Kështu fliste Vula e Pejgamberisë

[Only God Can Judge Me]

Transmeton Enesi [radijall-llahu anhu] nga Pejgamberi [salall-llahu alejhi ve sel-lem] i cili thotë: “Asnjëri nuk ka besuar përderisa të mos jem më i dashur tek ai se babai i tij, fëmija, vetvetja dhe njerëzit në përgjithësi”. (Buhariu dhe Muslimi)

[Only God Can Judge Me]

Allahu [subhanehu ve teala] thotë: “Thuaj (o i dërguar): “Në qoftë se etërit tuaj, djemtë tuaj, vëllezërit tuaj, bashkëshortet tuaja, farefisi juaj, pasuria që e fituat, tregëtia që frikoheni se do të dështojë, vendbanimet me të cilat jeni të kënaqur, (të gjitha këto) janë më të dashura për ju se All-llahu, se i dërguari i Tij dhe se lufta për në rrugën e Tij, atëherë, pritni derisa All-llahu të sjellë vendimin e Tij. All-llahu nuk vë në rrugën e drejtë njerëzit e prishur.”

[blero]

selamalejkum vellezer e motra muslimane
Me pelqejn shum shkrimet qe keni shkruar.
Psikolog me duket se ketu nuk mundesh ta hapish gojen se nuk ke fakte,se paska me te fort se ty i nderuar.
pershendetje

[munti]

Transmetohet prej Muadh bin Xhebelit r.a. se ka thënë:
Më mori Pejgamberi a.s. për dore dhe më tha:
O Muadh të këshilloj të kesh frikë All-llahun,
të thuash të vërtetën,
të zbatosh premtimin,
të çojsh në vend emanetin,
mos tradhtosh,
të mëshirosh jetimin,
të mbrohesh prej hakut të fqiut,
të fshehish hidhërimin,
të flasish me urtësi,
t’i përshëndetësh të tjerët me selam,
të rrespektosh udhëheqësin (e drejtë),
kupto Kur’anin,
duaje ahiretin,
frikësohu prej llogarisë,
pak shpreso,
puno shumë (punë të mira),
kursesi mos të fyesh ndonjë musliman,
mos beso gënjeshtarin,
mos shpall të drejtin gënjeshtar,
mos kundërshto imamin e drejtë,
mos shkakto trazira në sipërfaqen e tokës.
O Muadh: përmende All-llahun pranë çdo guri dhe druri,
pendohu për çdo mëkat,
për të fshehurin fshehurazi e për të dukshmin haptazi.
Transmeton Bejhekiu.

[munti]

Nga Ebu Hurejre r.a. transmetohet se i dërguari i All-llahut a.s. ka thënë: "Kush niset në rrugë që të kërkoj dituri, All-llahu do t'ia lehtësojë rrugën për në Xhennet".
(Transmeton Muslimi)

[munti]

“Studjova diturinë dhe e mësova, e gjithashtu edhe e lexova Kur’anin për hir Tënd.”
All-llahu do t’i thotë:
“Gënjen! Studjove diturinë vetëm që të tjerët të thonë: Ky është njeri i ditur. Lexove Kur’anin që të thonë për ty: E lexon Kur’anin.”
Dhe vërtet ashtu ishte. Pastaj do t’u urdhërohet (engjëjve të rreptë) që ta tërheqin zvarrë me fytyrë përtoke derisa të hidhet në zjarr.
Njeriu i tretë do të jetë pasaniku, të cilin All-llahu e kishte bërë të pasur duke ia dhënë të gjitha llojet e pasurisë. Ai do të sillet dhe All-llahu do ta njoftojë me veprat që i ka bërë. I Madhëruari do t’i thotë:
“Çfarë bëre me këto?” Ai do të përgjigjet:
“Nuk lash vend pa e shpenzuar pasurinë time për hir Tënd.” All-llahu do t’i thotë:
“Gënjen! E ke shpenzuar pasurinë vetëm që të thonë për ty se je dorëdhënë!”
Dhe vërtet ashtu ishte. Pastaj do t’u urdhërohet (engjëjve të rreptë) që të tërhiqet zvarrë me fytyrë përtoke derisa të hidhet në zjarr.”

