Lajme

[Gentiani]

Madelein Bardhi nga Gjakova, pagëzuar me emrin Madelein Albright nga Shtetet e Bashkuara të Amerikës

nga - BEQIR SINA, Nju Jork




Dy Madelein, njera lindi me lirinë e Hebrenjeve dhe tjetra me lirinë e Kosovës

BENSONHURST - BROOKLYN (NY) "Ollbrajt nderohet me Medaljen e Artë të Lirisë", nga Kosova, medalje kjo që Presidenti i Kosovës, dr. Ibrahim Rugova, i'a dorëzoi ish-sekretares amerikane të Shtetit, Medlin Ollbrajt, më 12 qershor 2004, në 5-vjetorin e Ditës së Lirisë të Kosovës. Pas, marrjes se medaljes "Medalje e Artë të Lirisë", me të cilën e ka dekoruar që Presidenti Rugova, ajo zhvilloi edhe një takim me presidentine Kosovës, ku bisedoi për gjendjen aktuale në Kosovë.
Presidenti Rugova, pasi shprehu kënaqësinë për takimin me zonjën Ollbrajt, e çmoi si mike të madhe të Kosovës dhe të popullit tonë.

"Kosovës i kam kushtuar shumë kohë, duke menduar se si ta ndihmoja.Shumë shpesh jam ndierë edhe e shqetësuar për të. Prandaj sot jam shumë e kënaqur që jam këtu, pikërisht këtë vit që është vendimtar për Kosovën", - u shpreh pas takimit me Rugovën, Ollbrajt.
Ish-sekretarja e Shtetit porositi që në Kosovë duhet të zhvillohet demokracia dhe kërkoi mbrojtjen dhe respektimin e të drejtave të
pakicave. "Të gjithë duan t'ju ndihmojnë. Unë nuk e përfaqësoj SHBA-në të zyrtarisht, por po flas si një qytetare amerikane dhe, shpresoj, si një mike e këtij vendi, do të bëj çdo gjë që t'ju ndihmojmë dhe, sepse ky vit është vendimtar për Kosovën", - theksoi Ollbrajt, duke thënë më pasë se" E ndiej veten kosovare".
Kjo thënje e saj ka shumë kuptime, - në se do t'i referohemi edhe editorialit të agjencisë së lajmeve AP (Associated Press), më 6 shkurt 2003, nga gazetari i saj William J. Kole, me titull "Reviled in many places around the world, Americans are adored in Kosovo". Jo pa qëllim pas kësaj vizite, ju kthyem edhe një her këtij editoriale të cilit pas botimit në axhesinë të madhe amerikane ju referuan thuajse të gjitha gazetat më të mëdha merikane. Të cilat, botuan të njëjtin artikull, ku shkruhet se në Kosovë amerikanët janë më të sigurtë dhe më të admiruar se në çdo vend tjetër të botës.
Editoriali shkruante se flamuri amerikan është prezent dhe valvitet në çdo shtëpi shqiptari të Kosovës. Një çift shqiptar nga Kosova, pas luftës me krenari, në shenjë mirënjohjeje, i kanë vënë emrin vajzës së tyre, Madeleine Albright. Editoriali citon se edhe një pallat i lartë gjashtëkatësh në qendër të Prishtënës, ka emrin dhe posterin gjigand të Presidentit Bill Klinton, kur edhe bulevardi më i madh i Prishtinës, mban emrin e Presidentit Bill Klinton.
Gjithçka kulmon në Kosovë, me vendimin e Presidentit të Kosovës, Dr. Ibrahim Rugova, i cili, ka vendosur që ndërtesa e Presidentit të Kosovës, të emitojë nga ana strukturore Shtëpinë e Bardhë "White House," dhe të thirret me të njëjtin emër. Ndërkohë, të gjitha këto argumente gjenden në Kosovë, kur shumë pjesë të botës duke përfshirë edhe vende fqinje nuk i duan amerikanët, si shqiptarët. Por, në Kosovë ndryshon gjithçka, merikanët janë më të sigurtë, më të admiruarit e më të mirëpriturit.
"Kur unë shoh skena të tilla, kur njërëz të ndryshëm djegin flamurin amerikan, jam thellësisht i vrarë", thotë Dr. Besnik Bardhi nga Gjakova, në ug-perendim të Kosovës, qyteti i cili, thuhet se ka edhe numrin më të madh të të vrarëve gjatë luftës e gjenocidit në vitet 1989-99.
Presidenti i Kosovës Dr. Ibrahim Rugova ia dedikon gjithë këtë mrekulli - admirimin dhe respektin që kanë shqiptarët, për Amerikën, Presidentëve Willson, Reagan, Bush Plaku, Klinton e tjer. Presideti i Kosovës Dr Ibrahim Rugova thotë: "Ne i duam amerikanët sepse ata na dhuruan lirinë që ne dëshironim". Rugova vazhdon duke thënë se "pikërishtë për këtë ka një respekt të madh dhe ideal". "Me Amerikën ne jemi të vegjël, por miq të mëdhenj që mund të bëjmë edhe punë të mëdha", thotë Rugova.
Pasë vizitës së ish-sekretares së Shtetit, Madelein Albright në Kosovë, gazeta kombëtare Bota sot, zhvilloj një bisedë me prindërit e vajzës Madelein Bardhi nga Gjakova, pagëzuar me emërin Madelein Albright nga Shtetet e Bashkuara të Amerikës.

BOTA SOT: Dr. Bardhi, Si përjetoj ju dhe familja juaj vizitën në Kosovë, të ish-sekretares së Shtetit, Madelein Albright ?


Dr. Besnik Bardhi : Ne ishim në pushime verore në Allanya të Turqisë deri më 1 korrik. Në Gjakovë fillova punen menjëherë dhe lajmin për ardhjen e znj. Albright e kuptova nga një pacient i cili më pyeti se a do të takohemi me te. Mbeta i hutuar për një moment, nuk dija fare për ardhjën e saj në Kosovë. Në kokën time filluan të më sillen lidhjet të cilat duhet aktivizuar për të më bërë aranzhimin e takimit. U ula pran kompjuterit deri në orët e vona të mbrëmjes dhe falë internetit arrita që të dërgoj shumë letra në adresa të ndryshme elektronike. Njëra nga ato adresa ishte ajo e Institutit Kombëtar Amerikan për Demokraci në Prishitinë. Të nesërmen ndodhi mrekullia, dikush nga zyrtarët e këtij institucioni më informoj me telefon, se takimi aq shumë i pritur do të realizohet më 4 korrik, në Prishtinë, pikërisht në ditën e festës së madhe amerikane. Ishte ënderr e kahmotshme që të takoj Medlinen time të vogël me Medlinën e madhe.

BOTA SOT: Dr Bardhi, na tregoni sesi ju lindi ideja që të vinit emërin ish-sekretares së Shtetit, Madelein Albright, në ato momente lufte?


