Qeveria

[Kaqanikasja]

Postimi origjinal është bërë nga prishtinasi

Per diqka ke...nejse...

E Po lexoje mir per qka ke

[prishtinasi]

Postimi origjinal është bërë nga Kaqanikasja

E Po lexoje mir per qka ke

Epo, ishe lexu mire kur shkrimi tingllon (lexohet) shqip dhe qarte...:)

[Neferta]

'' QEVERIJA MA E MIRE NE HISTORI''
Kryministri i Kosoves e thote kete te dhene ndoshta per future times Prioritetet kryesore për vitin 2012, mbetet lufta kundër korrupsionit dhe krimit të organizuar , perspektiva konkrete apo implementimi i agjendës evropiane, përmbyllja e plotë e suksesshme e pavarësisë së mbikëqyrur, si dhe rritja e zhvillimit ekonomik dhe mirëqenies sociale të qytetarëve të Kosovës.

[Zero Cool]

Vajza e Shkurte Fejzës ‘këshilltare’ e Hashim Thaçit


Prishtinë, 19.10.2012

Muzika dita ditës për disa emra që nuk kanë mundur të gjejnë veten në të po bëhet demode, kjo për shkak të mossuksesit të cilin e shohin tek vetja, shkruan portali Koha.

Ata të cilët mundohen të gjejnë shpejt ndonjë zgjidhje e kanë më lehtë, por disa të tjerë që mundohen e mundohen e në fund nuk arrin të dalin nga balta dhe ju humbet rruga në oborr e kanë të vështirë kuptohet. Një fat të njëjtë në tregun shqiptarë e ka pasur edhe këngëtarja e re Gresa Behluli, vajza e këngëtares së njohur të muzikës popullore Shkurte Fejza e cila me ndihmën e të ëmës është munduar të përfshihet në skenën muzikore por, suksesit nuk ia ka arritur ndoshta aspak! Duke parë më të qëllimshme të zgjedh një drejtim tjetër, Gresa Behluli ka pak kohë që është punësuar në zyrën e Kryeministrit të Kosovës, Hashim Thaçit. Nuk dihet pozicioni i saj si këshilltare apo asistente në këtë zyrë për shkak se nuk e thekson tek profili në Facebook, por një gjë dihet se Gresa me këtë rast i ka dhënë ‘fund’ detyrës si këngëtare.

Kujtojmë, se edhe këngëtarja e re, Bubulina Krasniqi, e cila është motra e Ministritë të Kulturës, Rinisë dhe Sportit, Memli Kraniqi, kohë më parë është punësuar në postin e zyrtares së lartë për organizata ndërkombëtare në Ministrinë e Punëve të Jashtme.

[Zero Cool]

Nipi i Azem Sylës në krye të Postës


Prishtinë, 19.10.2012

Sejdi Hoxha, sot do të emërohet Drejtor i Postës së Kosovës.

Burime të Indeksonline kanë thënë se shumë shpejt ai do të vihet në pozitën e Drejtorit të Postës së Kosovës.

Sejdi Hoxha, menjëherë pas përfundimit të Fakultetit është zgjedhur në krye të bordit të Hekurudhave të Kosovës. Hoxha është nipi i Azem Sylës.

[Oqeani]

Nasredini kur po na bahet kryeminister !!!!!!!!!!!!!!!!!!!!!!!!!!!!!!!!!!

[Guri i madh]

Ambasada e SHIK-ut







"SHIK-u është gjallë, fiton 200 milionë dollarë në vit”. Ky titulli që për disa ditë, në maj të vitit 2010 kishte tronditur shoqërinë kosovare, e që ishte nxjerr nga një raport i OJQ-së amerikane “Komiteti Kombëtar i Politikës së Jashtme Amerikane”. Që atëherë besohej se edhe pse zyrtarisht është shuar, Shërbimi Informativ i Kosovës vazhdon të këtë ndikim të madh në vend.Sidomos kur bëhet fjalë për të punësuar njerëz nëpër institucione, SHIK është gjithmonë me ndikim në këtë drejtim.

Pasi në Kuvendin e Kosovës ka gati një grup parlamentar me deputetë, shumë njerëz me rekomandim të SHIK janë punësuar në Post-telekomin e Kosovës, në Aeroport e në KEK mirë, tani rrënjët janë shtrirë edhe nëpër institucione kosovare që përfaqësojnë shtetin në botë-ambasadat.

Indeksonline merr vesh që Ambasadën e Kosovës në Gjermani ka disa të punësuar me rekomandim të ish-punonjësve të SHIK-ut.

