Lajme aktuale nga vendi !

[Guri i madh]

Shqiptarët e Kosovës po blejnë prona në Serbi?







Publikuar: 26.07.2013 - 18:38Prokuple, 26 korrik - Milutin Jacovic, 64 vjeçar nga fshati Tulare i Prokuples ka vendosur që shtëpinë e tij t’ia shes ndonjë shqiptari të Kosovës, siç thotë ai për arsyen se vetëm ata janë në gjendje t’ia paguajnë me çmim të mirë. Këtë hap ai e ka marrë pasi ai me gruan dhe djalin jetojnë prej vitesh në varfëri të skajshme me vetëm 20 mijë dinarë në muaj, të cilat i merr nga pensioni.

Kur paguan faturat mujore, si rryma dhe të tjera, atij nuk i mbesin as 10 mijë dinarë për shpenzime tjera. Ai pyet nëse mund të jetohet me ato pak para. Prandaj shtëpinë e tij prej 120 metra katror, të cilën ka bërë vite deri sa e ka ndërtuar, ka vendosur ta qes në shitje, thotë Milutini, i cili shton se të gjithë në fshatin, i cili ndodhet në magjistralen kryesore e cila lidh Prishtinën me Nishin dhe Kurshumlinë me Prokuplen, janë në dijeni për planin e tij.

“Nëse veç më pyesni se pse kam vendosur që shtëpinë t’ua shes shqiptarëve, unë u përgjigjem se vetëm ata mund të ma paguajnë me një çmim të mirë. Në këtë pjesë të Serbisë që është afër me Kosovën, ku është një jetë e vështirë, nuk kam kujt tjetër t’ia shes. Gjithashtu edhe ata janë qytetarë të Serbisë, të paktën zyrtarisht, dhe nuk duhet që të keqkuptohem për këtë”, thotë ai, shkruan gazeta serbe Telegraf,

“Mendoni se të tjerët nga fshati im nuk do ta bënin këtë? Në situatën në të cilën janë unë. Çfarë të duhen muret, kur barku është bosh”, pyet Milutini.

Edhe pse në gjithë Toplicën, siç transmeton reporteri, sipas regjistrimeve të fundit, nuk jeton asnjë shqiptar, thuhet se në mënyrë paksa të fshehtë u janë shitur shumë shtëpi dhe banesa shqiptarëve nga Kosova. Dejan Miloseviq këshilltar komunal në Kurshumli, thotë se mesa din ai, deri tani shqiptarët në këtë pjesë kanë blerë rreth 50 prona.

Disa vite më parë qarkullonin histori të tilla në lidhje me shitjen e shtëpive shqiptarëve në Prokuple, por ata nuk mund të ishin zyrtarisht pronarë. Blerja ishte kryer përmes kontratave fiktive për borxhe, në kompensim të të cilave shqiptarët i merrnin shtëpitë. Një histori e tillë e harruar, është ngjallur sërish kohëve të fundit.

Në qendër të Prokuples, një metër katror kushton 500 euro, ndërsa nëpër fshatra një shtëpi komplet mund ta blesh edhe me vetëm 10 mijë euro.

Shqiptarët e Kosovës, kohëve të fundit janë duke blerë prona nëpër Serbi, që të mund të bëhen banorë të këtij vendi, për të marrë një pasaportë, e cila lejon qarkullimin e lirë nëpër vendet e Zonës Schengen.

[Zero Cool]

LDK fajëson Qeverinë Thaçi për maltretimin e mërgimtarëve







Prishtinë, 20.08.2013

Qeveria Thaçi përveç se ka krijuar dikasterë të shumtë me kosto të mëdha për buxhetin e varfër të shtetit, gjegjësisht ka themeluar Ministrinë e Diasporës, konkretisht nuk ka ndërmarrë asnjë hap për të përmirësuar shërbimet ndaj bashkatdhetarëve, lehtësimin e lëvizjes së tyre, sigurisë apo shpenzimeve të paarsyeshme që u bëhen me rastin e hyrjes apo daljes nga Kosova. Kështu thuhet në një deklaratë për medie të Lidhjes Demokratike të Kosovës, që sot iu shpërnda medieve. Dje Kohavizioni raportoi për tollovi para sporteleve të administratës në kryeqytet.

