Muslimanja

[Lijanna]

Pyetje:
Mua çdo muaj më vijnë menstruacionet zakonisht shtatë ditë, por nganjëherë, në disa muaj më rrjedh gjak jashtë kohës së menstruacioneve dhe vazhdon kjo gjendje me mua një apo dy ditë. A e kam obligim namazin dhe agjërimin gjatë kësaj kohe apo obligohem t`i ndërprej këto adhurime dhe t`i kompenzojë (bëj kaza) më pas?
Përgjigje:
Gjaku i cili rrjedh jasht ditëve të menstruacioneve është gjak që nuk ka të bëj me menstruacionet dhe ato ditë që e sheh gruaja gjakun jashtë këtyre ditëve nuk numrohen si ditët e menstruacioneve. Femra e cila e ka të njohur numrin e ditëve në të cilat është me menstruacione, ajo e lë namazin, agjërimin, nuk e prek Kur’anit, dhe nuk i lejohen marrdhëniet intime. Kur të pastrohet, ndërpritet gjaku dhe të lahet ajo konsiderohet e pastër (në kryerjen e obligimeve). Pas kësaj nëse ajo sheh gjak, lëng të verdhë apo ngjyrë kafeje kjo është mustehada dhe nuk e lë namazin apo diç nga obligimet për këto.

(Fetvatë e Shejh Ibën Bazit, Allahu e mëshiroftë)
Përktheu: Alaudin Abazi

www.pertymoter.net

[Lijanna]

Pyetja:
A mund të më tregoni çfarë është e lejuar të bëhet në namaz e çfarë jo?


Përgjigje:
Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.
Është një pyetje shumë e përgjithësuar, por mendoj se e keni fjalën rreth lëvizjeve në namaz, prandaj themi se në çështjen e lëvizjeve në namaz kemi dy ekstremitete.
Ata të cilët janë më rigoroz në këtë dhe nuk lejojnë asnjë lloj të lëvizjeve në namaz apo i kufizojnë shumë ato. Këta thonë se nëse muslimani në namaz lëviz tri herë me diçka që nuk ka të bëjë me namazin, si kruarja e mjekrrës apo ndonjë vendi tjetër tri herë, atëherë namazi prishet.
Kjo është në kundërshtim me praktikën e Resulullahut (salallahu alejhi ue selem), ashtu siç transmetohet se ai ia hapi Aishes derën duke qenë në namaz, pastaj në namazin e shiut lëvizi përpara e mbrapa, falte namazin duke e mbajtur në dorë Ebu Umamen (mbesën e tij) dhe raste tjera.
Disa të tjerë kaluan në anën tjetër të ekstremitetit ku lejuan pothuajse të gjitha llojet e lëvizjeve të nevojshme edhe të panevojshme, pa asnjë kriter. Tek Dhe ata vërehet një mospërfillje gjatë faljes së namazit.
Të gjitha këto janë të papranuara, por ajo që është ndërmjet këtyre dy thënieve konsiderohet e saktë.
Dijetari bashkëkohor i mirënjohur Muhamed Salih Uthejmin (Allahu e mëshiroftë!) në librin e tij “Serhu mumti” sqaron shumë qartë lëvizjet që nuk konsiderohen si pjesë përbërëse të namazit duke e ilustruar me shembuj.
Ai tregon se lëvizjet që nuk konsiderohen si pjesë përbërse të namazit mund të klasifikohen në pesë lloje:
1.Lëvizje të obliguara (uaxhib)
2.Lëvizje të preferuara (mendub)
3.Lëvizje të lejuara (mubah)
4.Lëvizje të urryera (mekruh)
5.Lëvizje të ndaluara (haram)
1.Lëvizje e obliguar (uaxhib) konsiderohet çdo lëvizje nga e cila varet vërtetësia e namazit. Shembuj për këtë kemi shumë. Nëse njeriu e fillon namazin duke mos qenë i kthyer nga kibla (nga padituria) dhe vjen ndonjëri dhe ia tregon anën e saktë të kiblës, ai detyrohet të kthehet nga ana e kiblës.
Shembull tjetër: Nëse duke u falur i kujtohet se në takijen e tij (kapelë) ka ndytësirë, atëherë ai detyrohet ta heqë atë nga koka.
2.Lëvizje e preferuar (mendub) konsiderohet ajo lëvizje nga e cila varet që namazi të jetë më i plotë. P.sh.: Nëse duke qenë në saf e kupton se ai ka dalur pakëz përpara safit, atëherë preferohet të lëvizë nga mbrapa për ta drejtuar safin. Apo nëse fillon të falet dhe kupton se ka harruar të mbulojë njërin nga krahët, atëherë i lejohet ta mbulojë atë. Apo nëse lëvizë për të mbushur safin, etj.
3.Lëvizje e lejuar (mubah) konsiderohen lëvizjet e vogla e të nevojshme apo lëvizje të shumta e të domosdoshme.
Shembull i lëvizjeve të tilla: Nëse njeriu është duke u falur në hije dhe ndien të ftohtë dhe lëviz pak që të dalë në diell (më ngrohtë).
Apo e kemi rastin e Resulullahut (salallahu alejhi ue selem) ku transmetohet në dy koleksionet më të sakta (Buhariu dhe Muslimi) se Resulullahu (Paqja dhe bekimi i Allahut qofshin mbi të!) falej duke e mbajtur Umamen (vajza e vajzës së tij) në dorë, kështu që kur shkonte në ruku e linte atë në tokë dhe kur ngritej e merrte prap. Në transmetimin e Muslimit është edhe shtojca se ai këtë e bënte duke qenë imam në xhami.
4.Lëvizje e urryer (mekruh) konsiderohen të gjitha ato lëvizje të vogla, të panevojshme dhe që nuk varet nga ato vërtetësia e namazit, si shikimi i orës, fshirja e fytyrës, prekja e mjekrrës, etj.
5.Lëvizje e ndaluar (haram) konsiderohen lëvizjet e shumta të njëpasnjëshme dhe të panevojshme dhe këto lëvizje e prishin namazin.

Alaudin Abazi
www.klubikulturor.com

[Lijanna]

Pyetje:
A ndryshon forma e namazit të burrave nga namazi i grave?