Burimet të institucioneve më të larta vendore kanë bërë me dije se janë katër persona që punojnë në këtë ambasadë, e që kanë shkuar aty pas kërkesës së bërë nga ish-zyrtarë të SHIKU-ut.

Në këtë ambasadë, me ndikimin e SHIK-ut është punësuar Fatmire Musliu, motra e Ganimete Musliut, tash deputete e PDK-së në Kuvendin e Kosovës e dikur asistente e kryetarit të Skenderajt, Sami Lushtaku.

I punësuari tjetër në Ambasadën e Kosovës në Gjermani, me rekomandim të kësaj agjencie janë Hamdi Reçica dhe Dhurata Selimi, të afërm të Elmi Reçicës, njeri i fuqishëm në SHIK dhe aktualisht deputet i PDK-së në Kuvendin e Kosovës

Sipas po këtyre burimeve, në këtë ambasadë janë punësuar edhe shoferët e Kadri Veselit, i cili udhëhoqi SHIK-un për më shumë se një dekadë. Këta janë Hamdi Gashi e Islam Spahija. Ky i fundit e shoqëroi Veselin gjatë intervistës së famshme e të tij dhënë portalit gjerman “dt-worldwide”, ku kishte prezantuar edhe ambasadori Skënder Xhakaliu.

Indeksonline ka pritur për më shumë se një muaj një përgjigje nga Ministria e Punëve të Jashtme, që aktualisht drejtohet nga nënkryetari i PDK-së, Enver Hoxhaj, në lidhje me këtë temë, mirëpo nuk ka marrë përgjigje.

“I kemi pranuar pyetjet e juaja, mirëpo jemi duke i përgatitur përgjigjet dhe posa të jenë gati do ua përcjellim”, ka deklaruar përmes telefonit Artan Behramaj, zëdhënës në MPJ.

[Guri i madh]