Në komunikatën e LDK-së thuhet se “Qytetaret tanë që jetojnë në shtetet perëndimore vazhdojnë të jenë të privuar nga e drejta për të përdorur sigurimin e automjeteve i cili i mbulon ata në gjithë Evropën por vetëm me përjashtim të Kosovës. Vetëm në javët e fundit janë krijuar radhë të papërballueshme në pikat kufitare me shtetin Serb si rezultat mospranimit të dokumenteve të gjendjes civile të lëshuar nga Kosova, gjegjësisht ekstraktit të lindjes së shtetasve Kosovar. Qindra shtetas tanë të maltretuar janë duke u kthyer çdo ditë nëpër komunat e tyre respektive duke kërkuar ndihmë dhe certifikata alternative të lindjes në mënyrë që të mund të kthehen në shtetet e perëndimit ku punojnë dhe veprojnë. Qeveria e cila vazhdon të nënshkruar marrëveshje me shtetin Serb dhe e cila ka punësuar ndërmjetës për këto marrëveshje nuk po lodhet për zbatimin e tyre por as që të del me një prononcim apo të bëjë një përpjekje modeste për të rregulluar këto telashe për qytetarët tanë”.

“LDK-ja vlerëson se kjo qeveri e skandaleve, korrupsionit dhe e regresit ka dëshmuar shumë herë se nuk është e interesuar të merret me problemet e qytetarëve të saj e veçmas atyre që jetojnë në diasporë dhe të cilët kontribuojnë shumë në mirëqenën e familjeve dhe shtetit tonë përmes kontributeve të vazhdueshme”, përfundon komunikata.

[Zero Cool]

Serbia në KS me akuza se Kosova s’po e zbaton Marrëveshjen


Nju-Jork, 28.08.2013

Mesazhi kryesor i delegacionit serb në mbledhjen e nesërme të Këshillit të Sigurimit të KB, që i kushtohet Kosovës, do të jetë “Doemos të respektohen e të zbatohen ato që përfshin Marrëveshja e Brukselit”. Kështu citohet të ketë deklaruar ministri i Jashtëm i Serbisë Ivan Mërkiq para nisjes për në Nju-Jork.

“Ne dëshirojmë të shqyrtojmë rrënjësisht raportin e UNMIK-ut, ta vlerësojmë dhe të parashtrojmë pikëpamjet tona. Por gjithsesi në organizatën botërore, në nivelin më të lartë, do të bëjmë me dije se ato për të cilat jemi marrë vesh edhe të zbatohen praktikisht”, citoj Tanjugu ministrin serb Mërkiq.

Siç citohet të ketë thënë ai, “pas nënshkrimit të marrëveshjes së parë me autoritetet e Prishtinës ka disa interpretime që janë “me sens”, madje “me imagjinatë” dhe që nuk përputhen me tekstin e Marrëveshjes”

“Ne do t’u themi të gjithëve se kështu nuk bën dhe se secili duhet të respektojë atë që ka nënshkruar”, është shprehur Mërkiq.

Përfaqësuesi i Kosovës, që do të jetë po ashtu ministri i Jashtëm i saj, Enver Hoxhaj, ende nuk është prononcuar se çfarë do të jetë qëndrimi i Kosovës në këtë mbledhje për çështjet që flet Mërkiq. Kosova ka akuzuar vazhdimisht Serbinë se nuk po respekton Marrëveshjen e Brukselit.

[Guri i madh]

Ministër i Shtetit në Qeverinë e Kosovës do të jetë Milan Zdravkoviq, i cili jeton në komunën e re serbe, Ranillug.
Disa ditë më parë “Zëri” ka raportuar e para se së shpejti ekzekutivi kosovar do të zgjerohet edhe me një ministri të re, përkatësisht me Ministrinë e Shtetit.
Ndërkaq, siç raporton Lajmi.net, ministri i ri do të jetë tridhjetetre vjeçi Zdravkoviq. Raportohet se kryeministri i Kosovës, Hashim Thaçi, tashmë e ka marrë vendimin, vetëm se nuk e ka nënshkruar atë, gjë që do të ndodhë së shpejti.
Dikasteri që do të drejtohet nga pjesëtari i komunitetit serb do të jetë Ministri pa Portofol në Qeverinë e Kosovës, dhe si e tillë do të jetë përgjegjëse për rini, inovacion dhe mundësi të barabarta.