Përgjigje:
Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.
Nga hadithet e transmetuara prej Resulullahut (salallahu alejhi ue selem), asnjëherë nuk theksohet se duhet të ekzistojë ndonjë dallim në formën e namazit të burrave dhe atë të grave. Por disa prej fukahave, si hanefit, hanbelit dhe të tjerët e kanë thënë këtë me disa dallime ndërmjet tyre.
Fukahat hanefi kanë thënë se duhet të ekzistojë dallimi ndërmjet formës së ngritjes së duarve gjatë tekbirit fillestar. Ata kanë thënë se ajo nuk duhet t`i ngrejë duart deri te veshët sikurse burrat, por deri te supet. Pastaj vendosja e duarve duhet të bëhet mbi gjoks e jo nën kërthizë, sikurse thonë ata se burrat duhet të vendosin duart nën kërthizë. Pastaj edhe shkuarja në ruku dhe sexhde duhet të dallojë prej formës që e bëjnë burrat, gjithashtu edhe qëndrimi i ulur në teshehud, etj.
Fukahat hanbeli dhe disa të tjerë kanë thënë të njejtën, por nuk janë pajtuar me hanefitë për ngritjen e duarve, se nuk lejohet ngritja e tyre deri te veshët, pastaj edhe në vendosjen e duarve nën kërthizë, ata kanë thënë se ajo është e njejtë te gratë ashtu edhe të burrat, kurse në rastet e tjera janë pajtuar me hanefit.
Dijetarët që kanë thënë këtë argumentuan me rregullat e përgjithshme të sheriatit, pasi të gjitha këto për gruan aludojnë se janë më afër natyrës së gruas pasi pothuajse të gjitha pjesët e saj konsiderohen auret dhe me këtë ajo është më larg çfardo ekspozimi të këtyre pjesëve.
Ky është qëndrimi i këtyre dijetarëve, por nëse i kthehemi çështjes nga esenca, atëherë kuptojmë se nuk ka ndonjë bazë të bëhet dallimi ndërmjet burrave dhe grave në formën e namazit, prandaj argumentimit të tyre u përgjigjemi në këto dy pika:
1.Argumentimi i tyre nuk mund të merret si shkas përball citateve që aludojnë se falja e gruas është e njejtë sikur ajo e burrit, posaçërisht pasi për këtë ka thënë Profeti (salallahu alejhi ue selem): “Faluni ashtu si më keni parë duke u falur” (Transmeton Buhariu). Ky citat i hadithit së pari ka ardhur në formën urdhërore, pastaj është i përgjithshëm dhe në të hyjnë edhe burrat edhe gratë dhe ne nuk kemi kurrfarë të drejtë t’i veçojmë burrat dhe t`i përjashtojmë femrat nga ky citat.
E tërë kjo që u tha në këtë pikë ndërtohet në bazën se nëse vjen citati kuranor (ajeti), apo ndonjë hadith në të cilën përmban ndonjë dispozitë, ku përmenden meshkujt në të hyjnë edhe femrat, apo anasjelltas ku përmenden femrat në të hyjnë edhe meshkujt, përveç nëse ekziston ndonjë përjashtim i drejtpërdrejt apo tërthorazi, atëherë bëhet përjashtimi.
Për këtë të gjithë dijetarët kanë thënë se dispozita për shpifje (për zina) ndaj një mashkulli është e njejtë sikur dispozita e shpifjes ndaj ndonjë femre edhe pse ajeti që sqaron këtë dispozitë në të përmenden vetëm femrat. Allahu i Lartësuar thotë: “Edhe ata të cilët bëjnë shpifje për gratë e ndershme dhe nuk sjellin katër dëshmitarë, t'i rrahni ata me nga tetëdhjetë të rëna dhe atyre mos u pranoni dëshminë më kurrë. Të tillët janë të pabesueshëm.” (Nur, 4). Pra me këtë ajet argumentojmë se e njejta dispozitë vleë edhe për meshkuj edhe pse ata nuk janë përmendur këtu.
E njejta është edhe në hadithin e sipërpërmendur: “Faluni ashtu si më keni parë duke u falur.” Pra në këtë hyjnë edhe meshkujt edhe femrat, edhe pse forma e cila ka ardhur ky hadith në aspektin gjuhësor nënkuptohet se Profeti (Paqja bekimi i Allahut dhe qofshin mbi të!) iu drejtua atyre në formën urdhërore në gjininë mashkullore.
2.Falja e namazit është një përditshmëri për muslimanen, prandaj po të qëndronte dallimi ndërmjet burrit dhe gruas do të transmetohej nga Profeti (salallahu alejhi ue selem) për këtë ndonjë hadith, apo nga sahabët, por kjo nuk ka ndodhur.
Prandaj themi se gruaja në formën e namazit është e njejtë sikurse edhe burri, prandaj i preferohet atij të veprojë të gjitha ato gjëra që i vepron edhe mashkulli. Allahu e di më së miri.

Alaudin Abazi
www.klubikulturor.com

[hasanmehmeti]

selamualejkum musliman

Ti savior , mos u mshef kinse pas fjaleve te ndershme sikur ajo e fundit e jotja , kur nuk ke postim qe nuk fyen fene islame qe njekohesisht ke fyer edhe muslimanet.
Ato(muslimanet qe do hyjne ne xhenet) do martohen me burrat e tyre qe kane pasur ne dunja(nese jane prej xhenetlinjeve ata) , perndryshe do martohen me xhenetlinje nga burrat mysliman qe kane jetuar ne kete dunja.E do martohen me nje e jo me ate numer qe eshte per ata(muxhahidet) qe luftojne kunder armiqeve te Islamit.

selamualejkum musliman
ps/ Lijanna se di a do ishte me mire qe keto pyetje e pergjigjie te ishin bartur ne nje teme qe eshte hapur me heret pyetje e pergjigjie per qeshtjen e gruas ne Islam.Vendos vete si te mendosh qe eshte me e udhes.

