Salafizmi

[Zero Cool]

A ekziston rreziku nga salafizmi? - Rrymat fondamentaliste myslimane në Gjermani


Ministria e Brendshme në Gjermani paralajmëron për rreziqet e përhapjes së lëvizjes radikale islamike të salafistëve. Nismat qytetare ankohen për rritjen e ndikimit të predikuesve islamikë radikalë. Këto janë disa nga titujt e botuara javën e kaluar, që tematizojnë salafizmin. Si është puna me këtë rrymë islamiko- fundamentaliste? Sa e rrezikshme është ajo.



Islamizmi në Gjermani- Street Art Berlin


Raporti i fundit për mbrojtjen kushtetuese flet për ekzistencën në Gjermani të 29 organizatave islamiste me 37 mijë anëtarë. Në fokus të ekspertëve janë "salafistët", një grup i cili është duke u rritur më shpejt dhe më shumë se grupet e tjera. Këto nuk janë arsye për ta bërë këtë grup të rrezikshëm, por presidenti i mbrojtjes së Kushtetutës, Heinz Fromm, thotë: „Jo çdo salafist është terrorist, por gati të gjithë terroristët që ne njohim kanë pasur kontakt me salafistët ose janë salafistë."

Emri i tyre vjen nga fjala arabe "salaf", që arabisht do të thotë "paraardhës", dhe përfaqëson një rrymë të respektimit të madh të besimit dhe të zakoneve të të parëve, sipas një teorie fetare të shekullit të 14-të, e cila u përdor 300 vjet më vonë si bazë për vahabizmin, që sundon sot në Arabinë Saudite. Megjithë një orientim të tillë të prapambetur, ithtarët e kësaj rryme në Gjermani përdorin internetin dhe teknologji të tjera moderne për të përhapur mesazhe, që janë shumë të thjeshta, siç mendon ministri i Brendshëm gjerman Hans-Peter Friedrich:„Ata prezantojnë një botëkuptim të thjeshtë, të mbyllur. Ata synojnë të bindin të rinjtë, që në kërkim të orientimit ndodhen në një fazë të rrezikshme."



Salafistët, Egjipt


Kryetari i Këshillit Qendror të myslimanëve në Gjermani, Aiman Mazyek, nuk e konsideron salafizmin si ndonjë shfaqje mode. Por, problem është radikalizimi i saj ashtu si dhe radikalizimi i feve të tjera, fenomene që shfaqen herë pas here. Me këtë fenomen merren edhe komunitetet myslimane, sepse ata duan të pengojnë të rinjtë që të rrëshqasin në ekstreme. "Është detyrë e shoqërisë, por edhe e komunitetit mysliman që të forcojnë qendrën për të dobësuar skajet. Kjo duhet të jetë edhe motoja e punës parandaluese. Jo duke diskriminuar të gjithë komunitetin mysliman me shprehje të fiskuara dhe populiste, por duke luftuar së bashku me myslimanët me rrymat esktreme. Kjo është rruga e drejtë."

Por, ideologët e salafistëve duan të pengojnë integrimin. Ibrahim Abu Nagie është njëri prej tyre. Ai ushqen një faqe në internet me titull "Feja e vërtetë" dhe i thur atje lavdi përmbajtjeve që ofron. Kurset e ofruara prej tij mund të ndiqen offline dhe pa rënë në sy të ekspertëve. Abu Nagie ka patur disa herë probleme, megjithatë ai vazhdon t`ì drejtohet të rinjve: „Dialogu, integrimi janë vetëm për të të prishur. Në mënyrë që të heqësh dorë nga islamizmi".



Ministri gjerman i Brendshëm Hans-Peter Friedrich dhe Aiman Mazyek, kryetar i Këshillit Qendror të myslimanëve në Gjermani


Më pak radikal është grupi "Ftesë për parajsë", i drejtuar nga dy njerëz të konvertuar në myslimanë. Ish-boksieri Pierre Vogel dhë zëdhënësi i tij Sven Lau, kanë ngritur në Mönchengladbach qendrën e tyre dhe kanë pasur aty tensione me banorët e zonës. Nëpërmjet aktiviteteve si takimi përkujtimor për Osama Bin Ladenit, shoqata tërhoqi jashtë mase vëmendjen e publikut dhe kjo shkaktoi shpërbërjen e saj. Por, ai vazhdon aktivitetet e tij, sidomos për konvertimin në mysliman salafist. Sven Lau shpreson që këtu të ketë suksesin më të madh: „Shumica e atyre që vijnë tek ne janë të rinj të moshës 20- 30 vjeçare. Qëllon që ndonjërin e kap dobësia, dhe fillon vjen më pak në xhami, fillon të pijë cigare dhe të shkojë në diskotekë. Por, në përgjithësi aty vijnë njerëz pa pushim."

