Lajme Aktuale....

[Guri i madh]

Ndërtimi dhe renovimi i objekteve

Renovimi i objekteve ekzistuese dhe ndërtimi i atyre të reja i kushtoi mjaft shtrenjtë buxhetit të Kosovës. Kompania “Al Trade” gjatë vitit 2010 ka kontraktuar punë publike në vlerë prej 5 milionë e 636 mijë eurosh. Kjo kompani në bashkëpunim me kompaninë “Arbëria” ka ndërtuar objektin e poliklinikës në kazermën e FSK-së në Prishtinë, ndërsa vlera e punëve të kryera ishte 3 milionë e 787 mijë euro.
Kompania “Albes” nga Saradrani i Istogut është njëra ndër kompanitë private që ka fituar projektet më të mëdha të renovimit. Gjatë një viti kjo kompani fitoi gjithsej 5 milionë e 300 mijë euro nga kontrata publike. Kryesisht tenderët e fituar nga kjo kompani kanë qenë në fushën e renovimit dhe të ndërtimit të objekteve komunale, si dhe ndërtimi i objekteve të reja për ministri. Komuna e Shtërpcës e ka kontraktuar kompaninë “Albes” për ndërtimin e tri ndërtesave, ndërsa vlera e kontratës ka qenë 1 milion e 516 mijë euro.
Kompania tjetër e cila prin në milionat e fituara në ndërtimin dhe renovimin e objekteve është ajo “Bedi Ndërton”. Kjo kompani ka fituar kontrata në vlerë prej rreth 4 milionë eurosh, kryesisht nga Komuna e Prishtinës dhe ajo e Podujevës. Vetëm për ndërtimin e një shkolle në Podujevë kjo kompani ka fituar tenderin në vlerë prej 1 milion e 565 mijë eurosh, gjatë vitit 2010. Edhe kompanitë e tjera ndërtuese kanë fituar kontrata nga tenderët në vlerë prej miliona eurosh. Për vazhdimin e punimeve në kompleksin memorial “Adem Jashari” është kontraktuar kompania “100% Design”, ndërsa vlera e kontratës është rreth 1 milion e 500 mijë euro. Renovimin e një pike të Postës dhe Telekomit të Kosovës të djegur para disa vjetëve në Fushë-Kosovës e ka kontraktuar kompania me emrin “P& I” në vlerë prej 1 milion e 5 mijë eurosh. Punët e kësaj kompanie ende nuk kanë përfunduar, ndonëse procedurat e tenderimit kanë vazhduar sipas planit.
“Mabb Group” nga Gjilani dhe “Stublla” nga Lipjani kanë fituar tenderin në vlerë prej 1 milion e 343 mijë eurosh për ndërtimin e objektit të Gjykatës në Gjilan. Kompania “Stublla” gjithashtu ka fituar tender në vlerë prej 1 milion e 682 mijë eurosh për ndërtimin e një shkolle të mesme në Lipjan.

Telekomunikimi

Furnizimi me material për zgjerimin e rrjetit me fije optike i ka kushtuar Postës dhe Telekomit të Kosovës rreth 3 milionë e 828 mijë euro. Kompanitë “Union Commerce” dhe “Group Oil PR” kanë qenë fituese të tenderit pas anulimit të tij disa herë radhazi. Në pamundësi të dhënies në mënyrë komplete të tenderit në vlerë prej rreth 20 milionësh, PTK-ja e ndau në lote këtë tender, ndërsa nuk janë dhënë detaje se cilat punë kanë qenë dashur të kryheshin nga kompanitë fituese të kontratës. Nga PTK-ja, nëpërmjet tenderëve njëburimorë është “shpërblyer” kompania “Alcatel Lucent” e Francës, ndërsa vlera e tenderëve kalon shifrën prej miliona eurosh. Kompania publike e telekomunikimeve gjatë vitit ka lidhur kontratë me kompaninë “Alcatel” në vlerë prej 3 milionë e 470 mijë eurosh nëpërmjet tenderit njëburimor për mirëmbajtjen e pajisjeve të operatorit VALA. Kjo kompani franceze gjithashtu ka fituar edhe një milion euro për një tjetër tender të PTK-së.
Për furnizimin dhe instalimin e platformës për ofrimin e shërbimeve IPTV, PTK-ja ka paguar hiç më pak se 5 milionë e 711 mijë euro, ndërsa kompania fituese e tenderit është “SMART COM”.

Projektet e ujit dhe furnizimi me derivate të naftës

Kompania “Rukolli” nga Rezalla e Skenderajt, e krijuar më 2006, gjatë vitit 2010 është kontraktuar nga Ministria e Ekonomisë dhe e Financave që të ndërtojë një fabrikë të ujit në afërsi të Vushtrrisë. Kjo kompani, përveç dhjetëra milionave të fituara më herët kryesisht nga Komuna e Skenderajt, më 2010 është pasuruar edhe për 8 milionë e 273 mijë euro, ndërsa punët do t’i kryejë me një kompani gjermane.
Një projekt tjetër që ka të bëjë me ujërat është ai i ndërtimit të kolektorit atmosferik dhe rrugës mbi lumin Prishtina, në lagjen “Kalabria” të kryeqytetit. Kompania “Çlirimi” nga Prizreni e ka fituar kontratën për t’i kryer këto punë, ndërsa vlera e punimeve është 3 milionë e 45 mijë euro. Kjo kompani nga Prizreni ka fituar edhe 1 milion e 300 mijë euro nga Komuna e Prizrenit, si dhe kontratën për renovimin e Universitetit të Prizrenit në vlerë prej rreth 700 mijë eurosh.
Gjatë vitit 2010 të gjitha autoritetet kontraktuese të Kosovës kanë shpenzuar dhjetëra miliona euro në naftë dhe derivate. Vetëm deri në muajin shtator nga buxheti i Kosovës janë shpenzuar afro 12 milionë euro për derivate dhe lëndë djegëse, ndërsa kompanitë kryesore të cilat kanë fituar tenderë janë: “Hib Petrol”, “Kosova Petrol”, “Petrol Company” dhe “Balkan Petrol”.
“Hib Petrol” ka fituar shumicën e tenderëve për furnizim me derivate, derisa vlera e kontratave të kësaj kompanie të lidhura me autoritetet kontraktuese sillet rreth 3 milionë euro. Por kryesisht kompanitë të cilat kontraktohen për furnizim me derivate e llogarisin çmimin e derivatit për njësi dhe nuk e japin shumën totale të kontratës. Ndërsa kompania “Balkan Petrol” ka fituar tender në vlerë prej 940 mijë eurosh për furnizimin e KEK-ut me vajra industriale.

