Gurëthemeli i Shqipërisë etnike !

[Zero Cool]

A po vendoset gurëthemeli i Shqipërisë etnike?

Gjatë muajit dhjetorë të vitit 2012, përkatësisht me rastin e festimit të 100 vjetorit të pavarësisë së Shqipërisë së cunguar padrejtësisht, politikanët Shqiptarë të të gjitha trojeve dhanë deklerata në favor të bashkimit kombëtar.

Sic duket rrethanat politike ndryshuan. A po vendoset themeli? Në vazhdim disa nga dekleratat dhe analizat.


Berisha: Vendimi për shtetësinë gjatë kësaj jave


Tiranë, 10.12.2012 14:14

Me ftesë të kryeministrit të Shqipërisë, Sali Berisha, ish-kryeministri i Kosovës dhe kryetari i AAK-së, Ramush Haradinaj zhvilloi një vizitë në Shqipëri. Gjatë konferencës për shtyp, kryeministri Berisha e ka quajtur vizitën e tij historike, po aq sa edhe vendimin i Hagës për pafajësinë e tij.

“Kjo vizitë është ngjarje shumë e rëndësishme. Haradinaj si komandat i luftës çlirimtare të Kosovës ka luajtur një rol themelor në lirinë e shqiptarëve dhe lirinë kombëtare. Liria kombëtare është vendosur vetëm me çlirimin e Kosovës”, tha Berisha.

Kryeministri shqiptar dhe kryetari i AAK-së iu përgjigjën interesimit të gazetarëve për dhënien e shtetësisë shqiptare, për të gjithë shqiptarët kudo që jetojnë, duke e cilësuar vendimin si zbatim i një të drejte të munguar për qytetarët, raporton BW.

Ai nënvizoi se vendimi për dhënien e shtetësisë shqiptare do të miratohet gjatë kësaj jave nga qeveria, në përputhje me ligjin ekzistues.

“Qëllimet e mia ndaj shtetësisë për shqiptarët kudo që janë, jam i bindur që kontribuojnë më shumë në paqen dhe stabilitetin në Ballkan. Nga ana tjetër këto qëndrime janë adaptuar nga disa vende të BE. Maqedonasit nuk kanë probleme për zgjedhje identiteti apo rivalitet identiteti me shqiptarët. Bullgaria mike u jep shtetësi atyre qytetarëve që duan të marrin shtetësi bullgare. Nuk e ka bërë këtë në mënyrë absolute as për pretendim territorial ndaj Maqedonisë, përkundrazi”, u shpreh kryeministri.

“Sapo unë u deklarova për shtetësinë shqiptare të të gjithë shqiptarëve kudo që janë, u përballa jo vetëm me reagimin e albanofobeve, por edhe të mediave shqiptare, të cilave do t’iu kujtoj lexoni dekretin e ish- presidentit Berisha të vitit 1992. Fjalë për fjalë, kisha riprodhuar dekretin pikë për pikë në deklaratën time. Në atë kohë nuk kishte reagim. Duhet të kuptoni se shqiptarë janë të gjithë, edhe ata të diasporës. Historia nuk duhet mohuar”, vijoi kryeministri.

Ndërkaq, ish-kryeministri kosovar, Ramush Haradinaj theksoi se është e drejtë e bashkëkombësve, kudo që jetojnë, të mund të marrin shtetësinë shqiptare.

“U jepet një e drejtë e tyre, është e drejtë e tyre për ta shfrytëzuar. E shoh vetëm si zbatim i një të drejtë të shqiptarëve që jetojnë jashtë kufijve të vitit 1913”, u shpreh Haradinaj.

Ndër të tjera, në fjalën e tij në konferencën e përbashkët, kryeministri Berisha u ndal dhe në tezën e bashkimit të shqiptarëve. Sipas Berishës kjo tezë të shërbejë si ideal i udhëheqjes së shqiptarëve kudo ndodhen.

[Zero Cool]

Berisha: Kosovë-Shqipëri, një kampionat futbolli


Tiranë, 04.01.2013 20:31
Kryeministri i Shqipërisë, Sali Berisha nuk ua ka vërë veshin kritikave të disa diplomatëve perëndimorë e as atyre rajonalë. Ai ka vendosur që idenë e tij për bashkimin kombëtar ta realizojë në vepra, duke filluar t’i lidhë “fijet” e këputura 100 vjet më parë.

Në mbledhjet e fundit të qeverisë shqiptare, Berisha kërkoi një kampionat të përbashkët futbolli Kosovë-Shqipëri, ndërsa kërkesa tjetër e tij është heqja e të gjitha pengesave sa i takon valëve televizive.

“Zoti ministër i Kulturës, këtë vit duhet të fillojë veprimtarinë liga mbarëkombëtare e futbollit. Uluni dhe bëni projektin bashkë me ministrin kosovar. Ta quajmë mbarëkombëtare. Tifozi i Mitrovicës të vijë të shohë ndeshjen Flamurtari-Mitrovica. Të përfshihen të gjitha skuadrat. Kjo është rruga për të shpalosur të gjithë potencialet dhe talentet në futboll”, tha Berisha.

