Të tjerët për Dr. Rugovën.

[Psikologu]

Skena politike kosovare pa Ibrahim Rugovën

Dr Rugova lë një boshllëk në skenën politike në Kosovë
Vdekja e presidentit Ibrahim Rugova vjen në një kohë vendimtare për të ardhmen e Kosovës.
Për të mësuar se çfarë ndikimi ka pasur në skenën politike kosovare vdekja e Presidentit Rugova, Gëzim Guri i seksionit shqiptar të BBC-së bisedoi me analistin e BBC-së për Evropën Juglindore Gabriel Partosh:


Partosh: Unë mendoj se ky ndikim është, deri diku, i pamatshëm.

Ai ishte një figurë dominuese në politikën kosovare.

Z. Rugova vërtetë që nuk e kishte më pozitën që kishte pasur në vitet 90-të kur ishte krejtësisht i pasfiduar, por edhe pas përfundimit të luftës, ai mbeti personaliteti politik kryesor në Kosovë.

Për më tepër, deri në vdekjen e tij ai ishte politikani që simbolizonte ëndrrën dhe aspiratat e shqiptarëve të Kosovës për pavarësi.

Pikërisht për këtë lidhje të tij dhe të partisë së tij me këtë ideal, ai ishte gjatë gjithë kohës edhe udhëheqësi i kombit të tij, përveç se udhëhoqi një formacion politik që, le të themi, ishte një hap para të tjerëve.

Kjo mendoj se do të ndryshojë tani.

Këtej e tutje do të shohim më shumë një betejë mes të barabartësh të partive të ndryshme politike, sesa dominim të një force që gjithmonë favorizohej nga fakti se udhëhiqej nga babai i kombit, Ibrahim Rugova.

Pyetje: Si e parashikoni ju procesin e zgjedhjes së një pasuesi për presidentin Rugova?

Partosh: Unë pres që të ketë grindje politike, duke filluar që brenda Lidhjes Demokratike që, përgjithësisht, konsiderohet si një lëvizje me fraksione, të cilat u mbajtën bashkë me sukses në sajë të autoritetit të zotit Rugova.

Pra do të ketë nga këto, ndonëse këto fërkime mund të mos jenë publike.

Në fund të fundit, ajo që ka rëndësi, pavarësisht nëse ka edhe grindje apo fërkime të tilla, është se sa shpejt do të sheshohen dallimet, në mënyrë që ekipi negociator të kryejë funkisonin e tij, që institucionet e Kosovës të drejtohen nga udhëheqësit e zgjedhur dhe që të hidhen hapa në bisedimet për statusin.

Pyetje: Si e spegoni faktin se Lidhja Demokratike nuk ka zgjedhur një kryetar të ri të saj që prej dorëheqjes së zotit Rugova, për shkak të postit të presidentit që ai mbjati deri në vdekje?

Partosh: Unë mendoj se ky është një tregues i respektit për zotin Rugova në partinë e tij.

Ata nuk dëshironin ta shkëpusnin këtë lidhje me të.

Prandaj ai mbeti, në fakt, udhëheqësi honorifik i kësaj partie, madje në prapaskenë edhe udhëheqësi jozyrtar i saj, pavarësisht se zyrtarisht nuk ishte më kryetar i LDK-së.

Pra, njëra nga arsyet që nuk është zgjedhur ende kryetari i ri i LDK-së, ishte për të ruajtur në sytë e publikut lidhjen mes kësaj force politike dhe pasurisë së saj më të çmuar, zotit Rugova.

Së dyti, çdo përpjekje për të gjetur një kryetar të ri për LDK-në do të ishte shoqëruar me mosmarrëveshje dhe, potencialisht, mund të kishte shkaktuar përçarje, gjë që nuk e dëshironte ashkush brenda LDK-së.

Ky mund të jetë një spjegim për këtë situatë të çuditshme ku një parti ende nuk ka zgjedhur një pasues për udhëheqësin që ka dhënë me kohë dorëheqjen.

Pyetje: Udhëheqës botërorë kanë shprehur dhimbjen për humbjen e një bashkëbiseduesi të denjë. Për çfarë është më e shqetësuar tani bashkësia ndërkombëtare pas vdekjes së Ibrahim Rugovës?

Partosh: Mendoj se shqetësimi më i madh është nëse mosmarrëveshjet dhe manovrat politike që konsiderohen krejt normale në rastin e vdekjes së një udhëheqësi, aq më shumë kur në këtë rast bëhet fjalë për themeluesin e idesë së pavarësisë së Kosovës, nuk gjejnë zgjidhje brenda një periudhe relativisht të shkurtër.

Nëse kjo çon në zvarritjen e bisedimeve për statusin, atëherë mund të arrijmë në një situate e cila mbart shumë rreziqe.

Në fund të fundit, shqiptarët e Kosovës duan që të kenë sa më shpejt pavarësinë e tyre dhe, sipas gjasave, ata do të marrin diçka që është shumë afër pavarësisë.

Ata janë të vetëdijshëm për këtë.

Çdo vonesë e këtij procesi mund të çojë në akte të reja dhune kundër pakicës serbe, apo ndoshta edhe kundër pranisë ndërkombëtare në Kosovë.

Ky mendoj se është rreziku kryesor.

Pyetje: Pra ju thoni se shqetësimi më i madh i bashkësisë ndërkombëtare është koha që do të duhet për të zgjedhur pasuesin e zotit Rugova dhe jo se cili do të jetë ky pasues?

Partosh: Unë mendoj kështu sepse, në fund të fundit, udhëheqësit e shqiptarëve të Kosovës, pavarësisht nga dallimet e shumta që kanë lidhur me taktikat apo ambiciet personale, nuk kanë thuajse asnjë dallim në faktin se të gjithë duan pavarësinë.

Shumica e tyre janë të vetëdijshëm se duhet të pranojnë një zgjidhje që është pothuajse pavarësi por, në njëfarë mënyrë, me disa kushte, pra një lloj sovraniteti i kufizuar.

Prandaj, pasuesit e zotit Rugova në postet që ai ka mbajtur, nuk pritet të përfaqësojnë ndonjë ndryshim të madh të politikave të tij.

Ndoshta ata mund të jenë më të vendosur, pasi për disa, zoti Rugova ka pasur një reputacion si një politikan i matur dhe në disa rrethana hezitues.

Problemi shtrohet se kur mund të rifillojnë bisedimet, sepse duhet të dihet se kush e drejton delegacionin shqiptar, kush është presidenti i Kosovës.

Sigurisht, i duhet lënë kohë popullit të Kosovës që t'i bëjë respektet e fundit udhëheqësit të tij.

Por, sapo të përfundojë kjo periudhë zie, do të kërkohet që të hidhen hapa dhe të shënohet progres, mundësisht, sa më shpejt.

Pyetje: Çfarë ndikimi do të ketë largimi i zotit Rugova nga skena politike në marrëdhëniet e shqiptarëve të Kosovës me Beogradin, aq më tepër që këto ditë në Vjenë pritej të fillonin bisedimet e ndërmjetësuara nga zoti Ahtisari ?

Partosh: Nuk ka ndonjë arsye që të ndikojë në marrëdhëniet me serbët sepse ata e dinë se në ekipin e shqiptarëve të Kosovës ekziston një unitet kur është fjala për strategjinë kryesore.

Sigurisht, disa zyrtarë serbë kanë shprehur shqetësim se vendin e zotit Rugova, që ishte një pacifist, mund ta zërë një politikan më militant.

Megjithatë, unë mendoj se nuk ka politikan shqiptar në Kosovë që të ketë kërkuar në këtë fazë një reagim militant ndaj qëndrimit të palës serbe apo përdorimin e forcës për arritjen e objektivit.

Kjo spjegohet me faktin e thjeshtë se shqiptarët e Kosovës e kanë kuptuar se janë shumë pranë arritjes së objektivit.

Ata do të marrin pak a shumë atë që dëshirojnë.

Prandaj them se nuk ka ndonjë rrezik të veçantë për palën serbe, përveç faktit se zvarritja e procesit të gjetjes së një zgjidhjeje për statusin, mund të ketë pajoja negative për serbët, sepse mund ta shtojë padurimin që ndjejnë shumë vetë në radhët e shumicës shqiptare të Kosovës.

[Psikologu]

Evropa kujton rezistencën paqësore të Rugovës


Presidenti Rugova do të varroset të enjten në varrin e familjes
Në shtypin e sotëm evropian shprehet shqetësim lidhur me vakumin e pushtetit në Kosovë pas vdekjes në fundjavë të presidentit Ibrahim Rugova.
Gazeta gjermane FRANKFURTER ALLGEMEINE ZEITUNG shkruan se çështja se kush do ta pasojë zotin Rugova do të vërë në provë demokracinë në Kosovë.

Gazeta shprehet së mënyra se si "do të kryhet kjo luftë për pushtet" është më e rëndësishme se sa kush e fiton atë.

"A do të provojë sistemi demokratik i Kosovës se është i qëndrueshëm në masë të pranueshme? ngre pyetjen gazeta.

Gazeta tjetër gjermane FRANKFURTER RUNDSCHAU shkruan se BE-ja do të duhet të luajë një rol aktiv në Kosovë edhe për shumë vite të tjera.

Gazeta argumenton se bashkësia ndërkombëtare nuk duhet të pranojë një ndarje të Kosovës sipas vijave etnike sepse "kjo do të minonte përpjekjet ndërkombëtare gjatë viteve të fundit për një Kosovë shumëetnike".

"Si do që të duket zgjidhja pas negociatash të durueshme, është e qartë se bashkësia ndërkombëtare, ndoshta në formën e BE-së, do të duhet të përgatitet për një lloj roli kujdestar në Kosovë edhe për shumë vite," shkruan gazeta gjermane.