[Guri i madh]

Prishtinë, 5 janar - Ka ardhur janari i vendimeve të kryeministrit në dorëheqje, Hashim Thaçi, për rritje pagash. Ekspertët e ekonomisë thonë se kjo gjë është e pamundur. Njëri nga vendimet ishte edhe rritja e pagave për mësimdhënësit për 50 për qind. Sipas Thaçit, që nga janari i këtij viti mësimdhënësit do t’i marrin pagat me rritje. Në vitin 2011 qeveria e Kosovës ka hyrë pa buxhet të aprovuar nga Kuvendi, ndërsa eksperti i ekonomisë, Musa Limani, e ka quajtur deklaratën e Thaçit gënjeshtër publike, pasi që, sipas tij, një gjë e tillë nuk mund të ndodhë. Ndërsa, sindikalistët dëshirojnë t’u besojnë premtimeve të Thaçit. Duke u bazuar në rrjedhat ekonomike të vitit që lamë pas, Limani paralajmëron një vit i cili do të ketë krizë edhe më të thellë ekonomike e

Dega e LDD-së e Prishtinës nuk ka kaluar në LDK


Besa Kalaja | 05-01-2011 14:35 CET
Dega e LDD-së në Prishtinë të mërkurën në një konferencë për medie e ka demantuar ish-kryetarin e kësaj dege Musli Mehaj se ata kanë kaluar në LDK. Nënkryetari i kësaj dege, Sharr Pllana ka thënë se nuk qëndron fakti se degët e LDD-së të Prishtinës kanë kaluar në LDK dhe ketë e kanë bërë vetëm disa individë nga dega e tretë dhe një nga e katërta.
“Konsiderojmë se deklarata e tillë është kryesisht individuale dhe bëhet për qëllime dhe përfitime personale dhe deklarata e tillë nuk përfaqëson vullnetin dhe qëndrimin politik të pesë degëve të LDD-së në Prishtinë”, tha Pllana.
Në këtë konferencë ku kanë qenë prezentë kryetarët dhe përfaqësuesit e pesë degëve të LDD-së për Prishtinën është thënë se ish-kryetari Musli Mehaj mandatin që e mbanë si këshilltar komunal në Prishtinë është i LDD-së dhe nuk mund ta bart te asnjë subjekt tjetër politik.
“Andaj kërkojmë nga po i njejti person që si akt dhe përgjegjësi morale, të njejtin mandat t’ia kthej LDD-së”, tha Pllana.
Ai madje ka thënë se në këtë parti nuk ka krizë dhe ata do të vazhdojnë punën pa u mërzitur që dikush e ka braktisur partinë. Ai tha të ketë motiv me të madh tash edhe pse LDD nuk ka arritur ta kalojë as pragun. Pllana tha se ka pasur ofertë t’i bashkohet LDK-së por nuk e ka bërë e as do ta bëjë një gjë të tillë.
“Po ashtu konsiderojmë që asnjë individ nuk mund që në emër të LDD-së tu bëjë thirrje votuesve të LDD-së që të votojnë subjekte tjera politike në rivotimet e 9 janarit”, tha ai.

Gjermani: Aksidentohet autobusi me udhëtarë kosovarë


06-01-2011 11:52 CET
Siç njofton agjencia gjermane e lajmeve DPA, të enjten paradite në austostradën A8 në mes të Munihut dhe Shtutgartit në Gjermani, një kamion është ndeshur me një autobus të mbushur përplot me udhëtarë nga Kosova.
Sipas njoftimeve të para të bëra nga policia e Augsburgut, në ora 7:15 të mëngjesit, kamioni me tabela regjistrimi italiane dhe drejtues italian, është ndeshur me autobusin e udhëtarëve mes pompës së benzinës në “Zusmarshausen” dhe daljes nga autostrada “Adelsried”, pika këto mes Munihut dhe Shtutgartit.
Në të dy drejtimet autostrada tash e disa orë është mbyllur kurse sipas të dhënave të para ka edhe të lënduar rëndë nga ky aksident.
Siç ka mësuar “Zëri”, nga ky aksident janë lënduar rreth 30 udhëtarë kurse katër prej tyre kanë pësuar lëndime të rënda trupore. Shumë prej udhëtarëve po trajtohen në vend të ngjarjes dhe në spitalin e qytetit të Augsburgut në gjermani.
Poashtu është bërë e ditur që fjala është për agjencionin e udhëtimeve “Vector” me seli në Kosovë dhe Gjermani. Dy prej udhëtarëve njoftohet të jenë lënduar rëndë.
Ndërkaq, policia gjermane ende nuk ka dhënë asnjë informatë rreth identitetit të kompanisë së autobusit dhe udhëtarëve nga Kosova. /Zëri/

[Guri i madh]