Cilat janë arsyet për vajtjen e të rinjve myslimanë dhe atyre të konvertuar tek salafistët? Politikani i kristiandemokratëve Wolfgang Bosbach, është kryetar i Komisionit për çështjet e brendshme të parlamentit. Ai kërkon një shpjegim për suksesin e salafistëve: „Ka mundësi që ka të bëjë me tërheqjen që krijohet kur ndodh konfrontimi me një ideologji që nuk njeh kompromise."
Diçka e tillë mund të jetë tërheqëse për njerëzit që janë intolerantë dhe të dhunshëm kundrejt besimtarëve të feve të tjera dhe ndaj atyre që mendojnë ndryshe dhe që ngrihen për diskriminimin e grave dhe të homoseksuelëve. Bosbach nuk beson se kalimit tek salafizmi mbase ka të bëjë me refuzimin nga shoqëria gjermane. Mes salafistëve ka edhe një numër të caktuar njerëzish të konvertuar.
„…dhe ata nuk mund të pretendojnë se nuk ndihen të pranuar nga shoqëria gjermane", thekson ai.



Pierre Vogel, salafist

Aiman Mazyek është i mendimit se ekstremizmi dëmton myslimanët në Gjermani. Prandaj, thotë ai, duhet rritur përpjekjet për tra frenuar këtë fenomen.

[gjini]

Zero Cool, nuk eshte vetem gjermania e rezikuer nga kjo rym por e gjith europa dhe eshte ka perhapet me ta madhe tek nje rrym e njerzve qe kan mbet ne asistenc soziale neper euriop se askush nuk i merr ne pune nga friga se nuk do ken profit ne punen qe bajn firmat gjermane dhe ato tjerat neper europ.
Po ketu nuk eshte ne pyetje se nje pjes apo Elita e ketyre financohet nga dy krah ne njeren ane jan ngarkes e entit social ne vendet ku jetojn dhe nga ana tjeter merrin para te mira nga padronet e tyre sheiket siq ishte ai debilli qe ja heken flamen amerikanet ne shpi te vet tuj fjet me 4 grat e tij .....dhe me 28 femijet e tij.

[hawk]

Dhe kjo teme lidhet me nenforumin toleranca fetare?!

[Zero Cool]

Bixhozi i rrezikshëm me salafistët


Duke ju shërbyer padronëve të tyre në Arabinë Saudite, salafistët religjiozë ultra-konservatorë po nxisin protesta të dhunshme dhe po tregojnë muskujt në Afrikën e Veriut dhe në demokracitë e reja arabe. Por jo-stabiliteti të cilin po e provokojnë ata mund t’iu kthehet bumerang sponsorëve të tyre saudit, ngase salafistët mund të iniciojnë një valë të re të fanatizmit religjioz.




Rritja e influences Salefiste ne vendet Islame



Familja mbretërore në Arabinë saudite dhe partnerët e saj, hierarkia religjioze vahabiste-salafiste, për dekada të tëra kanë shpenzuar miliarda dollarë të naftës për të dërguar anembanë botës imamët e trajnuar në Arabinë saudite. Edhe pse ka shumë arsye për të para salafizmin si një sistem të besimit që mund të nxitë radikalizmin dhe xhihadizmin, klerikët sauditë po vazhdojnë të eksportojnë ideologjinë e tyre tek të rinjtë.