Gazeta austriake DER STANDARD shpreh frikën se vdekja e zoti Rugova ka krijuar një "vakum të rrezikshëm pushteti".

"Për bisedimet e statusit ai kishte transmetuar një ndjenjë drejtimi dhe vetbesimi në vend dhe besueshmëri jashtë," shkruan gazeta.

"Kjo tani nuk ndodh më," shkruan gazeta.

Ajo beson se pa zotin Rugova do të jetë më e vështirë për të shitur idenë se pavarësia e kufizuar me të drejta të mëdha për serbët e Kosovës është "më e mira që mund të arrihet për shqiptarët e Kosovës."

Me këtë ide bashkohet edhe gazeta britanike THE DAILY TELEGRAPH e cila shkruan se ndërsa kosovarët po mbajnë zi për vdekjen e presidentit të tyre, kanë filluar përpjekjet për gjetjen e një pasuesi "për të mbushur vakumin e lënë nga një figurë e fuqishme në negociatat e pavarësisë".

Gazeta citon kreun e administratës së OKB-së në Kosovë Soren Jessen-Petersen që bën thirrje për unitet para bisedimeve me Serbinë, të cilat janë shtyrë për nga fillimi i shkurtit.

"Qëllimi të cilit ai i dedikoi jetën e tij ishte një Kosove e lirë," citohet të ketë thënë Petersen gjatë një mbledhjeje të parlamentit në kujtim të Rugovës.

Gazeta thotë se aleati i Rugovës, Nexhat Daci, kryetar i parlamentit, është ngarkuar me detyrën e presidentit dhe shton se zoti Daci është një nga kandidatët për postin, që duhet mbushur brenda tre muajsh.

"Mbështetësit perëndimorë dëshirojnë që Lidhja Demokratike e Kosovës e Rugovës ta mbushë këtë boshllëk më shpejt."

Gazeta tjetër britake THE INDEPENDENT shkruan se në Kosovë kanë filluar seriozish përpjekjet për të gjetur një udhëheqës tjetër për të drejtuar drejt pavarërisë, pas vdekjes "së udhëheqësit ikonë".

Gazeta shkruan se Rugova është njohur si "Gandi i Ballkanit, për shkak të strategjisë së tij të rezistencës paqësore".

"E ardhmja e Kosovës varet në ekujlibër pas vdekjes së zotit Rugova," shkruan gazeta britanike THE GUARDIAN, në një shkrim nën një foto të madhe të një posteri me foton e zotit Rugova.

"Rugova," shkruan gazeta, "është gati e pamundur të zëvendësohet". Ai ka qenë udhëheqësi për rreth 20 vjet i përpjekjeve për pavarësi.

Gazeta thotë se bashkësia ndërkombëtare është e një mëndjeje se vdekja e tij "nuk duhet lejuar të pengojë procesin drejt zgjidhjes."

"Presidenti Rugova ishte njeri i paqes, i vendosur përballë shtypjes, por i angazhuar thellë në idealet e mosdhunës," shkruan gazeta britanike.

Gazeta FINANCIAL TIMES e titullion lajmin për Kosovën: "OKB-ja bën thirrje për qetësi pas vdekjes së udhëheqësit të Kosovës".

Bashkësia ndërkombëtare, shkruan gazeta, është e shqetësuar se, megjithëse vdekja e zotit Rugova nuk ishte e papritur, ajo mund të pasohet nga debate midis udhëheqësve kosovarë dhe ndoshta mund të nxisë tensione midis shumicës shqiptare dhe pakicës serbe.

"Zoti Rugova nuk jetoi për të parë përmbushjen e ëndrës së tij për një pavarësi të Kosovës," shkruan gazueta.

"Por ai jetoi aq sa të shikonte fillimin e procesit diplomatik që mund të çojë në deklarimin e ndonjë forme të pavarësisë nga fundit i vitit 2006," shkruan gazeta.

Gazeta THE TIMES boton një faqe të tërë dedikuar udhëheqësit kosovar, të cilin e quan "udhëheqësi i vendosur, Gandi i Kosovës, për rezistencën pasive në luftën për pavarësi".

Gazeta boton një shkrim të gjatë për jetën e Rugovës duke theksuar ëndrën e tij për pavarësi.

Gazeta INTERNATIONAL HERALD TRIBUNE boton në faqe të parë një foto të madhe të të shumë kosovarëve që presin t'i bëjnë homazhe presidentit të tyre dhe nën të titullin: "E ardhmaj e Kosovës nën hije nga vdekja e Rugovës."

Duke e quajtur Rugovën "një intelektual që mishëroi shpresat e kosovarëve" gazeta shkruan se "paraqitja akademike e Rugovës dhe pacifizmi i tij i vendosur përballë represionit dhe shkeljes së të drejtave të njeriut nga forcat serbe të sigurisë në rajon i kanë dhënë atij gati një status ikonik në mesin e bashkëkombasve të tij".

[Psikologu]

Homazhe për presidentin Rugova

Arbër Vllahiu
Korrespondent i BBC-së në Prishtinë


Mijëra njerëz në rresht për të respektuar presidentin e ndjerë
Mijëra qytetarë të Kosovës po i bëjnë homazh presidentit Ibrahim Rugova, arkivoli me trupin e pajetë i të cilit është vendosur në hollin e Kuvendit të Kosovës.
Arkivoli me trupin e pajetë të presidentit u vendos në hollin e Kuvendit të Kosovës dhe të parët që i bënë homazh ishin kryeministri i Kosovës Bajram Kosumi me kabinetin qeveritar.

Homazh presidentit Rugova në orët e mëngjesit i kanë bërë figurat e larta politike të institucioneve të Kosovës dhe të partive politike, ish-kryeministri i Kosovës, Ramush Haradinaj, përfaqësues të UNMIK-ut dhe të zyrave diplomatike të akredituara në Prishtinë.

Në mesditë, Kuvendi i Kosovës u hap për homazh për qytetarët e Kosovës, që kanë krijuar një radhë të gjatë, megjithë motin e ftohtë.

Pranë arkivolit po qëndrojnë anëtarë të familjes së ngushtë të presidentit Rugova, kurse në të dyja anët e tij janë vendosur roja nderi të Gardës së Nderit të Trupave Mbrojtëse të Kosovës.

Arkivoli me trupin e pajetë të presidentit Rugova do të qëndrojë në hollin e Kuvendit për tri ditë me radhë, ndërkaq që ceremonia e varrimit të tij është vendosur të bëhet ditën e enjte.

Rruga kryesore në Prishtinë, Nëna Tereze është mbyllur për trafik dhe të gjitha rrugët anësore që çojnë drejt rrugës kryesore janë bllokuar.

Pjesëtarët e Shërbimit Policor të Kosovës kanë marrë përsipër sigurinë në gjithë Kosovës dhe në objektet vitale janë shtuar masat e sigurisë.

Këshilli Ekzekutiv për organizimin e varrimit të presidentit Rugova ka vendosur të dielën që Kosova të mbajë 15 ditë zie, ndërkohë që nga e marta e deri të premten, mësimi në të gjitha institucionet shkollore ndërpritet.

Që nga dita e enjte, kur do të bëhet varrimi i presidentit Rugova, dhe dhjetë ditë të tjera do të pezullohen të gjitha aktivitetet sportive dhe kulturore.

Varrimi i presidentit Rugova do të bëhet në varrezat e dëshmorëve në lagjen Velania dhe në ceremoninë e varrimit pjesëmarrjen e kanë paralajmëruar personalitete të larta politike nga e gjithë bota.

[Psikologu]

Në komunën e Çairit në Shkup është hapur Libri i zisë në nderim të Presidentit Rugova
Shkup, 23 janar - Komuna e Çairit në Shkup me shumicë shqiptare ka hapur një Libër zie në nderim të Presidentit të Kosovës, Ibrahim Rugova.
Kreu i komunës Izet Mexhiti është shprehur se qytetarët shqiptarë të Shkupit "ndajnë dhembjen me familjarët, të afërmit, miqtë e bashkëpunëtorët e Presidentit Ibrahim Rugova". Libri i Zisë do të jetë i hapur nga 23 27 janar.

[Psikologu]

Luftëtarët e Koshares: Me ju President Rugova jemi krenuar edhe në fushëbetejat e luftës

Prishtinë, 23 janar - Shoqata e Veteranëve të Luftës së Koshares të Brigadës 138 "Agim Ramadani" kanë dërguar një mesazh ngushëllimi me këtë përmbajtje:
"Lajmi i hidhur për ndarjen nga jeta të më të dashurit Tuaj dhe Tonit, Presidentit shumë të nderuar dhe të çmuar dr.Ibrahim Rugova, për ne luftëtarët e Kosharës, gjegjësisht për Shoqatën e Veteranëve të Luftës së Koshares të Brigadës 138 'Agim Ramadani' është më shumë se një dhimbje që na kaploi në këtë janar.
Kemi pasur bindjen e plotë që me forcen, kurajon dhe qëndrimin burrërorë të Presidentit tonë të dashur do të jemi dëshmitarë të vulosjes së idealit të tij të nisur, trasuar me guxim, mençuri dhe me sfida nga më të ndryshmet, vulosjen bashkarisht të Pavarësisë së Kosovës.
Jemi krenar dhe përherë jemi krenuar edhe ne fushëbetejat e luftës, me Emrin e Presidentit Rugova, Politiken e tij, vizionin dhe filozofinë e tij, e cila na ka dhënë moral dhe për ne ka qenë udhërrëfim për suksese në beteja.
Qëndrimi burrëror i këtij Burri të Pavdekshëm e të madh të Kombit shqiptar, këtij prijësi të madh, këtij pinjolli të derës së madhe dhe bujare të Rrustë Sadrisë, krahinës kryengritëse të Rugovës, këtij prijetari të Kosovës, të Arkitektit të Pavarësisë së Kosovës, na obligon të gjithë ne që amanetin e tij ta jetësojmë.
Ashtu siç ditëm bashkarisht ta bëjmë luftën do t'ia arrijmë edhe finalizimit të punës maratonë dhe të përjetshme të Presidentit, njohjen e shtetit të Pavarur të Kosovës, të ndërtuar në bazë të parimeve dhe principeve të filozofisë institucionaliste të trasuar nga vet President Rugova, Luftëtari më i Madh për ndërtimin e Institucioneve të Kosovës si shtet.
I falemi dhe përkulemi përjetë para veprës, jetës dhe filozofisë shtetformuese të Presidentit tonë të dashur Ibrahim Rugova. Në këto çaste të rënda për Ju, por edhe për të gjithë Ne, u qëndrojmë pranë duke ndjerë dhe ndarë dhimbjen e përbashkët, me Familjen Rugova, institucionet e Kosoves dhe Kombin Shqiptar në tërësi, thuhet në telegramin e Shoqatave të Veteranëve të luftës së lavdishme të Koshares, Brigada 138 "Agim Ramadani".