Strategjia për veriun, vetëm në letër

Publikuar: Sot, më 06 janar 2011




Prishtinë, 6 janar – Gazeta Koha Ditore, në një vështrim analitik planit të hartuar nga Zyra Civile Ndërkombëtare në konsultim me Qeverinë e Kosovës dhe shtetet e Quintit, që kishte për qëllim integrimin e veriut dhe instalimin e autoritetit të institucioneve të Kosovës në atë pjesë të vendit, konstaton se Strategjia për veriun ka dështuar të japë ndonjë rezultat dhe nuk ka arritur të zbatohet një vit pas publikimit.
Sipas gazetës, Strategjia për veriun e Kosovës mbetet vetëm një dokument në letër edhe një vit pas publikimit të saj. Plani i hartuar nga Zyra Civile Ndërkombëtare në konsultim me Qeverinë e Kosovës dhe shtetet e Quintit kishte për qëllim integrimin e veriut dhe instalimin e autoritetit të institucioneve të Kosovës në atë pjesë të vendit, por ka dështuar të japë ndonjë rezultat.
Zyra Civile Ndërkombëtare dhe Qeveria e Kosovës deklarojnë se veprimet e tyre janë të bazuara në këtë Strategji dhe ritheksojnë se nuk kanë hequr dorë nga ajo.
Qeveria ka emëruar një koordinator për zbatimin e Strategjisë dhe ka krijuar një zyrë për këtë çështje, por ka dështuar t’i krijojë grupet punese që do të merreshin me zbatimin e saj. Nuk është ndarë as buxheti i veçantë që do ta mundësonte zbatimin e Strategjisë dhe nuk është ndalur dhe nuk është mbyllur Zyra e UNMIK-ut në veri (UAM).
Bashkësia ndërkombëtare, nga ana tjetër, ka arritur ta hapë të ashtuquajturën “shtëpia e BE-së” në veri dhe të shtojë praninë e EULEX-it, por nuk i ka luftuar strukturat paralele të Serbisë, nuk është funksionalizuar gjykata dhe nuk është rritur sundimi i ligjit në atë pjesë të Kosovës.
E tërë e arritura është krijimi i një zyre lokale që u ofron dokumente të Republikës së Kosovës qytetarëve të interesuar, ndërsa ICO-ja ka bërë edhe një ekip, i cili po punon në krijimin e komunës së re në veri të Mitrovicës.

(Tekstin e plotë mund ta lexoni në gazetën Koha Ditore)

[Guri i madh]

Prishtinë, 7 janar - Partia Demokratike e Kosovës (PDK) është treguar e gatshme që në koalicionin e ardhshëm qeverisës madje edhe për Lidhjen Demokratike të Kosovës (LDK).

Nënkryetari i PDK-së, Hajredin Kuçi ka thënë se Qeveria formohet dy javë pas certifikimit të rezultateve zgjedhore.

“Deri më tash nuk kemi biseduar me asnjë parti për koalicione të mundshme. Për ne janë të pranueshme të gjithë, madje edhe LDK”, ka thënë Hajredin Kuçi në një intervistë për Express.

Për AAK-në, që përfolet se po kërkohet nga PDK të jetë në koalicion, Kuçi kërkon që kjo parti të reflektojë me rezultatin që ka marrë në zgjedhje.

[Guri i madh]

Kosovës i duhet një qeveri e besueshme dhe e pastër

Publikuar: Sot, më 07 janar 2011





Përfaqësuesi civil ndërkombëtarë, Pieter Fieth përmes një deklarate për media ka shprehur qëndrimin se Kosovës i duhet një qeveri e re jo vetëm kredibile por gjithashtu e pastër dhe e aftë, e gatshme për t’u ballafaquar me sfidat e vështira para saj, në partneritet me bashkësinë ndërkombëtare.
Ai ka theksuar se votimet e 12 dhjetorit të vitit të kaluar janë mbajtur në një atmosferë kryesisht konstruktive por të përcjella me parregullsi, ndërkaq duke komentuar përsëritjen e votimeve për zgjedhjet e përgjithshme të Kosovës që do mbahen të dielën më 9 janar 2011, Feith tha se qytetarët e Kosovës, institucionet e Kosovës dhe bashkësia ndërkombëtare, përfshirë Bashkimin Evropian, nuk mund t’i pranojnë këto parregullsi.
“Rivotimet e pjesshme të urdhëruara nga Paneli i Zgjedhjeve për Ankesa dhe Parashtresa është një mënyrë për t’i korrigjuar ato. Kosovës i duhet një Kuvend kredibil dhe një Qeveri kredibile. Për të pasur legjitimitet, këto institucione duhet të bazohen në respektimin e ligjit. Ky është qëllimi i demokracisë, themelit të vlerave tona kryesore”, tha Feith.
Ai theksoi se bashkësia ndërkombëtare, në veçanti përmes misionit të Vëzhgimit të Zgjedhjeve, do të përcjellë se çka do të ndodhë të dielën dhe se zhvillimi i këtyre zgjedhjeve do të ketë ndikim të drejtpërdrejtë në reputacionin ndërkombëtar të Kosovës.
“Udhëheqësit politik të Kosovës kanë përgjegjësi të veçantë dhe personale për të parandaluar mashtrimet dhe kërcënimet. Përfitimi afatshkurtër në llogari të reputacionit ndërkombëtar të Kosovës është i pamatur në veçanti në kohën kur Kosovës i nevojitet përkrahje e mëtejme ndërkombëtare dhe evropiane”, u shpreh Feith.
Ai më tej shprehet se qytetarët e Kosovës me të drejtë orvaten për kushte më të mira jetese, prandaj sipas tij është e nevojshme që këto zgjedhje t’i përcjellë një atmosferë konstruktive për të cilën kontribuojnë të gjithë aktorët politik.

