Foshnja e braktisur në Kontejner!

[hasanmehmeti]

Foshnja e braktisur në Kontejner!

Një foshnjë e porsalindur e gjinisë mashkullore është gjetur e braktisur në një kontejner në një nga lagjet e Rahovecit, konfirmoi të premten policia rajonale në Prizren.

Zëdhënësi rajonal i policisë në Prizren, Hazir Berisha tha se në mëngjesin e të premtes një qytetar ka informuar policinë në Rahovec se në rrugën “Sadedin Hajda”, në një kontejner, ka gjetur një foshnje të braktisur.

Ai tha se foshnjën e gjinisë mashkullore e ka gjetur në një paketë të mbështjellë me peshqir dhe një pelenë, ndërsa ishte dëgjuar duke qarë.

Togeri Berisha tha se personi që kishte gjetur foshnjën e kishte marrë në automjetin e tij për ta ngrohur pasi që jashtë bënte ftohtë.

“Nga vendi i ngjarjes, policia ka dërguar foshnjën në repartin gjinekologjik të Shtëpisë së Shëndetit në këtë qytet dhe më pastaj foshnja e porsalindur duhet të dërgohet në QKUK në Prishtinë për trajtim të mëtejmë”, tha ai. (KosovaLive)

C'eshte duke ndodhe me keto nenat,motrat ,vellezerit tone Shqipetare ,familjen ne pergjithesi?



Me keqardhje edhe pse nuk eshte rasti i pare i tille qe me ka neverite gjithenje.
Hasani