Turqia kerkon nje spastrim t'vockel etnik ne Kosove

[Fshatari]

Karışmak
Diplomatja turke në Kosovë, Songul Ozan, kërkesën për rishikimin e disa kapitujve të historisë së Perandorisë Osmane e quan “pastrim”, e jo “korrigjim”. Sqarimi i saj bëhet pas presioneve të opinionit publik në vend që kundërshtojë rishikimin e pjesëve të historisë.
Nga Nebih Maxhuni më 23 gusht 2011 në ora 07:55
Me kërkesë të njëjtë, sikurse edhe ministri i Arsimit turk, Omer Dincer, të hënën në opinionin kosovar u prezantua edhe diplomatja e Turqisë në Kosovë, ambasadorja Songul Ozan.

Ajo tha se Turqia nuk ka kërkuar ndërrimin e historisë që lidhet me turqit, por pastrimin e disa paragrafëve në librat e historisë së Kosovës.

Ajo tha se projekti me Ministrinë e Arsimit të Kosovës nuk përmban ndonjë qëllim të ndryshimit të historisë. “Me këtë marrëveshje synohet që gjeneratave të ardhshme t’iu sigurohet mësimi i historisë me një botëkuptim objektiv që nuk ngërthen elemente urrejtjeje dhe që është e pastruar nga paragjykimet”, ka thënë ambasadorja.

Por në vend të fjalës “korrigjim”, ambasadorja turke ka përmendur fjalën “pastrim”.

“Në takim, janë vlerësuar edhe mundësitë e bashkëpunimit të cilat do të mund të përdoreshin në periudhat e ardhshme për pastrimin e elementeve, të cilat përmbajnë shprehje të gabuara dhe paragjykuese, të paraqitura në disa libra të mësimit fillor, në pjesët ku flitet për turqit dhe periudhën e Perandorisë Osmane si dhe përmirësimin e disa hartave, të cilat përmbajnë emërtime të papranueshme nga vendi ynë”, ka thënë e dërguara e Turqisë në Kosovë.

Rreth kërkesave të ministrit turk të Arsimit, i cili para pak ditësh ka vizituar Kosovën, kanë reaguar ashpër historianë të Kosovës.

Ata kanë thënë se librat e historisë nuk përmbajnë elemente fyese dhe se askush nuk mund të mohojë faktin se Perandoria Osmane ka qenë pushtuese.
Disa nga historianët shprehen të alarmuar, duke theksuar se okupatori mbetet okupator, pavarësisht ndihmës që Turqia mund t’i japë Kosovës aktualisht.
Të paktën kështu ka thënë Hakif Bajrami para pak ditësh për Express, një nga historianët më të njohur në vend.

Bajrami e pranon se tash Turqia është shtet mik, por vendi dhe populli i Kosovës nuk mund t’i harrojë ato çfarë ka bërë Perandoria Osmane ndaj popullit shqiptar.

“Okupatori mbetet okupator. Krimet që i kanë bërë Turgut Pasha e sulltanët e Turqisë, asnjë ministri, asnjë individ, në asnjë mënyrë nuk mundet t’i injorojë”, thotë Bajrami.

Sipas tij, ato çfarë ka bërë Perandoria Osmane, kanë qenë krime dhe krime do të mbesin, pavarësisht korrigjimeve e rishkrimeve që mund të bëhen në libra. Por jo vetëm historianët kanë reaguar ashpër ndaj kësaj kërkese, e cila duket se tashmë është vetëm duke ndodhur. Politikani dhe publicisti i njohur shqiptar nga Maqedonia, Arbën Xhaferi i ka thënë Expressit se kërkesat turke janë rrënuese.

Arben Xhaferi thotë se pranimi i kërkesës turke për ndryshimin e teksteve të historisë, do të kishte pasoja destabilizuese për shoqërinë shqiptare. Sipas tij, ky do të ishte një kompromis absurd që do të shënonte fillimin e qëndrimit jolojal të një pjese të madhe të shqiptarëve ndaj shtetit, si në Kosovë, ashtu edhe në Shqipëri.



http://www.gazetaexpress.com/?cid=1,15,61121



Sqarim gjuhësor:

“Karışmak” = “spastrim etnik”.
Turqishtja eshte gjuhe e ashtuquajtur “aglutinante” : fjalet i ngjiten njera tjetres.
Pra kemi te bejme me nje fjale te perbere nga dy fjale :
- fjala e pare perbehet nga tri shkronjat e para po gjuha jone eshte e moralshme...
- e dyta eshte « -ışmak” qe do te thote etnik”!