[Llapjani_HH]

Todoriq: Bisedimet me Thaçin më të lehta për Beogradin

Hashim Thaçi do të mendojë se do ta rifitojë legjitimitetin e tij në BE prapë, nëse bën një marrëveshje me Serbinë, tha në një intervistë për Radion Evropa e Lirë, drejtori i Qendrës për Politika të Reja në Beograd, Vladimir Todoriq.

RADIO EVROPA E LIRË
Zyrtarët në Prishtinë kanë treguar gatishmërinë e tyre për të nisur dialogun me Beogradin pas përfundimit të zgjedhjeve parlamentare në Kosovë. A është edhe Beogradi i gatshëm për një dialog të tillë? Cila është përshtypja juaj?

VLADIMIR TODORIQ
Kam përshtypjen se Beogradi është më shumë i etshëm për të nisur dialogun në këtë moment. Ne nuk e dimë ende se cila është korniza kohore e dialogut. Ne dimë se kufiri i kësaj kornize kohore është ndoshta tre muaj para zgjedhjeve në Serbi dhe ato do të mbahen më së largu në fund të marsit, apo në prill të 2012-ës. Andaj, ndoshta po flasim për fundin e këtij viti.

Mendoj se krijimi i qeverisë në Kosovë, nuk do të jetë një proces i lehtë, duke pasur parasysh mungesën e qartësisë për jehonës që ka pasur raporti i Dik Martit. Një nga pasojat e këtij raporti është se Hashim Thaçi nuk do të jetë personi, me të cilin krerët e shteteve anëtare të BE-së do të dëshirojnë t’i shtrëngojnë duart apo të bëjnë fotografi.

Pra, mendoj se partnerët apo rivalët e tij politikë në Prishtinë janë të vetëdijshëm për këtë dhe supozoj që kjo është një kuti problematike sa i përket formimit të koalicionit të ardhshëm qeveritar në Kosovë. Beogradi është shumë i qartë lidhur me fillimin e dialogut.

Ishte vlerësim i të gjithëve - kur flasim për tetorin, nëntorin apo dhjetorin e këtij viti, se koha ishte në anën e Prishtinës dhe se Beogradi do të duhej të niste dialogun sa më parë që të jetë e mundur. Kam përshtypjen se ka një ndryshim të lehtë të këtij momentumi tani.

RADIO EVROPA E LIRË
Pra, a mendoni se raporti i Dik Martit do të mund të prodhonte efekte afatgjata për Kosovën?

VLADIMIR TODORIQ
Raporti i Dik Martit është në fakt një raport politik, që është dizajnuar të jetë raport politik. Mendoj se çelësi për ta kuptuar këtë dokument gjendet te fusnotat e raportit, ku shihet se faktet mbi hetimet atij i janë dhënë përmes raporteve të shërbimeve sekrete të katër shteteve të BE-së, kryesisht të Gjermanisë, Francës, Greqisë dhe Italisë. Askush nuk i jep këto raporte pa ndonjë lloj vendimi politik të këtyre shteteve.

Mendoj se ky është një mesazh i qartë për Kosovën se Kosova duhet ta ndërpresë politikën e saj të varësisë nga politika e SHBA-së dhe se ajo nuk do të tolerohet siç është bërë më parë - nëse ju kujtohet arrestimi i tre agjentëve të BND-së një apo një vit e gjysmë më parë. Kjo duhet të merret parasysh nëse lexohen mesazhet e raportit.

Askush nuk mund të thotë për momentin se a do të kemi ndonjë gjykim, apo ndonjë hetim zyrtar, por këto janë akuza shumë serioze politike të një autoriteti të lartë. Këto janë akuza të zhvendosura që do të mbesin për një kohë të pacaktuar, që do ta pengojnë Hashim Thaçin në të ardhmen dhe do ta pengojnë Kosovën nëse Hashim Thaçi vazhdon ta udhëheqë Kosovën për një periudhë të pacaktuar.

Kjo është diçka, në të cilën po llogarit Beogradi; nëse i lexoni deklaratat e Boris Tadiqit - ai ka thënë se do të vazhdojë të flasë me Hashim Thaçin, pavarësisht akuzave derisa të kemi verdikt zyrtar dhe dyshoj se do të kemi një lloj të këtij verdikti në të ardhmen e afërt.

Pra, mendoj se kjo pasqyron vlerësimin se do të ishte më e lehtë të zhvillohen negociata me Hashim Thaçin me këto akuza që rëndojnë mbi të, sepse ai do të mendojë se do ta rifitojë legjitimitetin e tij në Bashkimin Evropian prapë, nëse ai bën një marrëveshje me Serbinë.

RADIO EVROPA E LIRË
Pra, çfarë mendoni se duhet të bëjnë autoritetet në Prishtinë? Cilat janë veprimet apo masat që ata duhet t’i ndërmarrin?

VLADIMIR TODORIQ
Mendoj se autoritetet në Prishtinë kanë një mundësi dhe kjo është të vazhdojnë dialogun me Bashkimin Evropian për bisedimet e ardhshme me Beogradin, duke e përfshirë perspektivën evropiane - mundësinë për ta nënshkruar Marrëveshjen për Stabilizim-Asociim dhe liberalizimin e vizave në tërë kontekstin e dialogut.

Shumë njerëz në Prishtinë nuk do ta konsiderojnë këtë si këshillë miqësore, por jam i sigurt se nuk do të jetë e lehtë për Prishtinën të ecë në këtë drejtim me BE-në, duke pasur parasysh legjitimitetin, integritetin dhe besueshmërinë që Shtetet e Bashkuara kanë vënë në tërë projektin për këtë lloj pavarësie të Kosovës.

RADIO EVROPA E LIRË
Së fundi ka pasur vlerësime të ndryshme se a do të duhej veriu të jetë një nga temat e bisedimeve. Cila është pikëpamja e juaj?