Dr. Besnik Bardhi : Ishte periudhë e luftës së përgjakshme, ishte viti 1999 koha e bombardimeve në Kosovë. Me bashkeshortën time, si gjithë shqiptarët, përjetuam çaste dramatike. Situatat (me duket kam lexuar diku në një liber për historinë e dramaturgjisë), nuk mund të shpjegohen me fjalë. Nuk do të mundja t'i shpjegoj, edhe sikur të isha shkrimtar. Vdekja rrinte pran nesh. Varej kush nga ne,të gjithë shqiptarët, nga cili pozicion e shihnim vdekjen, dhe natyrisht, në çfarë distance. Na doli pengesa të mund të largoheshim për në Shqipëri, bashk me të tjerët. Ime shoqe mbante shtatzënësi të rëndë.

Të rëndë.meqë shtat vjet pësonte dështime pas dështimeve në lindje. Dikush duhej të vdiste: ose fëmija ynë, nëse merrnim rrugë,ose ne të
gjithë së bashku, nëse qendronim midis flakës se tmerrshme të pirromanëve paramilitarë serbë. Në këtë situatë ne mbetëm në Gjakovë gjatë tërë kohës. Dëshira e Zotit ishte që ne të mbijetojmë.Qëndrimi historik i Shteteve të Bashkuara të Amerikës për përfundimin e luftës
në Kosovë, ishte shkaku kryesor që, atëherë, nëvlugun e luftës, të vendosim për emrin e femijës. Kuptohet, nëse do ta mbijetonim luftën.
Atëherë jemi betuar se nëse lind djal do ta pagëzojmë Klinton, e nëse lind vajzë,do të ketë emrin e të madhërishmës znj. Albright.

Kjo duhet të bëhëj vetëm për arsye morale, si shenjë falënderimi dhe mirënjohjeje deri në amshim, ndaj miqve tanë amerikan, që nuk kursyen asgjë vetëm që ta shpëtonin nga shfarosja popullin shqiptarë në Kosovë. Pas shtat dështimeve të njëpasnjëshme, kësaj radhe ndodhi mrekullia. Më 01.11.1999, me sectio cesarea, lindi një vajzë ëngjëllore, e cila deshi fati dhe qëndroj në këtë botë dhe
ta shijoj jetën në Kosovën e lirë. Vajza ime gjakonte Kosoven e lirë. U lind vështirë , si lind edhe liria. Zoti e bekoj familjen time më
lindjen e Medlinës së vogël. Ky fëmijë padyshim është dhuratë nga Zoti në qiell dhe misinonarët e tij në tokë. Menjëherë pas lindjës së
vajzës, më lindi ideja të shkruaj një letër në adresë të znj.Albright, ku do ta njoftoja atë se çka më frymëzoj ta pagëzoj vajzën time me
emrin e saj. Letra u pranua në States Departëment. Atë ia dorëzoi znj. Albright personalisht z.Ilir Zherka. Është interesant të theksohet
edhe një shkrim që u publikua më 21.11.1999, në gazetën e Floridas " S.Petersburg Times ", me titull " Foshnja kosovare me emër të Albrightit" i autorës S.T.Martin.
Aty mes tjerash citohet dhe deklarata e zëdhënësit të Shtëpisë së Bardhë, z.James Rubin, i cili deklaron: "Jam i sigurt se sekretarja
Albright do të jetë shumë e prekur kur të njoftohet se një familje kosovare e nderon atë në këtë mënyrë. Pas një kohe të shkurt pasoj
përgjegja me një letër nga z.Albright, ku ajo shpreh knaqësinë dhe gëzimin për këtë ngjarje dhe i dërgoi gjithashtu Medlinës së vogël një
foto me përkushtim. Foto e kësaj zonje të madhe do të jetë përjetësisht e varur në dhomën e Medlinës, si relikt i çmuar dhe i shenjtë.


BOTA SOT: Po Madelein Bardhi nga Gjakova, si ndjen veten me emërin Madelein Albright nga SHBA-s, ?


Dr. Besnik Bardhi : Janë gjëra të habitshme në këtë jetë, Medlina shqiptare nga Gjakova ka qëndrim shumë dinjitoz dhe është shumë e
lumtur dhe krenare për emrin e bukur që ka trashëguar nga një figurë e shenjtë në historinë e re të Kosovës, si është z.Albright. Ajo është shumë mirë e informuar kush është kjo zonjë e madhe dhe çfarë rëndësie ka për popullin shqiptar në Kosovë..


BOTA SOT: Si u takuan Medlina amerikane( ish-sekretarja e Shtetit, Madelein Albright) dhe ajo shqiptare(Madelein Bardhi) në Prishtinë,
ishte ky takimi i parë apo ka pasë edhe takime të tjera?

Dr. Besnik Bardhi : Ishte gëzim i papërshkruar për familjen tonë, lajmi se do të realizohet takimi i pritur gjashtë vite. Fakti se më në
fund do të takohen dy Medlinat zgjonte emocione të jashtëzakonshme. Takimi i parë u realizua në foajen e Pallatit të Rinisë dhe Sporteve në Prishtinë. Nga disa metra larg z.Albright e njohu adashën e saj, Medlinën duke i thënë në anglisht: " Unë jam Medlina dhe ti je Medlina ". Pastaj u afrua dhe e përqafoj shumë Medlinën e vogël. " Medlina qenka bërë bukuroshe dhe e rritshme ", na tha znj.Albright, derisa po përqafonte trashëgimtaren e emrit të saj… Nga afërsia patëm mundësi edhe unë dhe bashkëshortja të pëshendetemi dhe të komunikojmë me znj.
Albright.Në pyetjen time pëe letren dërguar asaj në vitin 1999, u përgjegje :" Sigurisht më kujtohet ".Ky ishte takimi i parë aq shumë i
pritur nga ne.

BOTA SOT: Organizatorët e takimit kishin parashikuar që takimi i parë të bëhët në foaje?.


Dr. Besnik Bardhi : Po, së pari në foajen e pallatit të Rinisë dhe sporteve në Prishtinë, e pastaj sipas protokolit duhej ti dhuroj një
tufë lule pas fjalimit të sajë para publikut të mbledhur aty në afërsi, ku u mbajt një rock koncert i madh për nderë të 4 korrikut
Ditës së Pavarësisë së SHBA-ve.

BOTA SOT: Çfarë thonë shokët e shoqet e sajë, të afërmit e tu dhe qytetarët e Gjakovës, po Kosova?


Dr. Besnik Bardhi : E tërë Kosova është e njoftuar që në ditët e pasluftes për Medlinen shqiptare nga Gjakova, nga shtypi vendor dhe ai amerikan. E vërej që të gjithë e thërrasin më shumë dashuri dhe ngrohtësi emrin e sajë. Shifet qartë në çdo shqiptim të ketij emri
dashuria e pafund për znj.Albright dhe USA. Që nga fillimi të gjithë e kan aprovuar idenë time për pagëzimin e Medlinës më këtë emër dhe më kan përgëzuar shumë. Ky emër duhet edhe në të ardhmën të hyjë në përdorim si emër shumë i dashur dhe i çmuar për
vajzat e posalindura shqiptare. Medlina ka shumë shoqe, posa e ka përfunduar parashkolloren dhe në shtator starton në klasën e parë, të
gjithë ata fëmijë kan njohuri pse ajo mban atë emër.Të gjithë jemi krenar për te dhe emrin që ajo trashëgoj, jo vetem familja ime, qyteti
im por e tërë Kosova.


