Forca e ndërdijës

[Zero Cool]

Të nderuar miq dhe anëtarë të forumit dardania (fd). Në vazhdim do të sjelli disa fragmente nga ky libër me shpresë që do të lexoni me vëmendje dhe me shpresë që do ti ndihmoj atyre qe kan nevojë apo atyre qe duan të jenë ndryshe nga se janë.

Lexim të këndshëm, zc


Dr. Xhozef Marfi ne te gjithe boten eshte i njohur si profesor,ligjerues dhe autor i mbi 40 librave te perkthyera ne me se 50 gjuhe te botes.Konsiderohet si shkrimtari me i njohur i Mendimit te ri ,levizje tanime shume e perhapur ne bote.Pasi ka specializuar farmakologjine,kimine dhe relixhionin,dr.Marfi eshte expekt ne trajnimin alternativ te semundjeve.
Xhozef Marfi nuk eshte teoricient i theshte i " mendimit te ri",por njeriu i cili dikur edhe vet ishte i semure nga nje smundje e rende dhe vdekjeprurese e kancerit(sarkoma),ku mjeksia bashkekohore i kishte ngritur duart,arriti qe per nje kohe te shkurter permes fuqise se paskajshme te forces se nderdijes ,te sherohet dhe per befasine e experteve prominet boterore,ti vej ne dyshime shume njohuri nga shkenca e medicines se sotme bashkekohore.
Me leximin e ketij libri para jush do te hapet nje realitet krejtesisht ndryshe nga ai te cilin ju e keni menduar.

Mbajeni mend gjithemone: Asgje nuk eshte e pamundur.Pamundesia apsolute shkakton mosdija jone relaitive.


Pasqyra e shkurter e mendimeve qe duhet mbajtur ne mend
*Thesari gjendet i fshehur ne thellesi tuajen.Pergjegjet e deshirave te zemres suaj gjurmoni ne brendi te vetvetes!
*Fshehtesia e madhe,zgjedhjen e se ciles e posedonin njerezit e shquar te te gjitha epokave,ndodhet ne afersine e tyre te te zbuluarit dhe te lirimit te fuqise se nderdijes se vet.Edhe ju jeni ne gjendje te beni kete.
*Nderdija i di pergjigjet ne te gjitha pyetjete.Nese mu para gjumit nderdijes suaj i thuani :"Deshiroj te zgjohem ne ora gjashte"ajo do te ju zgjoje pikerisht ne ate kohe.
*Nderdija eshte ndertues i trupit tuaj dhe eshte ne gjendje qe te ju sheroj.Çdo nate thellohuni ne gjume duke menduar per shendet te persosur dhe nderdija juaj si sherbetor besnik do te kryej urdherin tuaj.
*Çdo mendim eshte shkak , ndersa çdo veti pasoj e saj.
*Po deshet te shkruani nje liber a ndonje pjese teatrale ,te mbani ndonje ligjerate te sukseseshme ,deshiren tuaj me kujdes dhe dashuri shprehjani nderdijes suaj.Ajo, te jeni te bindur,do te ua plotesoj ate.
*Njeriu eshte sikurse kapiteni qe drejton anijen.Vetem urdherat me vend e çojne anijen ne liman.Prandaj,edhe ju patjeter te i jepni urdhera nderdijes suaj,e cila drejton pervojat tuaja( te keni mendime dhe perfytyrim te rregullt)
*Asnje here mos i perdorni shprehjet " Kjo eshte e shtrenjet .Ose :Nuk jam ne gjendje ta bej kete"Nderdija gjithemone do te ju kuptoj me seriozitet dhe do te perpiqet te mos i fitoni parate,gjegjesisht qe te mos afesoheni per ate çka synoni.Ne vend te kesaj thuani vetes:Me ndihmen e nderdijes sime jam ne gjendje te bej çdo gje"
*Ligji i jetes eshte ligji i besimit.Besimi eshte mendimi i lindur ne mendje.Mos besoni ne gjera qe ju shkaktojne dem dhe dhembje.Besoni se nderdija eshte ne gjendje te ju frymezoje, te ju jape force,si dhe te ju qoj kah nje ardhmeri me e mire.Suksesi jetesore eshte plotesisht proporcional me besimin ne sukses.
*Po qe se i ndryshoni mendimet tuaja ,do ta ndryshoni fatin tuaj.


Permbajtja e qendrimeve kryesore


*Po menduat mire, e mira do te ju pasoj,po menduat keq , e keqja gjithashtu do te ju pasoj.Njeriu eshte i tille si mendon.
*Nderdija eshte ne gjendje te kundershtoj,por pranon çdo gje qe ia percjell vetedija.
*Secili njeri disponon mundesi te zgjedhjes.Percaktohuni per shendet dhe lumturi.Mund te zgjedhni dashamiresine ose vagabondizmin ndaj te afermve.Percaktohuni per bashkepunim,per gezim,per sjellje miqesore dhe do te vereni reagim te pranueshem nga te gjithe qe i keni prane vetes.Kjo eshte menyra menyra me e mire per tu zhvilluar personaliteti pozitiv.
*Vetedija eshte si "roja e portes".Detyra kryesore e saj eshte pengimi i depertimit te pershtypjeve te rrejshme ne nderdije.Percaktohuni dhe besoni ne mundesite e ndodhive pozitive.Fuqia me e madhe e njeriu eshte aftesia per zgjedhje.Zgjedheni lumturine dhe begatine.
*Deklarimet dhe sugjesionet e te tjereve nuk kane fuqi qe te ju shkaktojne dhembje.E vetmja force qe mund te ju lendoj eshte mendja juaj e nderlikuar-autosugjesioni.Refuzojinimendimet e te tjereve,ndersa pranojeni vetem e vetem sugjesionet e juaja pozitive.
*Kini kujdes se ç flisni.Perndryshe do te jeni te detyruar te jepni llogari per çdo fjale.Asnjehere mos thuani :"Do te mbaroj,do te humb punen,nuk jam ne gjendje te paguaj qirane e baneses".Nderdija nuk di qka eshte mahia,sepse çdo mendim ajo e kupton me serizitet,duke u perpjekur me tere fuqine qe te e shenderroj ne veper.
*Mendja juaj nuk eshte e lige.Asnje fuqi natyrore vetevetiu nuk eshte keqeberese,por ajo sillet ne perputhje me menyren se si e shfrytezoni.Perdoreni mendjen tuaj si force sheruese,si frymezim dhe si shkak per lumturine e te afermve tuaj.
*Filloni te mendoni nga aspekti i se vertetave te amshueshme dhe nga ai i principeve jetesore.Harrojeni friken,mosdijen dhe besimet e kota.Mos lini te tjeret te mendojne per ju!Vete zgjidhni mendimet tuaja-vetevendosni!
*Çdo njeri eshte kapiten i shpirtit dhe zot i fatit te vet.Mos harroni ,ju posedoni mundesi te zgjedhjes.Prandaj zgjidhni jeten,dashurine,shendetin,lumturine!
*Çdo send qe vetedija e paramendon ose e beson si te vertete,nderdija ate do ta pervetesoj e do ta shenderroj ne veper.Besoni ne fat te mire,ne veprim te drejte dhe ne çudine e quajtur JETE !