Ai kërkoi që bashkimi kombëtar të niset me futbollin dhe “të fuqizojmë tregun e futbollit për të ndier një numër sa më të madh yjesh”.

Kryeministri shqiptar kërkoi që edhe televizioni publik i Shqipërisë (TVSH) të mundësohet të transmetohet në Kosovë, sikurse edhe televizionet e Kosovës të transmetohen në Shqipëri.

“Hapësirë unike të valëve. Të gjitha mediet e Kosovës të kenë licencë. RTSH duhet t’u krijojë pikat e transmetimit të gjitha medieve të Kosovës që të vendosin antenat e tyre dhe ato të shihen nga Konispoli gjer në Vermosh”.

“Sikur do të bisedohet me qeverinë e Kosovës, që mediet e Shqipërisë të mbulojnë hapësirën mediatike të Kosovës. Nuk është se nuk ekziston, mirëpo është me pagesë, por do punojmë që të funksionojë forma pa pagesë”, tha Berisha, transmeton TCH.

Kjo ide e kryeministrit Berisha pason idenë e tij të mëhershme që çdo qytetari shqiptar jashtë Shqipërisë t’i jepet pasaportë shqiptare, nëse e duan atë. Ai tha se ka ardhur koha që shqiptarët të bashkohen në Shqipërinë natyrale.

Kjo ide tij u pa si shqetësim për vendet e rajonit, Maqedoninë, Greqinë, Malin e Zi dhe Serbinë. Kundër kësaj ideje u deklaruan edhe ambasadorët e BE-së dhe SHBA-së. Mirëpo Berisha tha se kjo është ide e kamotshme dhe pas shpalljes së pavarësisë ka ardhur koha që kjo ide të jetësohet.

[Zero Cool]

"Shqipëria e Madhe" - projekt i SHBA-së kundër Serbisë e Rusisë


Moskë, 04.01.2013

Alexandre Latsa, analist gjeopolitik për Euroazinë, në një shkrim të botuar sot, argumenton se krijimi i ‘Shqipërisë së Madhe’ është një synim i SHBA-së për të dëmtuar interesat e Serbisë dhe Rusisë, si dhe të botës ortodokse në përgjithësi.

Latsa argumenton se SHBA-ja shfrytëzoi momentin e dobët të Rusisë për të sulmuar Serbinë dhe ajo që po ndodh tani po bën që këto dy vende të afrohen sërish. Ai është francez që jeton në Rusi dhe punon si këshilltar në Moskë, raporton gazeta Shekulli.

Ai thekson se krijimi i 'Shqipërisë së Madhe' do të ndezë zjarr në Ballkan, zjarr i cili do të sjellë dobësimin e Evropës dhe destabilizimin e vendeve me popullsi ortodokse, si Maqedonia, Greqia, Mali i Zi dhe Serbia. Kryqëzata kundër botës komuniste është kthyer në një kryqëzatë kundër botës ortodokse, vlerëson ai.

Ja edhe shkrimi i plotë i botuar në faqen voltairenet.org:

Kryeministri i Shqipërisë, Sali Berisha, ka mbrojtur idenë për dhënien e shtetësisë shqiptare për të gjithë shqiptarët, kudo që ndodhen jashtë vendit. Kjo deklaratë u bë gjatë vizitës së tij në qytetin e Vlorës, me rastin e 100-vjetorit të Pavarësisë nga Perandoria Osmane.

Kjo deklaratë është pasuar nga disi të tjera të veçuara, që Berisha ka bërë me homologun e tij kosovar, Hashim Thaçi, të cilët kanë premtuar bashkimin e Shqipërisë. Vendi ishte zgjedhur të ishte Kosova, e cila sot banohet me shumicë shqiptarësh, po që nuk ka qenë gjithmonë kështu.

Gjatë Luftës së Ballkanit në vitin 1913, serbët ende kishin shumicën e popullsisës. Në 1941, Kosova ishte pjesë e Shqipërisë së Madhe, e cila ndodhej nën protektoriatin fashist Italian.

Pas luftës, Tito ndaloi emigrimin e shqiptarëve në Jugosllavi pasi sipas tij Jugollavia do të ishte më e fortë vetëm me Serbinë. Në vitin 1974, ishte ai që i dha Kosovës statusin e provincës autonome që iu hoq nga Sllobodan Millosheviç në vitin 1989, kur serbët përbënin më shumë se 15% e popullsisë.

