Propozim !

[Gentiani]

E pashë të arësyeshme të propozoj tek ky forum, sepse për nga rëndësia, duhet të jetë më i rëndësishmi nga të gjithë tjerët ku diskutohen çështje të ndryshme.

Shëndeti është gjëja më e rëndësishme në jetën e njeriut, andaj do kisha apeluar edhe tek ata diskutues, të cilët nga profesioni i tyre kanë të bëjnë direkt me shëndetin, por edhe të tjerëve që të sjellin shkrime dhe tema, në të cilat do të postoheshin, diskutoheshin, këshilla, pasoja dhe shkaqe të ndryshme të cilat ndikojnë në shëndetin e njeriut.

Pse po e shkruaj këte?

Sepse më ka ra rasti në Net. të hasi në tema të ndryshme dhe materiale si dhe këshilla që ofrohen nga qendra të ndryshme mjekësore të vendeve të zhvilluara dhe besoj se do të ishin gjithashtu të mirëseardhura edhe për ata që gjinden në Kosovë!

Shembull, pasojat e paraqitjes së një sëmundje, pasojat, rreziku, preventiva, mundësitë e shërimit etj...

Së fundit, të shumtën e rasteve po diskutojmë për tema që ndoshta nuk kanë rëndësi të madhe, pos karakterit argëtues këtu dhe shpresoj se secili nga ne, e ka mundësinë të sjellë materiale, të cilat ndoshta do të lypnin pak angazhim për përkthim në gjuhën shqipe, por do të bënim punë të madhe gjithsesi.

Ishte ky propozim i imi dhe i mbetet edhe tjerëve ta vlerësojnë, por mos të harrojmë se si medium diskutimi, duhet të ketë edhe efektin edukativ dhe këshillues, për çështje të cilat unë i shohë si gjithmonë aktuale.

Vetëm një shoqëri e aftë dhe e shëndoshë mundet të krijojë një të ardhme të fortë dhe të shëndoshë.

Mos ngurroni, por fillojani, sepse është gjëja më e mençur që do të bëni!

Unë do të sjell pas ca ditëve ca materiale, të cilat më duhet ti përkthejë, por mua mu duken interesante dhe të vlefshme, të njihemi me ato.

Gentiani!