Lajme aktuale nga vendi !

[Zero Cool]

Kufijtë e Kosovës janë të pacenueshëm


Në lidhje me ngjarjet e fundit në Kosovë reagoi dhe europarlamentari Bernd Posselt, i cili është bashkëraportues për bisedimet mbi statusin e ardhshëm të Kosovës në grupin e partive popullore të Parlamentit Evropian.





Europarlamentari deklaroi se qeveria gjermane, Këshilli i BE-së dhe Komisioni Evropian, duhet të garantojnë sigurinë në kufi.

“Kosova është një vend i pavarur. Ai njihet nga shumica dërrmuese e anëtarëve të BE-së, është njohur nga Parlamenti i BE-së, treçereku i parlamentit të BE-së është shprehur pro pavarësisë së Kosovës dhe e ka përjashtuar qartë ndarjen e Kosovës si një zgjidhje të problemit, pra kufijtë janë sqaruar. Kjo do të thotë, se sa më shpejt që ta kuptojë këtë Serbia, aq më mirë është për Serbinë dhe për paqen në rajon. Serbia e bllokon vetë rrugën e saj në strukturat evropiane”, tha Posselt, transmeton Shekulli.

Sipas tij kufijtë, e Kosovës janë të pandryshueshme. “Kufijtë e Kosovës po cenohen në mënyrë agresive nga fqinji. Nëse vazhdon këtë taktikë, Serbia nuk mund ta vazhdojë rrugën e saj në drejtim të BE-së. Ky është mendimi i shumicës dërrmuese të Parlamentit Evropian”, theksoi europarlamentari Posselt.

[Zero Cool]

Nëse lufta fillon, Kroacia do ta rishikoj rolin e saj në Kosovë



Dhuna në kufirin mes Kosovës dhe Serbisë, si dhe të shtënat në helikopterët kroat në përbërje të KFOR-it, kanë shtruar pyetjen se si do të pozicionohen trupat kroate në rast të përkeqësimit të situatës? Analistët ushtarak mendojnë se nuk do të ketë eskalim të gjendjes së sigurisë, ndërsa diplomatët thonë se roli i Kroacisë mund të “rishikohet”.





Për analistin ushtarak Igor Tabak, angazhimi kroat në misionin paqësor në Kosovë “duket si lojë kumari”. Ndërsa, nëse ndodhë konflikti i hapur, ai thotë se është e mundur që nga komanda e KFOR-it të kërkohet që të mos dërgohen trupat kroate në misione të tilla. “Në misionin e KFOR-it mundet qartë të caktohet kufiri i veprimit kroat”, thotë Tabak, transmeton TPortal.

Edhe diplomati Tonino Picula, me përvojë në disa ish republika të Bashkimit Sovjetik, thotë se trupat paqësore janë me komandë të përbashkët, por se ka situata në të cilat mund të përcaktohen detyrat e kontingjenteve të caktuara.

“Shtete të caktuara thjeshtë mund të tregojnë se si do të shkojnë në mision, dhe se nuk do të marrin pjesë në operacione luftarake”, thotë Picula.

Sipas tij, në rast të situatës së sigurisë në Kosovë, mund të kërkohet “rishikimi i rolit të trupave kroate dhe të kërkohet që të mos futen në konflikte të armatosura”. “Nëse ndodhë konflikti dhe trupat kroate tërhiqen, kjo nuk bëhet nga frika e as nga trimëria, por nga roli i dizajnuar politik”.