(Muslim, Tirmidhi, Nesai

[shqiptari_evr]

. Transmetohet nga Ebu Hurejre Abdurrahman ibn Sahr r.a. se i Dërguari i All-llahut s.a.v.s. ka thënë: “Vërtet All-llahu nuk shikon në trupat tuaj as në fizionomitë tuaja, por shikon në zemrat tuaja”. (Muslimi)

[shqiptari_evr]

Ebu Hurejre r.a. thotë se Pej*gam*be*ri s.a.v.s. ka thënë: “Kur vdes njeriu, puna e tij ndërpritet përveç tri gjërave: sadakasë së përhershme (hajratit), nga dituria prej së cilës kanë dobi të tjerët ose nga pasardhësi i mirë, i cili lutet për të vdekurin”. (Muslimi)

[munti]

Transmetohet nga Ebu Musa Abdull-llah ibn Kajs el-Esh’arij r.a. që thotë: “E kanë pyetur të Dërguarin e All-llahut s.a.v.s. për njeriun që lufton për të treguar trimëri dhe që lufton nga urrejtja dhe për sy të botës, cila prej këtyre (luftave) është në rrugë të All-llahut?” I Dërguari i All-llahut s.a.v.s. thotë: “Kush lufton (me armikun) vetëm për dominim dhe epërsi të fjalës së All-llahut (fesë së Tij - Islamit), vetëm ai është në rrugë të All-llahut”.
(Muttefekun alejhi)

[munti]

Transmetohet nga Abdurrahman Abdull-llah ibn Umer ibn el-Hattab r.a. se ka thënë: E kam dëgjuar të Dërguarin e All-llahut s.a.v.s. duke thënë: “Tre veta nga gjeneratat para jush u nisën për rrugë, e një ditë i zuri nata para një shpelle në të cilën hynë dhe bujtën. Një shkëmb u rrokullis nga kodra dhe plotësisht e mbylli hyrjen e shpellës. Ata thanë: “Shpëtimi nga ky shkëmb është vetëm që ta lusim All-llahun e madhërishëm që ta largojë për hir të veprave tona të mira”.
Njëri prej tyre tha: “O Zoti im, unë i kam pasur prindërit pleq të thinjur dhe asnjëherë para tyre nuk ju kam dhënë të hanë e as të pijnë fëmijëve të mi e as mallit tim (shërbëtorëve). Një ditë më argëtoi kërkimi i kullosës më të mirë për kopenë time, e nuk ju erdha me kohë dhe ata kishin fjetur. Unë e mola qumështin në enë dhe ua solla por i gjeta duke fjetur. Më erdhi keq t’i trazoj, por edhe që t’i ushqej familjen dhe shërbëtorët andaj kam pritur me enë në dorë dhe kam shikuar kur do të zgjohen, e kjo pritje ka zgjatur deri në agim. Fëmijët e mi aty te këmbët e mia klithnin të uritur, të cilëve u kam dhënë qumësht pasi janë zgjuar prindërit dhe e kanë pirë qumështin të cilin ua kisha sjellur. O Zoti im! Nëse këtë e kam bërë vetëm për Ty, e për askend tjetër, atëherë na e largo neve këtë shkëmb nga hyrja e kësaj shpelle në të cilën gjendemi!” Shkëmbi pak u lëviz, por jo edhe aq sa të mund të dalin!
Njeriu i dytë tha: “O Zoti im, e kam pasur një kushërirë të afërme të cilën e kam dashuruar më tepër se tërë botën, - sipas një transmetimi tjetër - e kam dashur aq fort siç i duan burrat gratë, andaj kërkova prej saj (siç kërkojnë burrat prej grave të tyre), por ajo nuk më lejoi. Një vit mbretëronte uria e kushërira e dashur më erdhi dhe unë i dhashë 120 dinarë (monedha ari) që të vetmohet vetëm ajo me mua, dhe kur ajo ashtu veproi dhe unë u bëra pronar i saj, - sipas një transmetimi tjetër - kur e përqafova ashtu siç e përqafon burri gruan e tij, ajo (duke qarë) më tha: “Frikësoju All-llahut dhe mos ma merr virgjinitetin pa të drejtë”. Atëherë u largova prej saj duke e kursyer nga akti i turpshëm edhe pse e doja më tepër se çdokend tjetër, e lëshova në liri duke ia dhuruar të hollat e dhëna. O Zoti im, nëse unë këtë e kam bërë vetëm për të fituar kënaqësinë Tënde, na e largo këtë në të cilën jemi!” Shkëmbi, përsëri edhe pak lëvizi nga hyrja e shpellës, por jo edhe aq sa të mund të dilet prej saj.
Njeriu i tretë tha: “O Zoti im, unë kam pasur rrogtarë dhe të gjithëve ua kam paguar menjëherë fitimin e merituar përveç një njeriu i cili u largua para se ta merr mëditjen. Unë mëditjen e tij pastaj e kam përdorur si duhet dhe pasuria e tij u shumëzua. Pas një kohe rrogtari im më erdhi e më tha: “O robi i Zotit, m’i jep të hollat për mëditjen time të papaguar!” Unë i thashë: “Krejt çka sheh, pasuria, delet, lopët, devet dhe robërit janë prej mëditjes tënde që është shtuar”. Ai tha: “O robi i Zotit, mos u tall me mua!” Unë atëherë i thashë: “Unë nuk po tallem me ty”, pastaj e mori tërë mallin dhe e çoi, duke mos më lënë asgjë. O Zoti im, nëse unë këtë e kam bërë vetëm për Ty, atëherë na e largo këtë shkëmb nga hyrja e shpellës!” Shkëmbi u rrokullis, kurse udhëtarët dolën dhe e vazhduan rrugën!”