Kur në vitin 2008, Kosova deklaroi pavarësinë, një dekadë pasi ushtria Perëndimore kishte ndërhyrë, shumë pak analistë treguan gishtin për dominimin e shqiptarisë në këtë shtet të vogël. Vendet Perëndimore dhe Bashkimi Evropian e njohën menjëherë pavarësinë e saj, pa ngritur pikëpyetje për trajtimin e minoritetit serb, pavarësisht precedentit të tmerrshme të vitit 2004 kur kristianët ishin viktima të masakrës, djegie të kishave dhe shkelje e të drejtave të njeriut. Është e vërtet që Evropa i kërkoi falje Bashkimit Evropian se në atë kohë kishte prioritete të tjera: organizimin e paradës së homoseksualëve në Beograd.

Ndodhi vetëm 4 vite pasi Kosova kishte shpallur pavarësinë. Mjaftuan katër vite për kryeministrin e Shqipërisë që t’i jepte arsye nacionalistëve serbë që thonë se nuk janë përballur me kosovarë (banues të Kosovës) por me shqiptarë, në një episod të ri të konfliktit antik që nisi 6 shekuj më parë kur sllavët ortodoksë u vunë përballë konvertuesve në djem të Perandorisë Osmane.

Perëndimi ka mbështetur krijimin e Kosovës me logjikën e vetme strategjike të rrënimit të Serbisë, e cila po kthehet sërish nga Rusia.

Kjo ndodhi në kohën kur Rusia ishte e dobët në maksimum. Në një kohë kur nga viti 1991 deri në vitin 2000 ushtria dhe media tunde flamurin kundër Serbisë së Millosheviçit për spastrim, në të njëjtën kohë po ndodhte lufta ekonomike dhe morale kundër Rusisë së Jelcinit.

Kryqëzata kundër botës komuniste ishte kthyer në një kryqëzatë kundër botës ortodokse dhe kundër qendrës së saj politike dhe ku banojnë shumica e tyre, në Rusi.

Teoricieni rus, Zbigniew Brzezinski, tha në vitin 2007: “Armiku kryesor i SHBA-ve tani është Kisha Ortodokse Ruse.” Krijimi i Shqipërisë së Madhe mund të shihet në këtë kuptim historik dhe gjeostrategjik.

Kjo është një ndeshje e re bankinë, një ndeshje që mund të krijojë një shkëndijë dhe të shkaktojë një zjarr të ri në ferrin e Ballkanit. Ky zjarr do të sjellë dobësimin e mëtejshëm të Evropës, por edhe destabilizimin e botës ortodokse (Maqedonisë, Greqisë, Malit të Zi, Serbisë ...) dhe për të frenuar afrimin e saj me Rusinë. Nga ana tjetër, ndikimi rus në Evropën Lindore do të vihej në pikëpyetje dhe për këtë arsye ajo do të afrohej me Evropën Perëndimore. Në këtë mënyrë, Shtetet e Bashkuara edhe një herë do të arrijnë objektivin e tyre kryesor: Për të parandaluar një afrim mes kontinentit të Evropës dhe botës katolike dhe ortodokse.

[elvio]

Te ish e vertete aq sa mendojne?
Te ish pak reale qe vertet ka nje skice duke u paraqitur me mjeshteri per gurthemele,por pervec se vullnetit te popullit personalisht asnje pike shansi nuk ekziston nga politika e korruptuar a qeverisjeve aktuale,edhe te te kaluares!!

Serish gur shenjester shqiptaret??
Lojerat me fate popujsh Amerika i ka te thella,por shqetesimi i ketyre ruseve per popujt ortodokse pse eshte?
Asgjekund s'permendin ne artikujt e tyre luften e kryer me genocidin serb,por jane te gatshem ti bejne engjej.

Interesante teme!

[Kercovari]

elvio,nje fjale popullore thote:"te perzish mjalt me gisht e te mos lepish gishtat nuk ben",ti ndoshta ke dashte thuash se keto qeveritare sot dicka me shume dhe me shpesh merren me leprije gishtash...
sa i perket rusise mos prite mrrekulli dhe asnje qendrim mik ndaj shqiptarve qe kure shoku Enver u nxori revolen ne Ruska duma humbi ajo dashuri ndaj shqiptarve...

[Zero Cool]

Eshte nje dallim i madh, nese nje politikan flet dicka kur eshte ne opozite dhe eshte krejt dicka tjeter kur nje kryeminister, e ne kete rast 2 kryeminister e thone haptas nje ide e cila deri me tani eshte fole vetem per te fituar votat.
Nuk duhet harru se ky eshte nje proces, dhe nuk eshte nje njohje formale, sic mendojne apolitikanet ne pozita politike, si i tille, procesi fillimisht zen vend ne formen e deshires, pastaj formulohet nga insitucionet, eventualisht behet nje referendum, dhe tere kohen kerkohet mbeshtetja nderkombrate per ate ide. Ne fund nese i kalon te gjitha pengesat politiko-juridike edhe realizohet.

Mu per kete thash ne titullin e temes: a thua eshte ky nje gure themel i ambicjeve Shqiptare ?