[Guri i madh]

Largohet me 10 policë drejtoresha e çerdhes “Agimi” në Kaçanik

Prishtinë, 30 shtator 2013 - Nëse Qeveria e udhëhequr nga PDK-ja, trumbeton se në Kosovë është duke sunduar ligji, kjo si njëra ndër parakushtet që Kosovës t’i heqet regjimi i vizave, si shteti i vetëm në regjion shtetasit e së cilës nuk mund të lëvizin lirisht jashtë kufinjëve të saj, atëherë duhet t’u themi se në këtë nuk beson askush në Kosovë e aq më pak shtetet mike që e përcjellin zbatimin e ligjit.
Rasti i së premtës së shkuar ( 27 shtator 2013 ), kur policia e Kosovës e stacionit të Kaçanikut, zbaton urdhërin kundërligjor të kryetarit në ikje të komunës së Kaçanikut Besim Ilazi, duke dërguar mbi 10 policë në çerdhen “Agimi”, për ta larguar me forcë, nga zyra e saj drejtoreshën legjitime të këtij Institucioni parashkollor, znj. Elife Murseli, dhe për ta dërguar me duar lidhur në stacionin policor. Na ka kujtuar kjo ndodhi kohën e regjimit okupues kur po kjo drejtoreshë ishte larguar në këtë mënyrë nga forcat policore = thuhet në reagimin e LDFD-së.
Drejtoresha Murseli, nga ky post ishte larguar nga ish-kryetari i Kaçanikut Xhabir Zharku, në fund të vitit 2008, por Gjykata Supreme kishte vendosur kthimin e saj në vendin e punës në qershor të vitit 2013, por prap pas vetëm disa muajsh të kaluara në vendin e saj të punës, tashmë pasardhësi i Zharkut, Besim Ilazi, e kishte vazhduar “lojën e vjetër”.
Arsyeja e vetme e largimit të znj. Murseli nga vendi i punës është fakti se ajo është kryetare e degës së LDD-së në Kaçanik dhe asambleiste në Kuvendin Komunal.
Për këtë veprime që ndodhin në shtetin ku “sundon ligji”, janë njoftuar edhe shefi i zyres së BE-së në Kosovë, Samuel Zhbogar, shefi i EULEX-it, Bernd Borchardt, si dhe ministri i Drejtësisë së Kosovës, Hajredin Kuçi.
Më shumë lajme nga Kosov

[Guri i madh]