VLADIMIR TODORIQ
Parimisht, veriu i Kosovës do të jetë pika kryesore e bisedimeve ndërmjet Beogradit dhe Prishtinës, sapo të ketë përfunduar e ashtuquajtura pjesa teknike e dialogut, që ka të bëjë me kthimin e pronës, telekomunikacionin, njohjen e dokumentacionit, çështjen e CEFTA-s, atë të pasaportave, të regjistrave, çështjen e personave të pagjetur dhe kështu me radhë. Beogradi duhet ta ketë një përfitim nga ky dialog dhe kjo ka të bëjë vetëm me nivelin e autonomisë për veriun.

Beogradi ka, tashmë, de facto një kontroll mbi veriun dhe do të kërkojë vetëm një lloj legalizimi të kësaj. Mirëpo, nëse thellohen pasojat për Qeverinë e Kosovës pas raportit të Dik Martit, mund të rritet apetiti i Beogradit lidhur me shkëmbimet territoriale me Kosovën por nuk mendoj se do të ketë një rezultat të tillë në dy apo tri vitet e ardhshme. Ndoshta më vonë, por për momentin është vetëm një lloj spekulimi. Megjithatë, nëse lexoni raportin e fundit të Grupit Ndërkombëtar të Krizave shihni se kjo është gjithashtu në tryezë.

RADIO EVROPA E LIRË
Ju përmendet disa zgjidhje eventuale, si autonomia për veriun apo shkëmbimi i territoreve. A mendoni se vërtet ka hapësirë për kompromis ndërmjet të dy palëve nëse marrim parasysh deklaratën e ministrit të Jashtëm të Serbisë, Vuk Jeremiq, i cili tha se Beogradi nuk do ta ndryshojë qëndrimin karshi pavarësisë së Kosovës?

VLADIMIR TODORIQ
Natyrisht! Beogradi nuk do të ndryshojë qëndrimin ndaj anëtarësimit të Kosovës në organizata ndërkombëtare ose njohjeve të mëtejmë. Por, nuk mendoj se dikush mund të presë tani që Kosova të marrë më shumë njohje me Hashim Thaçin si kryeministër, dhe me raportin e Dik Martit. Nëse lexoni shtypin në Gjermani, Zvicër apo Itali bëhet mjaft e qartë.

Pra, nuk mendoj se diplomacia serbe do të përpiqet fuqishëm t’i ndalë njohjet, sepse në fakt çdokush druan se njohjet nuk janë diçka, mbi të cilën duhet bazuar. Beogradi duhet ta mbajë qëndrimin e njëjtë ndaj Kosovës, sepse po qe se do ta ndryshonte atë, Kosova nuk do të kishte ndonjë motiv për të hyrë në dialog. Motivimi i vetëm për Kosovës është një lloj pranimi në rrymat ndërkombëtare.

Pra, Kosova nuk mund ta nënshkruajë Marrëveshjen e Stabilizim Asociimit; Kosova nuk mund të nënshkruajë marrëveshje për riatdhesim që është e nevojshme për liberalizimin e vizave. Përderisa pesë shtetet anëtare të BE-së që nuk e kanë njohur ende Kosovën, nuk do ta njohin atë, perspektiva evropiane e Kosovës do të largohet më shumë.

Radio Evropa e Lirë

[Guri i madh]

Meta pazare me HEC-et dhe tenderat

[Guri i madh]

Hashimi a Isa lideri më i votuar?

Publikuar: E mërkure, më 12 janar 2011





Prishtinë, 12 janar (e plotësuar)- Kryetari i Lidhjes Demokratike të Kosovës, Isa Mustafa, është lideri më i votuar në Kosovë me 126 mijë vota, i pasuar nga oponenti i tij politik, kryetari i Partisë Demokratike të Kosovës, Hashim Thaçi, me 114 mijë vota, shkruan sot “Zëri”.
Por, sipas burimeve të Top Channel, kryetari i Partisë Demokratike të Kosovës, Hashim Thaçi, del lideri më i votuar në zgjedhjet e 12 dhjetorit 2010 dhe ato të përsëritura më 9 janar të vitit 2011. Top Channel dje thirrej në burime të afërta me KQZ-në dhe sipas tyre Hashim Thaçi në këto zgjedhje ka marrë 160 mijë vota, ndërsa lideri i partisë rivale, Lidhjes Demokratike të Kosovës, Isa Mustafa, ka marrë 120 mijë vota, ose 40 mijë më pak se i pari.

Burime të gazetës “Zëri” brenda Komisionit Qendror të Zgjedhjeve kanë bërë të ditur se krahasuar me zgjedhjet e kaluara nacionale të 2007-ës, kur Hashim Thaçi i printe “top- listës” së njerëzve më të votuar, i pasuar nga Fatmir Limaj dhe Fatmir Sejdiu, tani pas tre vjetësh, ai ka rënë në vendin e dytë. Ndonëse PDK-ja më 12 dhjetor ka dalë si partia numër 1, me 32 për qind të votave apo me 206. 929 vota, kreu i saj, Hashim Thaçi nuk ka arritur të marrë më shumë se gjysmën e këtyre votave.

E në anën tjetër, njeriu i cili nga 12 dhjetori e ka marrë primatin si më i votuari, Isa Mustafa, ka arritur që të marrë thuajse vota sa e tërë partia e tij. Derisa LDK-ja ka arritur t’i marrë 159 mijë e 823 vota, ai ka marrë 126 mijë vota, që i bie diku 30 mijë vota më pak se partia.

