Kuriozitete

[Estella]

Mendoj se kuriozitetet sjan thashetheme dhe smeritojn kete rubrik...:)

[Peja-Boy]

Ka 11 fëmijë, punon 12 orë në ditë në 11 vende të ndryshme

Dave Jones me familjen


41 vjeçari, Dave Jones, është një baba i cili ka 11 femi dhe punon 12 orë në ditë për të mbeshtetur gruan dhe fëmijët e tij. Dave Jones, 41 vjeçar dhe gruaja e tij Jackie poashtu 41 vjeçare kanë 11 fëmijë dhe jetojnë në një shtëpi me shtatë dhoma gjumi. Fëmija i tyre më i madh është 16 vjeç, ndërsa emrat e tyre janë: Callum 16 vjeç, Hayleym 15 vjeç, Melissa 14 vjeç, Stephanie 13 vjeç, Chelsie 12 vjeç, Charlotte 11 vjeç, Bradley 8 vjeç, Liam 6 vjeç, Jayden 5 vjeç, Lydia 3 vjeç dhe Shay 8 muajsh.

Brenda një viti, familja fiton 38 mijë dollarë nga pagat e Dave për punën e tij në fabrika dhe në gazeta. Dave dhe Jackie thonë se ata për çdo fëmijë kanë planifikuar ushqimin, rritjen, shkollimin dhe martesen me shumë kujdes.

Dave thotë: "Unë kam 11 fëmijë mirëpo nuk i kam lejuar vetes si disa familje të tjera të cilët jetojnë nga dhuratat e shtetit."

Çifti janë të përkushtuar për të edukuar më së miri 11 fëmijët e tyre. Djali i madh Callum, 16 vjeç, tashmë punon fundjavave në një bar. Vajzat Hayley dhe Stephanie gjithashtu punojnë në një bar lokal, ndërsa edhe Melisa gjithashtu ka pasur një punë.

Një ditë e zakonshme për Dave fillon në orën 04:15, kur ai merr rrugën për në punë. Pas një kalimi të mbi 12 orëve, ai merr rrugën për në shtëpi për tu kthyer rreth orës 06:00.

[Peja-Boy]

Mbyllet në banjo për tri javë
Një grua 69 vjeçare është mbyllur në banjo për tri javë rresht deri sa është shpëtuar nga policia. Ajo kishte shembur njërën anë të murit më këpucët e saj por e gjithë zhurma që bënte nuk ishte dëgjuar nga askush.

Gruaja, emri i të cilës nuk është bërë publik, ka jetuar në banjë tri javë vetëm duke pirë ujë dhe poashtu nuk kishte harruar as higjenën e saj, ajo ka bërë dush disa herë në ditë dhe ka larë dhëmbët disa herë në ditë.

Policia tha se: ′′Gruaja ishte e kequshqyer, por uji e ka mbajtur gjallë atë dhe tani ajo është shëruar tërësisht, në banjon ku ajo ka jetuar për tri javë nuk kishte asnjë dritare që zëri të depërtonte jashtë dhe ta dëgjonte dikush, poashtu ajo ishte shumë mirë edhe në mendje sepse po të jetosh tri javë në banjë mund të çmendesh lehtë, por ajo ishte një grua e fortë′′

Gruaja, të afërmëve të saj u kishte thënë se ka qenë me pushime, nuk ka treguar asgjë rreth asaj që i ndodhi në banjë

[Peja-Boy]

Lizi, vajza me metabolizmin misterioz Teksania Lizi Velaskuez, 21 vjeçe, është më e hollë nga sa çdokush prej nesh mund ta imagjinojë. Ajo e kalon kohën duke gëlltitur sasi të jashtëzakonshme ushqimi: hamburgerë, patate të skuqura, ëmbëlsira. Me fjalë të tjera konsumon trefishin e kalorive të një personi normal. E me gjithë kërkimet e vazhdueshme mjekët nuk arrijnë dot që të zbulojnë mekanizmin që e mban atë në një peshë shumë të ulët trupore.