Volker, i zhgënjyer me Kosovën

Bota Sot | 02.10.2013 14:26




SHBA-ja asnjëherë nuk dëshiron që në Ballkan të ketë destabilizim. Kjo është edhe arsyeja pse SHBA e mbështet qeverinë e Hashim Thaçit, edhe pse e dinë se në Kosovë ka korrupsion dhe fenomene të ndryshme negative. Në Kosovë janë të nevojshme aksione serioze kundër korrupsionit. Mbetem i dëshpëruar me mungesën e përparimit ose përparimin e ngadaltë të Kosovës nga momenti që shpallën Pavarësinë. Kështu ka thënë ish-ambasadori amerikan, William Volker.
“U ndjeva krenar kur SHBA-ja intervenojë në Kosovë, para se gjithash për çështje humanitare. Sllobodan Millosheviqi nuk u tregua i zgjuar kur më largoi nga Kosova dhe u tërhoqa në Maqedoni, pasi masakrës së Reçakut, ku drejtova gishtin drejt regjimit dhe ushtrisë serbe”, ka theksuar në një intervistë për të përditshmen “Dnevnik”, William Volker, ish-ambasador amerikan në Amerikën Qendrore, njëherësh i dërguar special i Kombeve të Bashkuara në Sllavoni. Volker, i konsideruar si “hero” i Kosovës, ka thënë se megjithë pritjet, gjashtë vite pas pavarësisë së Kosovës, ndjehet i zhgënjyer për ecjen para të shtetit më të ri të Evropës.
“SHBA-të asnjëherë nuk dëshirojnë që në Ballkan të ketë destabilizim. Kjo është edhe arsyeja pse SHBA-të e mbështetin qeverinë e Hashim Thaçit, edhe pse e dinë se në Kosovë ka korrupsion dhe fenomene të ndryshme negative. Në Kosovë janë të nevojshme aksione serioze kundër korrupsionit. Mbetem i dëshpëruar me mungesën e përparimit ose përparimin e ngadaltë të Kosovës nga momenti që shpallën Pavarësinë. Pritja që kosovarët t’i tregojnë botës se nuk duan të duken një shtet i dështuar, se nuk do të lejojnë korrupsionit dhe kriminalitetin. Këtë e vërejta edhe para tre vitesh në Kosovë, pak para zgjedhjeve, kur të gjitha partitë politike donin të më shfrytëzonin, të fotografohen me mua sikur me një ‘hero’”, ka theksuar Volker .
Ai ka thënë gjithashtu se kosovarët patën fatin se në kohën kur zhvillohej gjenocidi i Millosheviqit ndaj qytetarëve të pafajshëm, në botë nuk kishte ndonjë konflikt tjetër më serioz sikurse sot.
“Kosovarët kishin fat se gjendja e tyre ishte në ballinën e secilës gazetë dhe se nuk kishte asnjë konflikt tjetër në botë, sikurse kemi sot në këtë moment, siç është rasti i Sirisë, Libia... dhe të tjera”, thotë Voker. Në Kosovë, ka shtuar Voker, erdha nga Sllavonia Lindore, ku udhëhiqja misionin e KB-ve dhe ku gjithmonë kishte frikë se serbët ose kroatët, apo ndonjë fraksion tjetër në Bosnjë, do të bëjnë diçka të papritur. “Por, e paimagjinueshmja ndodhi pikërisht në Kosovë dhe aty u rrit vetëdija e SHBA-ve se duhet të intervenohet. Millosheviqi bëri disa lëvizje të gabuara. Nuk ishte vetëm masakra e Reçakut, por edhe shumë masakra tjera që tërhoqën vëmendjen e mediave ndërkombëtare. Isha dhe unë që drejtova gishtin drejt regjistrimit të Millosheviqit dhe ushtrisë serbe. Po të mos gabonte Millosheviqi, sidomos pas depërtimit të misionit tonë, mendoj se NATO nuk do të kishte intervenuar akoma. Por, mbretëroi një ndjenjë turpi i NATO-s dhe SHBA-ve pas asaj që na ndodhi në Srebrenicë pikërisht nga Millosheviqi”, përkujton ish-ambasadori William Volker.
Në pyetjen se si e sheh tani përparimin e Ballkanit pas luftërave në Bosnjë, Kosovë e Maqedoni, Volker shprehet i zhgënjyer nga udhëheqësitë politike në pushtet.
“Para një viti mendoja se punët po ecin mirë me shqiptarët, por nuk po del ashtu. Hashim Thaçi, sipas meje, nuk është demokrat i vërtetë. Nuk ka një seriozitet në luftën kundër korrupsionit. Nga Serbia, gjithmonë kur mendojë se në pushtet kanë ardhur njerëz më racional, pikërisht nga ata vijnë deklarata të pamatura. Në Maqedoni nuk kam qenë për një kohë të gjatë dhe nuk e di se në çfarë drejtimi po shkon vendi, ndërsa në Shqipëri, Sali Berisha kishte tendenca në drejtim të Enver Hoxhës. Në Kosovë isha tash së shpejti, kur ndodhi bllokimi i mallrave me Maqedoninë dhe mikja ime, Mimoza Kusari, ministre e Qeverisë së Kosovë, shkonte madje në kufi dhe urdhëronte që asnjë kamion nga Maqedonia të mos futet në Kosovë. Këto punë nuk ndihmojnë sigurisht”, shprehet për “Dnevnik” William Volker.

[Zero Cool]

Gecët gjuhen me armë me truprojat e Azem Syles


Skenderaj, 28.10.2013 14:45
Gjatë të shtënave Azem Syla është tërhequr nga makina e tij dhe është futur në postën e Skenderajt. Burimet e Indeksonline tregojnë se të shtëna armësh ka pasur mes dy palëve. I plagosur është Labinot Smakiqi.



Azem Syla është gjuajtur me armë zjarri sot në Skenderaj nga Gani Geci. Burimet e Indeksonline kanë thënë se rasti ka ndodhur para lokalit të Gecit. Geci ka shtënë me dy plumba drejt Azem Sylës. Një person është plagosur, por ende nuk ka informacione zyrtare.