Dhe salafistët tashmë kanë filluar të angazhohen dhe të kërkojnë më shumë pushtet. Më 9 nëntor, me dhjetëra mijëra salafistë demonstruan në Kajro, duke kërkuar që Kushtetuta e re e Egjiptit të mbështetet në ligjin islamik. Në Tunizi, Rachid al-Ghannouchi, udhëheqës i partisë në pushtet En Nahda, tërhoqi vëmendjen e opinionit publik pas publikimit të një video-xhirimi të fshehtë, në të cilin ai këshillon salafistët radikalë që të sigurojnë përkrahje për qëndrimet e tyre nëpërmjet shkollave religjioze dhe emisioneve të ndryshme nëpër radio-kanale. Ghannouchi theksoi se kishte bërë përpjekje që të frenojë etjen e tyre për pushtet.

Salafizmi është një formë puritane e religjionit, që ka rrënjet e veta në Arabinë Saudite dhe po dëshmon indikacione se po e vazhdon përkrahjen. Gjatë javëve të kaluara, mësimdhënësit në Universitetin Zajtunah në Tunizi ngritën brengat e tyre për shkak të importimit të vahabizmit, si rezultat i lidhjeve të këtij Universiteti me Universitetin Jeddah në Arabinë Saudite, Universitet ky i ndikuar nga vahabistët.

Muajin e kaluar, kryesuesit e shtëpive kryesore botuese në SHBA bashkuan forcat, për të protestuar kundër promovimit të një libri nga ana e qeverisë së Arabisë Saudite, në të cilin jepen këshilla se si duhet amputuar duart dhe këmbët, sipas ligjit islamik dhe në të cilin u kërkua vdekja e homoseksualëve. Në këto libra të krishterët dhe hebrenjtë cilësohen si armiq. Sauditët po vazhdojnë të botojnë libra të tilla, përkundër premtimeve shumëvjeçare se do të rishikojnë këto tekste.

Më 11 shtator dhe ditët që pasuan, salafistët nxitën protestat anti-amerikane, për të demonstruar kundër filmit Pafajësia e myslimanëve, xhirimin anti-islamik të publikuar në YouTube.

Është kjo një stuhi, në krijimin e së cilës kanë ndihmuar vahabitët sauditë dhe ata nga shtetet tjera të Gjirit Persik. Mbretërit sauditë, të cilët fluturojnë anëmbanë botës me aeroplanët e tyre luksozë, me gjasë po gjejnë mbrojtje prapa turmave që po hedhin gurë. Me regjimin represiv saudit, pushtetarët saudit sigurisht që janë të brengosur për shkak të shteteve përreth, të cilat po kalojnë nëpër tranzicion demokratik. Islamistët nga radhët e Vëllazërisë Myslimane, të cilët kanë marrë pushtetin në Egjipt dhe Tunizi, një ditë mund të kërcënojnë Shtëpinë e Saudit dhe qeveritë vahabiste në Katar dhe Bahrejn.

Kjo është mënyra se si e sheh këtë çështje Partia sekulare Demokratike e Libisë. Sabri Malek, zëdhënësi i kësaj partie, i tha televizionit të Iranit se “demokracia në Libi ka shqetësuar tej mase sauditët dhe katarafit”.

“Arabia Saudite dhe Katari dëshirojnë të sigurohen se Pranvera Arabe nuk do të përhapet në Gadishullin e Arabisë”, tha ai.

Mundësia e trazirave të reja në Egjipt dhe Tunizi ka forcuar salafistët në këto shtete, duke shtuar trysninë ndaj udhëheqësve të Vëllazërisë.

Presidenti i Egjiptit Mohamed Morsi tashmë ka filluar të lutë sauditët dhe ai tani ka nevojë për ta më shumë se asnjëherë më parë.

Ali Al Ahmed, një ekspert shiit saudit, i cili kryeson Institutin për Çështje të Gjirit në Washington, theksoi se sauditët po trimërojnë salafistët që të sfidojnë qeveritë e Vellazërisë Myslimane. “Ata janë të tmerruar për shkak të asaj që po ndodh në Egjipt. Qeveria e Vëllazërisë Myslimane është arabe, sunite dhe religjioze për popullin e saj. Nëse do të mund të krijonin një model, atëherë ai do të kërkohej edhe nga shtetet tjera”, theksoi Al Ahmed.

Njëri nga klerikët më të popullarizuar në Arabinë Saudite, Salman Al Odah, i cili është burgosur për shkak të “qëndrimeve të tij radikale”, ka mbështetur Pranverën Arabe dhe qeveritë e Vëllazërisë Myslimane. Al Odah, i cili ka mbi 1 milionë mbështetës në Twitter, ka shprehur brengën se salafistët mund të destabilizojnë qeverinë e Vëllazërisë Myslimane në Egjipt.