[AmonRa]

Lypni, do t'ju jepet; kërkoni dhe do ta gjeni; trokitni dhe do t'ju çelet! Sepse, kush lyp, i jepet, e, kush troket, i çelet.

[Zanzi/M]

Postimi origjinal është bërë nga AmonRa

Lypni, do t'ju jepet; kërkoni dhe do ta gjeni; trokitni dhe do t'ju çelet! Sepse, kush lyp, i jepet, e, kush troket, i çelet.

Se ke keq ti! Keto fjal te ungjillit jane te mira, mirepo keto jane per individualitetin jo per kolektivitetin. Shqiperia etnike eshte ide falso dhe e pa realizueshme dhe me prapavije te paster politike dhe perfitim politik.

Sipas kesaj logjike e ter harta e Europes duhet te ndryshoj. Ne kohet e sotme nje shtet i paster etnik eshte me shume prapambeturi se sa zhvillim -emancipim.





.

[Zero Cool]

AK dorëzon në KQZ kërkesën për referendum për bashkim kombëtar


Aleanca Kuq e Zi depozitoi sot në Komisionin Qendror të Zgjedhjeve kërkesën për zhvillimin e referendumit për bashkimin Kosovë-Shqipëri, nismë kjo e bërë publike prej 28 nëntorit në Morinë. Kryetari i Aleancës Kuq e Zi, Kreshnik Spahiu deklaroi se shtetet shqiptare duhet të anëtarësohen në BE si federatë shqiptare me 2 njësi, që rrëzon kufijtë, por nuk i ndryshojnë ato.

“Federata shqiptare me dy njësi krijon mundësinë që shqiptarët të hyjnë në BE si federatë shqiptare. Bashkimi do të ndodhë përpara anëtarësimit në BE. Ky është një detyrim që duhet ta kishte klasa politike shqiptare që duhet të provojë se nuk është peng i vendeve antishqiptare”, u shpreh Spahiu.

Sipas kreut të AK-së, referendumi është një akt historik, ndërsa bashkimi i dy shteteve, që kanë ndarë një komb përgjysmë nuk ka pengesë nga asnjë faktor i brendshëm apo i huaj dhe është i bazuar në konventat ndërkombëtarë të OKB.

“Shqipëria dhe shqiptarët pasi kaluan një vit jubilar të 100-vjetorit të bashkimit, kemi hyrë në vigjilje të 100-vjetorit të copëtimit. Një shekull pas copëtimit barbar të trojeve etnike shqiptare, ne vijmë me një akt historik për të depozituar në KQZ kërkesën për nisje të procedurave për bashkimin e dy shteteve shqiptare. Parimi i vetëvendosjes është themeli i sovranitetit popullor. Kjo kërkesë është një test që shtetasi Berisha të provojë që nuk është peng i Beogradit. Berisha të mos guxojë të pengojë të drejtën e miliona shqiptarëve për vetëvendosje”, deklaroi Spahiu.

Përfaqësuesit e Aleancës Kuq e Zi kanë dorëzuar zyrtarisht në Protokollin e Komisionit Qendror të Zgjedhjeve kërkesën e Aleancës Kuq e Zi për mbajtjen e referendumit dhe pajisjen me dokumentacionin zyrtarë për nisjen e mbledhjes së 50 mijë firmëtarëve, të cilët do të kërkojnë mbajtjen e tij.

[Zero Cool]

Maj 2012


http://www.youtube.com/watch?v=ryqT8...ature=youtu.be


Në një ceremoni festive në Prizren, Kryeministri i Shqipërisë Sali Berisha dhe Kryeministri i Kosovës Hashim Thaçi prezantuan sot abetaren e përbashkët, që unifikon teksin bazë të mësimit të gjuhës shqipe për fëmijët, në të gjitha trevat shqiptare. Abetarja ka si bashkëautorë Shezai Rrokaj, Mimoza Gjokutaj dhe dy përfaqësuesit nga Kosova Islam Krasniqi dhe Saranda Kumonova Pozhegu. O fol per njehsimin e te gjithe arsimit kombetar ne Ballka dhe jo vetem! Por si dhe cfare mendojne qytetar per mundesine e nje Bashkimi Kombetar? Kur per me teper ne kemi probleme thelbesore te nje modeli marrveshje midis njeri tjetrit ne politiken e Tiranes, Prishtines, Tetoves dhe me gjere?

[Oqeani]

"Slobodona Dalmacija": Shqipëria e madhe do të formohet këtë vit

44 minuta më herët
Madhësia e germave:

Pas ndihmës shumëvjeçare të Amerikës, projekti "Shqipëria e Madhe" mund të përfundojë këtë vit. Liderët e lëvizjes nacionale shqiptare këto ditë paralajmëruan se SHBA dhe Rusia kanë arritur marrëveshje për ndryshimin e kufijve, kështu që Presheva, Kosova, një pjesë e Maqedonisë dhe Malit të zi, do të gjendjet në kuadër të Shqipërisë së madhe, paralajmërojnë ekspertët.

