Zanati më i Vjetër

[Preshevar]

Zanati më i Vjetër

ZIJADIN REXHEPI

Nëse e vërejmë titullin, është i pakuptueshëm dhe jo i kthjellët. Megjithatë, nëse pak logjikojmë, do të shohim se ka një filozofi dhe histori mjaft të rëndësishme. Aludimi i titullit është vlera më e ulët e etikës morale- prostitucioni. Fjala prostitucion është vështirë të shpjegohet. Kjo dukuri ka marrë përmasa të gjera dhe gjithnjë duke u rritur. Shoqërisë po i sjell probleme mjaft të mëdha dhe serioze, posaçërisht për individët që i ndiejnë, por nuk munden ta parandalojnë. Për dikë, kjo dukuri ose fenomen është kënaqësi, deri në momentin kur preket nga ndonjë sëmundje venerike, vetëm atëherë mendon për këtë ngjarje.


Këtë jam duke e shkruar, se ju dua të mirën, atë që e do më së shumti, atij i dëshiron të mira në këtë botë dhe në botën e ardhme. Do të isha shumë i gëzuar sikur edhe ju të ishit të gëzuar. Të jesh i gëzuar, me të vërtetë do të thotë të njohësh thelbin e vërtetë të çështjes.


Historia na mëson se shumë popuj të mëdhenj janë shpartalluar dhe shkatërruar, për shkak të dobësimit të moralit. Nëse studiojmë historinë e gjithë popujve të mëdhenj, të cilët qëmoti janë zhdukur nga skena historike, do të konstatojmë se shkaku kryesor i shkatërrimit, përveç gjërave sekondare, ka qenë dhënia pas epsheve dhe gjërave të pamoralshme.


Dikur femra ka qenë si margaritar në guacë, e ruajtur me xhelozi në fund të thellësirave të detit. Njeriu e ka paramenduar, për të ka ëndërruar, ka medituar... Sot, jo që ka nevojë të notojmë thellë në det dhe të kërkojmë guacën, ta paramendojmë dhe të meditojmë për të, por as që ka nevojë ta hapim, pasi ajo ka hedhur çdo gjë nga vetja, gjoja, në emër të lirisë dhe emancipimit, duke mos kuptuar se është bërë mall për tregti. Dikur në treg janë shitur vetëm mallra ushqimore, ndërsa sot në të gjitha tregjet e botës ekspozohen pjesë të ndryshme të trupit të femrës.


Duke shkruar këtë shkrim m’u kujtua prifti zviceran me emrin Cimerman, i cili, një ditë në kishë, tha: “Ne, si popull i fesë katolike duhet të luftojmë kundër fesë islame jo me armë, por me disa dukuri dhe metoda tjera...”, mandej ka potencuar metodat:


“1. Duhet ta zhveshim femrën myslimane;
2. T`i japim lirinë femrës myslimane;
3. T`i japim modën femrës myslimane;
4. T`i japim mjetet e informimit ...”


Këto kanë qenë parimet e këtij prifti dhe janë zbatuar me përpikëri e suksesi nuk ka munguar.


Prindër të dashur, kryeni detyrimet tuaja sikurse urdhëron Zoti (xh.sh), sepse ju mbani dhe jeni përgjegjës për të gjitha devijimet e fëmijëve tuaj. Ajo që është e zbuluar, nuk është interesante, por ajo që është e mbuluar është tërheqëse dhe ka nevojë për ta zbuluar (normal në natën e dhëndërisë), këtu qëndron bukuria, këtu qëndron morali. Do të përmend një hadith të Pejgamberit (a.s): “Në turp qëndron bukuria.”


Duke e ditur dhe jetësuar këtë hadith, me të vërtetë do të jemi të lumtur dhe pa brenga në këtë jetë dhe në jetën tjetër.


Prindër dhe vëllezër, nëse rrugës kalon një vajzë e zbuluar, lakuriq e ti e shikon me plot afsh, a nuk je fajtor për këtë dukuri. Po, po, je fajtor sikurse edhe unë që e shkruaj këtë shkrim. Nëse ekziston prostitucioni, ekzistojnë edhe dukuritë negative në familjet tona. Duhet t`i shmangemi kësaj dukurie sipas rregullave dhe normave që i shpjegon feja islame. Gjithmonë ta kemi në mend se Ai, që ka caktuar këtë obligim, nuk dëshiron të na dëmtojë e as që do, që me këtë akt, të na kthejë në të kaluarën. Përkundrazi, Zoti (xh.sh), me këtë na lartëson, na i hap horizontet e mëshirës së Vet dhe e ruan moralin tonë dhe të tjerëve.