[Psikologu]

Liderë botërorë paralajmërojnë pjesëmarrjen në ceremoninë mortore për Presidentin Rugova në Prishtinë

Prishtinë, 23 janar - Pas caktimit të datës 26 janar për varrimin e Presidentit Rugova kanë filluar paralajmërimet liderëve botërorë për pjesëmarrje në cermoninë mortore. Kështu, tashmë është bërë e ditur se Shefi i Politikës së Jashtme të Bashkimit Evropian, Havier Solana dhe kryenegociatori ndërkombëtar për bisedimet për statusin e ardhshëm të Kosovës, Marti Ahtisari do të jenë në Prishtinë për t'i bërë nderimet e fundit Presidenti të Kosovës, Dr. Ibrahim Rugova.
Po kështu, njoftohet se Shqipëria do të marrë pjesë në funeralin e Presidentit Rugova me një delegacion prej 30 anëtarësh, në përbërje të të cilit do të jenë Presidenti Alfred Moisiu, kryeministri Sali Berisha, kryeparlamentarja Jozefina Topalli, sekretari i i Partisë Socialiste Pandeli Majko dhe kryetari i saj, Edi Rama, ish-presidenti Rexhep Mejdani, ish-kryeministri, Fatos Nano dhe drejtues të partive politike të pozitës dhe të opozitës. Për kryeministrin e Shqipërisë, Sali Berisha, dita e enjte e varrimit, do të jetë dita e parë që ai vjen në Kosovë pas shumë paralajmërimeve dhe anulimeve të vizitave të tij.
Po kështu, njoftohet se qeveritë e Holandës dhe të Suedisë, të Shteteve të Bashkuara dhe të Japonisë, tashmë kanë bërë rezervimet në hotelet prishtinase për delegacionet e tyre, që do të marrin pjesë në varrimin e Presidentit Rugova.
Nga vendet e rajonit njoftohet se pjesëmarrjen e tyre e kanë konfirmuar kryetari i Slovenisë, Janez Dënovshek, i Kroacisë Stipe Mesiq, kryetari i Malit të Zi, Milo Gjukanoviq dhe a i Maqedonisë, Branko Cervenkovski Nga Maqedonia vijnë edhe Ali Ahmeti, kryetar i Bashkimit Demokratik për Integrim dhe Arbën Xhaferi, kryetar i Partisë Demokratike Shqiptare.

[Psikologu]

Gjenerali Bek: Rugova ka qenë një mik i madh i të gjithë ushtarëve amerikanë në Kosovë

Prishtinë, 23 janar - Gjenerali amerikan Xheri Bek (Jerry Beck), ish-komandant i trupave amerikane në Kosovë, në mesazhin ngushëllues shkruan:
"Jam jashtëzakonisht i pikëlluar për vdekjen e Presidentit të nderuar Rugova. Unë vërtet e ndiej se ka qenë një mik i madh i të gjithë ushtarëve të Shteteve të Bashkuara, që punojnë në Kosovë. Qesh emocionuar kur e pashë edhe një herë këtu në Shtetet e Bashkuara pasi kisha lënë Kosovën gati dy vjet më parë. Shpresoja të kem rastin ta takoja edhe një herë. Unë i shpreh simpatinë e thellë qeverisë dhe mbarë popullit të Kosovës. Kam kujtime shumë të këndshme nga takimet e mia me Presidentin Rugova dhe shumë të tjerë në qeverinë e Kosovës. Zoti e bekoftë Kosovën", shkruan gjenerali Bek.

[Psikologu]

Presidenti Rugova me punën intelektuale, politike e diplomatike krijoi një epokë


Prishtinë, 23 janar - “Ku ta gjej fjalën – Atë fjalë prej guri? Nga kush do ta huazoj guximin? Kujt t’i vjedhë forcën?”, janë fjalët me të cilat ka përshkruar botën e tij të trishtë emocionale z.Kolë Berisha për humbjen e mikut të tij të ngushtë, dhe arkitektit të pavarësisë e demokracisë së Kosovës, presidentit Rugova.
“Që të mund ta thyej këtë heshtje varri që na ka mbërthyer, tash e tri ditë, jo vetëm ne.
Këtu dhe tash, në këtë sallë, por, krejt Kosovën, tërë botën shqiptare kudo që ajo gjendet,
Dhe – Jo vetëm Atë”, tha sot Berisha në komemoracionin e organizuar nga LDK-ja, për patriarkun e kësaj partie, në Teatrin Kombëtar të Prishtinës, ku merrnin pjesë kreu i saj, ministra, deputetë e qindra përkrahësve të saj dhe të presidentit, shumë nga të cilët nuk kishin arritur të hynin brenda. “E nderuara familje Rugova, miq të pikëlluar, jemi tubuar sot këtu për t’i bërë nderimet, mbase jo të fundit, njeriut që lindi në kohë të huaj, por që, me punën e tij intelektuale, politike dhe diplomatike, e shndërroi atë në Epokë të veten”, tha Kolë Berisha nënkryetari i parë i LDK-së. ai është dukur tejet i pikëlluar, me dhimbjen për humbjen e udhëheqësit të vendit dhe të jetës partiake. “Por, kuf flet loti – fjala nuk ka vend. Ajo heshtë, sepse shpeshherë nuk arrin të shpreh atë që e ndjen shpirti. E, sot, më zëshëm se kushdo tjetër, po flet loti, po flasin sytë, po flasin fytyrat tona të ngrysura, po flet dhembja. Po flet pikëllimi ynë i thellë dhe i pambarim”, tha Berisha.



“I tmerruar nga një ngjarje tragjike që pat ndodhë kohë më parë në atë pjesën tjetër të kombit, një vëlla yni nga matanë kufirit shkroi librin: “Shqipëria – trishtimi im”! E, çfarë do të duhej të them unë sot për Kosovën – këtë pjesë të Atdheut tonë të rrudhur!? Çfarë duhet të thënë unë sot për këtë tragjedinë tonë gjithëkombëtare?”, tha Berisha, duke përkujtuar koincidencat e vdekjeve apo vrasjeve të personaliteteve të shumta në janare gjatë historisë. Ai numëroi vdekjet, të kryetrimit tonë, Gjergj Kastriotit – Skënderbeut, Isa Boletinit, të Bajram Currit, Ismajl Qemalit e Haxhi Zekës.
“Ky janar na vjen si metaforë e zisë dhe e pikëllimit, e lotit dhe e hidhërimit, e vajit dhe e gjëmimit, e mllefit dhe e mallkimit, sepse, dy ditë më parë Vdiq Presidenti!”, tha ai. Berisha tha se nga e shtuna letrat shqipe e humbën prozatorin dhe poetin, kritikun e hollë dhe estetin, autorin dhe bashkautorin e më se një dyzinë librash të zhanreve të ndryshme të krijimtarisë letrare. Berisha tha se në ato, “çaste të stuhishme, kur qerrja e fatit tonë, e kësaj pjese të Atdheut dhe të Kombit, kishte marrë tatpjetn dhe për çd moment pritej të për;lasej në humnerë, kur këtë pjesë të popullit shqiptar po e priste fati i njëjtë me atë të dymbëdhjetë popujve të tjerë, tashmë të zhdukur në këtë pjsë të Evropës”, mori përsipër misionin e mbrojtjes dhe udhëheqësje së popullit shqiptarë, presidenti Rugova. Ai tha se ishin kohë kur Kosova po kërcënohej nga makineria ushtarako-policore dhe paramilitare e Millosheviqit, e cila me brutalitetin dhe barbarinë që kishte, “Kosova rrezikohej të shndërrohej e tëra në një varrezë masive, në një Toplicë të dytë, ose në një park nacional serb, kudo të mbillej një bar i ri me farë joshqiptare”.

