U vranë për të dytën herë

[Zero Cool]

Politika e atyre që shkelën betimin e UÇK-së që nga Rambujea e deri në Bruksel.

Shqiptarët në Preshevë luftojnë për ta mbrojtur lapidarin, serbët e Kosovës çështjen e tyre e ngritën në nivel të bisedimeve Prishtinë-Beograd, duke e avancuar statusin e tyre në nivel autonom.

Presheva do ta mbrojë pllakën përkujtimore, duke ngelur me kompetenca të ngushta komunale ashtu siç ka qenë prej kohësh, kurse Mitrovica veriore do të fitoj autonomi politiko-territoriale.

Nime, meqë operacioni i heqjes së lapidarit u bë të dielën, karvani i automjeteve dhe buldozerëve të xhandarmërisë serbe nuk ishte sa duhet i zhurmshëm që t’ua prish gjumin shqiptarëve, as në orën 7 të mëngjesit.

Ku mbeten krekosjet e ish luftëtarëve e komandantëve të luftës dhe të klasës aktuale politike shqiptare, por edhe të krerëve institucionalë shqiptarë në Luginë, Kosovë e Shqipëri, se do ta mbronin me të gjitha mjetet lapidarin. Madje edhe AKSH-ja ishte në gjumin e thellë të fundjavës.

Shqiptarët në Luginë të Preshevës nuk i kanë ndërruar emrat e shesheve, rrugëve dhe institucioneve dhe pas gjithë kësaj xhurulldije mund ta vendosin edhe shtatoren e Skënderbeut në sheshin Karaxhorgje Petroviç dhe loja rifillon...

[Bajlozi i Zi]

Nuk janë kah e dijnë shkijet çka i kanë ba vetit me këtë akt!!!
Flakë po qesin tastierat e kompjuterave prej patriotizmit shqiptar.

[Oqeani]

Postimi origjinal është bërë nga Zero Cool

Politika e atyre që shkelën betimin e UÇK-së që nga Rambujea e deri në Bruksel.

Shqiptarët në Preshevë luftojnë për ta mbrojtur lapidarin, serbët e Kosovës çështjen e tyre e ngritën në nivel të bisedimeve Prishtinë-Beograd, duke e avancuar statusin e tyre në nivel autonom.

Presheva do ta mbrojë pllakën përkujtimore, duke ngelur me kompetenca të ngushta komunale ashtu siç ka qenë prej kohësh, kurse Mitrovica veriore do të fitoj autonomi politiko-territoriale.

Nime, meqë operacioni i heqjes së lapidarit u bë të dielën, karvani i automjeteve dhe buldozerëve të xhandarmërisë serbe nuk ishte sa duhet i zhurmshëm që t’ua prish gjumin shqiptarëve, as në orën 7 të mëngjesit.

Ku mbeten krekosjet e ish luftëtarëve e komandantëve të luftës dhe të klasës aktuale politike shqiptare, por edhe të krerëve institucionalë shqiptarë në Luginë, Kosovë e Shqipëri, se do ta mbronin me të gjitha mjetet lapidarin. Madje edhe AKSH-ja ishte në gjumin e thellë të fundjavës.

Shqiptarët në Luginë të Preshevës nuk i kanë ndërruar emrat e shesheve, rrugëve dhe institucioneve dhe pas gjithë kësaj xhurulldije mund ta vendosin edhe shtatoren e Skënderbeut në sheshin Karaxhorgje Petroviç dhe loja rifillon...

http://www.presheva.com/thumbnail.ph...article_medium

[sherri]

Kanjeher,jo, po shpesh po me mushet mendja se qeky "mileti" jem-jon e ka humb busullen e orjentimit! Kjo vendosje e ati guri,hjekje e keto spektakle t'lodhta, dalin nga marveshja e dy krymutave, qe po vazhdojn ne Bruxel. Qe te dyve ju konvenon qe te ju terhjeket vemendja, edhe e serbve edhe shqipetarve, sebia simbas tyne po humb dicka nga keto marrveshje?! Kosova po se po.........e krejt keto akte une po i shof si marrveshje e dy vllezerve siemez, dacic-tacic.