[Lijanna]

Në jetën e të Dërguarit të Allahut, paqja dhe shpëtimi i Zotit qoftë mbi të, kemi shumë shembuj të mirë që ta studiojmë dhe ta pasojmë në shumë aspekte të jetës sonë. Sa më shumë që i hulumtojmë aspektet e ndryshme të jetës së tij aq më shumë ne do të mbledhim përfitimet nga ato.
Ne do të mësojmë se çka do të përfitojmë (do të kemi dobi) për vetët tona në ditët e sotit sa që edhe për ata që do të vijnë pas nesh, në të ardhmen.
Allahu thotë: “Vërtetë, ju keni shembullin më të mirë në të dërguarin e Allahut, kuptohet për ata që shpresojnë në Allahun dhe në ditën e gjykimit.” (Kur’an 33:21)
Ne mund të përfitojmë nga shembulli i të dërguarit të Allahut, paqja dhe shpëtimi i Zotit qoftë mbi të, kur është çështja për edukimin e fëmijëve tanë. Nëse e pasojmë të dërguarin tonë, paqja dhe shpëtimi i Zotit qoftë mbi të, në mënyrën e sjelljes dhe kujdesjes për fëmijët, ne me lejen e Allahun, do të jemi të suksesshëm në edukimin e fëmijëve tanë.
Duhet t’i respektojmë fëmijët si të moshëritur. Fëmijët kanë nevojë që të respektohen. Fatkeqësisht, prindërit shpesh dështojnë t’ia shfaqin atyre këtë respekt.
I dërguari i Allahut, paqja dhe shpëtimi i Zotit qoftë mbi të, për gjeneratën e ardhme-fëmijët ka treguar respekt të madh për ta, dhe i ka dhënë atyre nderim të madh. Sad b. Malik ishte një fëmijë i vogël kur ishte beteja e Uhudit. Babai i tij vdiq në këtë betejë. I Dërguari i Allahut, paqja dhe shpëtimi i Zotit qoftë mbi të, iu afrua atij dhe i tha: “Sad b. Malik?”, kur djaloshi e njohu që ai ishte i dërguari i Allahut, Muhamedi, paqja dhe shpëtimi i Zotit qoftë mbi të, tha: “Allahu dhuroftë Mëshirën e Tij për ju në vdekjen e babait tuaj”. Ne mund ta shohim në këtë rast se si i Dërguari i Zotit u soll me atë sikur ai u sillte ndaj një të rrituri. Ai, paqja dhe shpëtimi i Zotit qoftë mbi të, i dha atij ngushëllim që i jepej një njeriu të rritur ai ngushëllim. I dërguari i Zotit nuk ngurroi t’i thotë të vërtetën. Ai, alejhi selam, menjëherë e informoi se çka i kishte ndodhur babait të tij.
Fëmijëve duhet t’u japim më shumë vetëbesim, nuk duhet t’ua nënvleftësojmë intelektin- mençurinë e tyre. Duhet t’i mbajmë me vlerësim dhe respekt të ndjenjave të tyre, dhe t’i mësojmë ata siç duhet të kenë respekt për të tjerët. Kjo ua mundëson fëmijëve që të zhvillohen intelektualisht dhe shoqërisht.
Duhet t’i bëjmë fëmijët tanë të mësohen (të jenë të zakonshëm) që të bartin përgjegjësi. Shumë nga fëmijët tanë, të edukuar si fëmijë, kanë një prirje që të shmangin përgjegjësitë dhe të vëndojnë detyrimet tona mbi. Për ta parandaluar këtë, ata nga ne që edukojnë fëmijët duhet së pari t’i ndihmojnë ata që të mendojnë pozitivisht për veten e tyre. Kjo do të bëjë më të lehtë për ata që të bartin përgjegjësi sikur të vjetërit.
I dërguari i Zotit, paqja dhe shpëtimi i Zotit qoftë mbi të, bëri kujdes të madh në zhvillimin e karakterit të të rinjve përreth tij. Njëherë, kur i dërguari i Zotit ishte i ulur, atij i ofruan diçka për të pirë. Ai, alejhi selam e mori atë dhe piu nga ajo. I ulur në të djathtën e tij ishte një djalosh i ri dhe në të majtën ishin burrat e moshuar. Qyshkur shërbimi ishte traditë nga e djathta, ai, alejhi selam iu kthye djaloshit dhe i tha: “A më lejon t’ua ofroj pijen së pari këtyre?” (Sahihu i Muslimit.)
Kjo është se si një fëmijë i mëson sjelljet, por gjithashtu është edhe se si e zhvillon fuqinë e personalitetit (karakterit) dhe një inteligjencë të mprehtë në vend të botëkuptimit negativ dhe opinionit të keq për veten.
Duhet të kemi marrëveshje me fëmijët tanë. Drejtësia është rëndësia më e madhe që t’i jep fëmijës një sens të qëndrueshmërisë. I parandalon fëmijët nga xhelozia për njëri-tjetrin dhe parandalon konkurencën e padëshiruar në mes tyre. Padrejtësia mund të ndodhë në çështje të vogla si p.sh. puthja e një fëmiut më shumë se sa të tjerët, ose buzëqeshja ndaj ndonjërit më shumë e ndaj tjetrit fare, ose dhënia përparësi në ushqim dhe veshje vetëm ndonjërit nga fëmijët.
Njëherë Bashir i dha fëmiut të tij el-Nu’man-it një dhuratë. Ai shkoi tek i Dërguari i Allahut, paqja dhe shpëtimi i Zotit qoftë mbi të, kështu që i Dërguari i Allahut të jetë dëshmitar për atë. I Dërguari i Allahut, paqja dhe shpëtimi i Zotit qoftë mbi të, e pyeti: “O Bashir, a ke fëmijë tjerë, përveç atij?” Kur Bashiri iu përgjigj se kishte, i Dërguari i Allahut, paqja dhe shpëtimi i Zotit qoftë mbi të, e pyeti: “A ua dha secilit një dhuratë të ngjajshme?”, për këtë Bashiri iu përgjigj negativisht, atëherë i Dërguari i Allahut, paqja dhe shpëtimi i Zotit qoftë mbi të, i tha: “Atëherë mos më thirr (pyet) që të jem dëshmitar për ty, nuk do të jap dëshmi për një padrejtësi.” (Sahihu i Muslimit)
Duhet të jemi të përzemërt dhe ndonjëherë bile edhe shakatar (në lojra) me fëmijët tanë. Ata kanë nevojë për argëtim dhe lojë në jetën e tyre përbrenda kufijve të ligjit islam.
Nuk duhet të shkojmë jashtë suazave me lojën që e bëjmë dhe dhembshurinë që ndiejmë për ta, kështu që fëmijët të bëhen të varur nga përkëdhelja jonë ndaj tyre. Sidoqoftë, nuk duhet të jemi aq të të mbyllur sa që t’ia refuzojmë nevojën shumë të natyrshme (natyrale) të tyre për dashuri dhe lojë. Refuzimi i kësaj i bën fëmijët intravert (të mbyllur) dhe të frikësuar nga të tjerët.
Aisha, Zoti qoftë i kënaqur prej saj, tregon se kur ajo ishte me të Dërguarin e Allahut, paqja dhe shpëtimi i Zotit qoftë mbi të, si e re, ajo duhet të luante me vajzat e tjera që vinin tek ajo. Kur i Dërguari i Zotit hynte, ato u duheshte të tërhiqeshin. Sidoqoftë, ai alejhi selam i dërgonte ato prapë tek Aishja që të luajnë me të edhe më shumë.
Fëmijëve nuk duhet t’iu mohohet e drejta për të luajtur dhe për t’u argëtuar. Loja frymëzon, forcon dhe gjallëron fëmijët me kusht që të jetë e lejuar përbrenda kufijve të arsyeshëm. Loja mundëson që të formohet dhe krijohet në mënyrë të plotë personaliteti i fëmijës, si dhe nxit zhvillimin emocional të tyre.
Ne përpiqemi që t’i edukojmë fëmijët tanë për të fituar kënaqësinë e Allahut dhe jo që fëmijët tanë të mund të jenë më të mirë se të tjerët. Duhet t’i nxisim ata për sjellje të mirë kurdo që ata e shfaqin atë. Vetëm udhëzimi dhe qortimi nuk është mjet i efektshëm. Ajo çka kërkohet është që t’u flasim atyre një fjalë të mirë, pastaj të jemi një shembull i gjallë për ata. Ky fakt ishte shumë i kuptueshëm nga shokët e Muhamedit, paqja dhe shpëtimi i Zotit qoftë mbi të gjithë ata. Do ta përfundoja me një këshillë vijuese dhënë Muaviut, radijallahu anhu, nga një këshilltar i tij, kur njëherë Muaviu u zemërua me djalin e tij Jezidin, ashtu që ky iu shmang atij: “O udhëheqës i besimtarëve, fëmijët tanë janë frytet (rezultatet) e zemrave tona dhe shtyllat ku mbështetemi ne. Ne jemi tek ata sikur qielli i sipërm dhe toka poshtë këmbëve të tyre. Nëse ata rriten të zemëruar, qetësoi ata dhe nëse ata kërkojnë diçka nga ju, jepuni. Të mos jini një pengesë në jetën e tyre ashtu që ata të urrejnë ekzistencën tuaj dhe tu duan vetëm për trashëgiminë tuaj"