BOTA SOT: Çfarë lidhjesh kanë mbetur tani pas takimit të Prishtinës dhe njohaj ish-sekretares së Shtetit, Madelein Albright me Madelein
Bardhi nga Gjakova ?

Dr. Besnik Bardhi : Padyshim lidhja shpirtërore më te nuk do të shkëputet përjetësisht, ashtu si nuk do të shkëputët kurr as miqësia
mes Kosovës dhe SHBA-ve. Ne edhe në të ardhmën do të mbajmë lidhje me idhullin tonë , znj. Albright, ajo është pjesë e historisë së Kosovës së re dhe kombit shqiptar. Ajo është në zemrat e çdo shqiptari në Kosovë.

BOTA SOT: Cila është simbolika e këtij emëri, krahasuar me atë çka bëri Amerika për Kosovën ?

Emrat si : Presidenti Clinton, znj. Albright, Clark, Voker… edhe një herë dëshmuan si në kohën e Presidentit Vilson, se shqiptarët kan mikun më të shtrenjtë SHBA-t. Dashuria ndaj SHBA-ve, në Kosovë , është aq madhe sa nuk mund të krahasohet më asnjë shtet tjetër në botë. Medlina, Kosova , Albright, SHBA –t , patjetër do të jenë mike dhe së bashku deri në amshim.

BOTA SOT: Ju faleminderit, vajzës suaj i urojmë shëndet dhe fat dhe që ajo të rritet së bashku me pavarësinë e Kosovës!

Dr. Besnik Bardhi : Ju falëmnderit juve për këtë bisedë, knaqësia ishte e imja, këtu edhe një herë mu dha rasti të shpalosi ndjenjat, jo
vetem të Medlinës së vogël, të familjës sime, por të tërë Kosovës për miqtë tanë dhe për dashurinë që ndjejmë për SHBA-t, si prijetare në
mbrojtjen e vlerave demokratike dhe njerëzore në botë. Juve ju dëshiroj suksese në punë të mëtejme.

[Fshatari]

Radio Europa e lirë :"ISLAMABAD
Presidenti pakistanez Pervez Musharraf tha sot se Al Kaida, e cila në Pakistan është "e thyer", nuk ka mundur t'i drejtojë sulmet terroriste në Egjipt dhe Londër.
Musharraf i hodhi poshtë si "totalisht të pabaza" sugjerimet se rrjeti i Al Kaidës e ka qendrën në Pakistan.
Më parë, policia e Egjiptit tha se është në kërkim të 6 pakistanezëve, të cilët kanë qenë në Sharm El Sheik në kohën e sulmeve.
Policia gjithashtu tha se ka paraburgosur më shumë se 90 persona në kuadër të hetimeve për sulmet që lanë rreth 60 të vrarë".

Shtrohet pyetja se kush ndodhet pas këtyre atentateve.
Për vetën time, jam i bindur se në prapaskenë qendrojnë vendet që iu kanë kundërvënë ndërhyrjes ushtarake amerikane në Irak, të udhëhequra nga Franca.
Qellojani se kush mund të jenë terroristët!

[Fshatari]

Ministrja e jashtme zvicrane, Micheline Calmy-Rey, do të vizitojë zyrtarisht Kosovën duke filluar nga dita e shtunë. Vizita e saj do zgjasë 3 ditë.
Në vigjiljen e kësaj vizite, shefja e diplomacisë zvicrane ka deklaruar para gazetarve se koha ka ardhur "për njohjen formale të shtetit të Kosovës"!. Ajo mbron në këtë mënyrë propozimin e ambasadorit zvicran në Kombet e Bashkuara, Peter Maurer, i cili, në maj të këtij viti kishte formuluar para kombeve të bashkuara një propozim të tillë.
Ministrja zvicrane nënvizon se pavaësia e Kosovës është edhe në interesin e vetë Zvicrës ku 10% e popullësisë është e përbërë me kosovar.

[arbias]

Anetaresia e PS: Te largohet Nano


Data e Publikimit: 27/07/2005

Autori i Lajmit:

Anetaresia e Partise Socialiste te Krujes ka reaguar mjaft ashper ndaj fajesimit qe po i behet bazes socialiste per humbjen e zgjedhjeve te 3 korrikut, duke hedhur poshte cdo lloj akuze ndaj saj. Ne nje leter te firmosur nga rreth 212 anetare socialiste, kerkohet doreheqja e Kryeministrit dhe Kryetarit te PS-se, Fatos Nano, doreheqja e Kryesise socialiste, berja e Kongresit te Jashtezakonshem, deklarimi i zgjedhjeve te reja e te lira ne te gjithe bazes e PS si dhe ribashkimi i se majtes.

"Duke hedhur poshte me neveri cdo akuze ndaj bazes, ne kerkojme llogari nga udheheqja per kthimin ne pushtet te Sali Berishes. Cdo te behet tani me socialistet e thjeshte nga Vermoshi ne Konispol? Kete llogari ta japin para popullit ata qe bejne pushime pasi nuk mbrojten dot voten tone, jo ne qe dhame voten dhe nuk kemi mundesi ekonomike per te bere asnje dite pushime", nenvizohet ne letren drejtuar Kryesise se selise roze. Sipas socialisteve te Krujes, masakra e filluar me votat e te majtes nga percarja dhe kulti i individit gjate fushates zgjedhore, po vazhdon me pazaret imorale te Lufter Xhuvelit dhe Paskal Milos. "Analizat nga poshte-lart jane trupi i atyre qe po i pergatisin! Ne kerkojme pergjegjesine nga lart-poshte", perfundon letra.

Pak dite me pare, ishin socialistet e Mamurrasit dhe Kurbinit ata qe kerkuan mbajtjen e Kongresit te Jashtezakonshem te PS-se, per te analizuar humbjen e 3 korrikut. Keshilli Zonal i Partise Socialiste ne Mamurras (Kurbin) shprehte keqardhjen e tij per humbjen e zgjedhjeve parlamentare te veres, me nje peticion drejtuar Kryesise se selise roze. Sipas tyre, PS humbi zgjedhjet per faktin se votat e se majtes u shperndane pa inventar dhe askush nuk mori pergjegjesine politike per administrimin e tyre.

"Ndjehemi te braktisur nga qendra dhe te fyer nga perpjekjet e ndonje kuadri per ta lene fajin e humbjes tek baza e partise. Baza e dha voten, kurse qendra e humbi ate rruges me papergjegjshmeri. Ne bejme thirrje per te dale nga kjo humbje e turpshme qe penalizon 500 mije socialiste ne te gjithe Shqiperine", thuhet ne peticionin drejtuar Kryesise se PS-se. Nga ana tjeter, Keshilli Zonal i PS se Mamurrasit dhe Kurbinit kerkon thirrjen e Keshillit te Pergjithshem Drejtues dhe Kongresit te Jashtezakonshem te PS, per te bere zgjedhje te reja me parimin "nje anetar nje vote", duke filluar nga kryetari.