“Pra, kur Kosova dhe populli i saj përpëlitej për jetë a vdekje, shkrimtarin e ri, por të shquar shqiptar, e thirri zëri i atdheut, që, përkohësisht ta lë punën letrare, të vehet në ballë të popullit dhe formoi Lëvizjen e parë legale demokratike shqiptare, unifikoi popullin dhe, duke e promovuar për herë të parë në historinë e Evropës, një frymë të re filozofke në politikën e kësaj pjese të Ballkanit dhe të Evropës, aplikoi rebelimin dhe modëgjueshmërinë ndaj pushtetit serb, krijoi institucionet e pavarura, theu propagandën zhurmëmadhe mbi dyçindvjeçare antishqiptare dhe vuri bazat e forta të një shteti të ardhshëm sovran dhe të pavarur”, tha Berisha, ndërsa shfaqi dhembjen që presidenti nuk arriti ta priste njohjen formale të pavarësisë së Kosovës. Ai tha se Kosova në këtë fillimviti, e humbi “qytetarin e parë të saj, intelektualin e shquar, vërtet shqiptar, me orientime proeuropiane dhe properëndimore”. Ai më pas përmendi edhe të bëmat tjera politike të presidentit Rugova, si nismëtar i Deklaratës Kushtetuese–të njohur si Deklarata e 2 Korrikut, të Kushtetutës së Kaçanikut, të Referendumit për pavarësinë e Kosovës, organizatorin e Zgjedhjeve të Para Nacionale dhe Presidenciale shumëpartiake, të cilat shënojnë edhe fillimin e proceseve për realizimin e aspiratave shekullore të kësaj pjese të atdheut dhe të kombit shqiptar.
“Në këtë janar të kobshëm Kosova e humbi Njeriun i cili, me veprimet e tij, i ndërroi rrjedhat e historisë”, tha Berisha, i tronditur për humbjen e njeriut madhështorë pranë të cilit kaloi disa vite si bashkëpunëtorë i tij.
“Në këtë janar të zisë kombëtare, Kosova e humbi arkitektin dhe strategun e pavarësisë së saj”, tha ai duke përkujtuar çmimet dhe mirënjohjet e nderimet për presidentin Rugova, si laureat i Çmimit për Paqe të Fondacionit, Paul Litzer të Danimarkës, fituesin e titullit “Honoris causa (Doktor Nderi)” të Universitetit të VIII të Parisit dhe të Tiranës, të fituesit të Çmimit Saharov të Parlamentit Evropian, të Çmimit për Paqe të Mynsterit të Gjermanisë, të titullit “Qytetar Nderi” të Venedikut, të Milanos dhe të Breshias, fituesin e Çmimit, poashtu, për paqe të Unionit Demokratik të katalonisë në Barcelonë të Spanjës, të titullit “Senator Nderi” të Parlamentit Europian, të mirënjohjes “Mik i Shteteve të Bashkuara të Amerikës”. “E mbi të gjitha, Kosova dhe populli i saj, e humbën Njeriun dhe udhëheqësin e guximshëm historik –me emrin e të cilit lidhet, jo vetëm formimi, zhvillimi, profilizimi dhe rezistenca paqesore aktive e forcës së parë dhe më të madhe politike – Lidhjes Demokratke të Kosovës, por edhe kjo pjesë e historisë mbigjashtëmbëdhjetvjeçare të shqiptarëve të Kosovës dhe më gjerë, e humbi artikuluesin e denj të kërksave për lirinë, pavarësinë dhe demokracinë e Kosovës”, tha ai. Berisha tha se Kosova humbi njeriun dhe intelektualin e mirëfilltë të kalibrit europian, i cili me politikën e tij të urtë, me përcaktimet e tij të snqerta proeuropiane dhe properëndimore, e fitoi simpatinë e fuqisë më të madhe të botës dhe e soli bashkësinë ndërkombëtare në Kosovë.
“Kosova e humbi udhëheqësin e parë të madh shqiptar, i cili, me urtinë e fjalës dhe me madhështinë e veprës së tij jetësore, diti t’i rirreshtojë shqiptarët në përgjithësi, e, këa të Kosovës, në veçanti, aty ku vërtet me shekuj e kishin vendin. Dhe e miqësoi atë, me shumë popuj dhe kombe të endeve me përparimtare të botës, sidomos të asaj perëndimore”, tha ai.
“E humbi njeriun, i cili, siç do të thoshte zëvendësguvernatorja e Pansilvanis, znj.Ketrin Bejker Noll, citoj: “që me frymën e tj të ngrohtë të bashkëpunimit si ideal drejt të cilit aspirojnë të gjithë njerëzit, po punon për ta përmbyllur kornizn ligjore për pavarësinë e Kosovës”, simbolin e unitetit dhe të bashkëpunimit ndërshqiptar në Kosovë dhe më gjerë”, tha Berisha. “Me filozofinë e tij të rrallë Ai vërtetë i kaloi kufijtë kombëtarë.
E quajtën Gandi i Ballkanit, e quajtën Xhorxh Uashington të Kosovës, e quajtën...E, Ai, vazhdonte të ishte vetëm i tilli çfarë ishte – i madhë, tepër i madh për hapësirën në të cilën jetoi dhe veproi”, tha Berisha në përpjekje për portretizmin e tërë personalitetit të Presidentit.
“Një mik i tij i letrave, njëherë pati thënë: “Rugova do të mbetet udhëheqësi unikat në histornë kombëtare, i cli, për më shumë se një dekade e gjysmë, pa polici dhe pa ushtri, pra, pa këto dy segmente elementare të shtetit, udhëhoqi popullin e tj”, tha ai.
Ai do të mbetet gjithmonë President i Kosovës – udhëheqës i saj shpirtëror dhe historik.
Ai punoi tërë jetën, që edhe kur të shkojë në përjetësi, ne të mos na lerë vetëm. Dhe, vërtetë, nuk jemi vetëm. Përreth nesh na la një numër të madh, jashtëzakonisht të madh miqësh. Të falemnderit, zoti President, për të gjitha ato që bëre për Kosovën dhe popullin e saj. Të falemnderit që na ktheve në identitetin tonë europian”, tha në fund Berisha pa mundur të mbajë lotët për njeriun e madhë.

[Psikologu]

Mesazhe ngushëllimi: me dhembje e admirim për figurën e shquar të Presidentit Rugova

Prishtinë, 23 janar - Familjes së Presidentit Rugova dhe krerëve të institucioneve të Kosovës po i arrijnë telegrame të shumta ngushëllimi nga udhëheqës të institucioneve vendore, si dhe nga qytetarë të shumtë nga të gjitha viset shqiptare e nga diaspora. Në të gjitha këto mesazhe ngushëllimi shfaqet admirim dhe respekt për figurën madhore të Presidentit Rugova, i cili me vizionin e tij filozof ik e shpëtoi popullin e Kosovës nga humnera e sigurt, duke i vënë kështu themelet e shtetit demokratik të Kosovës.

Humbja e Presidentit Rugova është humbje për gjithë regjionin e më gjerë

Partia e Prosperitetit Demokratik në Ulqin: "Besojmë që kosovarët do të kenë forcë të përmbledhin vehtën menjëherë pas kësaj të keqe dhe do të dijnë të vjelim frytet më të mira të rrugës dhe platformës shqiptare për shtetësinë e Kosovës, kreator dhe zëdhënës i së cilës që bëri zoti Rugova. Vlerësojmë se humbja e dr.Rugovës, përveç se për kosovarët është një humbje për gjithë regjionin e më gjerë, sepse koncepti i tj i dueimit, tolerancës, por edhe i zgjuarsisë e vizionit që personifikoi, bëri që ai të jetë shëmbëlltyrë me të cilën do të udhëhiqen të gjithë popujt e shtypur për liri në të gjitha kohët", Osman Rexha, kryetar.

Kosova humbi rilindasin dhe humanistin
Shoqata e Miqësisë Franko-Shqiptare nga Franca: - Kosova humbi rilindasin dhe humanistin që veproi me strategji diplomatike dhe paqesore në favor të lirisë dhe pavarësisë së Kosovës dhe hapi rrugën e një procesi të ri të shtetit të Kosovës së pavarur dhe sovrane.
Ne shqiptarët në Francë dhe kudo e ndajmë dhimbjen për ndarjen fizike të dr.Ibrahim RugovësShpresojmë se Qeveria dhe institucionet e Kosovës do të veprojnë që pavarësia e Kosovës të realizohet dhe misionet diplomatike të shndërrohen në ambasada në shtetin e Kosovës, - thotë në mesazhin e tij, Shaqir Shabani, kryetar.

Sindikata e Pavarur Energjetike e Kosovës:- Vdekja e Presidentit të Kosovës ndodhi në momentet më vendimtare për Kosovën, por shpresojmë se kjo nuk do t’i ndalë proceset, dhe se udhëheqësit dhe populli i Kosovës do të gjen kurajë dhe forcë që kjo të tejkalohet në mënyrë që të arrimë synimin e tij dhe tërë popullit të Kosovës e kjo është Pavarësia e plotë e Kosovës.

Dega e Forumit Rinor të LDK-së për Beneluks: - Lajmi për vdekjen e Presidentit tonë Dr. Ibrahim Rugova na goditi shumë rëndë. Presidenti Rugova me urtësi dhe largpamësi për më shumë se një dekadë na priu në rrugën e lirisë, pavarësisë dhe demokracisë së Kosovës. Presidenti Rugova si një prind i mirë udhëhoqi Kosovën, Shtëpinë e madhe, sic e quante ai shpesh, në rrugën drejt pavarësisë së saj. Ai burrështetas vizionar, me cilësi të larta njerëzore u kthye në një udhërrëfyes të vërtet për ne, rininë e Kosoves, mbrenda e jasht saj. Ai u nda nga kjo botë në momentet më të rëndësishme historike për popullin e Kosovës. Ne mbesim krenar që patëm President Dr. Ibrahim Rugovën ne mesin tone, Presidentin i cili kultivoi në ne frymën e tolerancës të paqes dhe unitetit, thotë në këtë mesazh, Valon Halimi, kryetar i këtij Forumi.

Partia Egjiptiane e Kosovës: - Me rastin e vdekjes së Presidentit të Kosovës, Dr Ibrahim Rugova, Z. Bislim Hoti, kryetarë i IRDK-së, në emër të komunitetit Egjiptian të Kosovës, shpreh ngushëllimet më të sinqerta për familjen e Presidentit Rugova, popullin e Kosovës, si dhe për Lidhjen Demokratike të Kosovës.
Duke e ndarë pikëllimin për humbjen që tronditi popullin e Kosovës, Partia Egjiptiane e Kosovës në të njëjtën kohë fton popullin e Kosovës që të jetë me dinjitet, Bislim Hoti, kryetar.