[Guri i madh]

Postimi origjinal është bërë nga Fshatari

Karışmak
Diplomatja turke në Kosovë, Songul Ozan, kërkesën për rishikimin e disa kapitujve të historisë së Perandorisë Osmane e quan “pastrim”, e jo “korrigjim”. Sqarimi i saj bëhet pas presioneve të opinionit publik në vend që kundërshtojë rishikimin e pjesëve të historisë.
Nga Nebih Maxhuni më 23 gusht 2011 në ora 07:55
Me kërkesë të njëjtë, sikurse edhe ministri i Arsimit turk, Omer Dincer, të hënën në opinionin kosovar u prezantua edhe diplomatja e Turqisë në Kosovë, ambasadorja Songul Ozan.

Ajo tha se Turqia nuk ka kërkuar ndërrimin e historisë që lidhet me turqit, por pastrimin e disa paragrafëve në librat e historisë së Kosovës.

Ajo tha se projekti me Ministrinë e Arsimit të Kosovës nuk përmban ndonjë qëllim të ndryshimit të historisë. “Me këtë marrëveshje synohet që gjeneratave të ardhshme t’iu sigurohet mësimi i historisë me një botëkuptim objektiv që nuk ngërthen elemente urrejtjeje dhe që është e pastruar nga paragjykimet”, ka thënë ambasadorja.

Por në vend të fjalës “korrigjim”, ambasadorja turke ka përmendur fjalën “pastrim”.

“Në takim, janë vlerësuar edhe mundësitë e bashkëpunimit të cilat do të mund të përdoreshin në periudhat e ardhshme për pastrimin e elementeve, të cilat përmbajnë shprehje të gabuara dhe paragjykuese, të paraqitura në disa libra të mësimit fillor, në pjesët ku flitet për turqit dhe periudhën e Perandorisë Osmane si dhe përmirësimin e disa hartave, të cilat përmbajnë emërtime të papranueshme nga vendi ynë”, ka thënë e dërguara e Turqisë në Kosovë.

Rreth kërkesave të ministrit turk të Arsimit, i cili para pak ditësh ka vizituar Kosovën, kanë reaguar ashpër historianë të Kosovës.

Ata kanë thënë se librat e historisë nuk përmbajnë elemente fyese dhe se askush nuk mund të mohojë faktin se Perandoria Osmane ka qenë pushtuese.
Disa nga historianët shprehen të alarmuar, duke theksuar se okupatori mbetet okupator, pavarësisht ndihmës që Turqia mund t’i japë Kosovës aktualisht.
Të paktën kështu ka thënë Hakif Bajrami para pak ditësh për Express, një nga historianët më të njohur në vend.

Bajrami e pranon se tash Turqia është shtet mik, por vendi dhe populli i Kosovës nuk mund t’i harrojë ato çfarë ka bërë Perandoria Osmane ndaj popullit shqiptar.

“Okupatori mbetet okupator. Krimet që i kanë bërë Turgut Pasha e sulltanët e Turqisë, asnjë ministri, asnjë individ, në asnjë mënyrë nuk mundet t’i injorojë”, thotë Bajrami.

Sipas tij, ato çfarë ka bërë Perandoria Osmane, kanë qenë krime dhe krime do të mbesin, pavarësisht korrigjimeve e rishkrimeve që mund të bëhen në libra. Por jo vetëm historianët kanë reaguar ashpër ndaj kësaj kërkese, e cila duket se tashmë është vetëm duke ndodhur. Politikani dhe publicisti i njohur shqiptar nga Maqedonia, Arbën Xhaferi i ka thënë Expressit se kërkesat turke janë rrënuese.

Arben Xhaferi thotë se pranimi i kërkesës turke për ndryshimin e teksteve të historisë, do të kishte pasoja destabilizuese për shoqërinë shqiptare. Sipas tij, ky do të ishte një kompromis absurd që do të shënonte fillimin e qëndrimit jolojal të një pjese të madhe të shqiptarëve ndaj shtetit, si në Kosovë, ashtu edhe në Shqipëri.



http://www.gazetaexpress.com/?cid=1,15,61121



Sqarim gjuhësor:

“Karışmak” = “spastrim etnik”.
Turqishtja eshte gjuhe e ashtuquajtur “aglutinante” : fjalet i ngjiten njera tjetres.
Pra kemi te bejme me nje fjale te perbere nga dy fjale :
- fjala e pare perbehet nga tri shkronjat e para po gjuha jone eshte e moralshme...
- e dyta eshte « -ışmak” qe do te thote etnik”!

ne historin e kemi te paster si loti kta qe e kan te kaluren e tyre te ndyt duhet me kerkue falje


nese ju pelqen mir nese jo let shkojn ne RRS

[premium]

Ktij Bajramit duhet me ja tregu se edhe para perand. osmane trojet tona kanë qenë veq të okupume , mos të ishin osmanlitë ky far Bajrami nuk kishte me quajtur Bajram por simitis apo gjorgje.

