Lajme Aktuale....

[Jana]

Hagë: Baton Haxhiu dënohet me 7.000 euro
Gjykata e Tribunalit të Hagës ka dënuar sot gazetarin Baton Haxhiu me 7.000 euro për mosrespektim të gjykatës, sepse kishte zbuluar një dëshmitar të mbrojtur i cili po dëshmonte në procesin Ramush Haradinaj dhe të tjerët.
Haxhiu, sipas akuzës, ka pasur njohuri për identitetin e dëshmitarit dhe më pas e ka publikuar emrin e tij në gazetë.

Prokuroria kishte kërkuar që Haxhiu të dënohet me 15.000 euro.

Tribunali kishte ngritur padinë ndaj Haxhiut më 1 prill, derisa ajo ishte bërë publike më 20 maj të këtij viti.

Gjatë paraqitjes së tij të parë, Haxhiu kishte thënë se është i pafajshëm dhe se "identiteti i dëshmitarit veç ka qenë i ditur".

[Lona]

Rupel: Kosova ishte sfida më e madhe e presidencës sllovene

Lubjanë, 24 korrik - Shefi i diplomacisë sllovene Dimitrij Rupel është shprehur se Kosova ka qenë sfida më e madhe e presidencës sllovene me Bashkimin Evropian. "Megjithë pikëpamjet e ndryshme të disa shteteve anëtare në lidhje me pavarësinë, Sllovenia si kryesuese ia doli të arrijë unitetin e BE-së sa i përket synimeve kryesore të politikës së ardhshme evropiane", ka thënë Rupel mbrëmë në Lubjanë,. Ministri slloven ka theksuar se "Kosovën deri më tash e kanë njohur njëzet shtete anëtare të BE-së", dhe se "megjithë qëndrimin e vendosur rreth Kosovës, Serbia ka treguar një masë të madhe të përgjegjësisë".

Nesër mbledhja e raporton Këshillit të Sigurimit për Kosovcën

Prishtinë, 24 korrik - Shefi i UNMIK ut Lamberto Zannier do të raportojë nesër në mbledhjen e Këshillit të Sigurimit të KB-së në Nju Jork rreth zhvillimeve të fundit në Kosovë. Në takimin e KS do të diskutohet rreth raportit të Sekretarit të Përgjithshëm të OKB së, Ban Ki Mun. Në këtë mbledhje pritet të marrë pjesë edhe ministri i Punëve të Jashtme të Kosovës, Skënder Hyseni.

Maqedonia ratifikoi marrëveshjen me Shqipërinë për regjimin pa viza

Shkup, 24 korrik - Parlamenti në Maqedoni ka ratifikuar marrëveshjen mes Maqedonisë dhe Shqipërisë që parashikon regjim pa viza për qytetarët e dy vendeve. Vlerësohet se ratifikimi shënon përparim në marrëdhëniet mes dy vendeve, edhe pse arritja e marrëveshjes shënoi tensione si brenda Maqedonisë ashtu edhe mes Tiranës dhe Shkupit. Marrëveshja nënkupton se shtetasit e një vendi nuk do të kenë nevojë për viza për të hyrë në vendin tjetër ku do të mund të qëndrojnë 90 ditë brenda një periudhe prej gjashtë muajsh. Gjithashtu, parashikohet që banorët e zonave kufitare, të mund të kalojnë në vendin fqinj vetëm me karta identiteti. Marrëveshja do të hyjë në fuqi pasi të ratifikohet edhe nga parlamenti në Shqipëri.

Ministri serb: Shërbimi i fshehtë mbronte Karaxhiçin

Beograd, 24 korrik - Sipas ministrit të brendshëm serb Ivica Daçiq krimineli i supozuar i luftës Radovan Karaxhiq, i arrestuar të hënën në Beograd, është mbrojtur për vite me radhë prej shërbimit të fshehtë. Ai e mbrojti për vite me radhë dhe po ai e dorëzoi tani, u shpreh Daçiq për gazetën beogradase 'Press'. Ministri është kryetar i Partisë Socialiste, e cila është partnere koalicioni e forcave proevropiane në Serbi që prej fillimit të muajit. Javën e kaluar koalicioni caktoi një drejtor të ri të shërbimit të fshehtë. Sipas të dhënave të prokurorisë në Beograd, Karaxhiq do të ekstradohet në tribunalin e Kombeve të Bashkuara për kriminelë lufte

Obama sot mbërrin në Gjermani

Berlin, 24 korrik - Kandidati i zgjedhur demokrat për president të SHBA, Barak Obama, pritet që sot të mbërrijë në vizitën e tij të parë në Gjermani. Senatori 46 vjeçar do të takohet fillimisht në Berlin me kancelaren Angela Merkel dhe me ministrin e jashtëm Frank Walter Steinmeier. Në mbrëmje pritet që në fjalimin e shumëpritur të Obamës mbi marrëdhëniet transatlantike para shtyllës së fitores të marrin pjesë deri në 100.000 vetë. Gjatë vizitës së tij në Lindjen e Afërme të mërkurën senatori u premtoi izraelitëve dhe palestinezëve partneritetin e vet në procesin e paqes. Paraqitja e Obamës në Berlin është pjesë e udhëtimit të tij në kuadër të fushatës zgjedhore, e cila nisi me Afganistanin dhe Irakun.

Nuk arrihet ende suksesi në bisedimet e OBT së

Gjenevë, 24 korrik - Në këshillimet e Organizatës Botërore të Tregtisë mbi liberalizimin e tregtisë botërore, të ngecur prej vitesh, nuk solli sukses as një takim shtesë i caktuar brenda një afati të shkurtër prej drejtorit të OBT së Paskal Lami. Në raundin e jashtëzakonshëm me pjesëmarrjen e SHBA ve, BE së, Japonisë, Indisë, Brazilit, Australisë dhe Konës pati vetëm disa përparime të vogla, u tha nga delegacionet. Konferenca në Gjenevë me më shumë se 30 shtete synon mbylljen e raundit të ashtuquajtur të Dohës mbi liberalizimin e mëtejshëm të tregtisë, i filluar në vitin 2001. Por vendet e pasura dhe ato të varfra kanë pritje të ndryshme. Vendet në zhvillim kërkojnë hyrje më të mirë në tregjet bujqësore të shteteve të industrializuara, ndërsa këto duan para së gjithash hyrje më të lirë në sektorin e industrisë dhe të shërbimeve.

Merkel kërcënon Iranin me sanksione të mëtejshme

Berlin, 24 korrik - Në grindjen rreth programit bërthamor të Iranit qeveria gjermane synon ende një zgjidhje diplomatike. Në të njëjtën kohë kancelarja Angela Merkel deklaroi para gazetarëve në Berlin, se në rast se Irani nuk lëshon pe në bisedimet e reja, sanksionet e bashkësisë ndërkombëtare mund të ashpërsohen. Gjatë një takimi me të ngarkuarin e Bashkimit Evropian për politikën e jashtme Javier Solana dhe me diplomatë të pesë fuqive me të drejtë vetoje në Këshillin e Sigurimit të shtunën në Gjenevë Irani e hodhi poshtë kërkesën për ndalimin e pasurimit të uraniumit, por u tregua i gatshëm për bisedime të mëtejshme.

[Lona]

Beogradi pret të kuptohet "seriozisht" nga Perëndimi në çështjen e Kosovës

Londër, 25 korrik - Gazeta britanike "Fajnenshëll tajms" shkruan se Serbia pas arrestimit të Karaxhiqit pret shpërblimin nga Bashkimi Ëvropian, kur bëhet fjalë për çështjet që për të janë të ndieshme në planin e politikës së brendshme. Zv/kryeministri Bozhidar Gjeliq i ka thënë kësaj gazete se Serbia i ka përmbushur detyrimet e saja ndërkombëtare. "Nga Serbia është pritur aksioni, e tani Serbia pret aksion nga Bashkimi Evcropian dhe SHBA-të", ka thënë Gjeliq, duke shtuar se Serbia është një vend "serioz dhe kredibël", që pret të kuptohet "seriozisht" në çështjet që për të janë të rëndësishme, siç është Kosova.

Komisioni Evropian ka ndarë 6.6 milionë euro për Kosovën

Prishtinë, 25 korrik - Zyra e Komisionit Evropian në Prishtinë dhe Institucionet e Kosovës kanë arritur një marrëveshjeje për formimin e Agjencive Rajonale për Zhvillim në Kosovë, me qëllim të zhvillimit socio ekonomik. Ndonëse ende nuk është vendosur nëse do të jenë 4 apo 5 agjenci, megjithatë Komisioni Evropian ka vendosur që për këtë vit të ndajë 6.6 milionë euro. Qëllim i këtij takimi ishte shqyrtimi i perspektivave të zhvillimit ekonomik rajonal në Kosovë, si dhe vlerësimi i saktë për zhvillimet dhe të arrihet pajtueshmëri për themelimin e Agjencive Rajonale për Zhvillim në Kosovë. "Koncepti i zhvillimit ekonomik rajonal do të ndihmojë zhvillimin socio ekonomik dhe procesin e pajtimit në kornizën e procesit të integrimit evropian në Kosovë", ka sqaruar Kjartan Bjornsson, i ngarkuari me punë i ZNKE. Autoritetet e Kosovës përfaqësoheshin nga ministri i Ekonomisë dhe Financave, ministri i Pushtetit dhe Administrimit Lokal, Agjencia për Integrime Evropiane, Asociacioni i Komunave të Kosovës si dhe kryetarët e komunave: Prishtinë, Mitrovicë, Prizren dhe Gjilan.

Hyseni: Kosova merr pjesë si shtet

Londër, 25 korrik - Ministri i jashtëm kosovar, Skënder Hyseni i ka thënë BBC-së se në seancën e sotme të Këshillit të Sigurimit të OKB së, Kosova merr pjesë si shtet. Megjithatë ende nuk është e qartë nëse ministri Hyseni do të jetë vetëm vëzhgues në këtë takim, apo do të mund t'i drejtohet ambasadorëve të Këshillit të Sigurimit. Seanca është e dyta pas shpalljes së pavarësisë së Kosovës dhe në të pritet të diskutohet mbi planin e kreut të OKB së, Ban Ki Mun për rikonfigurimin e UNMIK ut. I pyetur nga BBC ja se në çfarë cilësie do të marrë pjesë në seancën e Këshillit të Sigurimit të OKB së, Hyseni tha se ai gjithsesi merr pjesë në cilësinë e Ministrit të Punëve të Jashtme të Republikës së Kosovës. "Nuk ka mundësi të marr pjesë në asnjë cilësi tjetër më çfarëdo mbledhje apo ngjarje ndërkombëtare", shtoi ai. "Ne kemi kërkuar që të përfaqësohemi si shtet në një ngjarje ku bëhet fjalë drejtpërdrejt për Kosovën. Nuk është i ditur formati i takimit". Në lidhje me të drejtën e fjalës në këtë seancë të KS, Hyseni , nu, deshi të paragjykojë, por tha: "Nëse palëve u jepet fjala atëherë gjithsesi që do të më jepet fjala edhe mua". të UNMIK ut të lëvizë me një dinamikë më të shpejtuar.