***

Ajo e nis ditën e saj me një tas të madh me qumësht dhe drithëra. Një orë më vonë, 21-vjeçarja Lizi ka nisur që të hajë patatina, biskota dhe çdo gjë tjetër që i del përpara. Nuk kalon shumë kohë nga ky konsumim kur ajo fillon ngrënien e pulave të pjekura me patate të skuqura dhe me “Cola”. Këto gjithsesi janë vakte që i konsumon para drekës, sepse dreka është një histori më vete.

Në këtë vakt ajo konsumon gjithsej 4000 kalori, ose të njëjtën sasi kalorish që një minator apo punëtor ndërtimi konsumon gjatë gjithë ditës së punës. E njëjta mesele vazhdon edhe gjatë orëve të tjera të ditës. Lizi ka vetëm një dëshirë, që të shohë përpara saj pjata të mbushura me ushqim, madje një tryezë nuk do të ishte keq. Preferenca e saj janë djathërat e llojeve të ndryshme. Kur vjen koha për të shkuar në shtrat Lizi pa frikë mund të ketë konsumuar gjatë gjithë ditës së saj 8000 kalori. E njëjta procedurë përsëritet vit pas viti, e njëjta dietë, e njëjta sasi jashtëzakonisht e madhe ushqimi e konsumuar. Nëse një grua e zakonshme do të konsumonte një dietë të tillë, do të ishte jashtëzakonisht e shëndoshë, ndërsa për Lizin ndodh e kundërta.

Sa më shumë gëlltit, aq më e dobët bëhet. Ajo është kaq e dobët dhe peshon kaq pak, sa shpesh e sheh të irrituar tek troket në derën e shtëpisë së prindërve për t’iu ankuar që ata ta ushqejnë siç duhet, sepse ajo ka raste që vdes urie. Sigurisht ndërkohë Lizi ka konsumuar një sasi shumë të madhe ushqimi, madje më të madhe se të gjithë pjesëtarët e familjes së marrë së bashku. E megjithatë Lizi nuk ka asnjë gram yndyrë në trupin e saj. Madje edhe ata që merren me stërvitje intensive dhe që shquhen për trupa të lidhur dhe pa dhjamë kanë 8% yndyrë. Ndërkohë Lizi nuk ka asnjë lloj muskuli apo mase muskulore. Kjo duket menjëherë sapo e sheh. Lëkurën e ka vërtet të ngjitur pas kockave dhe të duket si një skelet lëvizës. Ajo nuk ecën, por fluturon, sepse pesha trupore e bën shumë të lehtë dhe thuajse të tejdukshme. Pesha e saj trupore është 28 kilogramë dhe gjatësia 157 centimetra. Edhe me këto parametra tepër të rralla Lizi duket se ia kalon mirë dhe për të ky ndryshim nuk është aspak fatal.

Ajo një gjë e ka të sigurt, që situata e saj nuk do të përkeqësohet për sa kohë që tryeza dhe stomaku do t’i qëndrojë plot. Metabolizmi i saj është një mister i vërtetë jo vetëm për të dhe njerëzit e zakonshëm, por edhe për specialistët e vërtetë. Çfarë i ndodh gjithë energjisë që ajo konsumon përmes ushqimeve të saj? Mjekët nuk dinë të thonë asgjë. Gjithçka që ata dinë është se Lizi është pjesë e një pakice njerëzish në planet, të një grushti njerëzish, të cilët kanë fatin që të hanë sa të duan, pa shtuar asnjë gram në peshë. Po një situatë e tillë çfarë është në të vërtetë? Një anomali? Një sëmundje? Një defekt gjenetik, apo një dhunti? Ka nga ata që madje spekulojnë, duke thënë se trupi i kësaj gruaje nga Teksasi mund të mbartë një formulë magjike për djegien e kalorive dhe si pasojë për gjendjen e zgjidhjes së ruajtjes së formës trupore, pavarësisht nga sasia e ushqimit të konsumuar. Ata mendojnë se ajo fsheh gjenin e “dobësimit”.