[natyra]

e krejt keto akte une po i shof si marrveshje e dy vllezerve siemez, dacic-tacic.

i nderuar ma paske marr fjalen,frigohem nga ky Akt!Zot na ruaj prej sherrit tonve,se prej te huajve ruhem vet.sepse e dim qka na pret.... i Yti, ta ban tkeqen dhe smunesh me dite/besua!
,,,bile edhe qorrat e shurdhanat e memecat,jan tuj dite qetash.me doket qe ka dal tamli permbi psheshet,thojm nga ne Treva e Rugoves.

P/s.Si sot me kujtohet fjala e (tim shoq) kur thonte,kurr smunesh mi dite te berat keq,prej njerzve tu,po nuk je dhe vet qasi.

kshtuqe,nuk perjashtohet mundesia qe ne rastin e marrveshjes,jan zie dhe pazaret e pista (zeza) rast si dhe ky i "Lapidarit/Presheves!qe s'ju dan shqiptarit kurr tradhetit,nga njerez famkeq Antishqiptar!!

Ni fjale popullit thote,kollaj me marr rrugen e keqe,atehere ske te ndalur,kemi raste mjaft nder asi qe vrasin baben,djalin,vllaun,e deri tek kusherinjet,miqt,e besa dhe njerez me fam te lart permendur,si jo shum large qe ndodhen,rastet e pas lufte,se gjate lufte s'po flasim,veq ni Zot mundet me dite,se qka asht mshefur pas Emblemes se UCK-es.E i madhi Zot i vraft ato duar qe lahen me gjakun e vet,kurr djal mos lind ne fisin e tyre.Sepse e di se nuk po baj mekat per kete qe thash.Se jam nje nan e qilter shqiptare,dhe padyshim qe me dhem zemra per ato Nena qe psoin dhembjen/dhe kan psua.prandaj Zoti i ndin dhimbjet e qdo nene ne raste te tilla.dhe sikur parandjej deri sa te zhduket kjo fare e keqe, shqiptari s'ka me pas ni te Ardhme!

"Natyra.

[Xuki]

Postimi origjinal është bërë nga Zero Cool

Politika e atyre që shkelën betimin e UÇK-së që nga Rambujea e deri në Bruksel.

Shqiptarët në Preshevë luftojnë për ta mbrojtur lapidarin, serbët e Kosovës çështjen e tyre e ngritën në nivel të bisedimeve Prishtinë-Beograd, duke e avancuar statusin e tyre në nivel autonom.

Presheva do ta mbrojë pllakën përkujtimore, duke ngelur me kompetenca të ngushta komunale ashtu siç ka qenë prej kohësh, kurse Mitrovica veriore do të fitoj autonomi politiko-territoriale.

Nime, meqë operacioni i heqjes së lapidarit u bë të dielën, karvani i automjeteve dhe buldozerëve të xhandarmërisë serbe nuk ishte sa duhet i zhurmshëm që t’ua prish gjumin shqiptarëve, as në orën 7 të mëngjesit.

Ku mbeten krekosjet e ish luftëtarëve e komandantëve të luftës dhe të klasës aktuale politike shqiptare, por edhe të krerëve institucionalë shqiptarë në Luginë, Kosovë e Shqipëri, se do ta mbronin me të gjitha mjetet lapidarin. Madje edhe AKSH-ja ishte në gjumin e thellë të fundjavës.

Shqiptarët në Luginë të Preshevës nuk i kanë ndërruar emrat e shesheve, rrugëve dhe institucioneve dhe pas gjithë kësaj xhurulldije mund ta vendosin edhe shtatoren e Skënderbeut në sheshin Karaxhorgje Petroviç dhe loja rifillon...

Shkijet e Kosovës e kanë një shtet mbrapa, kurse shqiptarët e luginës asgjë!! Kjo është fatkeqësia kombëtare.

Ani reagimet e politikanve nga Kosova dhe Shqipëria............fleni, fleni

[Makresh]

N'pritshin diçka preshevaret nga kosovaret, i ka rru i biri !

[Zero Cool]

REAKCIONE

Sulmohet komuna ilegale në pjesën veriore të Mitrovicës


Mitrovicë, 21.01.2013

Persona të panjohur kanë sulmuar mbrëmë me koktej molotovi objektin e komunës ilegale në veri të Mitrovicës. Sipas burimeve nga veriu sulmi ka ndodhur rreth orës 20:40, ndërsa meqë masa shpërthyese nuk është aktivizuar, nuk ka të lënduar në njerëz dhe as dëme materiale.