Serbia ka vendosur t'i rikthejë ambasadorët në vendet e BE-së

Beograd, 25 korrik - Serbia thotë se ka vendosur t'i rikthejë ambasadorët e vet në vendet e Bashkimit Evropian që kanë mbështetur pavarësinë e Kosovës. Ministri i Jashtëm serb Vuk Jeremiq tha se qeveria e tij vendosi kthimin e ambasadorëve duke gjykuar se ky hap do ta ndihmojë Beogradin në përpjekjet për anëtarësim në Bashkimin Evropian. Data e rikthimit të ambasadorëve nuk është bërë e njohur. Diplomatët serbë u thirrën në muajin shkurt nga 40 ambasada, pas shpalljes së pavarësisë nga Kosova. Rikthimi i diplomatëve, krahas me arrestimin në Beograd të hënën të Radovan Karaxhiq, u vlerësua nga udhëheqësit evropianë. Britania e cilësoi arrestimin si një provë që qeveria e re properëndimore e Beogradit i kushton rëndësi lidhjeve më të ngushta me Perëndimin. Ministrat e BE së, po ashtu e përshëndetën arrestimin e Karaxhiçit, duke thënë se ky veprim mund t?i hapë rrugën anëtarësimit të vendit në BE.

Në shpërthimet në Rripin e Gazës vritet të paktën një palestinez

Gaza, 25 korrik – Shpërthime bombash kanë tronditur sot (e premte) një kafene dhe shtëpinë e një politikani të Hamasit në Rripin e Gazës, ku është vrarë të paktën një palestinez në një nga shpërthimet më të rënda të dhunës së brendshme që kur islamistët kanë vënë nën kontroll Rripin e Gazës një vit më parë, njofton Rojter. Për këto shpërthime, Hamasi ka fajësuar të “armatosur të paidentifikuar të një fraksioni palestinez. Ndërkaq, zëdhënësi ushtarak izraelit ka thënë se nuk di për ndonjë aktivitet izraelit.

Nga një shpërthim i një makine bombë në Jemen vriten 2 vetë

Sana, 25 korrik – Dy vetë janë vrarë dhe të paktën 18 të tjerë janë plagosur kur një makinë është përplasur sot herët në mëngjes (e premte) në një stacion policie në provincën Haderamut të Jemenit, kanë bërë të ditur forcat e sigurimit, njofton Rojter. Shoferi ka hyrë më makinë në kompleksin e policisë, është ndaluar te dera, por pastaj ka shpërthyer makina bombë. Në këtë rast janë vrarë sulmuesi dhe një roje polic, ka thënë burimi. Ndër të plagosur janë 12 policë dhe gjashtë femra. Ende nuk e ka marrë askush përgjegjësinë për sulmin.

Laburistët sërish humbin zgjedhjet

Londër, 25 korrik Partia Laburiste në pushtet ka humbur në përsëritjen e zgjedhjeve në një zonë elektorale në Gllasgoun Lindor në Skoci. Ky është një grusht i ri për kryeministrin britanik Gordon Braun. Partia Nacionaliste Skoceze ka fituar me një diferencë të vogël, duke përmbysur një shumicë mjaft të madhe të Laburistëve në zgjedhjet e përgjithshme të 2005. Humbja e laburistëve në Gllazgoun lindor është huumja e tretë me radhë, duke ngritur kështu pikëpyetje për drejtimin e kësaj partie nga Gordon Braunit.

[Lona]

Kuvendi nesër shqyrton disa projektligje

Prishtinë, 29 korrik - Në seancën e nesërme, e fundit para pushimeve verore, deputetët e Kuvendit të Kosovës do të shtrojnë kërkesën për procedimin e ligjeve të pashpallura në rishqyrtim në komisionet parlamentare, si dhe do të diskutojnë për disa projektligje. Në këtë seancë do të shqyrtohet për herë të parë Projektligji për ndryshimin dhe plotësimin e Ligjit për miratimin e Buxhetit të Kosovës dhe shpenzimet e autorizuara për periudhën prej 1 janari deri më 31 dhjetor 2008. Ky projektligj do të shqyrtohet për herë të dytë në seancën e 30 korrikut, deri kur Komision Parlamentar për Buxhet dhe Financa do të merret me amendamentimin e tij. Po ashtu do të bëhetr shqyrtimi i parë i Projektligjit për partneritetet publiko privat dhe koncesionet për sigurimin e infrastrukturës së shërbimeve publike dhe procedurat për dhënien e tyre, shqyrtimi i dytë i Projektligjit për vula në institucionet e Republikës së Kosovës, shqyrtimi i Rekomandimit të Organit të pavarur përzgjedhës për emërimin e anëtarëve të Organit Shqyrtues të Prokurimit, shqyrtimi i Raportit vjetor të Zyrës së Rregullatorit të Energjisë për vitin 2007, shqyrtimi i kërkesës së Qeverisë së Kosovës për tërheqjen e ligjeve nga procedura e shpalljes.

Basha tha se India duhet t'i bashkangjitet vendeve që e kanë njohur Kosovën

Tiranë, 28 korrik - Ministri i Jashtëm i Shqipërisë Lulzim Basha gjatë një takimi sot në Tiranë me Sekretarin e Shtetit në Ministrinë e Jashtme të Indisë H.S. Puri diskutuan edhe për zhvillimet në rajon dhe në veçanti ato në Kosovë dhe në Serbi, pas pavarësisë së Kosovës. Basha informoi Sekretarin indian të Shtetit mbi zhvillimet e fundit në rajon dhe kërkoi angazhimin konstruktiv të Indisë në organizatat ndërkombëtare si OKB për një përqasje sa më të drejtë ndaj realiteteve në Europën Juglindore, duke përfshirë këtu dhe pavarësinë e Kosovës. Basha ritheksoi qëndrimin e Shqipërisë se pavarësia e Kosovës i shërben paqes dhe sigurisë në rajon dhe më gjerë dhe i parashtroi përfaqësuesit të lartë indian kërkesën që edhe India t'i bashkangjitet komunitetit të vendeve të lira dhe demokratike që e kanë njohur Kosovën dhe kanë vendosur marrëdhënie diplomatike me të. Bashkëbiseduesit ndanë të njëjtin mendim për nevojën e intensifikimit të marrëdhënieve mes dy vendeve në të ardhmen, duke rritur shkëmbimin e vizitave dypalëshe në nivele të larta.

Haradinaj kritikon mënyrën e qeverisjes në vend

Prishtinë, 28 korrik - Kryetari i Aleancës për Ardhmërinë e Kosovës, Ramush Haradinaj, kritikoi mënyrën e qeverisjes në vend duke e quajtur atë të dëmshëm për vendin. Në një konferencë për shtyp, Haradinaj tha se kjo qeveri po abuzon me pushtetin, duke vepruar me lidhje të shkurtër vertikale dhe horizontale. Sipas tij, qeveria po shfaq shenja manipulimi me gjyqësorin dhe me agjencinë antikorrupsion. Dukuritë negative kanë të bëjnë me me emërimin e personelit politik, ndërsa fanatikë të partisë po vendosen në poste udhëheqëse civile që është në kundërshtim me rregulloret e punës, tha ai. Ndërkaq për gjendjen në veri të Kosovës, Haradinaj tha se është degradim i vendit dhe i shoqërisë sonë, duke thënë se Prishtina shumë pak është e involvuar atje. Ai konferencën e donatorëve e vlerësoi si vazhdim të kontributit të vendeve mike të Kosovës, por ai tha se të ardhurat e tilla duhet të krijohen nga puna e institucioneve të Kosovës. Me këtë rast Haradinaj foli edhe për ndryshimin e statutit të partisë që e udhëheq, duke thënë se aplikimi i sistemit presidencial në parti ka të bëjë me përvojën dhe sundimin e demokracisë.

Arrestohet njëri nga liderët e partisë opozitare maqedonase

Shkup, 28 korrik - Njëri nga liderët e partisë opozitare Lidhja socialdemokrate e Maqedonisë, Zoran Zaev, është arrestuar dhe i është caktuar paraburgimi prej 30 ditësh për akuza lidhur me korrupsion. Zaev është edhe kryetar i Komunës së Strumicës, dhe p olicia dyshon se ai e ka kepërdorur postin zyrtar. Së bashku me të janë arrestuar edhe katër bashkëpunëtorë të tij. Këta të dyshuar ishin arrestuar edhe më 17 të këtij muaji, por ishin lejuar që të mbrohen në liri. LSDM, arrestimin e zyrtarit të lartë partiak e vlerëson si të motivuar politikisht. Vendimin për arrestimin e tij e ka marë Gjykata penale me kërkesë të prokurorisë e cila nuk mbështeti vendimin e gjyqit që Zoran Zaev të mbrohet në liri.
Shefi i ri i Ushtrsië shqiptare është betuar para Presidentit të Republikës

Tiranë, 28 korrik - Gjatë një ceremonie të veçantë të zhvilluar sot paradite në Presidencë, shefi i ri i Shtabit të Përgjithshëm të Ushtrsië shqiptyare, gjeneralbrigade Maksim Malaj është betuar para Presidentit të Republikës, njëkohësisht Komandant i Përgjithshëm i Forcave të Armatosura, Bamir Topi. Të jesh Shef i Shtabit të Përgjithshëm të Forcave të Armatosura është privilegj dhe detyrim madhor ndaj Atdheut, ndaj flamurit, ndaj bashkëatdhetarëve, ndaj familjes, ndaj kolegëve dhe të gjithë atyre që të kanë besuar të drejtosh Forcat e Armatosura të Shqipërisë, tha Malaj.

Vonesat në hapjen e dosjeve, pengesë për integrim të Shqipërisë në Evropë

Tiranë, 28 korrik Midis disa projektligjeve të tjera, Parlamenti i Shqipërisë nuk po arrin në këto seanca të fundit të këtij sezoni që të kalojë edhe projekt ligjin për pastërtinë e figurës së zyrtarëve shtetërorë, apo siç quhet nga publiku ligji për hapjen e dosjeve të diktaturës. Tri projektligjet e depozituara prej afro 2 vjetësh në komisionin e ligjeve u shtynë për në sezonin e vjeshtës. Kryetari i Delegacionit shqiptar në Këshillin e Evropës dhe nënkryetar i Asamblesë Parlamentare të tij, Aleksandër Biberaj, thotë se vonesat në zbardhjen dhe dënimin e krimeve të diktaturës janë një tjetër pengesë për t'u integruar në institucionet evropiane. Bagdad pelegrinët shiitë përkujtojnë tani një imam të vrarë para më shumë se 1.200 vjetësh. Në kulmin e festimeve të martën pritet të marrin pjesë deri një një milion pelegrinë.

[Lona]

Forcat e Abasit arrestojnë gjatë natës edhe mbi 50 aktivistë të Hamasit

Nablus, Bregu Perëndimor, 28 korrik - Forcat e sigurimit, luajale të presidentit palestinez, Mahmud Abas, të fraksionit të Fatahut, kanë arrestuar sot (e hënë) dhjetëra aktivistë të Hamasit, kanë bërë të ditur burimet e Hamaszit, njofton Rojter. Tens9ionet ndërmjet fraksioneve palestineze janë ngritur pas sulmeve të së premtes me bombë në Rripin e Gazës, ku u vranë pesë militantë të Hamasit dhe një vajzë. Forcat e Abasit kanë arrestuar gjatë natës mbi 50 aktivistë të Hamasit, ndër të cilët profesorë dhe studentë në Nablus. Ndërkaq, dje ishin arrestuar të paktën 20 aktivistë të Hamasit në qytetin Xhenin dhe 15 të tjerë në Tulkarm .