Ivanoviq: Jemi takuar me Thaçin e Rexhepin






Kryetari i të ashtuquajturit Këshill Nacional Serb, Millan Ivanoviq, ka thënë se serbët e veriut të Mitrovicës janë takuar me kryeministrin e Kosovës, Hashim Thaçi dhe me ministrin aktual të Punëve të Brendshme, Bajram Rexhepi, në Qendrën Spitalore në veri të Mitrovicës. Në një deklaratë për mjetet lokale serbe të informimit në Mitrovicë, Ivanoviq nuk ka precizuar se kur ka ndodhur takimi, por ka sqaruar se është biseduar për shëndetësinë.
“Me përfaqësuesit e UNMIK-ut ishin në vizitë Qendrës Shëndetësore në veri të Mitrovicës. Kemi biseduar për çështje në shëndetësi. Ata (përfaqësuesit e UNMIK-ut) kanë insistuar që të sjellin punëtorë shëndetësorë shqiptarë në spitalin në veri. Ne kemi insistuar në simetri dhe reciprocitet, që në 20 spitale të mbetura të kthehen punëtorët shëndetësorë serbë. Bisedimet janë zhvilluar me përfaqësuesin e UNMIK-ut, ndërsa Thaçi dhe Rexhepi kanë ardhur pa i ftuar. Në ato rrethana, e në prani të truprojave të armatosura të Thaçit, të cilët më vonë janë larguar me insistimin tonë, nuk i kemi shtrënguar duart, e as nuk ka pasur prezantim”, tha Ivanoviq, i cili njëkohësisht është mjek në Qendrën Spitalore në veri të Mitrovicës.
Një prej liderëve më ekstremist serbë në veri të Mitrovicës, Millan Ivanoiq, është përqendruar edhe te dialogu që do të pasojë në mes të Kosovës dhe Serbisë. “Deri me tani nuk kemi marrë pjesë në hartimin e platformës, kështu që nuk kemi të dhëna, përveç informacioneve të cilat i dëgjojnë nëpërmes medieve. Se çfarë do të ketë në këtë platformë për bisedimet, ne nuk dimë”, ka thënë Ivanoviq, i cili ka shtuar se me e rëndësishmja është që të arrihet unitet për platformën dhe nëse ajo është në pajtim me Kushtetutën e Serbisë dhe Rezolutën 1244, atëherë mund të vije deri të mbrojtja e interesave të serbëve.
Ndërsa sa i përket takimit Thaçi-Daçiq, Ivanoviq mendon se deri te ky takim ka ardhur nën presionin e madh që i është bërë Serbisë.
“Ne në këto momente jemi shpallur homofobistë, racistë, kërcënohen se do të na marrin regjimin pa viza, kështu që presionet janë të mëdha. Supozojmë se kryeministri i Serbisë, nën këto presione ka pranuar konsultimet, sepse bisedime nuk ka pasur, ndërkohë që akoma nuk ka platformë të Serbisë për bisedime”, ka nënvizuar ai, i cili ka shtuar, se po te ishte ai në vend të Daçiqit, nuk do ta pranonte një takim të tillë.
“Sikur unë të pyetesha dhe po të ndodhesha në një pozitë të tillë, do të insistoja që të bisedohet në prani të përfaqësuesve të OKB-së, krejt në përputhje me Rezolutën 1244, kështu që bisedimet në prani të znj. Cathine Ashton dhe përfaqësuesve të cilët janë mentorët kryesorë të pavarësisë së Kosovës, nuk do sjellin zgjidhje të drejtë”, tha kryetari i të ashtuquajturit Këshill Nacionl Serb, duke siguruar se bisedimet direkte të përfaqësuesve të serbëve të veriut të Kosovës me ata të Prishtinës, janë të pamundshme.
“Ne, këtu jemi zgjedhur në mënyrë legjitime në zgjedhjet në të cilat kanë marrë pjesë subjektet më të mëdha politike, ndryshe nga institucionet në jug të Ibrit, andaj unë nuk mund ta pranoj legjitimitetin dhe legalitetin e tyre. Ne duam që të bisedojmë me Prishtinën në kuadër të ekipit, i cili do të formohet nga organet tona të shtetit dhe nga qytetarët tanë, me kryeministrin dhe presidentin serb”, konstatoi ai, duke ripërsëritur, se marrëveshja për menaxhimin e integruar të kufijve, ka cenuar interesat vitale të Serbisë.
“Me këtë marrëveshje kemi doganierët shqiptarë brenda Serbisë së pandarë. Pos kësaj kemi kufirin aty ku nuk e duam, andaj nuk kemi kurfar arsyeje që në këtë mënyrë ta pranojmë shtetin e vetëshpallur të Republikës së Kosovës. Kështu ne detyrohemi të heqim dorë nga dokumentet dhe identiteti ynë”, tërhoqi vërejtjen Ivanoviq, i cili ka shtuar se i kupton plotësisht serbët në jug, por jo edhe politikanët që kanë hyrë në institucionet kosovare.
“Sikur ata të punonim si kemi punuar ne, sot të kishim më shumë veri të Kosovës, e jo serbë, të cilët detyrohen që me letërnjoftime dhe me targa të Republikës së Kosovës të lëvizin nëpër Kosovë. Sikur të punon si ne, atëherë bashkësia ndërkombëtare do të detyrohej në zgjidhje tjera”, ka vlerësuar Ivanoviq, i cili ka pohuar se që nga formimi i shtetit të Kosovës, serbët në jug të Ibrit asnjëherë nuk kanë qenë në gjendje më të rëndë.
“Është e qartë se disa përfaqësues janë lobuar nga ana e Prishtinës dhe nën këtë ndikim kanë pranuar dhe kanë shkuar linjës së kundërshtimit më të vogël. Ata nuk kanë luftuar për interesat tona esenciale, kështu që ka ardhur deri te pozita e rëndë e serbëve në jug të Ibrit. Serbët në jug nuk është dashur t’i pranojnë zgjedhjet, asnjë nga partitë e mëdha në Serbi nuk ka rekomanduar dalje në zgjedhje, përveç disa që janë stimuluar nga Prishtina dhe të një pjese të bashkësisë ndërkombëtare”, ka përfunduar Ivanoviq.

[Guri i madh]

Foto: Laura Hasani

[valiii]

http://www.youtube.com/watch?feature...v=Gvne_W-VZww#!

[Zero Cool]

Zëvendësministri Lushtaku grushton zyrtarin Mustafë Xhemajli


Prishtinë, 03.11.2012

Zëvendësministri i Diasporës, Nuredin Lushtaku, ka rrahur të hënën drejtorin e Departamentit për Politika të Diasporës në këtë ministri, Mustafë Xhemajli. Burime nga Ministria kanë thënë se Lushtaku e ka goditur me grushte e shuplakë Xhemajlin, në objektin e Qeverisë së Kosovës, për shkak se kishte refuzuar që të punësonte një person të cilit i kishte premtuar punësim zëvendësministri i Diasporës, shkruan sot Koha Ditore.

Rasti nuk është raportuar në polici fare, por ka tashmë ky konflikt ka rënë ndër burra. Sipas burimit ka ndërhyrë edhe kryeministri Hashim Thaçi për t’i pajtuar, porse misionin për pajtimin e tyre tashmë e ka marrë në dorë, kushëriri i zëvendësministrit Lushtaku, Sami Lushtaku.

