Lajme

[fadil]

Kryeministri Rexhepi takon Sekretarin amerikan të Shtetit, Colin Powell
Intervistoi Arben Xhixho
5 shkurt 2004


Kryeministri i Kosovës Bajram Rexhepi ndodhet në Uashington ku sot mori pjesë së bashku me shumë personalitete nga mbarë bota në mëngjesin e lutjeve. Gjatë vizitës së tij, zoti Rexhepi u takua me zyrtatë të lartë amerikanë, përfshi sekretarin e shtetit Colin Powell. Pas takimit dje në Departamentin e Shtetit, zoti Rexhepi u shpreh optimist se Shtetet e Bashkuara do të vazhdojnë angazhimin e tyre në Kosovë.

Zëri i Amerikës: Zoti Rexhepi çfarë u diskutua në takimin që patët me sekretarin Powell?


Bajram Rexhepi: Diskutimi kryesor ishte rreth implementimit të standarteve që është një çështje që është tepër serioze, është një investim i komunitetit ndërkombëtar, Grupit të Kontaktit dhe veçanërisht Shteteve të Bashkuara të Amerikës që në fund të fundit është një udhërrëfyes se çka do të bëhet në realizimin e këtyre standarteve që të fillojë definimi i statusit të Kosovës në mesin e vitit 2005. Ne jemi optimist real, të dy palët, që me një angazhim maksimal do të arrijmë nivelin e kënaqshëm për të filluar definimin e statusit.


Zëri i Amerikës: Washingtoni kërkon nga qeveria juaj përshpejtimin e punës. Në mesin e vitit 2005 Kosova duhet të jetë gati për të hapur bisedimet për statusin përfundimtar dhe veçanërisht përshpejtimi i punës duhet bërë tek gjendja e pakicave në Kosovë. Çfarë mund të bëjë qeveria juaj më shumë për të plotësuar standartin për pakicat në Kosovë?

Bajram Rexhepi:Po në se e shikojmë dhe analizojmë në detaje standartet mund të thuhet se konceptimi më tepër se 60 përqind e të gjitha standarteve i dedikohet komuniteteve, në rend të parë komunitetit serb dhe janë kërkesa të cilat duhet të realizohen. Ne do të bëjmë çmos si qeveri, bashkë me UNMIKun që këto të realizohen mirëpo duhet edhe pala serbe të japë kontributin e vet.

Zëri i Amerikës: Përsa i përket dialogut midis Prishtinës dhe Beogradit a pritet të vazhdojë ai apo të intensifikohet më tej muajt e ardhëshëm?

Bajram Rexhepi:Po realisht unë kam dëgjuar që zoti Holkeri i ka propozuar, dhe mua më ka paralajmëruar që në pjesën e dytë të shkurtit të fillojë dialogu. Ne kemi bërë përgatitjen e grupeve punuese për çështje të dialogut sidomos përsa i përket personave të pagjetur dhe grupit për energjitikë. Por edhe grupi për transport, telekomunikacion dhe ai për çështjen e kthimit të pakicave është në përgatitje e sipër. Por komuniteti serb nuk merr pjesë as në grupet punuese për implementim të standarteve dhe për momentin është një pengesë serioze e cila e ngadalëson procesin por nuk mund ta bllokojë dhe pritet që të fillojë në pjesën e dytë të shkurtit ndoshta në Prishtinë edhe pse ne kemi propozuar që fillimisht ato të mbahen në Shkup ku kanë qasje të lirë të dy palët.


Zëri i Amerikës: Në takimet e sotme me zyrtarët e lartë amerikan a u prek çështja e marrëdhënieve të qeverisë suaj me UNMIKun? A pritet ndonjë përmirësim pas acarimeve që janë vënë re kohët e fundit?