Problem i madh për trupat kroate në Kosovë ka lindur kur ministri serb i policisë, Ivica Dacic, publikisht ka thënë se helikopterët kroat janë të kyçur në aksionin e KFOR-t në kufirin Serbi-Kosovë. Në Presidencë thonë se nuk është në rregull të potencohet nënshtetësia e anëtarëve të trupave paqësore. Por, bashkëpunëtorët e presidentit Josipovic nuk kanë dashur të deklarohen për mundësinë që Kroacia, në rast të përkeqësimit të konfliktit të armatosur në mes të serbëve dhe kosovarëve, do të kërkoj mospjesëmarrjen e trupave kroate në aksionet e KFOR-it.
“Kroacia në Kosovë është në përbërje të KFOR-it, në misionin paqësor të aleatëve të NATO-s, dhe ne kemi për detyrë që të ndihmojmë edhe njërën e edhe palën tjetër në arritjen e zgjidhjes paqësore”, vlerësojnë në zyrën e Presidentit, duke shtuar se vazhdimi i bisedimeve e jo konflikti i armatosur është zgjidhja e vetme e pranuar.

[Zero Cool]

Shkarkohet dekani i Fakultetit të Mjekësisë


Dekani i Fakultetit të Mjekësisë, Gani Bajraktari, është shkarkuar nga detyra e tij, me vendim të Rektoratit të Universitetit të Prishtinës.





Rektori i Universitetit të Prishtinës, Mujë Rugova, ka thënë për Zërin se vendimi për shkarkim i ka shkuar Bajraktarit të premten rreth orës 15:00.

Vendimi i rektorit Rugova për shkarkimin e dekanit Bajraktari, vjen një ditë pas deklarimeve të të parit të UP-së se dikush do të japë përgjegjësi për parregullsitë gjatë provimit pranues në Fakultetin e Mjekësisë (plotësimin e testeve me laps të thjeshtë grafik dhe mosmbulimin e tyre me folie) dhe stresit të shkaktuar mbi 1.400 maturantëve dhe prindërve të tyre.

[Zero Cool]

AKR përshëndet veprimet në mbrojtje të sovranitetit


Aleanca për Kosovë të Re përshëndet veprimet e vendosura të qeverisë Thaçi për të vendosur sovranitetin e shtetit tonë në të gjithë territorin- thuhet në një deklaratë të AKR-së.





“Aleanca për Kosovë të Re përshëndet veprimet e matura të autoriteteve policore, duke u përkulur me nderim para sakrificës së heroit më të ri të Kosovës, Enver Zymberi. Ne i jemi mirënjohës dhe aleancës më të madhe ushtarake perëndimore, NATO-s, e cila nëpërmjet KFOR-it i ka dhënë mbështetjen maksimale të veprimeve të qeverisë së Kosovës duke afirmuar sovranitetin tonë në kufijtë veriorë”, thuhet në deklaratë.

AKR ka potencuar kontributin e figurave më të rëndësishme që AKR-ja i ka dhënë qeverisë dhe institucioneve të Kosovës që kanë rolin e tyre në këto ngjarje, duke përmendur “këmbënguljen e zonjës Mimoza Kusari Lila, e cila në pozitën e zëvendëskryeministres dhe ministres për Tregti e çoi deri në fund vendimin për respektimin e masave të reciprocitetit në shkëmbimet tregtare me Serbinë”.

“Ka qenë zoti Behgjet Pacolli, President i Koalicionit Kosova e re, i cili në cilësinë e Presidentit të Kosovës e vizitoi dy herë veriun e vendit me thirrjen “ të kthejmë sytë nga veriu”. Qasja e tij për zhvillimin e asaj pjese të Kosovës nëpërmjet krijimit atje të dy zonave të lira ekonomike është inkurajuese për të ardhmen e mbarë popullit të Kosovës.
Duke i paraprirë zhvillimeve të sotme dhe të ardhshme të kombit tonë, zoti Behgjet Pacolli ka iniciuar Lëvizjen për hapësirë mbarëkombëtare zhvillimi, e shpallur në një Konferencë të fundit në Tiranë me pjesëmarrjen e intelektualëve eminentë nga të gjithë viset shqiptare. Një nga sugjerimet që Konferenca e udhëhequr nga zoti Pacolli i bëri operatorëve ekonomikë të Kosovës është të riorientojnë shkëmbimet tregtare kah Shqipëria dhe nëpërmjet saj, drejt Perëndimit”, thuhet më tej, ndërsa përmenden edhe veprimet e ministrit të Shëndetësisë, Ferid Agani dhe ministrit të Mbrojtjes, Agim Çeku.