www.albislam.com

[Lijanna]

Rendesia e kohes

Nuk është jeta vetëm se minuta dhe të qindtat e saj, nuk është jeta vetëm se ditë dhe net, nuk është jeta vetëm se frymëmarrje. Pra koha është jetë, koha është më e shtrenjtë se ari dhe argjendi, koha është më e shtrenjtë dhe më e lartë se të jesh i njohur dhe me pozita. Allahu thotë: “… Po a nuk ju dhamë juve jetë aq sa që ai që ka dashur të mendojë, ka mundur të mendojë gjatë asaj kohe, madje juve u ka ardhur edhe pejgamber ...” Fatir, 37. “A menduat se Ne ju krijuam kot dhe se nuk do të ktheheni ju te Ne ? I lartë është Allahu , Sunduesi i vërtetë, nuk ka Zot tjetër pos Tij , Zot i Arshit bujar. “ Muminun, 115-116.
O ti që je krijuar vetëm për adhurim , o ti që je krijuar për ruajtjen e kohës me Allahun, o ti që je krijuar për një amanet të madh, a e ke llogaritur ndonjëherë veten dhe kohën tënde, ditët e tua, netët e tua ? A e di se ku i ke kaluar minutat ose të qindtat e tyre?

Mundohemi e punojmë për punët tona
E punët e atij qe jeton kurrë nuk kryhen
Vdes pas punëve të tua
E punët i le të pa kryera.

Thotë pejgamberi alejhi selam : “ Shfrytëzoji pesë gjëra para se të ikin ato: shfrytëzoje rininë para pleqërisë, jetën para vdekjes, kohën e lirë para se të angazhohesh, shëndetin para se të sëmuresh dhe pasurinë para se të bëhesh i varfër.”
Vijnë pushime të shumta si për meshkujt ashtu edhe për femrat, për nxënësit dhe nxënëset dhe këto pushime janë tradicionale gjithherë, mirëpo asnjë herë pushimet e dynjasë s’guxojnë që të jenë pushime për punët për Allahun, Zotin e qiejve dhe tokës. Për muslimanin nuk ka asnjëherë pushime, derisa t’i hyjnë këmbët në xhenet .

Sikur vdekja të ishte përfundim i çdo gjëje
Do të ishte qëllim i çdo të gjalli
Por pas vdekjes ne ringjallemi
E Allahu na pyet për çdo gjë.

Pra, ne nuk kemi pushime, as rahati, sepse Allahu, Krijuesi ynë na thotë : “Dhe adhuroje Zotin tënd, derisa të vijë e vërteta (vdekja).” Hixhër, 99. Nuk duhet të pushojmë as ditë, as net, sepse engjëjt vetëm shkruajnë, kurse engjëj të tjerë vetëm llogarisin dhe kthimi është vetëm prej Allahut tek Allahu?
Ata ibën Rebah thotë për të rinjtë se kur kalon pranë tyre janë të qetë dhe dëgjojnë; ç’keni që s’bëni tesbih, se përmendeni Allahun, a po harroni që keni mbi vete engjëj që shkruajnë se çka punoni? Allahu thotë: “Nuk ka tjetër, vetëm se gjithë çka është në qiej e në tokë ka për t‘ju paraqitur Zotit si robër. Ai me diturinë e vet i ka përfshirë të gjitha dhe ka numëruar e evidentuar çdo gjë të tyre në mënyrë të saktësishme dhe në Ditën e Kiametit secili prej tyre do t’i paraqitet Atij i vetmuar. Nuk ka dyshim se ata që besuan dhe bënë vepra të mira, atyre i Gjithëmëshirshmi do t’u krijojë ( në zemrat e tyre ) dashuri . Ne e bëmë atë (Kuranin) të lehtë me gjuhën tënde, vetëm që me të t’i tërheqësh vërejtjen një populli që është kryeneç. Sa shumë breza kemi shkatërruar para tyre. A po vëren ndonjë prej tyre ose a po dëgjon zërin e ultë të tyre (nuk po u ndihet zëri) ?

www.klubikulturor.com

[Lijanna]

Dhjete perperitje per femrat

Për të gjitha ato të cilat e kundërshtojnë urdhërin e Zotit të tyre, dhe që e kanë grisur perden e tyre, e që dalin nga shtëpitë e tyre me veshje jo islame, ju bëj thirrje që t’i frikësohen Allahut të Lartësuar.