Por angazhimi i disa njerëzve në Arabinë Saudite për instalimin e shoqërive puritane islamike jashtë vendit mund t’i kthehet si bumerang sauditëve, pikërisht si në rastin kur Arabia Saudite mbështeti luftëtarët muxhahedinë në Afganistan dhe fushëbetejat tjera gjatë periudhës së Luftës së Ftohtë, kur Osama Bin Ladeni vuri në shënjestër mbretërinë.

Salafistët janë përhapur edhe në Afrikën e Veriut, ku Arabia Saudite, Kuvajti, Katari dhe Emiratët e Bashkuara Arabe kanë ndërtuar xhami dhe shkolla fetare, për të trajnuar imamët vahabitë.

Përhapja e islamit puritan në Afrikë, në vendet me popullatë të varfër dhe qeveri të dobëta, ka krijuar kushtet për ngulitjen e grupeve të armatosura islamike, si Ansar Dine në Mali dhe Boko Haram në Nigeri, të cilat kanë imponuar versione brutale të ligjit islamik.

Kërkesat e salafistëve për vendosjen e ligjit islamik në demokracitë e reja po i vështirëson punët qeverive të Vëllazërisë Myslimane dhe përpjekjet e tyre për tu forcuar. Dhe duke pasur parasysh depërtimin aq të thellë të salafistëve, këto qeveri nuk mund të llogarisin më në mbështetjen e Perëndimit. Por Arabia Saudite dhe shtetet tjera të Gjirit gjithashtu kanë nevojë për stabilitet në Egjipt dhe Afrikën e Veriut, por partnerët e tyre salafistë po e minojnë për çdo ditë pikërisht këtë stabilitet.

[Fshatari]

Eshte mire qe ky artikull tendencioz dhe te gjithe artikujt tjere te kesaj natyre te pasohen me referenca te sakta : autori, data e botimit, vendi i botimit. As te toleranca fetare nuk mund te tolerohet anonimiteti. Keso shkrime pa autore, te nje cilesie skajshmerisht debile, reflektojne kretinitetin e thelle te anonimit qe i ben publike.

[Artisti]

Salafistët adhurues të ferrit


Po të shiqohet drejtimi i tyre, mund të përfundohet se salafistët janë një grupim i njerëzëve të cilët në çdo tubim ftojnë për bashkangjitje.

Tubimet e tyre janë tubime të cilat tmerrojnë!

Në çdo tubim të tyre nuk mungon flaka, djegin flamuj dhe secili dëshiron që këtë djegie ta përjetoj sa më afër!

Për këtë arësye mund të themi se salafistët janë adhurues të ferrit dhe puna e tyre është po në këtë drejtim e koncentruar.


.

[Fshatari]

Mbi 20 organizata kriminale-wehabiste serbe veprojnë në Kosovë
Prishtinë – Në veriun e Kosovës të banuar me serbë veprojnë së paku 21 grupe të organizuara, të cilat autoritetet shtetërore i dinë për struktura vandaliste e kriminale, shkruan sot :Koha Ditore” në vazhdimin dytë dhe të fundit rreth pranisë së formacioneve militante politike e fetare serbe. Formacioni më i organizuar është lëvizja popullore serbe “SNP 1398”.
Një burim i gazetës i afërt me strukturat e sigurisë së Kosovës, i ka treguar “Kohës Ditore” në kushte anonimiteti për të gjitha grupet aktive që funksionojnë në veri. Gjashtë sosh i ka përshkruar në detaje. Ka treguar se kush i drejton ato, kë kanë në përbërje dhe ku e kanë selinë.
Gjykata Kushtetuese e Serbisë një ditë më parë ka marrë vendim për të mos ndaluar veprimtarinë e organizatës “SNP 1398”, aktivitetet e së cilës përbëjnë problem edhe për vetë fqinjin verior të Kosovës.(LajmeShqip.com)
_______________________________________
http://www.lajmeshqip.com/kombetare/...ojne-ne-kosove
_________________________________________
Qe ky wehabisti me mjekerr tu i dhan bari ketij salafistit tjeter.