Nga shpërthimet e 2 bombave në Stamboll, janë vrarë 17 vetë

Stamboll, 28 korrik - Sipas njoftimeve më të reja, nga shpërthimi i dy bombave, që ndodhen mbrëmë vonë në Stamboll, u vranë të paktën 17 vetë dhe u plagosën1 mbi 15o të tjerë, ndër të cilët mbi 115 kanë mbetur të shtrirë në spital për shërim, ndër të cilët shtatë të plagosur rëndë. Bilanci u ngritë pasi sot vdiq nga plagët një person. Nuk dihet ende se kush qëndron pas sulmeve, por guvernatori i Stambollit ,Muamer Guler, tha se "nuk ka dyshim se bëhet fjalë për akte terroriste?.

Numri i sulmeve në Afganistan sivjet 50 për qind më shumë se vjet

Kabul, 28 korrik - Numri i sulmeve tëkryengritësve në Afganistan është shtuar për 50 për qind në gjashtë muajt e parë të këtij viti, vlerësuan organizata jo qeveritare. Organizata "Safety Office" bëri të ditur sot se janë shënuar 2.056 sulme gjatë këtij viti krahasuar me 1.362 gjatë pjesës së parë të vitit të kaluar. Ndër viktima të këtij viti janë edhe 19 punonjës humanitarë.

[Lona]

U nda nga jeta miku i Kosovës, Lordi Xhonston

Strasburg, 29 korrik - Ish kryetari i Asamblesë Parlamentare të Këshillit të Evropës dhe raportues për Kosovën, lordi Dejvid Rasëll Xhonston, ka vdekur parmbrëmë, një ditë para ditëlindjes së tij të 76 të, ka kumtuar Këshilli i Evropës. Lordi Xhonston ka raportuar herën e fundit për Kosovën në seancën e Asamblesë Parlamentare të Këshillit të Evropës në janar të këtij viti. "Kjo është ditë pikëllimi për të gjithë mbrojtësit e drejtësisë, të paqes dhe të humanitetit. Vdekja e tij lë zbrazëtirë të madhe në zemrat e të gjithë evropianëve, të cilët patën rastin ta takonin?, ka deklaruar pas marrjes vesh të lajmit për vdekjen e lordit Xhonston, kryetari i Asamblesë Parlamentare të Këshillit të Evropës, Luis Maria de Puiç. "Porosia që e udhëhoqi atë gjatë karrierës së tij të gjatë ishte se na nevojitet politikë morale, e jo politikë reale", tha Puiç, duke shtuar se lordi Xhonston gjithmonë është sjellë në mënyrë evropiane, duke mbështetur qëndrimin e tij mbi vlerat evropiane. "Ka punuar në mënyrë të palodhshme në zgjerimin e kufijve të të drejtave të njeriut, sepse ishte i bindur që asnjë mënyrë tjetër nuk mund të sigurojë aq mirë paqe, prosperitet dhe liri", tha kryetari i Asamblesë Parlamentare të Këshillit të Evropës. Lordi Rasëll Xhonston ishte anëtar shumëvjeçar i Partisë Liberale të Britanisë së Madhe, një kohë edhe lider e nënkryetar i saj, si dhe deputet në parlamentin britanik deri në vitin 1997. Kryetar i Asamblesë Parlamentare të Këshillit të Evropës ishte nga viti 1999 e deri më 2002. Ishte edhe raportues për Kosovën në Asamblenë Parlamentare të Këshillit të Evropës dhe në këtë cilësi ai propozoi në Asamblenë Parlamentare të Këshillit të Evropës pavarësi të mbikëqyrur për Kosovën në janar të këtij viti, pak para se të shpallej pavarësia e Kosovës, më 17 shkurt. Lordi Rasëll Xhonston për shumë vite ka qenë dëshmitar i zhvillimeve në Kosovë. Disa herë ka vizituar Kosovën dhe disa herë ka sponsorizuar rezoluta për Kosovën në Parlamentin Evropian. Lordi Xhonston ishte një mik i madh dhe i përkushtuar për çështjen e Kosovës dhe mik personal i Presidentit shumëvjeçar të Kosovës Dr.Ibrahim Rugova. Mes tjerash ai i ka vëzhguar zgjedhjet e para shumëpartiake në Kosovë në vitin 1992, duke dhënë vlerësime shumë pozitive për zhvillimin e tyre. Edhe pastaj gjatë viteve të rënda të '90 disa herë ka qëndruar në Kosovë dhe ka zhvilluar biseda të gjatë me Dr. Rugovën në shtëpinë e tij. Por edhe pas luftës ai nuk e ka harruar kurrë Kosovën, madje deri në ditët e fundit të jetës së tij ai ka qenë i preokupuar me Kosovën.
Sot mbahet mbledhja e Kuvendit të Kosovës

Prishtinë, 29 korrik - Në seancën e sotme plenare të Kuvendit të Kosovës do të shtrohet kërkesa e grupeve parlamentare për procedimin e ligjeve të pashpallura në rishqyrtim në komisionet parlamentare. Në këtë seancë gjithashtu do të shqyrtohet për herë të parë Projektligji për ndryshimin dhe plotësimin e Ligjit nr.03/L088 për miratimin e Buxhetit të Kosovës dhe shpenzimet e autorizuara për periudhën prej 1 janari deri më 31 dhjetor 2008. Ky projektligj do të shqyrtohet për herë të dytë në seancën e 30 korrikut, deri kur Komision Parlamentar për Buxhet dhe Financa do të merret me amendamentimin e tij. Kjo është seanca e fundit para pushimeve verore të deputetëve.

Eshdaun: Në fund të luftës duhet të kishim thënë se Kosova nuk mund të drejtohet më nga Beogradi

Londër, 29 korrik - Ish përfaqësuesi i lartë për Bosnjën, Pedi Eshdaun, thotë se "kishte vetëm një zgjidhje për Kosovën: ne duhet ta kishim thënë që në fund të luftës së Kosovës", se ajo nuk mund të drejtohet më nga Beogradi. "Kjo duhet të ishte bërë e qartë më herët dhe do të kishte pasur shumë më pak shqetësime nëse do të ishte bërë kjo". Ndërkaq, duke folur për gjendjen aktuale, Eshdaun tha për BBC-në se duhet garantuar "një tranzicion paqësor në Kosovë" dhe që të "qeveriset në të mirë të gjithë popullit të saj, përfshirë pakicën serbe", për të ndërtuar të ardhmen. I pyetur nëse Kosova duhet të jetë një prej kushteve që Serbia të anëtarësohet në Bashkimin Evropian, Eshdaun vlerësoi se kryesorja kur futesh në Union është që të kesh marrëdhënie të mira me fqinjët. "Nëse Serbia dëshiron të anëtarësohet në BE, ajo duhet të tregojë se e ndjek këtë politikë", tha ai. Në lidhje sfidat serioze me të cilat mund të përballet Kosova, Eshdaun tha se të tilla nuk do të ketë, sepse, sipas tij, "komuniteti ndërkombëtar po përballet me sfida". Ai mendon se sfida më serioze për Kosovën është "për të filluar për ta qeverisur mirë Kosovën", ndërsa ata që "drejtojnë Kosovën duhet të garantojnë se do të sillen në mënyra që përputhen me drejtimin e një shteti modern". "Do të ishte një fatkeqësi nëse Kosova nuk qeverisej për të gjithë qytetarët e saj, përfshirë pakicën serbe. Nëse Kosova e bën këtë, unë nuk kam asnjë dyshim se e ardhmja e Kosovës është e garantuar. Nëse nuk e bën këtë, në një afat më të gjatë do të jetë më e vështirë", tha Eshdaun për BBC-në.

Takim i BE së në Bruksel për Serbinë pas Karaxhiqit

Bruksel, 29 korrik Ambasadorët e Bashkimit Evropian takohen në Bruksel për të diskutuar ambiciet e Serbisë për t'u anëtarësuar në BE pas arrestimit javën e kaluar të ish udhëheqësit serb të Bosnjës, Radovan Karaxhiq. Karadziq pritet të dërgohet në gjykatën e Hagës këtë javë dhe lidershipi proevropian i Serbisë shpreson se kjo do të forcojë shanset e vendit për anëtarësim në BE. Presidenti Boris Tadiq është në favor të anëtarësimit në Bashkimin Evropian. Por, disa anëtarë të BE së ku përfshihet Holanda kanë nguruar t'i japin mbështetje idesë duke pretenduar se Serbia ende nuk është marrë me pasojat e luftës në Ballkan. Arrestimi i ish udhëheqëisit serb të Bosnjës, Radovan Karaxhiq, mund ta ndihmojë rastin e Serbisë.

[Lona]

Rajs përgatit udhëtimin e Bushit në Kinë

Uashington, 29 korrik Sekretarja amerikane e Shtetit, Kondoliza Rajs u takua me shefin e diplomacisë kineze, Jang Jieçi, për të diskutuar rreth udhëtimit të ardhshëm të presidentit amerikan në Pekin. Xhorx Bush do të marrë pjesë në ceremoninë e hapjes së Lojërave Olimpike, më 8 gusht. Aktivistët për të drejtat e njeriut kanë bërë thirrje që liderët botërorë të bojkotojnë lojërat për shkak të shkeljeve të të drejtave të njeriut nga Kina.

SHBA të i japin Nikaraguas ilaçe në këmbim të raketave

Uashington, 29 korrik Shtetet e Bashkuara i ofruan ndihma mjekësore Nikaraguas në shkëmbim të shkatërrimit të 657 raketave nga periudha sovjetike. Në vitet e '80 a të shekullit të kaluar, raketat planifikoheshin të përdoreshin kundër kryengritësve, të cilët gëzonin mbështetjen e Shteteve të Bashkuara. Shkatërrimi i tyre është pjesë e përpjekjeve globale për shkatërrimin e armëve të vjetra, në mënyrë që të mos bien në duart e terroristëve.

Qindra mijëra pelegrinë shiitë arrijnë në Bagdad

Bagdad, 29 korrik Në kryeqytetin irakian janë grumbulluar qindra mijëra pelegrinë shiitë për të përkujtuar një imam të vrarë më shumë se 1.200 vjet më parë. Për t'i mbrojtur pelegrinët prej sulmeve të mundshme në Bagdad janë stacionuar më shumë se 100 mijë policë dhe ushtarë. Përveç kësaj autoritetet vendosën ndalimqarkullim për automjetet në gjithë qytetin. Dje atje u vranë në atentate të paktën 28 shiitë dhe u plagosën më shumë se 100 të tjerë.

[Lona]

Svoboda: Nga Serbia nuk mund të pritet të njohë pavarësinë e Kosovës që në këtë moment

Lubjanë, 30 korrik - "Nga Serbia nuk mund të presim, që në këtë moment të marrë vendimin dhe të njohë pavarësinë e Kosovës, megjithatë duhet të ketë një qasje përkatëse, e cila do t'i sillte më shumë dobi serbëve, posaçërisht në jug të Kosovës, ku jetojnë në enklava të shpërndara", është shprehur Hanes Svoboda, anëtar i Parlamentit Evropian (PE) dhe nënkryetar i delegacionit të këtij parlamenti për Evropën Juglindore. Në një artikulll autorial me titull "Ballkani Perëndimor midis "jo-së" irlandeze dhe presidencës sllovene", Svoboda ka vlerësuar se nëpër enklava serbëve pak mund t'u ndihmojnë qëndrimet dhe deklaratat ekstreme të liderëve serbë nga veriu i Mitrovicës. "Ata që dëshirojnë të bashkëpunojnë me autoritetet e kosovare u duhet ndihma financiare dhe mbështetja politike", ka thënë Svoboda. Ai vlerëson se zhvillimet e gjertanishme në Kosovë kanë treguar një shkallë të lartë të përgjegjësisë së liderëve të saj, posaçërisht të kryeministrit Hashim Thaçi. Por megjithatë, Svoboda thotë se në Kosovë ende janë të pranishme problemet e mëdha ekonomike dhe sociale.