[Zero Cool]

Ç`duhet mbajtur ne mend?

*Ligji i aksionit dhe reaksionit eshte universal.Te menduarit paraqet aksionin,nderkaq pergjegjja e menjehereshme e nderdijes eshte reaksioni.Kujdesuni per mendimet tuaja!
*Çdo frustacion bazohet ne deshiren e palotesuar.Po u kushtuat teper rendesi pengesave,shtyerjeve dhe veshtiresive , do te pasoj reagimi gjegjes i nderdijes.Kesisoj ju punoni kunder se mires suaj.
*Po qe se me vetedije dhe haptas perseritni " Besoj se fuqia e nderdijes ne kete çast ,duke perdorur edhe trupin tim,eshte duke ma plotesuar deshiren e menduar,do te ndjeni qarkullimin e principit jetesore neper brendine e trupit dhe shpirtit tuaj.Te gjitha veshtiresite do te zhduken.
*Frika,shqetesimi dhe merzia çrregullojne ritmin normalte punes se zemres,te mushkerive dhe te organeve te tjera.Ushqeni nderdijen me mendime rreth harmonise,rreth shendetit,rreth paqes ne menyre qe te gjitha funsionet tupore te jene perseri normale.
*Pjesa e vetedijeshme e mendjes suaj gjithnje le te shpresoje per mire, sepse nderdija do te kujdeset qe me besnikeri ta reprodukoje menyren tuaj te te menduarit.
*Paramendoni perfundim te mbare ose zgjedhje te problemit tuaj,ndjeni gezim per qellimin e realizuar,sepse çdo gje qe mendoni a ndjeni me ndihmen e nderdijes do te behet realitet.
****

*Shpeshehere perkujtojani vetes se fuqia sheruese eshte mu ne nderdijen tuaj.
*Mbani mend se besimi i ngjane fares se hedhur ne toke prej se ciles rritet lloji i bimes se mbjellur.Ne mendjen tuaj mbilleni faren,ujiteni,dhe ushqejeni me besim dhe shprese se do te arrini rezultate te deshiruara.
*Derisa jeni duke u lutur,keni ndermend se te kuptuarit e brendeshem e te thellesishem te teresise , te bukurise dhe te persosmerise eshte ne gjendje te ndryshoje formulat negative te te menduarit ne nderdije,si dhe te prodhoj efekte te mrekullueshme.
*Te gjitha semundjet lindin ne mendjen e njeriut.Seciles paraqitje trupore,domosdo i paraprine formulari gjegjes mendo.
*Sugjesioni nen hipnoze eshte ne gjendje te shkaktoje paraqitjen e simptomeve gati te seciles semundje.Me kete menyre tregohet qarte fuqia e mendjes se njeriut.
*Eshte vetem nje proces i vetem dhe unitar i sherimit -besimi,eshte vetem nje fuqi sheruese -nderdija.
*Efekt te njejte do te keni pavaresisht se objekti i besimit eshte i drejte apo i rrejshem.Nderdija reagon ndaj mendimit te lig ne vetedije.Mjafton qe besimin ta kuptoni si mendim i lindur ne vetedije.


Disa keshilla te permbledhura

*Konstatoni se ç eshte ajo qe sjell sherimin.Duhet pasur ndermend se udhezimet e drejta qe ia jepni nderdijes do te ju shpiejne kah sherimi.
*Paramendoni qellimin dhe perpiquni qe ta ndjeni si te vertete !Kembengulni ne kete dhe rezultati nuk do te ju mungoje.
*Percaktoni natyren e vertete te besimit!Mbani mend mend qe besimi eshte mendim i krijuar ne mendje:njeriu ben vetem ate qe eshte krijuar ne mendjen e tij.
*Nuk duhet menduar ne semundje dhe ne ate qe ju sjell dem.Besoni ne shendet te persosur, ne perparim, ne paqe ,ne pasuri.
*Perdorni fuqine e terapise lutese ne jeten tuaj.Zgjidheni planin perkates,idene perfytyrimin.Mentalisht dhe emocionalisht behuni me kete ide dhe po i qendraut besnik qendrimit te tille , lutja do te ju pranohet.
*Gjithnje duhet pasur ndermend qe fuqine sheruese mund ta pervetesonivetem me ndihmen e besimit e asesi ndryshe, qe do te thote duke njohur menyren e veprimit te mendjes suaj te vetedijeshme dhe te nderdijeshme.Besimi vjen vetem pas te kuptuarit.
*Besimi i parezerve do te tjote se deri te sherimi arrihet edhe pa te kuptuarit e fuqive te pseudomjekeve.
*Mesohuni te luteni edh eper ata qe i doni dhe jane te semure.Futeni qetesin ene shpirte.Pastaj idete e shendetit ,te vitaliteteit dhe te persosmerise , me ndihmen e mendjes subjektive universale, do te fillojne te veprojne ne nderdijen e me te dashurve tuaj.
**
*Behuni inxhinier i shpirtit tuaj dhe gjithnje perdorni teknikat e provuara te perparimit te jetes suaj.
*Deshira eshte lutje.Shpreheni deshiren,se qellimit do te ia arrini me lehte me ndihmen e padyshimte te shkences mendore.
*Eksperimentoni ne veteveten derisa te bindeni se inteligjenca e paskajshme gjithemone reagon aty ne secilin mendim te vetedijeshem.
* Perfytyrimi vlene sa njemeije fjale.
*Largojuni nga çdo detyrim a ngarkese mendore gjate lutjes!
*Duhet pasur parasyshe qe zemra mirenjohese eshte ne afersi te thesarit te gjithesise.
*Te pohosh do te thote te thuash qe gjerat jane keshtu dhe keshtu.Po qendruat te vendosur ne kete qendrim mendore dhe po e ndjete ate si te vertete , edh eperkunder provave te mundeshme ne dobi te se kundertes ,lutja do te ju plotesohet.
*Krijoni vale elektronike te harmonise, te shendetit dhe te qetesise , duke menduar ne lavdine e mençurise se paskajshme.
*Mos u brengosni shume per punen e zemres , te mushkerive a te ndonje pjese te anatomise suaj!Mbeshtetuni nderdijes suaj dhe rikujtoni sa me shpesh faktin se ineligjenca e paskajshme do te ndermarr çdo gje qe eshte e nevojshme.
*Imagjinata eshte arma juaj me e forte -vetia juaj me e fuqishme.Paramendoni te miren dhe pozitiven!Njeriu eshte i tille çfar mendon qe eshte.
*Ne gjendje kotjeje , ju i shmangeni konfliktit midis vetedijes dhe nderdijes.Mu para gjumit mendoni deshirat si te plotesuara.Gjate kesaj ,kembengulni!Flini te qete dhe zgjohuni te gezuar.
*Detyrimi mendor dhe mundi i tepruar mundesojne qe ne plane te pare te shperthej frika dhe ngarkesa psikike, gje qe pamundesojne gjetjen e pergjegjjes.Gjithnje veproni ne menyre te lehte.
Nderdija fillon te materializoje idene vetem nese jeni te çlodhur dhe nese i lejoni asaj qe idene se pari te e pervetesoj plotesisht.
*Mendoni dhe planifikoni ,pavaresisht nga metodat tradicionale.
*Duhet patur ndermend qe çdo problem ka zgjidhje.

