Fetua në lidhje me rregullat e shkurtimit të namazit dhe bashkimit mes dy namazeve

[Pause_Print_Scroll]

Bashkimi dhe shkurtimi i namazit për njësitë ushtarake që gjenden në vijat e para

Nga AbdulAziz bin Baz drejtuar vëllait të nderuar, drejtorit të drejtorisë për çështjet fetare pranë forcave të armatosura tokësore. Selamun alejkum ue rahmetullahi ue berekatuhu. Duke iu përgjigjur letrës tuaj, në të cilën kërkohej sqarimi i gjykimit të sheriatit në lidhje me formën e namazit që duhet të falin njësitë ushtarake që gjenden në vijat e para, them: Nëse ata persona janë pranë vendbanimit të tyre dhe nuk janë udhëtarë, atëherë e kanë detyrë namazin e xhumasë dhe plotësimin e namazeve katër rekatëshe, ndërsa, nëse janë udhëtarë dhe qëndrojnë në pozicionet apo pikat që duhet t'i ruajnë, atëherë nuk e kanë detyrë namazin e xhumasë, u lejohet bashkimi dhe shkurtimi i namazit, sepse ata nuk e dinë kur do mbarojë detyra që u është ngarkuar. Allahu i dhëntë sukses të gjithëve për të berë ato vepra që Ai i do dhe është i kënaqur me to. Ues-selamu alejkum ue rahmetullahi ue berekatuhu.


Drejtori i përgjithshëm i drejtorisë së kërkimeve studimore, fetvave dhe davetit.

18. Transmeton Nesaiu, në Muxhteba, me nr.589.

[Pause_Print_Scroll]

Shkurtimi i namazit për banorët e Mekes gjatë kohës që gjenden në vendet e kryerjes së riteve të haxhit (Arafat, Muzdelife, Mina), a i përfshin edhe shitësit e mallrave atje, të cilët nuk bëjnë haxh?

Pyetje: Shkurtimi i namazit për banorët e Mekes që gjenden në vendet e kryerjes së riteve të haxhit, a ka të bëjë vetëm me ata që bëjnë haxh apo i përfshin edhe shitësit e mallrave, apo të tjerë që nuk bëjnë haxh, por që gjenden në ato vende për punë të ndryshme (si policët, mjekët etj)?


Përgjigje: Ajo që dihet nga dijetarët është se ky shkurtim është i veçantë për ata banorë të Mekes që janë haxhinj, gjithmonë nëse ecim sipas mendimit të atyre dijetarëve që e bëjnë të lejuar për banorët e Mekes shkurtimin në ato vende. Shumica e dijetarëve kanë mendimin se banorët e Mekes as nuk i shkurtojnë dhe as nuk i bashkojnë namazet, sepse nuk janë udhëtarë, prandaj e kanë detyre ta falin çdo namaz të plotë në kohën e tij. Por, mendimi më i saktë është i atyre që e lejojnë diçka të tillë për ata banorë të Mekes që janë haxhinj, sepse Profeti salallahu alejhi ve selem nuk i urdhëroi mekasit, që ishin me të në haxh, që t'i plotësonin namazet. Kurse, për sa i përket tregtarëve apo të tjerëve, të cilët nuk janë gjendur atje për të kryer haxhin, por për punë, e kanë detyrë t'i plotësojnë namazet dhe nuk u lejohet t'i bashkojnë.

[Pause_Print_Scroll]

A e kanë detyrë haxhinjtë shkurtimin dhe bashkimin e namazeve në Arafat?

Pyetje: A është detyrë bashkimi mes drekës dhe ikindisë dhe shkurtimi i tyre në Arafat apo lejohet të falet secila e plotë në kohën e saj?