Rënien në vota të kryeministrit në largim, Hashim Thaçi dhe ngritjen e liderit të LDK-së, Isa Mustafa, të martën nuk kanë dashur ta komentojnë drejtuesit e Partisë Demokratike të Kosovës. “Meqenëse unë nuk i kam ato rezultate, nuk mund t’i komentoj, sepse nuk i kam parë. Kur të dalin zyrtarisht, i shohim. Unë nuk mund të operoj tash me informacione tuaja”, ka thënë nënkryetari i PDK-së, Rrustem Mustafa.

Vendin e tretë si njeriu më i votuar në Kosovë e ka zënë Fatmir Limaj, “pozitë” të cilën deri më 12 dhjetor e mbante ish- kryetari i LDK-së dhe ish- presidenti i Kosovës, Fatmir Sejdiu. Edhe pse ka rënë nga “pozita” e dytë në të tretën si njeriu më i votuar në Kosovë, ai ka marrë më shumë vota se sa lideri i Lëvizjes Vetëvendosje, Albin Kurti, se sa kreu i AKR-së Behgjet Pacolli, etj. Sipas burimeve të gazetës, Limaj ka arritur t’i marrë mbi 64 mijë vota.

Vendin e katërt si njeriu më i votuar në Kosovë në këto zgjedhje e ka zënë “rebeli” i politikës kosovare, Albin Kurti. Ai ka arritur t’i marrë 56 mijë vota. Kryetari i AKR-së Behgjet Pacolli ka marrë 28 mijë vota, derisa Agim Çeku ka marrë 13 mijë vota.

Për analistët politikë, ndryshimi i “top-listës” së njerëzve më të votuar në Kosovë ka ndodhur për faktin se për të gjitha dështimet në Kosovë është akuzuar kryeministri në dorëheqje Hashim Thaçi, derisa Isa Mustafa ka arritur ta shfrytëzojë këtë moment, duke e kritikuar vazhdimisht atë dhe kësisoj ka fituar simpatinë e elektoratit të LDK-së.

Sipas analistit politik Avni Zogiani, LDK-ja edhe pse ka qenë në koalicion me PDK-në e Hashim Thaçit, Isa Mustafa në momentet e duhura ka filluar kritikat ndaj këtij koalicioni, gjë që më vonë atij i është përkthyer në vota nga elektorati.

“Dorën në zemër, qeveria Thaçi ka qenë qeveri edhe me LDK-në. Problemi nuk është vetëm se si refuzim prej Thaçit. Thaçi gjithmonë është interpretuar si fajtor edhe ndoshta pikërisht këtë ka arritur ta shfrytëzojë Mustafa, sepse në një moment të caktuar ka filluar haptazi të flasë për prishjen e koalicionit... Domethënë, anëtarësia e LDK-së ka parë te Isa atë që kanë kërkuar një kohë të gjatë, sepse mos të harrojmë, LDK-ja me Thaçin personalisht në kohën e Rugovës ka qenë në antagonizma tepër të ashpra, në armiqësi tepër agresive”, ka shpjeguar Zogaini arsyen e ngritjes së Mustafës si lideri më i votuar në Kosovë.

Ndërsa analisti tjetër, Mazllum Baraliu ka thënë se këto rezultate ende nuk janë përfundimtare dhe shumëçka varet edhe prej rastit të Mitrovicës.

“Rasti i Mitrovicës, një komunë e tërë, është njëra nga komunat më të mëdha në Kosovë. Do ta ndryshojë përsëri nomenklaturën, renditjen atje dhe ende nuk dihet dhe nuk mund të thuhet derisa nuk jepen rezultatet përfundimtare nga KQZ-ja. Prandaj, nuk mund të thuhet se është ai apo ky tash për tash më i votuari”, tha ai.

Gazeta nga burimet e saja ka mësuar se një numër të madh votash kanë marrë edhe disa njerëz të rinj si Arben Gashi i LDK-së, i cili ka arritur t’i marrë mbi 20 mijë vota.

Ndërsa, njerëzit e rinj të PDK-së nuk kanë arritur të marrin edhe aq shumë vota. Berat Buzhala nuk ka rritur që të marrë më shumë se 4 mijë vota dhe në këtë mënyrë nuk ka arritur ta sigurojë “vizën” për të hyrë në Kuvend.

Legjenda: Kreu i LDK-së në zgjedhjet e 12 dhjetorit ka marrë 12 mijë vota më shumë se kreu i PDK-së
Mësohet se ushtruesi i detyrës së presidentit Jakup Krasniqi nuk ka arritur të marrë më shumë se 19 mijë vota, sa mësohet të ketë marrë edhe ministri i Arsimit, Enver Hoxhaj. I dyti i ekzekutivit, Hajredin Kuçi ka marrë 14 mijë vota.

[Llapjani_HH]

Dy traktorë për komunitetin serb në Klinë

Krahas krijimit të kushteve më të mira për jetesë, Kuvendi Komunal i Klinës, ka blerë edhe dy traktorë në vlerë prej mbi 33 mijë euro për komunitetin serb të kësaj ane.

Traktorët janë me të gjitha pajisjet dhe punë fushore me ta do të kryejnë banorët e katër fshatrave, si Krusheva e Madhe, Poterqi, Videji dhe Dugojeva.

Me rastin e dorëzimit të çelësave, kryetari Sokol Bashota tha se ky ëhstë edhe një shembull tjetër se komuna është duke u angazhuar për krijimin e kushteve sa më të mira për të gjithë qytetarët, duke përfshirë këtu edhe komunitetin serb.

Ndërkaq përfaqësuesi i komunitetit serb, Ratko Biqanin ka falënderuar Kuvendin Komunal për këtë ndihmë dhe ka shprehur gatishmërinë për të bashkëpunuar sa më shumë për të rritur integrimin e komunitetit.
Gazeta Expres

Deri kur e ka ndërmend PDK-ja tu fal traktora shkieve?

