Lajme - risi

[Zero Cool]

Lëshohet iOS 5.1.1






Apple ka lëshuar versionin e fundit të sistemit të vetë operativ iOS 5.1.1, version ky i cili sjell përditësime dhe korigjime gabimesh në versionin paraprak iOS 5.1.

Të gjithë ata që kanë iPhone, iPad dhe iPod Touch mund ta azhurojnë sistemin operativ të pajisjes së tyre drejtpërdrejtë nga iPhone, ose përmes iTunes.

Do të ju preferonim një përditësim përdoruesve që kanë pajisje origjinale të kalojnë nga iOS 5.1 në 5.1.1 pasi që 5.1 kishte disa probleme me kamerë HDR, AirPlay dhe Safari , ndërsa për ata që përdorin mjetet ilegale si Cydia, ende nuk ka asgjë konkrete rreth Jailbreak-ut të versionit 5.1.1, na mbetet të presim, kështu që mos bëni ndonjë përditësim.

[Zero Cool]

Viruset si burim i energjisë elektrike





Në revistën shkencore “Nature Nanotechnology” u publikuan rezultatet e studimit të shkencëtarëve nga Kalifornia, të cilët kanë përpunuar mënyrën e përftimit të energjisë elektrike me ndihmën e viruseve dhe kanë ndërtuar në bazë të saj gjeneratorin elektrik me elektrodë sa një pullë postare, njofton “BBC Russian Service”.

Mbi elektrodë u vendos një membranë prej virusesh të përftuar posaçërisht. Gjatë kontaktit me elektrodën viruset fillojnë ta transformojnë energjinë mekanike në elektrike.

Ky përpunim është hapi i parë në rrugën drejt krijimit të gjeneratorëve personalë të energjisë elektrike të bazuar në shfrytëzimin e energjisë virale.

[Zero Cool]

A do të jetë gjiganti i ardhshëm në botën e celularëve?


Tizen





Për projektin Tizen mbase keni dëgjuar vetëm për gjëra elementare. Bëhet fjalë për një sistem operativ, të cilin Nokia e ka zhvilluar në bashkëpunim me Intel dhe më vonë e braktisi për shkak se iu kthye Microsoft-it dhe platformës Windows Phone. Ndërkohë Intel-i vazhdoi me zhvillimin e tij dhe si partner zgjodhi kompaninë Samsung që rezultoi me një projekt të ri me emrin Tizen Association. Edhe pse i gjithë projekti deri vonë ishte i fshehtë, bëhet e ditur se Samsung po përgatit një seri të pajisjeve të veta që do të punojnë pikërisht me këtë platformë. Duke ditur se Tizen, ashtu sikurse Android është i bazuar në Linux, në parim është platformë e hapur dhe së shpejti do të jetë në dispozicion për të gjitha palët e interesuara.

Sipas lajmeve më të reja që transmeton DigiTimes mësohet se edhe prodhues të tjerë janë të interesuar për Tizen-in, kurse emri më i përmendur në mes tyre është HTC, të cilët, sipas këtij burimi, po përgatitin për në fund të këtij viti një pajisje të bazuar në këtë sistem operativ. Në mes të prodhuesve që kanë shfaqur interesim janë edhe Acer dhe Asus, kurse Tizen Asocacioni po merr mbështetje edhe të operatorëve celularë, siç janë: NTT docomo, Orange, Vodafone, SK Telecom dhe kompanitë NEC, Panasonic dhe Telefonica.

Siç mund ta vërejmë në botën ku dominojnë iOS dhe Android është shumë e vështirë për eko-sistemet e tjera të gjejnë rrugën deri te shfrytëzuesi i fundit, por përparësia e Tizen është se ka mbështetjen për aplikacionet e Android-it që në momentin e lansimit do të kishte praktikisht një “start fluturues”.

Nuk duhet harruar fakti se Samsung si prodhues kryesor i telefonëve celularë ka ambicie, të cilat mund të anashkalojnë bashkëpunimin e deritanishëm me Google-n, duke u bazuar në atë se njerëzit kryesorë të kompanisë Samsung disa herë e kanë përmendur mundësinë që kjo kompani ta zhvillojë platformën e vet për telefona celularë.

Natyrisht, në këtë moment është veshtirë të parashikohet zhvillimi i kësaj situate, por duke marrë parasysh në potencialin e madh që deri më tani kemi parë Tizen ka shanse të mëdha të bëhet gjiganti i ardhshëm në botën e celularëve. Çfarë mendoni ju, a do kë ketë Tizen vetëm një rol episodik apo në të vërtetë do të bëhet “The next big thing”?.