[arbias]

Lajme

KQM e vlerëson ndërhyrje flagrante vendimin e qeverisë për shkarkimin e rektorit Kosovë

Kabineti i Qeverisjes së Mirë e vlerëson ndërhyrje flagrante, të paligjshme dhe të motivuar politikisht vendimin e qeverisë për shkarkimin e rektorit të Universitetit të Prishtinës. Shefi i kabinetit, Hashim Thaçi, tha sot se arsimi kosovar është në krizë, në të gjitha nivelet, dhe se kjo çështje do të shtrohet edhe në Forumin Politik të Kosovës. Ai e përshëndeti lirimin e Rrustem Mustafës dhe tre ish-pjesëtarëve të tjerë të UÇK-së nga burgu, duke kërkuar njëkohësisht që të lirohen të gjithë ish-luftëtarët që po mbahen në burgjet e UNMIK-ut.


“Ne kemi kërkuar nga Qeveria e Kosovës dhe do të kërkojmë edhe nga Parlamenti që të institucionalizohet kërkesa dhe e drejta që të gjithë luftëtarët e lirisë të lirohen sa më parë nga burgjet dhe të mos mbesin pengje të procesit politik”. Në mbledhjen e sotme të Kabinetit për Qeverisje të Mirë është diskutuar edhe për raportin 100 ditësh të qeverisë Kosumi, i cili u vlerësua joreal dhe i papranueshëm. Sidoqoftë, ai shfaqi besimin e tij se grupi i Kontaktit do të ketë reflektime të drejta dhe në përputhshmëri me orientimet e qytetarëve të Kosovës, për hapjen e procesit i cili do të çojë në krijimin e shtetit të pavarur dhe sovran të

Kosovës.


AMIN

[Gentiani]

Shteti Serb Ikonë e Terrorizmit

Shkruan: Fatmir Arifi

Të gjithë shtetet Perëndimore janë të shqetësuara për terrorizmin, për shkak të rrezikut që përbën ai si dhe të ankthit dhe tronditjes së madhe që ngjallë në publik. Ky fenomen negativ vazhdon të mbetet një kërcënim serioz për njerzimin. Edhe përkundër faktit që jemi në shekullin e 21, shumë vende vazhdojnë të ndihen të kërcënuara nga terrorizmi global. Janë me dhjetra vende që kanë përjetuar goditje sporadike nga terorizmi dhe një gjë të tillë , jo për të parën herë, e përjetoi edhe Britania e Madhe, e cila u godit pikërisht në ditën kur vendet e zhvilluar mbanin një konferencë për ti ndihmuar vendet e pa zhvilluara. E keqja e saj është se këto sulme janë të sponzorizuara nga shtetet e ndryshme të cilat tentojnë të krijojnë kaos në vendet tjera përmes akteve terroriste, duke krijuar pasiguri tek opinioni publik. Andaj këtij fenomeni negativ duhet t'i qasemi me shumë kujdes, ngase sponzorisuesit e kamofluar gjenden pikërisht në zemër të Europës. Në këtë kontekst, pistat e hulumtimit duhen të gjurmohen në shumë relacione, sepse veprimtaritë e tilla po ndihmohen edhe përmes formave të tërthorta. Në këtë relacion Serbia ka luajtur dhe po luan një rol shumë të rëndësishëm, duke furnizuar përmes kanaleve të saj interne grupe të ndryshme, të cilat po kërcënojnë sigurinë botërore.

Një gjë të tillë u dëshmua edhe në rastin e sulmit në Londër, me ç'rast vdiqën dhjetra njerëz të pafajshëm dhe u plagosën me qindra të tjerë. Sipas ekspertit të njohur kundër terrorizit, Shahmis, i cili është edhe kryeredaktor i gazetës Debka të Izraelit, materiali i përdorur në këtë sulm, kishte prejardhje nga Serbia dhe kjo nuk është hera e parë që përpjekjet për prishjen e paqes në botë i provokon shteti serb. Si zakonisht, siç edhe pritej, ministria e mbrojtjes e Serbisë përgënjeshtroi lajmin se eksplozivi ushtarak ka dalë nga depotë e saja, por më 14 korrik publikimi i "Debka-s", një gazetë e lidhur ngushtë me shërbimin intelegjent izraelit, përsëriti se "Beogradi është vendi ku Al Kaida shkon të blejë eksploziv dhe armë për sulmet e veta terroriste".

Duhet kujtuar se vërtetësia e burimit izraelit, nuk duhet vënë në dyshim për shumë arsye:


1.. Izraeli dhe shërbimi intelegjent i tij ka një eksperiencë të njohur në
çështjet e terrorizmit ndërkombëtar, dhe të lidhjeve të organizatave terroriste.
2.. Izraeli nuk ka asnjë interes politik në Serbi që të shpikë dhe të përfitojë nga kjo shpikje lidhje dhe trafiqe që nuk ekzitojnë.
3.. Ekplozivi plastik ushtarak i prodhuar në Serbi është verifikuar se është përdorur edhe në Irak dhe vende të tjera të Lindjes së Mesme nga organizatat terroriste të lidhura me Al Kaidan.
Kjo është verifikuar edhe nga ekspertët e SHBA-ve, përmes ekzaminimit të eksplozivëve dhe të armëve të kapura në Irak.

Duhet të theksojmë se në vjeshtën e vitit 2002, autoritetet kroate sekuestruan 208 ton nitrocelulozë dhe nitroglicerinë, e cila ishte pronë e Ministrisë së Mbrojtjes të Serbisë që destinohej për në Irak. Prandaj një realitet i tillë nuk është ad-hoc, apo thjeshtë një trafik ilegal armësh. Këtu kemi të bëjmë me një elitë politike shtetërore, e cila përmes shërbimit intelegjent të saj po financon dhe sponzorizon
rrjetet terroriste ndërkombtare. Duke i pasur parasysh pasojat dhe rreziqet e llojeve të ndyshme të eksplozivëve, dhe të armëve të tjera ushtarake, është naivitet të mendohet se ato janë kontrabanduar nga trafikantë pa ndikime shtetërore, andaj domosdo shtrohet pyetja se cila është lidhja në mes të Serbis dhe terrorizmit ndëkombëtar ?

Historikishtë Serbia dhe strukturat e saj politike në përgjithsi, tradicionalisht kanë ushqyer ndjenjat e tyre me një ideologji antiperendimore (anti Anglo-Amerikane), dhe në këtë relacion një rol të rendësishëm ka luajtur edhe kishaortodokse sllave nëpërmjet .......

Prandaj, këto rrethana na lënë të nënkuptojmë se Serbia ka një bazë të përbashkët ideologjike dhe filozofike me Al Kaidën, si dhe me organizatat e tjera terroriste. Sigurisht që kjo lidhshmëri edhe në të ardhmën ka për të krijuar mjedise të përshtatshme për veprimtari të natyrave të tilla siç ishte tagjedia e Londrës dhe e vendeve të tjera.

Serbia ka një traditë të gjatë në veprimin dhe sponzorizimin e terrorizmit ndërkombëtar, edhe përkundër faktit që ajo është goditur nga Aleanca Veri-Atlantike në vitin 1999, ajo nuk ka bankrotuar ushtarakisht, përkundrazi disponon me stoqe të mëdha të arsenalit ushtarak dhe të armatimeve moderne, me ç'rast furnizon shtete dhe
grupe të ndryshme terroriste.

