BESIMI I EHLI SUNNETIT

[hasanmehmeti]

BESIMI I EHLI SUNNETIT

NGA AUTHORI:
Shejkh MUHAMED SALIH UTHEJMINI
Përktheu:
Shefqet Krasniqi


ME EMRIN E ALLAHUT BËMIRËS MËSHIRËPLOTË

"Sot përsosa për ju fenë tuaj, plotësova ndaj jush Dhuntinë Time, zgjodha për ju FENË ISLAME."
KURANI, Maide 3

HYRJE


Falënderimet dhe lavdërimet i qofshin Allahut,(1) Zotit të Tokës e të qiejve, i Cili ka krijuar çdo gjë, e ka krijuar njeriun në formën më të mirë dhe e ka përsosur atë; salatet e selamet e Tij qofshin mbi të dërguarin e Tij, Muhamedin, paqja e shpëtimi qofshin mbi të, mbi shokët e tij dhe mbi të gjithë ata që shkojnë rrugës së tij deri në Ditën e gjykimit! Allahu xheleshanuhu e ka dërguar Muhamedin alejhi selam, profet - pejgamber dhe e ka bërë atë si udhëzues të njerëzimit e shembull për ta. Atij i ka zbritur Kuranin si libër të shenjtë, në mënyrë që ai, Profeti, salallahu alejhi ve selem,(2) t'ua shpjegojë njerëzve të vërtetën, rrugën e mbarë, të lumturisë, në këtë botë dhe në botën tjetër, duke u mësuar atyre besimin e vërtetë, edukatën, sjelljen dhe moralin islam. E ai, Profeti, salallahu alejhi ve selem, kreu misionin e vet, me të cilin qe ngarkuar dhe la pas vetes ymetin e tij në rrugen e ndritshme, në rrugën që Zoti xheleshanuhu e deshi për njerëzimin.
Dhe pas Profetit, salallahu alejhi ve selem, shokët e tij, të cilët i qenë përgjigjur thirrjes së tij në besimin islam, vazhduan rrugën e profetit, duke qenë të bindur që Islami të është ligji i jetës, kështu që ata jo vetëm e zbatuan atë, por adhe ia përcollën brezit që erdhi pas tyre dhe, për këtë arsye, merituan të jenë brezi më i mirë dhe më i lavdishëm i mbarë njerëzimit.
Edhe ne sot, duke falënderuar Zotin xheleshanuhu, jemi po në atë rrugë, në rrugën e Profetit e të shokëve të tij dhe burimet tona kryesore janë Kurani dhe syneti(1) . Kushdo që del jashtë, dotë jetë nga të humburit në Ditën e gjykimit.
* Për shkak të rëndësisë së madhe që ka kjo temë, që ka të bëjë me besimin tonë, shpreh dëshirën që, me ndihmën e Allahut, ta shtroj në pika të shkurtra:
Besimi ynë, pra besimi i të gjithë myslimanëve, mbështetet mbi besimin:
- në Zotin, që është Një,
- në engjëjt (melaqet) e Tij,
- në librat e Tij,
- në profetët, të dërguarit,
- në Ditën e gjykimit
- dhe në paracaktimin, Kaderin e Zotit.


Lusim Allahun xheleshanuhhu që ky punim të jetë për Zotin dhe prej tij të kenë dobi myslimanët!

(1) [/b]Allah është njësi leksikore islame, që në gjuhën shqipe dotë thotë: Zot. Dhe sa herë që të përmendet Allahu, duhet thënë azze ve xhele, ose xheleshanuhu, ose subhanehu veteala, në kuptimin: Madhëruar qoftë!
(2) Sa herë të përmendet Profeti, jemi të urdhëruar që të biem salavat për të. Llojet e salavatit janë shumë; po japim këtu disa prej tyre: Salallahu alejhi ve selem, Alejhi selam, Alejhi salatu ve selam etj, d.m.th.: Paqia dhe bekimi i Zotit qofshin mbi Të!
(1) Synet (ose Sunnet) është fjala, vepra dhe tradita e Muhamedit,
alejhi selam.

[hasanmehmeti]

BESIMI NË ALLAHUN XHELESHANUHU

Besimi ynë është besimi në Zotin, në engjëjt, në librat e shenjtë, në të dërguarit - profetët, në Ditën e gjykimit dhe në paracaktimin e Zotit.
Ne, pra, besojmë që Allahu i Lartmadhëruar është Zot, Krijues, Sundues - Komandues i çdo gjëje.

* Besojmë që Ai është i vetmi Zot që meriton të adhurohet, dhe se çdo gjë tjetër që adhurohet, përpos Zotit, është e kotë.

* Besojmë në emrat e në cilësitë e Tij, ashtu siç i ka përshkruar Kurani dhe Syneti.

* Besojmë se Ai është i Vetëm, Atij nuk i bën askush shoqëri në sundimin e Tij dhe as që meriton kush që të quhet me ndonjë nga emrat e Tij ose të cilësohet me ndonjë nga cilësitë e Tij. Thotë Allahu në Kuran:
{رب السموت والأرض وما بينهما فاعبده واصطبر لعبدته هل تعلم له سميا} سورة مريم آية 65
"Ai është Zoti i qiejve e i Tokës dhe ç'ka në mes tyre, pra adhuroje Atë dhe në adhurimin e Tij bëju i qëndrueshëm. A di ndonjë emnak (adash) për Të?!"

* Besojmë se:
{الله لاإله إلا هو الحي القيوم لا تأخذه سنة ولا نوم له مافي السموات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولايحيطون بشيء من علمه إلا بما شاء وسع كرسيه السموات والأرض ولا يؤده حفظهما وهو العلي العظيم} سورة البقرة آية: 255.
"Allahu është Një, nuk ka zot tjetër përpos Tij. Ai është mbikëqyrës i përhershëm dhe i përjetshëm. Atë nuk e zë as kotje as gjumë, gjithë ç'ka në qiej dhe në Tokë është vetëm e Tij; e di të tashmen që është pranë tyre dhe të ardhmen; nga ajo që Ai di, të tjerët dinë vetëm aq sa Ai ka dëshiruar. Nën kujdesin e Tij janë qiejt dhe Toka. Kujdesi i Tij ndaj të dyjave nuk i vjen i rëndë. Ai është më i Larti, më i Madhi."

