U vranë për të dytën herë - Page 4

**Zero Cool** · 23-01-13, 21:42

Citim:

Postimi origjinal është bërë nga halla e madhe

Lavdi deshmoreve ane e mban trojeve tona shqipetare!!!!!

Lavdi PO, por na mbetet neve, të gjallëve të përkujdesemi për idealin për të cilin ranë ata. Kjo është ajo që më së paku mund të bëjmë. Gjaku i tyre i rënë për liri nuk duhet harruar e as shfrytëzuar për poena politik.

lovely · 23-01-13, 21:45

Gjumashja · 23-01-13, 22:04

qdo here perqarjet tona mes veti i kane shfrytezu mire te tjeret !

halla e madhe · 23-01-13, 22:25

Citim:

Postimi origjinal është bërë nga Zero Cool

Lavdi PO, por na mbetet neve, të gjallëve të përkujdesemi për idealin për të cilin ranë ata. Kjo është ajo që më së paku mund të bëjmë. Gjaku i tyre i rënë për liri nuk duhet harruar e as shfrytëzuar për poena politik.

_Pas luftes eshte ky problemi me delikat qe ka mund te ndodhe kombit tone,ja sote ja kurr eshte momenti t'ju kundervehet ne te gjitha menyrat miletit shka,mos e dashin dialogun kemi mjete tjera.....mendimi im asht ,nuk do zgjat shume,edhe kesaj kenge do i ndihet zani bukur large!

Oqeani · 24-01-13, 17:57

http://www.youtube.com/watch?feature...&v=WqWZZZpiAik

Guri i madh · 24-01-13, 22:24

"Nuk Derdhim Gjak për Lapidar"

Nënkryetari i Komunës së Preshevës, Skender Destani, thotë se shqiptarët në Luginën e Preshevës nuk janë në gjendje të derdhin më gjak, për çështje si lapidarët. Destani i është përgjigjur deklarimeve të fundit të kryeministrit të Kosovës, Hashim Thaçi, i cili e ka quajtur të turpshme që liderët politikë dhe qytetarët e Luginës së Preshevës nuk bënë as edhe përpjekjen më të vogël për mbrojtjen e Monumentit të UÇPMB-së. Analisti Nexhmedin Spahiu ka kritikuar ashpër qeveritë në Shqipëri dhe në Kosovë për deklarata boshe, ndaj shqiptarëve të Luginës, ndërsa nuk kanë ndarë asnjë cent për Luginën.

Shqiptarët e Luginës së Preshevës janë të frustruar me deklaratat e kryeministrit të Kosovës, Hashim Thaçi, i cili e ka quajtur të turpshëm mosreagimin e tyre me rastin e intervenimit të xhandarmërisë serbe për heqjen e lapidarit nga qendra e Preshevës.

Nënkryetari i Komunës së Preshevës, Skender Destani, ka thënë se “shqiptarët e Luginës nuk janë në gjendje të derdhin më asnjë pikë gjak për lapidarët”.

Ai i është përgjigjur kryeministrit të Kosovës, Hashim Thaçi, i cili ka deklaruar se “është turp i madh që liderët politikë dhe qytetarët e Luginës së Preshevës nuk bënë as edhe përpjekjen më të vogël për mbrojtjen e Monumentit të UÇPMB-së”. Deklaratë të ngjashme për mediat kosovare ka bërë dhe Xhevat Haliti, nënkryetar i PDK-së, ish-drejtues i UÇK-së.

“Në Luginë ka frustrim me deklaratat e Thaçit dhe Halitit”, ka thënë Destani, për emisionin “Jeta në Kosovë”, i cili transmetohet të enjten në mbrëmje, në RTK.

Guri i madh · 24-01-13, 22:32

Heqjen e lapidarit të 27 ushtarëve të UÇPMB-së, Destani e ka cilësuar si veprim kalkulues të Qeverisë së Serbisë, duke dashur të dëshmojë se veriu i Mitrovicës dhe Lugina, në dialogun që po zhvillohet të Bruksel ndërmjet Thaçit dhe Daçiqit nuk mund të trajtohen si çështje paralele.
Ndërkaq, analisti Nexhmedin Spahiu, deklarimet e kryeministrave shqiptarë, Sali Berisha dhe Hashim Thaçi, lidhur me ngjarjet në Preshevë i ka cilësuar deklarata për poenë politikë.

