës i Irakut dëshiron të njoftojë popullin irakian dhe tërë botën se këtë mëngjes Sadami është arrestuar dhe ai tani po mbahet nën masa të rrepta sigurie” thotë deklarata.



"Ai është arrestuar në Tikrit me përpjekje të përbashkëta të popullit irakian në Irakun Kurdistan, me forcat e koalicionit, posaçërisht Divizionin e 4 –të të Ushtrisë Amerikane” thuhet më tej. “ Ai mbante mjekërr të rrejshme dhe testet laboratorike dëshmuan identitetin e tij pa kurrëfarë dyshimi. Me këtë rast Këshilli Qeverisës i uron popullit irakian dhe njerëzimit për këtë fitore të madhe” thuhet në deklaratë.