Kryetari ilegal në veri të Mitrovicës, Kërstimir Pantiq, ka hedhur akuza në adresë të ushtarëve të KFOR-it, për të cilët siç tha ai, përkundër faktit se kanë qenë prezentë pak metra larg nga objekti, pas incidentit ata janë tërhequr menjëherë nga lokacioni i tyre.

“Ky është edhe një fakt se KFOR-i dhe Bashkësia Ndërkombëtare nuk janë të interesuar të pengojnë sulmet ndaj serbëve dhe të mbrojnë pasurinë dhe pronat e tyre”, citon telegrafi deklaratën e Pantiqit për mediet serbe.

Sipas tij, që nga dita e sotme, e ashtuquajtura ‘Mbrojtja territoriale’ në veri do të marrë përgjegjësinë për sigurimin e qytetarëve serbë në veri, pastaj pasurinë e tyre personale, si dhe për ndërtesën e komunës.


Dëmtim varrezash në Prizren dhe Kllokot


Prizren, 21.01.2013 12:21

Një numër varrezash ortodokse serbe janë dëmtuar në Prizren dhe në Kllokot, kanë njoftuar autoritetet e rendit në Kosovë.

Numri i saktë i varrezave të dëmtuara ende nuk është publikuar, ndonëse jozyrtarisht është përmendur numri 56, prej tyre 27 varreza në Kllokot dhe 29 të tjera në Prizren.

Arbër Beka nga Policia tha për Radion Evropa e Lirë, se "hetimet janë duke vazhduar dhe deri më tash, nuk ka të arrestuar".

“Më datën 20 janar në Kllokot është raportuar për një rast dëmtim të varrezave. Gjatë patrullimit dhe vizitave të rregullta në varrezat ortodokse serbe, policia ka vërejtur të dëmtuara disa monumente të varrezave, të cilat ishin larguar nga vendi dhe janë parë të shtrira për toke", ka thënë Beka.

Sipas tij, njësitë policore janë duke u marrë me rastin deri sa nuk raportohet për të dyshuar të mundshme.

"Rast i ngjashëm është raportuar edhe në Prizren. Policia edhe atje ka marrë një informacion se janë dëmtuar disa pllaka përkujtimore të varrezave”, tha Beka.

Ndonëse askush s'e ka marrë përgjegjësinë për dëmtimin e varrezave, këto incidente pasojnë largimin e përmendores së ish-pjesëtarëve të Ushtrisë Çlirimtare për Preshevë, Medvegjë e Bujanoc, ditën e dielë, nga ana e xhandarmerisë serbe.

Përmendorja ishte e vendosur në oborrin e Kuvendit Komunal të Preshevës.

Zëdhënësi i policisë, Arbër Beka, ka konfirmuar po ashtu se Policia e Kosovës, ka shtuar patrullimet dhe masat e sigurisë, afër monumenteve serbe në gjithë vendin, në mënyrë që, siç tha ai, të mos ndodhin incidente të ngjashme si ato në Prizren e Viti.

“Në momentin që raportohen një apo dy raste të ngjashme, natyrisht që policia shton aktivitetin e vet në mënyrë që të ketë efektin e parandalimit të raportimit të rasteve të ngjashme. Ne përkujdesemi që të ketë aktivitete shtesë, në mënyrë që të mos paraqiten incidente të tilla”, deklaroi Beka.

Largimi i lapidarit të UÇPMB-së ka nxitur reagimin e institucioneve dhe subjekteve politike në Kosovë, të cilat kanë vlerësuar se ky vendim i Beogradit zyrtar "shkel të drejtat themelore të njeriut" dhe "është një akt qyqar".


Kërkohet parandalimi i konfliktit ndëretnik


Prishtinë, 21.01.2013

“Duke pasur parasysh ngjarjet e fundit në Gjakovë, Mitrovicë dhe Kllokot, Ministria për Komunitete dhe Kthim kërkon nga organet kompetente në Kosovë, para së gjithash nga Policia e Kosovës dhe shërbimi i KFOR-it, që të bëjnë gjithçka që është në kompetencat dhe përgjegjësit e tyre që të parandalojnë konfliktin ndër-etnik dhe sulmet në jetën dhe pronën e qytetarëve”.