* Besojmë se:
{هو الله الذي لاإله إلا هو عالم الغيب والشهدة هو الرحمن الرحيم . هو الله الذي لا إله إلا هو الملك القدوس السلام المؤمن المهيمن العزيز الجبار المتكبر سبحان الله عما يشركون. هو الله الخالق الباريء المصور له الأسماء الحسنى يسبح له ما في السموات والأرض وهو العزيز الحكيم} سورة الحشر آية: 22-24 .
"Ai është Allahu dhe nuk ka zot tjetër përpos Atij, që e di të fshehtën dhe të dukshmen. Ai është Mëshiruesi, Mëshirëploti! Ai është Allahu, nuk ka zot tjetër përveç Tij, Sunduesi i përgjithshëm, i pastër (nga të metat që i mvishen), Shpëtimtar (që i shpëton njerëzit nga ndëshkimi i padrejtë), Sigurues (që i siguron njerëzit me premtimin e Vet dhe pejgamberët me mrekullitë), Mbikëqyrës (që mbikëqyr dhe përcjell çdo gjë), i Plotfuqishëm, Mbizotërues, i Madhërishëm dhe i Lartësuar është Allahu mbi gjithçka që i bëjnë shok! Ai është Allahu, Krijuesi, Shpikësi, Formuesi. Të Tij janë emrat më të bukur. Atë (Allahun) e madhërojnë ç'ka në qiej e në Tokë dhe Ai është Ngadhënjyesi, i Urti!" .

* Besojmë se gjithë ç'ka në qiej e në Tokë është nën sundimin e Tij dhe se Ai krijon çka të dojë dhe i dhuron kujt ç'të dojë. Thotë Allahu në Kuran:
{لله ملك السموات والأرض يخلق مايشاء يهب لمن يشاء إناثاً ويهب لمن يشاء الذكور . أو يزوجهم ذكراناً وإناثا ويجعل من يشاء عقيما إنه عليم قدير} الشورى آية : 49-50.
Ai krijon ç'të dojë. Ai i fal vetëm vajza atij që do dhe i fal vetëm djem atij që do. Ose u fal çifte, djem e vajza, por atë që do e lë pa fëmijë (steril). Ai është i dijshëm, i fuqishëm."

* Besojmë se:
{... ليس كمثله شيء وهو السميع البصير . له مقاليد السموات والأرض يبسط الرزق لمن يشاء ويقدر إنه بكل شيء عليم } الشورى آية : 11-12
Asnjë send nuk është si Ai, Ai është Dëgjuesi, Shikuesi (i gjithçkajës). Të Tij janë çelësat e qiejve e të Tokës. Ai e begaton shumë atë që do dhe nuk e begaton (atë që nuk do). Ai është i gjithëditur për çdo gjë."

* Besojmë që :

{وما من دابة إلا على الله رزقها ويعلم مستقرها ومستودعها كل في كتاب مبين} هود آية : 6
Nuk ka asnjë gjallesë në Tokë së cilës të mos i ketë garantuar Allahu furnizimin . Ai e di vendbanimin e saj (pas vdekjes). Të gjitha (këto) janë në librin e njohur (Levhi mahfudh).

* Besojmë se:

{وعنده مفاتح الغيب لايعلمها إلا هو ويعلم ما في البر والبحر وما تسقط من ورقة إلا يعلمها ولا حبة في ظلمات الأرض ولا رطب ولا يابس إلا في كتاب مبين} الأنعام آية: 59 .
ا. Ai e di ç'ka në Tokë dhe në det. Ai di për çdo gjeth që bie dhe s'ka kokërr në thellësi të tokës, s'ka të njomë as të thatë, që nuk është (e shënuar) në librin e qartë (Levhi mahfudh).

* Besojmë se Allahu flet ç'të dojë, kur të dojë, me kë të dojë: prej atyre që u ka folur Allahu është Musai, këtë e dokumenton Kurani që thotë:
{..وكلم الله موسى تكليما..} النساء :164
E Musait i foli Allahu me fjalë.
Ajeti tjetër kuranor thotë gjithashtu:
{..ولما جاء موسى لميقاتنا وكلمه ربه..} الأعراف آية: 143.
E kur Musai erdhi në kohën që i caktuam, dhe i foli Zoti i vet.
{..وناديناه من جانب الطور الأيمن وقربناه نجيا} مريم: 52
Dhe Ne e thirrëm (Musain) nga ana e djathtë e kodrës Tur, e afruam për t'i folur (për të dëgjuar bisedën tonë).

* Besojmë se:
{ولو أنما في الأرض من شجرة أقلام والبحر يمده من بعده سبعة أبحر ما نفدت كلمات الله إن الله عزيز حكيم} لقمان: آية 27.
Sikur të gjithë drunjtë në tokë të jenë lapsa dhe sikur detit t'i shtoheshin edhe shtatë dete (e të bëhen që të gjitha ngjyrë), nuk do të (arrinin) të mbaronin fjalët e Allahut (do të shteronin detet, do të soseshin lapsat e jo mrekullitë dhe fjalët e Zotit). Allahu është Ngadhënjyesi, i Urti.

* Besojmë se fjalët e Allahut (jane) më të plotat, më të drejtat, më të vërtetat..., këtë e vërteton Kurani që thotë:
{..ومن أصدق من الله حديثا} النساء آية: 87.
E kush mund të jetë më i vërtetë se Allahu në thënie?

* Besojmë se Kurani është fjala e Zotit që ia ka thënë Xhibrilit, e pastaj Xhibrili e ka zbritur atë në zemrën e profetit Muhamed salallahu alejhi ve selem. Thotë Allahu në lidhje me këtë:
{قل نزله روح القدس من ربك بالحق..} النحل: 102
Thuaj: "Atë (Kuranin) e solli 'Ruhul kudus', shpirti i shenjtë (Xhibrili) plot vërtetësi nga Zoti yt...

* Besojmë se Allahu është i lartë me qenien e Vet nga krijesat e Tij:
{..له مافي السموات والأرض وهو العلي العظيم} الشورى: 4
Ai është më i Larti, më i Madhi.
{وهو القاهر فوق عباده وهو الحكيم الخبير} الأنعام: 18
Ai është Mbizotërues ndaj robërve të Tij. Ai i di hollësisht punët e Tij dhe të robërve të Vet.

* Besojmë se Allahu ka krijuar shtatë qiejt dhe Tokën për gjashtë ditë dhe pastaj është ngritur mbi Arshin e Vet.
{خلق السموات والأرض بالحق يكور الليل على النهار ويكور النهار على الليل وسخر الشمس والقمر كل يجري لأجل مسمى ألا هو العزيز الغفار} الزمر: 5.
(Allahu) Krijoi qiejt e Token brenda gjashtë ditesh e pastaj u ngrit mbi Arshin.(1) Ai rregullon gjendjen.
Engritja dhe vendosja e Tij mbi Arshin është (një) mënyrë e fshehtë, për këtë nuk di askush përpos Tij.