[Zero Cool]

Pse dikush është i pafat e dikush i lumtur? Pse dikush është gazmor e i pasur, ndërkaq dikush i mjerë dhe i varfër? Pse dikush është frikacak dhe i pasigurt e dikush përplot besim?... A thua gjenden përgjigjet e këtyre pyetjeve diku në thellësi të vetëdijes dhe të ndërdijes së secilit prej nesh? - Me siguri se po.

Kam qenë i pranishëm gjatë çudirave të shumta që u kanë ndodhur njerëzve anekënd botës. Po qe se i rrekeni fuqisë magjike të ndërdijes suaj, çudirat do t'ju ndodhin edhe juve. Libri që jeni duke mbajtur në duar tregon se mendimet tuaja të zakonshme, të përditshme dhe paraqitjet tuaja mendore formojnë, krijojnë, si dhe përcaktojnë plotësisht fatin tuaj. Sepse, njeriu çfarë ta ketë ndërdijen, i tillë është edhe vetë.

A I DINI PËRGJIGJET?

Pse dikush është i pafat e dikush i lumtur? Pse dikush është gazmor e i pasur, ndërkaq dikush i mjerë dhe i varfër? Pse dikush është frikacak dhe i pasigurt e dikush përplot besim?

Pse dikush ka shtëpi të bukur dhe luksoze e dikush, në prag të skamjes, jeton në periferi të mjeruar? Pse dikush arrin suksese e dikush vazhdimisht has në mossukses? Pse dikush është orator i shkëlqyer dhe i dëshiruar e dikush tejet mesatarisht pritet nga njerëzit që u drejtohet?

Pse dikush trajtohet si gjenial në punën që kryen e dikush, ndonëse me përpjekje mbinjerëzore, nuk mund të arrijë kurrfarë rezultatesh? Pse dikujt i shkon përdore të shërohet nga e ashtuquajtura sëmundje e pashëruar, e dikujt jo?

Pse gjithaq njerëz të mirë dhe besimtarë i dërmojnë vuajtjet e tmerrshme trupore dhe shpirtërore? Pse gjithaq njerëz amoralë, të leqitur nga Zoti, arrijnë suksese në qëllimet e veta dhe kënaqen me shëndet të përsosur? Pse ndonjë grua jeton në bashkëshortësi fatlume, ndërsa e motra vuan në pafatësia?

A thua gjenden përgjigjet e këtyre pyetjeve diku në thellësi të vetëdijes dhe të ndërdijes së secilit prej nesh? - Me siguri se po.

ARSYEJA E BOTIMIT TË LIBRIT

Me qëllim që t'u përgjigjem këtyre dhe shumë pyetjeve të ngjashme, vendosa ta shkruaj këtë libër. Jam udhëhequr nga dëshira që me një gjuhë tejet të thjeshtë t'i shpjegoj të vërtetat themelore të mendjes së njeriut.

Jam i bindur se, duke përdorur gjuhën e përditshme, është krejtësisht e mundur të sqarohen ligjet themelore të jetës dhe të shpirtit njerëzor. Lexuesi do të bindet se fjalori, me të cilin është shkruar ky libër, i përgjigjet stilit të fletushkës së tij ditore, revistës së dëshiruar, bisedave të punës ose të atyre shtëpiake.

Prandaj, porosis lexuesin që librin ta studiojë me vëmendje dhe t'i përdorë teknikat e cekura në të. Nëse vepron kështu, jam i bindur se do ta përvetësojë aftësinë për të krijuar çudira, të cilat do ta lirojnë nga hutia, nga mjerimi, nga mërzia dhe nga mossuksesi, si edhe do ta udhëzojë kah vendi që vërtet i takon.

Po ashtu, do ta lirojë nga kokëçarjet e robërisë emocionale dhe fizike, si dhe do ta nxjerrë atë në rrugën e lirisë, të fatit dhe të qetësisë shpirtërore.

Forca çudibërëse e ndërdijes është në gjendje ta shërojë dhe ta rikthejë forcën jetësore. Duke i mbizotëruar fuqitë e veta të brendshme, lexuesi do rrënojë muret e frikës dhe do të hyjë në jetë - "në lirinë madhështore të fëmijëve të Zotit", - siç ka thënë shën Pali.

LIRIMI I FUQIVE ÇUDIBËRËSE

Vetëshërimi gjithnjë ka paraqitur pasqyrën më bindëse të pranisë së fuqive të ndërdijes në vetë njeriun. Para 42 vjetësh me sukses u lirova nga tumori malinj (ekspertët e mjekësisë e quanin sark) pikërisht duke u shërbyer me fuqinë e ndërdijes e cila më krijoi dhe më mban në jetë. Në vazhdim të këtij libri paraqes teknikën me të cilën jam shërbyer.

Jam i bindur se secilit që e pranon do t'i ndihmojë ta fitojë besimin në të ekzistuarit e fuqisë së paskajshme shëruese në thellësi të ndërdies njerëzore. Me ndihmë fare jovetiake të mjekut tim dhe të dashamirëve të mi, papritmas, e kuptova se inteligjenca krijuese, e cila edhe di t'i qërojë hesapet me sëmundjen time, i krijoi të gjitha organet e mia, ma formoi dhe ia dha impulsin fillestar zemrës sime. Fjala e urtë thotë: "Mjeku plagën e lidh, ndërsa Zoti e shëron".