Spahiu ka thënë se as Qeveria e Shqipërisë, dhe as ajo e Kosovës, nuk kanë ndarë asnjëherë një cent për shqiptarët e Luginës. Ai ka kërkuar “jo deklarata politike, por vepra konkrete”. Sipas tij, Kosova dhe Shqipëria ndajnë përgjegjësi të përbashkët për mbrojtjen e pakicave shqiptare në rajon.

Jeton Ismaili, drejtor i Televizionit “Spektri” në Bujanoc, është shprehur gjatë debatit se liderët shqiptarë duhet të bashkërendojnë qëndrimet për çështjen e Luginës së Preshevës. Ai konsideron se heqja me dhunë e lapidarit të ushtarëve të UÇPMB-së nuk është shfrytëzuar mirë nga Prishtina dhe Tirana zyrtare.

Sipas tij, edhe shqiptarët e Luginës do të duhej të protestonin dhe të kundërshtonin fizikisht heqjen e monumentit tij.

Ai ka kritikuar edhe vetë liderët e tri komunave të banuara me shumicë shqiptare se nuk janë të bashkërenduar. Sipas tij, liderët e Luginës në takime në Prishtinë ose Tiranë “shkojnë me autobus”, pasi nuk merren vesh që një përfaqësues të flasë në emër të tyre.

Guri i madh · 24-01-13, 22:33

Drejtor i Televizionit “Spektri” beson se heqja e lapidarit në Preshevë ka qenë e paramenduar nga Qeveria e Beogradit. “Lugina e Preshevës ka dikund 20 lapidarë të ushtarëve të UÇPMB-së”, tregon ai.

“Gjesti i së dielës është një poshtërim dhe nënshtrim që i është bërë shqiptarëve në Luginën e Preshevës”, shprehet Ismaili.

Gazetari i Rrjetit Ballkanik për Gazetari Hulumtuese (BIRN) në Tiranë, Besar Likmeta, mendon se partitë politike shqiptare, si zakonisht, në rastin e heqjes së monumentit të ish-luftëtarëve shqiptarë në Preshevë kanë bërë deklarata nacionaliste për çështje të brendshme. Sipas tij, deklaratat “super nacionaliste” të kryeministrit Berisha janë pjesë e fushatës zgjedhore, drejt të cilave po shkon Shqipëria.

Edhe Likmeta ka vënë në dukje se Qeveria e Shqipërisë nuk ka ndarë asnjëherë ndonjë fond për Luginën, ndërkohë që për Graçanicën ia ka ndarë 400 mijë euro.

Nga ana tjetër, Likmeta ka kritikuar ashpër udhëheqësit e Preshevës, se me çfarë baze ligjore është ngritur lapidari.

Nënkryetari i Preshevës, Skender Destani, ka thënë se “procedura ligjore nuk është e qartë për asnjë ndërtim të monumenteve në Serbi”. Sipas tij, në tërë territorin e Serbisë, ngritja e lapidarëve ka qenë e paligjshme dhe se të gjithë lapidarët pas luftës atje janë ngritur pa procedura ligjore.
Ai ka thënë se do të ishte e pamundur të merrej leje ngaqeveria për ngritjen e këtij lapidari, pasi që Beogradi e konsideron UÇPMB-në si terroriste.

“Mirëpo ngritja e lapidarëve është kompetencë e qeverisjes lokale”, ka arsyetuar ai.

Por, Destani beson se Serbia, me heqjen me forcë të lapidarit, ka dashur të përçojë mesazhin te shqiptarët se “nuk kanë më vend në Luginë”.

Sipas nënkryetarit të Preshevës, spektri politik shqiptar në Luginë është “më i bashkuar se kurrë”, por ai i ka quajtur të mirëseardhura “përkrahjet nga jashtë”, sepse “Lugina nuk ka ku të mbështetet tjetërkund”.

natyra · 29-01-13, 05:17

Citim:

Postimi origjinal është bërë nga Dardanesha

A sa patriota jemi ne Shqipetaret, gjithmone kemi qene, (kur flasim prej karriges kuptohet)...

Bash jam tuj pa krejte kan hy kan perqesh e fajesu dikend, po asnjanin se pash qe e fajesoj veten per neglizhencen ose non-taking ndonje veprim sado i vogel qofte ai veprim...
Te jesh burr nuk dmth te hysh ne Forum te shkruash nje "smart" koment , te thumbosh te tjeret, edhe te thuash a mire ja bona filanit e filanit qe e ofendova ose e nenqmova, po veten tande pse nuk e thumbon e fajeson o vlla, pse te ne Shqipetaret gjithmone duhet te gjindet fajtori diku tjeter e jo ne veten tone...