[Psikologu]

Presidenti Rugova do të mbetet sinonim i urtësisë, i sakrificës dhe krenarisë kosovare

Prishtinë, 23 janar - Me pikëllim të thellë morëm lajmin për vdekjen e Presidentit të Kosovës, z.Ibrahim Rugova. Jeta dhe puna e tij për krijimin e shtetit të Kosovës është gurthemel për të tjerët që ndjekin atë rrugë.
"Në emër timin dhe të Odës Ekonomike Amerikane ju lutem pranoni ngushëllimet tona për njeriun i cili promovoi aq shumë pavarësinë, paqen dhe stabilitetin e Kosovës dhe të rajonit. Ai ishte dhe do të mbetet sinonim i urtësisë, i sakrificës dhe krenarisë kosovare.
Puna dhe angazhimi i Presidentit Rugova për promovimin e paqes dhe stabilitetit janë dhe do të mbesin kushti themelor për zhvillimin e Kosovës dhe rajonit.
Ne gjithmonë do ta kujtojmë Presidentin Rugova dhe do të jemi krenar për njeriun që deri në frymën e fundit e ndoqi rrugën e pavarësisë", thuhet në telegramin e dërguar nga znj.Mimoza Kusari – Lila, drejtore ekzekutive e OEA-së.

Mesazhe ngushëllimi: Njeriu që rrezatonte siguri e shpresë

Instituti Shqiptar në St. Gallen: Vdekja e Presidentit Ibrahim Rugova preku thellë shumë zemra. Dr. Ibrahim Rugova ishte figura që rrezatoi siguri e shpresë gjatë gjithë rrugës sa udhëhoqi Kosovën. Ai i priu një ideali historik. Vepra e tij do të mbetët shembull i një karakteri të veçantë. Pasardhësit e tij do ta kujtojnë përherë si burrë shteti, diplomat, letrar. Ibrahim Rugova mbetet figura më emblematike e rajonit të Ballkanit. Patriotizmi i tij ishte shembull, kërkonte të drejtat e popullit të tij, por duke i pranuar edhe të drejtat e pakicave tjera në shtetin që po priste ta njihte bashkësia ndërkombëtare, thotë në mesazhin e tij drejtuesi i këtij instituti Zef Ahmeti.
Shoqata Kosovare për Ndërtim të Rrugëve: “Sot Kosova humbi një njeri të madh, një vizionar dhe njëkohësisht një misionar të paqes. Ai nuk arriti ta realizoj dëshirën e tij për Pavarësnë e Kosovës, por kosovarët gjithmonë do ta kujtojnë atë dhe do të festojnë pavarësinë e Kosovës me kujtimin e tij, Eljesi Surdulli, drejtor ekzekutiv i SHKNRR.
Deputeti i PDSH-s, Xhevdet Nasufi: "Vdekja më ka prekur thellë, por ngushllohemi nga veprat e mëdha që ia la popullit të Kosovës".
Kryeshefi i Ekzekutivit, Agron Shurdhani: “Ideali dhe kujtimi për udhëheqjen e tij të urtë do të na mbajë të bashkuar dhe në miqësi me popujt, në të mirë të Kosovës e të popullit shqiptarë".
Partia Forcat e Reja Demokratike – Shkup: “Presidenti Rugova me punën dhe angazhimin jetësor politik simbolizoi lirinë dhe pavarësinë e vendit.
Duke nderuar punën dhe veprën e Rugovës, populli i Kosovës po hapëron sigurt drejt pavarësisë së vendit", Hysni Shaqiri, kryetar.
Partia për Veprm Demokratk – Forumi i Gruas i PVD-së - Preshevë: "Ndajmë dhembjen me familjarët e z.Rugova, Qeverinë e Kosovës dhe gjithë popullin shqiptarë për humbjen e Eruditit të madh të çështjes së Kosovës dhe çështjes kombëtare shqiptare. Shprehim bindjen se do të trasojmë rrugën e dr.Rugovës drejt realizimit të ëndrrës së tj për pavarësinë e Kosovës", Edita Kamberi, kryetare.

Prof. Dr. Lutfi ALIA - Legatumori senese – Itali: - Vdekja e parakoheshme e Presidentit Ibrahim RUGOVA, e ka hidheruar Kosovën dhe te gjithe shqiptarët kudo në botë. Bashkendaje pikellimin per kete humbje të madhe e të dhimbeshme me familjen, te ciles i shpreh ngushullimet mia me te sinqerta.
Presidenti Rugova, udhehoqi me urtesi e dinjitet popullin kosovar ne rrugen pavaresise e te integrimit ne Europe. Me vizionin e tij për të ardhmen e Kosovës u bë prijësi i qëndresës qytetare, simbol i pavaresise e i bashkimit tëe popullit kosovar. Vepra e tije ka vendin e merituar në historinë e re te Kosoves, si figura më e fuqishme politike. Me ndarjen e parakoheshme nga jeta te Presidentit Rugova, Kosova humbi liderin historik, i cili ia kushtoi jetën mbrojtjes dhe promovimit të të drejtave të popullit kosovar". Asociacioni Familjar i Mjekëve të Kosovës (AMFK): Pranoni ngushëllimet tona me të thella me rastin e ndarjes nga jeta fizike e presidentit të kosovës dr.Ibrahim Rugova.
Presidenti Rugova në periudhat më të vështira për popullin e kosovës jetësoj strategjinë e rrugëtimit për liri, demokraci dhe pamvarësi të kosovës. Momenti i ndarjes nga burrat e tillë është i dhimbëshëm, por edhe krenarë se jetuam në epokën e tij", shkruan dr. Valdet Hashani, kryetar.

[Psikologu]

Flamuri amerikan ulet në gjysmë shtizë në Prishtinë


Prishtinë, 23 janar - Në një ceremoni të shkurtër të mbajtur sot në Zyrën e SHBA-ve në Prishtinë, shefi i misionit Philip Goldberg udhëhoqi uljen e flamurit amerikan në gjysmështizë për të nderuar Presidentin e ndjerë të Kosovës Ibrahim Rugova. "Të shtunën, kur dëgjova për vdekjen e Presidenti Rugova, thashë se Kosova ka humbur një udhëheqës të madh. Por, ne në SHBA humbëm një mik të madh dhe të përkushtuar", u shpreh Golberg.
"Në botë nuk ka shumë udhëheqës apo popuj të cilët kanë aq shumë dashuri dhe respekt për Shtetet e Bashkuara sikur që pati Presidenti Rugova dhe ka populli i Kosovës. Dhe si rrjedhojë e respektit për të, respektit për miqësinë e tij me Shtetet e Bashkuara dhe respektit për popullin e Kosovës, unë e ndjej se është shumë e qëlluar që edhe ne të lëshojmë flamurin amerikan në gjysmështizë gjatë kësaj periudhe të zisë. Kjo ka një domethënie të madhe për ne dhe jam i sigurtë se do të ketë edhe për popullin e Kosovës gjithashtu", theksoi z.Goldberg, ndërsa ulej flamuri i SHBA-së në gjsymështizë nga komandanti i njësisë së Marinës së SHBA-ve.
"Presidentin Rugova e njoha shumë mirë gjatë këtij një viti e gjysmë të fundit. Për herë të parë e takova para njëmbëdhjetë viteve në Uashington, dhe përveç asaj që ai bëri si udhëheqës – dhe me të vërtetë si një simbol i Kosovës për botën – unë e njoha atë edhe si një njeri shumë të këndshëm dhe të përzemërt. Dhe mendoj se tani do të ishte e drejtë që, gjersa dëshirojmë dhe lutemi që shpirti i tij të pushojë në paqë, të ndalemi për një çast – para se të largohemi nga kjo kohë shumë e ftohtë - dhe të mbajmë një minutë heshtjeje në përkujtim të tij, dhe për një të ardhme të ndritur këtu, dhe për të mbajtur në mend këtë mik të madh tonin", theksoi z.Goldberg, duke nderuar së bashku me punonjësit e Zyrës së SHBA-ve po mbanin një minutë heshtje.

[Psikologu]

Klubi Politik i Ballkanit: Të rrojë përgjithmonë kujtimi për Ibrahim Rugovën

Sofje, 23 janar - Lajmi tragjik për vdekjen e anëtarit themelues më të çmuar të Klubit Politik të Ballkanit, presidentit të Kosovës, z.Ibrahim Rugova, na ka shokuar thellë. Vdiq njeriu tek i cili zuri fill shpresa për paqe dhe mirëkuptim në Ballkan.
Ne besojmë që veprat e tij do të vazhdohen dhe ndërlidhen në kohët që vijnë.
Të rrojë përgjithmonë kujtimi për të!

Në emër të Klubit Politik të Ballkanit: Zhelo Zhelev, kryetar i Republikës së Bullgarisë (1990- 1997) dhe kryetar i Klubit Politik të Ballkanit Emil Konstantinescu, kryetar i Republikës së Rumanisë, anëtar i Bordit Menaxhues të Klubit Politik të Ballkanit Ljubisha Georgievski, drejtor Teatri, ish-ambasador i Maqedonisë në Sofje dhe anëtar i Bordit Menaxhues të Klubit Politik të Ballkanit.

[Psikologu]

Reagime të mërgimtarëve tanë pas vdekjes së presidentit Rugova, në Nju Jork
BEQIR SINA

Nju Jork: Përkujtohet dhe vlerësohet lart figura e presidentit Ibrahim Rugova


ARTHURE AVENUE - BRONX (NY) Përkujtohet dhe nderohet me pjetete të larta vepra dhe puna e presidentit Rugova në Shtetet e Bashkuara të Amerikës nga komuniteti ynë. Ai po vlerësohet kudo si një figurat më të larta të fund shekullit dhe shekkullit të ri. Në zyrën e degës së Lidhjes Demokratike të Kosovës, në Nju Jork, flamujt janë ngritur në gjysmë shtizë, dhe janë vendosur portrete të tija me me shiritin e zi,. Mijëra bashkëatdhetarë nga të gjitha viset e Kosovës, Luginës së Preshevës, Maqedonisë, Shqipërisë e Çmëarisë si dhe nga diaspora, qëndruan në radhë të gjatë për të përcjellur ngushëllimet dhe për t'u nëshkruar në librin e ngushëllimeve vendosur në hyrjen e zyrës së degës së LDK-ës, ku prisnin z Agim Rexhaj me kryesin e kësaj dege për Nju Jork e rrethe. Gazeta kombëtare Bota Sot, mori përshtypjet e disa prej atyre që u nënshkruan në librin e zi përshtypjeve.