[Murgesha]

Postimi origjinal është bërë nga premium

Ktij Bajramit duhet me ja tregu se edhe para perand. osmane trojet tona kanë qenë veq të okupume , mos të ishin osmanlitë ky far Bajrami nuk kishte me quajtur Bajram por simitis apo gjorgje.

Bajram dmth. Festim, Gazmend, ka prejardhje arabe!

Para pushtimit turk quheshim Ilir, Dardan, Arber, Ardian, Teuta, Adela, Aferdite e tjer e tjer emra shqip, kurse pas atij pushtimi na u laramun edhe emrat edhe traditat!

[Alima]

Postimi origjinal është bërë nga Murgesha

Bajram dmth. Festim, Gazmend, ka prejardhje arabe!

Para pushtimit turk quheshim Ilir, Dardan, Arber, Ardian, Teuta, Adela, Aferdite e tjer e tjer emra shqip, kurse pas atij pushtimi na u laramun edhe emrat edhe traditat!

...

ncuk ,


Bajram eshte bash fjale perziane , e jo arabe as turke ...

'
Arabet thone al 'Aid , Bajramit !


hajt ebo , sot kane mundesin me ua vu Ilir e Arber ...e qohen ua ngjesin do emra qe kurr nuk jane ndi nder shqipetar dhe as qe dihet kuptimi i tyre fare , valle pse sot nuk po Ilirizohen ?


.

[Guri i madh]

turqia kur te don mundet me terhjek njohjen qe e ka bae per shtetin e kosoves ,se ne nuk e kemi ndermend me ndryshue me rrejt vetvehten

se i kam vrejt disa qisi jeniqeresh qe po e urrejn edhe ALEX BUDEN


ose nese kshtu vazhdon ne ja kthejna teprap ket njohje edhe kerkojna mardhanje reciprociteti per pakicat kombtare qe jetojn ne turqi perkatsisht kosov

[Makresh]

Postimi origjinal është bërë nga Murgesha

Bajram dmth. Festim, Gazmend, ka prejardhje arabe!

Para pushtimit turk quheshim Ilir, Dardan, Arber, Ardian, Teuta, Adela, Aferdite e tjer e tjer emra shqip, kurse pas atij pushtimi na u laramun edhe emrat edhe traditat!

Ah t'ja ke fut kot,

Para pushtimit turk, ne ishim gjithcka vec "Shqip, dhe Shqiptare" nuk e konsideronim veten !

Emrat SHQIP, duhet konsideruar vetem emrat qe nga emertimi i kombesis son, Shqiptare ! Emrat Krist, Gjon, Gjergj, Mark, Pal, Pjeter, Bogdan e Millosh, Fan e Laurent jan emra Kristian ! E Kristi nuk ishte shqiptar !

Kurse emrat si Ilir, Dardan, Teuta e Aferdita,.. jan emra te shekullit 20, me par s'ke pasur shanc te degjosh emra te till, pos ndoshta ne kohen e paganizmit shqiptar.

[Murgesha]

Postimi origjinal është bërë nga Makresh

Ah t'ja ke fut kot,

Para pushtimit turk, ne ishim gjithcka vec "Shqip, dhe Shqiptare" nuk e konsideronim veten !

Emrat SHQIP, duhet konsideruar vetem emrat qe nga emertimi i kombesis son, Shqiptare ! Emrat Krist, Gjon, Gjergj, Mark, Pal, Pjeter, Bogdan e Millosh, Fan e Laurent jan emra Kristian ! E Kristi nuk ishte shqiptar !

Kurse emrat si Ilir, Dardan, Teuta e Aferdita,.. jan emra te shekullit 20, me par s'ke pasur shanc te degjosh emra te till, pos ndoshta ne kohen e paganizmit shqiptar.

Edhe shumë do emra musliman që sot i mbartim ne shqiptarët e kan zanafillën në paganizmin arab!

Dhe pikërisht këta që po duan të rishikojnë e ndryshojnë historinë shkatërruan thuaja çdo kulturë para osmane në trojet tona, sa që as sot nuk e dijmë me saktësi çfarë emra mbartnin të parët tanë.

Agroni, Teuta, Loriku, Gentiani, Afërdita Pirro etj. etj. nuk gjinden tek kombet tjera përpos tek pasardhësit e vet.

Gabohesh shumë kur thua që Ilir, Dardan, Teuta e Afërdita janë të shekullit 20, se këta kan egzistuar edhe atëherë kur arabët e turqit jetonin si egërsirat! Gjtihashtu as Muhameti nuk ishte shqiptar!

[Makresh]

Postimi origjinal është bërë nga Murgesha

Edhe shumë do emra musliman që sot i mbartim ne shqiptarët e kan zanafillën në paganizmin arab!