* Besojmë se Allahhu xheleshanuhu, megjithëse është i ngritur mbi të gjitha krijesat, Ai i kupton punët e krijesave të Tij, dëgjon zërat e tyre, ua rregullon gjendjen, furnizon kë të dojë, kujt të dojë i jep pasuri, në dorë të Tij është çdo gjë. Ai është i plotfuqishëm, Atij nuk i përngjet askush:

Asnjë send nuk është si Ai. Ai është Dëgjuesi, Shikuesi.

Pra, themi se Allahu është i ngritur mbi të gjitha krijesat, e nuk themi siç thonë disa grupe njerëzish se gjoja Allahu është në Tokë me krijesat e Tij dhe as se (Ai) ndodhet në çdo vend, sepse, sikur të thoshim që Ai ndodhet në çdo vend, atëherë do të thoshte që Ai ndodhet edhe në vendet e ndyra, e një gjë e tillë është e pamundur, por themi dhe besojmë, ashtu siç na ka mësuar Kurani dhe hadithi i Profetit alejhi selam, se Allahu është i ngritur lart me qenien e Vet, ndërsa me dijen e Vet është gjithkund.

Vazhdon InshAllah

[hasanmehmeti]

(Vazhdimi i pjeses se mesiperme)


* Besojmë, siç na ka treguar Profeti alejhi selam, se Allahu i Lartmadhëruar zbret çdo natë në qiellin më të afërt të Tokës, në pjesën e fundit të natës, dhe thotë:
«من يدعوني فأستجيب له من يسألني فأعطيه من يستغفرني فأغفر له».
Kush Më thërret Mua, i përgjegjem; kush Më lutet Mua, i jap atë; kush Më kërkon pendesë, e fal.

* Besojmë se Allahu do të vijë në Ditën e gjykimit, edhe engjëjt, për t'i gjykuar njerëzit:
{كلا إذا دكت الإرض دكاً دكا. وجاء ربك والملك صفا صفا. وجيء يومئذ بجهنم يومئذ يتذكر الإنسان وأنى له الذكرى} الفجر آية:21-23.
Dhe kur të vijë Zoti yt, dhe engjëjt të qëndrojnë radhëradhë (Ditën e gjykimit)! Dhe atë ditë sillet Xhehenemi, e atëherë njeriut i bie në mend, por nga (i erdhi tash atij) ai kujtim? (sepse për çdo gjë është tepër vonë).
* Besojmë se Allahu:
{خالدين فيها ما دامت السموات والأرض إلا ما شاء ربك إن ربك فعال لما يريد } هود: 107.
Punon atë që dëshiron.

Dhe dëshira e Tij është dy llojesh:
1 - Natyrore, dhe brenda kësaj dëshire ose këtij pëlqimi, ndodhin ngjarje të ndryshme, po ky lloj pëlqimi nuk është kusht që të jetë i dashur tek Allahu, sepse nganjëherë ndodhin gjëra që Allahu nuk i do, megjithëqë lejon që të ndodhin, si p.sh. mbytja, vrasja etj...; thotë Allahu:
{ولوشاء الله ماقتتلوا ولكن الله يفعل مايريد} البقرة: 253.
E sikur të dëshironte Allahu, ata nuk do të mbyteshin, por Allahu punon ç`dëshiron.
{ولا ينفعكم نصحي إن أردت أن أنصح لكم إن كان الله يريد أن يغويكم هو ربكم وإليه ترجعون } هود: 34.
Nëse përpiqem t'ju këshilloj po qe se Allahu do t'ju humbë (sepse ju nuk i jeni përgjigjur ftesës së Tij), këshilla ime nuk ju bën dobi. Ai është Zoti juaj..

2 - Fetare, dhe nuk është e domosdoshme që të ndodhë, sepse njeriu, p.sh. është i urdhëruar të falet, por ai mund të mos e bëjë këtë. Mirëpo këtë lloj dëshire (përmbushjen e saj) Allahu e pëlqen dhe dëshiron që gjërat që bëjnë pjesë në këtë lloj dëshire, të ndodhin (të bëhen). P.sh. Allahu xheleshanuhu thotë:
{والله يريد أن يتوب عليكم ويريد الذين يتبعون الشهوات أن تميلوا ميلا عظيما} النساء: 27.
“Allahu dëshiron t'jua pranojë pendimin”. D.m.th. Zoti (dëshiron) t'ua falë mëkatet njerëzve, mirëpo ata janë të detyruar që të pendohen njëherë, në mënyrë që pastaj të vijë mëshira e Zotit e t'ua falë mëkatet.
Që të dy këto lloje dëshirash: natyrore dhe fetare, janë brenda urtisë së Zotit, sepse Allahu xheleshanuhu nuk ka krijuar asnjë send në këtë hapësirë shkel e shko, as nuk ka kërkuar prej nesh që ta adhurojmë Atë (me gjë tjetër) përpos me urtësi, pavarësisht nëse ne e dimë atë apo jo, sepse njeriu si i tillë nuk është në gjendje të njohë çdo fshehtësi, sepse çdo fshehtësi e urtësi e njeh dhe e di vetëm Allahu'; këtë e argumenton ajeti kuranor, që thotë:
{أليس الله بأحكم الحاكمين} التين: 8
“A nuk është Allahu më i Urti i gjykuesve?”
{أفحكم الجاهلية يبغون ومن أحسن من الله حكما لقوم يوقنون} المائدة: 50.
“A ka gjykim më të mirë se ai i Allahut për një popull që beson i bindur (për ata që e dinë)?”

* Besojmë se njerëzit e mirë (myslimanët) i do Allahu, edhe ata e duan Atë:
{قل إن كنتم تحبون الله فاتبعوني يحببكم الله ويغفر لكم ذنوبكم..} آل عمران: 31.
Thuaj (Ti, o Muhamed): nëse e doni Allahun, ejani pas meje, që Allahu t`ju doje.
{يا أيها الذين آمنوا من يرتد منكم عن دينه فسوف يأتي الله بقوم يحبهم ويحبونه..} المائدة: 54.
O ju që besuat! Kush largohet prej jush nga feja e vet (ibën dëm vetes), s'ka dyshim se Allahu do të sjellë një popull që Ai e do, edhe ata e duan Atë (Zotin).
{وأقسطوا إن الله يحب المقسطين} الحجرات: 9
Veproni drejt, Allahu i do ata që mbajnë drejtësinë {وأحسنوا إن الله يحب المحسنين} Bëni mirë, Allahu i do mirëbërësit".
Nga të gjitha këto ajete kuptuam se Allahu i do njerëzit e mirë myslimanë dhe se ata e duan Atë.