PS: Merreni shtruar, ata jane heronj, jane deshmore te Kombit, ata i kane meritat e veta te Allahu xh.sh edhe te populli (inshAllah), me apo pa lapidar...

Citim:

inshAllah

qy edhe Harabe edhe Shqiptare kjo larte

ncncncnc,si nuk jeni tu pa sa mrapa po metni me kete qeverisje te PDK-es lol, tu jau dhan Dipllomat Falce,,veq me hi en partin e tyne,hahahahahhaha

Dardanesha · 29-01-13, 11:45

Citim:

Postimi origjinal është bërë nga natyra

qy edhe Harabe edhe Shqiptare kjo larte

ncncncnc,si nuk jeni tu pa sa mrapa po metni me kete qeverisje te PDK-es lol, tu jau dhan Dipllomat Falce,,veq me hi en partin e tyne,hahahahahhaha

ha ha ha kur jemi te diplomat, nuk thuhet harabe po Arabe

PS: A je lodhe tu ma majt qirin ? po

. Merru me veten dhe shkrimet tua pak me shume...

**Zero Cool** · 29-01-13, 14:30

Në Lluçan të Bujanocit ka një përmendore që fyen shqiptarët

Bujanoc, 29.01.2013

Në fund të vitit 2012 në Lluçan, fshat i banuar me shqiptarë, përkatësisht në tokën shqiptare, pushteti serb, nën mbrojtjen e hekurt të xhandarmerisë, ndërtoi përmendoren e policëve serbë të rënë gjatë luftës mbrojtëse të UÇPMB-së në vitin 2000/2001.

Ky lapidar, njëherit është edhe një provokim i radhës për shqiptarët që janë duke jetuar atje, sepse me këtë ata dëshirojnë të bëjnë presion e të frikësojnë popullin shqiptar që të shpërngulet sa më parë nga trojet e veta, raporton portali ‘Presheva’.

“Vatra” dhe i gjithë populli shqiptar i Preshevës, Medvegjës dhe Bujanocit kërkojnë që ky lapidar me kryqin orthodoks, me fotot e policëve vrasës e me hartën e Serbisë së Madhe të vendoset atje ku nuk atakon ndjenjat e shqiptarëve

Guri i madh · 08-02-13, 20:02

Thaçi: Eskalimi në Preshevë, kurth i BeograditPublikuar: 08.02.2013 - 14:27Vjenë, 8 shkurt - Kryeministri kosovar Hashim Thaçi tregohet optimist për normalizimin e situatës së tensionuar në veri të Kosovës. Në një intervistë për gazetën vjeneze “Die Presse”, e cila është botuar në numrin e sotëm,

Prishtina dhe Beogradi të shtyrë nga trysnia e Bashkimit Evropian për përpiqen për normalizim të marrëdhënieve fqinjësore përmes dialogut, megjithatë, partneriteti mes tyre po krijohet mbi një shtresë shumë të hollë akulli.

Largimi i një përmendoreje të luftës në Luginën e Preshevë në jug të Serbisë, në janar, u bë shkak i tensioneve të reja midis serbëve dhe shqiptarëve, të cilat për pasojë, patën dëmtimin e varrezave serbe, transmeton rtk shkrimin. Por tensionet nuk munguan as këtë javë. Në lagjen e përzier ku jetojnë shqiptarë dhe serbë, në veri të Mitrovicës, pati disa shpërthime të bombave, ku për pasojë u plagosën dy fëmijë. Për këtë u arrestuar një serb. Kryeministri Hashim Thaçi, në intervistën për gazetën “Die Presse”, flet për fqinjësinë e ndjeshme me serbët dhe njohjet ndërkombëtare të Kosovës, gati pesë vjet që nga shpallja e pavarësisë.

Die Presse: Më në fund keni vendosur kontakte direkte me homologun tuaj serb Ivica Daçiqi. Pse, megjithatë, marrëdhëniet me Serbinë vazhdojnë të mbesin kaq të mundimshme dhe gjithnjë të predispozuara për tensione?