[Zero Cool]

HOXHAJ I SHPJEGON BAN KI MUNIT PABARAZINË TREGTARE QË I BËHET KOSOVËS


Ministri i Punëve të Jashtme i Kosovës, Enver Hoxhaj ka takuar në Nju Jork sekretarin e Përgjithshëm të Kombeve të Bashkuara, Ban Ki- Mun, të cilin e ka informuar për pabarazinë në marrëdhëniet e lira tregtare në mes të Kosovës dhe Serbisë...


Ministri i Punëve të Jashtme i Kosovës, Enver Hoxhaj ka takuar në Nju Jork sekretarin e Përgjithshëm të Kombeve të Bashkuara, Ban Ki- Mun, të cilin e ka informuar për pabarazinë në marrëdhëniet e lira tregtare në mes të Kosovës dhe Serbisë, si dhe për gjendjen në veri të Kosovës.

Ndërkaq, Ban Ki-Min shprehu domosdoshmërinë për siguri në Kosovë dhe përshëndeti rolin shumë pozitiv të KFOR-it në përmbushjen e këtij synimi.

[Neferta]

IVANOVIQI KERKON "GOMARIN E NGORDHUR''
KTHENE KOHEN !
Sekretari shtetëror në Ministrinë për Kosovën në Qeverinë e Serbisë, i cili aktualisht gjendet te barrikadat në Jarinë, ka thënë se komandanti i KFOR-it, Erhard Byler, nuk mund ta përdorë forcën kundër "popullit duarthatë, i cili është pasiv dhe i disiplinuar".

“Unë mendoj se Buhler nuk i ka kuptuar mirë bashkëbiseduesit tanë ose ata nuk kanë qenë të qartë. Këtë popull nuk mundet askush ta lëvizë. Për këtë as që mund të bëhet fjalë. Nuk ka Zot që i lëviz nga këtu, pa u plotësuar kushtet që janë vënë. Nëse ato kushte plotësohen, atëherë nuk do të ketë probleme”, tha Ivanoviq për Radion Evropa e Lirë.

Kushtet e serbëve nënkuptojnë kthimin e gjendjes para 26 korrikut.

[Zero Cool]

Serbët provokojnë ushtarët amerikanë në Jarinje





Dhjetëra serbë janë mbledhur të shtunën afër Jarinjes me “shirita” simbolikë me ngjyrë të verdhë rreth duarve, duke protestuar për shkak të mbylljes së këtij kufiri.

Burime të Kosovapress-it kanë bërë të ditur se protestuesit me gishta të ngritura lart në ajër, janë kthyer përballë ushtarëve amerikanë të KFOR-it, duke i provokuar ata, mirëpo ushtarët nuk kanë reaguar.

Sipas të njëjtave burime, ata kanë protestuar në shenjë të pakënaqësisë së tyre për mënyrën se si janë duke jetuar ditët e fundit.

“Shiriti i verdhë është alarm për kushtet në të cilat jetojmë ditët e fundit”, janë shprehur mes tjerash disa nga protestuesit, citojnë burimet.

Ndryshe, qarkullimi në këtë pikë është mbyllur për më shumë se 24 orë, ndërkohë që ushtarët amerikanë gjatë të shtunës nuk kanë lejuar kalimin e askujt.

[Zero Cool]

Serbia të shmangë konfliktin me KFOR-in dhe EULEX-in





Ministri serb i Punëve të Brendshme, Ivica Dacic, ka deklaruar se Serbia duhet të shmangë konfliktin me EULEX-in dhe KFOR-in dhe të mbrojë popullin serb në Kosovë.
Siç transmeton agjencia Beta, ai ka vlerësuar se KFOR-i dhe EULEX-i kanë qenë të njëanshëm, gjegjësisht kanë mbajtur anën Kosovës, por ka thënë se ky është një realitet me të cilin Serbia duhet të përballet.