Dhe pikërisht këta që po duan të rishikojnë e ndryshojnë historinë shkatërruan thuaja çdo kulturë para osmane në trojet tona, sa që as sot nuk e dijmë me saktësi çfarë emra mbartnin të parët tanë.

Agroni, Teuta, Loriku, Gentiani, Afërdita Pirro etj. etj. nuk gjinden tek kombet tjera përpos tek pasardhësit e vet.

Gabohesh shumë kur thua që Ilir, Dardan, Teuta e Afërdita janë të shekullit 20, se këta kan egzistuar edhe atëherë kur arabët e turqit jetonin si egërsirat! Gjtihashtu as Muhameti nuk ishte shqiptar!

Ori ti me inat po shkruan !

Me leht gjen emra te paganeve te huaj tek katoliket, se emra tipik shqiptar qe datojn qysh para-krishterizmit !

Me gjej ne histori ndokend qe eshte thirrur Ilir, Dardan, Gentian apo Teuta e Afërdita ?

S'ke, por nese kerkon mir,.. mund te gjesh emra pagan te huaj qe regjimi i kishave sllavo-latine u ka imponuar shqiptareve te asaj kohe, emra si Millosh, Emanuel, Konstantin, Angjelin, Vojsava, Viktor, Julian e Hamam ! Por emrat qe i ceke ti, kurrsesi !

Ne Islam, lejohet venja e emrit te bukur, si Ilir, Dardan e te tjer,.. me rendesi eshte qe emrin te cilin e mban, te mos ket ndonje dmth-je te keqe, apo te mbart emrin e ndonje njeriu famekeq !

Kurse periudha kur arabet kan jetuar si egërsira, s'ka pasur as Muhamed e dashmja Murgesh, tash ne vend qe te behesh avokate e katolikve, un te sygjeroj te behesh avokate e vetvetes, sepse Dardan, Ilir e Gentian, as sot e kesaj dite sun gjen tek katoliket e aq me pak tek ortodokset shqipfoles.

[panta_rhei]

Ka qene ktynehere nje kenge:
"Rreth e rreth bahces u solla..."

Me qit diskutimin e kerkesave te ministrit turk, rreth bahces jemi kah sillemi, ama puna eshte te hyhet brenda.
Pse ky Fshatar patrioti, asnjeher (plus si hapes i temes) nuk e permendi ate m*tin e pdk-se e te uck-se, ministrin kosovar te arsimit, rame buja??? I cili e shtriu qafen para ministrit turk kur turku kerkoi "spastrimin e vockel etnik ne Kosove.
Kur je dyftyrsh, hem don te shitesh patriot, hem don te mbrojsh pisat, hem don te mbrojsh fene, hem kombin... qishtu pastaj detyrohesh te sillesh jo vec rreth bahces, po edhe rreth mullarit.

[murrizi]

Ç'është e gjithë kjo dashuni e Turqis për Shqiptarët ???

Dikush edhe nuk ka përtuar të shiqoj "thellë në brendi" dashunin e madhe të Turqis për Ballkanin e Shqiptarëve, fakt është gjithashtu që ne na detyruan edhe kësaj here t'a mbeshtesim prapanicen n'Turqis, E Turqia veproj mu ashtu si dikur para 500 vjetëve, bëri punën e saj.
Njohjet që na u premtuan nga turbangjinjët nuk erdhen, derisa këta që na detyruan të kërkojm lëmosh nga ata i kapi panica për "dashunin" e madhe që po e shfaq Turqia për Shqiptarët.
Në fakt tash ka filluar të garohet se kush do ti "dashuroj" më shumë Shqiptarët ?!
Aletatët natyral, apo ata që duan të bëhen të tillë
????