Pëshpëritja e parë: Motër besimtare, ty të cilën të ka begatuar Allahu me të mirat e Tij, ty të cilën të ka begatuar Allahu me dhuntinë e Islamit, falenderoje dhe lavdëroje Allahun, afrohu dhe bindju Atij, sepse bindja e urdhërave të Allahut është lumturi në këtë dynja dhe në ahiret, Allahu i Lartësuar thotë: “… e kush e respekton Allahun dhe të dërguarin e Tij, ai ka arritur një sukses të madh” (El Ahzab: 71)

Pëshpëritja e dytë: Ruaje mbulesën dhe nderin tënd, se mbulesa është pastërti ndërsa nderi është dlirësi Allahu i Lartësuar thotë: “O ti pejgamber, thuaju grave tua, bijave tua dhe grave të besimtarëve le t’i vëjnë shamitë (mbulojë) e veta mbi trupin e tyre, kjo është më afër që ato të njihen (se nuk jane rrugaçe) e të mos ofendohen” (El Ahzab: 59)
Po shamia është bukuri dhe shenjë e femrës së pastër dhe të ndershme, eshtë argument i turpit të saj, është shenjë e dlirësisë së saj, është mbrojtje për të prej shejtanëve qofshin ato njerëz ose xhinn, prandaj motër kujdesu për mbulesën Allahu të mëshiroftë, sepse mbulesa është fshehtësia e lumturisë tënde.

Pëshpëritja e tretë: Ruaju ndaj atyre të cilët të bëjnë thirrje në zbulim të trupit tënd, sepse ata ta duan të keqen, bëhu mur i pashembur para mendimeve të tyre, kala e fortë para dëshirave të tyre. Po oj motër, turpi dhe nderi yt, ata i shqetëson dhe iu shkakton pagjumësi në shtretërit e tyre, dëshirojnë që të iu bashkangjitesh imoraleve të perëndimit, si shkak i shfryerjes së epsheve dhe dëshirave të tyre.
Pëshpëritja e katërt: Ruaje gjuhën tënde nga përgojimi dhe thashethemet, sepse t’i fshijnë veprat e mira, dhe ta humbin shpërblimin, i Lartësuari ka thënë: “… dhe mos hulumtoni për zbulimin e të metave të njëri-tjetrit, dhe mos përgojoni njëri tjetrin, a mos ndonjëri prej jush dëshiron të hajë mishin e vëllait të vet të vdekur? Atë pra e urreni…” (El Huxhurat: 12) si dhe largohu prej mexhliseve në të cilat gjenden mëkate të tilla, shpeshtoje të përmendurit e Allahut dhe leximin e Kuranit, sepse këto janë shkak për shpëtimin nga këto mëkate.

Pëshpëritja e pesta: Kujdesu në mësimin e rregullave të fesë, të këshilloj që të lexosh sa më shumë libra të dobishëm, prezanto në tubimet përmendjes së Allahut dhe të dijes. I Dërguari i Allahut paqja dhe shpëtimi i Zotit qofshin mbi të ka thënë: “Kush merr rrugën për të kërkuar dije Allahu ia lehtëson rrugën për në xhennet.”

Pëshpëritja e gjashtë: Motër besimtare, akoma historia na kujton neve femrat fisnike të cilat kanë sakrifikuar me mundin dhe kohën e tyre, kanë edukuar njerëz të mëdhenj dhe trima, kanë kontribuar për edukimin e shembujve ndriçues, për këtë flet e gjithë bota, më herët kanë thënë: “Pas çdo edukimi të mirë gjendet një grua e mirë”

Pëshpëritja e shtatë: Motër e nderuar, kujdesu sa më shumë për nafilet pasi që ta kesh falur farzin, bëhu bujare në shpenzimin për hir të Allahut, bëhu si femrat e gjeneratës së parë, që të fitosh xhennetin ku gjerësia e tij është si gjerësia e qiellit dhe e tokës, Allahu i Lartësuar thotë: “Shpejtoni në atë që fitoni falje prej Zotit tuaj” (El Hadidë: 21) dhe thotë: “E për shpërblim të tillë le të garojnë ata që lakmojnë të mirën” (El Mutaffifin: 26), hapësira është e hapur, rruga është e gjatë, pajisu me furnizim të imanit (besimit), armatosu me armën e bindjes ndaj Allahut, dhe premtimi është xhenneti.

Pëshpëritja e tetë: Motër e nderuar a e ke dëgjuar ngjarjen e Ummu Salih?Ka qenë grua e moshuar, kishte dëgjuar për vlerën dhe shpërblimin e madh të davetit (thirrjes në rrugë të Allahut të Lartësuar), mori fëmijët dhe shkoi në një fshat prej fshatrave, për t’i mësuar dhe këshilluar femrat e atij fshati. Ku janë femrat të cilat e pasojnë veprimin e saj? Allahu i Lartësuar thotë: “Nga ju le të jetë një grup që thërret në atë që është e dobishme, urdhëron për punë të mbara dhe ndalon nga e keqja” (Ali Imran: 104).

Pëshpëritja e nëntë: Motër besimtare, akoma ka shumë prej femrave që kanë dëshirë kush të jetë pjesëmarrëse në brengat, mërzitjet dhe dhimbjet e tyre, ato kanë nevojë për besimtare si ti, prandaj afrohu afër motrave të tua, dhe ndihmoji në bindjen ndaj Allahut të Lartësuar. Bëhu udhërrëfyese në të mirë dhe shpëtim.

Pëshpëritja e dhjetë: Të këshilloj që të lexosh jetëshkrimin e femrave besimtare të gjenertës së parë, të cilat janë shembull për ne, me të vërtetë në jetëshkrimin e këtyre femrave ka shembuj dhe mësime të shumta.

www.pertymoter.net

[Lijanna]

Per motren e cila nuk eshte mbuluar akoma

Falënderimi i takon vetëm Allahut të Lartësuar si dhe paqja dhe shpëtimi i Zotit qofshin mbi Pejgamberin tonë Muhammed, mbi familjen e tij, mbi shokët e tij, mbi gratë e tij të ndershme dhe mbi të gjithë ata që i pasojnë deri në ditën e fundit.

