Lajme Aktuale....

[Llapjani_HH]

Pas presionit, serbishtja gjuhë e dytë zyrtare

Serbishtja është promovuar si gjuha e dytë zyrtare në Komunën e Kaçanikut.

Në takimin e radhës të Komitetit të Politikës dhe Financave, të premten pasdite, pa asnjë votë kundër është marrë vendim që Rregullorja për përdorimin e gjuhëve zyrtare në institucionet e Komunës së Kaçanikut t'i përcillet legjislativit komunal për miratim.

"Gjuhë zyrtare në komunë janë shqipja dhe serbishtja. Në përdorimin e tyre, gjuhët zyrtare kanë status të barabartë...", thuhet në nenin 2 të rregullores së sipërpërmendur.

Gjatë debatit lidhur me këtë pikë të agjendës është pranuar se hartimit të Rregullores komunale për gjuhët zyrtare i është hyrë pas trysnisë nga institucionet qendrore të vendit në adresë të krerëve komunalë për ta miratuar atë dokument.

"Ka pasur një presion nga organet qendrore për miratimin e kësaj rregulloreje, edhe pse personalisht e kam parë të panevojshme, pasi kjo materie është e rregulluar me ligjin për gjuhët", ka theksuar Xhelal Gashi, kryesues i KPF-së dhe KK-së.

Ai nuk e ka përmendur emrin e instancës qendrore që ka ushtruar trysni ndaj autoriteteve komunale për promovimin e serbishtes si gjuhë të dytë zyrtare në Kaçanik edhe me rregullore komunale.

Votimit njëzëri për t'ia përcjellë këtë rregullore KK-së për miratim i kanë paraprirë vetëm propozimet e dy folësve për retushimin e 2 neneve dhe heqjen e një tjetri si të panevojshëm.
Koha.net

[Guri i madh]

Postimi origjinal është bërë nga Llapjani_HH

Pas presionit, serbishtja gjuhë e dytë zyrtare

Serbishtja është promovuar si gjuha e dytë zyrtare në Komunën e Kaçanikut.

Në takimin e radhës të Komitetit të Politikës dhe Financave, të premten pasdite, pa asnjë votë kundër është marrë vendim që Rregullorja për përdorimin e gjuhëve zyrtare në institucionet e Komunës së Kaçanikut t'i përcillet legjislativit komunal për miratim.

"Gjuhë zyrtare në komunë janë shqipja dhe serbishtja. Në përdorimin e tyre, gjuhët zyrtare kanë status të barabartë...", thuhet në nenin 2 të rregullores së sipërpërmendur.

Gjatë debatit lidhur me këtë pikë të agjendës është pranuar se hartimit të Rregullores komunale për gjuhët zyrtare i është hyrë pas trysnisë nga institucionet qendrore të vendit në adresë të krerëve komunalë për ta miratuar atë dokument.

"Ka pasur një presion nga organet qendrore për miratimin e kësaj rregulloreje, edhe pse personalisht e kam parë të panevojshme, pasi kjo materie është e rregulluar me ligjin për gjuhët", ka theksuar Xhelal Gashi, kryesues i KPF-së dhe KK-së.

Ai nuk e ka përmendur emrin e instancës qendrore që ka ushtruar trysni ndaj autoriteteve komunale për promovimin e serbishtes si gjuhë të dytë zyrtare në Kaçanik edhe me rregullore komunale.

Votimit njëzëri për t'ia përcjellë këtë rregullore KK-së për miratim i kanë paraprirë vetëm propozimet e dy folësve për retushimin e 2 neneve dhe heqjen e një tjetri si të panevojshëm.
Koha.net

ne komunen e kaqanikut nuk ka shkie spo e kuptoj pse shkinishtja gjuh e dyt pos kta te PDK qe jan ma te kqi se shkjet

[Guri i madh]

Greqia nxjerr në shitje ishujt

Publikuar: E premte, më 25 qershor 2010




Athinë, 25 qershor - Greqia i është dorëzuar krizës ekonomike dhe ka vendosur të bëjë atë që nuk do t’i kishte shkuar kurrë në mend: të shesë ishujt. Sipas “Guardianit” të Londrës, Athina është gati të nxjerrë në treg disa nga ishujt e saj më të bukur të Detit Mesdhe. Disa të tjera mund të jepen me qira për periudha të gjata kohore.

E gjithë kjo bëhet për të paguar borxhet e mëdha që ky vend ka marrë muajt e fundit nga BE-ja dhe FMN-ja për të evituar kolapsin ekonomik.

E përditshmja britanike pohon se edhe një zonë në ishullin Mykonos, destinacioni kryesor turistik grek, do të nxirret në shitje. Ky territor, pronë e qeverisë, do t’i jepet një magnati të huaj, i cili është gati të investojë miliona euro për ndërtimin e një resorti turistik super luksoz.