* Besojmë se Allahu dëshiron që ne të kryejmë punët dhe veprat që (na) ka urdhëruar, dhe të heqim dorë nga ato që i ka ndaluar:
{إن تكفروا فإن الله غني عنكم ولا يرضى لعباده الكفر وإن تشكروا يرضه لكم} الزمر: 7.
Nëse ju nuk E besoni, Allahu nuk është nevojtar për ju, megjithëkëtë Ai nuk është i kënaqur me mosbesimin e robërve të Vet, po nëse (jeni) mirënjohës ndaj Tij, Ai e pëlqen këtë për ju.
{ولو أرادوا الخروج لأعدوا له عدة ولكن كره الله انبعاثهم فثبطهم وقيل اقعدوا مع القاعدين} التوبة: 46.
Por Allahu nuk e pëlqeu ngritjen e tyre, prandaj i zbrapsi dhe u është thënë: rrini me të paaftit (fëmijët, gratë, pleqtë).

* Besojmë se Allahu i do ata që kanë besuar dhe kanë bërë vepra të mira:
{رضي الله عنهم ورضوا عنه ذلك لمن خشي ربه} البينة: 8.
Zoti është i kënaqur ndaj tyre dhe ata të kënaqur prej Tij. E kjo ka të bëjë me ata që kanë pasur druajtje nga Zoti i vet.

* Besojmë se Allahu hidhërohet nga ata që meritojnë një gjë të tillë, nga mosbesimtarët, hipokritët etj.:
{ الظانين بالله ظن السوء عليهم دائرة السوء وغضب الله عليهم..} الفتح: 6
... Mendimi i të cilëve ndaj Allahut ishte (një) mendim i keq, atyre u raftë e keqja! Allahu shprehu urrejtje ndaj tyre...
{ولكن من شرح بالكفر صدرا فعليهم غضب من الله ولهم عذاب عظيم} النحل 106
... Por ai që i hap gjoksin mosbesimit (e pranon që të bëhet pabesimtar), ata i ka kapur hidhërimi nga Allahu dhe ata kanë një dënim të madh.

* Besojmë se Allahu ka fytyrë të madhëruar e të nderuar: ( 1)
{ويبقى وجه ربك ذو الجلال والإكرام} الرحمن: 27.
Çdo gjë që ndodhet në të (tokë), është e zhdukshme. Do të mbetet (vetëm) fytyra e Zotit tënd, që është i madhëruar e i nderuar!

* Besojmë se Allahu ka duar të madhëruara, të nderuara:
{ بل يداه مبسوطتان ينفق كيف يشاء } المائدة: 64.
Duart e tij (të Zotit) janë të lira (jo të shtrënguara). Ai furnizon ashtu siç dëshiron.
{وماقدروا الله حق قدره والأرض جميعاً قبضته يوم القيامه والسموات مطويات بيمينه سبحانه وتعالى عما يشركون} الزمر: 67
Ata nuk e çmuan Allahun me atë madhështinë që i takon, ndërsa në Ditën e kiametit e tërë Toka ndodhet në grushtin e Tij dhe qiejt të mbërthyer në të djathtën e Tij. Ai është i lartë ndaj atyre që i bëjnë shok!.

* Besojmë se besimtarët do ta shohin Zotin e tyre Ditën e Gjykimit:
{وجوه يومئذ ناظرة . إلى ربها ناظرة} القيامة: 22،23.
Atë ditë do të ketë fytyra të shkëlqyera (të gëzuara), që shikojnë Zotin e tyre.
* Besojmë se askush nuk është i plotë, i patëmetë si Zoti:
{ليس كمثله شيء وهو السميع البصير} الشورى: 11.
Asnjë send nuk është si Ai. Ai është Dëgjuesi, Shikuesi.

* Besojmë se Zotin nuk e zë as kotja as gjumi:
{لاتأخذه سنة ولا نوم} البقرة: 255.
Atë nuk e zë as kotje as gjumë.

* Besojmë se Ai nuk i bën askujt të padrejtë, sepse është shumë i drejtë. Atij po ashtu nuk i shpëton asnjë punë, asnjë lëvizje pa e kuptuar.

* Besojmë se për Të nuk ka asgjë të pamundshme as në qiell dhe as në Tokë, sepse dituria dhe fuqia e Tij janë të plota:
{إنما أمره إذا أراد شيئاً أن يقول له كن فيكون} يس: 82.
Kur Ai dëshiron ndonjë gjë, urdhëri i Tij është vetëm të thotë: Bëju! Dhe ajo do të bëhet menjëherë.

* Besojmë se Atë nuk e zë lodhja asnjëherë:
{ولقد خلقنا السموات والأرض وما بينهما في ستة أيام وما مسنا من لغوب } ق: 38.
Ne krijuam qiejt dhe Tokën dhe gjithë ç"ka ndërmjet tyre brenda gjashtë ditësh dhe Ne nuk ndiem lodhje.

* Besojmë dhe i pohojmë të gjitha cilësitë e të gjithë emrat që i ka thënë Zoti xheeshanuhu për Veten ose që i ka përdorur Profeti i Tij, Muhamedi alejhi selam për Të, por (me këtë rast) duhet të ruhemi prej dy gjërave shumë të rrezikshme:

1- Ngjashmëria, d.m.th. që njeriu të thotë me gjuhë ose me zemër se cilësitë e Zotit janë sikur të njeriut;
2- Forma e këtyre cilësive, d.m.th. që njeriu të thotë se cilësitë e Allahut kanë këtë ose atë formë. Pra, njeriu duhet të ruhet shumë prej këtyre dy gjërave dhe të ketë kujdes e të mos e fusë mendjen në gjëra të tilla, sepse kësodore njeriu mund të humbë ose të devijojë nga rruga e vërtetë.
Mohojmë çdo cilësi që ka mohuar Zoti xheleshanuhu nga Vetja e Tij ose që ka mohuar Pejgamberi i Tij, Muhamedi alejhi selam. Sidomos nëse ai mohim ka për qëllim të zhveshë Zotin nga cilësitë që i përkasin vetëm Atij (Zotit).
Ne e konsiderojmë se një rrugë e tillë duhet të ndiqet detyrimisht, sepse ato që i ka pohuar ose i ka mohuar Zoti për Veten, janë njoftime që na ka dhënë Zoti. E kush është që di më mirë për Zotin sesa Ai për Veten e Tij? E Zoti na ka treguar neve për Veten e Tij në Kuran. Gjithashu, ato që i ka pohuar ose i ka mohuar për Zotin Profeti i Tij, janë njoftime që na ka dhënë Profeti. E kush e njeh Zotin më mirë se Profeti? Askush. Nuk ka dyshim sa ai, Profeti, e njeh Zotin më mirë se të gjithë njerëzit, prandaj atë që na ka treguar ai për Zotin, ne e besojmë pa farë dyshimi e diskutimi.