“KFOR-i dhe EULEX-i kanë qenë të anshëm, sikurse edhe bashkësia ndërkombëtare, dhe kjo nuk është asgjë e re, këtë e bëjnë prapa shpinës së popullit serb, mirëpo kjo, fatkeqësisht, është realitet”, ka thënë kryetari i Partisë Socialiste serbe.

[Zero Cool]

Bashkësia ndërkombëtare i ka mbyllur sytë për veriun




Konflikti në kufi që shpërtheu ditët e fundit mes Serbisë dhe Kosovës, flet qartë për praninë e strukturave mafioze në rajon- vlerëson eurodeputetja dhe ekspertja për Ballkanin, Doris Pack.


Duke e komentuar deklaratën e kryeministrit kosovar Hashim Thaçi që e bëri përgjegjës Beogradin për shkallëzimin e situatës në kufi, Pack është shprehur: “Nëse me Beogradin Thaçi ka parasysh qeverinë serbe, atëherë nuk jam e këtij mendimi. Por nëse ka parasysh organizatorë në Beograd, atëherë e besoj”.

E pyetur ndërkaq, se për çfarë njerëzish mund të bëhet fjalë, në një intervistë për Deutschlandfunk, Pack ka thënë: “Këta janë njerëz të cilët kanë interes që Mitrovica të mbetet ashtu si është tani. Pra, si një vatër për kontrabandë dhe për shumë mundësi për të fituar para në rrugë të paligjshme”.

Eurodeputetja mendon se serbët në veri të vendit mund të afrohen me shtetin e Kosovës, duke e parë se si jetojnë serbët në jug të vendit, duke e parë se mund të jetohet edhe në paqe. “Dhe kjo mundësi duhet t’u mbahet atyre gjithnjë para syve”. Por kjo, sipas saj, nuk është e mundur pasi atje është gjithnjë i pranishëm ndikimi nga Beogradi dhe pikërisht ato struktura mafioze, kujdesen që të dy pikat kufitare Jarinje dhe Bërnjak, të mos vihen nën kontrollin e EULEX-it dhe policisë së Kosovës.

“Në policinë e Kosovës janë të punësuar serbë, serbë nga Kosova! Pra janë njerëzit e tyre të cilët ata kërcënojnë. Dhe unë mendoj se këtu BE dhe para së gjithash bashkësia ndërkombëtare duhet të ndërhyjnë më fort. Beogradit i duhet thënë se kështu nuk shkon! Nuk mund të kërkohet tani falje dhe të thuhet se nuk kanë gisht në incidente, kur prej vitesh bëhen përpjekje për të penguar atje ato struktura, që mund ta mbajnë të bashkuar Kosovën”, ka deklaruar Pack.

Siç raporton Zëri, ajo e ka kritikuar Bashkimin Evropian por edhe bashkësinë ndërkombëtare se për 10 vjet rresht i kanë mbyllur sytë para zhvillimeve në veri.

Sa i përket çështjes nëse Serbia do ta njohë shtetin e pavarur të Kosovës, eurodeputetja ka thënë se, herët apo vonë Beogradi nuk do të ketë zgjidhje tjetër, “pasi kur nuk ke marrëdhënie të mira me fqinjët, nuk mund të hysh në BE”.