SHBA me vite të tëra po pregadisin projektin e Shqipërisë së madhe, e cila do të mund të përfundojë këtë vit, shkruan gazeta kroate nga Spliti "Slobodna Dalmacija", transmeton presheva.com.

Gazeta paralajmëron se juglindja e Evropës është rruga më e shkurtë për tranzit ndërmjet perëndimit me naftën dhe gasin me vendet e Azisë së mesme, për të cilën edhe kjo është pjesë e "lojës së re gjeopolitike".

"Slobodna Dalmacija" citon dhe drejtorin e Institutit të parashikimeve regjiolane dhe krijuesin e "Shqipërisë natyrale" Koço Danaj, i cili thotë se këtë vit në rrugë paqësore mund të vij deri tek formimi i shtetit të ri Shqiptar tek i cili do të bashkohen të gjitha territoret shqiptare.

"Projekti Amerikan për krijimin e "Shqipërisë së madhe" me mjete diplomatike dhe ushtarake po realizohet me vite të tëra. Ekziston histori amerikane e angazhimit në regjion, mirëpo kur bëhet fjalë për këtë projekt, duhet të rikujtojmë disa pika të rëndësishme. Kjo është bombardimi Amerikan i NATO-s ndaj Serbisë në vitin 1999, ku pastaj në Kosovë janë vendosur 50.000 ushtarë të armatosur mirë" shkruan gazeta.

Këtu është, edhe "Marrëveshja e Ohridit", projekt Amerikan, me të cilin ka filluar proceri i reformimit politik të Maqedonisë i cili me ndryshime në kushteturë dhe me miratimin e ligjeve të ndrsyshme kanë siguruar të drejta më shumë për shqiptarët e Maqedonisë.

Pika e tretë kyçe, shkruan gazeta, përkrahja e madhe e Amerikës për pavarsinë e Malit të Zi dhe Kosovës, me të cilën është dobësuar Serbia, është bërë dekompenzimi dhe me këtë është krijuar edhe balansimi regjional.

"Politika Amerikane me këtë angazhim diplomatiko-ushtarak ka pregaditur projektin e Shqipërisë së Madhe, thotë për gazetën Dr Jadranka Poloviq, politikolog.

"I lidhur me Mediteranin, Lindjen e afërt, me pjesë të Kaukazit dhe Azisë së mesme po edhe me Evropën e mesme, gjithmonë ka qenë interes i fuqive të mëdha. Për shkak trë rritjes së rëndësisë së energjentëve në gjeopolitikë në shekullin 21, ky regjion, që lidhet me rrugë të rëndësishme, po edhe Gazprom, më në fund arriti edhe në Kroaci, bëhet hapsirë e vendosjes së fuqisë globale" thotë Poloviq.

Sipas saj, Evropa juglindore është rruga më e shkurtë tranzit ndërmjet evropër perëndimore me naftën dhe gasin të azisë së mesme dhe basenit kaspik dhe si i tillë bëhet pjesë e "lojës së re gjeopolitike" gjegjësisht hapsirë në të cilën gërshetohen interesat e SHBA, Evropës, Rusisë dhe Turqisë.

Poloviq ka thënë projekti për vendosjen e dominimit të Amerikvs në Evroazi fillon me Shqipërinë dhe përfundon në Kinë.

SHBA gjeostrategjinë e saj kundrejt Azisë së mesme e mbështesin në rrjetin proamerikan në Evropën juglindore - Maqedoni, Shqipëri, Rumani, Bullgri, Turqi dhe Greqi dhe në kontekstin e ri me Kosovën, si dhe në regjionin kaspik - Azerbajxhan, Uzbekistan, Gjeorgji dhe Ukrainë. /presheva.com/

[Zero Cool]

Tadic: “Shqipëria e Madhe” trondit Ballkanin


27.02.2013

Ish-presidenti i Serbisë, Boris Tadic, deklaroi se krijimi i “Shqipërisë së Madhe” do të nxiste destabilizim të menjëhershëm të Ballkanit.

Në debatin e organizuar nga grupi socialist në Parlamentin e Evropës, Tadic theksoi se ka qenë kundërshtar i Serbisë së Madhe” dhe “Kroacisë së Madhe” dhe se për këtë arsye kundërshton edhe planet për krijimin e “Shqipërisë së Madhe”, duke shtuar se vetëm përmendja e “Shqipërisë së Madhe” menjëherë shkakton destabilizim.

“Ballkani është një rajon kompleks kur bëhet fjalë për popujt që jetojnë aty, ndërsa shqiptarët nuk jetojnë vetëm në Shqipëri, por edhe në Greqi, Maqedoni, Mal të Zi dhe Serbi”, tha Tadic.