[Zero Cool]

Çitaku preshevarëve: Ta dini se nuk jeni vetëm







Ministrja e Integrimit Evropian, Vlora Çitaku, ishte për vizitë në komunën e Preshevës. Në kuadër të kësaj vizite Çitaku u takua me kryetarin e Komunës së Preshevës, Ragmi Mustafa, dhe diskutuan për gjendjen aktuale në Komunën e Preshevës dhe sfidat e të gjithë qytetarëve shqiptarë në këtë zonë. Ajo premtoi financimin e themelimit të një biblioteke për qytetarët e kësaj zone.



Çitaku e siguroi Mustafën se Qeveria e Republikës së Kosovës është e përkushtuar të mbështesë shqiptarët e Luginës së Preshevës.

“Jam shumë e lumtur që po e vizitoj Preshevën, për herë të parë në cilësinë e Ministres së Qeverisë së Republikës së Kosovës. Ju faleminderit shumë për mikpritjen. Me këtë rast dua edhe një herë të theksoj se qeveria jonë është e vetëdijshme për situatën e shqiptarëve në komunën tuaj dhe se ne do ta bëjë të pamundurën që në çdo aspekt të ndihmojmë dhe përkrahim qytetarët tuaj. Dua ta dini se nuk jeni vetëm”, tha ajo.

Në anën tjetër, kryetari i Komunës së Preshevës, Ragmi Mustafa e falënderoi ministren Çitaku për vizitën e saj dhe përkushtimin e Qeverisë së Republikës së Kosovës ndaj shqiptarëve në Preshevë.

Çitaku po ashtu vizitoi edhe shkollën fillore “Selami Hallaçi” ku bëri një donacion simbolik të librave shkollor për nxënësit e kësaj shkolle dhe me këtë rast bëri publik zotimin e Qeverisë së Kosovës për financimin e themelimit të një biblioteke për qytetarët e kësaj zone.

Ministrja përfundoi vizitën e saj me një takim me të rinjtë shqiptarë nga shoqëria civile e kësaj treve.

[Zero Cool]

BE: Kosova as shtet as republikë



06.11.2013

Vëzhguesit ndërkombëtarë të Bashkimit Evropian(BE) të angazhuar për zgjedhjet lokale të mbajtura më 3 nëntor janë udhëzuar që në takime me bashkëbisedues të ndryshëm në asnjë mënyrë mos t’i referohen Kosovës si shtet ose republikë.

Për të mos u përsëritur parregullsitë në zgjedhjet lokale, si në zgjedhjet paraprake të organizuara në vend, BE ka dërguar në Kosovë mbi 100 vëzhgues.

Sipas një dokumenti të siguruar nga gazeta “Zëri” të përpiluar nga institucionet e Bashkimit Evropian, iu rekomandohet vëzhguesve të tyre që për shkak të ndjeshmërisë politike duhet t’iu përmbahen disa praktikave në bashkëbisedimet e ndryshme.

“Kur flitet për shtetin mundohuni të shmangni në takime me bashkëbiseduesit referimet për Kosovën si “shtet” ose “republikë”. Referojuni si territori i Kosovës”, thuhet mes tjerash në këtë dokument.

Ndërsa kur flitet për qytetarët, vëzhguesve u rekomandohet t’iu shmangen referimeve si qytetarë të Kosovës, por si popull i Kosovës.
Në këtë dokument po ashtu flitet edhe për emrat e vendbanimeve në Kosovë, ku u rekomandohet që të përdoren në dy gjuhë: shqip dhe serbisht.

“Kur iu referoheni emrave të vendeve, ju lutem ta keni parasysh se shumica e vendeve në Kosovë kanë emra shqip dhe serbisht. Në raportimin tonë të jashtëm, praktika është që të vendoset emri shqiptar, i përcjellë nga emri serb si: Pejë- Pe?, përveç në komunat me shumicë serbe, ku duhet të vendoset së pari emri serb, i përcjellë nga emri shqiptar si: Gra?anica- Graçanicë”.

