Dielli s'ka lidhje me ndryshimet klimatike

[~AnnA~]

Një studim i ri shkencor konkludoi se ndryshimet në fuqinë e diellit nuk mund të jenë shkaktarë të ndryshimeve klimatike të ditëve të sotshme.Studimi tregon se fuqia e diellit ka rënë 20 vitet e fundit,megjithatë temperaturat në tokë janë rritur.Ai tregon gjithashtu se tempeaturat e ditëve të sotshme nuk janë të përcaktuara nga efekti idiellit në rrezet kozmike, siç është pretenduar më herët.

Sipas studimit, rrezet kozmikekanë pasur ndikim në temperaturat tokësore në të kaluarën, por jo tani. Appleton Laboratory, i cili bëri analizën, së bashku me Claus Froehlich nga World Radiation Center në Zvicër.

Dr Lockwood filloi studimet pjesërisht si përgjigje ndaj dokumentarit televiziv 'Mashtrimi ingrohjes globale', i emetuar në televizionin Channel Four në Britani, më herët këtë vit, në të cilinu paraqit hipoteza e rrezeve kozmike. "Të gjithë grafikët që ata na treguan kanë vlejtur deri rrethvitit 1980 dhe arsyeja është se gjërat kanë ndryshuar pas kësaj",tha ai për faqen e internetit të BBCNews. "Nuk mundesh thjesht të injorosh pjesë të informacionit që nuk të pëlqejnë", tha Lockwood.

Tendenca e ngrohjes

Rruga të cilën e kanë ndjekur shkencëtarët në këtë analizë është e thjeshtë: të shikojnë intensitetin e energjisë diellore dhe rrezeve kozmike gjatë 30-40 viteve të fundit dhe t'i krahasojnë ato tendenca me grafikët e temperaturës mesatare të sipërfaqes globale, të cilat janë rritur me 0.4 C gjatë kësaj kohe.
Dielli ndryshon në një cikël prej rreth 11 vitesh midis periodave të aktivitetit të lartë dhe të ulët.

Por ky cikël kryeson tendenca më afatgjata; dhe pjesa më e madhe e shekullit 20 ka parë rritje të dobëta, por të qëndrueshme të energjisë diellore.Por rreth vitit 1985, kjo tendencë me sa duket është kthyer në drejtim të kundërt, në rënie të energjisë diellore.

Sidoqoftë, kjo periudhë ka pasur rritje të temperaturave, nëse jo më shpejt se çdo periudhë e100 viteve të fundit."Kjo teori përforcon faktin se ngrohja në 20-40 vitet e fundit nuk mund të jetë shkaktuar nga aktiviteti diellor",tha Dr Piers Forster nga Universiteti i Leedsit, kontribuuesi me i madh në diskutimin e sivjetshëm mbi shkencën klimatike në Grupin Ndërkombëtar për Ndryshimet Klimatike (IPCC).

Dallimi kozmik

Raporti përmbledhës i IPCC-së në shkurt, ra në konkluzionin se gazrat serrë janë rreth 13 herë më shumë përgjegjëse për rritjen e temperaturave globale se ndryshimet diellore.

Por organizata u kritikua në disa drejtime për mosmarrjen parasysh të hipotezës të rrezeve kozmike, e zhvilluar ndër të tjerë dhe nga Henrik Svensmark dhe Eigil Friis-Christensen, të Qendrës Nacionale Daneze të Hapësirës.

Teoria e tyre mbështetet në faktin se rrezet kozmike ndihmojnë për krijimin e reve, duke formuar grimca të vogla rreth të cilave avulli i ujit mund të kondensojë dhe ky proces mund të ftohë tokën.

Gjatë periodave të aktivitetit të lartë diellor, rrezet kozmike janë pjesërisht të bllokuara nga fusha më intensive magnetike e diellit.Formimi i reve pakësohet dhe toka ngrohet.

Analizat e Mike Lockwood, siç duket, kanë vënë dorë, ndoshta dhe në mënyrë fatale, mbi këtë hipotezë intriguese dhe elegante.

Ai tha: "Nuk mendoj se ka efekt të rrezeve kozmike mbi shtresën e reve. Ajo funksionon në ajër të pastër detar, ku nuk ka ndonjë gjë tjetër që mund të bëj avulli i ujit përveç se të kondensojë. Mund të ketë pasur ndikim në kohën para industrializimit, por nuk mund ta marrësh parasysh në këtë çfarë po shohim ne tani, se këtu po flasim për tjetër lloj loje."
BBC