Pacolli ska të ndalur-Nderohet me çmimin "Gusi Peace Prize International"

[murrizi]

Pacolli merr çmimin “Gusi Peace Prize International”

Zëvendëskryeministri i Qeverisë së Kosovës, Behgjet Pacolli ka marrë çmimin “Gusi Peace Prize International”.
rtk 24.11.2011Në ceremoninë e jashtëzakonshme të organizuar me këtë rast, morën pjesë mijëra vetë, mes të cilëve deputetë, trupi diplomatik i akredituar në Manila, elita intelektuale dhe shoqërore e Filipineve, thuhet në komunikatën e zyrës së Pacollit.

Zëvendëskryeministri Pacolli u prit me duartrokitje në sallë i shoqëruar nga një ushtarak filipinas me veshjen e nderit që valëviste flamurin e Kosovës.

Çmimi “për aktivitetin ekonomik, qeverisje dhe kontribut humanitar”, atij iu dorëzua nga princesha e Tajlandës, Luang Rajadarasri Jayankura.

Në motivacionin e çmimit në web faqen e fondacionit shkruan: për qasjen e tij krijuese në biznesin e ndërtimit që la gjurmë në të gjithë botën; për sensin e tij të ndërmarrësisë; për aktivitetin e tij filantropik në vendin e tij dhe për angazhimin e tij aktiv në pajtimin e politikës shqiptare në Kosovë, në përputhje me frymën më të mirë të popullit të tij”.

Pas marrjes së këtij çmimi, Pacolli tha se ndihet i nderuar që merr këtë çmim së bashku me personalitete të shquara nga mbarë bota. Ai tha se i përket një populli që luftoi shumë për paqen dhe lirinë, dhe bashkë me to, fitoi dhe pavarësinë.

“Unë vij nga një popull i vogël, të cilit i përket Nënë Tereza, dhe unë do të vazhdoj të punoj fort për paqen”, tha ai.

Para marrjes së këtij çmimi, dhënë nga një juri ndërkombëtare, Pacolli pati takime të rëndësishme në funksion të turit të tij lobues në Azi.

Zëvendëskryeministri i Kosovës është takuar me personalitete të shquara tajlandeze, me shefin e administratës presidenciale të Laosit, Phongsavath Boupha, me ministrin e arsimit të Butanit, Thakyr S.Powdyel dhe përfaqësues tjerë të vendeve që nuk e kanë njohur Kosovën.

Gjatë këtyre takimeve, Pacolli prezantoi disa nga faktet që duhet të kihen parasysh për të njohur Kosovën si shtet i pavarur dhe sovran. Pacolli u takua gjithashtu me senatorin e Atlantas (SHBA), Emanuel Johns, etj.