Historia nuk duron shtrembërime

Autor: Akademik Feti Mehdiu E enjte 8 Shtator 2011 12:07 PM

Historia shqiptare peng i doktrinës bizantine

Historia është histori! Ajo nuk ndryshohet! Por, historia shtrembërohet dhe ajo korigjohet!
Të gjitha këto janë të sakta për ata e dinë ç është hostoria dhe janë objektivë. Kjo nënkupton ata që janë njëmend profesionalistë në fahun e vet, qoftë histori, gjeografi, politikë, diplomaci, filologji etj. Për të qenë i tillë duhet të jeshë i guximshëm, i urtë, i ditur, i sinqertë, jokarierist, i vendosur, e mbi të gjitha të keshë të zhvilluar ndjenjën e gjykimit me drejtësi.
Në këtë fund gushti të vitit 2011 ministri i Arsimit i Turqisë dhe ministri i arsimit i Kosovës, me kërkesën e njërit dhe pranimin tjetrit se historia e shtrembëruar duhet korigjuar, ua shtinë xixat probizantinëve dhe sa s u del flaka, se mos po hidhrëhet rusia serbia e greqia-farkueset e doktrinës se sundimi i sulltanatit osman ishte fatkeqsia më e madhe në Ballkan, në mos edhe në tërë botën?! Media të caktuara manipuluan me termat: ndryshim, ndërrim, urdhër , kërkesë..., se për çfar qëllimi dhe me sa vetëdije, ua lëmë atyre.
Por një gjë nuk mund t u lihet mediave. Fakti se shtrembërimin e historisë duhat ta korigjojnë ata që e kanë shtrembëruar, u përket institucioneve profesionale – gjithashtu me kompetencë – të shteteve që janë bashkëkrijues të asaj historie dhe ata janë, kushtimisht dhe aktualisht: Stambolli dhe Prishtina.
Nevoja e korrigjimit të historisë shqiptare është shfaqur menjëherë pas shkatrrimit të sisitemit komunist në Evropën juglindore. Në vitet e 90 të shekullit të kaluar në Prishtinë, nuk ishte Turqia të kërkojë: “...të ndryshohen librat e historisë në Kosovë...pastrimin e historisë,” e as “Urdhërat e vezirit”, por ishte inteligjenca shqiptare e Kosovës prej të cilëve u dëgjuan zërat e parë se historia shqiptare është e falsifikuar dhe se duhet korigjuar, madje disa thoshin se duhet rishkruar fund e krye. Pas përfundimit të Luftës në Kosovë, qershor 1999, në institucione kulturore e shkencore të Kosovës ( Instituti për mbrojtjen e Monumenteve të kulturës kah virti 2003 a 2004.. ) ka pas një nisiativë për të evidentuar shtrembërimet që ka psuar kjo histori në tekstet shkollore në Kosovë. Ku mbeti ajo nisiativë nuk e di. Por e di se për Maqedoni, për tekstet e historisë në gjuhën turke, këtë punë e kanë kryer autorët M. Shahingöz dhe Sh.Bilalli, por kjo ishte vetëm vetëm për tekstet shkollore në gjuhën turke, për tekstet në gjuhën shqipe nuk di të jetë bërë ndonjë punë konkrete as nga Prishtina as nga Tirana. Të paktën unë nuk e di. Tash kur kjo çështje ngritet nga qarqet diplomatike, ngritet temperatura në 42 gradë, muleni se u dogj doktrina bizantine! Shpejtoni ta mbuloni realitetin e luftërave të ushtrisë Osmane në Ballkan!
Probizantinëve, ani edhe atyre që flasin e shkruajn shqip, u tingllon bukur refreni anakronik: “.... një prej kapitujve më të tmerrshme të historisë shqiptare – asaj të okupimit nga Perandoria Osmane...”, ”... pasha i Turqisë në vitin 1910, prej Shkupi deri në Merdar, në çdo 10 metra e ka ngulur në hunj nga një shqiptar.... ?!”, “... serbve u ka lejuar që të hapin shkollë në mes të Stambollit, ndërsa shqiptarëve nuk ua ka lejuar hapjen e tyre as në vilajetet e veta.” “... të ndërpritet historia...”; ua ka ndaluar përdorimin e gjuhës shqipe, etj.
Madje edhe me disa krahasime, ku barazojnë Turqinë me Greqinë, apo Gjermanin e Hitlerit me Izraelin, që as qent endacakë nuk i hanë!
Po formula e pagëzimit, Meshari i Gjon Buzukut, Fjalori latinish – shqip, veprat tjera letrare në gjuhën shqipe, të cilës kohë janë? Mos janë të periudhës Romake a Bizantine?! I harrojnë tërësisht vitet 1492, 1555, etj., nga të cilat daton gjuha e shkruar shqipe!
Fati është se të dy zyrtarët e përmendur të shteteve, aktore të historisë për të cilën bëhet fjalë, Dinçer-Buja, janë kuadra me kualifikim superior e tituj shkencor për këto çështje si edhe kanë mekanizmat tjerë që nuk mirren me doktrina të askujt por me dokumentet e dorës parë, nga të cilat duhet mësuar se në vitin 1389, në Kosovë sulltan Murati me ndihmën e shqiptarëve, të cilët kishin kërkuar ndihmën e sulltanit për t i shpëtuar nga vulosja me hekurin e skuqur në ballë prej Nemanjiqëve me qëllim që shqiptarët të detyrohen të hynë nën kishën sllave, doli fitimtar kundër aleancës në të cilën gjithashtu merrnin pjesë edhe shqiptarë. Kjo ishte Beteja e Kosovës kur zen fillë miti se “turqit ishin e keqja e botës kurse bizanti ishte shpëtim i botës”. Do të thotë disa luftuan në anën e sulltanit dhe pala tjetër në anën e Llazarit, porë që të gjith ishin të krishterë – dhe Sulltan Murati që të ghithë shqiptarët i çliroi nga dhuna e bizantit, njëlloj sikur që ndodhi në vitin 1999 kur pakti NATO, në krye me SHBA dhe aletët tjerë e çliruan popullin e Kosovës nga dhuna e pushtetit të Beogradit. Pra, termat pushtues e çlirues janë relativë. Pushtuesin duhet ta pushtosh, për të qenë çlirues për të pushtuarin. Dhe ata që nuk duan ta zemrojnë Rusinë, Serbinë dhe Greqinë, le ta emërtojnë në dashin agresor në dashin pushtues barbar Aleancën Veriatllantike! Është punë e tyre, por historia nuk mund të mbetet peng i doktrinës bizantine përsejeta, sipas të cilës për shqiptarët vetëm Turqia, Austrohungaria, Italia dhe Gjermania kishin qenë armiqtë më të përbetuar, dhe kjo bëhet me të vetmin qëllim që të humbasin gjurmët apo të paktën të maskohen edhe ndonjë dit, krimet e Car Dushanëve e Sllobodanëve kundër shqiptarëve, duke trumbetuar se Dushani e Sllobodani ishin miq të shqiptarëve!!!
Nëse historia falsifikohet në një moment të caktuar, ajo herdokurë duhet të korigjohet dhe korigjimi nuk quhet ndryshim as ndërrim, sepse historia as ndërrohet as ndryshohet-domosdoshmërisht korigjohet.