Mustafë Xhemajli është vëllai i madh i veprimtarëve politikë, Bajrush dhe Emrush Xhemajlit. Lushtaku e Xhemajli kanë qenë bashkëveprimtarë shumë vjet në Lëvizjen Popullore të Kosovës, ndërsa tash punojnë në një institucion, njëri me pozitë politike e tjetri menaxheriale.

[Guri i madh]

Qeveria pagoi për takimet e Presidentes






Publikuar: 04.11.2012 - 16:58Prishtinë, 4 nëntor - Një kompani amerikane e lobimit, me bazë në Washington ka raportuar se është paguar nga Qeveria e Kosovës për të ndihmuar në aranzhimin e takimeve të Presidentes së Kosovës Atifete Jahjaga me zyrtarë amerikanë të shtetit.

Në raportin e dorëzuar tek Departamenti Amerikan i Drejtësisë, kompania “Patton Boggs” tregon se ka përfituar 191 mijë e 753 dollarë për një periudhë prej gjashtë muajve të lotimit, shkruan gazeta Jeta në Kosovë.

Gjatë kësaj periudhe, bazuar në këtë raport, lobistët kontaktuan zyrtarë të qeverisë amerikane dhe anëtarë të Kongresit amerikan në lidhje me marrëdhëniet bilaterale ndërmjet Kosovës e Shteteve të Bashkuara të Amerikës.

“Gjithashtu (Patton Boggs) mbështeti vizitën në Washington të Presidentes së Kosovës dhe ndihmoi në aranzhimin e takimeve me zyrtarët e Qeverisë së SHBA-së”, thuhet në këtë raport

[murrizi]

,,Qeverit vijnë e shkojnë, janë populli ata që bëjnë të pamundshmën të mundur ''.

[Guri i madh]

edhe qka duhet me ndodh ne ministrin e rendit qe te vetdisohet ministri BAJRAM REXHEPI e te jap dorheqje





Konfiskohet vetura, pronë e ministrit Rexhepi







Publikuar: 17.11.2012 - 16:45Prishtinë, 17 nëntor - Të enjten në parkingun e Ministrisë së Punëve të Brendshme, është konfiskuar nga Policia e Kosovës, vetura “Klaiser” pronë e ministrit Bajram Rexhepi. Ky konfiskim ka ardhur pasi vetura derisa i është nënshtruar procedurës së regjistrimit, doli të jetë veturë e vjedhur.

Burimet e “Kosova Info”, bëjnë të ditur se këtë veturë ministri Rexhepi e kishte dhuratë nga një mitrovicas i quajtur Curri, i cili thuhet se ka lidhje të forta me strukturat paralele serbe në veri të Mitrovicës.

I kontaktuar me telefon, zëdhënësi i Policisë së Kosovës, Brahim Sadriu, e ka përgënjeshtruar një lajm të tillë.

Ai tha se dje Policia e Kosovës nuk ka konfiskuar asnjë veturë në Parkingun e ndërtesës se Ministrisë se Punëve të Brendshme të Kosovës.

Edhe pse “Kosova Info” ka tentuar disa herë të marrë informata nga MPB-ja për rastin në fjale, pikërisht nga Zyra për Informim, kjo gjë ka qenë ë pamundur. Burimet e portalit flasin se polici që i ka prirë konfiskimit është suspenduar nga puna.

[Guri i madh]

moti e kam dit se millosheviqi e formoj PDKen e gradoj HASHIM THAQIN tani veq po vertetohet