Përgjigje: Falja e namazit të drekës dhe ikindisë në ditën e Arafatit, të shkurtuara dhe të bashkuara, në luginën Uraneh - në perëndim të Arafatit - me një ezan dhe dy ikamete, është sunet i përforcuar, të cilin Profeti salallahu alejhi ve selem e veproi në haxhin e lamtumirës. Nuk duhet që muslimani ta lerë pa e vepruar sunetin, por megjithatë shkurtimi dhe bashkimi në Arafat nuk është vaxhib. Pra, nqs do e plotësonte namazin, ai do ishte namaz i saktë. Ky është mendimi i dijetarëve. Shkurtimi është sunet i përforcuar, sepse Profeti salallahu alejhi ve selem e ka vepruar diçka të tillë dhe ka thënë:"Merrni nga unë mënyrën e kryerjes së riteve të haxhit"19. Pra, nuk duhet që muslimani ta kundërshtojë sunetin, përkundrazi, duhet të falet me njerëzit, të cilët i shkurtojnë dhe i bashkojnë namazet në Arafat, me bashkim të parakohshëm, pastaj drejtohet për tek vendi i tij, ku do bëjë dhikër dhe du'a. Nëse nuk i fal dot namazet në luginën Uraneh, atëherë le të falet ku të mundet brenda Arafatit, sepse në këto kohë është e nevojshme që njerëzit t'i shmangen rrëmujës dhe tollovisë me sa të kenë mundësi.

[Pause_Print_Scroll]

Gjykimi i bashkimit mes namazeve për haxhinjtë në Mina, në ditën e Tervijes dhe në ditët e teshrikut

Pyetje: A u lejohet haxhinjve në Mina, në ditën e Tervijes dhe në ditët e teshrikut, bashkimi mes namazeve ashtu siç u lejohet shkurtimi? Ai që i ka bashkuar namazet, a i konsiderohen si të sakta?


Përgjigje: Nuk di të ketë ndonjë pengesë që e ndalon bashkimin mes namazeve atje. Përderisa u lejua shkurtimi i namazit, atëherë lejimi i bashkimit është më parësor, sepse shkaqet që e bëjnë të lejuar bashkimin e namazeve janë të shumta, ndryshe nga shkurtimi, i cili lejohet vetëm për një arsye – udhëtimi. Por, më e mira është mos-bashkimi i namazeve në Mina, sepse Profeti salallahu alejhi ve selem nuk i ka bashkuar namazet gjatë qëndrimit të tij në Mina as në ditën e Tervijes e as në ditët e teshrikut, dhe muslimanët duhet ta kenë Profetin salallahu alejhi ve selem shembullin më të mirë.

19. Transmeton Bejhekiu me nr.9307, Ahmedi vëll.3/337, Muslimi me nr.1297, 1970, dhe Nesaiu me nr.3062 dhe 14459.

[Pause_Print_Scroll]

A është saktësuar se Profeti salallahu alejhi ve selem i ka bashkuar namazet në udhëtim, kur nuk ishte në ecje e sipër?

Pyetje: A është vërtetuar se Profeti salallahu alejhi ve selem ka bashkuar mes drekës dhe ikindisë apo mes akshamit dhe jacisë në udhëtim, gjatë kohës që nuk ishte në ecje e sipër, si, psh, gjatë qëndrimit të tij në Meke, në çlirimin e saj, ose gjatë qëndrimit të tij në Tebuk ose gjatë qëndrimit të tij në Meke, në haxhin e lamtumirës?


Përgjigje: Është saktësuar se Profeti salallahu alejhi ve selem i ka bashkuar namazet në betejën e Tebukut, edhe pse nuk ishte në ecje e sipër, siç e ka transmetuar Muslimi (me nr. 706). Kurse, sa i përket qëndrimit të tij në Meke, në çlirimin e saj dhe në haxhin e lamtumirës, nuk kam gjetur diçka që tregon qartë se i ka bashkuar namazet, por disa hadithe lënë të kuptohet se Profeti salallahu alejhi ve selem i bashkonte namazet gjatë qëndrimit të tij në Ebtah, në haxhin e lamtumirës. Mirëpo, siç e thamë, kjo gjë nuk shprehet qartë në hadithe, kështu që mos-bashkimi është më i mirë, duke u bazuar në veprën e Profetit salallahu alejhi ve selem në Mina. Allahu është që jep sukses.


Ue salallahu ala nebijina Muhamed ue alihi ve sahbihi, ue selamu alejkum ue rahmetullahi ue berekatuhu.



Përktheu: Ebu Duxhanah Shuajb Rexha
Medine, Dhulhixheh 1426H

F U N D
Me rrespekt nga
SmArTs_WAY P.P.S.
[email protected]