[Zero Cool]

PËRUROHEN 10 SHTËPI PËR SERBËT E KTHYER


Dhjetë familje serbe, nga Prizreni të zhvendosura gjatë luftës së fundit në Serbi janë kthyer sot në mënyrë të organizuar në këtë qytet, pasi atyre, me një ceremoni të veçantë iu dorëzuan çelësat e shtëpive të rindërtua. Projekti është realizuar nga Britania e Madhe dhe ka kushtuar rreth 3 milion euro. Serbet e kthyer janë të lumtur që pas 12 viteve janë kthyer në shtëpitë dhe pronat e tyre....
Postuar: 03:41:28 / 28.07.2011




Dhjetë shtëpitë e ndërtuara në lagjen “Nënkalaja” në Prizren për serbët e zhvendosur, janë përuruar të enjten. Në ceremoninë e organizuar me këtë rast, kanë marr pjesë përfaqësuesit e Qeverisë së Kosovës, Ambasadës Britanike në Prishtinë, të Këshillit Danez për Refugjatë dhe përfaqësuesit e Komunës së Prizrenit, të cilët kanë bërë të mundshëm realizmin e këtij projekti që ka filluar vitin e kaluar.Ivica Tomosijeviq, këshilltar politik në Ministrinë për Kthim, ka thënë se ky projekt për kthimin e të zhvendosurve në këtë komunë, do të jetë model për tërë Kosovën. “Falënderojmë Ambasadë Britanike, Komunën e Prizrenit, Këshillin Danez për Refugjatë dhe të gjithë ata që kanë mundësuar ndërtimin e këtyre shtëpive dhe kthimin e të zhvendosurve. Mendoj se me këtë projekt kemi dëshmuar se edhe qytetarët tjerë mund të kthehen”, është shpreh ai.

Domenik Haterëod, këshilltar në Ambasadën Britanike në Prishtinë, Qeveria e të cilit shtet ka financuar këtë projekt, ka thënë se dita kur po përurohen këto shtëpi është e mirë për të gjithë. “Realizmi i këtij projekti ka qenë një sfidë. Që nga fillimi ka zgjatur 11 muaj dhe ka kaluar në disa sfida duke marr parasysh terrenin e pjerrët dhe rruajtjen e vlerave që ka kjo zonë e rëndësishme”, ka theksuar ai. “Kthimi është një gjë shumë e rëndësishme dhe na bënë të gjithëve të ndihemi mirë”.

