Kujt i'a zënë udhen të vdekurit ? Përdhosen varrezat e hebrenjeve ne Prishtinë

[murrizi]

Publikuar: 01.12.2011 - Koha

Prishtinë, 1 dhjetor - Varrezat e hebrenjve në lagjen “Velania” të Prishtinës, të cilat në popull njihen si Varrezat e jahudive, janë bërë cak i një apo më shumë personave ose edhe të ndonjë grupi të caktuar, gjatë dy ditëve të fundit. Me përjashtim të atyre që janë të mbuluara me rrasa guri dhe ku mundësia për ngjyrosje dukej të ishte e pavërejtshme, pothuajse asnjë varrezë e mbuluar me pllaka të mermerit nuk i ka shpëtuar pa iu vendosur një kryq i thyer, simbol i nazizmit hitlerian. Me një gjermanishte të dobët, në platenë e këtyre varrezave, është shënuar fjalia urdhërore “Jud raus”, që përkthyer në shqipe i bie “Hebrenjtë jashtë”. Për svastikën, simbolin e nazizmit hitlerian të këtyre varrezave janë informuar edhe Komuna e Prishtinës dhe Policia e Kosovës.