Metabolizmi i trupit njerëzor është studiuar shumë prej kohësh dhe shkenca e të ushqyerit nxjerr javë pas jave zbulime të reja. Janë zbulime të cilat mbushin faqet e revistave femërore në formën e shkrimeve që rekomandojnë dieta dobësimi, apo dieta që kanë të bëjnë me një trup dhe mendje të shëndetshme. E megjithatë deri më tani ekspertët nuk dinë t’i japin përgjigje pyetjes se përse disa persona kanë një metabolizëm të mirë dhe disa të tjerë nuk e kanë një të tillë. Lizi ka disa shoqe, të cilat e kanë zili për mënyrën sesi funksionon trupi i saj. Ajo mund të konsumojë tre hamburgerë të mëdhenj menjëherë dhe të mos i ndodhë asgjë, e madje pas një ore është e gatshme që ta përsërisë edhe njëherë këtë mënyrë të ngrëni pa asnjë pasojë.

Nga ana tjetër, ka shumë edhe nga ata që e tallin pikërisht për këtë veçanti dhe kryesisht për pamjen e saj të jashtme që i ngjan shpesh një fantazme. Me një mënyrë të tillë kundërshtie ajo ka aplikuar një qëndrim të caktuar ndaj problemit të saj. Kështu është e bindur që asnjë kurë nuk do të mundet që t’ia ndryshojë situatën dhe mbi të gjitha ajo vetë nuk ka dëshirë ta ndryshojë këtë situatë. “Nuk dua që të dukem si gjithë dynjaja. Jam mësuar me të qenët ndryshe dhe nuk do t’i ushtrohesha asnjë mjekimi për të ndryshuar”, deklaron Lizi. Në familjen e saj, brez pas brezi, si nga ana e mamasë ashtu edhe nga ana e të atit, nuk ka pasur kurrë një person me një veti të tillë.

Vëllai i saj Kris dhe motra Matia janë fëmijë të zhvilluar normalisht. Prindërit e saj, që janë shumë besimtarë, i kanë thënë që në fëmijëri se Zoti e ka veçuar nga të tjerët për një plan të tijin dhe se ajo nuk duhet që të hidhërohet për një gjë të tillë, sepse në fund të fundit është në njëfarë mënyre e përzgjedhur. Ky këndvështrim duket edhe në një libër që ajo ka shkruar: “Lizi bukuroshja”. Dhe ishte pikërisht ky libër që tërhoqi vëmendjen e mediave dhe të mjekëve ndaj kësaj gruaje me këtë dhunti e trup të veçantë.

Në rininë e hershme, Lizi shfaqej në disa programe televizive brenda dhe jashtë Shteteve të Bashkuara të Amerikës. Për audiencën ajo ishte vajza super e dobët, që mund të hante sasi të mëdha ushqimi pa u shëndoshur. Lizi ishte si një kuriozitet lëvizës që shkaktonte habi dhe kureshtje te njerëzit e thjeshtë dhe te mjekët. Në fakt ajo ka tërhequr vëmendjen e të tjerëve që në çastin që erdhi në jetë.

Ajo peshonte në atë moment vetëm 1900 gramë dhe ishte vetëm 40 centimetra e gjatë. Ishte e vogël sa për t’u futur në një kuti këpucësh. Shqetësues për mjekët në atë kohë ishte fakti se bebja nuk kishte yndyrë në trup. Arteriet e saj ishin qartësisht të dukshme poshtë lëkurës së saj dhe vajza i ngjante gjithnjë e më tepër një kukulle prej druri. Mjekët ishin të gjithë të mendjes se vajza nuk do të ishte e aftë që të mbijetonte, por më pas doli se të gjitha organet e saj të brendshme ishin tërësisht funksionale. Lizi ishte tepër e fortë për të vdekur.