[yllbardh]

Kjo temë po m'duket se është vendosur gabimisht këtu, kjo e ka vendin nën rubrikën Mësime nga Kurani. Aty gjindet në atmosferën e volitshme. Këtu ka mundësi që të keqpërdorohet dhe keqkuptohet, për këtë shkak do të ishte mirë nga ana e moderuesit që kjo të shpërngulet aty.

[yllbardh]

************************************************** ***********************

************************************************** **********************

************************************************** **********************

Me të vërtet përgjegjëje e paparamenduar si duhet me plot paragjykime. Mendoni para se të përgjigjeni. Mos lejoni që mllefi t'jua marrë aftësin e logjikimit. Dhe kjo vlenë për të gjithë.

Falemderit Yllbardh

Uliksi

[zumer]

Dërguari i Allahut është më i miri që ka ekzistuar,
Prej bijve të Ademit mbi tokë që ka kaluar.
Si mëshirë Zoti i qiejve atë e ka dërguar,
Të dy më të rëndësishmit për t’i udhëzuar.
Çdo Profeti nga një mrekulli Zoti i ka dhuruar,
Muhamedin, Zoti im me Kuran e ka veçuar.
Dëshmoj se Allahu tëAuksjoner Dërguarin e Tij e ka ndihmuar,
Me shokë të sinqertë, të pastër e të përkushtuar.

Të nderuar lexues!

Muhamedi, paqja dhe bekimet e Allahut qofshin mbi të, është më i zgjedhuri ndër vëllezërit e vet Pejgamberë. Allahu i Lartësuar e privilegjoi me shumë cilësi të mira, si:

1. Allahu i Lartësuar e cilësoi lart mendjemprehtësinë dhe mençurinë e Muhamedit, paqja dhe bekimet e Allahut qofshin mbi të, dhe tha: “Shoku juaj (Muhamedi që ju e njihni) nuk ka humbur, e as që ka devijuar (nga e vërteta).” [Nexhm, 2]

2. Allahu i Lartësuar e cilësoi dëlirësinë e gjuhës së Pejgamberit, paqja dhe bekimet e Allahut qofshin mbi të, dhe tha: “Dhe ai (Muhamedi) nuk flet nga dëshira e tij.” [Nexhm, 3]

3. Allahu i Lartësuar e vlerësoi lart vendburimin e pastër të sheriatit dhe tha: “Ai (Kurani) nuk është tjetër pos shpallje që i shpallet (Muhamedit).” [Nexhm, 4]