Ligji i ri parasheh përkujdesje më të madhe ndaj Policisë së Kosovës


E mërkure 10 Gusht 2011 17:50
Familjet e policëve të rënë në detyrë, me ligjin e ri, i cili është miratuar nga Qeveria e Kosovës, do të kenë pension të përjetshëm në një masë deri në 80 për qind të të ardhurave të policit, ndërkohë do të ketë përgjegjësi shtesë për drejtorin e përgjithshëm të Policisë së Kosovës, raporton Kosovapress.
Kabineti qeveritar i ka dhënë mbështetje të plotë Projektligjit për Policinë e Kosovës, i cili, sipas propozuesit të tij, ministrit të Punëve të Brendshme Bajram Rexhepi, është i harmonizuar me Ligjin e ri për Inspektoratin Policor të Kosovës.
“Arsyet për hartimin e Projektligjit të ri për Policinë, konsistojnë si në vijim: harmonizimin e tij me ligjin e ri për Inspektoratin Policor të Kosovës, konkretisht bartja e përgjegjësisë disiplinore policore në Policinë e Kosovës, forcimin e kompetencave të drejtorit të përgjithshëm të Policisë në procesin e emërimit të zëvendësdrejtorëve të përgjithshëm të policisë, garantimi i mandatit për menaxhmentin e policisë në rastet e kryerjes së detyrës me përgjegjësi dhe përformancë të dalluar, organizimin dhe formatizimin e projektligjit sipas dispozitave të udhëzimit administrativ nr.14/2008 për hartimin e projektligjeve dhe akteve nënligjore”, ka thënë Rexhepi.
Zëvendësministri i Financave, Ramadan Avdiu ka propozuar që të shtohet një nen i veçantë lidhur me pensionin e policëve të rënë në detyrë.
“Propozojmë që tek neni 49 ose të shtohet nen i ri në nenin 50, ose të shtohet një pikë e veçantë lidhur me pensionin e policëve të vrarë në detyrë. Konsiderojmë se kjo nuk është e rregulluar me këtë ligj. Duhet të shtohet si nen i ri dhe policët e vrarë në detyrë, familjet e tyre, bashkëshortja, bashkëshorti dhe fëmijët deri në moshën 18 vjeçare të gëzojnë një pension në një masë deri në 80 për qind të të ardhurave personale që ka pasur polici deri në rënie në detyrë”, është shprehur Avdiu.
Ndërkaq, zëvendëskryeministri Hajredin Kuçi ka theksuar se Qeveria ka reaguar në rastet e rënies së policëve në detyrë, duke u ofruar ndihmë të menjëhershme, mirëpo tani është koha që kjo çështje të rregullohet me ligj.
“Ne kemi reaguar në raste të tilla kur ka pasur nevojë, edhe në rastin e fundit, por mendoj se tani duhet të rregullohet dy baza aty. E para për policët e rënë në detyrë të kenë formën e kompensimit imediat, domethënë aty për aty për një shumë, dhe e dyta që pensionimi për familjet e tyre të jetë i përjetshëm dhe për fëmijët deri në moshën 18 vjeçare, sikur që parashihet për rastet e tjera. Pra janë dy baza që kërkohet dhe ky është një stimulim edhe për punën që bëjnë, por njëkohësisht stimulim edhe për rendin dhe ligjin, por edhe një garanci e plotë për ata njerëz të cilët e rrezikojnë jetën e tyre në detyrë”, ka thënë Kuçi.
Ndryshe, deri më tani në krye të detyrës kanë rënë 14 pjesëtarë të Policisë së Kosovës, ndërkaq i fundit ishte Enver Zymberi, i cili u vra gjatë përballjes me grupet kriminale serbe më 25 korrik, ditën e aksionit për vënien e ligjshmërisë dhe kushtetutshmërisë në tërë territorin e Kosovës.

Shqiptarët lobojnë me para dhe femra

Lajmi i "Klan Kosova" se komandanti i KFOR-it Erhard Buhler nuk do të largohet i vetëm nga Kosova por me një nuse shqiptare, zgjoi interesim te mediat serbe. Këtë lajm politikanët serbë të Kosovës e komentuan me fyerje të rënda. Milan Ivanoviq fyen nderin shqiptarëve, merret me insinuata për diplomatët amerikanë, e ndërlidhë gjeneralin Buhler me periudhën e nazizmit, ndërsa për nobelistin Ahtisaari thotë se ka marrë para nga “mafia shqiptare” “Lidhja emotive e shefit të KFOR-it me një shqiptare e diskrediton atë si bashkëbiseduesin e parë të bashkësisë ndërkombëtare në lidhje me krizën në veriun e Kosovës”, shkruan “Pres”, citon “vesti-online”.
Milan Ivanovic, kryetar i Këshillit Nacional serb të veriut të Kosovës, ka thënë për “Pres” se “lidhja e shqiptareve të Kosovës me funksionarë të lartë të bashkësisë ndërkombëtare, është dukuri kronike”.
“Shqiptarët te ndërkombëtarët lobojnë ose me para ose me femra. Kjo është taktika e tyre. Ta kujtojmë Michael Steinerin, shefin e UNMIK-ut, i cili është ‘lidhur’ me një shqiptare e cila e ka braktisur posa i përfundoi atij mandati... Buhler shihet ashiqare që nuk është miqësor me serbët, ndërsa këtu flitet se babai i ka shërbyer në njësitet gjermane në vitin 1941”, ka thënë Ivanoviq, për të shtuar se “shqiptarët janë të prirë për të ‘montuar gra’, ndërsa njerëzit e fortë janë siguruar përmes privatizimit në Kosovë”.
“Pothuaj të gjithëve u janë siguruar vende në këshillat drejtues të kompanive të profitit të lartë. Kështu e kanë siguruar Madeleine Albright, të ndjerin Richard Holbrooke, Wesley Clark... Ndaj, nuk është çudi se të gjithë ata njerëz kanë luftuar për interesat e shqiptarëve më shumë se shtetet e tyre”.
Ivanoviq shkon tutje me insinuata, duke folur për “lidhjet e mafies shqiptare me përfaqësuesit e bashkësisë ndërkombëtare në Kosovë”, pastaj se “Marti Ahtisaari ka marrë para nga mafia shqiptare” dhe se emri i këtij të fundit “ndërlidhet me dërgimin e vajzave si dhuratë ‘bonus’”.