Ky është reagimi i Ministrisë për Komunitete dhe Kthim, e cila nëpërmjet një komunikate ka dënuar “ashpër rrënimin e përmendoreve të varrezave në Kllokot dhe kërkon reagimin e shpejtë dhe efikas të shërbimeve kompetente në mënyrë që bërësit e kësaj vepre të vihen para drejtësisë”.

Autoritetet e rendit kanë njoftuar se një numër varrezash ortodokse serbe janë dëmtuar në Prizren dhe Kllokot dhe për disa shpërthime në Mitrovicë.

[Zero Cool]

REAKCIONE

Rrënohet përmendorja e LNÇ-së në Viti


Organizata e Veteranëve të Luftës së UÇK-së në Viti, ka ndërmarrë sot një aksion ku kanë rrënuar përmendoren e Luftës Nacional Çlirimitare e cila ishte e vendosur në Qendër të qytetit të Vitisë që nga Lufta e dytë botërore.

Gjatë rrënimit të kësaj përmendore, ishin tubuar qindra veteranë të luftës dhe qytetar, ndërkohë që policia përkundër rezistimit nuk ka mundur të ndaloj turmën që kishin për synim rrënimin e kësaj përmendoreje.

Kryetari i veteranëve të luftës në Viti, Milaim Abazi ka deklaruar se ”me këtë po i kujtojmë Qeverisë së Serbisë se ne jemi zot të trojeve tona dhe se edhe ne mund të zhbëjmë çdo monument të historisë së tyre”.

Policia e Kosovës ka shoqëruar në stacionin e policisë në Viti ngasësin e ekskavatorit dhe në këto çaste qindra veteran dhe qytetar po qëndrojnë para objektit të policisë në Viti.

[murrizi]

Armiku numer nji i Shqiptareve e njeherit Kryminister shteti bene nje krahasim ku nder te tjerash thotë:
"Unë nuk besoj që diku neper botë lejohet tu ngriten lapidar të rëneve të al Qaedes", perfundim citati.
Kuptohet serbi ketu aludon në luftën që është duke e bërë euro-amerika kunder caqeve exttremiste e që thirrën në besimin e devotshëm islam.
Por çfar mendojn burrat (e edhe grat) e forumit ? Luftëtarët shqiptarë të lugines e që ranë për çlirimin e vendit (kosoves lindore) kishin ata ideologji al-kaidase ???
Kishin apo nuk kishin ?!

[Zero Cool]

Kryeministri Berisha: Do të shqyrtojmë të gjitha marrëveshjet me Serbinë


Pas largimit të lapidarit të ushtarëve të UÇPMB-së nga xhandarmëria serbe, kreu i ekzekutivit shqiptar, Sali Berisha përsëri është treguar i ashpër në deklarata.

Ai ka thënë se pas këtij veprimi do të shqyrtohen të gjitha marrëveshjet që Shqipëria ka me shtetin serb.

“Tash do ti rishikojmë të gjitha marrëveshjet që kemi më Serbinë, dhe do të shohim se çka do të bëjmë. Është e papranueshme që në kohën që bëheshin negociatat për lapidarin, të veprohet pas shpine, dhe Presheva të mbushet me polic. Qytetarët e asaj ane janë më të varfrit në rajon. Serbia nuk mund të kërkoj asgjë më shumë që sigurojnë konventat ndërkombëtare”, ka thënë sot kryeministri Berisha,në mbledhjen e Partisë Demokratike.

Ai ka pohuar se do të propozoi që njëra nga rrugët e Tiranës të marr emrin e dëshmorëve të Luginës.

“Do të propozoj që një rrugë të emërohet me emrin e dëshmorëve të Luginës. Më duhet të dënoj ashpërsisht të gjitha aktet e dhunimit të institucioneve, apo varreze serbe në Kosovë. I bëjë thirrje qeveris së Kosovës që të ndërmarr masat ndaj këtyre gjerave që nuk kanë të bëjnë asgjë më qytetarët e Kosovës”.