Motër e dashur:
Selami, mëshira, begatia e Allahut qofshin mbi ty.
Selami nga Ai i cili krijoi qiejt, tokën, shpendët dhe lulet.
Selami nga Ai i Cili na i krijoi sytë, gjuhën dhe veshët.
Selami nga Ai i Cili sikur të uleshim së bashku e t’i numëronim të mirat e Tij të cilat na i ka dhuruar nuk do të mjaftonin edhe nëse qëndrojmë njëqind vite.
Ky shtë Zoti i krijesave i Cili krijoi dhe përcaktoi.
Ai është i Cili e din se dashuria e tij e ka mbushur zemrën time dhe tënden.

Allahu e shtrin dorën e Tij në cdo natë për t’u penduar mëkatarët e ditës, me bujarinë e Tij kthehet dhe e vepron këtë edhe gjatë ditës, gjithashtu për t’u penduar mëkatarët e natës.

Më thuaj motër, a lejohet pasi që Allahu na ka krijuar të adhurojmë dikë tjetër, na ka begatuar me rrisk dhe të falënderojmë dikë tjetër, të mirat e Tij të zbresin mbi ne dhe të këqiat tona të gjiten te Ai….? A nuk është Allahu i Cili na begaton me të mira e Ai është i pasur dhe nuk ka nevojë për ne, e bëjmë veten tonë të urryer te Allahu me veprimin e veprave të këqia e ne jemi të varfër dhe kemi nevojë për të qoftë për sendin më të vogël.

Nëse pendohemi, Ai është i dashur për ne, sepse Allahu i don penduesit dhe të pastërit “Allahu i don ata që pendohen dhe ata që ruhen prej punëve të ndyta e të neveritshme” (El Bekare: 222). Nëse nuk pendohemi Ai është shërues për neve, na sprovon që të na pastrojë nga mëkate.

Një e mirë tek Allahu është sa dhjetë të mira deri në shtatëqind sevape e më shumë, ndërsa një e keqe te Ai llogaritet një, nëse pendohemi për atë të keqe që e kemi vepruar atëherë Ai na e falën atë, shpërblen për punë të mira të vogla dhe falë shumë prej gabimeve tona, mëshira e Tij i ka paraprirë hidhërimit të Tij, falja i ka paraprirë ndëshkimit të Tij, Ai është i mëshirshëm për robërit e Tij më shumë se nëna për fëmijën e saj.

Pashë Allahun më thuaj motër: A ka pas këtij të dashuri të dashur, pas këtij shëruesi, shërues dhe pas këtij të afërmi të afërt.

Kush e posedon mëshirën e tillë, kush e posedon durimin e tillë, kush e ka faljen e tillë? A nuk meriton që adhurimi i Tij të jetë adhurimi më i merituar, a nuk meriton që të jetë bindja e tij bindja më e merituar, a nuk meriton që dashuria ndaj Tij të jetë dashuria më e madhe dhe mbi cdo dashuri tjetër?!

Jam e sigurt se do të thuash: “Po“.

Atëherë motër e dashur, Allahu i Cili më ka krijuar mua dhe ty, më ka mbrojtur mua dhe ty, më ka begatuar me të mira mua dhe ty, eja që të afrohemi tek krijuesi, furnizuesi jonë i Cili me sendin më të vogël me të cilën afrohemi te Ai është të përmbajturit e mbulesës sipas sheriatit, mbulesë e cila është nder, pastërti, ngritje, dhe dallimi që na ka nderuar Allahu neve muslimaneve me të.

Motër e dashur, nuk i shkrova këto fjalë për tjetër pos që të dua për hir të Allahut, frika dhe kujdesi për të mirën tënde, prandaj të lutem që ta lexosh deri në fund këtë mesazh se nëse nuk të bën dobi në dicka, patjetër që nuk të dëmton, nëse të bën dobi kjo është dhunti nga Allahu, mos harro që ta falënderosh dhe mos më kurse nga duatë sepse të gjithë jemi të varfër te Allahu.

Motër e dashur përse nuk e veshën mbulesën?
Do t’i përgjigjem pyetjes tënde. Të themi se ti dëshiron që ta shtysh këtë derisa të martohesh. A i ka ndaluar mbulesa femrat prej martesës? A je e sigurt se bashkëshorti i cili të ka zgjedhur ty për grua duke qenë ti e zbulur se do të pranojë që ti të mbulohesh pas martesës? A je e sigurt që është njeri besimtar e ai të ka zgjedhur duke qenë ti e zbulur? A je e sigurt se do të jetosh derisa të martohesh? Nëse Allahu nuk ta ka përcaktuar që të martohesh kur do të mbolohesh? Ndoshta thua: “Unë nuk dukem e bukur me shami“ Kush ta ka thënë këtë ty? Përkundrazi ti me shami je më e bukur, a e din pse? Sepse fytyra jote do të ndricojë me nurin e imanit (besimit), me kënaqësinë e Allahut ndaj teje do të jesh e nderuar më shumë, Allahu do të lëshojë në zemrat e njerëzve pranimin dhe dashurinë për ty si shkak i bindjes së Tij.
Është një gjë e rëndësishme motër, ai i cili do të zgjedhë ty për grua nuk do të zgjedhë formën e falsifikuar dhe fytyrën e mbushur me krema dhe pudër, atij të cilit i pëlqen pa grim, do t’i shtohet pëlqimi në ty kur të grimosesh dhe anasjelltas.

Të kalojmë te cështja tjetër motër e dashur, të themi se ti ndien kënaqësi nga shprehjet e pëlqimit të cilat t’i thonë meshkujt, kjo a ta ngren vlerën tënde apo përkundrazi? A pranon që të shndërrosh veten në tërheqjen e shikimeve dhe shprehjeve të pahijshme? A prej tyre është burri i cili ti mendon se bën që të jetë bashkëshorti yt dhe babai i fëmijëve të tu? A je mashtruar në pamjen e tyre të turpshme dhe personalitetin e tyre të pa vlerë? Ti je më e shtrejtë, më e nderuar, që të jesh prej tyre, ruaje veten, vlerën dhe parimin tënd me mbulesën.

Allahu ka dashur që ne të kemi vlerë. A ka ndodhur që të shikosh thesarë, xhevahir, diamant ose margaritar të paruajtur ose të hedhur në rrugë.
Në skaje të rrugës hidhen vetëm ato gjëra të cilat nuk kanë vlerë. Me kë dëshiron që të jesh? Nuk mendoj se dëshiron që të jesh me tjetër pos me të vlefshmet, sepse ti je e vlefshme me fen tënde, e vlefshme me imanin (besimin) tënd… e vlefshme me turpin tënd, e vlefshme me nderin tënd. Edhe nëse ngrihen zërat e atyre që janë të pafe të cilët nuk dëshirojnë tjetër vetëm se të jesh e zhveshur nga gjërat më të shtrenjta dhe më të vlefshme dhe më të dashura për zemrën tënde… mbulesa jote… e cila bartë kushtrimin e shkruar në të: Unë jam e pastër, unë jam e ngritur, unë jam e shtrenjtë, unë jam e vlefshme, unë jam e ndershme.