Kuvendi i Kosovës edhe sot i vazhdon punimet

Prishtinë, 30 korrik - Kuvendi i Kosovës edhe sot i vazhdon punimet në seancë plenare me shqyrtimin e parë të Projektligjit për partneritetet publiko privat dhe koncesionet për sigurimin e infrastrukturës së shërbimeve publike dhe procedurat për dhënien e tyre si dhe me shqyrtimin e dytë të Projektligjit për vula në institucionet e Republikës së Kosovës. Po ashtu do të bëhet shqyrtimi i Rekomandimit të Organit të pavarur përzgjedhës për emërimin e anëtarëve të Organit Shqyrtues të Prokurimit, shqyrtimi i Raportit vjetor të Zyrës së Rregullatorit të Energjisë për vitin 2007, shqyrtimi i kërkesës së Qeverisë së Kosovës për tërheqjen e ligjeve nga procedura e shpalljes, dhe shqyrtimi i kërkesës së grupeve parlamentare të Kuvendit për procedimin e ligjeve të pashpallura në rishqyrtim në komisionet parlamentare.

Britania e angazhuar në forcimin e paqes dhe stabilitetit në Kosovë e rajon

Tiranë, 30 korrik - Ministri i Punëve të Jashtme të Shqipërisë, Lulzim Basha dhe Dejvid Landsman, Drejtor politik për Ballkanin në Ministrinë e Jashtme britanike, diskutuan në Tiranë lidhur me rëndësinë e perspektives evropiane për vendet e rajonit, duke përfshirë këtu Kosovën, për stabilitetin dhe prosperitetin e rajonit. Ministri Basha vlerësoi angazhimin e Britanisë së Madhe në rajonin tonë, veçanërisht në Kosovë, gjatë gjithë këtyre viteve. Ndërkaq Landsman vuri në dukje se Britania e Madhe do të vazhdojë të jetë e angazhuar në drejtim të forcimit të paqes dhe stabilitetit në Kosovë, rajon dhe më gjerë.

Radovan Karaxhiq dërgohet në Hagë

Hagë, 30 korrik - Ish udhëheqësi serb i Bosnjës, Radovan Karaxhiq, është transferuar në Hagë, që e akuzon për krime lufte. Ai u lëviz përmes një autokolone makinash në orët e para të mëngjesit nga ndërtesa e Gjykatës në Beograd, ku mbahej që prej arrestimi të tij javën e kaluar pas më shumë se një dekade në arrati. Karaxhiqi, 63 vjeçar, provoi të sfidonte ligjshmërinë e ekstradimit të tij. Ministrin serb i Drejtësisë nxori urdhrin për ekstradimin e tij. Karaxhiq është i paditur për rolin e tij në krimet më të rënda në Evropë që prej Luftës së Dytë Botërore, vrasjen në vitin 1995 të tetë mijë myslimanëve në Srebrenicë. Ai është akuzuar gjithashtu edhe në lidhje me rrethimin e kryeqytetit Sarajevë. Lajmi se Karaxhiq është dërguar me avion në Hagë erdhi disa orë pasi të paktën dhjetëmijë mbështetës të tij zhvilluan një tubim proteste në Beograd. Partia ultranacionaliste serbe, ajo Radikale e organizoi tubimin në Beograd

Një ushtar i NATO s vdes nga plagët e marra

Kabul, 30 korrik Një ushtar i NATO s ka vdekur nga plagët e marra nga një sulm në jug të Afganistan. Burimet e NATO s thonë se ushtari u plagos pasi autokolona e forcave ndërkombëtare u sulmua në rajonin afgan të Helmandit. Kombësia e ushtarit nuk është bërë publike. Mbi 2700 vetë, shumica militantë, janë vrarë sivjet në Afganistan.

Bushi takon disidentë kinezë para nisjes në Kinë

Uashington, 30 korrik Pak ditë para udhëtimit të tij për të marrë pjesë në ceremoninë e hapjes së Lojërave Olimpike në Pekin, presidenti i SHBA ve, Xhorxh Bush, është takuar me pesë kritikë të njohur të regjimit në Kinë. Temë e bisedimeve ishte shqetësimi mbi gjendjen e të drejtave të njeriut në Republikën Popullore të Kinës, bëri të ditur një zëdhënëse e qeverisë në Uashington. Më parë, Bush kishte biseduar po në Shtëpinë e Bardhë me ministrin e jashtëm kinez, Jang Jieçi. Presidenti bëri të qartë se Lojërat Olimpike janë një mundësi për Kinën për të demonstruar angazhimin për të drejtat e njeriut dhe për lirinë, tha zëdhënësja e qeverisë. Lojërat Olimpike fillojnë të premten e javës së ardhshme.

Lufthansa anulon fluturimet e distancës së gjatë

Frankfurt, 30 korrik Për herë të parë, në dritën e tretë të grevës, Lufthansës gjermane i duhet të anulojë edhe fluturime ndërkontinentale. Sipas të dhënave të sipërmarrjes të prekura janë lidhjet nga Frankfurti mbi Main drejt Nju Jorkut, Kalgarit dhe Kalkutës si dhe segmenti Mynih Çikago. Përveç këtyre nuk do të kryen rreth 70 fluturime të largësisë së shkurtër brendagjermane dhe evropiane, pasi në saje të grevës vazhdon të mos bëhet mirëmbajtja e nëntë aeroplanëve, të cilët duhet të qëndrojnë në tokë. Sindikata Verdi kërkon për rreth 50 mijë punonjësit e saj në avionë dhe në aeroporte 9,8 për qind më shumë pagë. Lufthansa ofroi së fundi 6,7 për qind, të shpërndara në dy vite si dhe pagesa të vetme.

[Lona]

EULEX i në Kosovë ka një mision specifik

Gjilan, 31 korrik - Kryeprokurori i misionit të EULEX it në Kosovë, Alberto Perduka, thotë se EULEX i në Kosovë ka një mision specifik që do të mbulojë gjyqësinë, doganat e policinë, e jo për të krijuar gjyqësi paralele. Ai tha se në vendet demokratike ligji është mbreti. Sipas tij, 70 gjykatës e prokurorë do të asistojnë gjyqet në Kosovë që ato të jenë fer, multietnike dhe të kryejnë detyrat e tyre e ata do të merren me arbitrim, monitorim e këshillim, kurse do të merren me raste specifike që kanë të bëjnë me krime civile dhe çështje të pasurisë.

Hetohen edhe tre pesrona lidhur me sulmin ndaj shtëpisë së Thaçit

Prishtinë, 31 korrik - Në Prokurorinë e Qarkut në Prishtinë është bërë një kallëzim penal ndaj 3 personave lidhur me sulmin në shtëpinë e kryeministrit Hashim Thaçi. Kryeprokurori i Prokurorisë së Qarkut në Prishtinë, Osman Kryeziu i ka thënë Kohavisionit se ngritja e kallëzimit penal nga ana e hetuesve të policisë është bërë ndaj O. Prelvukaj, K. dhe A. Gecit. Këta dy të fundit janë vëllezër dhe djem të një ish bashkëpunëtori të ngushtë të Thaçit gjatë kohës së luftës. Personat e lartcekur dyshohen të kenë pasur shoqëri dhe t'i kenë ofruar ndihmë shëndetësore Fazli Sejdiut, ndaj të cilit është ngritur aktakuza për tentim vrasje në tentativë dhe armë mbajtje pa leje nga Gjykata e Qarkut në Prishtinë. Kryeprokurori Kryeziu thotë se këta të tre dyshohet që pas tentimit të Fazli Sejdiut të hyjë në shtëpinë e kryeministrit Hashim Thaçi, i kanë ofruar ndihmë për t'i mjekuar plagët, të cilat i kishte marrë në vendin e ngjarjes nga rojat e kryeministrit. Po ashtu 3 personat dyshohen t'i kenë ofruar Sejdiut ndihmë që të arratisej nga vendi i ngjarjes, pasi që Sejdiu i kishte kontaktuar me telefon të dyshimit, duke iu kërkuar ndihmë.

Banorët e Debëlldesë vizituan pronat e tyre në vijën kufitare me Maqedoninë

Viti, 31 korrik - Banorët e Debëlldesë së Vitisë kanë vizituar dje për herë të parë që nga viti 2001, pronat e tyre që ndodhen në vijën kufitare me Maqedoninë. Kjo u bë e mundur falë vizitës së anëtarëve të Komisionit shtetëror të Kosovës për shënimin e vijës kufitare me Maqedoninë. Ndërkaq anëtarët e komisionit thanë se qëllim i përgjithshëm i shënimit të vijës kufitare me Maqedoninë, është që të plotësohen kërkesat e banorëve dhe dy shteteve fqinje. Murat Meha, zëvendës kryetar i komisionit të Kosovës për demarkacionin e kufirit, ka thënë se varianti më i keq i zgjidhjes së këtij problemi është që kufiri të mbetet i pavendosur dhe të jetë i hapur pasi me këtë zgjidhje do të dëmtohen të dy palët.

Karaxhiçi do të ballafaqohet sot me akuzën

Hagë, 31 korrik Kryeprokurori i tribunalit të Kombeve të Bashkuara për krime lufte në ish Jugosllavi, Serge Bramertz, supozon se procesi kundër të akuzuarit, Radovan Karaxhiç, do të fillojë pas pak muajsh. Padia kundër Karaxhiçit e ngritur në vitin 2000 do të përpunohet, paralajmëroi Bramertz në Hagë. Pres një proces të vështirë, të cilin dua ta kryej shpejt dhe me efekt, tha ai. Karaxhiç, 63 vjeçar do t'i paraqitet sot për të parën herë nga burgu gjykatësit dhe do të ballafaqohet me akuzën. Karaxhiç bëhet përgjegjës për gjenocid, krime lufte dhe krime kundër njerëzimit gjatë Luftës së Bosnjës nga 1992 deri në 1995.

Lirohet kameramani i ARD së i rrëmbyer nga Hamasi

Gazë, 31 korrik Pesë ditë pas arrestimit të tij nga grupi radikal islamik palestinez Hamas në Rripin e Gazës, kameramani i kanalit të parë televiziv gjerman ARD, Savah Abu Seif, 42 vjeçar, është përsëri në liri. Këtë e konfirmoi drejtori i zyrës së ARD së në Izrael. Ai është në gjendje shumë të keqe dhe hollësi do të bëhen të ditura më vonë, gtha ai. Seif ishte arrestuar në lidhje me atentat, në të cilin u vranë të premten pesë veprimtarë të Hamasit dhe një vajzë e vogël. Hamasi që qeveris në Rripin e Gazës e akuzon Seifin, se është anëtar aktiv i Fatahut, rival të presidentit palestinez, Mahmud Abbas, të cilin e bën përgjegjës për atentatin. Në shenjë proteste ndaj arrestimit, ARD mbylli dje zyrën e vet në Gazë.

Olmert paralajmëron heqje dorë nga karriera politike

Jerusalem, 31 korrik Kryeministri izraelit Ehud Olmert i gjendur nën trysni prej akuzuave për korrupsion ka paralajmëruar dorëheqjen e tij politike. Nuk do të kandidoj për kryetar në zgjedhjet e brendshme të Partisë Kadima në shtator, tha Olmert në Jerusalem. Pas zgjedhjes së një kryetari të ri do të jap dorëheqjen si kryeministër për të bërë të mundur formimin e shpejtë të qeverisë, tha Olmert. Lidhur me akuzat për korrupsion, Olmert tha se e di që ka bërë gabime, por do të vërtetojë pafajësinë e tij. Olmert akuzohet ndër të tjera, të ketë pranuar në kundërshtim me ligjin para prej një afaristi amerikan si dhe të ketë deklaruar në mënyrë të parregullt llogaritë për udhëtime gjatë kohës si kryetar i bashkisë së Jerusalemit.