Ai më tutje shtoi se edhe serbët jetojnë në të gjitha shtetet tjera të rajonit, njëjtë sikur edhe boshnjakët dhe kroatët.
Tadic kërkoi nga deputetet e Parlamentit të Evropës që t’ia tërheqin vërejtjen politikanëve dhe udhëheqësve shqiptarë, me qëllim që ata të ndalin “retorikën nacionaliste”.

[Fshatari]

Beograd, 22 prill - Si do të jetë harta e Ballkanit për brezat e ardhshëm? Projekti i Shqipërisë së Madhe është vetëm një fantazi, pa asnjë bazë të shteteve të rajonit, apo ekzistojnë vërtetë mundësitë që në të ardhmen të kemi një shtet të madh shqiptar? Janë këto pyetjet që shtron autorja Radeta Gjorgjeviq në artikullin me titull "Shqipëria e Madhe po troket", të publikuar në të përditshmen e Beogradit, "Veçernje Novosti".


Në artikull, që e transmeton Ballkanweb, autorja shpalosh opinionet e tre studiuesve, Dimitris Panatojakis, Dragan Petroviq dhe Jadranka Poloviq sipas të cilëve, Shqipëria e Madhe praktikisht po funksionon.
Pyetja që shtron autorja është nëse do të njihet formalisht ekzistenca e saj. I pari është i mendimit se Shqipëria e madhe mund të bëhet realitet pa konflikte të mëdha, teksa shtetet e rajonit varen në masë të madhe prej ndihmave nga jashtë, gjë që mund t'i detyrojë të japin konsensusin për ekzistencën e saj. I dyti është i mendimit se suksesi i faktorit shqiptar varet nga sa do të ndihen të kërcënuara dhe mënyra si do reagojnë shtetet e tjera ndaj këtij projekti: nëse Serbia, Mali i Zi, Maqedonia dhe Greqia bashkëpunojnë dhe përballen me këtë problem seriozisht me një qëndrim të përbashkët.
Në opinionin e Doktor Dragan Petroviq, historian dhe politolog, i cili sapo ka promovuar librin "Gjeopolitika e Mesdheut", ideja e Shqipërisë së Madhe nuk do të qe asgjë më tepër se një tendencë ekstremiste në rast se pas saj të mos shtrihej mbështetja politike e Shteteve të Bashkuara të Amerikës, Britanisë së Madhe dhe e një pjese të mirë të Gjermanisë. Ndërkohë që përmend edhe mbështetjen e qarqeve islamike botërore.

"Faktori shqiptar nuk do të kishte asnjë shans suksesi, në rast se Beogradi, Podgorica bashkë me Shkupin e Athinën do të bashkëpunonin strategjikisht përpara kësaj çështjeje, duke u mbështetur te fuqitë e mëdha, të cilat nuk e pranojnë një veprim të tillë: Gjithë bashkësinë e shteteve Bric, ashtu si dhe ato shtete të Bashkimit Evropian, të cilat nuk i mbështesin koncepte kaq ekstremiste, siç janë Franca, Spanja, Italia, Sllovakia, Rumania. Politika amerikane, sponsorizuesja kryesore e revizionizmit shqiptar ka ndikim të fortë në vendet ballkanike dhe disa prej qeverive po veprojnë drejtpërsëdrejti kundër interesave të veta afatgjata", nënvizon në artikull Petroviq. A nuk qenë qeveritë e Podgoricës e të Shkupit ato që e njohën shtetin fantazmë të Kosovës, ashtu si dhe zyrtarët e Beogradit në vitin 2008 bënë një seri gabimesh të papranueshme në raport me Kosovën e Metohinë, madje duke vepruar ndesh me Kushtetutën e tyre shton. - Më tej studiuesi shton se - nëse nuk respekton Kushtetutën e vendit, mos prit respekt nga të tjerët".