[Zero Cool]

Domainet Më Të Shtrenjtë Në Botë


Këto janë dhjetë domainet që konsiderohen të jenë më të shtrenjtë në botë. Në total vlera e 10 domaineve më të shtrenjtë në botë shkon në 27 milion dollarë. Një vit më parë të dhjeta domainet kushtonin një e treta më pak.

1. se*.com 13 Mil. Dollarë (10 Mil. Euro)

2. vodka.com 3 Mil. Dollarë (2,1 Mil. Euro)

3. gambling.com 2,5 Mil. Dollarë (1,75 Mil. Euro)

4. shopping.de 1,82 Mil. Dollarë (1,4 Mil. Euro)

5. fly.com 1,6 Mil. Dollarë (1,1 Mil. Euro)

6. russia.com 1,5 Mil. Dollarë (1,05 Mil. Euro)

7. kredit.de 1,16 Mil. Dollarë (892 500 Euro)

8. chinese.com 1,1 Mil. Dollarë (770 000 Euro)

9. invest.com 1,1 Mil. Dollarë (770 000 Euro)

10. poker.org 1 Mil. Dollarë (700 000 Euro)

Tregtia me domain-et po bëhet gjithmonë e më e leverdishme, ndërkohë që vlera e tyre rritet me shpejtësi nga viti në viti.

[Zero Cool]

Hotmail me pamje të re


Microsoft është duke punuar në ridizajnimin e platformës së vet për email, Hotmail, dhe ka lëshuar fotografi të pamjes së re që kanë dalë në Ueb. Liveside.net lëshoi pamje të dizajnit të ballinës së re të Hotmail. Jo vetëm që duket si Metro – që paraqet ndërfaqen e re të përdoruesit për sistemin operativ Windows 8 të ndërmarrjes – por ajo paraqitet me një emër të ri: Newmail.

Sidoqoftë, ende nuk dihet nëse “Newmail” është emri i një hostingu të ri, apo nëse Hotmail do të kalojë në atë emër së shpejti.

Azhurnimi i dizajnit të Windows 8 në Metro synon që të bëhet më i dukshëm në pajisje, dhe do të mundësojë bisedat në rrjetet sociale si Twitter dhe Facebook.

http://scr.wfcdn.de/7554/Hotmail-Met...157077-0-0.jpg



http://scr.wfcdn.de/7554/Hotmail-Met...157077-0-0.jpg

[Zero Cool]

Sa lehtë mund të thyhet fjalëkalimi juaj?







Thyerjet e kodimeve që po ndodhin kohët e fundit si ato të LinkedIn dhe eHarmony.com, kanë hapur debat në mesin e të apasionuarve të informatikës. Disa prej tyre mbështesin teorinë që nuk ndikon lloji i fjalëkalimit, dmth. gjatësia e tij apo llojet e karaktereve. Në fakt, e vërteta është se ato përbëjnë një ndryshim të madh.

Shtimi i një simboli në fjalëkalim e heq mundësinë e një sulmi sipas fjalorit, dmth. përdorim fjalësh që janë në fjalor. Kjo e bën shumë herë më të vështirë hakimin e fjalëkalimit. Më poshtë kemi renditur kombinimet e fjalëkalimeve, dhe sa kohë do të duhej për t'i thyer ato duke provuar të gjitha mundësitë me rradhë.

Fjalëkalime pa simbole dhe pa shkronja të mëdha

6 Karaktere: 2.25 miliardë kombinime të mundshme

*Hakim online me aplikacion duke shfrytëzuar 1 mijë supozime për sekondë: 3.7 javë

*Hakim offline duke përdorur serverë ose desktopë të fuqisë së lartë me 100 miliardë supozime për sekond: 0.0224 sekonda

*Hakim offline duke përdorur miltiprocesorë në mënyrë masive me 100 trilionë supozime për sekond: 0.0000224 sekonda

10 karaktere: 3.76 trilionë kombinime të mundshme

*Hakim online me aplikacion duke shfrytëzuar 1 mijë supozime për sekond: 3.7 javë

*Hakim offline duke përdorur serverë ose desktopë të fuqisë së lartë me 100 miliardë supozime për sekond: 10.45 orë

*Hakim offline duke përdorur miltiprocesorë në mënyrë masive me 100 trilionë supozime për sekond: 37.61 sekonda

Tani duke shtuar simbole, rrjedhimisht edhe fjalëkalimi bëhet më i vështirë

6 Karaktere: 7.6 trilionë kombinime të mundshme

*Hakim online me aplikacion duke shfrytëzuar 1 mijë supozime për sekond: 2.4 shekuj