BIA serbe në Policinë e Kosovës

Ai i përket një komuniteti minoritar të Kosovës, mirëpo nuk është i përkatësisë serbe.

Dyshohet se ka qenë bashkëpunëtor i rëndësishëm i Agjencisë Informative të Sigurisë së Serbisë, pas luftës.

Gazeta “Zëri” pohon të ketë siguruar materialin ku SH.K shihet në bisedë me tre serbët, të cilët në vitin 2009 u arrestuan me dyshimin se tentonin të blinin dëshmitarë që do të deklaronin se udhëheqës të UÇK-së kanë bërë transplantim të organeve të serbëve, gjatë dhe pas luftës.

Burime të gazetës brenda Policisë së Kosovës thonë se ndonëse SH.K dyshohet se ka qenë bashkëpunëtori kryesor i Igor Juçinac, shtetas i Kosovës, Milutin Radanoviq, shtetas i Serbisë, Predrag Zhelkoviq, shtetas i Serbisë, tani pas më shumë se një viti, ai ende mban gradën e kapitenit dhe vazhdon punën në stacionin kryesor të Policisë së Kosovës, në njërin nga qytetet më të mëdha të vendit.

Në materialin filmik që ka parë Zëri shihen qartë edhe targat e veturës së Policisë, të cilën e vozit kapiteni Sh.K, ndërsa pak sekonda më vonë shihet në bisedë e sipër me ata që dyshohen se ishin agjentë të BIA-s, agjenci informative e sigurisë së Serbisë.

Pas arrestimit të të dyshuarve si agjentë të BIA-s, në qershor të vitit 2009, njoftimi zyrtar i Policisë së Kosovës ishte se tre persona të tillë iu vunë prangat, ndërsa i katërti “gjendet në arrati”.

Për kapitenin e Policisë së Kosovës, megjithatë, asnjëherë nuk është thënë asnjë fjalë, ndërsa tre serbët e arrestuar më vonë u liruan nga një gjykatës i EULEX-it “për mungesë provash”.

Koha.net

[Guri i madh]

Prishtinë* 14 janar - Ministri në largim i Punëve të Brendshme* Bajram Rexhepi është tërhequr nga urdhri që kishte dhënë dy ditë më parë për konfiskimin e targave të reja për pronarët e veturave në Kosovë* të lëshuara nga Serbia* shkruan sot “Zëri”.
Ai kishte urdhëruar Policinë e Kosovës që t’i konfiskonte këto targa në tërë territorin e Kosovës* mirëpo vetëm pas dy ditësh ai e kishte “kuptuar” se në veri nuk është edhe aq e lehtë të zbatohet ky urdhër.

Ministri në largim ka deklaruar se ai as që ka pretenduar se urdhri i tij për konfiskimin e këtyre tabelave serbe do të gjejë zbatim efikas në pjesën veriore të Mitrovicës* e cila është e banuar me shumicë serbe.

“Në pjesën veriore as që kam pretenduar se Policia e Kosovës do të jetë shumë efikase në konfiskimin e targave* por sigurisht në ato raste ku ka mundësi gjithsesi se do të veprohet”* ka thënë ai.

Ndërkaq* në urdhrin e ministrit Rexhepi të lëshuar të martën thuhet “Urdhërohet Policia e Kosovës që në gjithë territorin e vendit të ndalojë qarkullimin e të gjitha veturave që bartin tabela të reja të Serbisë”.

Në anën tjetër* zyrtarë të subjekteve politike opozitare kanë vlerësuar se urdhri i ministrit Rexhepi për konfiskimin e targave të reja të lëshuara nga Serbia nuk është gjë tjetër vetëm një blof dhe vendim bosh i tij.

Por* “Koha Ditore” në numrin e sotshëm publikon një deklaratë të ministrit në dorëheqje të Punëve të Brendshme* Bajrama Rexhepi* se “Sot (bëhet fjalë për datën 13 janar) ishte një kërkesë nga EULEX-i që a mundesh me e shty edhe për dy ditë vendimin që ata të bisedojnë me Serbinë* me Daçiqin* edhe u thashë ju vazhdoni sa të doni diskutimet* por asnjë sekondë nuk do të ndalet aksioni”* ka thënë Rexhepi për gazetën. Sipas tij* me Serbinë do të diskutohet vetëm kur ata do t’i njohin tabelat e Kosovës. “Vetëm kur të vijë koha e reciprocitetit* njohja e ndërsjellë e tabelave dhe si të arrihet marrëveshja* ata t’i pranojnë tonat* përndryshe ne do t’ua ndalojmë edhe të Serbisë të hyjnë në Kosovë”* ka thënë Rexhepi* sipas të cilit* kjo parashihet të ndodhë në të ardhmen.
Por* EULEX-i pa komentuar rreth deklarimeve të Rexhepit* ka kërkuar nga të dyja palët që të përmbahen nga veprimet që mund të çojnë në provokim të situatës. Sipas zëdhënëses së EULEX-it* Kristiina Herodes* të gjitha masat që merren në veri* duhet të bëhen me hapa të matur.
“EULEX-i u bën thirrje të dyja palëve që të përmbahen nga çdo lloj akti që mund të shihet si provokim”* është shprehur shkurt zëdhënësja Herodes.
Rexhepi ka deklaruar se nuk ka gjetur bashkëpunim me EULEX-in përkitazi me ndalimin e futjes në qarkullim të tabelave të Serbisë dhe pajisjen e qytetarëve me targa të reja të Republikës së Kosovës.
Dje* Policia e Kosovës nuk e ka lejuar të enjten të futet në Kosovë një autobus me targa të reja KM* të Republikës së Serbisë* që ka dashur të futet përmes portës 1 në Jarinje* në veri të vendit. Zëdhënësi i policisë* Baki Kelani* ka deklaruar se autobusi është kthyer në orët e pasdites dhe nuk i është lejuar hyrja në Kosovë* ndërkaq një automjeti tjetër po ashtu në Jarinje i janë konfiskuar targat e reja të Serbisë* po ashtu KM.