4. Allahu i Lartësuar e cilësoi pastërtinë e zemrës së Muhamedit, paqja dhe bekimet e Allahut qofshin mbi të, dhe tha: “Zemra (e Muhamedit) nuk e mohoi atë që pa (me sy).” [Nexhm, 11]

5. Allahu i Lartësuar e cilësoi shikimin e Pejgamberit, paqja dhe bekimet e Allahut qofshin mbi të, duke thënë: “Shikimi (i Muhamedit) as nuk lakoi e as nuk tejkaloi.” [Nexhm, 17]

6. Allahu i Lartësuar i cilësoi sahabët e Muhamedit, paqja dhe bekimet e Allahut qofshin mbi të, duke thënë: “...e ata (sahabët) që janë me të (Muhamedin) janë të ashpër kundër jobesimtarëve, janë të mëshirshëm ndërmjet vete, ti i sheh teksa përulen (në rukuë), duke rënë me fytyrë në tokë (në sexhde).” [Fet’h, 29]

7. Allahu i Lartësuar e cilësoi lart moralin e të Dërguarit, paqja dhe bekimet e Allahut qofshin mbi të, duke thënë: “Vërtet, ti je në një shkallë të lartë të moralit!” [Kalem, 4]

8. Allahu e cilësoi lart pastërtinë e davetit (thirrjes) islame duke i thënë:
“Thuaj (o Muhamed): “Kjo është rruga ime, e vënë në fakte të qarta, e që unë thërras tek Allahu, unë dhe ai që vjen pas meje.” [Jusuf, 108]

Allahu i Lartësuar me tetë cilësitë e lartpërmendura tërheq vëmendjen e të mençurit te Muhamedi, paqja dhe bekimet e Allahut qofshin mbi të, personaliteti dhe figura më madhështore e njerëzimit, për të cilin edhe jomuslimanët shprehën mendimet më pozitive, por për ne besimtarët fjalët e Allahut janë të parat dhe të fundit që vlerësojnë lart bëmat e Muhamedit. Le të meditojmë së bashku për vlerësimet e larta të Allahut mbi shëmbëlltyrën e njerëzimit, Muhamedin.
Mendjemprehtësia (mençuria), dëlirësia e gjuhës, pastërtia e sheriatit, pastërtia e zemrës, largpamësia, shokët, morali i lartë dhe në fund thirrja e pastër i kanë dhënë prioritet shtrirjes së Islamit në të katër anët e botës. Këtë e bëri i Dërguari i Allahut, Muhamedi, paqja dhe bekimet e Allahut qofshin mbi të, me dëlirësinë e brendshme shpirtërore, me kthjelltësinë e jashtme vepruese dhe me programin transparent hyjnor.


“Kulturëdashësit” po tallen me të Dërguarin Muhamed!

Të gjithë jeni në dijeni për ofendimet dhe talljet që po bëhen nga një botë e “qytetëruar” e “moderne” ndaj më të dashurit tonë, Muhamedit. Një ripublikim i këtillë dëshmon për urrejtjen dhe paturpësinë e një bote të “civilizuar”, për poshtërsitë e akumuluara në brendësinë e këtyre popujve. Këto akuza dhe shpifje kanë një parahistori, për këtë na tregon Kurani. Muhamedi u vlerësua si i çmendur, magjistar, rrenës.

“Dhe ata thanë: “O ti (Muhamed), që t’u shpall përkujtimi (Kurani), me të vërtetë ti je çmendur!” [Hixhr, 6]

“Ja, ashtu pra, edhe atyre që ishin më parë nuk u erdhi i Dërguar e që nuk i thanë: “Është magjistar ose është i çmendur!” [Dharijatë, 52]

“Ata (idhujtarët) habiten, ngase u erdhi Pejgamberi nga mesi i tyre, e jobesimtarët thanë: “Ky është magjistar, rrenës.” [Sad, 4]

Idhujtarët ishin mësuesit e parë të botës së sotme demagogjike, që në emër të lirisë së të shprehurit përqeshin më të madhin e njerëzimit, në emër të asgjësë provokojnë ndjenjat e të gjithë muslimanëve.