Këtë çështje e vërteton raporti zyrtar (RFE/RL) i specialistëve të Organizatës së Kombeve të Bashkuara, të datës 1.11.2002, sipas të cilit qeveria e Beogradit në mënyrë ilegale u ka liferuar armë Irakut, Libisë dhe disa shteteve të tjera të Afrikës, të cilat ndodhen nën embargo, për shkak të ndikimit të disa zonave të luftës. Po ashtu sipas të njejtit raport, del se Serbia dhe Mali i Zi gjatë muajve
qershor-gusht 2002, i kanë liferuar më se 200 tonelata armë dhe pajisje të ndryshme ushtarake qeverisë së Libisë. Tani më botërisht, është e njohur se, Serbia dhe Mali i Zi, kanë këmbyer transanksione ushtarake edhe me vendet arabe, me Kubën, me Ukrainën, me Bellorusinë dhe me Rusinë. Format e kontraktimit, të shitjes dhe të liferimit të armëve dhe pajisjeve ushtarake Serbia i ka kryer përmes fabrikës së njohur ushtarake"Orao",e cila është e dislokuar në zonën serbe të Bosnjës, me ç'rast ka qenë e përfshirë në riparimin e aeroplanëve të Irakut, si dhe përmes firmave të tjera civile të Beogradit si "Jugoimport" dhe "Temex" etj.

Kundër kësaj forme të furnizimit me armë nga Serbia, pat reaguar Ambasada e SHBA-së në Sarajevë në vitin 2002. Gjithashtu, ka reaguar edhe nënsekretari shtetëror i kontrollit të armëve dhe të sigurisë ndërkombëtare të SHBA-së Xhon R.Balton, duke nënvizuar se, "Serbia e ka ndihmuar Libinë në programin zhvillimor të raketave
balistike, si dhe përmes firmës "Jugoimport" ka lidhur kontrata me Irakun për zhvillimin dhe prodhimin e motorëve të raketave Cruise".(The Spectator, 11.2.2002).

Mirëpo, me gjithë këto vërejtje dhe paralajmërime serioze të OKB-së dhe të SHBA-së, kundër Serbisë nuk u ndërmor asnjë masë "preventive", që kjo të vihej nën embargo (sipas ligjeve përkatëse ndërkombëtare) për pezullumin e kontrabandimit të armëve (eksport-import) me shtete të ndryshme në Evropën Lindore, në Afrikë dhe në Ballkan.

Duke pasur parasysh këto fakte, del se krijimi i këtyre lidhjeve shtetërore serbe me shtetet e njohura që sponzorizojnë terrorizmin si dhe me organizatat terroriste ndërkombtare, nuk ka qenë i papritur për institucionet ndërkombtare, sepse sipas të dhënave të publikuara vetëm gjatë vitit 2002, transakcionet e realizuara të shitjeve të armëve dhe mjeteve shpërthyese kapin shifrën prej 3,3 miliard dollarësh. Kështu që Beogradi është shëndrruar në një pistë të furnizimit intern të Al Kaidës duke mbetur vetë gjithnjë i qetë në pistat e tij furnizuese.

Nga këto skandale të krijuara nga qeveria e Serbisë si duket institucionet ndërkombëtare akoma nuk kanë nxjerrë mësime të duhura, dhe ende nuk kanë arrtur që ta kuptojnë së shteti sërb, jo vetëm në dekadën e fundit, por për shekuj me radhë ka qenë dhe do të mbetet ikonë e terrorizmit. Andaj institucionet ndërkombtare duhet ta zgjojnë ndërgjegjëjen që në asnjë mënyrë të mos lejojnë që mu në zemër të Europës të ekzistojë një shtet sponzorizues i terrorizmit ndërkombëtar me emrin Serbi.

Konsideroj se pavarësisht se kush qëndron pas këtyre akteve terroriste, këtij fenomeni duhet t'i mbyllet çdo pore e tij, pa marrë parasyh "mentorët" dhe aktorët e incimit, të mbështetjes dhe të financimit të tij.

[Dilaver]

Ish truproja e Berishes, Lushaj provon per disa ore qelite e policise

Lajmi i ores 12:20 PM

KORCE (9 Gusht) -Sali Lushaj, ish-truproja e Berishes, ne kohen kur ky i fundit ishte president i vendit, ka provuar dje per disa ore qelite e policise. Lushaj u shoqerua disa ore ne polici pas dyshimit te uniformave blu, se ndaj tij kishte nje urdher ndalimi nga Prokuroria, duke qene se eshte person ende nen hetim per ngjarjet e 14 shtatorit te vitit 1998. Burime zyrtare te policise bejne te ditur se Sali Lushaj u ndalua nga nje patrulle policie ne kinostudio, dje ne mesdite per disa verifikime, sipas policise. Sali Lushaj prej pese vjetesh nuk jeton ne Shqiperi. Pasi u zkuzua nga prokuroria per ngjarjet e dhunshme te 14 shtatorit '98, Lushaj u lirua nga gjykata e Tiranes, pasi la si garanci nje shume prej 15 mije dollaresh dhe u largua drejt Belgjikes, ku mori edhe statusin e azilantit politik. Kjo ka qene arsyeja, qe policia mendoi se ndaj tij kishte nje urdher ndalimi, arrestimi, apo per ekzekutim vendimi. Pas disa oreve ndalimi ne polici, eshte verifikuar plotesisht se ndaj Lushajt nuk ka pasur asnje urdher ndalimi nga Prokuroria e Rrethit dhe ajo e Krimeve te Renda, nga gjykata, apo nga vete Policia. Pergjigja negative e organeve hetimore dhe gjyqesore, ka bere qe Lushaj te rifitoje lirine ne pak ore. Mesohet se Lushaj ka ardhur ne Shqiperi para zgjedhjeve te 3 korrikut, dhe nuk dihet nese do te qendroje ne shqiperi, apo do te kthehet serish ne Belgjike. Sali Lushaj u akuzua per trazirat e 14 shtatorit te 1998. Ai eshte paditur ne gjykate per incidentin e Brukselit ku rrahu ne menyre publike ish ministrin e jashtem Paskal Milo dhe njihet gjithashtu si nje nga deshmitaret kyc te vrasjes se deputetit te PD-se, Azem Hajdari. em/em (NEWS24/BalkanWeb)

[Dilaver]