Berisha ka bërë thirrje që Bashkësia ndërkombëtare të mos përdorë standarde të dyfishta në rastin e Kosovës dhe të Luginës. “I bëjë thirrje ndërkombëtarëve që të mos përdorin standarde të dy fyshta. Një standard për veriun e Mitrovicës dhe një për Preshevën”, ka porositur kreu ekzekutivit shqiptar.


Daçiç: Shqiptarët terroristë, njësoj si ata të Al Kaedës


Kryeministri i Serbisë, Ivica Daçiq ka komentuar aksionin e policisë serbe për heqjen e memorialit të UÇPMB-së nga Presheva. Ai ka ironizuar dhe i ka cilësuar shqiptarët terroristë, njësoj si ata të Al Kaedës.

“Unë nuk besoj se veteranët e Al-Qaedas pyeten në Shtetet e Bashkuara apo ata që kanë bërë akte terroriste në Londër e Madrid, nëse duan të vendosin monument. Fakti se Serbia dëshiron të negociojë, dikush këtë e sheh si dobësi tonën. Në Serbi do të respektohen ligjet. Thaçi mund të vë doganierët në pikëkalimet administrative e pastaj thonë se duhet të respektohen ligjet e Kosovës, e kur duhet të respektohen ligjet e Serbisë, hajt të bisedojmë. Nuk ka negociata me terroristët. Me ata që lëvdojnë terrorizmin nuk mund të negociohet. Mund të negociohet me ata që duan të jenë pjesë e sistemit tonë politik dhe kushtetues. Nëse ne nuk kemi treguar tolerancë të mjaftueshme, atëherë unë nuk e di se kush”, tha Daçiq.

Ndër të tjera kryeministri serb shtoi: “Ka mbaruar rrëfimi për monumentin në Preshevë. I keni dëgjuar deklaratat e tyre, se ata do të vazhdojnë të luftojnë me ndihmën e komunitetit ndërkombëtar. Cili komunitet ndërkombëtar? Mbase unë e njoh bashkësinë ndërkombëtare dhe negocioj me ta”, theksoi Daçiq

Ndërkohë që ambasada Amerikane dhe Britanike në Beograd kanë shprehur keqardhje për vendimin e njëanshëm të qeverisë së Serbisë për ta hequr monumentin e UÇPMB-së në Preshevë.

[Zero Cool]

“Bashkimi çliron fqinjët nga urrejtja ndaj shqiptarëve”


Pas protestës gjithëpopullore në Preshevë, në shenjë kundërshtimi për heqjen e përmendores së UÇPMB-së, që ishte vendosur para komunës, e cila përfundoi e qetë, reagoi edhe kryeministri i Shqipërisë, Sali Berisha.

Siç raporton ABCnews, në mbledhjen e Grupit parlamentar të Partisë Demokratike, tha se Qeveria do të rishohë marrëdhëniet me Serbinë pas këtij akti, i cili dëshmoi frikën e Serbisë.

Por për kryeministrin shqiptarët kanë vetëm një rrugë, ajo e bashkimit të kombit shqiptar, që mund të çlirojë fqinjët nga urrejtja shekullore.

“Urrejtja ndaj shqiptarëve e akumuluar në shekuj. Shqiptarët e Preshevës janë më të shtypurit. Bashkimi çliron fqinjët nga urrejtja shekullore. Qeveria do të shqyrtojë marrëdhëniet me Serbinë”, deklaroi kryeministri.

Ndërkaq Berisha informoi se një nga rrugët e Tiranës do të marrë emrin “Heronjtë e Preshevës”.

[Alima]

...






.

[Kercovari]

Postimi origjinal është bërë nga murrizi

Armiku numer nji i Shqiptareve e njeherit Kryminister shteti bene nje krahasim ku nder te tjerash thotë:
"Unë nuk besoj që diku neper botë lejohet tu ngriten lapidar të rëneve të al Qaedes", perfundim citati.
Kuptohet serbi ketu aludon në luftën që është duke e bërë euro-amerika kunder caqeve exttremiste e që thirrën në besimin e devotshëm islam.
Por çfar mendojn burrat (e edhe grat) e forumit ? Luftëtarët shqiptarë të lugines e që ranë për çlirimin e vendit (kosoves lindore) kishin ata ideologji al-kaidase ???
Kishin apo nuk kishin ?!