[Guri i madh]

Deputetja Ganimete Musliu mbetet pa 120 euro

Bota Sot | 11.11.2013 09:27



Deputetja e PDK-së, Ganimete Musliu, nuk do ta marrë mëditjen prej 120 euro, pavarësisht se ishte nënshkruar pa qëndruar në seancën e Kuvendit të Kosovës.Mediet muajin e kaluar e kishin zënë në “flagrancë” Musliun, duke u nënshkruar për mëditje, ndonëse nuk ishte e pranishme në seancë plenare.
Zyrtarët e administratës së Kuvendit konfirmojnë për gazetën “Zëri” se deputetja Musliu përfundimisht nuk do ta marrë mëditjen në vlerë prej 120 eurosh për gjoja pjesëmarrje në seancën plenare të 2 tetorit 2013.
“Për deputeten Musliu iu konfirmoj se nuk është në listën e pagesave të mëditjeve për pjesëmarrje në seancë”, ka thënë sekretari i Kuvendit, Ismet Krasniqi.
E kontaktuar nga gazeta, deputetja Musliu ka thënë se nuk dëshiron të flasë për këtë temë. “Bash s’kisha dashtë me fol për këtë temë”, është përgjigjur ajo.
Në anën tjetër, përfaqësues të shoqërisë civile thonë se deputetja e Partisë Demokratike të Kosovës ka bërë mashtrim ordiner ndaj Kuvendit të Kosovës. Anvi Zogiani nga organizata “Çohu” thotë se ndaj deputetes Musliu do të duhej të ndërmerreshin masa disiplinore për gjithë atë mashtrim të sofistikuar të saj.

[Guri i madh]

Thaçi e Veseli, n’odë me kallasha

Bota Sot | 13.11.2013 16:07



Kryeministri i Kosovës, njëherësh edhe kryetar i PDK-së, Hashim Thaçi, dhe nënkryetari i PDK-së, Kadri Veseli, gjatë 30 ditëve fushatë zgjedhore, kanë vizuar vende të shumta nëpër Kosovë, duke përkrahur kandidatët për kryetarë komunash.
Takimet zhvilloheshin në vende të ndryshme – nëpër sheshe të qyteteve, në restorante, por edhe nëpër oda.
Për dallim prej organizimeve nëpër sheshe e restorante, takimet nëpër oda kanë qenë ndër më interesantët, pasi që në to zakonisht ekspozoheshin armë të ndryshme. E më e fundit tani që është zbuluar është edhe një odë, si duket diku në Mitrovicë, pasi që në fotografi, përveç Thaçit e Veselit, shihet edhe kandidati për kryetar të Komunës së Mitrovicës, Avni Kastrati.
Në dy fotografi shihen duke mbajtur fjalime Thaçi dhe Veseli, ndërkaq ata janë të rrethuar nga lloje të ndryshme të armëve – nga ato klasike, e deri tek kallashnikovët.

[Zero Cool]

Zhurma në objekte fetare rregullohet me Ligj









Prishtinë, 13.11.2013

Në mbledhjen e radhës së Qeverisë, ka kaluar dhe Projektligji për mbrojtjen nga zhurma, njofton kumtesa.

MMPH njofton opinionin publik se në këtë projektligj ndër të tjera përfshihen dhe objektet e fetare në hartimin e të cilit marrë pjesë dhe përfaqësues të bashkësive fetare.

[Zero Cool]

Kryeministri me çadër, Presidentja pa çadër



Drejtuesit e Qeverisë së Kosovës kanë përuruar përfundimin e ndërtimit të autostradës “Ibrahim Rugova”, në fshatin Mazgit të Komunës së Prishtinës.

Autostrada që kishte filluar të ndërtohet në prill të vitit 2010 për qarkullim do të lëshohet nesër (27 nëntor) në mëngjes, saktësisht, në ora 7:00 të mëngjesit.

Përderisa, kryeministrit të Kosovës, Hashim Thaçi iu ofrua mbrojta nga dëbora, me anë të një çadre, të cilën e mbante një vajzë, e njëjta gjë nuk u bë në rastin e presidentes Atifete Jahjaga, e cila e mbajti fjalimin në dëborë.

[natyra]

Sikur mos te ishte Femra,s'do kishte as jet.Bravo Atifete...!

Urime Autostrada ne Emer te "Ibrahim Rugovs" e gezofshin Vozitesit,mos ndodheshin kurr Aksidente...Zoti e bekoft Kosoven..Zoti e bekoft Rugoven,Emrin e Tij te perjetshem Ibrahim.

Me Respektin me te larte per te!Natyra.

[natyra]

Ps, nga facebooku :P,,Ali Berisha?.................

Ehhh medet po keq po du me i humb zgjedhjet me 1 Dhjetor.