- Në shenjë nderimi për Presidentin e Kosovës, Dr Ibrahim Rugova, President historik i Pavarësisë së Kosovës. Pikëllimi, tronditja e dhembja për humbjen e tij na goditën thellë, sepse me humbjen e Presidentit të Pavarësisë, të personalitetit të përmasave të mëdha, Kosova humbi njeriun dhe udhëheqësin, i cili, me frymën e mendimit e të veprimit të tij integrativ, me këmbënguljen e qëndresën e pashembëlltë, me guximin e vizionin e atdhetrait të pashoq, nuk u ndal asnjëherë në përpjekjet e tij për realizimin e pavarësisë, të demokracisë e të sovranitetit të Kosovës.


Agim Rexhaj - kryetar i degës së LDK-ës


Presidenti i Kosovës dr. Ibrahim Rugova do të jetojë ndër shekuj në kujtimet e çdo shqiptari, për urtësinë, mënçurinë dhe patriotizmin e pashoqë kombëtar. Ideator dhe artikuluesi i Pavarësisë së Kosovës.


Dervish Jahjaga - Gazetar e publicist, redaktor përgjegjës i gazetës Bota Sot, në Nju Jork.


Për njeriun e madh të Kombit, për njeriun që gjithë jetën ia kushtojë Kombit, Lirisë, Demokracisë dhe Pavarësisë së Kosovës.


Marijan Cubi - N/kryetar i degës së LDK-ës kryetar i këshillit të Kishës shqiptare katolike" Zoja e Shkodrës" Harstdale(NY)


Me respekt të madh ndaj Presidentit të Kosovës. Njeriut të madh që punoj gjithë jetën e tij për liri demokraci dhe për një jet më të mirë të gjithë popullit shqiptarë.


Lek Gojçaj - Aktivist i njohur në komunitet afarist i suksesëshëm



Lavdi i Zotit Rugova - Stimuluesi i popullit tonë për fitore



Agim Muja - Anëtarë i kryesisë së degës së LDK-ës.



Jamë krenarë që pata rastin të jemë ushtarë i juaji - i lehtë të qoftë dheu i Kosovës.


Musa Dakaj - Aktivist i dallur në komunitet


Ngushëllimet më të sinqerta dhe më të dhibëshmet. Për njeriun më të madh të kombit tonë. I përjetëshëm qoftë kojtimi i tij



Musli Mulosmani - Legalistë veteran e aktivist i dalluar në komunitet.


Presidenti Rugova e udhëhoqi popullin e Kosovës në kohë sprovash në momentet më historike dhe fitoi respektin e dashurinë e shqiparëve dhe mbarë botës për mbrojtjen e demokracisë dhe paqes.


Dr Ramadan Gashi - Anëtar i kryesisë së degës së LDK-ës.



Rugova vlerësohet lartë për rolin historik dhe guximin politik që motivonte atë në mbrojtjen e të drejtave demokratike të popullit të Kosovës, si dhe në punën e tij në rivendosjen e paqës dhe pajtimit në rajon.


Sejdi Hysenaj - Aktivist i dalluar në komunitet.


Ne deputetët e Kosovës që jetuam me frymën e tij - do t'a çojmë amanetin e tij në vend. Pavarësia e Kosovës e zvogëlon dhimbjen për ne të gjithë


Samije Zeqiraj - Deputete e Parlamentit të Kosovës nga LDK-ja


Të qoftë i lehtë dheu i Kosovës - Ëe Loved You to lot R.I P God Bless You


Shqipe dhe Safet Biba - Aktivist të njohur në komunitet


I përjetëshëm qoftë kujtimi i Presidentit të Kosovës dr Ibrahim Rugova. Ai nuk ishte thjesht një lider politik ai ishte një misoner që kishte marrë mbi vete misionin e madh të lirisë, demokracisë, paqes e pavarësisë së Kosovës. Paçin fatë shqiptarët të kenë një Rugovë tjetër që të çojë përpara atë që la pas vetes Presidneti Rugova. I lehtë dheu i Kosovës.



Dalip Greca - Gazetar dhe kryredaktor i gazetës shqiptaro - amerikane Illyria



Vepra e Dr Ibrahim Rugovës është vula e pavarësisë së Kosovës - Lavdi triumfit të Kosovës


Adem Saliu - R. I. & MA
Kemi patur fat që kemi njohur në zyrën e tij në vitet 1980- dr Ibrahim Rugovën. Dr Hamdi Oruçi bashkëshorti i im ka patur korrespondëncë të rregullt me Të dhe kurdoher që ka ardhur në Nju Jork ai është takuar me Të. Mendimet dhe opinionet për Kosovën ishin që ajo t'i bashkohej me Shqipërinë ishin të njejta. Më vjen shumë keq që morëm lajmin e hidhur të vdekjes së parakohëshme


Lumto Oruçi - Bashkëshortja e të ndjerit dr Hamdi Oruçi - intelektual patriot dhe atdhetar e anti -komunistë i shquar në bashkësinë shqiptare në SHBA-s.

Lajmi i vdekjes së Presidentit Ibrahim Rugova ishte një tronditje e madhe për të gjithë ne shqipfolësit kudo në botë. Ne humbëm një lider bashkëkohor i cili punoi , mendoi dhe veproi me një mënçuri të rrallë - për të ndryshuar dhe drejtuar Kosovën në rrugën e drejtë. Ai ndrroi edhe imazhine shqiptarëve. E ardhëmja e Kosvës do të ketë përpara vepërën dhe aspiratën e Tij. Le të na bashkojë kjo dhimbje për të parë edhe më larg dhe më kthejllt në hapsirën shqiptare.



Shqipe Nebiaj - Inxhinere Mekanike - Long Island Nju Jork

Ibrahim Rugova, me zemrën e madhe të Nënë Terezës dhe me fuqinë pashoqe të mendjes si mbishpatë të Gjergj Kastriotit Skenderbeut, u ka hap' udhën shqiptarëve në krahë të kombeve të përparuara e të civilizuara. Urtësia, mençuria e dhembja njerëzore janë tani pasuri shpirtërore e shqiptarëve, dhuratë historike që përmes Ibrahim Rugovës iu shpalos edhe njëherë me dinjitet botës në këtë fillim shekulli të ri. Rugova do të mbetet pëllumbi i bardhë i shqiptarëve.


Sami Mulaj, Inxhinier - Nju Xhersi, SHBA
Krenohemi si komb që të patëm


Ali Zalli Prof . Fizikës dhe Kimisë në Nju Jork
Lavdi punës dhe vepërs së njeriut të shejt - Presidentit të Pavarësisë së Kosovës i cili do të jet i pavdekëshëm . Me pikëllim dhe hidhërim të thellë


Shaban Lipa - Anëtar i kryesisë së degës së LDK-ës.
Lavdi presidentit Rugova, i cili ishte një ndër figurat më popullore të Kosovës që ka kontribuar në vetëdijsimin ndërkombëtar për shqetësimet e popullit të Kosovës. Këtë e ai e ka bërë gjithnjë më mjete paqësore, respekt e mënçuri



Ramiz Muriqi - Ish komandat i UÇK-ës|
Presidenti Rugova ndërroi jetë. Ky lajm ishte shokues për të gjithë shqiptarët, të cilët nuk mund t'a kuptojnë Kosovën pa Të dhe për një moment u ndjenë vetmitarë
por krenarë dhe më të fortë se kurrë.


Agim Karagjozi - Kryetar i Federatës PanShqiptare të Amerikës VATRA
Kosova është tani këmbëkryq e ulur në sofrën e madhe të kombeve...prandaj të perulemi me respekt për jetn e ndritur të presidentit Rugova, që edhe me vdekjen e tij krenarisht i dha Kosovës lajmin e Pavarësisë. E gëzoftë Kosova Pavarësinë dhe gjithmonë të pa shuar me nder e lavdi edhe dashurinë e madhe e nderimin për birin e saj, Ibrahim Rugovën, babain dhe presidentin e Pavarësisë së Kosovës.



Sylë Lajçi - N/kryetar i degës së LDK -ës për Nju Jork e rrethe
Me dhimbje të madhe shpreh ngushëllimet e mija - Famijes Rugova, L.D.K-së dhe mbar kombit shqiptarë.


Burhan Mela - Afaristë i suksesëshëm në komunitet
Me hidhërim të madh mësuam vdekjen - Zoti e bekoftë


Bashkim Abdullahu - Shoqata Atdhetare "Dibra" në Nju Jork
Other Albanian "leaders" should look to Dr. Rugova as a role model and recognize that he had the support of many because they respected him and his dedication to a crucial Albanian cause, not because they feared him or thought they could use him to advance their personal agendas. Kosova's independence is near, and when the chapter is written about this episode in history, the biggest hero of this struggle will undoubtedly be Ibrahim Rugova. And he never picked up a gun or fired a shot. My condolences to the Rugova family. Ibrahim Rugova - rest in peace.