Kush po kurdis provokacione?

Ata që nuk e besojnë drejt Krijuesin e vet nuk kanë vlera morali; të Dërguarit e Allahut i injorojnë, i etiketojnë, i akuzojnë, i vrasin dhe i përgënjeshtrojnë. Këta janë ata që dëshirojnë ta fikin dritën e Allahut të Lartësuar.
“Ata duan ta shuajnë dritën e Allahut me gojët e tyre, po Allahu e plotëson (e përhap) dritën e vet, edhe pse e urrejnë jobesimtarët.” [Saff, 8]

Të dashur vëllezër!

Unë jam shumë i sigurt, po edhe ju binduni, se drita e Allahut nuk shuhet.
“Ai (Allahu) është që e dërgoi të Dërguarin e Vet (Muhamedin) me udhëzim të qartë e fe të vërtetë për ta bërë mbizotërues mbi të gjitha fetë, edhe pse idhujtarët e urrejnë.” [Saff, 9]

Të nderuar!

Thojuni të pafeve, idhujtarëve, të pavlerëve, të gjithë atyre që ushqehen me urrejtje e poshtërsi, se ju jeni ata të cilët do të shuheni dhe do ta humbni betejën. Sigurisht se ju jeni ata që do të dëmtoheni moralisht dhe materialisht, do të jeni ju ata që do të shpërbleheni me “medaljen” e mallkimit.
Jeni të sigurt në humbje, ashtu siç humbën Ebu Xhehli, Ebu Lehebi dhe para tyre Faraoni e Karuni, populli Ad dhe Themud. Allahu i Lartësuar thotë: “E s’ka dyshim se ata janë të cilët e fyejnë Allahun dhe të Dërguarin e Tij, ata i ka mallkuar Allahu në dynja e në ahiret dhe për ta ka përgatitur një dënim të dhembshëm.” [Ahzabë, 57]



“E s’ka dyshim ai i cili të urren ty (Muhamed) është i humbur (nga çdo gjë në këtë botë dhe botën tjetër).” [Kevther, 3]

Ulvi Fejzullahu

[zumer]

Vëlla i dashur muslimanë, Pejgamberi i All-llahut Subhanehu ve Te'ala, përmallohet për ty, kurse faktikisht ti edhe atë ditë kur cenohet nderi i Pejgamberit të All-llahut Subhanehu ve Te'ala, ti nuk brengosesh dhe dy fjalë për Pejgamberin ske guxim me i thanë. Vëlla i dashur muslimanë, ky është i Dërguari i All-llahut Subhanehu ve Te'ala, që çdo send sakrifikoi për ummetin e tij ndërsa ummeti i tij ngaflet. Pejgamberi i All-llahut qan për ummetin e tij, ndegjoe një hadith që e ka nxjerr Imam Muslimi:

Kur Pejgamberi Alejhi Salatu ve Selam, lexoi fjalën e Ibrahimit Alejhi Selam që All-llahu na përshkruajti në Kur`an dhe tha: "O Zot i madhë, nese ke vendos me i denu robët e Tu, Ti je më i mëshirshëm për ta, e nëse jau fal Ti je i Mëshirshmi dhe i Urti."
Pejgamberi SalAll-llahu Alejhi ve Selem pasi që e lexoi këtë fjalë i ngriti duart dhe tha:
"O Zot, Ummeti im, Ummeti im" (pastaj qajti Pejgamberi SalAll-llahu Alejhi ve Selem)
All-llahu Subhanehu ve Te'ala e dinte gjendjen e Pejgamberit SalAll-llahu Alejhi ve Selem mirpo e qoj Xhibrilin Alejhi Selam që ta pyet Muhammedin SalAll-llahu Alejhi ve Selem, se pse aq shumë po qan ? Erdh Xhibrili Alejhi Selam, erdh te Pejgamberi SalAll-llahu Alejhi ve Selem dhe e pyeti. I tregoj Pejgamberi SalAll-llahu Alejhi ve Selem, se ajo që e vëri aq shumë me qajt është derti i madhë që e ka pas për ummetin e tij. Pastaj All-llahu i qoj selam në përmjet Xhibrilit dhe i tha:
"O Muhammed, mos u brengos se Ne, kemi me të ba të kënaqur me ummetin tënd në Diten e Gjykimit"
Ja pra, Muhammedi SalAll-llahu Alejhi ve Selem po qan për ummetin e vet. Pejgamberi SalAll-llahu Alejhi ve Selem, në Ditën e Gjykimit dertin më të madhë e ka për ummetin e tij, për atë transmetohet në shumë hadithe që Pejgamberi SalAll-llahu Alejhi ve Selem e banë këtë dua dhe thotë:
"O Zot i madhë na shpëto, na shpëto"
Vëlla i dashur muslimanë, Pejgamberi SalAll-llahu Alejhi ve Selem, për ty dhe për ummetin e tij ju kthy All-llahut Subhanehu ve Te'ala shumë her atë ditë kur u ngrit
në Miraxh për ta lehtësu Ibadetin derisa Pejgamberi SalAll-llahu Alejhi ve Selem tha:
"Aq shumë u ktheva te All-llahu, aq shumë i kërkova All-llahut që të banë lehtësim për ummetin tim derisa u turpërova" .
E në fund All-llahu më tha:
"O Muhammed, kam ba lehtësim për ummetin tënd".
Ai që i falë 5 vaktet e namazit, e ka shpërblimin sa vakte namaz. Pejgamberi i All-llahut vëlla i dashur muslimanë, banë ibadete për ummetin e tij, ky është Pejgamberi SalAll-llahu Alejhi ve Selem, kur e fali teravin e parë, dhe e fali teravin e dytë e pastaj nuk dul në teravin e tretë dhe pasi që e fali sabahun tha:
"VAllahi nuk më ka pengu që të dal, vetëm se jam frik se po ju bëhet obligim e pastaj do ta keni vështir"
Pejgamberi i All-llahut u dhimt shumë për ummetin e tij, vallë, sa jemi na që na dhimbset nderi i Pejgamberit SalAll-llahu Alejhi ve Selem, vallë, sa na brengosin fjalët e pabesimtarëve kur cenohet krijesa më e dashur e All-llahut Subhanehu ve Te'ala. Ky është i Dërguari i All-llahut Subhanehu ve Te'ala, i cili e pat një lutje, që All-llahu ja dhuroj nga një lutje çdo pejgamberi, a e din more vëlla i dashur muslimanë, se Pejgamberi i All-llahut, që këtë lutje e ruajti për ty, këtë lutje e ruajti për ummetin e tij.
Ndegjoe këtë hadith që Pejgamberi i All-llahut na tregon dhe thotë: "çdo pejgamber e ka pas nga një lutje, që ajo lutje ka qen e pranuar te All-llahu Subhanehu ve Te'ala, çdo pejgamber e ka shfrytëzuar luten e tyre, kurse unë lutjen time e kam ruajtur për ummetin tim në Ditën e Gjykimit", dhe atë ka me përfshi çdo kënd që vdes pa i ba All-llahut shirk, pra All-llahu Subhanehu ve Te'ala, në Kur`ani Kerim na ka tregu për këtë njeri të madhë, për këtë mësues të ndershëm që All-llahu tha në Kur`ani Kerim:
"Ju ka ardh i Dërguar prej llojit të juaj, i dhimbshëm fort për dhimbjet tuaja, i kujdes'shëm për ju, për besimtarët i urt dhe i mëshirshëm"
Pejgamberi i All-llahut ka qenë i urt dhe i mëshirshëm për ummetin e tij, vallë çka ndodhi me këtë ummet që e braktisin Sunnetin e tij, çka ndodhi me këtë ummet që e harruan ummetin e tyre, çka ndodhi me këtë ummet që nuk u pikëlluan dhe nuk u mërziten edhe atë ditë kur u cenu nderi i Pejgamberit SalAll-llahu Alejhi ve Selem. Vëllezër të ndershëm muslimanë, All-llahu Subhanehu ve Te'ala, na ka ba obligim që ne ta mbrojm dhe ta përkrahim Pejgamberin SalAll-llahu Alejhi ve Selem. All-llahu tha në Kur`ani Kerim:
"Ne e kemi dërgu Muhammedin (SalAll-llahu Alejhi ve Selem) deshmitarë, përgëzues dhe qortues, e kemi dërgu që ta besoni All-llahun dhe ta besoni të Dërguarin e Tij, dhe ta përkrahni që ta ndihmoni dhe ta rrespektoni dhe ta madhëroni All-llahun në mëngjes dhe mbrëmje"