Kuzhina serbe “pushton” bulevardin


Belina Budini

TIRANË – Bërxolla derri, qofte e suxhukë të zgarës në bulevardin “Dëshmorët e Kombit”, pikërisht në sheshin para Piramidës. Tani që kioskat e qofteve dhe pulave të pjekura, që dikur mbushnin qendrën e Tiranës, janë harruar ose zhvendosur në periferi, tymi i zgarave dhe era e mishrave të pjekur në bulevard është kthyer si ekstravagancë, me lejen e bashkisë sigurisht. Ata që kanë zbarkuar me zgara e prush në sheshin përpara Piramidës nuk janë ambulantë shqiptarë, por punëtorë serbë të një prej rrjeteve më të njohura të restoranteve tradicionale në Serbi. Kanë ardhur të “pushtojnë” me guzhinën e tyre Tiranën, por edhe Durrësin e Vlorën, ku gjithashtu janë ngritur restorante të tilla provizore. Filiale të këtyre restoranteve me kuzhinë sllave, të quajtur “Perper” (që është paraja e lashtë malazeze), ka prej kohësh edhe në Holandë dhe Gjermani, por jo të vendosur në natyrë.
Zbarkimi gastronomik i serbëve në Tiranë duket se ka qenë i suksesshëm dhe në më pak se një muaj ata kanë krijuar tashmë klientelën e tyre, njerëzit e bulevardit, me të cilët nuk kemi parasysh ata që frekuentojnë qebaptoret, pasi çmimet e specialiteteve sllave që gatuhen në restorantin provizor përpara Piramidës, nuk janë për xhepat e atyre të fundit. Megjithëse serviren shpejt e shpejt në tavolina e karrige plastike, poshtë çadrash të vendosura nën diell, pranë trotuarit në rikonstruksion dhe rrugës ku rendin në çdo çast plot zhurmë makina të pluhurosura, gatimet e serbëve nuk kanë kaluar pa tërhequr vëmendjen dhe sidomos oreksin e kalimtarëve.
Milisav Shuroviç, 40 vjeç, nga Beogradi, që kryen edhe funksionin e drejtorit serb të restorantit (ka edhe një partner shqiptar), thotë se gatimi më i preferuar nga shqiptarët në restorantin serb është pa dyshim bërxolla e derrit e tymosur. Ai tregon se bërxolla, ashtu si edhe suxhukët e qoftet, përgatiten tërësisht në Serbi dhe vetëm sa gatuhen në Tiranë. Madje shton se edhe mishi merret nga kafshët e mbarështuara vetë dhe nuk blihet në treg. Milisavi (që nuk di asnjë fjalë shqip dhe me të cilin merremi vesh nëpërmjet përkthyesit malazez me origjinë shkodrane) na tregon se specialiteti i tyre kryesor në restorant janë pieskavicet, lloj qoftesh të mbushura me djathë dhe proshutë, të cilat kanë patur sukses edhe në Tiranë, pavarësisht çmimit relativisht të shtrenjtë.
Të gjithë punëtorët e restorantit janë serbë, deri edhe pastrueset. Një staf prej 12 vetësh punon në restorantin te Piramida, por dy grupe të tjerë serbësh janë vendosur në Vlorë e Durrës, ku Milisavi na thotë se po pëlqehen gjithashtu gatimet serbe. Menaxheri shqiptar preferon ta quajë këtë nismë si një lloj bashkëpunimi kulturor ndërmjet dy vendeve. Ai na shpjegon se për herë të parë, këto lloj gatimesh tërhoqën vëmendjen në Tiranë gjatë zhvillimit të panairit Klik Ekspo-Group dhe u vendos që të vinin me një restorant provizor, i cili do të qëndronte i hapur për afro një muaj këtu. Duket se po ky restorant provizor në natyrë, është një lloj testimi për të parë mundësinë e sjelljes së specialiteteve serbe në tregun shqiptar. Krejt të ligjshme interesat tregtare të serbëve, me të cilët shqiptarët kanë nga ana tjetër marrëdhënie shumë të hershme tregtare!



Edhe kosovarët në “sofrën” serbe

Duket se për vetë punëtorët serbë që gjenden në Tiranë, nuk ka qenë e lehtë të vijnë të punojnë në Shqipëri. Një pjesë e tyre tregojnë se nuk u kanë treguar familjarëve se ku po shkojnë të punojnë, pasi nuk do t’i kishin lejuar, për shkak të paragjykimeve të natyrës nacionaliste dhe për shkak të rrethanave që dihen tashmë. Megjithatë, tregojnë se janë të befasuar nga pritja dhe mirësjellja e shqiptarëve ndaj tyre, edhe pse përmendin rastin e ndonjë klienti kosovar që kur ka marrë vesh se aty gatuajnë serbët, është ngritur e ka ikur nga restoranti. Por ka patur plot nga ata klientë kosovarë që kanë vazhduar të hanë me shije pieskavicet, duke i kërkuar edhe një birrë kamerierit serb, për lehtësi komunikimi, në serbisht.

[Dilaver]

Gadafi fton në Libi presidentin Bush


E. K

Udhëheqësi i Libisë, Muamar Gadafi, ka ftuar presidentin amerikan, Bush, për një vizitë në vendin e tij. Ai e ofroi ftesën nëpërmjet senatorit amerikan, Richard Lugar, që po viziton Libinë si pjesë e përpjekjeve për të normalizuar marrëdhëniet midis Tripolit dhe Uashingtonit. Të dy vendet kanë rindërtuar lidhjet qëkur Libia vendosi të abandonojë armët e shkatërrimit në masë më 2003-shin. Më parë, djali i kolonel Gadafit bëri thirrje që çdo shkelje e të drejtave të njeriut në vend të hetohej. Kohët e fundit në Libi kanë shkuar edhe udhëheqës të lartë të BE-së, të cilët me vizitat e tyre kanë ndryshuar disi imazhin e këtij vendi në botë.

[Gentiani]

Kryeredaktori i gazetës “TEMA” është sulmuar dje pa asnjë shkak nga Gjolekë Malaj dhe tre persona të tjerë

Rrihet e dhunohet në mënyrë barbare Mero Baze

Në momentin e sulmit në fshatin Çepunë të Gjirokastrës, Baze ishte me deputetin Astrit Patozi

Lindita Çela

GJIROKASTËR- Rrihet e dhunohet në mënyrë barbare nga Gjolekë Malaj kryeredaktori i gazetës “TEMA”, Mero Baze, si dhe deputeti i sapozgjedhur dhe kryeredaktori i gazetës “Rilindja Demokratike”, Astrit Patozi. Ngjarja e rëndë ka ndodhur dje rreth orës 12.00 në fshatin Çepunë të Gjirokastrës, pranë qendrës së votimit numër 4232. Baze dhe Patozi kanë qenë duke udhëtuar me makinë teksa janë sulmuar pa asnjë shkak ose paralajmërim nga ana e Gjolekë Malajt dhe tre personave të tjerë. Gazetari Mero Baze është goditur në mënyrë barbare shumë herë në fytyrë dhe në trup nga ana e Malajt dhe personave që e shoqëronin. Si pasojë e goditjeve të marra, Baze ka dëmtime të rënda në fytyrë, të gjithë trupin si dhe i janë thyer tre dhëmbë. Ndërkohë, Patozi ka marrë disa dëmtime shumë të lehta. Vetë Mero Baze ka pranuar që të rrëfejë për “Shekullin”, menjëherë pas ngjarjes, të gjithë dhunën e ushtruar mbi të. Sipas tij, Gjolek Malaj dhe djali i Makbule Çeços, Artani, e kanë rrahur në mënyrë barbare për shkak të detyrës së tij si gazetar.