ÇUDIRAT NDODHIN PAS LUTJES EFIKASE

Lutja shkencore paraqet të drejtuarit në kahje të dëshiruar të veprimit të lidhjes ekzistuese të gjendjeve të vetëdijes dhe të ndërdijes së shpirtit. Libri, të cilin e mbani në duar, do t'ju tregojë se si, në mënyrë shkencore, ta frenoni fuqinë e paskajshme në brendi të vetvetes dhe si të bëheni ai vërtet që dëshironi të jeni.

Secili prej nesh synon kah një jetë më e lumtur, më përmbajtjesore dhe më e pasur. Është koha e fundit që, për këtë qëllim, të fillojmë të shërbehemi me forcën çudibërëse - poseduese dhe të fusim harmoni në botën tonë përplot probleme profesionale, familjare dhe personale.

Përpiquni që ta lexoni këtë libër disa herë. Kaptinat e shumta të tij do t'ju tregojnë se në ç'mënyrë fuqia çudibërëse vepron dhe si ta nxjerrni frymëzimin e fshehur dhe mençurinë në dritën e ditës.

Përvetësojini teknikat e thjeshta të nxitjes së ndërdijes për aksion! Ndiqeni rrugën e re shkencore kah thesari i paskajshëm! Lexoni këtë libër me kujdes, me sinqeritet dhe me dashuri! Bindeni veten se ai mund t'ju ndihmojë! Jam me se i bindur se do t'jua ndërrojë kahjen e vërtetë të jetës suaj.

[Zero Cool]

LUFTA ËSHTË GJITHKUND RRETH NESH

A e dini se ç'do të thotë lutje efektive? Në kuadër të aktiviteteve tuajja ditore, kur jeni lutur për herë të fundit? Në rast rreziku, gjatë kohës se vështirësive dhe të sëmundjes ose në çastet kur ju kanoset vdekja, lutja paraqet rrugëdaljen e vetme.

Mjafton ta hapni cilëndo fletushkë ditore anembanë botës, lutjet në çdo çast bëhen për shkak të fëmijës së sëmurë nga ndonjë sëmundje e pashërueshme, për paqe ndërmjet popujve ose për një grup minatorësh të mbuluar nga shembja në korridoret e ndonjë xeheroreje.

Minatorët e shpëtuar më vonë do të tregojnë se si janë lutur përderisa e pritnin shpëtimin. Piloti do të tregojë se si pandërprerë është lutur, përderisa përpiqej ta tokësojë aeroplanin e dëmtuar. Lutja, me sa dihet, gjithnjë është e pranishme si ndihmë në rast rreziku.

Megjithatë, pse të pritet, në mënyrë që lutja të bëhet pjesë përbërëse e jetës? Titujt me shkronja të mëdha gazetareske shpeshherë flasin për lutjet e pranuara dhe paraqesin pasqyrën e efektivitetit të tyre. Ndërkaq, ç'të thuhet për miliona 1utje që bëhen për çdo ditë: pranë tryezës, në kishë dhe në cilindo vend tjetër ku njerëzit thjesht kanë për qëllim të bashkuarit me Zotin?

Duke punuar me njerëz, një kohë të gjatë jam marrë me hulumtimin e aspekteve të ndryshme të lutjeve. Gjatë kësaj, jam nisur nga përvoja ime, por edhe nga përjetimet e të shumtëve me të cilët kam rënë në kontakt. Problemi më së shpeshti qëndron në të shpjeguarit nga të tjerët se si duhet lutur.

Njerëzit kur gjenden në rrezik e humbin aftësinë e të menduarit dhe të. Vepruarit e kthjellet. Mu për këtë është e domosdoshme të gjendet një rregull e thjesht, udhëzim i qartë dhe efikas që mund të kuptohet lehtë dhe të vihet në përdorim.

CILËSIA KRYESORE E LIBRIT

Cilësia kryesore e këtij libri është përdorimi praktik i tij. Ai përmban teknika të thjeshta me vlerë dhe me formula që me lehtësi mund të përvetësohen dhe të përdoren në jetën e përditshme. Mbi një mijë meshkuj e femra të Los Anxhelosit, që u takonin të gjitha mësimbesimeve, ndoqën kursin e posaçëm, gjatë të cilit u vura në pah pjesët më të rëndësishme të këtij libri.

Pjesëmarrësit vinin nga të gjitha anët, e në disa raste, madje edhe nga largësia prej qindra kilometrash. Ky libër do t' ju shpjegoj se pse shpesh ndodh që, në vend se të pranohen, lutjet tuaja japin rezultate të kundërta.

Njerëzit shpeshherë më ndalin dhe më pyesin: "Pse nuk më është pranuar asnjëra nga gjithë ato lutje që i bëra?" Në faqet e këtij libri do ta gjeni përgjigjen. Duke ju ofruar mënyra të ndryshme të nxitjes së ndërdijes për aksion, ky libër paraqet vlerë të jashtëzakonshme dhe ndihmë në rast të çfarëdo vështirësie.

NË ÇKA BESONI?

Se a do të jetë e pranuar lutja nuk varet vetëm nga ajo se në çka besojmë, por ajo do të ketë përgjigje vetëm nëse ndërdija e njeriut tregon në të menduarit e tij. Ky ligj i besimit vepron në të gjitha religjionet e botës dhe është shkak i vërtetësisë së tyre psikologjike.

Budisti, i krishteri, myslimani dhe çifuti nuk do të marrin përgjigje në lutjet e tyre për shkak të ndonjë vetie të posaçme të religjionit të vet, as për shkak të ritualit, të liturgjisë, të meshës, të kurbanit ose të magjisë, por vetëm duke iu falënderuar besimit, gjegjësisht pranimit mendor të tij, të cilit i është kushtuar lutja. Ligji i jetës është ligj i besimit, ndërsa besimi më shkurtimisht mund të përshkruhet si mendimi i mirë në mendjen e njeriut.

Gjendja e shpirtit të njeriut, e trupit të tij dhe e rrethanave ku jeton, varet nga mënyra se si ai mendon, ndjen a beson. Teknika, gjegjësisht metodologjia e bazuar në të kuptuarit e asaj që e punoni dhe e shkaqeve për të cilat pikërisht këtë e punoni, do t'ju ndihmojë t'i zhvilloni themelet ndërdijesore të të jetuarit kualitativ. Lutja e pranuar, sipas esencës së vet, është realizim i dëshirave më të sinqerta të njeriut.

