Shtëpia e modës Kujta & Meri prezantohet në Milano...

[Jana]

Në javën e modës qe mbahet në Milano të Italisë, të organizuar nga “A Critical Fashion”, prezantohet edhe shtëpia e modës “Kujta & Meri” nga Gjakova.


Interesimi për kreacionet e stilistëve Kujtim dhe Merita Berisha, të cilët kanë zgjeruar biznesin e tyre edhe jashtë Kosovës, ka prekur emra të mëdhenj të modës evropiane, si dhe agjenci e media të njohura në Itali dhe jashtë saj.
Milano njihet tashmë si qyteti i dytë në botë për modën, nga ky vit krahas shtëpive më tëe njohura të modës, në Milano është edhe ‘show room’ dhe galeria e shtëpisë së modës ‘Kujta & Meri’.
Ky organizim në vazhdimësi është duke u përmendur, shkruar e intervistuar nga mediat më të njohura të modës në Itali, të shkruara dhe elektronike. Gjate te gjitha intervistave dhe shkrimeve, mediat kanë përmendur Kosovën, duke treguar prejardhjen e stilistëve Kujta dhe Meri.
Në organizimin e titulluar “Dressed Up”, në sfilatën e Shtëpisë “Kujta & Meri” mysafir do të jenë: Claudio Gentile (kampion bote në futboll me Italinë-1982), Alberto Traversi (këngëtar dhe editues i shtypit), Antonella Ruggero (këngëtare italiane), Miky (këngëtare e grupit të famshëm italian “No Relax”), Karina Khadarak (modele e K&M) dhe artistë tjerë të njohur italianë.