Bajram Rexhepi: Por për ne shqetësimi më i madh është përsa i përket procesit të privatizimit dhe marrëdhënieve në agjensinë e mirëbesimit. Në sektorë të tjerë raportet janë mjaft të mira dhe me zotin Holkeri nuk janë të këqija, të mira janë. Sigurisht që presim që ai të jetë pak më dinamik, më shpejt i informuar dhe t’i çojmë proceset më parë. Ky është realiteti jonë dhe besoj se në muajt e ardhëshëm ky bashkëpunim do të jetë më i ngushtë dhe do të ketë përparim më të shpejtë.


Zëri i Amerikës: Me çfarë mesazhi ktheheni në Kosovë pas takimit me sekretarin e shtetit?


Bajram Rexhepi: Po në se kemi pasë një bindje se Kosova është harruar nga Shtetet e Bashkuara të Amerikës, kjo nuk është e vërtetë. Përkundër obligimeve të mëdha në Irak dhe Afganistan dhe në luftën kundër terrorizmit global që ne e kemi përkrahur dhe e përkrahim sërisht, ne nuk jemi të harruar. Vetë prezenca në tetor e nënsekretarit të shtetit Grosman dhe propozimi i planit për implementim të standarteve tregon përkushtimin dhe angazhimin edhe të Shteteve të Bashkuara të Amerikës për tërë Ballkanin në përgjithësi dhe në Kosovë në veçanti dhe sigurisht që ne do të kemi përkrahjen edhe më tutje. Por edhe ne do ti kryejmë obligimet tona që ata të kenë hapësirë që të realizohen synimet më mirë.

[fadil]

B. REXHEPI:"UNMIK-u PENGON ARRITJEN E PËRPARIMEVE NË KOSOVË"

Washington Times



Administrata e Kombeve të Bashkuara është duke i dëmtuar mundësitë në Kosovë për të tërhequr investimet e huaja, përpjekjet për të luftuar korrupsionin dhe për të aprovuar reformat e domosdoshme ekonomike. Këto janë vlerësimet e kryeministrit të Kosovës, Bajram Rexhepi, të publikuara në të përditshmen amerikane "Washington Times". Zoti Rexhepi, i cili aktualisht gjendet në Shtetet e Bashkuara për të marrë pjesë në manifestimin tradicional të Lutjes së Mëngjesit, do të takohet me sekretarin amerikan të shtetit, Colin Powel dhe nënsekretarin e tij për cështje politike, Marc Grossman. Zoti Rexhepi citohet të ketë thënë se shqiptarët e Kosovës mbesin jashtëzakonisht të përkushtuar që të pavarësohen nga Serbia dhe Mali i Zi, por një numër i vendeve anëtare të Aleancës Veriatlantike, veçanërisht ato evropiane, kanë shprehur dyshimin e tyre se pavarësia do të mund të krijonte një jostabilitet të ri politik dhe të rrisë tensionet ndëretnike në Ballkan, ku situata vazhdon të mbetet e brishtë. Kryeministri i Kosovës ka nënvizuar gjithashtu se angazhimi i Shteteve të Bashkuara në Kosovë është i rëndësisë thelbësore, për faktin se fuqitë evropiane nuk posedojnë aftësi ushtarake për të përmbushur misionin në ruajtjen e një ambienti të sigurtë. Roli i Shteteve të Bashkuara në të ardhmen politike dhe ushtarake të Kosovës, sipas zoti Rexhepi, do të ishte simbol jetësor për të krijuar një ndjenjë sigurie tek kosovarët dhe për të parandaluar fqinjët, sikur që është Serbia, në përpjekjet për të zvarritur dhe penguar diskutimet mbi statusin përfundimtar të Kosovës.
“Kosova mbase është një pjesë e Evropës ku amerikanët janë më të popullarizuarit”, ka thënë zoti Rexhepi, duke shprehur bindjen e tij se roli i Shteteve të Bashkuara në aspektin e sigurisë në Kosovë duhet të jetë jo më pak se dhjetë vjetë. Ai sërish ka përshëndetur angazhimin e Grupit të Kontaktit që përbëhet nga Shtetet e Bashkuara, Britania, Italia, Gjermania, Franca dhe Rusia, për të vlerësuar nga mesi i vitit 2005 përparimet e arritura nëpërmjet tetë standardeve në rrafshin politik, ligjor dhe social. Për zotin Rexhepi, kjo do të jetë rruga që do të hapë mundësitë për fillimin e bisedimeve mbi statusin përfundimtar të Kosovës. Zoti Grossman, nënsekretari amerikan i shtetit, gjatë një turneu në Ballkan në nëntor të vitit të kaluar, ka nënvizuar se vlerësimi i përmbushjes së standardeve nuk nënkupton në mënyrë automatike përkrahjen për pavarësinë e Kosovës, por zoti Rexhepi është i mendimit se kjo iniciativë e administratës amerikane në Kosovë është kuptuar si shenjë e ripërqëndrimit të vëmendjes së Shteteve të Bashkuara mbi çështjen e Kosovës.