Që të mbrohet morali ynë, Zoti (xh.sh) ka caktuar disa mburoja dhe kufij, që e mbrojnë njeriun, qoftë mashkull apo femër. Turpi është fuqia që e mbron nga mëkatet dhe negativitetet. Siç na është njohur, Islami e ka ndaluar rreptësisht prostitucionin, ku dhe na tregon metodat se si dhe në ç`mënyrë t`i largohemi dhe t`ia presim rrënjët kësaj dukurie të shëmtuar. Për këtë shkak, Islami na porosit që të mos i afrohemi kësaj dukurie të shëmtuar. Muhamedi (a.s) na porosit: “Sytë bëjnë kurvëri me shikimin e vet, duart me prekjen e tyre, këmbët me ecjen e tyre; kurvëria e gjuhës është të shqiptuarit, kurvëria e shpirtit është dëshira dhe lakmia, trupi i turpëruar këtë e dëshmon dhe e tradhton.”


Për prostitucionin feja islame ka dënim dhe zbatim. Por, para kësaj ai troket në derën e vetëdijes njerëzore dhe besimit të tij. Ky qëndrim është mjaft human, edhe pse shumica nuk e kuptojnë. Pikërisht, atëherë kur shumë sëmundje të kohës, siç janë Sida dhe të tjera, përhapen, atëherë do ta kuptojmë filozofinë e thellë të kësaj rregulle islame. Për fat të keq, për shumicën do të jetë shumë vonë.


Për këtë temë mund të shkruhet shumë, por jam i lodhur nga devijimet e shoqërisë, për mosrespektimin e rregullave dhe normave të fesë islame, që jemi duke vepruar e nuk ndiejmë përgjegjësi për ato që na urdhëron Zoti (xh.sh). Dhe së fundi:


“Jeta e kësaj bote nuk është gjë tjetër vetëm se një përjetim e mashtrim. S`ka dyshim se bota tjetër është më e dobishme për ata që ruhen. A nuk logjikoni?”


Zoti (xh.sh) le të na udhëzojë në rrugë të drejtë e të mbarë për hir të Pejgamberit (a.s) dhe për hir të muajit të bekuar të Ramazanit.

[pleshti]

Nuk e di si mund te thuhet qe pikerisht ne ket kohe qe po e jetojme ne sot, bota qenka e pamoralshme kur gjat gjithe historise se njerezimit njihet: Zanati me i vjeter ne bote ka qen prostitucioni?
“Jeta e kësaj bote nuk është gjë tjetër vetëm se një përjetim e mashtrim. S`ka dyshim se bota tjetër është më e dobishme për ata që ruhen. A nuk logjikoni?”
Kush na garanton qe edhe ne ate boten tjeter vendin meritor nuk e zen prostitucioni?
Islamin mos e perzini me at boten tjeter se ne ate besim parajsa parqitet ashtu qe orgazma te shkoj lume. A nuk thuhet se besimtarit te mir do ti sherbejne 72 hyrija?

[BE LK]

Postimi origjinal është bërë nga pleshti

Nuk e di si mund te thuhet qe pikerisht ne ket kohe qe po e jetojme ne sot, bota qenka e pamoralshme kur gjat gjithe historise se njerezimit njihet: Zanati me i vjeter ne bote ka qen prostitucioni?
“Jeta e kësaj bote nuk është gjë tjetër vetëm se një përjetim e mashtrim. S`ka dyshim se bota tjetër është më e dobishme për ata që ruhen. A nuk logjikoni?”
Kush na garanton qe edhe ne ate boten tjeter vendin meritor nuk e zen prostitucioni?
Islamin mos e perzini me at boten tjeter se ne ate besim parajsa parqitet ashtu qe orgazma te shkoj lume. A nuk thuhet se besimtarit te mir do ti sherbejne 72 hyrija?

Ti spo dike me e nda shapin prej sheqerit mor burre, pse kaq dobet? nuk eshte njesoj si kurvari dhe i martumi.......!