DËSHIRA ËSHTË LUTJE

Te secili prej nesh ekziston dëshira e theksuar për shëndet të mirë, për fat, për siguri, për qetësi shpirtërore, por të shumtëve nuk u shkon për dore që të arrijnë rezultate konkrete. Para ca kohësh më është drejtuar një profesor i një fakulteti: "Po të mundja ta ndryshoja formulën mendore dhe jetën time emocionale ta drejtoja drejt rrugëve të reja, me siguri se do të shërohesha nga i thati në stomak. Mirëpo, nuk posedoj dituri për ta bërë këtë, nuk e disponoj teknikën e përshtatshme.

Shpirti po më bredh nga njëri problem në tjetrin dhe ndjehem i mundur, i penguar dhe i pafat". Profesori me siguri vetes i dëshironte shëndet të përsosur, mirëpo i nevojitej edhe dituria rreth mënyrës së veprimit të mendjes së njeriut, me ndihmën e se cilës edhe do ta realizonte dëshirën. Duke iu rrekur përdorimit të metodave shëruese të përshkruara në këtë libër, ai tërësisht u shërua dhe u bë person i kompletuar.

TË GJITHË NJERËZIT E BOTËS E KANË NJË MENDJE TË PËRBASHKËT (Emersoni)

Fuqitë çudibërëse të ndërdijes kanë ekzistuar qysh para se të lindim ne të gjithë, para çfarëdo feje, madje edhe para krijimit të botës. Të vërtetat dhe principet e përjetshme u kanë paraprirë të gjitha religjioneve.

Duke u nisur pikërisht nga ky qëndrimi i tillë, do të përpiqem që, në kaptinat vijuese, t'ju udhëzoj kah përvetësimi i forcës së fshehtë misterioze, vezulluese të ndryshimit, e cila do t'ju shërojë të gjitha plagët mendore dhe fizike, do t' jua asgjësojë frikën, si dhe do t' jua ndërpresë varfërinë, mossuksesin, vuajtjen dhe të penguarit shpirtëror.

Është e nevojshme që ta bëni vetëm bashkimin shpirtëror e emocional të vetvetes me dëshirat tuaja pozitive dhe fuqia krijuese e ndërdijes suaj, aty për aty, do të futet në aksion. Mos ngurroni, filloni që tash! Le të ndodhin edhe në jetën tuaj çudirat. Qëndroni këmbëngulës! Mos u tërhiqni! Përpiquni që, përgjithmonë, me të aguar të ditës, t' ju zhduken të gjitha hijet!

[Zero Cool]

Secili prej nesh posedon një mendje, një shpirt e i cili, ndërkaq, posedon dy veti të ndryshme. Kufiri që i ndan ato, të gjitha qenieve mendore të së sotmes mirë u është e njohur. Secila nga vetitë e cekura dallohet nga fuqitë dhe nga shenjat e posaçme të vetëprira.

Dy funksione të mendjes njerëzore, në të shumtën e rasteve, i shënojmë si mendje objektive dhe subjektive, si vetëdije dhe ndërdije, si mendje e zgjuar dhe e fjetur, si mendje sipërfaqësore dhe si mendje me dëshirë dhe e detyruar, si princip mashkullor dhe femëror etj. Në këtë libër, në shumicën e rasteve, shënohet dyfishtësia e mendjes njerëzore me nocionet VETËDIJA dhe NDËRDIJA.

THESARI I FSHEHUR NË SECILIN PREJ NESH

Pasuria e paskajshme ndodhet në afërsi të plotë të secilit njeri që është i gatshëm ta hapë shpirtin e vet dhe ta rrëmbejë atë nga thesari kolosal i ndërdijes. Ju që e lexoni këtë libër, do të duhej të jeni të vetëdijshëm se pikërisht te vetë ju gjendet xeherorja e arit, e cila përmban çdo gjë që ju nevojitet për një jetë të lumtur, gazmore dhe të pasur.

Shumë prej nesh ende janë në gjumë të thellë, të pavetëdijshëm për ekzistimin e xeherores së arit, të inteligjencës së paskajshme dhe të dashurisë në vetvete. Mësyjani dhe do të nxjerrni gjithçka që ju nevojitet, çdo gjë që dëshironi! Një copë hekuri i magnetizuar ngritë peshë gati 12 herë më shumë se pesha e vet, po qe se e çmagnetizoni, e njëjta copë hekuri nuk mund ta ngrisë as edhe pendën më të lehtë.

Ngjashëm me këtë ekzistojnë; dy lloje njerëzish: njërit i takojnë njerëzit e magnetizuar - me shpresë dhe me besim, të vetëdijshëm se janë të lindur për suksese; tjetrit i takojnë njerëzit që i kanë humbur vetitë magnetike, të kapluar me frikë e me dyshim.

Po qe se u jepet rasti i volitshëm, gjithnjë do të thonë: "... e çka nëse mbaroj? Mund t'i humbas të gjitha paratë, njerëzit do të më përqeshin". Ky tip i njeriut nuk do të ecën larg në jetë, sepse i kapluar nga frika dhe nga përparimi do të qëndrojë në vend. Nisuni përpara! Mbushuni me veti magnetike! Zbulojeni fshehtësinë shekullore!

Fshehtësia e madhe shekullore

Ç'është fshehtësia e madhe shekullore sipas mendimit tuaj? Energji atomike? Energji termonukleare? Bombë neutronike? Udhëtim ndërplanetar?

Me siguri se s'është asnjëra prej këtyre. Atëherë si ta gjejmë përgjigjen? Në çka të kihet kujdes? Si të shërbehemi me të?

Përgjigjja është krejtësisht e thjeshtë. Fshehtësia vezulluese shekullore është fuqia çudibërëse e ndërdijes njerëzore. Ajo është e fshehur në thellësi të mendjes së secilit njeri në këtë planet.

Fuqia e mrekullueshme e ndërdijes

Në qoftë se mësoheni se si mund ta njihni dhe si ta lironi fuqinë e fshehtë të ndërdijes suaj, atëherë në jetën tuaj do ta futni forcën, pasurinë, shëndetin, lumturinë dhe kënaqësinë.

Nuk ka nevojë që ta fitoni, fuqia gjithnjë është në posedimin tuaj. Duhet vetëm përvetësuar mënyra e përdorimit të saj, të kuptohet ajo dhe të përdoret në mënyrë të duhur në të gjitha poret e jetës. Po qe se i ndiqni teknikat dhe proceset e thjeshta, të përshkruara në këtë libër, do t'i fitoni njohuritë dhe kuptimet e nevojshme.