[kaedhemazi]

nuk i intereson askujt ne bote se cfare thote bajram Rexhepi....merri keto referate e shko ne drenice e shfletoje atje.

[fadil]

AAK: Arrestimet e djeshme goditën drejtësinë në Kosovë Kosovë

AAK ka reaguar ndaj arrestime të djeshme. Në një komunikatë për media të kësaj partie thuhet: Aleanca për Ardhmërinë e Kosovës e priti me indinjatë të thellë lajmin për arrestimin e gjeneral Selim Krasniqit, komandant i Zonës II Mbrojtëse dhe tre eprorëve të tjerë të lartë të Trupave Mbrojtëse të Kosovës. AAK beson në drejtësinë, rendin dhe ligjin, por nuk u beson improvizimeve të tilla të drejtësisë dhe kundërshton ashpër arrestimet që shkojnë në favor të politikës ditore. Ky dhe veprime të tjera të tilla janë në vazhdën e eksperimenteve me drejtësinë që po bëhen në Kosovë.


AAK konsideron se bashkëpunëtorët e Millosheviqit kurrë nuk mund të vendosin drejtësi në Kosovë. Po të kishte drejtësi këtu, atëherë dje do të duhej arrestuar udhëheqësi, mbështetësi dhe nxitësi i të gjitha situatave destabilizuese dhe bandave kriminale në Kosovë, Nebojsha Çoviq dhe jo luftëtari i lirisë, gjenerali Selim Krasniqi. AAK beson në luftën e pastër dhe plotësisht të drejtë të Ushtrisë Çlirimtare të Kosovës dhe beson, po ashtu, në kontributin e çmuar të cilin në kuadër të saj e kanë dhënë gjenerali Selim Krasniqi dhe bashkëluftëtarët e tij. Arrestimet e djeshme goditën edhe njëherë drejtësinë në Kosovë dhe ato janë të drejtuara po ashtu kundër vlerave madhore të UÇK-së, TMK-së, paqes, stabilitetit dhe të ardhmes së Kosovës, thuhet në komunikatën e Kryesisë së AAK-së.

[kaedhemazi]

....vet AAK-ja eshte nji goditje e rende dhe pengese e Drejtesise ne Kosove......

[fadil]

pershendetje:
kjo eshte rubrik e lajmeve e jo e komenteve qe mund te bejme ne nese kemi ndonje kunderlajm mund ta postojm nese jo ateher nese ju pelqen lexojeni e nese sju pelqen mos e lexoni pasi qe kjo eshte e drejt e juaja.

[fadil]