Alkaeda ideologji?
Çka nuk ndigjon njeri nga ti..sepse;


Kështu si ti flasin edhe sërbët,ndoshta edhe pyetja jote ka të bejë me nostalgjine e bashkejeteses të shkëlqyer në mes të krishtereve.Të shohim se çka thonë ata për të kompletuar pyetjen tënde sa banale aq edhe mjerane bashkë me ty dhe serbet.
"Nga historia është e njohur se marrëdhëniet midis ortodoksëve dhe katolikëve romakë në Kosovë në të kaluarën janë bazuar kryesisht në tolerancë reciproke dhe solidaritetit, sidomos gjatë sundimit osman,të krishterët ishin të skllavëruar, kurse shqiptarët myslimanë përkrah turqve gëzonin të gjitha privilegjet shoqërore dhe ekonomike. Gjërat filluan të ndryshojnë në gjysmën e dytë të shekulli 19-të kur nacionalistët shqiptare shpikën një formulë të re, bashkimin e trojeve shqiptare nën moton"Feja e shqiptarit është shqiptaria". Që atëherë,shqiptarët katolik romak të Kosovës janë vënë në anën e bashkatdhetarëve të tyre muslimanë në luftë kundër serbëve ortodoksë dhe aleatëve të tyre perëndimorë në të dy luftërat botërore. Kryengritja e UÇK-së 1998-1999, për fat të keq, nuk ishte përjashtim, edhe pse asnjë nga kishat katolike romake nuk ishte shkatërruar gjatë luftës".

Miti sërb mbi Kosovën është e natyrshme që para botës të paraqiten shqiptarët muslimanë si armiq të krishtërimit,fundamentalist,muxhahedin ku të zëshëm ka edhe sot individ kosovarë mu në kohën kurë serbët vajtojnë marrëdhënjet ndërmjet orthodokosve pravoslav serb dhe katolikëve romak kosovar edhe pse miti i krijuar ka humbë çdo kuptim,bashkë me këtë edhe humbjen e Kosovës proces ky që sërbët nuk arritën të qojn deri në fund,por akoma jetojnë me mitin serb,por tani me armikun shekullore me të zëshmin, shqiptarët musliman,në Kopsovë,Maqedoni dhe Preshëvë.

Kultura autoritare arrin maksimumin e saj nëse ai përpiqet për të arritur qëllimin e vetëm të performancës si diçka negative apo diçka e dorës së dytë,të cilës duhet të i jepet prioritet mbi çdo gjë tjetër.


Mitin serb mbi Kosovën më së miri e sqaron Vladimir Milutinoviç.

"Ne serbët arritëm edhe këtë duke abuzuar me të ashtuquajturin mit i Kosovës.Thjeshtë, në mitin thuhet se Car Lazari mjaft i ndërgjegjshëm ka vendosur për të luftuar për diçka që ai e dinte se do të humbiste.Si suksese në betejë, me sa duket ka parashikuar dy gjëra: merita në qiell, që dalin nga lufta e besimit të krishterë, e cila nuk mund të dorëzohet pa luftë dhe pa mëshirë në mëshirën e njerëzve të një besimi tjetër dhe jep një shembull për gjeneratat e ardhshme që duhet të jetojnë të lirë dhe të mos pranojnë sundim të huaj".
Ne pa na pyetyr askush se kush kemi qënë,duam të i tregojmë botës se duhet të jemi ato që kemi qenë, e jo ato që jemi.

Car Lazari me luftë e humbi Kosovën,kurse disa nga autoritet kosovare politike dhe fetare duke viktimizuar 90% të shqiptarve musliman pa luftë gjoja deshtën të hjekin qafe mitollogjine serbe duke krijuar hendeqe plot e përplot me ujëra të turbullta brenda përbrenda popullit shqiptarë,se Kosovëa mund të pavarsohet vetëm si e krishtere dhe e udhehequr eksluzivisht nga të krishterë tezë kjo e aktualizuar edhe nga Drazha Mihajloviqi i cili u garantonte shqiptarve të krishtërë vende pune në arsim dhe në struktura qeverisëse të kohës,por vetëm athere kur të ishin zhdukur shqiptarët misliman.