Hashim Thaçi: Pas nesh shtrihet një periudhë 100 vjeçare e pushtimit serb. Ne jo vetëm që u shtypëm në planin politik dhe kulturor, por edhe në atë ekonomik nga Serbia. Është e vështirë të tejkalohen pasojat e së kaluarës, sepse një shekull urrejtje nuk mund të zhduken (fshihen) aq shpejt. Ndoshta, ne kurrë nuk do të duhemi me sinqeritet mes veti, por jam i bindur se ne do të jemi të detyruar të jetojmë përgjithmonë pranë njëri – tjetrit, në një fqinjësi të ngushtë dhe të mirë.

Die Presse: Para një jave u dëmtuan varrezat serbe në Kosovë?

Hashim Thaçi: Qeveria ime i ka gjykuar ashpër këto veprime. Nuk do të lejojmë që të shkelen të drejtat e minoriteteve dhe t’i mungojë qoftë dhe një fije floku ndonjë Bashkësie etnike. Nuk do të lejoj kurrë që të përsëriten ngjarjet e vitit 2004. Dëmtimi i varrezave serbe kurrë nuk ka qenë pjesë e traditës sonë. Kjo është një vepër e personave të papërgjegjshëm, të cilat në të vërtetë i kanë shkaktuar dëme të tmerrshme shtetit të Kosovës me këto veprime.

Die Presse: Atëherë si i shpjegoni tensionet e reja?

Hashim Thaçi: Eskalimi në Preshevë ka qenë plotësisht i panevojshëm. Ka qenë një kurth, që ishte vendosur për shqiptarët e atjeshëm nga pushteti i Beogradit, gjë që pati reflektim negativ edhe për zhvillimet në Kosovë. Çmimin për këtë duhet ta paguajë Kosova. Në fakt, ky ka qenë qëllimi i Qeverisë së Serbisë, i përkrahur edhe nga injoranca politike e disa politikanëve në Preshevë.

Die Presse: A mund ta ngarkojnë këto incidente dialogun që po zhvillohet?

Hashim Thaçi: Në janar pata takimin e katërt me kryeministrin Daçiq. Bisedimet tona kanë qenë konstruktive dhe pozitive falë edhe ndërmjetësimit të shefes për politikë të jashtme të Bashkimit Evropian, e cila ka kaluar gati gjashtë orë me ne në takim. Takimi ynë i radhës është planifikuar për 22 shkurt. Aty do të flasim për shpërbërjen e strukturave paralele në veri të Kosovës. Jam optimist se do të arrijmë të normalizojmë edhe gjendjen në veri.

Die Presse: Megjithatë, deri më tani, institucionet kosovare nuk ia kanë dalë të kenë qasje në veri. Cila është arsyeja e hezitimit tuaj?

Hashim Thaçi: Në takimin e fundit tashmë kemi shënuar përparime dhe kemi arritur disa rezultate. Në pikat kufitare në veri, do të paguhen tatimet dhe doganat, sipas ligjeve të Kosovës dhe ato të holla do të derdhen në buxhetin e Kosovës, dhe me pas do të rrjedhin për zhvillimin ekonomik të veriut. Me këtë fond, do të financohet ndërtimi i infrastrukturës në veri kurse të gjitha sipërmarrjet ekonomike do të jenë nën kompetencë të autoriteteve financiare të Kosovës. Jemi marrë vesh edhe për realizimin e zgjedhjeve të lira komunale në veri. Zgjedhjet do të organizohen nga OSBE-ja.

Die Presse: Po mbushen pesë vjet nga pavarësimi i Kosovës. Pesë vite e pavarur, por ende e pa anëtarësuar në OKB. Vendit tuaj nuk po i lejohet as themelimi i një kombëtare futbolli. A nuk është Kosova më shumë një gjysmë shteti se sa një shtet me sovranitet të plotë?

Hashim Thaçi: Kosova është një vend dhe shtet si të gjitha shtetet tjera në rajon. Ne jemi njohur ndërkohë nga rreth 100 shtete në të botës, në mesin e tyre janë dhe vendet me të fuqishme botërore. Kosova do të bëhet një shtet i respektuar dhe krenar, anëtar i OKB-së, NATO-s dhe BE-së. Ka vështirësi në Këshillin e Sigurimit para së gjithash nga Rusia. Mirëpo, tashmë ne kemi filluar dialogun për normalizimin e marrëdhënieve me Serbinë dhe me këtë zvogëlohen arsyet e Rusisë që të bllokojë anëtarësimin e Kosovës në OKB. Pavarësia e Kosovës është një storie suksesi, sepse ajo ka stabilizuar rajonin.