Kallëzim penal rreth një deklarate të R.Trajkoviq




Prishtinë, 18 shkurt - Avokati Tomë Gashi, në cilësi të autorizuarit gjeneral major Rrustem Mustafa, ka paraqitur kallzim penal në Prokurorinë publike komunale në Prishtinë kundër deputetës Rada Trajkoviq. Kallëzimi ka të bëjë me një deklaratë të deputetes Trajkoviq në RTK me datë 8 dhjetor të vitit të kaluar, ku ajo shprehet se po vriten dëshmitarët që duhet të dëshmojnë kundër shqiptarëve, duke përmendur ndër të tjera edhe rastin e gjykimit të ish gjeneral-major Rrustem Mustafës-Remi. "Ju e dini se po vriten dëshmitarët që duhet të dëshmojnë kundër shqiptarëve, kemi procesin gjuqësor kundër Remit dhe procesin gjyqësor kundër Haradinajt, të gjithë ata që është dashur të jenë dëshmitarë, po vriten. Ky është problem i shoqërive tona, i krejt Ballkanit." Kjo deklaratë e bërë nga deputetja e koalicionit serb "Kthimi" Rada Trajkoviq, në RTK me datë 8 dhjetor të vitit të kaluar, në emisionin "Debat për dorëzimin e armëve" sipas avokatit Tomë Gashi në bazë të Ligjit Penal të Kosovës, konsiderohet vepër penale për përhapje të lajmeve të rreme dhe shpifje. Në bazë të kësaj dëshmie, me autorizim të ish gjeneral major Rrustem Mustafa-Remi, avokati Tomë Gashi, në një konferencë për shtyp bëri të ditur se ka paraqitur kallëzim penal në prokurorinë publike komunale të Prishtinës. Z. Gashi shton se për akuzën e drejpërdrejtë ekzistojnë fakte ngase ka prova të mjaftueshme,siq është videoincizimi i cili nuk mund të ndryshohet.Ai thotë se sipas ligjit në fuqi e paditura mund të dënohet deri më 5 vite burg por shton se do të preferonte që këtë çështje ta hetonte prokurori ndërkombëtar. Në Kornizën Kushtetues të Kosovës është e përcaktuar se të gjithë deputetët gëzojnë imunitet nga të gjitha ndjekjet penale dhe civile që kanë të bëjnë me mendimet e shprehura ose veprimet e thera të kryera në cilësinë e tyre si deputet të kuvendit.Ky imunitet nuk mbulon veprime të cilat hapatzi inkurajojnë dhunën ndërmejt komuniteteve.

[kaedhemazi]

........me sa duket nuk ia ka deportuar pagesen me kohe edhe ka bere nji akuze.gjer normale.............ashtu duhet.

[Dilaver]

Zhduken 3 fëmijë shqiptarë në lumin Ibër, dyshohet të jenë shtyrë nga serbët
Lajmi i ores 8:30 AM



Pamje nga Mitrovica
PRISHTINE (17 Mars) - Trupat e KFOR-it dhe të policisë së UNMIK-ut në Kosovë që prej mbrëmjes së djeshme kanë nisur një operacion të gjerë për kërkimin e tre fëmijëve shqiptarë, që rezultojnë të zhdukur pasi kanë rënë në lumë. Alarmi është dhënë nga vëllai i njerit prej fëmijëve (të moshës 8, 11 e 12 vjeç), që ka akuzuar një grup serbësh se i kanë shtyrë qëllimisht fëmijët në ujërat e lumit Ibër në Mitrovicë. Niveli i ujit të lumit në lëtë periudhë është shumë i lartë dhe rrjedha shumë e shpejtë. Ky incident pasoi një tjetër të ndodhur më pare dje, kur një granatë është hedhur kundër një pallati të banuar nga shqiptarë në veri të Mitrovicës, që fatmirësisht nuk ka shkaktuar viktima apo dëme materiale. Tensioni mes shqiptarëve e serbëve është rritur që prej së hënës në mbrëmje, kur një 19 vjeçar serb ëhstë plagosur me armë zjarri në fshatin Çagllavicë, jo shumë larg Prishtinës. Për të protestuar kundër plagosjes disa qindra serbë sulmuan dje një patrullë ushtarake të KFOR-it dhe bllokuan disa rrugë në Çagllavicë. ro/ro (ANSA/BalkanWeb)

[Dilaver]

2004 -03 -24 09:30:00 - KFOR Finlandez: Arrestohet nje nga ish komandantet e UCK Shukri Buja

Eshte arrestuar ne Lipjasn te Kosoves nje nga komandantet e UCK se Kosoves Shukri Buja. Buja ka qene per disa kohe gjate luftes si komnadant i zones operative te Pashtrikut. Aktualisht eshte me graden gjeneral major. Ne Lipjan para disa ditesh jane vrare gjate nates kater
serbe. |||Lajme.Net|||

[fadil]

Rexhepi merr letër përkrahëse nga Toni Bler Kosovë

Kryeminstri Bajram Rexhepi mori sot një letër përkrahjeje nga Kryeministri i Britanisë së madhe, Toni Blair, kështu thuhet në komunikatën e qeverisë të lëshuar për media.