Motër e dashur në bindjen ndaj Allahut ka ëmbëlsi në zemër, do ta provosh atëherë kur të deklarosh largimin nga bindja e shejtanit dhe t’i bindesh vetëm urdhërave të Zotit.
Mbulesa ka dobi të shumta të cilat do t’i gjesh kur t’i përmbahesh mbulesës së sheriatit, do të zgjerohet gjoksi, do të ndricohet zemra, do të rehatohet e brendshmja, do të lehtësohen brengat, Allahu i Lartsuar thotë: “Kush iu përmbahet dispozitave të Allahut, atij Ai i hap rrugë dhe e furnizon atë prej nga nuk e kujton fare” (Et Talak: 2-3). Dhe thotë: “E kush i frikësohet Allahut, Ai atij ia lehtëson punën” (Et Talak: 4). Ky është premtim prej Allahut i Cili nuk e thyen premtimin, pra cfarë po pret?

Motër bëhu prej besimtareve se pasha Allahun nuk do të pendohesh asnjëherë, nxito në atë që e kënaqë Allahun si dhe bëhu e kujdesshme që mos të duket asnjë pjesë nga trupi yt, bëje këtë për hir të Allahut që Allahu të jetë i kënaqur me ty dhe do të shikosh në ditën e kijametit se kush do të jetë i shpëtuar.

Po e përfundoj me një pyetje të thjeshtë. Kur të ringjallemi ditën e kijametit, kur të dalim para Zotit të krijesave, a je përgatitur për këtë ditë në të cilën njeriu ikën prej vëllait të vet, prej nënës dhe babait të vet, prej gruas dhe prej fëmijëve të vet…
A është dikush prej atyre të cilët kanë shikuar në ty dhe janë kënaqur me simpatinë, personalitetin tënd, bukurinë tënde, a është dikush prej tyre i gatshëm që të japë ty qoftë edhe fare pak prej të mirave të tij ose të marrë prej teje qoftë edhe një pjesë të vogël prej mëkateve të tua që të shpëtosh nga ndëshkimi i të zbuluarit tënd, t’i shpëtosh flakës sulmuese të zjarrit të xhehennemit? … Përgjigjjen e kësaj pyetje po ta lë ty!

www.pertymoter.net

[Psikologu]

Nese dashuria ne besimin fetar , dashuria ndaj Zotit , respekti ndaj Zotit -deshmohet vetem me mbulesa dhe ferexhe , atehere lirisht mund të konstatojmë se gatishmeria e besimit fetar islam -aq sa eshte e vogel eshte po edhe e shemtuar , sepse nese Zoti lejojka qe vetem femra të jetë viktim e heqjes se lirisë dhe bindjes personale , atehere ai paska folur gabim ne besimin islam ose se paskan kuptuar mirë.
Nuk janë të kota raportet nderkombetare të cilat flasin cdo ditë se arsimimi eshte i vogel ne vendet arbe saqe njeriu qe sdin të e dallon të keqen nga e mira ose të miren nga e keqja , nuk quhet gjë tjeter vetem diktatur qe nuk lejon dallimin ne mes ketyre dy dukurive të nevojshme per jeten e njeriut .
Njeri -ne boten e civilizuar dhe demokratike trajtohet edhe femra , ndersa ne boten islame , ajo shpesh paraqitet sikur një objekt prostitucioni si ne ketë botë por edhe ne atë tjetren.
A i don Zoti femrat e pambuluara dhe a i don Zoti burrat me 7 gra ?!

[Albanian eX|PerT]

Shkrimet jasht teme le te hiqen nga stafi, se kjo eshte "MESIME NGA KURANI" e jo: "MISIONARIZMA KUNDER KURANIT" si puna e misionarit te kishes suedeze, Krist Gjinajt!

[Guri i madh]

Postimi origjinal është bërë nga Psikologu

Nese dashuria ne besimin fetar , dashuria ndaj Zotit , respekti ndaj Zotit -deshmohet vetem me mbulesa dhe ferexhe , atehere lirisht mund të konstatojmë se gatishmeria e besimit fetar islam -aq sa eshte e vogel eshte po edhe e shemtuar , sepse nese Zoti lejojka qe vetem femra të jetë viktim e heqjes se lirisë dhe bindjes personale , atehere ai paska folur gabim ne besimin islam ose se paskan kuptuar mirë.
Nuk janë të kota raportet nderkombetare të cilat flasin cdo ditë se arsimimi eshte i vogel ne vendet arbe saqe njeriu qe sdin të e dallon të keqen nga e mira ose të miren nga e keqja , nuk quhet gjë tjeter vetem diktatur qe nuk lejon dallimin ne mes ketyre dy dukurive të nevojshme per jeten e njeriut .
Njeri -ne boten e civilizuar dhe demokratike trajtohet edhe femra , ndersa ne boten islame , ajo shpesh paraqitet sikur një objekt prostitucioni si ne ketë botë por edhe ne atë tjetren.
A i don Zoti femrat e pambuluara dhe a i don Zoti burrat me 7 gra ?!

shkrim shum me ven per ate qe deshirojn ta msojn te verteten

nuk kam qka me shtue

[uliksi31]

Te nderuar lexues,

Edhe me pare kemi cek se stafi i Dardanis nuk mbajm pergjegjsi per shkrime te askujt. Shpesh here as une personalisht nuk pajtohem me shkrime te shume antarve, mirpo per te bere nje replik, diskutim me te pasur duhet te kemi kunderthenje. Perndryshe sikur te gjithe te shkruajm dhe mendojm njejt, mendoj se do te humb vleren edhe tema si edhe diskutimi. Pra mos te flasimme emocione.

Ju falemderit per mirkutim.

Uliksi

[Lijanna]

Pelqimi i vajzes per kurorezim

Marrëveshja martesore nuk bëhet e plotë pa pëlqimin e bashkëshortëve (burri dhe gruaja). Detyrimi i tyre dhe mospërfillja e pëlqimin/mospëlqimit të tyre e bën kontratën martesore të pavlefshme. Në shumicën e rasteve padrejtësi i bëhet femrës e cila shpeshherë nga ana e kujdestarit të saj nuk konsultohet për qëndrimin e saj ndaj martesës në fjalë.