Kryeministri Erdogan u zotua për vazhdimin e laicizmit në Turqi

Ankara, 31 korrik Pas dështimit të padisë për ndalimin e Partisë qeverisëse turke AKP, Bashkimi Evropian u ka bërë thirrje forcave politike në vend, t'i zgjidhin diferencat ideologjike përmes një dialogu paqësor. Bashkimi Evropian do t'i ndjekë më vëmendje institucionet demokratike dhe gjendjen në Turqi, thuhet në një deklaratë të kryesisë franceze të radhës. Gjykata kushtetuese turke e refuzoi dje ndalimin e partisë së kryeministrit Rexhep Tajip Erdogan. Prokuroria e akuzonte AKP në se po përpiqej të islamizonte vendin duke i rënë kësisoj ndesh parimit kushtetues të ndarjes së shtetit nga feja. Kryeministri Rexhep Erdogan u zotua se do të vazhdojë rrugën e laicizmit në Turqi, pasi Gjykata Kushtetuese vendosi sot që të mos nxjerr jashtë ligjit partinë e tij.

[Lona]

Hajson emërohet zëvendësshef i përkohshëm i UNMIK ut

Prishtinë, 4 gusht - Sekretari i përgjithshëm i Kombeve të Bashkuara, Ban Ki Mun, emëroi këshilltarin e tij kryesor politik Nikolas Hajson për zëvendësshef të përkohshëm të UNMIK ut. "Hajson mbërrin javën e ardhshme në Prishtinë ku do të qëndrojë derisa shefi i UNMIK ut të mos kthehet nga pushimi vjetor", ka thënë një burim perëndimor. Hajson është nga Afrika e Jugut e cila nuk e ka pranuar planin e ndërmjetësit ndërkombëtar, Marti Ahtisari, por diplomatët perëndimor konsiderojnë se kjo nuk mund të ketë ndikim në qëndrimet e këtij zyrtari të lartë të Kombeve të Bashkuara.

Qëndrimet e Zanierit rreth policisë në kundërshtim me Kushtetutën e Kosovës

Prishtinë, 4 gusht Qeveria e Kosovës qëndrimet e fundit të shefit të UNMIK ut për disa fusha që kanë të bëjnë me pakicën serbe, i konsideron në kundërshtim me Kushtetutën e Republikës dhe me planin e Ahtisarit. Zv/kryeministri Hajredin Kuçi tha se Kosova, do të integrojë minoritetin serb por nuk do të lejojë strukturat paralele në vendin tonë. Ai po ashtu konfirmoi se tashmë dihet emri i ministrit të mbrojtjes, por ai do të bëhet publik shumë shpejt nga ana e kryeministrit Thaçi. Edhe Policia e Kosovës vlerëson se propozimi i shefit të UNMIK ut Lamberto Zanier për paralelizmin në zinxhirin komandues të Policinë e Kosovës mund të krijojë vetëm probleme. Zëdhënës Veton Elshani tha se çfarëdo vendimi tjetër përveç tranzicionit, transferimit të autorizimeve nga policia ndërkombëtare në policinë e Kosovës do të krijojë probleme. Përveç Policisë rajonale në Mitrovicë në të gjitha regjionet e tjera në Kosovë është kryer transferimi i kompetencave, tha ai.


Tadiq: Serbia nuk do të heqë dorë nga Kosova

Beograd, 4 gusht Presidenti serb Boris Tadiq ka deklaruar se Serbia nuk do të heqë dorë nga mbrojtja e integritetit territorial për shkak të integrimeve evropiane. "Nëse dikush mendon se kjo qeveri proevropiane do të heqë dorë nga mbrojtja e interesave kombëtare për shkak të perspektivës evropiane, mashtrohet", tha Boris Tadiq në një konferencë për gazetarë. Sipas tij, anëtarësimi në Bashkimin Evropian është interes kryesor kombëtar serb, por kjo nuk do të thotë se Serbia do të pranojë shantazhime. Tadiq tha se Serbia do të vazhdojë të luftojë për Kosovën me mjete diplomatike. Ghithashtu ai theksoi se nuk do të heqë dorë që në Asamblenë e Përgjithshme të KB të kërkojë mendimin konsultativ të Gjykatës Ndërkombëtare të Drejtësisë në Hagë në lidhje me pavarësinë e Kosovës dhe njohjen e saj nga, siç thotë, "disa shtete".

Në Venezuelë mbërrijnë 24 aeroplanë luftarakë rusë

Karaks, 4 gusht - Presidenti i Venzuelës, Hugo Çavez, tha se në vendin e tij kanë arritur 24 aeroplanë luftarakë të tipit Sukhoi nga Rusia dhe i ka tërhequr vërejtjen Flotës së Katërt të Shteteve të Bashkura, të qëndroj jashtë ujërave të Venezuelës. Çavez tha se nga këta aeroplana mund të shkrepen raketat me rreze më të gjatë veprimi se nga aeroplanat luftarakë amerikanë F 16. Blerja e 24 aeroplanave luftarakë është pjesë e marrëveshjes ushtarake me vlerë prej 3 miliardë dollarësh ndërmjet Venezuelës dhe Rusisë, që përfshinë edhe tanke dhe kalashnikovë.

Në Kinë viten 16 policë

Pekin, 4 gusht - Agjencia zyrtare kineze e lajmeve, Xinhua, raportoi se një grup i panjohur me një kamion ka goditur një patrullë kufitare sot herët në mëngjes dhe pastaj ka hedhur granata. Nga ky sulm u vranë 16 policë dhe janë plagosur 15 të tjerë. Sulmi ndodhi para stacionit policor në vendin Kashi në provincën Sjinçjang. Në këtë rajon, ka pasur kryengritje të shkallës më të ulët kundër pushtetit kinez, nga myslimanët lokalë, të njohur si Ujgurë.

Në qytetet kryesore trupat ushtrojnë kontrolle sigurie

Romë, 4 gusht - Në rrugët e qyteteve kryesore italiane dislokohen trupa teksa qeveria përpiqet të veprojë përkundrejt shqetësime në rritje të popullatës përsa i takon krimeve. Trupat pritet të ushtrojnë kontrolle sigurie në Romë, Napoli dhe qytetet e tjera të mëdha përfshirë Milanon. Kryeqendra italiane e modës është një prej qyteteve që do të shohë dislokimim më të madh me më shumë se 400 trupa nga 3000 në total në shkallë vendi. Këto trupa do të vendosen në pika si stacioni kryesor i qytetit si edhe vende të tjera të rëndësishme turistike dhe vende që mund të jenë në shënjestër të sulmeve terroriste. Trupat do të zhvillojnë patrullime të përbashkëta me policinë. Në vende të tjera, trupat do të ruajnë qendrat e ndalimit të emigrantëve.

Në moshën 89 vjeçare vdiq nobelisti Sollzhenicin

Moskë, 4 gusht - Aleksandër Sollzhenicin, një prej zërave më të fortë kritikë ndaj tiranisë staliniste ka vdekur nga një infarkt në moshën 89 vjeçare. Në vitin 1970, shkrimtari rus u nderua me çmimin Nobel. Aleksandër Sollzhenicin ka lindur në Rusi në 1918. Ai ishte ende i ri kur pati probleme me autoritetet sovjetike për herë të parë gjatë fundit të Luftës së Dytë Botërore, kur u ndëshkua me tetë vjet punë të detyruar në kampe, për shkak se e kritikonte Stalinin në një letër. Pasi u kthye nga internimi, ai u vendos në Rusinë qendrore. Kjo koinçidoi me ndryshimet kulturore në epokën e Hrushovit. Duke përfituar nga lehtësimi i censurës Sollzhenicin shkroi "Një ditë në jetën e Ivan Denisoviçit", një prej veprave të para që përshkruan brutalitetin e kampeve sovjetike të punës. Gjatë viteve të pasuan kur punonte si mësues matematike, ai publikoi dy romane të mbështetura në eskperiencat personale. Botimi në Paris i pjesëve të para të veprës, Arqipelagu Gulag bëri që Sollzhenicin të paditej për tradhëti. Kjo kryevepër voluminoze e Sollzhenicinit dokumentonte se sa i gjerë ishte rrjeti i kampeve të punës. Kundërpërgjigja e autoriteteve sovjetike bëri që Sollzhenicin të ndiqej jashtë vendit. Ai u vendos në SHBA kur shkroi një numër veprash historike. Teksa urrente rregjmimin sovjetik, zoti Sollzhenicin e shihnte konsumatorizmin perëndimor si degradues nga ana morale. Një prej veprave të fundit të Aleksandër Sollzhenicin ishte një studim i gjerë i rolit të hebrenjëve në historinë ruse. Duke sugjeruar se ata ishin sa viktima aq edhe keqbërës të shtypjes sovjetike, puna e zotit Sollzhenicin shkaktoi zemërim të madh në mesin e udhëheqësve hebrenj. (BBC)

[Lona]

Abramovic: Kosovarët nuk bërë sa duhet për njohjen e Kosovës

Pragë, 5 gusht Ndonëse Kosova ka pasur njohje shumë cilësore të pavarësisë, megjithatë analisti dhe ish-diplomati amerikan Morton Abramovic konsideron se "Perëndimi ka punuar shumë keq" dhe "jo sa duhet" në procesin e njohjes së shtetit të ri. Në një intervistë për REL ai tha se njohjet e mëtejshme vareshin më shumë nga përpjekjet e Shteteve të Bashkuara dhe të Bashkimit Evropian dhe sipas tij, "ky është një problem". Ndërkaq problemi i dytë, sipas tij, është se kosovarët nuk janë të organizuar mirë dhe nuk kanë bërë sa duhet për njohjen e Kosovës, duke mos lëvizur për të mundësuar njohjen e shtetit të Kosovës, veçanërisht në vendet islamike. "Është e habitshme për mua se si aq shumë vende islamike nuk i kanë mbështetur kosovarët", shprehet Ambramovic. Madje fakti se Qeveria serbe mund të nxjerrë nga Asambleja e Përgjithshme e OKB së një rezolutë ku i kërkohet Gjykatës Penale Ndërkombëtare për të vendosur mbi ligjshmërinë e shpalljes së pavarësisë së Kosovës, ai vlerëson se mund të jetë "një ngjarje shumë e pakëndshme". Duke folur për gjasat që Asambleja e Përgjithshme në shtator të miratojë një rezolutë të tillë, Ambramovic thotë se nuk është i sigurt, por shton se ministri i Jashtëm serb ka qenë shumë aktiv në takimin e vendeve të paangazhuara. Sipas tij, qeveria e Indisë po lëviz në drejtimin e Serbisë, "duke e vënë në pikëpyetje pavarësinë dhe ky është një problem shumë serioz", tha ai dhe kritikoi për "paaftësi" Shtetet e Bashkuara dhe Bashkimin Evropian. Në lidhje me faktin se udhëheqësit e Kosovës duhet ta drejtojnë shtetin e ri në prani të UNMIK ut, BE së, Zyrës Civile Ndërkombëtare e kështu me radhë, Abramovic tha se Qeveria e Kosovës përballet me një problem të madh që ka të bëjë me vështirësitë që kanë dalë në përcaktimin e roleve të UNMIK ut dhe BE së. Ky proces, shtoi ai, po ecën shumë ngadalë dhe po shoqërohet me mundësinë e jo pak pasojave dhe kufizimeve ligjore në Nju Jork. Kjo lidhet dhe me mungesën e njohjeve të Kosovës nga shumë më tepër vende. "Shumëçka në përcaktimin e pranisë së UNMIK ut dhe në përfshirjen e misionit evropian në Kosovë varet nga fakti se sa i vendosur dhe aktiv është Bashkimi Evropian në qëllimin që Kosova të jetë e suksesshme si shtet".