Në letër thuhet: dhuna e ditëve të fundit në Kosovë ka qenë e tmerrshme për të gjithë njerëzit atje dhe i ka përkujtuar botës se paqja dhe stabiliteti në rajon ende nuk janë të sigurta. Sikur edhe liderët tjerë ndërkombëtar, unë e dënoj dhunën dhe apeloj për paqë. Qëndrimi i juaj i guximshëm në ditët e fundit ka bërë shumë dhe është bërë shembull për t 'u përcjellur. Situata tani thërret për një front të unifikuar të politikanëve që promovojnë tolerancën. Ju inkurajoj për të vazhduar për përpjekjet tuaja për të punuar me UNMIK-un dhe KFOR-in për të ndalur dhunën. Ju e keni dhe do të vazhdoni të keni përkrahjen time të plotë. Ne vetëm kemi dërguar trupat si pjesë e kontigjentit të NATO-së për të ndihmuar rivendosjen e paqes. Është qenësore që t’i lëmë prapa këto ngjarje dhe të punojmë së bashku drejt një zgjidhje të qëndrueshme për të mirën e të gjithë njerëzve të Kosovës”, thuhet në fund të komunikatës.

[fadil]

pershendetje:
Shukri Buja ka qen Komandant i Zones Operative te Nerodimes e Jo siq ka shkruar Daliveri i Zones se Pashtrikut.

[Dilaver]

Zotëri Fadil, unë vetëm e kam postuar atë lajm që fare mir e ke pa ku e ka burimin, e unë as nuk kam shtuar por as nuk e kam munguar as një shkronjë të vetme dhe atë per hirë të situatës, e ty qe të paska penguar ky gabim i vogël po të tregoj një gabim edhe më të madh se ky gabim i agjensisë së lajmeve.


Thaqi: kriminel janë ata të cilët kallin shtepitë dhe kishat serbe.


Lipjan-Kryetari i Partisë Demokratike të Kosovës Hashim Thaqi, tha të shtundën në Lipjan se janë kriminel ata të cilët kallën shtepitë dhe kishat serbe gjatë dhunës në Kosovë, lajmëron Frans pres.
Ata të cilët kallën shtepi dhe kisha ortodokse janë kriminel të cilët nuk guxojmë t’i tolerojmë theksoi Thaqi gjatë takimit në Lipjan me perfaqësuesit e administratës së UNMIK-ut e cila kontrollon ketë qytet.
Ai gjithashtu denoi rreptë incidentet të cilat ditëve të kaluara seriozisht njollosën Kosovën., duke theksuar se Kosova nuk ju takon vetëm Shqiptarëve. Ata të cilët duan që serbët t’i ndjekin nga Kosova, nuk do të ja arrijnë theksoi Thaqi dhe potencoi se nëse Shqiptarët nga Kosova deshirojnë të bëjnë dialog me Beogradin, atëherë duhet që së pari të bëjnë dialog në nivelin lokal duke bërë dialog me Serbët e Kosovës.

[fadil]

Kryetari i Partisë Demokratike të Kosovës dënon dhunën
Intervistoi Elez Biberaj
17 mars 2004


Kryetari i Partisë Demokratike të Kosovës, Hashim Thaçi, ndodhet këto ditë për vizitë në Shtetet e Bashkuara, ku ka zhvilluar takime me zyrtarë të lartë amerikanë në Departamentin e Shtetit dhe në Këshillin e Sigurimit Kombëtar, pranë Shtëpisë së Bardhë. Zoti Thaçi, ishte i ftuar nga Zëri i Amerikës për një intervistë të drejtpërdrjetë në emisionin ”Ditari”

Zëri i Amerikës: Zoti Thaçi, para se të fillojmë të bisedojmë për viziten tuaj dhe takimet që keni zhvilluar këtu në Washington, le te ndalemi pak tek zhvillimet e sotme në Mitrovicë, ka patur përleshje, disa të vdekur dhe dhjetra të plagosur. Sa shqetuese janë këto zhvillime?


