"Pro pavaresise, Kosova, jashtë Serbisë!"

[pinto]

Tifozët e Novi Pazarit brohorasin ne Beograd : Pro pavaresise, Kosova, jashtë Serbisë - JASHT SËRBISË !

Tifozët e skuadrës së Novi Pazarit, “Torcida Sanxhak”, të shtunën në mbrëmje gjatë ndeshjes së zhvilluar në Beograd mes Cërvena Zvezdës dhe Novi Pazarit, e vlefshme për Superligën serbe kanë brohoritur për Kosovën e pavarur. Parulla e tyre më e zëshme ka qenë “Kosova jashtë Serbisë”, gjë që sipas mediave serbe, ka provokuar simpatizuesit e Zvezdës nga Beogradi, të cilët poashtu iu janë revanshuar me disa transparente të tjera. Ish sulmuesi i Cërvena Zvezdës, Dushan Savic vlerëson për mediat serbe se shteti i tyre është dashur të merret në mënyrë serioze me brohoritjet e tifozëve mysafirë.

“Sikur ky shtet të ishte normal, ndeshja do të duhej të ndërpritet, tribuna të zbazet dhe të gjitrhë ata që kanë brohoritur për pavarësinë e Kosovës u desh që menjëherë të arrestohen dhe të përgjigjen për thyerje të sistemit kushtetues të vendit’, ka thënë Savic. Ai ka shtuar; “Kjo është punë serioze, të brohoritet për njëfarë Kosove të pavarur thyhet kredibiliteti i shtetit, thyhet kushtetuta dhe kjo është rrezik. Federata e futbollit duhet ashpër të reagoj dhe ta dënoj Novi Pazarin, sepse tifozët e tyre nuk guxojnë të sillen në mënyrë të pakulturuar në shtetin që ju takojnë’.

Tifozët nga Novi Pazari nuk kanë rrespektuar as minutën heshtje për Miodrag Komadinën, serbin e vrarë në Kosovë, të cilit i kanë vërshëlluar.