Ilir Meta jep dorëheqje


14-01-2011 13:47 CET
Ilir Meta ka dhënë para pak çastesh dorëheqjen nga posti i zëvendëskryeministrit dhe ministrit të Ekonomisë.
Në një komunikim me gazetarët* kryetari i LSI-së ka deklaruar se vendimi i tij është personal* dhe ka si qëllim lehtësimin e hetimeve ndaj materialit filmik të publikuar para dy ditësh.
“Jap dorëheqjen e parevokueshme si ministër i Ekonomisë dhe si zëvendëskryeministër. Dorëheqjen ia kam komunikuar kryeministrit Berisha dhe pas këtij momenti jam në dispozicion të prokurorisë për hetim”* ka deklaruar Meta* raporton Start.
Meta shprehet i gatshëm për t’u përballur me drejtësinë* duke shtuar* se këtë nuk mund ta bënte nëse do të paraqitej në prokurori si zv-kryeministër i vendit.
Ai ka hedhur poshtë akuza e ish-vartësit të tij* Dritan Prifti* për përfshirje në afera dhe për një të kaluar me precedentë kriminalë.
“Shqipëria nuk mund të merret peng nga krimi i organizuar dhe monstra si Dritan Prifti* i cili ka një të kaluar kriminale”* ka deklaruar Meta.

[Oqeani]

QKUK* incizimi me CT bëhet me intervenca



Pacientët e shtrirë në Repartin e neurologjisë ankohen se nuk gëzojnë trajtim diagnostik në Repartin e radiologjisë. Ata pas pritjeve të gjata detyrohen të shkojnë në qendrat private diagnostike të bëjnë incizimet CT. Në Radiologji thonë se pacientëve të shtrirë në klinika gjatë ditës iu bëhet CT-ja* por fajësojnë mjekët e klinikës për mosmenaxhim të mirë
[IMG]http://*****gazetalajm.info/thumbnail.php?file=aktuale/skaneri_ct_261497818.jpg&size=article_small[/IMG]
NERITA LATIFAJ

Prishtinë* 13 janar 2011 - Pacientët e shtrirë në Repartin e neurologjisë në Qendrën Klinike Universitare të Kosovës (QKUK)* por edhe të tjerët që trajtohen në Ambulancën specialistike të kësaj klinike* nëse udhëzohen të bëjnë CT-në* kot presin me ditë të tëra që t’u vijë radha për ta bërë këtë incizim* nëse nuk kanë lidhje farefisi me ndonjë mjek apo punëtorë shëndetësorë të kësaj klinike. Ata* pasi të jenë lodhur duke pritur kot terminët që iu shtyhen pa kufi* detyrohen ta bëjnë këtë incizim në ndonjë qendër private diagnostike

Para lute thonim serbet po na malltretojne !!!!

[Llapjani_HH]

Pula ka refuzuar mazutin e ofruar falas nga Florin Krasniqi

Drejtoresha e ndërmarrjes publike “Termokos”* Fllanza Pula* në qershor të këtij viti* ka refuzuar t’i marrë falë më shumë se 30 tonë mazut nga biznesmeni pejan* Florin Krasniqi.

Mazutin që ia ka ofruar falas “Termokosit”* biznesmeni Krasniqi e ka gjetur në fabrikën për prodhimin e auto-pjesëve “Zastava” në Pejë* të cilën ai e ka privatizuar kohë më parë.

Blerim Krasniqi* vëllai i biznesmenit pejan* tha se gjatë muajit qershor të këtij viti i ka ofruar më shumë se 30 tonë mazut falas ndërmarrjes “Termokos” në Prishtinë.

“Ne ketë mazut falas ia kemi ofruar ‘Termokosit’* por na kanë thënë se nuk kanë mundësi dhe nuk kanë kapacitete për ta ruajtur atë. Për këtë çështje nuk kemi shkëmbyer letra zyrtare* sepse ajo ka refuzuar që në fillim.

Ndërmjetësues në këtë raste ka qenë një inxhinier i makinerisë* nga i cili kemi marrë një jo përfundimtare”* tha ai.

Krasniqi tha se pasi “Termokosi” e ka refuzuar ta marrë falë mazutin* ai atë më pas ua ka shitur disa kompanive private në Kosovë* shkruan gazeta Zëri.

Zana Efendia* zëdhënëse e “Termokosit”* tha se drejtoresha Pula të enjten ka pasur disa punë private.

“Ajo nuk është në punë* ka punë private* unë nuk mund ta kontaktoj atë. Për këtë çështje unë nuk kam ndonjë koment”* tha përmes telefonit ajo.

Por* në anën tjetër* Myzejene Selmani* ish-kryetare e Komisionit Parlamentar për Ekonomi nga radhët e AKR-së* tha se drejtoresha e “Termokosit” ka qenë totalisht e ndikuar nga politika.

Ajo tha se mosinkasimi i mjeteve nga qytetaret e Kosovës dhe refuzimi i mazutit falas janë një dështim total i saj si menaxhere.

Një ditë më parë edhe Haki Shatri* ish-kryetar i Komisionit për Mbikëqyrjen e Financave Publike* ka akuzuar drejtoreshën e “Termokosit” për keqmenaxhim dhe keqpërdorime.

Ai ka thënë se në këtë ndërmarrje ka pasur krime të rënda ekonomike* ku pasojat janë duke i vuajtur qytetarët e Prishtinës me mungesë të ngrohjes.
Koha.net