[zumer]

Falënderimet dhe lavdërimet janë vetëm për Allahun. Paqja, mëshira dhe bekimet janë për Muhamedin, familjen dhe shokët e tij deri në Ditën e Gjykimit.
Thënia më e vërtetë është thënia e Allahut, kurse udhëzimi më i mirë është udhëzimi i Muhamedit, paqja dhe bekimet e Allahut qofshin mbi të. Veprat më të këqija janë ato të shpikurat, çdo shpikje është bidat dhe çdo bidat është lajthitje, e çdo lajthitje të çon në zjarr.I Dërguari i lavdisë, i shkëlqimit, i shpirtmirësisë, i udhëzimit,
në çdo trajtë të shkëlqimit emri yt Muhamed është parësi.


Të nderuar besimtarë!

Allahu i Lartësuar e zgjodhi Muhamedin, lavdërimi dhe shpëtimi i Allahut qofshin mbi të, që të jetë përmbyllës i mesazhit hyjnor dhe shembull mjaft i mirë dhe i kompletuar për realizimin e misionit me karakteristika të veçanta universale.
“Tashmë pa dyshim që tek i Dërguari i Allahut (Muhamedi) ju keni një shembull mjaft të mirë për ta ndjekur, për atë që shpreson në (takimin me) Allahun dhe në Ditën e Fundit dhe që e kujton Allahun shumë.”1
Atëherë, nuk është çudi publikimi dhe prezantimi i jetëshkrimit të shëmbëlltyrës së njerëzimit, i cili e meriton të ndiqet. Jeta e të Dërguarit Muhamed, lavdërimi dhe shpëtimi i Allahut qofshin mbi të, është e zbuluar, e hapur, e çiltër, e kthjellët dhe e zakonshme për t’u parë nga të gjithë. Atë e njeh miku dhe armiku, burri dhe gruaja, i madhi dhe i vogli, i afërti dhe i largëti. Të gjithë kanë njohuri të sakta dhe detaje nga jeta, aktiviteti, personaliteti i tij, etj..
Nga jetëshkrimi (sireja) i tij ne kemi njohuri për jetën e Muhamedit, lavdërimi dhe shpëtimi i Allahut qofshin mbi të, në shtëpi, në udhëtim, për mënyrën e të ushqyerit dhe gjëra të tjera. Nuk është aspak e tepërt nëse themi se ne dimë për të Dërguarin e Allahut edhe më tepër sesa për veten tonë. Kur e themi këtë, le të kujtojmë se shumë prej nesh kemi bërë edhe veprime impulsive e të vetvetishme. Nëse pyetemi pse e bëre këtë, përgjigja është: Nuk kam qenë i kujdesshëm!

Të nderuar besimtarë!