Do t'ju frymëzojë një ditë e re dhe te ju do të lindë një forcë e re, me ndihmën e së cilës do t'i realizoni dëshirat dhe ëndrrat tuaja. Bëhuni të vendosur dhe të fortë! Bëjeni jetën tuaj më të rëndësishme, më të pasur dhe më bujare!

Në thellësi të ndërdijes suaj gjendet urtësia e paskajshme, fuqia e pakufizuar, burimi i çdo gjëje që u nevojitet. Ju duhet vetëm që t'i zbuloni ato, t'i zhvilloni dhe t'i qitni në dritë. Njihni mundësitë e shpirtit tuaj! Jepuni trajtën dhe ato do të dalin në botë.

Po qe se shpirtin tuaj e hapni dhe e bëni të pranueshëm, inteligjenca e pakufishme e brendësisë së ndërdijes suaj në çdo kohë dhe në çdo vend, do t'ju zbulojë çdo gjë që dëshironi të dini . Do t'ju vijnë mendime të reja, ide të reja që do t'ju çojnë kah zbulimet e reja, do t'ju aftësojnë që të krijoni vepra të reja artistike dhe praktike.

Pos kësaj, inteligjenca e paskajshme e ndërdijes do t'ju tregojë rrugën e cila ju çon kah të vërteta dhe njohuritë plotësisht të reja dhe, deri tash, të panjohura. Do t'ju zbulojë përsosmërinë e të shprehurit dhe do t'ju tregojë vendin e vërtetë në jetë.

Me ndihmën e mençurisë së ndërdijes do të jeni në gjendje ta tërhiqni shoqen (shokun) tuaj të jetës ose bashkëpunëtorin afarist; do të gjeni blerësin e vërtetë të shtëpisë ose të automobilit; do të tuboni mjete të mjaftueshme materiale dhe do të fitoni lirinë për t'u bërë, për shkuar a për të punuar sipas dëshirës suaj.

E drejta juaja është që ta zbuloni botën e brendshme të mendimeve, të ndjenjave, të forcës, të dritës dhe të bukurisë. Edhe pse të padukshme, fuqitë e ndërdijes janë tejet të furishme.

Në ndërdije gjenden zgjidhjet e të gjitha problemeve, shkaqet e të gjitha ndodhive. Duke i liruar fuqitë e fshehura, do t'i përvetësoni fuqitë dhe mençuritë e nevojshme, të cilat do t'ju çojnë kah begatia, kah lumturia, kah siguria dhe kah kënaqësia.

Kam parë se si fuqia e ndërdijes ua kthen forcën të gjymtëve, i aftëson ata për ta përtërirë shëndetin, kuptimin dhe kënaqësinë. Forca çudibërëse shëruese e ndërdijes është në gjendje që ta shërojë mendjen e trazuar dhe zemrën e plasur, t'i këpusë zinxhirët materialë dhe fizikë të të gjitha llojeve.

Domosdoshmëria e ekzistimit të themeleve të praktikës

As që mund të paramendohet ndonjë përparim sadopak i rëndësishëm pa themele të praktikës. Gjithkush mund të mësojë ta udhëheqë ndërdijen e vet. Nga shkalla se sa u ka shkuar për dore t'i njihni principet e saj dhe t'i praktikoni ato, varen edhe të arriturit e rezultateve të dëshiruara.

Si kimist i dikurshëm, do t'ju vë në pah faktin e mirënjohur se bashkëdyzimi i hidrogjenit me oksigjen, në përmasën 2:1, na jep ujin. Po ashtu, me bashkimin e një atomi të oksigjenit dhe të një atomi të karbonit fitohet gazi helmues - monoksid i karbonit. Po ta shtojmë edhe një atom të oksigjenit, do të fitojmë gazin jo të dëmshëm — dioksidin e karbonit (numri i kombinimeve është i pakufizuar).

Duhet pasur ndërmend se ndërdija vepron në pajtim me ligjshmëritë që vlejnë në kimi, në fizikë a në matematikë. Të shqyrtojmë principin e përgjithshëm: "Uji synon të ketë pozitë horizontale". Në pyetje është principi i përgjithshëm, i cili vlen për ujë në çdo vend dhe në çdo çast.

Të shqyrtojmë edhe një princip: "Materia nga nxehtësia bymehet dhe kjo është e vërtetë e përgjithshme. Plotësisht i vërtetë është edhe fakti se çdo shenjë që e futni në ndërdije e gjen shprehjen e vet materiale si përvojë, si ndodhi a si veti.

Lutja që e bëni do të hasë në mirëpritje, sepse ndërdija paraqet principin që nënkupton mënyrën se si një send vepron. Principi i elektricitetit, p.sh., do të thotë se elektriciteti vepron nga potenciali më i lartë kah më i ulëti. Duke shfrytëzuar principin e elektricitetit, njeriu atë nuk e ndryshon, por në bashkëpunim me natyrën vjen deri te zbulimet dhe shpikjet e reja, me vlerë, të papërcaktuar për llojin njerëzor.

Është e nevojshme të dini se ç'është besimi, pse dhe si vepron ai. Bibla në mënyrë shumë të qartë, të thjeshtë dhe të bukur thotë:
"Përnjëmend po ju them: nëse ndokush i thotë këtij mali: "Çohu dhe hidhu në det" — e nuk dyshon në zemrën e vet, por beson se do të ndodhë siç thotë, po ashtu do të ngjajë! (Marku, 11:23).

Ligjshmëria e shpirtit është ligjshmëri e besimit. Kjo do të thotë se duhet besuar në mënyrën e veprimit të shpirtit, se duhet besuar në vetë fenë. Besimi që lind në shpirt është mendim i lindur në atë shpirt — vetëm kjo dhe asgjë më tepër.

Te gjitha përvojat, ndodhitë dhe vetitë janë reagime të ndëridej ndaj mendimeve të njeriut. Duhet pasur ndërmend faktin se rezultati nuk është vepër e asaj se në çfarë besohet, por e vetë besimit. Ndaluni më me të falur të besimit, të besimeve, të mendimeve jo të vërteta, të besimeve të kota dhe të frikave që e mundojnë llojin njerëzor. Filloni të besoni në të vërtetat e amshueshme jetësore që nuk ndryshojnë. Mu atëherë do të shkoni drejt lartësisë — drejt Zotit.