Demonstrim simulues i “Mbrojtjes civile” në veri

Bota Sot | 18.11.2012 16:17




Sinjali i alarmit në veri të Mitrovicës ka shënuar të dielën fillimin ushtrimit simulues publik të reagimit në rast të emergjencës së zjarrit nga ana e organizatës së ashtuquajtur “Civilna zastita Mitrovice”, apo “Mbrojtja civile e Mitrovicës”.
Ushtrimi ka nisur në orën 11: 45 dhe ka zgjatur rreth 1 orë. Ndërkaq, ky organizim është zhvilluar nën përkujdesjen e Zyrës për Kosovë të Qeverisë Serbe, të cilën e drejton Aleksandër Vulin.
Pjesëtarët e kësaj organizate janë rreshtuar sipas komandës, duke brohoritur emrin e shtetit serb.
Gjatë ushtrimit, pjesëtarët e ekipeve të “Mbrojtjes civile” kanë demonstruar mundësitë, shkathtësitë dhe përgatitjen e tyre për shpëtimin e njerëzve në rast të rrezikut në objektet e përfshira nga zjarri.
I ashtuquajturi kryetar i komunës paralele të Mitrovicës, Kërstimir Pantiq, i cili ka theksuar se është njëkohësisht edhe komandant i organizatës “Mbrojtja civile e Mitrovicës”, u është drejtuar pjesëtarëve të “Mbrojtjes civile”, duke u thënë se ata janë njerëzit që do të përballen me situatat e vështira emergjente në veri të Mitrovicës.
“Ju do të jeni këtu në çdo moment dhe në çdo rrethanë do të jeni të parët që do t’i shpëtoni njerëzit, të mirat materiale dhe të kulturës, si dhe mjedisit jetësor nga fatkeqësitë elementare, nga pasojat e terrorizmit, fatkeqësive të luftës dhe të tjera”, ka thënë Pantiq.
Ai ka shtuar se organizata “Mbrojtja civile” do të jetë në shërbimin e të gjithë qytetarëve në veri të Mitrovicës, pavarësisht nga përkatësia kombëtare dhe fetare e tyre.
Sipas tij, “Mbrojtja civile” është formuar bazuar në Konventën e Gjenevës, e cila e precizon se për çfarë qëllimesh mund të përdoret mbrojtja civile.
Pantiq ka thënë se Konventa e Gjenevës e jep edhe mundësinë që pjesëtarët e “Mbrojtjes civile” të mbajnë armë.
“Neni 65 (i Konventës së Gjenevës), madje e jep mundësinë që pjesëtarët e ‘Mbrojtjes civile’ mund të bartin armatim të lehtë për mbajtjen e rendit ose për vetëmbrojtje”, ka thënë Pantiq.
Megjithatë, pjesëtarët e “Mbrojtjes civile” në demonstrimin e së dielës nuk kanë pasur ndonjë lloj të armatimit.
Policia e Kosovës nuk raporton për incidente
Në anën tjetër, zyrtarët e Policisë së Kosovës, kanë theksuar se nuk kanë marrë asnjë kërkesë për organizimin e këtij tubimi, por policia e ka përcjellë nga afër zhvillimin e aktivitetit të organizatës “Mbrojtja civile”.
Zëdhënësi i policisë për rajonin e Mitrovicës, Besim Hoti, i ka thënë Radios Evropa e Lirë se sipas informacioneve të policisë, organizata “Mbrojtja civile e Mitrovicës” ka demonstruar një simulim të reagimit në rast të emergjencave apo situatës së zjarrit.
“Policia e Kosovës nuk ka pasur zyrtarisht ndonjë informacion rreth organizatorëve të mundshëm të kësaj ngjarjeje. Mirëpo, në vendngjarje sigurisht që policia i ka përcjellë këto aktivitete edhe përkundër faktit që ne, sigurisht, nuk kemi qenë pjesë e këtij aktiviteti”.
“Mirëpo, në kuadër të Ligjit për rendin publik, Policia e Kosovës ka obligime që të jetë e pranishme me qëllim të mbledhjes së informacioneve dhe sigurimit të tubimeve të tilla. Por, gjithçka ka përfunduar pa ndonjë incident të regjistruar nga policia”, ka deklaruar Hoti.
Ndryshe, “Mbrojtja civile e Mitrovicës” është organizatë, e cila nga institucionet e Kosovës konsiderohet si strukturë paralele që vepron në veri të vendit e financuar nga Serbia.
Ditë më parë, zyrtarët e komunës së Mitrovicë, patën reaguar për shkak të pranisë së pjesëtarëve të “Mbrojtjes civile” në pjesën veriore të Mitrovicës, duke shfaqur dyshimet se në këtë organizatë ka edhe pjesëtarë që janë të inkriminuar, të ashtuquajtur “roje të urave”, por edhe pjesëtarë të strukturave të sigurisë të shtetit serb.
“Rojat e Urës” kanë qenë një grupim i paligjshëm sigurie, i themeluar në përfundim të luftës në Kosovë, në përbërje të të cilit thuhej se kishte edhe pjesëtarë të pensionuar të forcave paramilitare serbe.
Zyrtarët e komunës së Mitrovicës patën kërkuar nga strukturat vendore dhe ndërkombëtare të sigurisë që ndaj “Mbrojtjes civile”, “të ndërmarrin masa dhe të mos lejojnë veprimtarinë e tyre, e cila paraqet ndërhyrjen e Serbisë në Kosovë”./rel