Vazhdon inshAllah

[Dilaver]

I nderuari hasanmehmeti, meqe keni hapur ketë temë, unë konsidroj se do te ishte shum e dobishme sikur të kishe dhënë një sqarim qoftë edhe te shkurtë ne lidhje me kete term EHLI SUNNETI.

[hasanmehmeti]

selamualejkum musliman

I nderuar Dilaver
InshAllah po por kjo eshte nje liber i teri e pasi ta perfundoj kete liber ateher nje teme tjeter do e hapim dhe do e sqarojmi nese done Allahu xh.h.
Faliminderit per Keshillen .

Kerkoj falje dhe meshire nga Allahu xh.h per vete dhe per ju andaj edhe ju bene nje gje te tille ngase Allahu xh.h eshte Fales dhe Meshirues.


selamualejkum musliman nga vellau juaj ne Islam

[hasanmehmeti]

SHTOJCË


Të gjitha ato që i theksuam më lart prej cilësive të Zotit xheleshanuhu, i vërtetojmë në librin e Zotit xh.sh., në Kuranin dhe në Synetin e Pejgamberit alejhi selam. Duhet të theksojmë që, argumentet që kanë të bëjnë me cilësitë e Zotit xheleshanuhu, duhen komentuar ashtu siç janë nga forma e jashtme, pa u thelluar në brendinë e tyre, sepse brendia e tyre është një çështje e fshehtë, dhe këtë fshehtësi nuk e di askush përpos Zotit. Ne nuk jemi në radhët e atyre që kanë bërë gabime e kanë devijuar në komentimin e atyre argumenteve, duke u përpjekur të zbulojnë kuptimin e brendshëm të tyre. Një përpjekje e këtillë, ata i ka shpënë në shpjegime të devijuara të ajeteve kuranore dhe kësodore kanë humbur qëllimin e vërtetë që ka synuar Allahu xheleshanuhu përmes tyre.
Po ashtu nuk jemi nga ata, të cilët, nga padija, janë përpjekur që cilësitë e Zotit t'i krahasojnë me cilësitë e njerëzve, sepse edhe ata e kanë devijuar rrugën e mirëfilltë e të drejtë. Si bëhet që cilësitë e Zotit të jenë si cilësitë e njeriut, derisa Zoti Vetë thotë se askush nuk është si Ai (Zoti), askush nuk i përngjet Atij?
Këtu është e nevojshme të bëjmë një sqarim të shkurtër, po mjaft të rëndësishëm: ata që e besojnë Zotin e Lartmadhëruar ashtu siç e përmendëm më lart, duke pohuar të gjitha ato cilësi të Zotit, që i ka pohuar Ai për Veten e Tij ose Pejgamberi i Tij për Të, dhe njëkohësisht duke mohuar ato që i ka mohuar Vetë dhe Pejgamberi i Tij alejhiselam për Të, ata njerëz quhen EHLU SUNNEH VEL XHEMAAH (ithtarë të Ehli Synetit, tradicionalistë). Quhen ithtarë a tradicionalistë, sepse besimi i tyre është siç ka qenë besimi i Pejgamberit alejhi selam, ndjekin traditën e tij, duke mos shtuar e duke mos hequr asgjë. Ndërkaq, të gjithë të tjerët, të cilët nuk ndjekin traditën e Pejgamberit alejhi selam, ndodhen jashtë këtyre radhëve dhe kanë marrë emra të llojllojshëm.
Ne, domethënë ithtarët e Ehli Synetit i përmbahemi Kuranit dhe traditës së Pejgamberit alejhi selam (synetit), sepse ne jemi të bindur se gjithë ç'përmban Kurani, është e vërtetë. Kurani nuk bie në kundërthënie. .

Allahu në Kuran thotë:
{أفلا يتدبرون القرآن ولو كان من عند غير الله لوجدوا فيه اختلافاً كثيرا} سورة النساء 82
A nuk e përfillin ata (me vëmendje) Kuranin? Po të ishte nga dikush tjetër përpos Allahut, në të do të gjenin shumë kundërthënie. Pra, Kurani është fjalë e Zotit dhe gjithçka ka në të, është e vërtetë. Nuk ka asnjë ajet që të bjerë në kundërshtim me ndonjë ajet tjetër. Po ashtu as Syneti - tradita e Pejgamberit alejhi selam asnjëherë në asnjë pikë nuk bie në kundërshtim në çështjet që përfshin, por nuk ka asnjë kundërshtim as ndërmjet Kuranit dhe Synetit, prandaj kushdo që mendon se ka kundërthënie në Kuran ose në Synet, ai me të vërtetë është i humbur dhe duhet të pendohet sa më parë, sepse, përndryshe, nëse vdes me bindje të tilla, është rrezik se do të ndodhet në radhët e të humburve e të shkatërruarve në Ditën e Gjykimit.
Po nëse dikush nuk i kupton këto gjëra si duhet dhe ka frikë të thellohet në to se mos do të humbë, e ka për detyrë që për këto gjëra t'u drejtohet me pyetje njerëzve të shkolluar, dijetarëve që i kuptojnë këto gjëra dhe le të thotë ashtu siç thonë dijetarët islamë:
{.. آمنا به كل من عند ربنا ..} آل عمران: 7.
Besojmë në të (në Kuran), i tëri është nga ana e Allahut.