* * *

Këtu fillon prosulltanizmi, (ithtarët e luftës së S. Muratit) sepse sulltani e çliroi - jo e okupoi - dhe e shpëtoi kombin shqiptarë, pastaj formoi katër shtete shqiptare në hapsirën etnike me një infrastrukturë që kurrë deri atëherë nuk e kishte pasur kjo popullatë.
Po ashtu këtu zen fill edhe probizantizmi (ithtarët e luftës së princ Llazarit) – që për të mos ia prish qejfin Rusisë, Serbisë dhe Greqisë, vazhdojnë edhe sot e tërë ditën të kontribuojnë ta mbajnë gjallë një doktrinë e cila tani më është në komë të thellë dhe dëshiron ta fus në greminë edhe Kosovën e Turqinë. As Kosova as Turqia nuk janë më ato të shekullit të kaluar.

[Kercovari]

"Po ashtu këtu zen fill edhe probizantizmi (ithtarët e luftës së princ Llazarit) – që për të mos ia prish qejfin Rusisë, Serbisë dhe Greqisë, vazhdojnë edhe sot e tërë ditën të kontribuojnë ta mbajnë gjallë një doktrinë e cila tani më është në komë të thellë dhe dëshiron ta fus në greminë edhe Kosovën e Turqinë. As Kosova as Turqia nuk janë më ato të shekullit të kaluar".

Besoj se per panten dhe co. mjaftojn keto rreshta,per te mos e lexu deri ne fund shkrimin e Mehdiut se kam frike u bie kardiodajagu..!

[Guri i madh]