[Guri i madh]

Kuçi demanton kryeministrin për doganierët

Publikuar: 10.08.2011 - 19:47Prishtinë, 10 gusht - Kryeminsitri Hashim Thaçi ka thënë në mbledhjen e qeverisë se nuk ka ardhërmi për ata që bllokojnë rrugët e organizojnë barrikadat. “Marrja nën kontroll e pikave 1 e 31 i ka dhënë kuptim e vlerë sovranitetit dhe pavarësisë së vendit”, ka thënë ai.

Por, në konferencën për media është demantuar indirekt nga ana e zëvendësit të tij, Hajredin Kuçi, për punën e doganierëve në veri. “Në momentin që krijohen kushtet do të vendosen doganierët. Dihet se nuk ka qarkullim të mallrave komerciale. Ato janë zona ushtarake dhe kontrabanda është ndalur krejtësisht”, ka thënë Kuçi, transmeton Indeksonine

[Fshatari]

Postimi origjinal është bërë nga Hajra

Shqiptarët lobojnë me para dhe femra

Lajmi i "Klan Kosova" se komandanti i KFOR-it Erhard Buhler nuk do të largohet i vetëm nga Kosova por me një nuse shqiptare, zgjoi interesim te mediat serbe. Këtë lajm politikanët serbë të Kosovës e komentuan me fyerje të rënda. Milan Ivanoviq fyen nderin shqiptarëve, merret me insinuata për diplomatët amerikanë, e ndërlidhë gjeneralin Buhler me periudhën e nazizmit, ndërsa për nobelistin Ahtisaari thotë se ka marrë para nga “mafia shqiptare” “Lidhja emotive e shefit të KFOR-it me një shqiptare e diskrediton atë si bashkëbiseduesin e parë të bashkësisë ndërkombëtare në lidhje me krizën në veriun e Kosovës”, shkruan “Pres”, citon “vesti-online”.
Milan Ivanovic, kryetar i Këshillit Nacional serb të veriut të Kosovës, ka thënë për “Pres” se “lidhja e shqiptareve të Kosovës me funksionarë të lartë të bashkësisë ndërkombëtare, është dukuri kronike”.
“Shqiptarët te ndërkombëtarët lobojnë ose me para ose me femra. Kjo është taktika e tyre. Ta kujtojmë Michael Steinerin, shefin e UNMIK-ut, i cili është ‘lidhur’ me një shqiptare e cila e ka braktisur posa i përfundoi atij mandati... Buhler shihet ashiqare që nuk është miqësor me serbët, ndërsa këtu flitet se babai i ka shërbyer në njësitet gjermane në vitin 1941”, ka thënë Ivanoviq, për të shtuar se “shqiptarët janë të prirë për të ‘montuar gra’, ndërsa njerëzit e fortë janë siguruar përmes privatizimit në Kosovë”.
“Pothuaj të gjithëve u janë siguruar vende në këshillat drejtues të kompanive të profitit të lartë. Kështu e kanë siguruar Madeleine Albright, të ndjerin Richard Holbrooke, Wesley Clark... Ndaj, nuk është çudi se të gjithë ata njerëz kanë luftuar për interesat e shqiptarëve më shumë se shtetet e tyre”.
Ivanoviq shkon tutje me insinuata, duke folur për “lidhjet e mafies shqiptare me përfaqësuesit e bashkësisë ndërkombëtare në Kosovë”, pastaj se “Marti Ahtisaari ka marrë para nga mafia shqiptare” dhe se emri i këtij të fundit “ndërlidhet me dërgimin e vajzave si dhuratë ‘bonus’”.