Hashim Thaçi: Këto zhvillime janë majft shqetësuese për Kosovën dhe për angazhimet e komunitetit ndërkombëtar në Kosovë. Fillimisht dua t’ju shpreh ngushëllimet të gjitha familjeve të viktimave që sot kanë rënë në këto trazira në Kosovë, por edhe shërim të të plagosurve. Janë trazira që nuk i shkojnë për shtat Kosovës, zhvillimeve politike në vend dhe vlerësojë se gjithë qytetarët e Kosovës duhet të kuptojnë se zgjidhjet e problemeve arrihen përmes institucioneve dhe jo përmes protestave e demonstratave. I kuptoj shqetësimet reale të tyre, por qytetarët duhet të largohen nga protestat, nga demonstratat, nga rruga në mënyrë që t’i kthehen jetës së tyre normale për vazhdimin dhe ndërtimin e rendit demokratik në Kosovë. Gjithashtu kërkoj nga UNMIKU që të jetë më i ekuilibruar në reagimet e veta. Janë të dënueshme të gjitha veprimet e dhunshme kushdoqoftë që i ka kryer ndaj shqiptarëve apo serbëve, por duhet kuptuar gjithashtu se qyteti i Mitrovicës duhet të bashkohet përfundimisht dhe duhet të shkapërderdhën institucionet paralele serbe. Duhet që të ndodhë deenklavizimi, nuk duhet asesi të lejohet procesi i kantonizimit të Kosovës. Ne pajtohemi plotësisht me parimin qytetar të decentralizimit e në të njëjtën kohë të integrimeve, por asesi, nuk duhet të lejojmë që të ndodhin trazira në Kosovë, sepse këto trazira nuk i shërbejnë paqes, stabilitetit dhe integrimit të vendit tonë në strukturat ndërkombëtare e gjithashtu e pengojnë dhe fillimin e zgjidhjes së statusit politike të Kosovës. Dhe më vjen shumë keq sot, kur kemi një progres dhe ky progres përshëndetet edhe prej Uashingtonit, edhe prej Brukselit, dhe në të gjitha takimet që kam patur në Uashington, dhe në Departamentin e Shtetit, dhe në Këshillin e Sigurimit Kombëtar, edhe në Pentagon është përshëndetur prograsi i të gjithëmbarshëm shoqëror dhe institucional në Kosovë.

Zëri i Amerikës: Zoti Thaçi, ju folët për disa sugjerime për ndarjen e Mitrovicës, ndarjen e Kosovës, gjë që as komuniteti ndërkombëtar, as shqiptarët nuk e kanë pranuar. Mirëpo a mund të flisni për një zgjidhje të mundshme, që të paktën, për Mitrovicën për shembull, do të plotësonte kërkesat minimale të serbëve dhe të shqiptarëve.


Hashim Thaçi: Mitrovica është problem i Kosovës. Mitrovica nuk është një problem që duhet veçuar. Ne nuk mund të hyjmë në zgjidhje parciale të problemit në Kosovë, thjeshtë e vetmja zgjidhje për Kosovën është fillimi i zgjidhjes përfundimtare të statusit politik të Kosovës, pavarësia e Kosovës. Pavarësia zgjidh shumicën e problemeve në Kosovë.


Zëri i Amerikës: Por kjo është një zgjidhje e papranueshme për serbët...