"Shqiptarët shpresojnë që ëndrra për Shqipërinë e Madhe të realizohet në të ardhmen e afërt, në vitin 2016", thotë Dimitris Panatojakis, analist politik i "News". Më tej nënvizon se Uashingtoni e Brukseli kanë shpenzuar tashmë shuma të konsiderueshme parash për këtë qëllim dhe s'kanë ndër mend që këto para t'u shkojnë dëm. Sipas analistit grek, pas njohjes së Kosovës, projekti për Shqipërinë e Madhe është mbase edhe më i realizueshëm se në fillim të Luftës së Dytë Botërore. "I ashtuquajturi shteti kosovar e deklaroi pavarësinë nën kushtin se nuk i njihet e drejta e bashkimit me një shtet tjetër. Gjithsesi është mëse e qartë që bashkimi i provincës jugore të Serbisë me Shqipërinë është veç çështje kohe. Kështu, kemi një komb të ndarë në dy shtete fqinje dhe fuqitë e mëdha që kërkojnë unifikimin e tyre", thotë Panatojakis.
Analisti grek shton se pas bashkimit të Kosovës me Shqipërinë, skenari i ngjarjeve pasuese është mëse i qartë: së pari, do të ngrihet çështja e Perëndimit të Maqedonisë (FYROM) dhe pas saj, të rajoneve të tjera të populluara nga shqiptarët. "Shqipëria e Madhe mund të mos jetë zyrtarizuar ende, por praktikisht po funksionon, pasi kufijtë mes Kosovës dhe Shqipërisë nuk ekzistojnë, ndërsa ai mes Kosovës dhe ish-Republikës Jugosllave të Maqedonisë është më shumë imagjinar se sa real", thotë Panatojakis.
Eksperti grek sjell në vëmendje se territorit shqiptar, në Shqipërinë e Madhe do t'i shtohet Kosova e Metohija, Lugina e Preshevës në jug të Serbisë, pjesa perëndimore e ish-Republikës Jugosllave të Maqedonisë, pjesa jugore e lindore i Malit të Zi me Ulqinin si dhe territore të tjera, si dhe Epiri i Jugut në Greqi, në një kohë që grekët nga ana e tyre luajnë kartën e Epirit të Veriut, që ka një popullsi të dominuar nga minoriteti grek. Shqiptarët thonë se gjithçka do japë rezultate pozitive me kalimin e kohës.
"Vizita e Hilari Klinton në rajon vitin që shkoi (Bosnjë Hercegovinë, Serbi, Kosovë, Shqipëri e Kroaci), përgjatë së cilës nuk kreu udhëtimin në drejtim të Maqedonisë, për mendimin tim ishte një 'dënim me vdekje' për këtë shtet, të cilët më parë ushqenin ndjenja pozitive ndaj Amerikës. Shqipëria e Madhe do ta nisë shtrirjen nga Maqedonia", thotë Jadranka Poloviq, politologe kroate, e cila ka mbrojtur doktoraturën me një punë shkencore mbi ndikimin amerikan në rajon. Edhe Poloviç konstaton gjithashtu se, kufiri mes Shqipërisë e Kosovës nuk ekziston, ndërkohë që thotë se u beson krerëve të Lëvizjes Nacionaliste Shqiptare sipas të cilëve, fuqitë e mëdha kanë rënë dakord për një hartë të re gjeopolitike të Evropës, ku përfshihet Shqipëria e Madhe. "Mendoj se në të ardhmen me shumë gjasa Serbia e Kroacia do ndajnë mes tyre Bonjë Hercegovinën, por gjithsesi do të mbeten shtete të vogla krahasuar me Shqipërinë e Madhe, e cila do të jetë nën ombrellën e Bashkimit Evropian", vazhdon Poloviç.
Studiuesja e sheh këtë rikonfigurim të Ballkanit të ndodhë pa konflikte të mëdha (mbase pak rezistencë do të bëjnë Maqedonia e Greqia) ndërkohë që shpjegon se Mali i Zi, Kosova e Maqedonia varen së tepërmi nga ndihma dhe influenca e Shteteve të Bashkuara të Amerikës. Sipas saj, Beogradi, Shkupi, Podgorica e Athina do të japin konsensus të detyruar. "Një rezultat i tillë nuk është aspak i papritur në një rajon ku mbizotëron mentaliteti i të qenit nën mbrojtjen e fuqive të mëdha. Të mëdhenjtë arrijnë të merrem vesh më së miri me njëri-tjetrin, ndërkohë që ne të vegjëlve na mbeten mëritë e motivuara prej nacionalizmit", thotë Poloviq.
Paqësisht apo luftë?
Ndërkohë që nga ana e tij, Panatojakis është i mendimit se Shqipëria e Madhe nuk mund të bëhet realitet përmes rrugëve demokratike. "Në Kosovë e arritën qëllimin e tyre me luftë, ndërkohë që në FYROM mund ta arrijnë përmes konflikteve të vogla. Por kur vjen fjala te Greqia, gjerat ndryshojnë, pasi pavarësisht problemeve ekonomike, mbetet gjithnjë shtet serioz e i fortë", thotë Panatojakis. Analisti grek shprehet se lëvizja për Shqipërinë Natyrale kërkon të lërë të kuptohet se rrugëtimi drejt qëllimit përfundimtar do të bëhet përmes mjeteve demokratike, duke shmangur termin "Shqipëria e Madhe", që do të sillte për pasojë që projekti i tyre të mos asocioohet me idenë fashiste të "Shqipërisë së Madhe" të Luftës së Dytë Botërore. Por nga ana tjetër Panatojakis vëren se u referohen gjithnjë e më shumë ushtarëve çlirimtarë si në Maqedoni, ashtu edhe në Luginën e Preshevës. I pyetur nëse është i mundur bashkimi paqësor i shqiptarëve të Maqedonisë, Malit të Zi, Greqisë, Kosovës e jugut të Serbisë, Petroviq thotë: "Në rast se këto vende, viktima të Shqipërisë së Madhe, të përgjumura e në disa raste, kukulla të politikave amerikanë, pranojnë që kjo të ndodhë, do të thotë vetëvrasje. Për këtë duhen shfrytëzuar zhvillimet multipolarëshe botërore, për të dobësuar impaktin e Shteteve të Bashkuara të Amerikës dhe fuqive të tjera, që mbështesin idenë e Shqipërisë së Madhe".
______________________________________________
http://www.kohaditore.com/index.php?page=1,15,143371
__________________________________________________ ___

