Miss World 2013

[Zero Cool]

Pa rroba banje në “Miss World” 2013







10.06.2013
Organizatorët e përzgjedhjes së më të bukurës në botë “Miss World” kanë deklaruar se këtë vit garueset nuk do të paraqiten para jurisë me rroba banje.

Çdo vit pjesë e rregullt e defilimeve të vajzave pjesëmarrëse kanë qenë parakalimet me rroba banje, por këtë vit do të ketë ndryshim për shkak të rregullave që i parashtron shteti nikoqir i këtij viti, Indonezia.

E tërë kjo vjen me qëllim që banorët e shtetit nikoqir Indonezisë, të mos ofendohen. "Nuk duam që askënd ta ofendojmë apo të vijmë në situatë me të cilën do të tregojmë mos respekt" - ka deklaruar Julia Morley, kryetarja e Organizatës për zgjedhjen e "Miss World".

Spektakli më i madh i bukurisë në botë, ku marrin pjesë 125 vende nga e gjithë bota, do të mbahet më 28 shtator. "Miss World"për herë të parë licencon Kosovën si pjesëmarrëse e barabartë, ndërsa përzgjedhja e përfaqësueses sonë mbahet në fillim të muajit korrik.