Hashim Thaçi: Përderisa statusi politik i Kosovës është i padefinuar, atëherë do të mund të ketë vazhdimisht probleme, do të mund të ketë vazhdimisht kriza sociale, moszhvillim ekonomik, është kjo gjë po ndikon në jetën e qytetarëve dhe natyrisht e ka rritur dhe padurimin e qytetarëve për gjendjen në të cilën gjendemi sot në Kosovë.

Zëri i Amerikës: Zoti Thaçi, të kthehemi tek vizita e juaj këtu në Uashington, bisedimet që keni zhvilluar këtu. Si i cilësoni këto bisedime dhe çfarë mesazhi keni marrë nga pala amerikane? Ju jeni takuar me numrin dy në Departamentin e Shtetit, për shembull. Këto janë takime të një niveli shumë të lartë.

Hashim Thaçi: Unë i vlerësoj këto takime si shumë të rëndësishme. Kanë qenë pritje të përzemërta edhe në Departamentin e Shtetit, edhe në Këshillin e Sigurimit Kombëtar, edhe në Pentagon, edhe me të gjithë mekanizmat e tjerë institucional të qeverisë amerikane me të cilat kemi patur kontakte. Kemi patur një takim të shkëlqyer me zotin Grossman, me të cilin shkëmbyem ide për implementimin e standarteve për Kosovën. Është përshëndetur nga qeveria amerikane përmes zotit Grossman progresi i arritur në Kosovë dhe vlerësoj se jemi në rrugë të mbarë të implementimit të këtyre kritereve si të domosdoshme që në mesin e vitit 2005 të hapet përfundimisht zgjidhja e statusit politik të Kosovës. Për këtë arësye vlerësoj se ne duhet të prezantojmë, dhe unë sot kam prezantuar ofertën e Kosovës për shtetin e pavarur dhe sovran që duhet të njihet nga komuniteti ndërkombëtar.


Zëri i Amerikës: Zoti Thaçi, a mund të na jepni disa hollësi lidhur me fjalën që keni mbajtur sot në Institutin e Paqes dhe për atë që ju e cilësoni si vizionin tuaj për Kosovën?


Hashim Thaçi: Thjeshtë unë kam prezantuar vizionin tim dhe të Partisë Demokratike të Kosovës për shtetin e Kosovës. Në vitin 2005 do të hapet çështja e zgjidhjes së statusit. Ne nuk guxojmë të lejojmë veten që vera e vitit 2005 të na gjejë të papërgatitur. Ne duhet të kemi projektin tonë dhe ky projekt është një projekt real, është një projekt i drejtë që përputhet me interesat e qytetarëve të Kosovës, që respekton vullnetin e qytetarëve të Kosovës, që respekton përfshirjen e ndërkombëtarëve në zgjidhjen e çështjes së Kosovës dhe rajonit në përgjithësi. Kështu që vizioni për shtetin e Kosovës vlerësoj se është një vizion më real, më i drejtë, në kohën e duhur, i prezantuar në vendin e duhur dhe më vjen mirë se ka reflektime pozitive për vizionin, sepse për ne do të jetë çdo zgjidhje tjetër e papranueshme përveç pavarësisë. Ne nuk mund të jemi peng e zhvillimeve në Beograd, ne nuk mund të jemi peng e hezitimeve të ndokujt tjetër që do të mund të kërkojë vazhdimin e status-kuosë. Thjeshtë viti 2005 është viti përfundimtar i zgjidhjes së statusit të Kosovës dhe duhet të jetë pavarësia e vendit. Për këtë arësye duhet të fokusohemi që obligimet tona t’i kryejmë dhe t’i bindim ndërkombëtarët se në Kosovë duhet të qartësohet thjeshtë çështja e statusit politik të Kosovës, sepse kjo po ndikon edhe në moszhvillimin ekonomik, edhe në mosarritjen e mirëqenies së qytetarëve dhe më vjen shumë keq sot, ta zëmë, kur të rinjtë kosovarë emigrojnë jashtë, sepse nuk shohin prespektivë në vend. Ne nuk mund të vazhdojmë edhe më tutje me një gjendje të tillë të status-kuos, të moszhvillimit ekonomik, të mosfuqizimit të institucioneve demokratike të Kosovës dhe, mbi të gjitha, ne nuk mund të jemi i vetmi vend pa status në rajon. Ky status duhet të jetë Kosova e pavarur e integruar në strukturat euroatlantike.