Vazhdon inshAllah

[hasanmehmeti]

BESIMI NE ENGJËJT

Besojmë në engjëjt - melaqet e Zotit xheleshanuhu dhe se ata janë:
{وقالوا اتخذ الرحمن ولدا سبحانه بل عباد مكرمون. لا يسبقونه بالقول وهم بأمره يعملون} الأنبياء 26 - 27.
"Robër të ndershëm". Që nuk flasin para Tij (Zotit), ata veprojnë me urdhrin e Tij. Ata janë krijesa të Zotit xheleshanuhu, e adhurojnë dhe i nenshtrohen Atij:
{..ومن عنده لا يستكبرون عن عبادته ولا يستحسرون. يسبحون الليل والنهار لا يفترون} الأنبياء 19-20.
Nuk shprehin mendjemadhësi në adhurimin ndaj Tij, dhe as që (ibadeti) u bëhet monoton. Ata i ka krijuar Allahu prej dritës - nurit, në atë mënyrë që ne të mos kemi mundësi t`i shohim, ndërsa ata të na shohin ne. Mirëpo, në disa raste Allahu ua ka mundësuar disa njerëzve që t'i shohin ata (engjëjt), p.sh. Pejgamberi ynë, Muhamedi alejhi selam, e ka parë Xhibrilin alejhi selam në formën e tij të vërtetë, me të gjashtëqind krahët që ka. Kur e kishte ngritur kokën Pejgamberi alejhi selam, e kishte parë atë si e kishte zënë tërë hapësirën qiellore, aq i madh ishte.
Edhe Meriemes (nënës së Isait alejhi selam) i është shfaqur në formë të njeriut, ka biseduar me të dhe e ka përgëzuar që Allahu do t'i falë një djalë, që do të quhet Isa. Pejgamberit tonë i është paraqitur gjithashtu në formë njeriu, derisa po bisedonte me shokët e vet, kishte ardhur, ishte ulur pranë tij dhe kishin biseduar së bashku rreth Islamit dhe, kur qe larguar ai, Pejgamberi alejhi selam u kishte thënë shokëve të vet se ai që kishte qenë (aty ulur), ishte Xhebraili.
Besojmë se engjëjt janë të ngarkuar me detyra të ndryshme nga ana e Allahut xheleshanuhu. P.sh.:
Xhebraili është i ngarkuar që t'ua zbresë njerëzve frymëzimin e Zotit.
Mikaili është i ngarkuar që të lëshojë shiun.
Israfili është i ngarkuar që t'i fryjë borisë kur të vijë koha e Kiametit, dhe do t'i fryjë po ashtu përsëri për së dyti për t`i ngjallur të gjithë që të dalin para Zotit xheleshanuhu për të dhënë llogari.
Një engjëll është i ngarkuar për t'i marrë shpirtrat.
Një engjëll është i ngarkuar me kada.
Maliku është roje e Xhehenemit (është engjëlli kryesor që kujdeset për ferrin).
Ka prej tyre që janë të ngarkuar me foshnjat e palindura në barkun e nënës, të tjerë që ruajnë njerëzit nga rreziqet e ndryshme; të tjerë janë që shënojnë veprat e njerëzve, për secilin njeri ka dy engjëj, njëri shënon veprat e mira e tjetri të këqijat:
{إذ يتلقى المتلقيان عن اليمين وعن الشمال قعيد. ما يلفظ من قول إلا لديه رقيب عتيد} ق 17-18.
Në të djathtë dhe në të majtë (njeriu) ka engjëj, dhe nuk nxjerr ndonjë fjalë e të mos jetë pranë tij përcjellësi i gatshëm (për të shënuar). Të tjerë engjëj janë të ngarkuar për të pyetur të vdekurin pasi të lëshohet në varr, me ç'rast i vijnë dy engjëj dhe e pyesin atë:
1Kush është Zoti yt?
2Cili është profeti yt?
3Cila është feja jote?
(Myslimani përgjigjet tëgjitha këyre) ndërsa mohuesi nuk mund të përgjigjet assesi:
{يثبت الله الذين آمنوا بالقول الثابت في الحياة الدنيا وفي الآخرة ويضل الله الظالمين ويفعل الله ما يشاء} ابراهيم: 27.
“Allahu forcon ata që besuan me fjalën e fortë (të mirë), në jetën e kësaj bote dhe në botën tjtër, ndërsa mohuesit (mizorët) Allahu i bën të humbur. Allahu bën ç'të dojë.”

Engjëj të tjerë janë të ngarkuar me ata që hyjnë ne Xhenet - në parajsë:
{والملائكة يدخلون عليهم من كل باب. سلام عليكم بما صبرتم فنعم عقبى الدار} الرعد: 23-24.
Ata (që hyjnë në Xhenet) do t'i vizitojnë engjëjt derisa hyjnë në secilën derë. (U thonë) Selamun alejkum, me durimin tuaj gjetët shpëtimin, sa përfundim i lavdishëm që është ky vend!

Engjëj ka shumë. Numrin e tyre nuk e di askush përpos Zotit xheleshanuhu. Ata që përmendëm këtu, janë vetëm disa. Engjej ka në Tokë e në qiej. Pejgamberi alejhi selam na ka treguar se në çdo pëllëmbë në qiej ka engjëj, të cilët e adhurojnë Allahun xheleshanuhu.

Vazhdon InshAllah


esselamualejkum musliman nga vellau juaj ne Islam

[hasanmehmeti]

BESIMI NE LIBRAT E SHENJTE

Besojmë se Allahu xheleshanuhu u ka zbritur profetëve të Tij librat e shenjtë në mënyrë që ata të shërbenin si ligje udhëzuese për njerëzimin. Zoti xheleshanuhu i ka zbritur secilit profet librin e shenjtë. Këtë e vërteton fjala e Allahut që thotë:
{لقد أرسلنا رسلنا بالبينات وأنزلنا معهم الكتاب والميزان ليقوم الناس بالقسط} الحديد: 25.
Ne i dërguam profetët (të dërguarit) tanë me dokumente të qarta dhe Ne zbritëm me ta librin dhe drejtësinë, me qëllim që njerëzit t'i përmbahen drejtësisë.

Mirëpo nuk i dimë të gjithë librat e shenjtë, sepse nuk kemi lajme për të gjithë; ne dimë vetëm për ata libra që i ka përmendur Kurani, të cilët janë:
1 - TEVRATI, të cilin Allahu xheleshanuhu ia zbriti profetit të Tij, Musait alejhi selam, që ishte dërguar tek hebrenjtë - çifutët. Për këtë libër thotë Allahu xheleshanuhu dhe e përshkruan atë:
{إنا أنزلنا التوراة فيها هدى ونور يحكم بها النبيون الذين أسلموا للذين هادوا والربانيون والأحبار بما استحفظوا من كتاب الله وكانوا عليه شهداء} المائدة 44
Ne e zbritëm Tevratin, në të cilin është udhëzimi i drejtë dhe drita. Sipas tij ndaj atyre që kanë qenë hebrenj, gjykuan pejgamberët që ishin të bindur, gjykuan edhe dijetarët e devotshëm e paria fetare, sepse kanë qenë të detyruar ta ruanin librin e Allahut dhe kanë qenë mbrojtës të tij.