*Hakim offline duke përdorur serverë ose desktopë të fuqisë së lartë me 100 miliardë supozime për sekond: 1.26 minuta

*Hakim offline duke përdorur miltiprocesorë në mënyrë masive me 100 trilionë supozime për sekond: 0.0756 sekonda

10 karaktere: 3.76 trilionë kombinime të mundshme

*Hakim online me aplikacion duke shfrytëzuar 1 mijë supozime për sekond: 54.56 milionë shekuj

*Hakim offline duke përdorur serverë ose desktopë të fuqisë së lartë me 100 miliardë supozime për sekond: 54.46 vjet

*Hakim offline duke perdorur miltiprocesorë në mënyrë masive me 100 trilionë supozime për sekond: 2.83 javë

Një sugjerim! Krijojeni fjalëkalimin me 10 karaktere, në fund shtojini dhe një simbol.

[Zero Cool]

Krijohet mausi enkas për lojëra





Logitech ka filluar të marrë porosi për mausin e ri, i cili është krijuar enkas për lojra dhe do dalë në treg brenda këtij muaji. G600 përfshin 20 butona, të cilët mund të programohen plotësisht për t'u përshtatur me lojrat MMO dhe mund të shërbejë për të kryer çdo detyrë. Një funksion tjetër është edhe kombinimi i butonave të shumëfishtë për komanda më të gjata.

Shumica e butonave janë të vendosur në pjesën e majtë të mausit dhe janë krijuar për t'u shtypur me gishtin e madh. Këtu do të gjeni një seri prej 12 butonash G, të cilët do të jenë të vendosur në dy seri gjashtëshe.

Në pjesën e sipërme, përveç dy butonave majtas dhe djathats është vendosur dhe një set tjetër në pjesën fundore të anës së djathë. Dy butona të tjerë G kontrollojnë DPI për ndryshim profili me një të rrotulluar të mausit, i cili është gjithashtu i shtypshëm.

G600 është i aftë 50DPI deri në 8200 DPI dhe ka suport USB. Vetë mausi mund të rezervojë 3 sete të ndryshme komandash, të cilat mund të përdoren në çdo kompjuter pa nevojën e drajverave.
Kablli 2 metra i gjatë që përfundon në portën USB është i mbështjellë për më shumë fuqi. Paneli ku vendoset gishti i madh përfshin një sistem ngjyrash, të cilat mund të ndryshohen sipas preferencave, me një mundësi mbi 16 milionë kombinime.

[Zero Cool]

Chrome dhe Safari shënojnë rritje


Sipas statistikave të përditësuara nga ndërmarrja analitike për Internet, StatCounter, Google Chrome është gati të tejkalojë shfletuesin Internet Explorer për t’u bërë shfletuesi më i popullarizuar në Britani të Madhe.

Ashtu siç mund të shihni në grafikun e mëposhtëm, IE ka qenë në një rënie të lirë që nga korriku i vitit 2008 (ngjyra e kaltër), duke humbur kështu praninë në treg në Britaninë e Madhe nga afërsisht 75 për qind në 31.5 për qind për më pak se 4 vite.





Rënia e lehtë ballafaqohet me rritjen e Chrome gjatë të njëjtës periudhë kohore – shfletuesi i Google ka shkuar nga 0 për qind në 31.28 për qind që nga korriku i vitit 2008 (vija e gjelbër) dhe duket se deri në muajin e ardhshëm do të tejkalojë shfletuesin Internet Explorer nëse vazhdon ky trend (dhe nuk ka ndonjë gjë që e dëshmon se kjo gjë nuk do të ndodhë).

Të dhënat e fundit nga StatCounter tregojnë që Google Chrome tani ka më tepër se një të tretën e tregut botëror të shfletuesve. Statistikat e përditësuara tregojnë që Chrome për momentin ka 35.4 për qind të tregut.

Përgjithësisht, ju mund të shihni se si rritja e Chrome është duke u bërë si rezultat i rënies së IE-së së ndërmarrjes Microsoft, por edhe për shkak të rënies së shpejtësisë së shfletuesit Firefox të Mozillas. Ndërsa Opera nuk ka treguar ndonjë shenjë të rritjes tash e një kohë.

Google Chrome ishte lëshuar pothuajse 4 vite më parë.





Sipas StatCounter, Safari përfundoi vitin e kaluar me gati 6 për qind të tregut botëror, por tani është rritur në 8.2 për qind.