"Tajms": Nëna Terezë nuk lëkundej nga varfëria

Londër, 5 gusht - Gazeta londineze "Tajms" (Times) në numrin e sotëm sjell një shkrim për Nënë Terezën. Përmbledhja e shkrimeve të saja këto ditë pritet të botohet në Londër. Këtu kemi ekstrakte nga letrat e saja që ajo u ka dërguar miqëve të saj. Kjo grua, shkruan gazeta, nuk lëkundej nga varfëria apo kritikat, por nga dyshimet që kishte për besimin e saj. Ndër to, në pjesën ku flet për dyshimin, ajo thotë se "nuk ka besim, se këto mendime dhe fjalë ka frikë për ti shprehur, pasi që pastaj vuan në agoni nga ajo që mendon". "Nëse ka Zot, atëherë kërkoj falje nga ai. Besoj se e tëra ka për të përfunduar në qiell, me Krishtin" sjell "Tajms" në vazhdim. "Vendi i Zotit në shpirtin tim është i zbrazët. Në mua nuk ka Zot. Kur dhembja e mallit (për të) është aq e fuqishme unë vetëm digjem e digjem nga malli dhe atëherë e ndiej se Ai nuk është aty". "E tërë jeta ime është përplot me kundërshtime. Unë u ndihmoj shpirtërave për të shkuar ku? Pse e gjithë kjo? Ku është shpirti në vet qenien time"? vazhdon shkrimi. Ajo megjithatë në njërin shkrim thotë se përkundër asaj që ajo ndien, ajo vazhdon ti buzëqeshë, si Zotit ashtu edhe të tjerëve.

Katër të lënduar në dy incidente në Mitrovicë

Mitrovicë, 5 gusht - Një pjesëtar i Policisë së Kombeve të Bashkuara, një qytetar shqiptar dhe dy të tjerë serbë janë lënduar në një incident që ka ndodhur mbrëmë pas mesnate në Mitrovicë. Sipas policisë, incidenti ka ndodhur në Lagjen e Boshnjakëve që gjendet në pjesën veriore të qytetit. Zëdhënësi i policisë për rajonin e Mitrovicës, Besim Hoti, tha se fillimisht një grup serbësh e kanë sulmuar një të ri shqiptar, ndërsa më vonë shqiptarët me gurë kanë lënduar dy serbë. "Kjo ka filluar rreth orës 21:30 në Lagjen e Boshnjakëve, kur një viktimë e nacionalitetit shqiptar, i cili ka kaluar nga Lagjja e Boshnjakëve në drejtim të urës kryesore është ndalur fillimisht nga gjashtë persona të dyshuar të nacionalitetit serb. Të njëjtit, pasi që kanë kërkuar nga ai të identifikohet se kush është, kanë filluar ta sulmojnë më shkopinj druri", sqaroi Hoti. Më vonë, thotë ai, te ndërtesat që njihen si "Tre rrokaqiejt", rreth orës 1 e 20 minuta, shqiptarët kanë gjuajtur me gurë dy vetura të serbëve dhe kanë lënduar dy serbë. "Disa banorë shqiptarë besohet se kanë sulmuar me gurë në drejtim të dy veturave të banorëve serbë, të cilat kalonin nëpër atë lagje, duke nxitur kështu edhe reagimin e banorëve serbë të cilët janë kundërpërgjigjur. Në këtë kundërëprgjigje, ata kanë dëmtuar dhe demoluar mbi gjashtë vetura me targa KS dhe 3 lokale afariste qe besohet të jenë pronë e shqiptarëve", tha Hoti. Ai vlerëson se këto incidente kanë karakter me motiv ndëretnik që ndikon kryesisht në ngritjen e tensioneve. Hoti thotë se me vonë ka intervenuar policia e UNMIK ut, ku si pasojë një polic është lënduar. "Kanë qenë policët ndërkombëtarë ata të cilët kanë intervenuar në këtë rast dhe një pjesëtar i policisë së UNMIK ut ka pësuar lëndime", tha Hoti.

OSBE ndjek me vëmendje debatin për mandatin e saj në Shqipëri

Tiranë, 5 gusht - Pas debatit të ndezur në Shqipëri për largimin apo jo të OSBE së, ka reaguar zyra e OSBE së në Shqipëri. OSBE po ndjek me vëmendje debatin për mandatin e saj thuhet në një reagim të prezensës së OSBE së duke theksuar se OSBE është një partner afatgjatë që ka dhënë ndihmë të vazhdueshme në ecurinë e reformave në vend. Në reagimin e saj, OSBE së nuk prononcohet konkretisht nëse mund të ndryshojë mandati i saj në Shqipëri. Më parë ministria e jashtme e Shqipërise kishte shprehur keqardhjen për keqinformimin që i bëhet opinionit publik lidhur me mandatin e OSBE së në Shqipëri, duke theksuar se ajo nuk ka kërkuar kufizimin e mandatit të OSBE së apo largimin e saj.

Nesër takohen Abaz dhe Olmert

Jerusalem, 5 gusht - Për të biseduar mbi procedimin e mëtejshëm lidhur me konfliktin në Lindjen e Mesme, kryeministri izraelit, Ehud Olmert dhe presidenti palestinez, Mahmud Abas do të takohen ditën e mërkurë. Përfaqësues të të dyja palëve konfirmuan takimin në rezidencën e Olmertit në Jeruzalem. Abaz do të bisedojë mbi pikat izraelite të kontrollit në zonat palestineze dhe fatin e të burgosurve palestinezë. Si Izraeli ashtu edhe autoriteti palestinez i janë larguar synimit të shprehur nga SHBA për arritjen e një marrëveshjeje të paqes deri në fund të këtij viti.

Bush filloi turneun në Azi

Seul, 5 gusht - Presidenti i Shteteve të Bashkuara Xhorxh Bush mbërriti në Korenë Jugore, në fillim të turneut në Azi. Në prag të vizitës, presidenti koreano -jugor Lie Miung Bak tha se raportet e ngushta me Uashingotnin janë "shtylla kryesore e diplomacisë" së këtij vendi. Mijëra policë janë vendosur në Seul për të garantuar sigurinë gjatë vizitës. Në turneun e tij shtatë ditor në Azi, Bush do të qëndrojë edhe në Tajlandë dhe në Kinë, ku do të marrë pjesë edhe në hapje të Lojërave Olimpike.

Irani i përgjigjet ofertës së Perëndimit

Teheran, 5 gusht - Irani raportohet se i është përgjigjur ofertës së fuqive botërore për të zgjidhur mosmarrëveshjen rreth programit të vet bërthamor. Agjencia gjysmë zyrtare iraniane Fars tha se përgjigja u është dorëzuar zyrtarëve të Bashkimit Evropian nga ambasadori iranian në Bruksel. Nuk janë bërë publike detaje tjera. Pesë anëtarët e përhershëm të Këshillit të Sigurimit të Kombeve të Bashkuara dhe Gjermania kanë ofruar të përmbahen nga vendosja e sanksioneve të mëtejme ndaj Iranit, nëqoftëse Teherani i pezullon aktivitetet e pasurimit të uraniumit në këmbim të stimuleve.

[Lona]

Abramovic: Kosovarët nuk bërë sa duhet për njohjen e Kosovës

Pragë, 5 gusht Ndonëse Kosova ka pasur njohje shumë cilësore të pavarësisë, megjithatë analisti dhe ish-diplomati amerikan Morton Abramovic konsideron se "Perëndimi ka punuar shumë keq" dhe "jo sa duhet" në procesin e njohjes së shtetit të ri. Në një intervistë për REL ai tha se njohjet e mëtejshme vareshin më shumë nga përpjekjet e Shteteve të Bashkuara dhe të Bashkimit Evropian dhe sipas tij, "ky është një problem". Ndërkaq problemi i dytë, sipas tij, është se kosovarët nuk janë të organizuar mirë dhe nuk kanë bërë sa duhet për njohjen e Kosovës, duke mos lëvizur për të mundësuar njohjen e shtetit të Kosovës, veçanërisht në vendet islamike. "Është e habitshme për mua se si aq shumë vende islamike nuk i kanë mbështetur kosovarët", shprehet Ambramovic. Madje fakti se Qeveria serbe mund të nxjerrë nga Asambleja e Përgjithshme e OKB së një rezolutë ku i kërkohet Gjykatës Penale Ndërkombëtare për të vendosur mbi ligjshmërinë e shpalljes së pavarësisë së Kosovës, ai vlerëson se mund të jetë "një ngjarje shumë e pakëndshme". Duke folur për gjasat që Asambleja e Përgjithshme në shtator të miratojë një rezolutë të tillë, Ambramovic thotë se nuk është i sigurt, por shton se ministri i Jashtëm serb ka qenë shumë aktiv në takimin e vendeve të paangazhuara. Sipas tij, qeveria e Indisë po lëviz në drejtimin e Serbisë, "duke e vënë në pikëpyetje pavarësinë dhe ky është një problem shumë serioz", tha ai dhe kritikoi për "paaftësi" Shtetet e Bashkuara dhe Bashkimin Evropian. Në lidhje me faktin se udhëheqësit e Kosovës duhet ta drejtojnë shtetin e ri në prani të UNMIK ut, BE së, Zyrës Civile Ndërkombëtare e kështu me radhë, Abramovic tha se Qeveria e Kosovës përballet me një problem të madh që ka të bëjë me vështirësitë që kanë dalë në përcaktimin e roleve të UNMIK ut dhe BE së. Ky proces, shtoi ai, po ecën shumë ngadalë dhe po shoqërohet me mundësinë e jo pak pasojave dhe kufizimeve ligjore në Nju Jork. Kjo lidhet dhe me mungesën e njohjeve të Kosovës nga shumë më tepër vende. "Shumëçka në përcaktimin e pranisë së UNMIK ut dhe në përfshirjen e misionit evropian në Kosovë varet nga fakti se sa i vendosur dhe aktiv është Bashkimi Evropian në qëllimin që Kosova të jetë e suksesshme si shtet".

"Tajms": Nëna Terezë nuk lëkundej nga varfëria

Londër, 5 gusht - Gazeta londineze "Tajms" (Times) në numrin e sotëm sjell një shkrim për Nënë Terezën. Përmbledhja e shkrimeve të saja këto ditë pritet të botohet në Londër. Këtu kemi ekstrakte nga letrat e saja që ajo u ka dërguar miqëve të saj. Kjo grua, shkruan gazeta, nuk lëkundej nga varfëria apo kritikat, por nga dyshimet që kishte për besimin e saj. Ndër to, në pjesën ku flet për dyshimin, ajo thotë se "nuk ka besim, se këto mendime dhe fjalë ka frikë për ti shprehur, pasi që pastaj vuan në agoni nga ajo që mendon". "Nëse ka Zot, atëherë kërkoj falje nga ai. Besoj se e tëra ka për të përfunduar në qiell, me Krishtin" sjell "Tajms" në vazhdim. "Vendi i Zotit në shpirtin tim është i zbrazët. Në mua nuk ka Zot. Kur dhembja e mallit (për të) është aq e fuqishme unë vetëm digjem e digjem nga malli dhe atëherë e ndiej se Ai nuk është aty". "E tërë jeta ime është përplot me kundërshtime. Unë u ndihmoj shpirtërave për të shkuar ku? Pse e gjithë kjo? Ku është shpirti në vet qenien time"? vazhdon shkrimi. Ajo megjithatë në njërin shkrim thotë se përkundër asaj që ajo ndien, ajo vazhdon ti buzëqeshë, si Zotit ashtu edhe të tjerëve.