Atëherë për rastin e saj nisi një ndërmarrje e vërtetë kërkimesh dhe analizash shkencore, por prej tyre nuk doli asgjë e veçantë në dritë. Doktorët, me gjithë përpjekjet e tyre të mëdha, nuk arritën që të zbulonin kurrë se çfarë i mungonte vajzës dhe se si funksiononte metabolizmi i saj shumë i ndërlikuar dhe i veçantë. Me kalimin e kohës mjekët zbuluan se ajo ishte e verbër në syrin e djathtë dhe kur ishte e vogël u thanë prindërve të vajzës se ajo nuk do të ishte në gjendje që të fliste dhe të komunikonte, madje as të ecte. Kur Lizi mbushi 4 vjeçe, nisi që jo vetëm të ecte, por edhe të fliste dhe interesant ishte fakti se ajo po rritej. I vetmi problem që kishte, ishte se nuk po arrinte që të fitonte peshë. Gjithçka e saj ishte e çuditshme dhe më i çuditshëm ishte fakti i mbijetesës së saj në kushtet e një trupi me shumë probleme.

Kur Lizi ishte 13 vjeçe, e ëma e bëri të ditur situatën e së bijës edhe në media dhe tërhoqi vëmendjen e disa studiuesve të Universitetit të Teksasit. Ata ishin mjaft të interesuar që të studionin mekanizmin e metabolizmit të Lizit dhe i bënë të gjitha llojet e analizave, si dhe vëzhguan rrjedhën e jetës së saj për një periudhë relativisht të gjatë kohore. Si përfundim doli se organizmi i saj ishte jashtëzakonisht i shëndetshëm për një grua që teorikisht nuk mund të jetonte me parametrat e peshës trupore.

Megjithatë mjekët dolën në një teori në lidhje me një sindromë shumë të rrallë, që kishte të bënte me gjenin e personit që e kishte. Por njerëzit që e kishin këtë sindromë nuk kishin shëndetin e Lizit dhe zakonisht nuk jetonin shumë. Bëhet fjalë për raste të rralla, që në të gjithë botën mund të numërohen me gishta. Edhe pse mjekët mendojnë se është një sindromë gjenetike, është e vështirë për ta që të përcaktojnë se cili është gjeni i përfshirë në këtë rast.

Disa prej tyre besojnë se situata mund edhe të kurohet, ndërkohë që të tjerë mendojnë se ai është një rast i pashpresë. Ndërsa për vetë Lizin opsioni i vetëm për të mbetur gjallë është që të ushqehet në mënyrë të vazhdueshme. Ushqimi është e vetmja gjë për të cilën ajo ka nevojë për të pasur një jetë normale. Lizi thotë se preferon disa ushqime të caktuara, si ushqimet pikante, mishrat dhe nuk preferon sallatat, apo edhe frutat. Të parapëlqyera ka edhe ushqimet e fastfudit. Dhe veçanërisht parapëlqen për të pirë “Coca Cola”.

Për të, të ushqyerit është momenti më i bukur i ditës dhe pse rrëfen se ndonjëherë është e lodhshme që të rrish vazhdimisht duke përtypur. Askush nuk është në gjendje që të shpjegojë se çfarë u ndodh ushqimeve kur futen në trupin e Lizit. Në organizmat normalë çdo tepricë shndërrohet në depozitë yndyrash, ndërsa tek ajo yndyra e ushqimeve “avullon”.

Vetë Lizi është e kënaqur me idenë se përbën një rast të rrallë mjekësor dhe se do të mbahet mend në historinë mjekësore si një mrekulli e gjallë, madje ajo e di edhe se mjekët e shohin si një kavie eksperimentale, apo si një shans të tyren për të pasur sukses. Por kjo nuk e pengon aspak që të ndihet mirë me veten dhe me jetën, duke pasur të njëjtin oreks jashtëzakonisht të madh për ushqimin

[Peja-Boy]

Syri i Observatorit (SDO) të NASA, që u hodh në hapësirë në shkurt të 2010-tës, ka regjistruar imazhe nga shpërthimi në Diell. Këto imazhe do tu shërbejnë astronomëve nga e gjithë bota për të kuptuar më mirë fenomenet që ndodhin në diell.