2 - INXHILI (Ungjili), të cilin Allahu xheleshanuhu ia zbriti profetit të Tij, Isait alejhi selam. Inxhili ka qenë vërterues dhe plotësues i Tevratit:
{وآتيناه الإنجيل فيه هدى ونور ومصدقاً لما بين يديه من التوراة وهدى وموعظة للمتقين} المائدة: 46
Atij (Isait) i dhamë Inxhilin, që është udhëzues i drejtë dhe dritë, që është vërtetues i Tevratit që kishin pranë (përpara), që është udhëzues e këshillues për të devotshmit.

3 - ZEBURI, të cilin Allahu xheleshanuhu ia zbriti Davudit alejhi selam.

4 - FLETUSHKAT e Ibrahimit dhe të Musait alejhi selam.

5 - KURANI i lartmadhëruar, të cilin Zoti xheleshanuhu ia abriti Muhamedit alejhi selam, profetit të fundit:
{شهر رمضان الذي أنزل فيه القرآن هدى للناس وبينات من الهدى والفرقان} البقرة: 185
Eshtë udhërrëfyes për njerëzit dhe sqarues i rrugës së drejtë dhe dallues (i së vërtetës nga gënjeshtra).
Kurani është garantues i librave të përparshëm:
{مصدقاً لما بين يديه من الكتاب ومهيمنا عليه} المائدة: 48
(Kurani) është vërtetues i librave të përparshëm dhe garantues i tyre.
Me zbritjen e Kuranit të gjithë librat e tjerë dalin nga përdorimi dhe njerëzimi detyrohet që për ligj të marrë Kuranin dhe të lërë të gjithë librat e tjerë të shenjtë, sepse Kurani i përfshin të gjithë ata duke përmbajtur njëkohësisht edhe shumë gjëra të reja, që nuk ndodheshin në librat e mëparshëm. Librat e përparshëm kanë qenë të përkohshëm me zbritjen e një libri tjetër të shenjtë, binte vlera e librit të përparshëm. P.sh. Tevrati ka qenë ligj për hebrenjtë përderisa ka zbritur Inxhili, po me zbritjen e Inxhilit, kishte rënë vlera e Tevratit dhe detyrim për njerëzit ishte që të pranonin Inxhilin. E me zbritjen e Kuranit, detyrim për mbarë njerëzimin qe bërë që t'i përgjigjeshin atij, ta zbatonin atë e të linin librat e përparshëm.
Kurani si libri i shenjtë i zbritur i fundit nga ana e Allahut, është ligj për të gjithë njerëzit e për të gjitha kohët derisa të ekzistojë kjo botë. Pikërisht prandaj, Allahu ka garantuar se do ta ruajë atë nga çfarëdo ndryshimi:
{إنا نحن نزلنا الذكر وإنا له لحافظون} الحجر: 9.
Me të vërtetë Ne ta kemi zbritur (ty, o Muhamed) Kuranin, dhe me të vërtetë Ne do ta ruajmë atë.
Pra, Kurani është ashtu siç ka zbritur në origjinal, i pandryshuar fare, ndërsa librat e shenjtë të mëparshem kanë pësuar ndryshime në esencë, në to është futur dora e njeriut duke hequr e shtuar gjëra sipas dëshirës. Këtë e thekson Kurani në shumë vende dhe në të njëjtën kohë i qorton ata që kanë bërë ndryshime në librat e Zotit pa pasur farë të drejte. Të përmendim disa nga ato ajete sa për ilustrim, ku vërtetohen këto që thamë:
{فويل للذين يكتبون الكتاب بأيديهم ثم يقولون هذا من عند الله ليشتروا به ثمناً قليلاً فويل لهم مما كتبت أيديهم وويل لهم مما يكسبون} البقرة آية : 79.
Eshtë shkatërrim për ata që me duart e veta e shkruajnë librin e pastaj thonë: 'Ky është prej Allahut!' (ata e bëjnë këtë) për të arritur me të një fitim të paktë, pra shkatërrim i madh për ta është ajo që shkruajnë duart e tyre dhe shkatërrim i madh është ajo që fitojnë (në atë mënyrë).;
{من الذين هادوا يحرفون الكلم عن مواضعه} النساء: 64.
Pati prej hebrenjve (të tillë) që u ndryshonin vendin fjalëve (të Zotit);
{قل من أنزل الكتاب الذي جاء به موسى نوراً وهدى للناس تجعلونه قراطيس تبدونها وتخفون كثيرا} الأنعام: 91.
Thuaj (ti o Muhamed): kush e zbriti librin me të cilin erdhi Musai e që ishte dritë e udhërrëfyes për njerëzit, të cilin ju e bëni të shpërndarë nëpër letra duke prezantuar diçka, por duke fshehur shumicën.
{وإن منهم لفريقاً يلوون ألسنتهم بالكتاب لتحسبوه من الكتاب وما هو من الكتاب ويقولون هو من عند الله وما هو من عند الله ويقولون على الله الكذب وهم يعلمون. ما كان لبشر أن يؤتيه الله الكتاب والحكم والنبوة ثم يقول للناس كونوا عباداً لي من دون الله} آل عمران: 78-79.
Në të vërtetë një grup prej tyre janë ata që pështjellojnë gjuhët e tyre kur e lexojnë librin (për të shtrembëruar kuptimin) kështu që ju të mendoni se ajo (shprehje) është nga libri, por ajo nuk është nga libri (i vërtetë); madje thonë: 'Kjo është nga Allahu'. Ata, duke qenë të vetëdijshëm, thonë gënjeshtra për Allahun. S'është e drejtë dhe nuk i takoi asnjë njeriu që Allahu t'i ketë dhënë librin, urtinë dhe pejgamberllëkun (profetësinë) e pastaj ai t'u thotë njerëzve: "Bëjuni robër të mi (e adhuromëni mua) e jo të Allahut."
{يا أهل الكتاب قد جاءكم رسولنا يبين لكم كثيراً مما كنتم تخفون من الكتاب ويعفو عن كثير قد جاءكم من الله نور وكتاب مبين يهدي به الله من اتبع رضوانه سبل السلام ويخرجهم من الظلمات إلى النور بإذنه ويهديهم إلى صراط مستقيم لقد كفر الذين قالوا إن الله هو المسيح ابن مريم قل فمن يملك من الله شيئاً إن أراد أن يهلك المسيح ابن مريم وأمه ومن في الأرض جميعا ولله ملك السموات والأرض وما بينهما يخلق ما يشاء والله على كل شيء قدير} المائدة: 15-17.
O ithtarë të librit, juve ju erdhi i dërguari Ynë, që ju sqaron shumë nga ato që fshihnit prej librit..