Prindi ose kujdestari ligjor i femrës e ka për obligim këshillimin më të, dhe marrjen në konsideratë të qëndrimit të saj. Nëse ajo e pranon këtë ofertë martesa realizohet ose nuk realizohet kur ajo e refuzon ofertën në fjalë.
Kjo dispozitë vlen për vajzën që nuk ka qenë e martuar si dhe për gruan që ka qenë e martuar.
Ibën Abbasi, radijall-llahu anhuma, thotë: I Dërguari i All-llahut, sal-lallahu alejhi ve sel-lem, ka thënë: “Ajo që ka qenë e martuar ka më tepër të drejtë mbi vetën se sa kujdestari i saj – ka më tepër të drejtë të vendos për fatin e saj – kurse nga ajo që nuk ka qenë e martuar kërkohet lejimi i saj (pëlqimi për martesë) dhe e tillë konsiderohet dhe heshtja.” (Muslimi, Ebu Davudi, Tirmidhiu, Nesaiu, Ahmedi dhe Ibën Maxhe)
Hansa bint Hudam El Ensarije, radijall-llahu anha, rrëfen: “Babai im, pas shkurorëzimit në martesën e mëparshme, më martoi për një burrë që nuk e pëlqeja. Shkova te i Dërguari i All-llahut, sal-lallahu alejhi ve sel-lem, i cili pasi që ia tregova qëndrimin tim e refuzoi atë martesë.”
(Buhariu, Ebu Davudi, Tirmidhiu, Nesaiu, Ahmedi dhe Ibën Maxhe)
Ibën Abbasi, radijall-llahu anhuma, tregon: “Te i Dërguari i All-llahut erdhi një vajzë të cilën babai i saj e kishte martuar pa pëlqimin e saj. I Dërguari i All-llahut ia dha të drejtën ta pranon ose ta refuzon atë martesë.”
(Ahmedi, Ebu Davudi dhe Ibën Maxhe)
...heshtja e vajzës konsiderohet pëlqim, nëse refuzon nuk detyrohet me atë martesë.
(Ahmedi prej Ebu Musa El Esh’ariut)

Imam Es Sheukaniu thotë: Sipas këtyre haditheve vajza e moshërritur që martohet pa pëlqimin e saj, kurora që është vendosur është e pavlefshme. Këtë mendim e përmbajnë Hanefitët, Evzaiu, Theuriu dhe shumica e dijetarëve. Këtë mendim Imam Tirmidhiu ua atribuon shumicës së dijetarëve (xhumhur). (Nejlul Evtar vëll.6 fq. 289)
Ibën Kajjimi pasi që përmendi disa nga hadithet e lartëpërmendura tha: Sipas këtyre haditheve vajza e moshërritur që nuk është martuar më parë nuk martohet pa pëlqimin e saj dhe ky është mendimi i shumicës së dijetarëve...
Këtë mendim në e konsiderojmë parim të fesë së All-llahut, sepse është në pajtim me gjykimin që e bëri i Dërguari i All-llahu (i cili i dha të drejtë zgjedhje vajzës që të pranon ose anulon martesën që është bërë pa pëlqimin e saj), sal-lallahu alejhi ve sel-lem, me urdhrin (duke e urdhëruar njeriun të kërkon leje prej vajzës para se të martohet) dhe ndalesën e tij (të martohet vajza para se të kërkohet lejimi i saj), me parimet e sheriatit (të cilët ndalojnë detyrimin e vajzës me martesë për njeriun i cili nuk i pëlqen) dhe në dobi të Ummetit (individi i të cilit ka të drejtë të zgjedh bashkëshortin për jetë). (Zadul Me’ad, vëll.4 fq.2)

Sipas kësaj që e përmendëm më parë kujdestari i gruas ka obligim të kërkon lejen e vajzës që të sigurohet pëlqimi i saj. Martesa është një institucion shoqëror i cili ndërtohet mbi dashuri, harmoni dhe përshtatje që nuk plotësohen pa pëlqimin e ndërsjellët të bashkëshortëve. Për këtë shkak Sheriati ndalon detyrimin e gruas me martesë që ajo nuk e preferon duke e konsideruar të pavlefshme kurorën që lidhet dhe ia jep gruas të drejtën të kërkon anulimin e marrëveshjes për të dhënë fund sjellje despotike të prindit ose kujdestarit ligjor.
www.albislam.com </SPAN>

[Albanian eX|PerT]

Zotri Uiliks, diskutimet e mirefillta behen atehere kur largohen manipulimet te cilat jane aq te pakoncepta, sa qe keta misionaret krishter (rubriken ku ti moderon) e kane konvertuar ne fushe te misionarizmave te tyre kunder Islamit, e qe fatkeqesisht ketu ska sens debati, perderisa shkrimet e mija qe jane me permbajtje prej A deri ne ZH jane me ajete dhe hadithe ne diskutime fshihen nga admini apo ndihmesit e tij, mua sme ka mbetur tjeter pos te le ne ndergjegjen tuaj ta shoh se si po i kunderpergjigjeni ketyre manipulimeve te te tjereve.

"Budallalleqet" dhe "Bingooo*****" temat e vetme ku mundem te e shpreh mendimin tim pa cenzur, keshtu qe atje po iki tash!

Me rrespekt
Experti

p.s. Ky postim deshiroj te mos jete iniciues i humbjes se miqesise qe kemi i nderuar!

[Murgesha]

Postimi origjinal është bërë nga Lijanna

Motër e dashur përse nuk e veshën mbulesën?

Nuk e besoj se mbulesa mbron nderin dhe dinjitetin tim.
Kam kontroll të plotë mbi veprimet e mia dhe nuk do ta lejoja veten kurrë të hyj në gjëra të cilat ndërgjegjja ime nuk i toleron jo pse e kam frigë një Krijues apo një Zot por pse e kam drojtje ndërgjegjen time e cila do të më gjykonte për sa jam gjallë.

Nuk më duhet të ndjehem e mbyllur si në kafaz pas një petku që nuk më lejon të dukem ashtu si unë dua.
Nuk dua ta fsheh identitetin tim pas një perqe.
Dua të jem e lirë në veprimet e mia, se nuk e njof një zot që vetëm pse më ka krijuar të më kushtëzoj të drejtën elementare në dukjen time.

Don më???