Në fotografitë më poshtë do të mund të shihni disa nga imazhet e regjistrura nga NASA gjatë momentit të shpërthimit në Diell.

[Peja-Boy]

Tifozi katalanas kërkon ndihmë!


Jimmy Jump, ndoshta tifozi më i njohur i Barcelonës, është në vështirësi. Për shkak të dinakërive të mëparshme, duhet të paguajë gjobën prej 100 mijë euro. Për këtë ka lutur të gjithë fansat e tij që t’i ndihmojnë në mbledhjen e parave për të vazhduar karrierën e tij dhe të bëjë një skeç me Jose Mourinhon, transmetojnë agjencitë.

Jimmy Jump, i cili ka ndërprerë ngjarje të ndryshme që nga Kampionati Botëror në futboll e deri te Eurosongu, po kërkon i dëshpëruar ndihmë dhe mjete financiare për të mbetur në liri dhe të realizojë dëshirën e tij të madhe – që trajnerit të Real Madridit, Jose Mourinhos, t’ia vë kapelën e tij të famshme.

[Peja-Boy]

Ja si ndërtohet hoteli 15 katësh për gjashtë ditë

Një ekip ndërtuesish në qytetin Changsha në jug të Kinës ka arritur që për vetëm gjashtë ditë të ndërtojë një hotel prej hiq më pak se 15 kateve. Hoteli është ndërtuar në atë mënyrë që t’i rezistojë tërmetit deri në nëntë ballë sipas shkallës Rihter, ndërsa janë përdorur materiale të përgatitura që më parë.

Me fjalë të tjera, një ekip ndërtuesish ka ndërtuar pjesë të hotelit në vende të tjera, ndërsa të gjitha ato pjesë janë bërë bashkë në punishten e ndërtimtarisë. Me gjithë ritmin e pabesueshëm të punës, nuk është lënduar asnjë punëtor, ndërsa për shkak të procesit të parapërgatitur pak material ka shkuar dëm, shkruajnë mediat kineze.

[Peja-Boy]

Dasma speciale me buldozerë Një dhëndër kinez, që punon për një kompani të makinerive të rënda, ka shfrytëzuar një kolonë buldozerësh, në vend të veturave, për ta marrë nusen e tij, duke u munduar që në këtë mënyrë të kursente para.

Dhëndri, Zhang Zongquiang, punon në një firmë ku prodhohen makina pune. Ai e shfrytëzoi këtë mundësi dhe angazhoi gjashtë buldozerë për ta marrë nusen. Në këtë mënyrë dhëndri kurseu goxha para.

Edhe pse e dashura e tij fillimisht ishte kundër kësaj ideje, në fund pranoi dhe u befasua vërtet. Buldozerët me balona dhe fjongo me lara u bënë atraksion nëpër rrugët e qytetit Pingdingshan.

Martesa e tyre mori një bukuri të veçantë dhe ishte krejt ndryshe prej dasmave të tjera, e kjo i pëlqeu shumë nuses. Kolonën e pazakontë të dasmës e përcillte edhe policia.

[Peja-Boy]

Zi botërore: Ndërron jetë oktapodi Paul

Një lajm që do të mërzisë të gjithë të apasionuarit e futbollit e sidomos ata të basteve sportive. Ka ngordhur oktapodi Paul. Oktapodi që kishte fituar një famë botërore i ka gjetur të gjitha ndeshjet që i janë kërkuar në botërorin e Afrikës së Jugut 2010. Ai është gjendur i pajetë në Gjermani, e ka bërë të ditur akuariumi Sea Life në Oberhausen që kujdesej për oktapodin. Paul ishte shumë i dashur nga njerëzit dhe pas botërorit ai u bë një orakull i vërtetë për futbollin. (albeu.com)

Paul kishte arritur moshën 2 ½ vjet dhe ngordhi në akuariumin e tij "Sea Life" në qytetin gjerman të Oberhausen. Paul parashikoi përfundimin e saktë të gjitha shtatë lojrave të Gjermanisë. Ai i bënte parashikimet e tij duke hapur kapakun e një prej dy kutive plastike të vendosura ne akuarium, ku secila prej tyre përmbante një midhje dhe duke dhe një flamur ekipi.