Turqia do rishikim tekstesh? Të kërkojë falje publike për pushtimin

Nga Dr. DOM NIKE UKGJINI*
Në kohët e fundit, nga bota politike është hedhur deklarata për rishikim të historisë shqiptare nën pushtimin osman dhe eliminimin e paragrafëve fyese nga librat shkollorë etj. Kjo deklaratë bazohet në një kërkesë të bërë nga Komisioni Evropian, “Për ndryshimin e gjuhës së urrejtjes në Ballkan”. Nga ky debat politik janë joshur dhe disa intelektualë të njëanshëm në Kosovë dhe Shqipëri, të cilët në kohën e fundit, përkundrejt ndonjë lloj shpërblimi, janë të gatshëm ta rikorrigjojnë vetveten, duke dalë “pro rishikimit” të lëndës së Historisë dhe të Gjeografisë në tekste shkollore për periudhën osmane. Është e vërtetë se “Quot homines, tot sententiae” (sa koka, aq mendime), por mendimet që dalin nga njeriu si mendje hyjnore, duhet të jenë në harmoni më falën e urtë latine: “Nihil est veritatis luce dulcius” (Nuk ka gjë më të ëmbël sesa drita e së vërtetës).
Nga dokumentet e kohës, të cilat gjenden në arkivat e qendrave evropiane, shihet shumë qartë se si pushtuesit përdorën metoda të ndryshme për ta nënshtruar popullatën vendase: si, sistemi i devshirmes (jeniçerizmi), sipas të cilit merreshin djem nga familjet e krishtera shqiptare dhe dërgoheshin në Stamboll. Kjo dukuri, e cila zbatohej në perandorinë osmane që në kohën e sulltan Muratit II nga viti 1451 e në vazhdim, kishte goditur në palcë shpirtin e shqiptarit të robëruar. Për këtë fenomen të dhimbshëm flet edhe ipeshkvi i Shkodrës Benedikt Ursin në relacionin e tij dërguar Selisë së Shenjtë (Vatikanit) në vitin 1628; taksa e xhizjes për të krishterët, e cila përbënte një presion social dhe ekonomik në rritje, e për të cilën na flasin shumë qartë defterët e ndryshëm nga ai i Shkodrës (1485) e të tjerë, si dhe relatorët e shumtë të Selisë së Shenjtë, prej të cilëve Marin Bici në vitin 1610, Pjetër Budi, Frang Bardhi, Shtjefën Gaspri etj. Gjithashtu kujtojmë edhe ekzekutimet, ndëshkimet e shumta, ndalimi me ndëshkim i shkrim-leximit dhe hapjes së shkollave në gjuhen shqipe etj.
Historia na tregon se perandoria osmane, me urdhër të Sulltan Selimit, II nga viti 1569 bëri konfiskimin e pronave të kishës dhe objektet në gjithë perandorinë, përveçse në Konstantinopol, Brussi dhe Andrianopolis, për t’i shndërruar në xhami, depo municionesh, kazerma ushtarake etj. Nga ungji, Gjoni, mësojmë se pas vdekjes se Imzot Pjetër Bogdanit në vitin 1689, ushtarët turq e zhvarrosën trupin e tij nga kisha e Prishtinës dhe ua hodhën qenve përgjatë rrugëve të qytetit, ndërsa ipeshkvi i Shkodrës, Anton Zezaj (Neri) në vitin 1701 qe varur në litar në qendrën e qytetit nga qeveria osmane. Ky presion ndaj priftërinjve, vendas apo misionarë, ushtrohej për t’i treguar popullit se nuk kishte kush t’i mbronte, se edhe ata do t’i gjente i njëjti fat në qoftë se nuk do t’i nënshtroheshin pushtetit. Ngjashëm njoftojnë të gjithë relatorët e Selisë së Shenjtë, si Pjetër Massareku, Pjetër Bogdani, Vinçenc Zmajeviqi etj. Ekzekutime, torturime dhe shpërngulje masive pati edhe pas luftës ruso – austriake kundër Turqisë në vitet 1735 – 1739.
Si përmbledhje të asaj çfarë ka ndodhur, studiuesit e huaj të paanshëm si: Georg Stadtmüller, Peter Bartel, amerikani, Jacques E. Edwin etj., pohojnë se: turqit për katërqind vjet më radhë i detyruan shqiptarët me shpatë dhe me taksa që të tradhtojnë krishtërimin.
Se pushtimet osmane për ne shqiptaret, lanë pasoja të mëdha politike, dëshmon fakti i Kongresit e Berlinit 1878 dhe ai Londrës 1913, ku përkundrejt peticioneve protestuese për mos copëtimin e trojeve shqiptare, të dërguara nga Lidhja Shqiptare, Fuqitë e Mëdha duke identifikuar shqiptarët në masën 70% të islamizuar më turqit, pa ndonjë hezitim vendosën që tokat shqiptare të bëhen plaçkë tregu ndërmjet: Perandorë Osmane, Greqisë, Bullgarisë, Serbisë dhe Mali të Zi.
Ngjarja e pushtimeve osmane me një përshkrimin kreativ do ishte “si një mortajë e zezë”, e cila tjetërsoi një pjesë të jetës shpirtërore të shqiptarit, në aspektin politiko-shoqëror-kulturor, socialo-psikologjik dhe fetar.
Është shumë e qartë, se qytetërimet, përgjithësisht kanë qenë dhe mbeten baza kryesore, rreth të cilave krijohen aleanca të ndryshme politike, ekonomike dhe ushtarake dhe boshti i integrimit të shteteve evropiane, por është dhe e qartë, ato dallohen midis tyre nga historia, gjuha, kultura, traditat dhe, në një masë të madhe, nga besimi fetar.
Qarqet politike dhe intelektuale në Shqipëri e më gjerë duhet të përfshihen në një debat, jo si ta shpërfillim realitetin historik të popullit tonë, duke i hyrë në hatër njërës palë apo tjetrës, por duke e nxjerrë në pah pjesën e lavdishme dhe atë të hidhur të populli tonë, të shkaktuar nga pushtuesit e njëpasnjëshëm, e sidomos të perandorisë osmane, e cila zgjati për gjatë 450 vite më radhë. Nëse qeveria e tanishme turke merr përsipër ta identifikojë veten me perandorinë osmane, atëherë ajo, jo që duhet kërkojë rishkrimin e historisë, por të bëjë një “mea culpa” (punë të pendimit) publike ndaj popullit shqiptar.
Tema bosht e polemikës, edhe pse nuk pohohet qartë, është mohim i pushtimeve osmane dhe çështja e islamizimit të shqiptarëve. Këtë lloj kërkese, para disa ditëve, në favor të serbëve e bëri dhe ambasadori serb gjatë një vizite në një shkollë në afërsi të Fierit. Shtrohet pyetja: Po tani, me çfarë terminologjie do shkruajmë në librat shkollorë?! Pastaj, a do bëjmë asgjësimin e të gjithë dokumentacionit arkivor brenda dhe jashtë vendit, i cili flet për pushtimet osmane?! Apo diç tjetër!?
Kur qeveritë aktuale dhe intelektualët, me të drejtë ngulmojnë që të zbardhen krimet e komunizmit, tani me çfarë ndërgjegjeje kërkojnë që të heshtet mbi krimet e perandorisë osmane dhe eventualisht nesër, të atyre serbe, të shkaktuara gjatë luftërave ballkanike dhe më vonë?
Sokrati do thoshte: “Të njohësh të tjerët është dituri, të njohësh vetveten është iluminizëm”.
Të polemizohet rreth këtyre çështjeve se, a kanë qenë shqiptarët të pushtuar apo jo, dhe se pushtuesit kanë ardhur me lule dafine, është humbje kohe dhe polemikë e tejkaluar. Shqiptarët janë në proces të ripërcaktimit të identitetit të tyre qytetërues drejt atij perëndimor, drejt atij qytetërimi prej të cilit u shkëput forcërisht shekuj më parë, prandaj duhet thundruar mirë në mendjen dhe shpirtin e tyre fjala e urtë latine:
“Amicus Plato, sed magis amica veritas” (E dua Platonin, por më shumë e dua të vërtetën).
*Historian- Instituti Filozofik dhe Teologjik në Shkodër.