Gary Q . Kokalari Intelektal I njohur shqiptaro - amerikanë
Vdekja e tij humbje e madhe për gjithë popullin shqiptarë . I leht i qoftë dhehu i Kosovës


Lavderim Cami - Ish kryetar i Shoqatës Atdhetare "Dibra" në Nju Jork
Shqiptarët janë krenare që patën një Ibrahim Rugovë. Kosova, tani është e sigurtë në të ardhmën e saj, sepse e ka veprën e punën që la pasë presidenti Rugova. Le të pushojë i qetë në parajsë, dhe i leht i qoftë dheu i Kosovës.


Fatbardh Kupi, Ndrec Gjergji, Muharrem Kupi, Sokol Kupi, Ali Ukiqi


Populli i Kosovës humbi dy shtyllat më të mëdha të të saj. Dy njërëzit më të mëdhenjë të paqes, lirisë dhe pavarësisë së saj. Kjo ishte një humbje e madhe në prag të pavarësisë së Kosovës. Shumë shpejt Kisha Katolike shqiptare në Amerikë "Zoja e Shkodrës" në Harstdale Nju Jork, do të mbaj një meshë të përshpirtëshme për dy këto figura të mëdha të kombit tonë.


Dom Pjetër Popaj - i Kishës Katolike shqiptare në Amerikë "Zoja e Shkodrës" në Harstdale Nju Jork,
Personalisht jamë shumë i pikëlluar për këtë lajm të hidhur. Dr Rugova kishte ëndërrën, amanetin e të parëve të tij për të pasur një Kosovë të lirë dhe krenare. Ai u nda nga ne në këtë ditë ditë të trishtuar dimri, duke punuar deri në sekondën e fundit të jetës për pavarësinë Kosovës e trojeve dardane ….


Ylli Dosku – Gazetarë shqiptaro - amerikanë


Këtë vdekje e përjetuam si një humbje të madhe që përjetoj çdo shqiptarë. Kjo ishte një vdekje e rëndë pasi e gjeti populline Kosovës, para përpjekjeve të tija për pavarësi. Jemi të bindur se presidenti Rugova e ka lënë të trasur rrugën e pavarësisë së Kosovës. Por kjo do të varet se si do 'ta përcjellën shqiptarët këtë rrugë . Të punojmë të gjithë që të arrijmë qëllimin që la Rugova - pavarësinë e Kosovës.



Çelë Çelaj - Magjistër i Diplomuar në kriminilastik - Anëtar i kryesisë së degës së LDK-ës
Kjo ishte ndoshta dhimbja më e madhe që unë kamë përjetuar ndonjëher në jetën time. Shfrytëzoj rastin ti shpreh ngushëllimet e mija famijes Rugova, LDK-ës dhe gjithë popullit të Kosovës. Me një shpres të madhe që puna dhe vepra e tij të realizohen me pavarësinë e Kosovës, për atë që luftoi e punoi gjithë jetën dr Ibrahim Rugova.


Sadri Muriqi - Inxhinier në profession anëtar i kryesisë së degës së LDK-ës.

[Lona]

Ngushellime edhe nga Bushi

Presidenti i Shteteve te Bashkuara të Amerikës, George Bush i ka dërguar një letër familjes së Presidentit Rugova dhe popullit të Kosovës, në të cilën shpreh pikëllimin e thellë për vdekjen e presidentit Ibrahim Rugova.


“Presidenti Rugova për shumë vite udhëhoqi fushatën për paqe dhe demokraci në Kosovë, dhe fitoi respektin e botës për qëndrimin e tij parimor kundër dhunës. Shtetet e Bashkuara kanë humbur një mik të vërtetë, shkruan presidenti Bush.
"Gjatë viteve të konfliktit, Ibrahim Rugova ishte zëri i arsyes dhe maturisë që i ndihmoi popullit të Kosovës për të vënë bazat për një të ardhme paqësore. Humbja e këtij zëri, në këtë kohë vendimtare, është posaçërisht tragjike për Kosovën. Më lejoni t’ju siguroj se Shtetet e Bashkuara mbesin të përkushtuara për të punuar me të gjithë njerëzit e Kosovës për ndërtimin e një ardhmërie që është stabile, demokratike dhe përparimtare", vazhdon presidenti amerikan.
"Në emër të popullit të Shteteve të Bashkuara, unë dhe bashkëshortja ime Laura, i shprehim ngushëllimet tona familjes së presidentit Rugova dhe gjithë popullit të Kosovës”, thuhet në letrën e presidentit amerikan George Bush.
/ 24 01 2006/V.H.

[Urata]