Katër të lënduar në dy incidente në Mitrovicë

Mitrovicë, 5 gusht - Një pjesëtar i Policisë së Kombeve të Bashkuara, një qytetar shqiptar dhe dy të tjerë serbë janë lënduar në një incident që ka ndodhur mbrëmë pas mesnate në Mitrovicë. Sipas policisë, incidenti ka ndodhur në Lagjen e Boshnjakëve që gjendet në pjesën veriore të qytetit. Zëdhënësi i policisë për rajonin e Mitrovicës, Besim Hoti, tha se fillimisht një grup serbësh e kanë sulmuar një të ri shqiptar, ndërsa më vonë shqiptarët me gurë kanë lënduar dy serbë. "Kjo ka filluar rreth orës 21:30 në Lagjen e Boshnjakëve, kur një viktimë e nacionalitetit shqiptar, i cili ka kaluar nga Lagjja e Boshnjakëve në drejtim të urës kryesore është ndalur fillimisht nga gjashtë persona të dyshuar të nacionalitetit serb. Të njëjtit, pasi që kanë kërkuar nga ai të identifikohet se kush është, kanë filluar ta sulmojnë më shkopinj druri", sqaroi Hoti. Më vonë, thotë ai, te ndërtesat që njihen si "Tre rrokaqiejt", rreth orës 1 e 20 minuta, shqiptarët kanë gjuajtur me gurë dy vetura të serbëve dhe kanë lënduar dy serbë. "Disa banorë shqiptarë besohet se kanë sulmuar me gurë në drejtim të dy veturave të banorëve serbë, të cilat kalonin nëpër atë lagje, duke nxitur kështu edhe reagimin e banorëve serbë të cilët janë kundërpërgjigjur. Në këtë kundërëprgjigje, ata kanë dëmtuar dhe demoluar mbi gjashtë vetura me targa KS dhe 3 lokale afariste qe besohet të jenë pronë e shqiptarëve", tha Hoti. Ai vlerëson se këto incidente kanë karakter me motiv ndëretnik që ndikon kryesisht në ngritjen e tensioneve. Hoti thotë se me vonë ka intervenuar policia e UNMIK ut, ku si pasojë një polic është lënduar. "Kanë qenë policët ndërkombëtarë ata të cilët kanë intervenuar në këtë rast dhe një pjesëtar i policisë së UNMIK ut ka pësuar lëndime", tha Hoti.

OSBE ndjek me vëmendje debatin për mandatin e saj në Shqipëri

Tiranë, 5 gusht - Pas debatit të ndezur në Shqipëri për largimin apo jo të OSBE së, ka reaguar zyra e OSBE së në Shqipëri. OSBE po ndjek me vëmendje debatin për mandatin e saj thuhet në një reagim të prezensës së OSBE së duke theksuar se OSBE është një partner afatgjatë që ka dhënë ndihmë të vazhdueshme në ecurinë e reformave në vend. Në reagimin e saj, OSBE së nuk prononcohet konkretisht nëse mund të ndryshojë mandati i saj në Shqipëri. Më parë ministria e jashtme e Shqipërise kishte shprehur keqardhjen për keqinformimin që i bëhet opinionit publik lidhur me mandatin e OSBE së në Shqipëri, duke theksuar se ajo nuk ka kërkuar kufizimin e mandatit të OSBE së apo largimin e saj

[Lona]

Nesër takohen Abaz dhe Olmert

Jerusalem, 5 gusht - Për të biseduar mbi procedimin e mëtejshëm lidhur me konfliktin në Lindjen e Mesme, kryeministri izraelit, Ehud Olmert dhe presidenti palestinez, Mahmud Abas do të takohen ditën e mërkurë. Përfaqësues të të dyja palëve konfirmuan takimin në rezidencën e Olmertit në Jeruzalem. Abaz do të bisedojë mbi pikat izraelite të kontrollit në zonat palestineze dhe fatin e të burgosurve palestinezë. Si Izraeli ashtu edhe autoriteti palestinez i janë larguar synimit të shprehur nga SHBA për arritjen e një marrëveshjeje të paqes deri në fund të këtij viti.

Bush filloi turneun në Azi

Seul, 5 gusht - Presidenti i Shteteve të Bashkuara Xhorxh Bush mbërriti në Korenë Jugore, në fillim të turneut në Azi. Në prag të vizitës, presidenti koreano -jugor Lie Miung Bak tha se raportet e ngushta me Uashingotnin janë "shtylla kryesore e diplomacisë" së këtij vendi. Mijëra policë janë vendosur në Seul për të garantuar sigurinë gjatë vizitës. Në turneun e tij shtatë ditor në Azi, Bush do të qëndrojë edhe në Tajlandë dhe në Kinë, ku do të marrë pjesë edhe në hapje të Lojërave Olimpike.

Irani i përgjigjet ofertës së Perëndimit

Teheran, 5 gusht - Irani raportohet se i është përgjigjur ofertës së fuqive botërore për të zgjidhur mosmarrëveshjen rreth programit të vet bërthamor. Agjencia gjysmë zyrtare iraniane Fars tha se përgjigja u është dorëzuar zyrtarëve të Bashkimit Evropian nga ambasadori iranian në Bruksel. Nuk janë bërë publike detaje tjera. Pesë anëtarët e përhershëm të Këshillit të Sigurimit të Kombeve të Bashkuara dhe Gjermania kanë ofruar të përmbahen nga vendosja e sanksioneve të mëtejme ndaj Iranit, nëqoftëse Teherani i pezullon aktivitetet e pasurimit të uraniumit në këmbim të stimuleve.

[Lona]

Suedia e Turqia njohin pasaportat e Republikës së Kosovës

Prishtinë, 08 gusht: Suedia i njeh pasaportat e Republikës së Kosovës. Qeveria suedeze e ka konfirmuar këtë përmes një njoftimi zyrtar, dërguar Ministrisë së Punëve të Brendshme të Kosovës. Në njoftim shpjegohet se shtetasit e Kosovës mund të udhëtojnë në këtë vend edhe me dokumentet e udhëtimit të UNMIK-ut, derisa ato të jenë valide. Edhe Turqia i njeh pasaportat e Republikës së Kosovës. Zyra turke në Prishtinë bën të ditur se prej të hënës, më 11 gusht, shtetasit e Kosovës mund të pajisen me viza në këtë zyrë, në përfaqësitë diplomatike e zyrat konsullore si edhe në kufi te vendit. Pagesa për një vizë është 10 euro ose 15 dollarë amerikanë

Sejdiu: "Nuk do të pranojmë bisedime për statusin"

Prishtinë, 08 gusht: Presidenti i Kosovës, Fatmir Sejdiu, ka hedhur poshtë kategorikisht mundësinë që të zhvillohen bisedime rreth statusit të Kosovës. “Kurrë nuk do të pranojmë bisedime që kanë të bëjnë me statusin e vendit. Asnjëherë nuk do të pranojmë të bisedojnë për asnjë temë dhe materie që ka të bëjë me statusin e vendit”, ka thënë ai, duke theksuar se çështja e statusit është çështje e përfunduar. Presidenti Sejdiu ka theksuar edhe një herë se Kosova dhe Serbia mund të bashkëbisedojnë vetëm si dy shtete të pavarura, për çështje që janë në interes të qytetarëve të të dyja vendeve. Presidenti Sejdiu ka hedhur poshtë edhe mundësinë e krijimit të policisë etnike serbe si dhe çfarëdo strukture që do të cenonte integritetin territorial të Kosovës dhe funksionimin normal të saj. “Institucionet e Kosovës nuk do të japin asnjë mbështetje që nënkupton ndarjen e Kosovës në çfarëdo forme. Kosova është unike, është e saktësuar edhe me kushtetutën e saj, por edhe në mbështetjen ndërkombëtare. Nuk ka asnjë qasje që mbështetë Kosovën që të jetë e etniteteve të veçuara, por ka karakterin e një shoqëria shumetnike”, ka thënë ai. Presidenti i Kosovës ka thënë se është me rëndësi që në Kosovë të krijohen mekanizma të përbashkët të pushteteve që bashkëpunojnë mirë njëri me tjetrin.

Berisha bën thirrje për njohjen e Kosovës

Pekin, 08 gusht: Kryeministri i Shqipërisë, Sali Berisha, u ka bërë thirrje autoriteteve kineze që të shqyrtojnë mundësinë për njohjen e pavarësisë së Kosovës. Në një takim që ka pasur në Pekin me ministrin e Jashtëm në Komitetin Qendror të Partisë Komuniste të Kinës, Van Xhia Rui, Berisha ka shprehur vlerësimin e lartë që do të kishte një rishqyrtim dhe rikonsiderim i pavarësisë së Kosovës nga ana e Kinës. të një tjetër vend mik. Kryeministri Berisha ka thënë se me pavarësinë e Kosovës, në Ballkan është krijuar një realitet të ri. “Tashmë kemi një Ballkan tjetër, më të stabilizuar. Kemi një realitet të ri, që është Kosova e pavarur, e njohur nga 43 shtete, në pak muaj, të cilat nuk e kanë njohur as për të shpërblyer shqiptarët dhe as për të ndëshkuar serbët, por sepse kanë parë në pavarësinë e saj, një kontribut jetik në stabilitetin dhe integrimin e vendeve të rajonit dhe shkëputjen nga e kaluara e hidhur”, ka thënë Berisha. Ndërkaq, ministri Xhia Rui, ka thënë se Kina po ndjek me vëmendje zhvillimet politike në rajon dhe se e gëzonte veçanërisht ecuria e Kosovës në këta muaj. Ministri kinez është shprehur se kjo është një çështje për të cilën “duhet një dialog dhe vlerësim i vazhdueshëm”.

Sot në Kinë fillojnë Lojërat Olimpike

Pekin, 08 gusht: Në kryeqytetin e Kinës, sot fillojnë lojërat olimpike verore. Në ceremoninë e hapjes, në stadiumin olimpik, në Pekin, mikpritësit kinezë kanë paralajmëruar një spektakël gjigant. Në të do të marrin pjesë edhe më shumë se 80 shefa shtetesh dhe qeverish. Midis tyre do të jenë presidenti amerikan, Xhorxh Bush, presidenti francez, Nikola Sarkozi, dhe kryeministri rus, Vladimir Putin. Në ceremoninë e hapjes do të marrë pjesë edhe kryeministri i Shqipërisë, Sali Berisha. Pak orë para fillimit të lojërave olimpike, presidenti kinez, Hu Xhin Tao, në një pritje të nivelit të lartë, ka premtuar lojëra të jashtëzakonshme, me cilësi të papërsëritshme. Në lojërat olimpike, të cilta do të zgjasin deri më 24 gusht, marrin pjesë 11.128 sportistë nga 205 vende të botës. Për sigurinë e lojërave olimpike janë angazhuar mbi 100 000 pjesëtarë të forcave të sigurisë.