Zëri i Amerikës: Zoti Thaçi a jeni optimist se ju, me një fjalë shqiptarët e kosovës do të përmbushni standartet që janë përcaktuar nga bashkësia ndërkombëtare?


Hashim Thaçi: Standartet për Kosovën nuk janë standarte vetëm për shqiptarët. Standartet për Kosovën janë standartë për të gjithë qytetarët dhe institucionet e Kosovës. Janë standarte për ngadhnjimin e dmeokracisë qytetare. Vlerësoj se është arritur progres edhe në dialogun Prishtinë-Beograd dhe me gjithë fqinjët. Në procesin e kthimit të refugjatëve gjithashtu, është arritur progres edhe sa i përket pikave të tjera të standarteve - një progres që është përshëndetur edhe nga zoti Grossman, por në të njëjtën kohë, ne duhet të kërkojmë edhe më tepër, veçançërisht, isntitucionet e Kosovës dhe lidershipi që të kuptohet drejt roli i UNMIK-ut në Kosovë, thjeshtë të marrë rolin e një vëzhguesi dhe këshilltari dhe të bartet pushteti tek kosovarët në mënyrë që ne t’i implementojmë këto standarte që kemi ne përgjithësinë. Ndërsa për standartet që varen nga UNMIK-u, ta zëmë, standart për ne është bashkimi i Mitrovicës, ne nuk mund të pajtohemi asesi me gjendjen që kemi dhe duhet patjetër që qyteti të bashkohet, duhet patjetër që adminsitrata civile të funksionojë në tërë territorin e Mitrovicës, do të thotë njerëzit e zgjedhur nga vota e popullit. Standart për ne është shkapërderdhja e të gjitha strukturave paralele serbe dhe largimi i tyre nga Kosova. Standart për ne është deinklavizimi i Kosovës. Standart për ne është mospërzierja thjesht e Beogradit në Kosovë dhe standart duhet të jetë edhe për Beogradin dhe ndërkombëtarët duhet t’ia tërheqin vërejtjen Beogradit që të mos luajë rol negativ në Kosovë, por të jetë pjesë e zgjidhjes së problemeve në Kosovë dhe asesi problemi i Kosovës. Dhe nëse Beogradi vazhdon kështu, atëherë ne duhet patjetër që t’ia bëjmë të qartë edhe komunitetit ndërkombëtar se problemin tonë do ta zgjidhim përmes Uashingtonit dhe Brukselit, sepse, nëse ne mendojmë se do të gjejmë një marrëveshje Prishtinë-Beograd, Beogradi kurrë nuk do ta njoh pavarësinë e Kosovës.


Zëri i Amerikës: Po ju, a jeni gati që të krijoni kushtet që serbët të ndjehen të sigurt në Kosovë? A jeni të angazhuar?


Hashim Thaçi: Ne kemi marrë përgjegjësi edhe më herët. Kemi punuar konkretisht, Jemi duke punuar edhe tash. Kosova nuk do të jetë vend vetëm për shqiptarët. Pavarësia e Kosovës dhe shteti i Kosovës do të jetë vend ku të gjithë qytetarët, pa dallim përkatësie etnike e fetare, do të gëzojnë të drejtat e tyre të barabarta. Dhe këtë garanci ne e kemi premtuar dhe do ta realizojmë, por asesi, edhe serbët e Kosovës duhet ta kuptojnë se kryeqyteti i tyre është Prishtina, jo Beogradi. Dhe gjithashtu Beogradi duhet të kuptojë se Kosova, por edhe ne të gjithë jemi duke punuar në drejtim të ndërtimit të identitetit shtetëror të Kosovës.

[kaedhemazi]

Fjale te kopjuara nga Akademiket Kosovare qe thaci i perdore shume vite pas tyre.
asgje e re.