Si si do të dukeshte ky shtet i pavarur kur Kosova të shëndroheshte në varreza masive e 1milion e ca shqiptarëve muslimanë,ndoshta Car Lazari nuk e ka ditë,po do të dinte këtë Millosheviqi dhe ato parti politike dhe komunitete fetare të cilët tentuan që në linjë të parë të venë fene të krishtere në vend të interesit Kombetare për një Kosovë të pavarur për të gjithë,kështu duke ringjallur mitin serb se edhe këta duhet të udhëhiqen nga të krishtere në tentativë për të minimizuar influencën e diverzitetit demografik musliman, me shumicë në Kosovë.
A kanë krijuar shqiptarët një mit të ri në Kosovë,dhe nga çka mund të dallohet nga ai serb?

Të dyja këto qëllime të Car Lazarit janë të lavdërueshme,shtonë Milutinoviç."Por imagjinoni një situatë hipotetike, në të cilën Car Lazari pastaj mund të kishte bërë zgjidhje nga të dy opcionet: Beteja e Kosovës, me rezultatin e asaj që kemi përshkruar dhe, të themi, një betejë e zhvilluar një muaj në Nish, por që do të ishte një fitore ushtarake serbe për parandalimin e sundimit turk mbi tokat serbe.
Çfarë duheshte të zgjidhte Cari? A duheshte të zgjidhte humbjen që i solli viktima dhe merita fetare,apo fitore e cila do të shpëtonte popullin nga skllavëria? Është e mundshme që Cari vërtetë nuk e ka menduar këtë zgjedhje, por kjo nuk do të thotë se në qoftë se ai do të kishte, ai do të zgjidhte humbjen. Duket se ne sot jemi në një situatë që miti i Kosovës të interpretohet me ndërgjegjshmeri si një rekomandim për të zgjedhur një humbje,mbase ata që zgjedhin fitore në vend, në të vërtetë mashtrojnë popullin për të bindur atë të zgjedhin diçka që është më pak e vlefshme".

Pas vitetev 90-të,konkretisht nga viti 94-ër,elita politike kosovare dhe disa qarqe fetare të ndikuar nga dogma e krishtere u futën në avantura të rezikshme ngjashëm si ajo e Car Lazarit.dhe në vend të rezistencës mbarrë popullore për çlirimin e Kosovës,zgjodhën mëshirën e Zotit i cili do të i shpetonte nga okupatori serb duke imponuar shqiptarëve krishterimin si fe e të parëve tanë, zëra të cilë edhe sot janë duke ndikuar keç si në politikën shqiptare poashta edhe në marredhenjet në mes komuniteteve fetare shqiptare,edhe pse zyrtarisht nuk konfirmohet, është lehtë e dukshme.
Pra,një zgjidhje e gabuar e cila do të shkatrronte gjithçka dhe çdo të arritur në rafsh Kombetarë,në pikë të parë bashkëjetesën e shkëlqyer shekullore në mes komuniteteve fetare si pasuri kulturore historike shqiptare,që nuk e ka asnjë popull në botë.

Një luftë e mudshme fetare e cila do të u shkonte për shtat armiqve të shqiptareve,në veqanti serbeve grekeve dhe maqedoneve,jo që nuk do i sillte liri Kosovës dhe shqiptarve,por do të vendoste në pikëpyetje edhe egzistencën e shtetit shqiptarë-Shqipërisë.

Për fat të mire populli shqiptarë doli më i pjekur se çdo subjekt tjetër dhe nuk ra në grackat e doktrinave fetare dhe politikave autoritative dhe mbetëm ato që ishim,kurse serbi nuk e luftoj shqiptarin musliman gjate luftes nacionalclirimtare,katoliket nuk arriti të i fuse në gjirin e Gospodin Gospodin Pavles..se kure serbi do arrij të luftojë shqiptarët musliman në Kosovë,në Maqedoni dhe në luginën e Presheves,është çeshtje kohe se kur do të pajtohet me realitetin se miti serb ka vdekur,dhe kjo do të ndodhë shumë shpejt nese murrizi nuk ben me pyetje provokative në favor të serbise.

