A i falet Namazi i Xhenazes atij që nuk e ka falë Namazin

[ebu Hamza]

Desha disa sqarime se, a ban ti falet namazi gjenazes atij i cili nuk falet?






--------------------------------------------------------------------------------



Pyetja:

Desha disa sqarime se, a ban ti falet namazi gjenazes atij i cili nuk falet?

Përgjigje:

Bismil-lahirr-rrahmanirr-rrahim
Es selamu alejkum ve rahmetullahi ve berekatuhu

Vëlla i nderuar në Islam, tema e Faljes së Namazit të Xhenazes, atij i cili nuk ka falur Namazin, është çështje e cila ka nevojë për një sqarim të detajuar.

Është transmetuar në shumë hadithe se, ai i cili nuk falë Namazin konsioderohet kafir (jobesimtar). Thotë i Dërguari (SalAllahu Alejhi ve Selem):

" Ajo që qëndron mes nesh dhe atyre (jobesimtareve) është Namazi, andaj kush e len (nuk e falë), nuk ka besuar."

" Ajo që dallon robin nga shirku dhe kufri është Namazi."

Kur të pyeten banoret e Xhehennemit, se:

" ´Për çfarë arsye janë hudhur në Zjarr?´, thanë: ´ nuk ishin prej atyre që falen...´ "

Këto ishin vetem disa nga argumentet, të cilat tregojnë se falja e Namazit është obligim i besimtareve dhe se ata që nuk e falin atë nuk konsiderohen si besimtarë.

Pasi që dihet se Namazi i Xhenazes iu falet vetëm besimtarëve, atëhere mund të themi se atyre që nuk e falin Namazin, nuk u falet Namazi i Xhenazes. Mirëpo, në lidhje me këtë çështje duhet pasur parasysh edhe disa fakte dhe rrethana tjera. E para është ajo se, a e ka ditur ai njeri se lënia e Namazit është Kufr (mosbesim), nëse po (e ka ditur) dhe prapseprap nuk e ka falur (Namazin) atëherë atij nuk i falet Namazi i Xhenazes, sepse edhe e ka ditur që bënë Kufr me lënien e Namazit dhe prapseprap nuk e ka falur Namazin. Ndërsa, nëse nuk e ka ditur se lënia e Namazit është Kufr, atëherë ai arsyetohet (insha All-llah) me mosdijen e tij, dhe atij i falet Namazi i Xhenazes.

Në lidhje me këtë rast, duhet shikuar dhe hulumtuar se sa është folur (nga dijetarët apo hoxhallarët) e atij vendi ku ky njeri ka jetuar, në lidhje me këtë temë, d.m.th në lidhje me temën se lënia e Namazit është Kufr. Në qoftë se në atë vend është folur mjaftë në lidhje me këtë temë, atëherë ai person i cili ka jetuar aty nuk arsyetohet me mosdije në lidhje me këtë gjë, edhe nëse ai nuk i ka dëgjuar keshillat e dijetarëve apo hoxhallarëve, sepse kjo hyn në fajësinë e tij personale sepse nuk është interesuar (nuk ka shkuar në xhami apo në mexhlise ku përmendet Fjala e All-llahut), dhe këtij njeriu nuk i falet Namazi i Xhenazes.

Si shembull mund të marrim p.sh. banorët e Mekkes apo të vendeve Arabe, ku egzistojnë xhami çdokund dhe ku njeriu nuk mund të arsyetohet me mosdije. Duke pasur parasysh se edhe në vendet tona xhamitë janë prezente pothuajse në çdo fshat, atëherë edhe mosdija e njerëzve është tepër se jologjike. Sidoqoftë, nëse në ndonjë vend konstatohet se nuk është folur mjaftë në lidhje me këtë çështje, atëherë njeriu mund të arsyetohet me mosdije, dhe atij i falet Namazi i Xhenazes, ndërsa për mosfaljen e Namazit do të merret në përgjegjësi nga All-llahu (Subhanehu ve Teala).

All-llahu (Subhanhu ve Teala) e di më së miri.