Paj çka mei ba.Shqiptaret janë të pasur, te bukur, trima, evropjane autentik.Gjuhen e alfabetin e kane t'iliroevropjanishtes se vjeter, me tipare ariane; asgje te perbashket me tipin euroaziatik mongol(serb).
serbet kane zanate tjera: terrorizmin, barrikadizmin, banditizmin, hajnine, kloshardizmin, rrenacizmin, nomadizmin, rrugaçizmin dhe
çka i karakterizon me se shumti : PEDOFILINE ( i shesin femijte e mitur neper rruget e botes...):
________________________________________________
Serbët të përfshirë në rrjetin e pedofilisë
Nga Express më 06 gusht 2011 në ora 16:20
Disa serbë janë të përfshirë në rrjetin e pedofilëve, që u arrestuan tri ditë më parë në SHBA.
Në operacionin e policisë amerikane janë arrestuar 72 veta, si pjesë e rrjetit global të pornografisë së fëmijëve në Internet, që ka tregtuar me dhjetëra mijëra pamje dhe video, ku shihen fëmijët e keqtrajtuar seksualisht.
Zyrtarët thanë se prej 72 të dyshuarve, 43 vetë janë arrestuar në Shtetet e Bashkuara, ndërsa disa ishin arrestuar në vendet e tjera. Rreth katër persona nga ky rrjet janë nga Serbia.
Nga kompjuterët e konfiskuar të këtyre serbëve, është konstatuar me të vërtetë se këta ishin të lidhur me këtë rrjet dhe se në kompjuterët e tyre gjendeshin sekuenca të videove me fëmijë 10-12 vjeçar.
Është e mundur që pjesë të këtyre video sekuencave të jenë xhiruar në brendësi të Serbisë, si dhe në pjesën kufitare Rumani-Serbi, ku fëmijët për një sasi të vogla të parave i nënshtrohen prostitucionit rrugor.
___________________________
http://www.gazetaexpress.com/?cid=1,18,59740

Integriteti territorial i Kosovës është i padiskutueshëm


E enjte 11 Gusht 2011 11:45
Ministri i Jashtëm i Gjermanisë, Guido Westerwelle ka deklaruar të enjten në Prishtinë se për Gjermaninë integriteti territorial i Kosovës është i padiskutueshëm dhe harta e Ballkanit është realizuar përfundimisht. Ai po ashtu inkurajojë shtetet e Bashkimit Evropian që nuk e kanë njohur Kosovën ta marrin një hap të tillë, dhe theksoi se kjo çështje është pjesë e politikës së jashtme të shtetit gjerman.
Pas takimit me kryeministrin Hashim Thaçi, ministri i Jashtëm i Gjermanisë, Westerwelle
tha se harta e Ballkanit Perëndimor është realizuar përfundimisht dhe nuk do të vihet në gjendje kur kufijtë do të jenë në pikëpyetje.
Ai vlerësoi se konfliktet dhe përleshjet në baza etnike nuk përkojnë me kohën evropiane dhe shprehu qëndrimin se është e rëndësishme që procesi i dialogut të rifillojë sa më parë që është e mundur.
Sipas tij, të gjitha çështjet e mosmarrëveshjet duhet të zgjidhen në kuadër të zgjidhjeve politike e ekonomike.
Ministri i Jashtëm i Gjermanisë, Guido Westerwelle po ashtu i inkurajojë shtetet e Bashkimit Evropian që nuk e kanë njohur Kosovën ta marrin një hap të tillë, dhe theksoi se kjo çështje është pjesë e politikës së jashtme të shtetit gjerman