Vazhdon InshAllah

esselamualejkum musliman nga vellau juaj ne Islam

[hasanmehmeti]

BESIMI NE PROFETET

* Besojme se Allahu aze ve xhele i ka dërguar njerëzimit profetë (pejgamberë, të dërguar).
{رسلاً مبشرين ومنذرين لئلا يكون للناس على الله حجة بعد الرسل وكان الله عزيزاً حكيماً} النساء: 165.
Të dërguar, që ishin lajmëtarë përgëzues e kërcënues, në mënyrë që njerëzit pas dërgimit të profetëve te mos kenë fakte (arsyetim) para Allahut.

* Besojmë se profeti i parë është Nuhu alejhi selam dhe i fundit Muhamedi alejhi salatu eselam. Per këtë Allahu thotë në Kuran:
{إنا أوحينا إليك كما أوحينا إلى نوح والنبيين من بعده} النساء آية : 63.
Ne të frymëzuam ty (o Muhamed) me shpallje sikur e patëm frymëzuar Nuhun dhe pejgamberet pas tij.
{ ما كان محمد أبا أحد مـن رجالكم ولكن رسول الله وخاتم النبيين} الأحزاب: 40.
Muhamedi nuk ka qenë babai i asnjërit prej burrave tuaj, por ai ishte i derguar i Allahut dhe vulë e të gjithë pejgamberëve.
E më i lavdishmi profet është Muhamedi, pastaj Ibrahimi, Musai, Nuhu dhe Isai alejhimu selam, keta janë të veçuar në ajetin kuranor:
{وإذ أخذنا من النبيين ميثاقهم ومنك ومن نوح وإبراهيم وموسى وعيسى ابن مريم وأخذنا منهم ميثاقاً غليظاً} الأحزاب: 7.
(Kujtohu) kur ne e morëm (me betim) prej pejgamberëve premtimin e tyre, edhe prej teje, prej Nuhut, Ibrahimit, Musait, Isait birit të Merjemes, pra morem prej tyre besë të forte.

* Besojmë dhe jemi të bindur se sheriati-ligji me të cilin ka ardhur Muhamedi alejhi selam, i përfshin ligjet e pejgamberëve të cekur më lart:
{شرع لكم من الدين ما وصى به نوحاً والذي أوحينا إليك وما وصينا به إبراهيم وموسى وعيسى أن أقيموا الدين ولا تتفرقوا فيه كبر على المشركين ما تدعوهم إليه الله يجتبي إليه من يشاء ويهدي إليه من ينيب} الشورى: 13.
Ai u përcaktoi juve për fe atë që i pat përcaktuar Nuhut dhe atë që Ne të shpallëm ty dhe atë me se patëm porositur Ibrahimin, Musain dhe Isain.(i porositem): Ta praktikoni fenë e drejtë e të mos përçaheni në të.

* Besojmë se të gjithë profetë-pejgamberët janë njerëz, krijesa, dhe se nuk kanë asnjë cilësi të Zotit Xhele shanuhu. Keshtu i përshkruan Zoti në Kuran fjalët e Nuhut, që ia thotë popullit të vet:
{قل لا أقول لكم عندي خزائن الله ولا أعلم الغيب ولا أقول لكم إني ملك} الأنعام: 50.
Une nuk ju them juve se tek unë janë depot e Allahut, as nuk ju them se unë e di të fshehtën, as nuk ju them se unë jam engjëll.
E Zoti gjithashtu e porositi Muhamedin - që është profeti i fundit- që ti thotë popullit të vet:
{قل لا أقول لكم عندي خزائن الله ولا أعلم الغيب}
Nuk ju them juve se tek unë janë depot e Allahut, as nuk ju them juve se unë jam engjëll.
E porosit të thotë edhe keto:
{قل لا أملك لنفسي نفعاً ولا ضراً إلا ما شاء الله} الأعراف آية: 188
Unë nuk kam në dorë për vetën time as ndonjë dobi, as ndonjë dëm, pos çka do Allahu.
Dhe me pastaj:
{قل إني لا أملك لكم ضرا ولا رشداً. قل إني لن يجيرني من الله أحد ولن أجد من دونه ملتحدا} الجن: 21 - 22.
Unë nuk kam në dorë mundësinë që t`jua largoj dëmin as t`ju sjell dobi. Thuaj është e vërtetë se mua nuk më mbron askush prej (denimit të ) Allahut, dhe përveç Tij unë nuk gjej mbështetje tjetër.

* Besojmë se profetet jane robër të Zotit si të gjithe njerëzit, vetem se Zoti i ka nderuar me frymezim. Zoti Xhele shanuhu i pershkruan ata ne Kuran si robërit e Vet, të cilët e adhurojne Allahun ne formen dhe ne shkallen me të larte të adhurimit.Thotë Allahu për profetin e parë Nuhun:
{ذرية من حملنا مع نوح إنه كان عبداً شكورا} الإسراء : 3.
Pasardhes të atyre që i bartëm (i shpetuam) se bashku me Nuhun (bëhuni mirënjohes). Vërtet ai ishte rob shume falenderues.
E per të fundit, Muhamedin alejhi salatu ve selam, thote:
{تبارك الذي نزل الفرقان على عبده ليكون للعالمين نذيراً}الفرقان 1
Ai që i shpalli Furkanin (Kuranin, dallues të së vertetës nga e paverteta) robit të Tij (Muhamedit) që të bëhet pejgamber i botës (keshillues), është i madhëruar.
Për profetët e tjerë thote:
{واذكر عبادنا إبراهيم وإسحاق ويعقوب أولي الأيدي والأبصار} ص: 45.
Rikujto roberit tane Ibrahimin, Isakun, Jakubin, që ishin të fortë ne zbatimin e detyrave dhe largëpames në fe.
{واذكر عبدنا داود ذا الأيد إنه أواب} ص 17
"Dhe kujto robin tonë të fuqishëm (ne fe e trup) Davudin , ai vertet gjithnje i drejtohej Allahut.
E thote per Isain:
{إن هو إلا عبد أنعمنا عليه وجعلناه مثلاً لبني إسرائيل} الزخرف: 59.
Ai (Isai) ka qenë vetem nje rob, të cilin e bemë pejgamber dhe e bëme shembull të jashtezakonshëm si pervojë për beni israilët. (bijtë e Izraelit).

Vazhdon InshaAllah

esselamualejkum nga vellau juaj ne Islam

[modestja]

Allahu ju shperblefte vella i nderuar

Kah moti eshte dashte te postohet dic mbi:"Ehli syneh we el xhemaa"
Shpresojme te vazhdosh me keto postime,ne menyre qe ceshtja e akides te kuptohet ne menyre sa me te drejte inshaallah..