Secili që e lexon këtë libër dhe që i përdor principet e cekura të ndërdijes, do të jetë në gjendje që të lutet në mënyrë shkencore dhe efikase si për vetveten, ashtu edhe për të tjerët. Lutja do t'i jetë pranuar në pajtim me ligjin universal të aksionit dhe të reaksionit. Të menduarit është aksion prej të cilit çdo gjë fillon. Reaksioni paraqet përgjigjen nga ndërdija, të lidhur ngushtë me të menduarit. Në mendjen tuaj krijoni mendime për harmoni, për shëndet, për paqe dhe për disponim, atëherë çudirat do të fillojnë të ndodhin në jetën tuaj.

Natyra e dyfishtë e mendjes

Secili prej nesh posedon një mendje, një shpirt e i cili, ndërkaq, posedon dy veti të ndryshme. Kufiri që i ndan ato, të gjitha qenieve mendore të së sotmes mirë u është e njohur. Secila nga vetitë e cekura dallohet nga fuqitë dhe nga shenjat e posaçme të vetëprira.

Dy funksione të mendjes njerëzore, në të shumtën e rasteve, i shënojmë si mendje objektive dhe subjektive, si vetëdije dhe ndërdije, si mendje e zgjuar dhe e fjetur, si mendje sipërfaqësore dhe si mendje me dëshirë dhe e detyruar, si princip mashkullor dhe femëror etj. Në këtë libër, në shumicën e rasteve, shënohet dyfishtësia e mendjes njerëzore me nocionet VETËDIJA dhe NDËRDIJA.

[Zero Cool]

Vetëdija dhe ndërdija

Me qëllim të të kuptuarit të funksioneve të mendjes suaj, paramendojeni atë si një kopsht! Ju jeni kopshtari që tërë ditën diçka mendon, mbjell. Atë që keni mbjellë në ndërdije, do ta korrni në trupin tuaj në marrëdhënie me botën e jashtme.

Është koha e fundit që të filloni mbjelljen e mendimeve për paqe, për fat, për mirësi dhe për përparim. Mendoni në qetësi. Koncentrohuni në vlerat e vërteta! Përvetësojini ato si pjesë të vetëdijes! Po mbollët pandërprerë mendime të mrekullueshme në kopshtin e mendjes suaj, do të përjetoni korrje më të begatshme nga të gjitha korrjet.

Ndërdija mund të krahasohet me tokën ku rriten të gjitha llojet e bimëve, si të mirat, ashtu edhe ato të dëmshmet. Dikush korr fruta e dikush baroja. Secili mendim është shkak, ndërkaq të tjerat janë vetëm pasoja. Mu për këtë patjetër duhet t'u kushtoni rëndësi mendimeve tuaja dhe të kujdeseni që ato të sjellin vetëm pasoja të dëshiruara.

Po qe se keni mendime të shëndosha, po qe se e kuptoni të vërtetën, po qe se mendimet tuaj në ndërdije janë konstruktive, të harmonishme dhe të drejtuara kah paqja, fuqia çudibërëse e ndërdijes do t'ju përgjigjet dhe do t'ju sigurojë jetë të këndshme dhe të harmonishme.

Në momentin kur do ta keni përvetësuar të kontrolluarit e proceseve të të menduarit tuaj, do të jeni në gjendje që forcën e ndërdijes ta përdorni ndaj çfarëdo problemi dhe vështirësie. Me fjalë të tjera, do ta filloni një bashkëpunim të vetëdijshëm me forcën e pakufizuar dhe me ligjin e plotfuqishëm që mbretëron në mbarë botën.

Po u rrotulluat rreth vetes, do të vëreni se shumica dërmuese e njerëzimit është e kthyer kah bota e jashtme. Vetëm të arsimuarit interesohen më tepër për botën e brendshme. Kini ndërmend faktin se bota e jashtme është prodhim i botës së brendshme - i botës së mendimeve, të ndjenjave dhe parafytyrimeve.

Pra kjo botë e brendshme është fuqi e vetme krijuese e gjithësisë: çdo gjë që ndodh në botën e jashtme është e krijuar me veprim të vetëdijshëm a të pavetëdijshëm të mendjes suaj.

Njohja e procesit të depërtimit të vetëdijes dhe të ndërdijes do t'ju bëjë të mundur ta ndryshoni jetën tuaj. Për t'i ndryshuar pasojat, është e nevojshme të ndryshohen shkaqet. Shumica përpiqen t'i ndryshojnë pasojat, duke u marrë veçanërisht me to.

Vetëm me largimin e shkakut është e mundur që të tejkalohet mospajtimi, vetmia, mjerimi, të kufizuarit e çfarëdo lloji. Shkaku, siç është thënë më parë, është mënyra se si e përdorni vetëdijen tuaj, gjegjësisht mënyra se si mendoni dhe përfytyroni.

Le t'ju bie ndërmend se jeni duke jetuar në oqeanin e paarritshëm të pasurisë së pakufishme. Ndërdija juaj është shumë e ndjeshme ndaj mendimeve. Mendimet, nga ana e tyre, krijojnë modelin e matricën nëpër të cilën rrjedh inteligjenca e paskajshme, mençuria, forca jetësore dhe energjia e ndërdijes suaj.

Po guxuat t'i përrdorni ligjshmëritë e mendjes, ashtu siç u cek në kaptinat vijuese, në vend të skamjes do të keni pasuri, në vend të besimeve të kota dhe të mosdijes - mençuri, në vend të dhembjes - qetësi, në vend të mërzisë - gëzim, në vend të errësirës - dritë, në vend të mospajtimit- harmoni, në vend të frikës - besim, në vend të mossuksesit - sukses dhe do të liroheni nga të përqafuarit e fortë të mesatares. Vallë, nga aspekti mendor, emotiv dhe material, a mund të ketë diç më të mrekullueshme dhe më të bukur në botë?

Shumica e shkencëtarëve, e artistëve, e poetëve, e këngëtarëve, e shkrimtarëve dhe e shpikësve të mëdhenj, posedojnë njohuri dhe kuptueshmëri të thellë të mënyrës së veprimit të vetëdijes dhe ti ndërdijes.

Ja një shembull: tenorin e madh të operës italiane, Enriko Karuzon, e pati kapluar trema e rrëmbyeshme. Nga frika irracionale plotësisht iu paralizua qafa. Nëpër fytyrë i rridhte djersa. E pati kapluar turpi, sepse, pas disa minutash, duhej të dilte në skenë.

Mirëpo frika nuk lëshonte pe, e me të as muskujt e qafës. Ai thoshte: "Do të më përqeshin. Nuk jam në gjendje të këndoj". Pastaj, në prezencë të një numri të madh të të tubuarve, prapa skenës, bërtiti: "Uni i Vogël do ta ngulfasë Unin e Madh". Pastaj, Unit të Vogël iu drejtua me këto fjalë: "Dil prej nesh! Uni i Madh do të këndojë". Me Unin e Madh ai nënkupton fuqinë e paskajshme dhe mençurinë e ndërdijes së vet. Vazhdoi të bërtiste: "Dil, dil! Uni i Madh do të këndojë!