Bush përuroi ambasadën e SHA-ve në Pekin

Pekin, 08 gusht: Presidenti Xhorxh Bush e ka përuruar ambasadën e re të Shteteve të Bashkuara të Amerikës në Kinë. Ndërtesa e re e ambasadës është simbol i rritjes së rëndësisë së raporteve mes dy vendeve. "Për mua kjo ambasadë e re flet për rëndësinë e marrëdhënieve tona me Kinën. Ajo është pasqyrim i themeleve të forta të raporteve mes dy vendeve tona. Është njëherësh një angazhim për t'i forcuar këto raporte në vitet që vijnë", ka thënë presidenti Bush. Pak ditë më parë edhe Kina e ka hapur kompleksin e ri të ambasadës së saj në Uashington.

Mobilizim i përgjithshëm i ushtrisë në Gjeorgji

Tbilisi, 08 gusht: Presidenti i Gjeorgjisë Mihail Sakashvili bëri thirrje për “mobilizim të përgjithshëm” të forcave ushtarake, duke thënë se vendi po përballet me "intervenim ushtarak të shkallës së gjerë" nga trupat ruse. Në një fjalim televiziv, Sakashvili, tha se aeroplanët ushtarakë rusë i kanë bombarduar dy qytete gjeorgjiane. Ai u bëri thirrje trupave ruse të ndërpresin sulmet ajrore dhe shtoi se trupat e Gjeorgjisë e kanë marrë nën kontroll "pjesën më të madhe" të kryeqytetit të rajonit separatist të Osetisë Jugore. Shefi i paqëruajtësve rusë në Osetinë Jugore ka njoftuar ndërkohë se disa trupa ruse janë vrarë sot, por nuk ka dhënë shifra konkrete.

[Lona]

UNMIK-u paralajmëron zvogëlimin e stafit

Prishtinë, 11 gusht: Kombet e Bashkuara po planifikojnë të mbajnë në Kosovë vetëm rreth 30 përqind të personelit ndërkombëtar dhe vendor. Kjo do të thotë se në misionin e UNMIK-ut, pas rikonfigurimit, do të mbeten rreth 600 zyrtarë. Sipas zyrtarëve të UNMIK-ut, zvogëlimi i personelit të fillojë këtë javë, por data e saktë nuk është konfirmuar ende. "Nuk mund t'ua them datën e saktë, por në ditët e ardhshme ne do të fillojmë zvogëlimin e personelit ndërkombëtar dhe atij vendor, siç parashihet me planin për rikonfigurimin e UNMIK-ut", ka thënë për BBC-në zëdhënësi i UNMIK-ut, Alekaander Ivanko. Ai ka thënë se shkurtime të vendeve të punës do të ketë në Departamentin e Administratës Civile, në Zyrën për Kthim dhe Komunitete dhe në disa departamente të tjera, ku UNMIK-u nuk do të ketë rol në Kosovë. Tash për tash, mbetet e mbetet e paqartë nëse reduktimi i personelit të UNMIK-ut do të bëhet edhe në pjesën veriore të Kosovës. "Nuk mund të them ende asgjë për veriun. Nuk kemi vendosur për këtë", ka thënë Ivanko. Shkurtimi i 70 përqind të vendeve të punës në UNMIK është pjesë e planit të Sekretarit të Përgjithshëm të OKB-së, Ban Ki Mun, i cili ka dhënë dritë jeshile për zvogëlimin e rolit të UNMIK-ut në Kosovë dhe për vendosjen e Misionit të Bashkimit Evropian, EULEX.

Petriç: Në Mitrovicë mund të zbatohet modeli i Bërçkos

Londër, 11 gusht: Ish i dërguari i posaçëm i BE-së për Kosovën, ambasadori Volfgang Petriç, ka thënë se modeli i Bërçkos, në Bosnjë e Hercegovinë, do të mund të aplikohej edhe për qytetin e Mitrovicës. “Ndoshta Bërçko është një shembull se si mund të menaxhohen gjërat. Ndoshta jo në aspekte konkrete, por fryma e zgjidhjes së çështjes së Bërçkos mund të jetë diçka që mund të jetë e aplikueshme edhe për Mitrovicën”, ka thënë Petriç në një intervistë për BBC-në. Por, ambasadori Petriç ka theksuar se “Kosova duhet të ruhet në kufijtë e saj aktualë”, sipas planit të Ahtisarit. “Duhet të gjendet një zgjidhje politike për Kosovën, bazuar në kornizat e planit Ahtisari”, është shprehur ai. Petriç mendon se për pjesëtarët serbë të SHPK-së do të duhej të gjendjej një zgjidhje pragmatike, duke respektuar zinxhirin komandues. “Parimi i zinxhirit komandues duhet të ruhet dhe nuk mund të përjashtohet, sepse është pjesë e qartë e planit. Por, në anën tjetër, ka zgjidhje pragmatike”. Sipas Petriçit, policët serbë mund të jenë nën komandën e Misionit të BE-së në Kosovë, EULEX.

Vazhdojnë protestat në Mitrovicë

Mitrovicë, 11 gusht: Këshilli Organizativ i Protestave për largimin e kamionëve me materie kimike helmuese në Mitrovicë ka paralajmëruar vazhdimin e protestave. Në këto protesta, sipas ralajmërimeve, do të kudërshtohet djegia e acidit disulfurik, në Mitrovicë. Në priotestën e ftuar për sot do të kundërshtohet vendimi i Ministrisë së Mjedisit e Planifikimit Hapësinor për asgjësimin e lëndëve helmuese në një furrë të kompleksit industrial Trepça. Sipas organizatorëve, në Kosovë nuk ka kushte për asgjësimin e lëndës helmuese, andaj ajo duhet të kthehet prej nga ka ardhur.

Bashkësia ndërkombëtare i bën thirrje Rusis dhe Gjeorgjisë që t'i ndalin luftimet

Tbilisi, Moskë, Uashington, 11 gusht: Shtetet e Bashkuara dhe Bashkimi Evropian po ushtrojnë presion ndaj Rusisë dhe Gjeorgjisë që t’i japin fund luftimeve në Osetinë Jugore. Ministri i Jashtëm francez, Bernard Kushner dhe Ministri i Jashtëm finlandez Aleksander Stab, janë takuar dje në Tbilisi me Presidentin gjeorgjian Mihail Sakashvili. Të dy ministrat kanë thënë se nuk do të fajësojnë askënd për luftimet, por kanç shtuar se nevojitet ndalimi i luftimeve dhe dërgimi i ndihmave humanitare në rajon. Sot zoti Kushner dhe zoti Stub kanë planifikuar të shkojnë në Moskë. Zyrtarët amerikanë e kanë dënuar atë që nënpresidenti Dik Çejni e ka cilësuar si “agresion rus” ndaj Gjeorgjisë dhe u ka bërë thirrje të dyja palëve që t’i tërheqin forcat ushtarake në pozicionet që kanë pasur para fillimit të luftimeve të premten. Ndërkohë, mijëra gjeorgjianë janë larguar nga qyteti Gori, nga frika e pushtimit të drejtpërdrejtë të trupave dhe tankeve ruse. Ky qytet është pranë kufirit të Osetisë Jugore dhe ka qenë objekt i sulmeve ajrore të Rusisë. Ministria e Brendshme e Gjeorgjisë ka thënë se avionët rusë kanë bombarduar sot, në orët e para të mëngjesit, në rajonet në periferi të Tbilisit. Ndërkaq, Rusia ka thënë se Gjeorgjia vazhdon të qëllojë ndaj objektivave në Osetinë Jugore, me gjithë ofertën e qeverisë për ndalimin e luftimeve dhe tërheqjen e trupave nga rajoni separatist. Rusia thotë se e ka tërësisht nën kontroll kryeqytetin e Osetisë Jugore, Çinvali. Moska nuk i është përgjigjur drejtpërdrejt thirrjes së Gjeorgjisë për ndalimin e luftimeve dhe fillimin e bisedimeve të paqes.

Presidenti Bush dënoi aksionin rus në Gjeorgji

Uashington, 11 gusht: Presidenti amerikan, Xhorxh Bush, e ka dënuar aksionin ushtarak të Rusisë në Gjeorgji, duke thënë se dhuna është e papranueshme dhe se përgjigjja ruse ishte "joproporcionale". Bush ka bërë thirrje për ndërmjetësim ndërkombëtar për zgjidhjen e mospajtimeve lidhur me rajonin separatist, Osetia Jugore, në Gjeorgji. Presidenti Bush, ka kërkuar gjithashtu që trupat e të gjitha palëve të kthehen atje ku ishin para se të shpërthenin armiqësitë më 6 të këtij muaji.

SHBA do të paraqesin rezolutë në KS të OKB-së

Nju Jork, 11 gusht: Shtetet e Bashkuara kanë thënë se do të hartojnë një rezolutë në Këshillin e Sigurimit të Kombeve të Bashkuara, përmes të së cilës do të dënohet sulmi ushtarak rus ndaj Gjeorgjisë. Por. Miratimi i një rezolute të tillë duket i pamundur, pari ajo të të haste në veton e Rusisë. Moska e akuzon Gjeorgjinë për gjenocid ndaj banorëve të Osetisë Jugore, një pjesë e madhe e të cilëve janë rusë. Deri më tash, Këshilli i Sigurimit nuk ka arritur një qëndrim të përbashkët lidhur me krizën, megjithëse ai i kishte katër takime. Gjatë diskutimeve të tensionuara, Rusia dhe Shtetet e Bashkuara e kanë akuzuar njëra-tjetrën për qasjen Osetisë Jugore. Ambasadori amerikan në Kombet e Bashkuara, Zalmaj Khalilzad ia ka tërhequr vërejtjen Rusisë se vazhdimësia e sulmeve kundër shtetit sovran të Gjeorgjisë do të ndërlikojë marrëdhëniet midis Uashingtonit dhe Moskës. “I bëj thirrje Federatës Ruse që me kujdes të marrë në konsideratë pasojat e këtij agresioni kundër shtetit demokratik dhe sovran të Gjeorgjisë. Marrëdhëniet e Rusisë me Shtetet e Bashkuara dhe komunitetin ndërkombëtar mund të ndikohen nga ky sulm i vazhdueshëm kundër Gjeorgjisë dhe nga refuzimi i Moskës që të kontribuojë në zgjidhjen paqësore të krizës”, ka thënë zoti Khalilzad. Duke i komentuar veprimet e Rusisë në Gjeorgji, ambasadori amerikan ka shfrytëzuar një fjalor më të ashpër se në tre takimet e kaluara mbi këtë çështje. ”Ne duhet ta dënojmë sulmin ushtarak të Rusisë kundër një shteti sovran siç është Gjeorgjia, shkeljen e sovranitetit dhe tërësisë territoriale të një shteti, përfshirë këtu edhe sulmet kundër civilëve dhe fushatën e terrorit kundër popullatës gjeorgjiane. Njëkohësisht, duhet të dënojmë edhe shkatërrimin e infrastrukturës gjeorgjiane”, ka thënë ambasadori Khalilzad. Komentet e tij e kanë zemëruar homologun e tij rus, Vitali Çurkin, i cili është kundërpërgjigjur duke thënë se akuzat se Rusia po e terrorizon popullatën civile janë tërësisht të papranueshme. "Tani, më lejoni të them diçka për deklaratën e zotit Khalilzad rreth të ashtuquajturit terror kundër popullatës civile. Një deklaratë e këtillë, i nderuari zoti Khalilzad, është absolutisht e papranueshme; mbi të gjitha, kur vjen nga një përfaqësues i një vendi, veprimet e të cilit në raport me popullatën civile në Irak, Afganistan e madje edhe në Serbi janë të njohura mirë”, ka thënë zoti Çurkin.