Z. Baze, si ndodhi sulmi në fshatin Çepunë?
Unë së bashku me kolegun tim, Astrit Patosi, që është edhe deputet i zgjedhur, po kryenim punën e gazetarit. Normalisht po vëzhgonim të gjithë procesin zgjedhor në Gjirokastër. Një nga pikat e vëzhgimit tonë është edhe komuna e Cepos. Në hyrje të fshatit Çepunë dhe qendrës së votimit të komunës së Cepos shoh një grumbull të madh makinash. Kur afrohem shoh që në krye të këtij grupi ishte Gjolek Malaj, i cili na zë rrugën. Edhe pse e njihja ndaloj makinën ndërkohë që edhe mund të ikja. Të them të drejtën, më shumë siguri që ndalova më dhanë edhe katër policët që ndodheshin bashkë me ta. Kështu që veprova si çdo qytetar, ndalova për të ditur se çfarë kishte.
Çfarë ndodhi më pas?
Sapo ndaloj, Gjoleka më pyet nëse unë isha Mero Baze. Pasi unë i përgjigjem “po”, menjëherë fillon dhe të më gjuajë pa paralajmëruar apo për të më thënë se përse. Bashkë me të filluan të gjuanin edhe disa njerëz të tjerë që e shoqëronin. Në këtë moment Astriti tenton të mbyllë makinën por ishte e pamundur sepse filluan të godisnin dhe atë. Madje ata morën dhe çelësin e BMW-së sime në mënyrë që ne të mos lëviznim. Na gjuanin pa mbarim dhe askush nuk ndërhynte. Nga goditjet që pësova kryesisht në krahun e majtë të trupit dhe në fytyrë humba ndjenjat. Është fat që jam gjallë vetëm për shkak se nuk dola nga makina. Megjithëse ky ishte qëllimi i tyre, të më nxirrnin nga makina dhe nuk di nëse do të isha gjallë.
Nga agresorët tuaj ju identifikuat vetëm Gjolek Malajn?
Bashkë me të kanë qënë katër veta dhe ndërmjet tyre djali i Makbule Çeços. Për të tjerët ndoshta më vonë mund të kujtohem se kush ishin. Por nuk është ky fakti që më indinjon më shumë sepse grupe banditësh edhe mund të sulmojnë megjithë nuk është normale. Më shumë më indinjuan veprimet që kryen katër punonjësit e policisë, të cilët ishin në vendngjarje. Kjo lë të kuptosh se si segmente të shtetit janë të inkriminuar sepse prej gjithkujt tashmë dihet se kush është Gjolek Malaj. Është ai që drejtoi komitetet e shpëtimit në jug të vëndit në vitin 1997. Asnjë prej policëve që ishin aty nuk ndërhyri por përkundrazi u kujdesën që të shoqëronin në qetësi të plotë makinën e Gjolek Malajt teksa ikte. Ndërkohë që unë kisha humbur ndjenjat asnjë prej policëve nuk ofroi as edhe ndihmën e parë.
Kohët e fundit ju keni shkruar për Gjolek Malajn. Mendoni që u keqtrajtuat për shkak të detyrës?
Unë jam gazetar dhe nuk kam bërë gjë tjetër veçse detyrën time. Dhuna e ushtruar ndaj meje sigurisht ju tregoi dhe njëherë qyterarëve të Gjirokastrës se kush janë mbështetësit e Partisë Socialiste pasi dihet që Gjolek Malaj është nipi i Gramoz Ruçit, për të cilin ka deklaruar që është edhe krenar.




22/08/2005

[Gentiani]

Berisha: Bota e krimit synoi eliminimin e Mero Bazes


A.R

TIRANË- Kryetari i PD-së, Sali Berisha, e cilësoi dje një goditje të botës së krimit dhunimin e kryeredaktorit të gazetës “TEMA”, Mero Baze, dhe kryeredaktorit të RD-së, Astrit Patozi, gjatë kohës që ata ishin duke ushtruar detyrën e gazetarit në një prej fshatrave të përfshira në zonën 90, ku dje u zhvilluan rivotime. Berisha ndërsa vizitoi dje gazetarët Baze dhe Patozi në Spitalin Ushtarak, ku ata u shtruan për t’u mjekuar, është shprehur se “bota e krimit pasi ekzekutoi, në qendrën e votimit, vëzhguesin në 3 korrik, rrëmbeu kryetarin e PD-së së Hasit, tani po angazhohet në një akt të tillë makabër të shëmtuar. Kanë synuar eliminimin fizik të Mero Bazes, në prani të katër policëve me uniformë, të cilët kanë përcjellë me gjakftohtësi kriminale, këtë akt të shëmtuar”. Lideri demokrat vërejti më tej se ky veprim, ishte një akt i rëndë i shëmtuar politik, duke shtuar se PS kishte heshtur përballë këtij akti duke mos mbajtur asnjë lloj qëndrimi. “Një gjë është e sigurtë, se PS, ka heshtur dhe heshtja e saj është kriminale”,- tha Berisha. Sipas tij, dy personat që rrahën gazetarët Baze dhe Patozi, janë pjesë e bandës Ruçi- Çeço. Ndërkohë edhe nënkryetarja e PD-së, Jozefina Topalli, ka denoncuar një orë pasi kishte ndodhur ngjarja, protagonistët e saj, duke e cilësuar atë një veprim të dhunshëm dhe të turpshëm dhe dhunim të medias së lirë.

[Dilaver]

SMZ dëshiron të blejë satelit 53 milionë euro për spiunimin e Kosovës

Prishtinë, 25 gusht 2005 (Kosovapress) Time: 09 : 57

Ministri i Mbrojtjes së SMZ-së, Përvosllav Daviniq dhe kryetari i SMZ-së, Svetozar Maroviq kanë për qëllim të ndajnë rreth 53 milionë euro për blerjen e një sateliti përmes të cilit do të bëhej spiunimi i Kosovës dhe jugut të Serbisë. “Kjo mesele një herë ishte ndërprerë, por edhe më tej rreth saj punohet nën rrogoz. Nëse nuk keni para për ushtarët dhe rekrutët, pajisje, rrymë dhe ujë, atëherë mos i hidhni paratë në satelitë,” ka thënë një bashkëbisedues për gazetën serbe “Blic”.

[Dilaver]

Kuvend, me 81 vota "pro" Topalli zgjidhet gruaja e pare e parlamentit shqiptar

Lajmi i ores 1:30 PM

TIRANE (2 Shtator)-Jozefina Topalli zgjidhet kryetarja e Parlamentit te ri te Republikes. Me 81 vota pro, deputetja demokrate dhe ish-nenkryetare e parlamentit shqiptar behet keshtu kryetarja e pare grua ne historine e parlamentit shqiptar, ndersa e djathta konfirmoi se posedon maxhornacen ne kuvend. Propozimi tjeter Neritan Ceka ka marre "pro" vetem 53 vota, kurse te pavlefshme ishin vetem 2 flete votimi, ndersa mungonin ne salle dhe 4 deputete. 136 deputetet e pranishem kane votuar per kreun e parlamentit ndersa anetaret e komisionit per zgjedhjen e kryetarit numeruan votat dhe e vleresuan votimin te rregullt dhe konform ligjit. Kryetarja e re mbajti nje fjale falenderimi perballe ligjvenesve duke theksuar mes te tjerash se parlamenti i ri do te percjelle ne parlament "nje ze ndryshe". Topalli e deklaroi te mbyllur seancen parlamentare duke njoftuar se seanca e ardhshme do te jete te henen ku Presidenti i Republikes, Alfred Moisiu do te percjelle mesazhin per parlamentin e ri. db/db(NEWS24/BalkanWeb)

[Dilaver]