IE dhe Firefox kanë shënuar rënie për 8, respektivisht 3 për qind gjatë të njëjtës periudhë kohore.



Anglisht

[Zero Cool]

Kasa kompjuterike BitFenix Ghost





Halloween është akoma larg, por kjo nuk e ndaloi BitFenix për të krijuar një kasë tjetër e cila duket si një kostum.

Kasa më e re e kompanisë Ghost, një rast shumë i thjeshtë e cila është dizenjuar me një qasje të vogël që mund të përputhet pothuajse në çdo shtëpi, së bashku me një material silencioz i cili shërben për të larguar zhurmat dhe për të tërheq vëmëndjen.

Nga pikëpamja estetike, BitFenix deklaron se ajo përdori një trajtim të ri të quajtur NanoChrome, e cila kombinon një pluhur që më pas i vishet sipërfaqes së kasës që bën mos të ketë temperaturë shumë të lartë gjatë funksionalitetit.

Disa karakteristika të tjera janë përfshirja e tre mbajtëse drajvesh nga 5.25-inç, 3 nga 3.5 dhe 3 të tjera nga 2.5-inç, një mbajtëse e cila largon nxehtësinë e tepërt, një brendësi e gjitha e zezë, support USB 3.0, dhe shumë karakteristika të tjera fantastike.

Sipas kompanisë BitFenix, ajo deklaron se shasia Ghost do të ketë një çmim deri në fund të muajit, prej 99$. Deri atëhere shikoni videon që kompania ka lansuar.





Anglisht

[Zero Cool]

Njohja e fytyrës, FBI investon 1 miliardë dollarë




Byroja Federale e Hetimit (FBI) ka një buxhet prej 1 miliard dollarësh për projektin e vet të fundit: përdorimi i teknologjisë për njohje të fytyrës për të luftuar krimin.

I pagëzuar si projekti i Identifikimi i Brezit të Ardhshëm (NGI), ai tashmë është aprovuar në disa vende (si projekt pilot programi filloi në muajin shkurt) dhe, sipas NewScientist, pritet të shkojë në shkallë vendi në vitin 2014.

Përmirësimet dhe mundësitë e reja të NGI-së pritet të paraqiten përgjatë disa viteve. Sistemi do të ofrojë “shërbime të identifikimit biometrik të gjendjes-së-artit” dhe ofron “një kornizë pune elastike të mundësive thelbësore që do të shërbejnë si një platformë për funksionimin shumëformësor”.

Ndërmarrja prapa kësaj është Lockheed Martion Transporation and Security Solutions, për të cilën byroja thotë që fitoi një kontratë prej shumë milionë dollarësh që është me bazë një vjetore dhe potencialin deri në tetë vite më tepër.

Hollësitë se si funksionon saktësisht kjo janë të panjohura. Algoritmi që drejton teknologjinë do të jetë një çështje madhore në vitet e ardhshme: agjencia do të dëshirojë që ta mbajë atë të fshehtë ndërsa publiku, ose të paktën avokatët e privatësisë, duan që ta zbulojnë atë.

Sa i përket privatësisë, ja se çfarë thuhet në faqen e projektit:

Vëmendja për privatësi është përqendruar në NGI: NGI zhvilloi një analizë hyrëse të privatësisë në qershorin e vitit 2006. Një vlerësim për Ndikimin në Privatësi për Sistemin e Fotografisë Ndërshtetërore ka përfunduar për të vlerësuar pajtueshmërinë e NGI-së me Aktin për Privatësi.

Sistemi i Njoftimit të Incizimeve është duke u përditësuar për të reflektuar mundësitë e NGI-së. NGI po ashtu ka vazhduar përfshirjen me Bordin e Politikës Këshilluese të CJIS dhe Këshillin Kompakt.

Nuk është befasi që FBI për këtë thotë që është e ligjshme. Është më se e sigurt që kjo është e ligjshme dhe që qëllimi kryesor për këtë është që t’ua mundësojë zyrtarëve që të gjejnë dhe t’i kuptojnë më mirë dhe më shpejt kriminelët.

Brengosja më e madhe për këtë është se si kjo do të ndikojë për publikun duke e ditur që teknologjia për njohje në bazë të fytyrës është një testim madhor dhe mbase mund të jetë edhe i gabuar. Çka nëse të gjitha fotografitë e njerëzve janë kapur nga kamera por që të gjithë janë të pafajshëm?