Gjatë kontrolleve nga mjekët ditën e hënë, rezultoi që Paul nuk kishte asnje problem, por siç duket nuk ja ka dalë dot gjatë natës. Ai ka ngordhur nga shkaqe natyrale.

Pas ngritjes në rëndësi globale gjatë Kupës së Botës në Afrikën e Jugut në qershor dhe korrik, Paul doli në pension nga biznesi i parashikimeve, menjëherë pas finaleve midis Spanjës dhe Hollandës, ku si fitues zgjodhi Spanjën, rezultat i saktë. Pas daljes në pension, ai u kthye në rolin e tij primar, argëtimin e fëmijëve që e shikonin nga akuariumi.

[Peja-Boy]

Gjoba për veshje minifundi, 500 euro Kryebashkiaku i qytetit italian Castelmare di Stabia ka kërkuar që grave t′u ndalohet të mbajnë minifunde dhe veshje të tjera, të cilat "zbulojnë paksa më shumë" trupin, në mënyrë që të përmirësohen standardet e mirësjelljes në atë qytet afër Napolit.

Nëse krerët e qytetit e mbështesin propozimin e tij, popullatës lokale po ashtu do t’u ndalohen sharjet, por edhe rrezitja dhe loja e futbollit në lulishte.

Kryebashkiaku Luigi Bobio është i bindur se këto masa, kundër “njerëzve të paedukuar dhe të pasjellshëm”, do të përmirësojë imazhin e qytetit dhe do të pakësojë sjelljet anti-sociale.

Sipas mediave italiane, për shkelësit e ligjit parashihen ndëshkime nga 25 deri në 500 euro.

[Peja-Boy]

Apokalipsi i 2012, teori e vërtetë?

Shpërthimi i madh i energjisë diellore, e ashtuquajtura “Stuhi diellore” do të mund të paralizonte Tokën në një periudhë trevjeçare, ka paralajmëruar një ekip i shkencëtarëve britanikë, shkruan Zëri.
Sipas tyre, “stuhia” që pritet rreth viteve 2012-2013 do të shkaktonte dëm të rrjeteve elektrike, kolaps të sistemeve komunikuese, rrëzime të aeroplanëve, ndërsa interneti sipas të gjitha gjasave do të ndërpriste funksionimin. Kjo stuhi e Diellit në Tokë do mund të interpretohej si stuhia gjeomagnetike

Një dukuri e tillë për herë të parë në Tokë është regjistruar në vitin 1859, kur stuhia diellore pati shkatërruar rrjetin telegrafik në Evropë dhe SHBA, por atëbotë nuk ekzistonte ende rrjeti i zhvilluar elektrik e as bota nuk ishte e varur nga energjia elektrike në atë masë sa është sot.

Katastrofa e re do të mund t’i ngjante nga pak skenave të filmit “2012”, paralajmëroi sekretari në ministrinë e Mbrojtjes së Britanisë, Liam Fox, duke shtuar se stuhia e diellit si ajo e vitit 1859 në botën moderne do të shkaktonte kaos të plotë.

Për arsye të përsëritjes së mundshme të stuhisë diellore, Fox ka thirrur një konferencë urgjente në Londër dhe ka ftuar shkencëtarët që të hartojnë strategjinë me të cilën do të zbuteshin efektet e katastrofës.

Ai ka thënë se më 1898 ka ndodhur një “stuhi diellore” e vogël, e cila ka paralizuar rrjetin elektrik në Kebek të Kanadasë.

Ish-këshilltari amerikan për Mbrojtje, Avi Scher ka paralajmëruar botën se nuk bën të presë katastrofën dhe se duhet menjëherë të fillojë aksionin.