Presidenti Moisiu mandaton Berishen per formimin e qeverise se re
Lajmi i ores 2:30 PM


TIRANE (3 Shtator )- Presidenti i Republikes Alfred Moisiu mandaton kreun e Partise Demokratike Sali Berisha per qeverine e re. Berisha ka marre sot ne mesdite ne oren 14.00 menjehere sapo ka perfunduar seanca parlamentare e Kuvendit ne zyren e Presidentit mandatin per formimin e kabinetit te ri. Berisha u shpreh se do te mbaje premtimin dhe se nuk do te zhgenjeje qyetaret e vendit. Propozimi per mandatimin e Berishes ju be dje Presidentit Moisiu nga aleatet e djathte. Sali Berisha kryeministri i ri i vendit, do te formoje qeverine e cila do te perbehet nga 14 ministri. db/db(NEWS24/BalkanWeb)

[fadil]

Hashim THAÇI, kryetar i Partisë Demokratike të Kosovës


RADIO EVROPA E LIRË
Zoti Thaçi, prania e gjeneralit Pashkash në ceremonialin e ndrrimit të komandës së KFOR-it ka shkaktuar reagime të shumta në Kosovë. Si e shihni këtë zhvillim?

HASHIM THAÇI
Është diçka e re, e papritur, krejt e panevojshme dhe rrjedhimisht edhe reagimet e qytetarëve të Kosovës janë shumë të arsyeshme. Realiteti i ri i Kosovës në procesin e ndërtimit të shtetit dhe prezenca e uniformes serbe në Kosovë nuk shkojnë bashkë. Kosova ka uniformen e vetë ushtarake, sepse e ka TMK-në. Prandaj ishte një provokim krejtësisht i panevojshëm.

RADIO EVROPA E LIRË
Një nga temat më të nxehta me të cilat aktualisht ballafaqohet Kosova është çështja e decentralizimit. Ju keni qenë shumë kritikë ndaj projekteve që i ka ofruar qeveria e Kosovës. Si e shihni tash këtë çështje?

HASHIM THAÇI
Unë dhe Partia Demokratike e Kosovës nuk kemi qenë kritikë dhe kundër decentralizimit. Kemi qenë kundër pilot – projekteve që i ka prezantuar qeveria aktuale, sepse janë projekte dezintegruese, të motivuara në baza etnike dhe politike, që çojnë drejt krijimit të enklavave në Kosovë apo ndarjeve të brendshme teritoriale të Kosovës. Rrjedhimisht, nga fillimi kemi kërkuar që të nxirret ligji për reformimin e pushtetit lokal ose të arrihet një koncenzus ndërmjet spektrit politikë kosovar ose të organizohet një referendum për mënyrën e reformimit të pushtetit lokal. Pra në Kosovë duhet të bëhet decentralizimi, por ai duhet të jetë legal, i ligjshëm dhe jo i imponuar prej askujt. Ky proces kërkon seriozitet dhe përgjegjësi shumë më të lartë dhe mbi të gjitha një projekt që u ofronë shërbim qytetarëve dhe jo t'i ndaj qytetarët në baza etnike apo që krijon probleme politike në vend.

RADIO EVROPA E LIRË
Zoti Thaçi, disa prej zyrtarëve ndërkombëtarë kanë kërkuar nga udhëheqësit kosovarë që të bëjnë përgatitje më thelbësor për fillimin e bisedimeve për statusin. A është e përgatitur klasa politike në Kosovë për këto bisedime dhe nëse po, me kë dhe për çfarë do të bisedohet?

HASHIM THAÇI
Unë jam i bindur se 2 milionë shqiptarët e Kosovës janë të përgatitur për shtet të pavarur dhe sovran. Klasa politike e Kosovës është e përgatitur për të punuar për ndërtimin e shtetit të pavarur të Kosovës. Këto gjashtë vite kanë qenë vite të sprovës për demokratizimin e vendit. Tash kemi arritur në një fazë solide të zbatimit të kritereve demokratike, të domosdoshme për status dhe integrimin në strukturat evroatlantike. Do të ishte me interes që komuniteti ndërkombëtar të jetë shumë i përgatitur dhe i përgjegjshëm për njohjen e vullnetit të qytetarëve të Kosovës të shprehur më heret për shtet të pavarur e sovran dhe të integruar në strukturat e Bashkimit Evropian dhe ato evrotlantike.

RADIO EVROPA E LIRË
Një çështje që është ngritur nga zyrtarë ndërkombëtar është ajo e kompromisit rreth statusit, ndërkaq Grupi Ndërkombëtar i Krizave tash sa kohë ka rekomanduar pavarësi të kushtëzuar. Cila do të ishte përgjigja e Juaj?

HASHIM THAÇI
Për Kosovën është vetëm një zgjidhje dhe ajo është ndërtimi i shtetit të saj, ndërsa ne liderët politik jemi përgjegjës për rrespektimin e vullnetit të qytetarëve për pavarësi. Ne nuk mund të hedhim në treg të drejtën e qytetarëve tanë për kompromise të ndryshme dhe rrjedhimisht dëshiroj të ritheksoj se zgjidhja e drejtë dhe angazhimi i të gjithëve është për ndërtimin e Kosovës së pavarur dhe sovrane.

RADIO EVROPA E LIRË
Si e shihni rolin e bashkësisë ndërkombëtare pas definimit të statusit përfundimtar të Kosovës?

HASHIM THAÇI
Rolin e bashkësisë ndërkombëtare pas zgjidhjes së statusit politik të Kosovës e shoh si një rol monitorues, vëzhgues, këshillëdhënës dhe me ambasada në Kosovë. Por njëkohësisht duhet menduar edhe në drejtim të kundërt, përkatësisht se si do të jetë roli i Kosovës në mekanizmat ndërkombëtar. Duhet që tash të mendojmë seriozisht se çfarë do të jetë roli i institucioneve të Kosovës, përkatësisht Kosovës në Nju Jork, Uashington, Bruksel dhe kryeqendrat tjera perendimore. Ne duhet të fokusohemi te roli i ynë si shtet në mekanizmat ndërkombëtare.
Sidoçoftë, mendoj se do të kemi një rol këshillëdhënës të administratës civile, ndërsa një prezencë të theksuar të NATO-s.

RADIO EVROPA E LIRË
Forumi ka qenë dhe ka mbetur një nga çështjet rreth të cilit ende nuk ka koncenzus të plotë. Si e shihni Ju rolin dhe angazhimin e Forumit në këtë periudhë?

HASHIM THAÇI
Krijimi i Forumit politik të Kosovës ka qënë një organizim i vullnetshëm i lidershipit politik kosovar. Nuk ka qenë zgjidhja më e mirë, por ka qenë një zgjidhje optimale për aktualitetin nëpër të cilin po kalojmë dhe në prag të zgjidhjes së statusit politik të Kosovës. Rrjedhimisht, sërish ritheksoj përkushtimin e Partisë Demokratike të Kosovës që të luaj rolin e vetë konstruktiv në Forumin politik, sekretariatin e Forumit dhe në grupet punuese në mënyrë që si spektër politik i Kosovës bashkërisht të ecim drejt zgjidhjes së statusit përfundimtar të Kosovës.

Intervistoi: Melazim KOCI