Sa për ilustrim po veçojmë një aspekt, duke qenë se po flasim për imtësi dhe hollësi. Shokët e Muhamedit bisedonin mes tyre për moshën e tij, siç është rasti i Enesit, Allahu qoftë i kënaqur me të, i cili thotë:“Muhamedi, lavdërimi dhe shpëtimi i Allahut qofshin mbi të, në kokën dhe në mjekrën e tij nuk kishte më tepër se njëzet qime të bardha.”2
Sahabët i numëruan edhe qimet e zbardhura!Kështu, dijetarët e umetit islam e ruajtën dhe e përcollën jetën profetike me kujdes, me vëmendje dhe me interes të pashoq. Dijetarët islamë i raportuan me përgjegjësi hollësitë duke renditur vargun transmetues dhe duke seleksionuar transmetuesit, saqë kemi afro pesëqind mijë emra në disiplinat e shkencës së hadithit. Të gjitha këto u bënë në të kaluarën, kur nuk kishte kompjuter e shtypshkronja. Pa dyshim që kjo u bë për më të zgjedhurin dhe udhëzuesin e njerëzit.
Biografia e Muhamedit, lavdërimi dhe shpëtimi i Allahut qofshin mbi të, është plot dashuri. Po të ndalesh edhe në pjesën e jashtme të portretit të tij, si pamja, fytyra, bukuria, veshja, do të ndiesh shkëndijat e shpirtit plot iman në zemrën tënde.Ndërsa morali dhe sjellja e tij me njerëzit është edhe më çudibërëse. Çdo gjë te Muhamedi, lavdërimi dhe shpëtimi i Allahut qofshin mbi të, jep mesazh dashurie. Zaten edhe prej shenjave të imanit është që të jetë i Dërguari i Allahut më i dashur se çdokush tjetër.
Kjo dashuri shtohet dhe përforcohet duke lexuar biografinë e Muhamedit, lavdërimi dhe shpëtimi i Allahut qofshin mbi të. Kështu, çdo njeri duhet t’i caktojë vetes një orar për të lexuar çdo ditë nga librat e ndryshëm që përshkruajnë jetën e të Dërguarit të Allahut.
Një pjesë e të rinjve të hutuar pas teknologjisë informative kanë njohuri për yjet e artit, të filmit, të muzikës e të sportit, të cilëve u kushtohet vëmendje dhe u ndiqen lëvizjet dhe arritjet hap pas hapi. Sot një i ri apo e re, edhe pse i takon një rrethi dhe familjeje fetare, ai dhe ajo imitojnë artistin dhe artisten, këngëtarin dhe këngëtaren, po ashtu parapëlqejnë gjuhën e komunikimit të tyre.

Të nderuar muslimanë!

Kemi për obligim që t’i orientojmë të rinjtë tanë drejt historisë së bujshme islame, veçanërisht me jetëshkrimin e Muhamedit, lavdërimi dhe shpëtimi i Allahut qofshin mbi të.
Kush e lexon jetëshkrimin e të Dërguarit, lavdërimi dhe shpëtimi i Allahut qofshin mbi të, menjëherë do të vërejë modestinë dhe thjeshtësinë. Allahu i Lartësuar thotë: “Thuaj (Muhamed): “Unë nuk kërkoj prej jush ndonjë shpërblim dhe unë nuk jam prej atyre që bëjnë trillime.”3
Udhëheqësi në portretin e Muhamedit, lavdërimi dhe shpëtimi i Allahut qofshin mbi të, gjen modelin e drejtësisë, të zbatimit të ligjit, të gjykimit të drejtë dhe të vënies së rendit.
Dijetari e ka shembull të Dërguarin e Allahut për sa i përket mënyrës së shpërndarjes së diturisë, të shkencës, të edukatës, etj..
Babai e ka shembull Pejgamberin e Allahut në ndërtimin dhe respektimin e marrëdhënieve bashkëshortore dhe në edukimin e fëmijëve.Kështu me radhë i pasuri dhe i varfëri, i shëndoshi dhe i sëmuri, fitimtari dhe humbësi, jetimi, mësuesi, punëtori, të gjithë e gjejnë veten në jetëshkrimin profetik.
Muhamedi, lavdërimi dhe shpëtimi i Allahut qofshin mbi të, i shijoi të gjitha format dhe llojet e sprovave jetësore dhe vetëm ai e meriton të pasohet. Ky Pejgamber i Allahut është dhuratë e mëshirës jo vetëm për muslimanët, por edhe për të tjerët; jo vetëm për arabët, por edhe për të tjerët.
“Dhe Ne nuk të kemi dërguar ty (Muhamed) veçse si përkujtim mëshire për gjithë alemin (për njerëzit, për xhinët dhe për gjithë ç’është krijuar në gjithësi).”4

1 Ahzab, 21.

2 Buhariu, Muslimi dhe Termidhiu.
3 Sad, 86.
4 Enbija, 107.