Ndërdija iu përgjigj duke ia liruar fuqitë jetësore në brendi të trupit të tij. Mu ashtu siç ishte paraparë, Karuzoja pati dalë në skenë, e pati kënduar melodinë e vet madhështore dhe pati ngritur publikun në këmbë.

Karuzoja, siç duket, e ka kuptuar se ekzistojnë dy nivele të mendjes së njeriut: niveli i vetëdijes ose racional dhe ai i ndërdijes ose irracional. Ndërdija njerëzore është mjaft e ndjeshme dhe reagon madje edhe ndaj natyrës së mendimeve.

Nëse vetëdijen (Unin e Vogël) ua kaplon frika, halli ose ngarkesa psikike do të vijë deri te shpërthimi i ndjenjave negative që burojnë nga ndërdija (Uni i Madh), e cila, nga ana e vet, e përshkon vetëdijen me ndjenja paniku, me parandjenja të errëta dhe të dëshpërimit.

Nëse ju ngjan kjo, përpiquni që, sikurse Karuzoja, t'i urdhëroni ndjenjat tuaja irracionale, të lindura në thellësi të ndërdijes dhe atë në mënyrë vijuese: "Ngadalë, qetësohu, këtu unë urdhëroj! Je i detyruar të më dëgjosh! E ke të ndaluar të futesh, aty ku nuk e ke vendin!"

Është tepër interesante, gati mahnitëse të vështrohet se si urdhri i prerë, i drejtuar ndaj lëvizjeve irracionale në brendi të qenies thellësore të njeriut, shkakton qetësi, heshtje dhe harmoni shpirtërore. Ndërdija i është nënshtruar vetëdijes dhe pikërisht për këtë ajo quhet ndërdije.

Dallimet kyçe dhe mënyra e veprimit

Shembulli vijues do t'ju ndihmojë që t'i hetoni dallimet kryesore. Vetëdija ka rolin e kapitenit që gjendet në vendkomandimin e anijes. Ai drejton anijen dhe u jep urdhra njerëzve në repartin e makinave, të cilët, nga ana e vet, bëjnë mbikëqyrjen e kazanëve, të instrumenteve e të instalimeve të tjera. Njerëzit që gjenden në repartin e makinave nuk e kanë të ditur drejtimit e lundrimit të anijes.

Ata, thjesht veprojnë sipas urdhrave të marra. Po qe se në rast të leximit të gabuar të të dhënave nga kompasi, sekstanta ose harta gjeografike, njeriu nga vendkomanda jep urdhra të gabuara, makinistët verbërisht do të shkojnë drejt shkëmbinjve nënujor. Pra, ata i nënshtrohen atij, sepse ai është epror i tyre. Urdhrat kryhen pa kundërshtim, anëtarët e ekuipazhit nuk diskutojnë me kapitenin rreth rregullsisë së urdhrit.

Kapiteni është i zoti i anijes dhe fjala e tij është ligj. Ngjashëm me këtë, vetëdija juaj është kapiten dhe i zoti i punëve që kryeni. Ndërdija i pranon urdhrat që ia jepni në bazë të asaj në çka besoni dhe çka pranon si të vërtetë vetëdija juaj.

Po qe se vazhdimisht para njerëzve përsëritni: "Kjo është shumë e shtrenjtë për mua", ndërdija do t'ju kuptojë me seriozitet, do t'ju marrë fjalën dhe do të kujdeset që vërtet të mos jeni në gjendje për ta blerë sendin e dëshiruar.

Përderisa me këmbëngulje pohoni se: "Ky automobil, udhëtimi për në Evropë, shtëpia, gëzofi i lëkurës nuk janë për mua", mund të jeni të bindur se ndërdija juaj do ta dëgjojë urdhrin dhe do të beje çmos që tërë jeta t'ju kalojë pa të mirat e lartcekura.

Vitin e kaluar, në prag të kërshëndellave, një studente dashamirëse ishte ndalur pranë vitrinës ku ishte ekspozuar një çantë udhëtimi shumë e bukur, por mjaft e shtrenjtë.

Ajo, sapo ishte nisur për në vendlindje, ku duhej ta kalonte festën. Në momentin kur qe përgatitur të thoshte: "Kjo çantë është tepër e shtrenjtë për mua", iu kujtua fjalia që e kishte dëgjuar gjatë ligjëratës sime: "Asnjëherë mos vendosni prerë me fjali mohuese. Në vend të tij, jepini domethënie të kundërt dhe çudirat pastaj do të fillojnë t'ju ndodhin". Prandaj, vajza tha: "Kjo çantë është imja, mendimisht e pronësoj, kurse ndërdija ime do të përkujdeset që ajo njëmend të bëhet imja".

Po atë mbrëmje, rreth orës tetë, i fejuari ia dhuroi një çantë identike me atë që kishte vështruar dhe me të cilën mendimisht qe identifikuar në orën dhjetë të mëngjesit. Vajza vetëm se në mendje shpresonte duke ia lënë ndërdijes që ajo me aftësinë e mjaftueshme ta zgjidhë këtë problem.

Më vonë më ishte rrëfyer: "Nuk kisha para për ta blerë çantën, mirëpo tash plotësisht e kam të qartë se ku gjenden paratë dhe çdo gjë tjetër që më nevojitet — në thesarin e amshueshëm, të vendosur në brendi të vetes sime".

Ja edhe një shembull i thjeshtë.

Nëse thuani "nuk më pëlqejnë kërpudhat", por me ndonjë rast, megjithatë, ju ofrojnë ato me sallatë ose si paragjellë, doemos do të keni probleme me organet e tretjes, sepse ndërdija do t'ju thotë: "Patroni (vetëdija) nuk i do kërpudhat". Në këtë shembull ngapak qesharak, lehtë mund të hetohen dallimet kyçe dhe mënyrat e veprimit të vetëdijes dhe të ndërdijes së qenies njerëzore.

Dikush do të thoshte: "Po e piva një kafe para mbrëmjes, nuk do të fle tërë natën". Gjithnjë kur pi kafe, ndërdija cingëron në shenjë alarmi dhe thotë: "Patroni të urdhëron që sonte të mos flesh tërë natën".
Ndërdija juaj punon 24 orë, duke u përpjekur që këtë ta beje në dobi tuajën, gjegjësisht duke ju ofruar frytet tuaja të të menduarit të zakonshëm.