Shkencëtarët presin që duke nisur nga viti 2012 stuhia diellore të prekë dhe Tokën me fuqinë e 100 milionë bombave me hidrogjen. Stuhi të ngjashme në vitin 1859 dhe vitin 1921 ku u shkatërruan shkrime telegrafime në mënyrë masive, por stuhia në vitin 2012 pritet të jetë me përmasa edhe më shqetësuese.

[Peja-Boy]

Ja qendra e Wikileaks











Edhe pse Wikileaks.com nuk ka një qendër të deklaruar, në mediat evropiane janë publikuar fotografi, të cilat supozohen të jenë të qendrës nga ku publikohen dhe ruhen dokumentacionet.

Shtetet e Bashkuara të Amerikës kanë filluar një fushatë anit-Wikileas dhe po tentojnë me çdo kusht ta mbyllin.

[Peja-Boy]

Lindja e nënës, live në Google "Street View"

Një nga mrekullitë që bëri platforma më të re e Google "Street View". Pikërisht telekamerat e shërbimit të hartave "live" të Google kanë kapur sot në Wimersdorf të Gjermanisë një grua që ka sjellë në dritë një fëmijë në rrugë.

Fakti që gjithçka është kapur direkt ka bërë menjëherë bujë, duke u shfaqur nëpër të gjithë faqet e internetit të mbarë botës. Ndonëse shumica e lexuesve janë shfaqur mosbesuese, duke thënë se ka qenë e gjitha një montazh.

Kjo edhe për faktin se në Gjermani, “Street View” ka hasur rezistencat më të mëdha: qindra mijëra gjermanë kanë kërkuar të zhduken banesat e tyre nga imazhet e hartave të Google, ndërsa një qytet i tërë ka kërkuar të mos shfaqet fare

[Peja-Boy]

Nga paniku kalon 5 muaj në makinë

Një britanike ka kaluar 5 muaj duke fjetur në veturën e saj. Por, Lynsey Church, nuk ishte e pastrehë e detyruar në këtë mënyrë të jetës, por nga paniku frikësohej të kthehej në shtëpi.

Lynsey 30-vjeçare, nuk dëshironte të largohej nga spitali i sigurt “Wishaw General”, duke jetuar në parkingun e tyre. Në veturë hante, pinte e flinte. Gjatë këtyre pesë muajve nuk shkoi asnjëherë në shtëpi. Në maj të këtij viti, Lunsey filloi më fund psikoterapinë, pas së cilës u kthye në shtëpinë, të cilën e ndanë me të dashurin e saj 40-vjeçar, Scott Paterson.

[Peja-Boy]

Shtyhet për në 2116-ën, fundi i botës



Viti 2012 po afrohet dhe po zvogëlohen gjithmonë e më shumë mundësitë se fundi i njerëzimit do të jetë në vitin që ka parashikuar fisi Maya. Sipas vëllezërve Bohumil dhe Vladimir Bohm, njëri matematicien dhe tjetri profesor i Historisë dhe kulturës Maya, planetit tonë do t′i vijë fundi në vitin 2116. Problemi me parashikimin është se fisi Maya ishte i fiksuar pas numrave dhe përdornin disa kalendarë.

Kalendari fetar kishte 260 ditë ndërsa ai bujqësor kishte 365 ditë. Gjithashtu, javët e tyre zgjasnin 9 ditë. Lidhja mes kalendarëve të tyre dhe kalendarit që përdorim ne është komplekse dhe pas shumë llogaritjesh dhe kërkimesh, vëllezërit Bohm kanë gjetur gabimin e Eric Sidney Thompson (arkeologu që bëri paralelizmin e parë mes dy kalendarëve).

Thompson nuk kishte llogaritur një ndërprerje të gjatë në kalendarin Maya që ndodhi për shkak të një lufte. Pasi kanë bërë llogaritjet e tyre, Bohm kanë dalë në përfundim se Apokalipsi do të ndodhë më 2116.

Por, shkencëtarë të tjerë mendojnë se jeta në Tokë është e pamundur të shuhet, vetëm një luftë bërthamore mund të shuajë njerëzimin, por jo çdo formë jete.