[Zero Cool]

SHBA, EULEX dhe OSBE dënojnë dhunën ndaj monumenteve serbe në Kosovë


Prishtinë, 21.01.2013

Ambasada Amerikane në Prishtinë, EULEX dhe OSBE, Misioni në Kosovë, nëpërmjet reagimeve të tyre kanë dënuar dhunën ndaj monumenteve serbe në KosovëNë reagimin me shkrim e Ambasadës sëe SHBA-ve në Prishtinë thuhet:

“Ambasada e SHBA-ve në Prishtinë ka parasysh rëndësinë e heqjes së monumentit shqiptar në Luginën e Preshevës gjatë fundjavës dhe shpreh keqardhje që ky veprim ka shkaktuar një reagim të dhunshëm në Kosovë. Shtetet e Bashkuara dëshpërohen nga ky përdorim i dhunës dhe dënojnë përsëritjen e dhunës kundër monumenteve të Serbëve të Kosovës, kishave dhe komuniteteve që kanë ndodhur gjatë natës. Jo vetëm që këto sulme dëmtojnë frymën e multikulturalizmit në Kosovë, por ato gjithashtu vene ne shenjester komunitetet e Kosovës për vendimet e marra në Beograd.

Shtetet e Bashkuara i bëjnë thirrje popullit të Kosovës që të respektojnë vlerat e përbashkëta të paqes dhe të tregojë vetëpërmbajtje. Apelojmë që protestat të jenë të qeta dhe të mbështesin plotësisht qeverinë e Kosovës në thirrjet e saj për qetësi”.

Ndërkohë, EULEX duke dënuar dhunën ndaj varrezave ortodokse thotë:

“EULEX-i dënon aktet e vandalizmit apo format e tjera të dhunës. Protestat paqësore janë normale në çdo shoqëri moderne dhe demokratike, por përdhosja e qëllimshme e varrezave dhe objekteve fetare është absolutisht për të u dënuar. EULEX-i u bën thirrje qytetarëve të respektojnë ligjin dhe të tregojnë vetëpërmbajtje ndaj çdo akti të dhunshëm. Policia dhe prokurorët e EULEX-it janë duke vëzhguar nga afër situatën dhe duke bashkërenduar me Policinë e Kosovës dhe KFOR-in. EULEX-i është i gatshëm të ndërhyjë dhe të mbështesë institucionet vendore të sundimit të ligjit nëse është e nevojshme

Edhe shefi i Misionit të OSBE-së në Kosovë, Ambasadori Jean-Claude Schlumberger, dënoi sot ashpër përdhosjen e disa varrezave ortodokse dhe monumenteve fetare nëpër Kosovë.

Gurët e varrezave ortodokse janë dëmtuar gjatë natës në komunat Kllokot, Obiliq dhe Prizren. Për më tepër, kisha e vogël në varrezën ortodokse në Obiliq mori zjarr. Këto akte vijnë pas përdhosjes së raportuar dhe të dënuar të varrezës ortodokse në Fushë Kosovë një javë më parë.

“Unë i dënoj fuqishëm aktet e përdhosjes së varrezave ortodokse në Kosovë”, tha Schlumberger. “Përdhosja e varrezave dhe monumenteve fetare është e papranueshme dhe shkel jo vetëm të drejtat e komunitetit fetar dhe etnik të cilit i përkasin, por edhe të shoqërisë në tërësi”.

“Unë jam i tmerruar nga këto akte të neveritshme vandale dhe e përshëndes dënimin e bërë nga ana e institucioneve të Kosovës. I bashkohem thirrjes së institucioneve drejtuar të gjitha komuniteteve për qetësi dhe përmbajtje nga çfarëdo akti që do të mund të çonte në dhunë. Unë e mirëpres gatishmërinë e policisë së Kosovës për të rritur masat e sigurisë për rreth vendeve fetare ortodokse dhe u bëj thirrje organeve të zbatimit të ligjit që sa më shpejt t’i identifikojnë dhe sjellin para drejtësisë kryesit e këtyre veprave”, tha Ambasadori Schlumberger.

Misioni i OSBE-së në Kosovë ka për mandat mbrojtjen dhe promovimin e të drejtave të njeriut, demokratizimin dhe zhvillimin e sektorit të sigurisë publike.

Në tetor të vitit 2011, Misioni i OSBE-së në Kosovë publikoi një katalog dhe një raport për gjendjen e varrezave ortodokse në Kosovë.