"Për këtë duhen shfrytëzuar zhvillimet multipolarëshe botërore, për të dobësuar impaktin e Shteteve të Bashkuara të Amerikës dhe fuqive të tjera, që mbështesin idenë e Shqipërisë së Madhe".
Petroviç mund te jete shume i dobishem ne anketen e FBI-se se cilet jane ata shtete antiamerikane te cilet pergatiten dhe ekzekutuan aktin terroriste te 2001 dhe kete te fundit ne Boston. E di qe Gjermania, Britania e Madhe dhe shtetet serioze nordike nuk jane aspak antiamerikane.

[murrizi]

Kur gazetat publikojn tituj të tillë, në mos asgjë tjetër ato e kan për qëllim të shtojn tirazhin e shitjes, e sidomos kur temat ditore janë të nxehta siq janë miratimi i marrveshjes Kosovë-Serbi sot .
Por kur tema të tilla hyjn në portale për tu diskutuar, ato ose bëhen nga badihavgjinjë që e mbysin kohën me pallavra, ose janë argat të dreqit (pa qoft edhe me pa dije).

Kjo bie njëjtë si rasti i Sali Berishes kur ju mbajke "Vaiz" burrshtetaseve të botës në konferencen për siguri ndërkombëtare në Mynih.

"alarmet" e tilla janë të rreme, dhe më së paku i kontribojnë bash qetij bashkimit kombëtar.

[Fshatari]

Postimi origjinal është bërë nga murrizi

Kur gazetat publikojn tituj të tillë, në mos asgjë tjetër ato e kan për qëllim të shtojn tirazhin e shitjes, e sidomos kur temat ditore janë të nxehta siq janë miratimi i marrveshjes Kosovë-Serbi sot .
Por kur tema të tilla hyjn në portale për tu diskutuar, ato ose bëhen nga badihavgjinjë që e mbysin kohën me pallavra, ose janë argat të dreqit (pa qoft edhe me pa dije).

Kjo bie njëjtë si rasti i Sali Berishes kur ju mbajke "Vaiz" burrshtetaseve të botës në konferencen për siguri ndërkombëtare në Mynih.

"alarmet" e tilla janë të rreme, dhe më së paku i kontribojnë bash qetij bashkimit kombëtar.

Nuk ka randesi a jane te rreme a te verteta. Eshte ne pyetje leadershipi qe ka pezullue per 60 vjet luftat ne kontinentin evropian : kete paqe 6 dekadash e ka sigurue USA-ja me pranine e saj masive ne Gjermani. Mirepo kjo prani eshte perjetue si perbuzje per disa shtete kolonialiste evropiane nderkohe qe asht mbeshtetur nga Gjermania, Anglia, Turqia, Shqiperia dhe disa shtete te Evropes veriore.
Per prandalimin e luftrave ne kontinentin e vjeter, prania e shtuar e USA-ve ne bashkepunim me Gjermanine, Angline, Turqine dhe Shqipetaret eshte krejt i domosdoshem.
- Disa fakte qe nuk lidhen me kete teme : Ish ministri dhe deputeti Fatmir Limaj asht arrestue nga milicet e eulexit mu per shkak se ka nenshkrue kontrate per ndertimin e autostrades se pare ne Kosove me nje firme turko-amerikane; kjo e ka prek keq servine dhe miqet e saj perendimore;
- para 10 diteve u privatizuen 75% e PTK, e tenderin per kete e fitoi Telekomi gjerman. Ky veprim i qeverise u pershendet qarte vetem nga tre shtete te fuqishme : USA, Britanie e Madhe dhe kuptohet, Gjermania.(mungojne franca dhe italia; u ça kuinti e u ba trinti). Po pse nuk reaguen keto 2 te fundit ?! Sepse per francen e italine, shteti i Kosoves eshte province jugore e servise.( a ju kujtohet truproja e marnhakut tue shkel flamurin e Kosoves a jo). Serbia tha se PTK-ja asht prone e telekomit serb; keshtu u radhit me dy shtetet qe mbyllen gojen pas privatizimit.
Ndoshta keto verejtje personale u ndihemojne forumistave te nderuem me kuptue se disa vende te frustrueme te evropes se vjeter jane shume ma antiamerikane se sa shtetet e golfit musliman.
Me falni se e teprova se keto pollavra i keni dit edhe ju, bile para meje.