Kosova pa Rugovën


Shkruan: Ali Alaj


Kosova është mbërthyer në një pikëllim të thellë, kurse dhimbja ka pllakosur secilën shtëpi, familje e individ anekënd tokave arbërore. Kosova dhe shqiptarët këto ditë kanë mort. Ky vend dhe ky popull humbi liderin dhe presidentin e vet, njeriun e sfidave, vizioneve, projekteve dhe bëmave dhe sakrificave sizifiane për ta arritur lirinë dhe për ta ndërtuar pavarësinë. Kosova mbeti pa Ibrahim Rugovën,pa presidentin plebishitar, pa njeriun e vullnetit,ambicieve dhe të drejtave reale për të qenë zot të vetës, të tokës së tyre,të fatit dhe ardhmërisë. Lider dhe aktivist i devotshëm, urtak, por këmbëngulës- ky do t’ishte portreti i fuqisë së personalitetit dhe karakterit të Ibrahim Rugovës, të cilit i takojnë dy dekadat e fundit dhe do t’i përkasin shekujt e ardhëm të historisë shqiptare dhe të lirisë dhe demokracisë së përbotshme. Presidenti ynë i ndjerë, i ka kaluar caqet tona nacionale, ato Ballkani dhe europiane, për të hyrë në orbitën e përbotshme të shtetarëve më me famë, sepse ai është një nga ato figurat morale, që janë të pakte, në botën shqiptare po se po, por edhe në arenën ndërkombëtare.
Duke e ndjekur biografinë e dr. Rugovës, në të e gjejmë gjithë inventurën e veprimeve të tij në funksion të lirisë dhe të Kosovës sovrane, duke gjetur njëherësh rrënimin e koncepteve të vjetra dhe ngritjen e mendimit të ri politik dhe nacional, si mjeti më impresiv i bindjes së botës për dimensionet alarmante të katrahurës shqiptare,si mjet e rrugë për të fituar përkrahjen e domosdoshme te kancelarive vendimmarrëse të botës dhe për të ngritur miqësitë që ne shqiptarët kurr s’i kishim pasur, meqë thuaja gjithmonë rreshtoheshim në anët e gabueshme. Duke e paralajmëruar ngritjen e këtij koncepti, Rugova njëkohësisht kishte paralajmëruar (që më 1989) se çelësi i çështjes shqiptare dhe i Kosovës ne veçanti ndodhej në Washington, pra në metropolet e fuqisë numër një në botë – SHBA. Edhe pse ishte fjalëpakë, edhe pse ishte i butë nga zëri, ai fuqishëm e projektoi Kosovën në Perëndim, dramën dhe tragjiken shqiptare dhe të Kosovës. Rugova, prej jave në javë nga Prishtina, por më shpesh gjatë vizitave të tij qendrave botërore, ua thoshte dhe ua përsëriste: Kosova nuk po kërkon shumë – veçse liri dhe pavarësi,vlera që e bëjnë lirinë universale të njerëzimit. Në këtë mision Rugova udhëtoi shumë, edhe pse kishte individë edhe brenda LDK-së që përpiqeshin ta lidhnin për ndërtesën e Shoqatës së Shkrimtarëve. Ambicjeve të tilla komplotiste, Rugova u përgjigjej: ta bëjmë lirinë dhe pavarësinë dhe do kemi kohë të merremi me veten tonë. Ta heqim qafe njëherë Serbinë okupatore. Kosovës nuk i duheshin, por nuk i duhen as sot përleshje brenda shqiptare. Vetëm njerëzit e mëdhenj, me vizione me kuptim të detyrës dhe rolit që ua ka determinuar historia, me elegancë, me urti, i kapërcejne sfidat e tilla. Rugova e bëri një kapërcim të tillë, të domosdoshëm. Të shpresojmë se edhe të tjerët pas tij do të ngritën mbi veten dhe interesat e tyre meskine dhe do te sillen e të veprojnë si burra shteti.(Këtu mendoj para së gjithash për njerëzit që janë në ekipin negociator të Kosovës, sepse disa prej tyre, së paku deri më tash, kanë qenë të prirë nga gama primitive të mentalitetit përjashtimor, aferoman, gati grindavec, ”cilësi” këto që ua zbehin gjasët të marrin mbi supe misionin e shejntë të përmbylljes së shtetformimit).
Që nga 28 qershori i vitit 1989(atë ditë Milosheviqi afër Prishtinës kishte mbledhur nja 1 milion serbë të etshëm për gjak dhe kërcnonte me luftëra) kur Ibrahim Rugova e tha atë fjalinë e famshme për gazetën gjermane “Spiegel” se: ”Nëse pozita e shqiptarëve dhe Kosovës shkallzon edhe mëtej, ne do të ngritemi në kryengritje”, gjithkushi, brenda dhe jashtë – në arenën e politikës botëror- e pa këtë njeri të vendosur për t’u bërë artikuluesi, mbrojtësi dhe afirmuesi i të drejtave nacionale dhe shtetare të shqiptarëve dhe të Kosovës. Intervista e sipërpërmendur vërtet u bë kasnecë e një lideri të ri, të vendosur, trim e të pakompromis për tu vënë në shërbim të lirisë së popullit të vet. Ibrahim Rugova mori vendimin e vet hisorik – do të sakrifikohet për popullin dhe për Kosovën. Doli se ky ishte edhe vendimi hisorik për vetë Kosovën. Sepse, së pari lindi shpresa, e mandej edhe besimi se dyzetvjeçari i hajthshëm, do të lirojë nga shtati dhe shpirti i tij energjinë e sfidimit të një okupatori gjakatar, që në hisorinë shqiptare kishte hapur me mija e mija varre. Kishte djegur e shkatërruar dhe kishte dëbuar shqiptarët nga toka dhe nga vatra e tyre. Rugova na atë nismë ishte i vetëm, sepse ai nuk e begeniste komoditetin në ballafaqim me sakrificën për tokën dhe për popullin që e kishte lindur e rritur. Letrari i afirmuar, nisi si politikan fillimtar, meqë idea prijetare e tij ishte më e përmasëshme se hapësirat kosmike.
(Fillim korriku I 1990, vetëm një javë pasi Serbia e kishte riokupuar Kosovën, Ibrahim Rugova kishte kaluar nëpër një dëshmi në Parlamentin Evropian dhe I kishte tronditur njerëzit që e kishin bërë audiencën e “Gandit Ballkanas”, sepse ky njeri, terrorit dhe vrasjeve serbiane, po u përgjigjet me opcionin e paqes. Ky qenka zëri i vetmuar në shkretëtirë, zëri i ndërgjegjës së një populli që një regjim satanik e paska futur në rrathët e ferrit, kishte qenë mendimi intim i secilit pjesëtarë të kësaj audience. Nga ky depërtim i parë, të them, diplimatik tek kancellaritë e Evropës plakë, Rugova kishte ndaluar në Kroaci. Në Zagreb, në një darkë intime që për të kishin shtruar ca shqiptarë atdhedashës të Kosovës, Rugovën e “huazojnë” për pesë minuta, por e mbajnë dy orë, një grup akadamikësh, profesorësh dhe politikanësh kroat. Kur na e kthyen, na nderuan me këto fjalë: ”Të lumtë ju shqiptarët që paskëshi këtë njeri të madh në ball të lëvizjes suaj”. Në atë darkë kanë qenë akademikët Gazmend Zajmi, Rexhep Çosja, dr. Hivzi Islami dhe ndonjë tjetër. Konstatimi i mësipërmë i kroatëve, disa i la të çakërdisur.)
Fundvite të gjashtëdhjeta dhe fillimvitet e shtatëdhjeta. Një djalosh i hajshëm, gati me shëndet të lig, i ecte amfiteatrot e fakulteteve dhe rrugët e kalldërmta të Prishtinës. Ishte i përzemërtë, fjalëpak për të mëbla. Fliste pak, por gjithëherë fjalë të matura, të pjekura dhe shumëkuptimplote. E shihje të thelluar në mendime dhe me ball të rrudhur, thuajse që atëherë ta kishte të ditur fatin e tij – se do t’i vijë dita që do të vihet në ballë të popullit, të cilin shteti-parti po e nëpërkëmbëte, tëhujsonte, burgoste, vriste, deskriminonte dhe që, siç do të dëshmojnë mbarimvitet e tetëdhjeta të shekulllit të kalur – do ta lë të vetmuar. Dhe këtë vetmi do ta sfidoj dhe do ta triumfoi tashmë burri i pjekur Ibrahim Rugova.
Presidenti i ndjerë i Kosovës, nuk ishte mitik, sepse ai ishte një prijës ekzistentë. Ai nuk jetonte dhe as nuk vinte prej legjendave. Ai ishte biri dhe fryti i këtij popullidhe i kësaj toke. Ai ishte njeri, si të tjerët, prej mishi e gjaku, por ishte më trim dhe më i vendosur se të tjerët. Ibrahim Rugova ishte vdekatar si çdo qenie tejetër njerëzore, kurse ata që vijnë prej legjendave ata nuk vdesin. Por disa duke dashur ta kthejnë Rugovën në abstraksion, e pagëzojnë mitik dhe e bëjnë këtë se nuk kanë guxim të futën në thelbin e filozofisë dhe veprimit të tij prej burri të shtetit. Ai nuk ishte as romantik,as i rrëmbyer. Ibrahim Rugova ishte realist dhe duke e njohur mirë realitetin e kohës, ai e krijoj një tip të posaçëm të urtisë dhe filozofisë politike,kombëtare dhe diplomatike. Ai nuk imagjinonte, por mbështetej në rrethanat dhe mundësitë historike – që ofronte rrënimi i perandorive komuniste dhe afirmimi i demokracisë universale. Të kuptohemi,ai nuk i frikohej luftës, por përpiqej ta shmangte atë, sepse e dinte mirë se sa viktimat i kishim dhën ne shqiptarët që nga viti 1912 e këndej. Rrafshoheshin mbi 100 mijë shqiptarë të vrarë, e po aq, a mbase edhe më shumë të shpërngulur dhunshëm nga Kosova në Turqi. Ibrahim Rugova nuk e donte Kosovën tokë të djegur dhe pa shqiptarë. Ai e dëshironte dhe synonte Kosovën kopsht të lulëzuar dhe përlotë popull të saj.
Po e bëj edhe një digresion: Në dhjetor 2000. Diku në New Jersey të SHBA-vë, në një takim të dr. Rugovës me bashkatdhetarë, ndodhej I ftuar edhe senatori amerikan, demokrati Jon Corzine. Duke folur në një anglishte të pastër, zoti Rugova e kishte mahnitur politikanin amerikan, jo vetëm me koncepteve dhe filozofinë e tij politike, por edhe me projekte humaniste për ardhmërinë e të gjithë banoreve të Kosovës, pa dallim etnie, feje a kulture. Senatori I patë thënë këto fjalë: ”Unë kisha dëgjuar shumë për udhëheqësin tuaj. Për zotin Rugova kisha dëgjuar vlerësime vërtet të larta. Sonte, kur pata nderin të rri e të bisedoj më të, arrita jo vetëm të konfirmoj, por edhe t’i forcoi bindjet e mia se ju shqiptarët paskëshin një president të ditur, të urtë dhe shumë pragmatik. Ajo që po më gëzon më së shumti, është se zoti Rugova qenka përkrahës I madh I demokracisë dhe paqës dhe mik shumë I madh I SHBA-ve…”
Se kush ishte Ibrahim Rugova fjalën dhe qëndrimin meritor do ta thotë historia. Do të duhen studime e studime, të paanshme, shkencërisht të qëndrueshme për ta nxjerrë vlerën reale, shumëdimensionale të Rugovës në shtetbërjen e Kosovës. Një pjesë të kësaj faktografie sot po e japin burra shtetesh, qeveritarë, diplomatë, akadamike, shkrimtarë, politikan, nga të katër anët e botës perëndimore. Unë personalisht jam thellë i bindur se këto nuk janë fjalë kurtuazie, por janë vlerësime të argumentuara dhe të cilat dëshmojnë se Rugova ka biseduar me liderë botëror me vendosmëri për katrahurën dhe tragjedinë shqiptare. Portretin e Rugovës do ta bëjnë shkencëtarë të fushave të ndryshme,analistë objektivë e realist dhe ai portret do të jetë i zhveshur prej amputimeve që përpiqen ti imponojnë individë apo një grupe mjeranësh që kanë zënë vend nëpër disa gazeta dhe në disa TV të Kosovës, sikur që doli shumë skandaloz kinse portreti që i “kishte” bërë Rugovës dikushi apo një askushi nga RTK. Edhe “analistë”, që i kanë shërbyer edhe dreqit japin mendime për Rugovën, po këtë e paska demokracia – në të cilën liria e fjalës keqpërdoret dhe shpërdorohet keqas.
Ibrahim Rugova që kishte në krah një Fehmi Agan dhe kuadro të tjera kombëtarisht të dëshmuara, u bë promotori, vizionari dhe zbatuesi i vullnetit te popullit për të pasur shtetin e vet me sovranitet të brendshëm dhe të jashtëm. Kur kishte ngelur puna finale, ai ndërroj jetë. Faktori ndërkombëtar u tregua i padrejtë ndaj personalitetit të Ibrahim Rugovës, i cili e ka pasuruar shumë demokracinë e përbotshme, dhe ndaj shqiptarëve,duke mos e njohur shtetin e pavarur të Kosovës drejtpërsëdrejti. Këtë e kërkonte Rugova në secilin hap dhe në secilin takim të tij diplomatik e shtetëror. Ai e dinte se negociatat, konferencat ndërkombëtare, ishin e janë të rrezikshme se ato, ose e cungojnë të drejtën e natyrshme të një vendi e populli për të qenë i pavarur në tërësinë e tij territoriale, ose kërcënohen edhe me amputime territoresh. Prandaj, Ibrahim Rugova, Presidenti I Kosovës, thoshte përditë se pavarësia është e panegociueshme. Dhe atë – pavarësia e plotë.
Tash në këtë ndarje të dhimbshme,plot pikëllim e lot, populli i ka drejtuar shpresat tek trashëgimia politike dhe diplomatike që na e la presidenti Rugova. Populli I Kosovës, Dardanisë Antike, me pikëllimin dhe lotët e vet të dhimbjes, me kolonat e gjata e të pambarim, po e portretizon më së miri politikanin, diplomatin, burrështetasin Ibrahim Rugova
Rugova na e pat siguruar çlirimin e brendshëm dhe duke e thirrur për plotë dhjetë vjet Intervenimin e NATO-s, bashkë me luftën që e bëri UÇK dhe me gjakun e mbi dhjetë mijë vetëve, në Kosovë sot zotëron liria. Por, kjo liri është e cunguar – sepse mungon edhe pavarësia për ta përmbushur plotninë e saj. Fuqitë e mëdha ia kanë borgj këtij populli dhe liderit të tyre, luftëtarit përmasash të demokracisë së përbotshme – Ibrahim Rugovës- njohjen e pavarësisë së plotë. Dhe ky do t’ishte i vetmi kompensim që sado pak do ta mbulonte zbrastësirën që e ka krijuar vdekja e presidentit tonë.

Zoti të bekoftë President Rugovaën.
Pusho i qetë në gjirin e Dardanisë Antike o i nderuari President.ShBA, 23 janar 2006