[Zero Cool]

He Maki o hacker:


Fjalëkalimi i bankës qendrore franceze ishte 123456

[Zero Cool]

Celulari i parë në botë











22.09.2012

Ndërsa “Apple” prezantoi në shtator “iPhone 5”, versionin e ri të celularit më të përparuar në botë, janë të paktë ata që mendojnë për origjinën e telefonisë së lëvizshme.

Në ditët e sotme, një celular nuk është vetëm një mjet i domosdoshëm pune, por nëpërmjet “smartphone”, edhe një mjet kompleks, në të cilin telefonatat janë shndërruar vetëm në një opsion shtesë, midis opsioneve gjithmonë e më të shumta.

E përditshmja britanike “Daily Mail”, publikoi të premten imazhet e celularit të parë, të prodhuar në vitin 1922.

Megithatë, për të lëvizur këtë telefon me vete, ishte e domosdoshme të mbaje një çantë pas vetes.

I pajisur me një kuti me përmasat e një kutie të këpucësh, që ishte edhe aparati kryesor telefonik, celulari i parë në botë kishte një antenë aq të madhe, që për arsye estetike u kamuflua në një çadër pas prodhimit.

Për të folur, duhet të lidhje fillimisht aparatin me një burim energjie, të mbaje lart antenën, të formoje numrin dhe të vije në vesh dorezën.

Midis kufizimeve të shumta, më problematiket ishin mungesa e valëve, cilësia e dobët e dëgjimit dhe pamundësia për të pritur telefonata, për shkak të mungesës së një linje të domosdoshme për kohën.

Ndonëse aspak praktik, shtypi i vitit 1922 e priti atëherë telefonin e parë të lëvizshëm si një arritje të madhe të shkencës.

Me siguri, një “iPhone” i kthyer pas në kohë, as që do të ishte në gjendje të përshkruhej prej gazetarëve të atyre viteve, aq më pak të përdorej prej tyre.

[Zero Cool]

Google mbush 14 vjet

[Zero Cool]

Disa dobësi të 3G-së, lejojnë gjurmimin e telefonit tuaj





Sipas një kërkimi të Universitetit të Birminghamit, në bashkëpunim me Universitetin Teknik të Berlinit, ka disa dobësi të teknologjisë 3G që lejojnë gjurmimin e telefonëve tuaj kur këto të fundit lidhen përmes 3G-së.

Sipas raportimit të SC Magazine, sulmuesit përdorin pajisjet “femtocell”, të cilat janë stacione celulare të modifikuara. Përmes tyre mund të arrihet të identifikohet një pajisje e caktuar.

P.sh, sulmuesit mund ta detyrojnë pajisjen mobile të shfaqë TMSI-në e saj (Temporary Mobile Subscriber Identity), duke supozuar se sulmuesi e njeh IMSI-në (International Mobile Subscriber Identity).

Sipas kërkuesve industria globale është vënë në dijeni për këto dobësi

Në raste të tjera, sulmuesi mund të gjurmojë një kërkesë të vlefshme AKA (Authentication and Key Agreement) që dërgohet nga një celular dhe të dërgojë të njëjtën kërkesë drejt një rangu telefonash.

Kjo do të bënte që të gjitha pajisjet, përveç targetit nga është ndërhyrë për të vjedhur AKA-në, të përgjigjeshin me gabime sinkronizimi. Kjo do t’i mundësonte një hakeri të gjurmonte lëvizjet tuaja brenda një ndërtese.

Kërkuesit kanë deklaruar se kanë vënë në dijeni industrinë globale rreth 6 muaj më parë, por këto dobësi nuk janë korrigjuar ende.

Ata planifikojnë tashmë t’i bëjnë publikë këto shqetësime në konferencën ACM (Conference on Computer and Communications Security) që mbahet në datat 16 – 18 tetor.

[Zero Cool]

Foto mahnitëse nga qendrat e të dhënave të Google







Për të kënaqur të gjithë njerëzit të apasionuar pas teknologjisë, Google ka mbledhur një grup fotosh nga qendrat e saj të të dhënave në të gjithë botën.

Imazhe që tregojnë pjesën e brendshme të fabrikave konsiderohen të bukura, por kompania ka postuar foto të mahnitshme me rezolucion 3000×2000 në HDR të plotë.

Edhe pse Google do të bëjë përshtypje të mirë vetëm me fotot, me to është bashkëngjitur dhe një përshkrim më i madh se çfarë po ndodh me kompaninë.

Në foto përfshihet infrastruktura shumëngjyrëshe, server të pafundmë, një dhomë konference dramatike me sauna si dhe fusha jeshile dhe peizazhe mahnitëse.

84 fotot e publikuara nga Google mund ti gjeni këtu.