[Zero Cool]

Kosova (s)mund ta rishikojë historinë





Gjatë vizitës në Prishtinë, ministri turk i Arsimit, Omer Dinçer, kërkoi heqjen e një pjese të teksteve të historisë që kanë të bëjnë me sundimin otoman në Kosovë. Përgjigja nga Prishtina ishte e shpejtë. Ministri i Arsimit, Ramë Buja, pohoi se është caktuar një komision i posaçëm për të bërë disa ndryshime në libra.


“Komisioni ka vizituar Turqinë dhe është duke vërtetuar faktet historike”, ka thënë Ministri. "Librat e rinj të historisë në Kosovë do të jenë në dispozicion vitin e ardhshëm shkollor".

Megjithatë, jo të gjithë janë dakord me ndryshimet.

Analisti Ndue Ukaj thotë faktet nuk mund të ndryshohen edhe nëse ministria turke dhe kosovare duan kështu. Ai paralajmëron se një veprim i tillë mund të dëmtojë marrëdhëniet ndërfetare mes shqiptarëve.

"Të krishterët nuk do të pranojnë asnjë formë të ndryshimit të historisë”, ka thënë Ukaj për SETimes.com.

Ambasadorja turke në Kosovë, Songul Ozan, ka thënë për RTK-në se “me këtë marrëveshje synohet që brezat e ardhshëm të mësojnë pa paragjykime”. Ndërsa, drejtori ekzekutiv i Institutit për Politika të Ballkanit, Seb Bytyçi, thotë se rishikimi i historisë duhet të ndodhë për hir të shkencës.

"Është i dobishëm nëse kryhet për hir të nevojave akademike. Por, nëse kryhet për qëllime politike, do të krijojë një konflikt të ri dhe do të ndërlikojë marrëdhëniet shqiptaro-turke", ka thënë Bytyçi.

Olsi Jazexhiu, doktorant që studion nacionalizmin shqiptar thotë se shumë vende në rajon kanë ndryshuar ngjarjet e tyre historike.

"Pas rënies së komunizmit, librat ku Perëndimi shihej si armiqësor u ndryshuan. Librat shkollorë gjithashtu u rishikuan pas shpërbërjes së Jugosllavisë, kur bashkësia ndërkombëtare u kërkoi vendeve që të hiqnin ngjarjet urryese që nxitën konfliktet në Ballkan," shpjegon ai.

Jazexhiu thotë se rishikimi i historisë në Kosovë dhe Shqipëri është i nevojshëm për të pastruar librat nga ideologjia komuniste. Ndërsa, komentatori politik, Fatlum Sadiku, thotë se Kosova ka nevojë për historinë e saj, jo për historinë e shkruar në Tiranë apo Beograd.