Pjesë të tjera të territorit gjenden në Rodi dhe mund të blihen nga rusë e kinezë.

Edhe Roman Abramovich, pronari i Chelseat, është i gatshëm për të blerë një nga ishujt grek, edhe pse një nga zëdhënësit e tij e ka përgënjeshtruar këtë lajm.

[Oqeani]

Po krijohet “Shengeni Ballkanik”



Praktikisht, vendet e rajonit kanë krijuar të ashtuquajturin "Shengen Ballkanik" pasi edhe Bosnja, Mali i Zi, Kosova dhe Maqedonia u lejojnë shqiptarëve të Shqipërisë lëvizjen e lirë.

Prof.Doc. Lisien Bashkurti, Kryetar i Akademisë Diplomatike Shqiptare, thotë se ky realitet është hapi i parë që tregon se vendet e Ballkanit janë të bindura se vetëm së bashku mund të zgjidhin disa sfida negative të trashëguara nga e kaluara.

"Po përjetojmë një realitet të ri të vendeve të rajonit. Vendet janë të orientuara të gjitha drejt BE-së, ndërsa kanë një stabilitet politik të qëndrueshëm e kanë bërë hapa të konsiderueshëm në hapjen e tregjeve. Kryesorja, kanë një klimë mjaft të përmirësuar bashkëpunimi."



Qytetarë të Tiranës thonë se më shumë se interesi ekonomik u intereson marrëdhënia njerëzore me fqinjët tek të cilët tashmë do hyjnë e dalin pa trokitur.

[Guri i madh]

Postimi origjinal është bërë nga Oqeani

Po krijohet “Shengeni Ballkanik”



Praktikisht, vendet e rajonit kanë krijuar të ashtuquajturin "Shengen Ballkanik" pasi edhe Bosnja, Mali i Zi, Kosova dhe Maqedonia u lejojnë shqiptarëve të Shqipërisë lëvizjen e lirë.

Prof.Doc. Lisien Bashkurti, Kryetar i Akademisë Diplomatike Shqiptare, thotë se ky realitet është hapi i parë që tregon se vendet e Ballkanit janë të bindura se vetëm së bashku mund të zgjidhin disa sfida negative të trashëguara nga e kaluara.

"Po përjetojmë një realitet të ri të vendeve të rajonit. Vendet janë të orientuara të gjitha drejt BE-së, ndërsa kanë një stabilitet politik të qëndrueshëm e kanë bërë hapa të konsiderueshëm në hapjen e tregjeve. Kryesorja, kanë një klimë mjaft të përmirësuar bashkëpunimi."



Qytetarë të Tiranës thonë se më shumë se interesi ekonomik u intereson marrëdhënia njerëzore me fqinjët tek të cilët tashmë do hyjnë e dalin pa trokitur.

qyki lisen bashk KURTI esht i gjor pas 3 mujve e ka demantue nji qendrim te vetin per 6 pikshin kur e prunen shkjet me banki munin


ky esht nji analist qe pas tre mujve e demanton qendrimin e tij te ma parshem

[Llapjani_HH]

E vërteta mbi pensionet

Kosova nuk ka bërë asgjë për t’i kthyer pensionet e 60 mijë kontribuuesve gjatë kohës së Jugosllavisë. Ne e kemi denoncuar Serbinë, por po i presim regjistrat për secilin kontribuues. Qeveria e Kosovës, e as Shoqata e pensionistëve s’kanë bërë asgjë në këtë drejtim. Kjo është më se zhgënjyese. Ne nuk mund të jemi më kosovarë se vetë kosovarët. Sindikalistja zvicerane, Verena Graf, flet për Express

As Qeveria e Kosovës, as Shoqata e Pensionistëve, nuk kanë bërë asgjë për t’i siguruar regjistrat e 60 mijë pensionistëve kosovarë, si kontribuues gjatë kohës së Jugosllavisë. Ndërkohë, ky është kushti kryesor që Kosova ta fitojë kontestin me Serbinë për kthimin e pensioneve.

Kjo neglizhencë e kosovarëve ka irrituar edhe organizatat ndërkombëtarë pranë OKB-së, e të cilat e kanë denoncuar vitin e kaluar Serbinë se ia ka borxh Kosovës pensionet për 60 mijë kontribuues, për një periudhë prej 15 deri 40 vjet. Mirëpo, tani janë bërë dy vjet që kur denoncimi i Organizatës ndërkombëtare “Interfaith International” po pret për t’iu bashkangjitur regjistrat e kontribuuesve kosovarë, si fakt për ta mposhtur Serbinë.

Në një intervistë për Express, Verena Graf, përfaqësuese permanente pranë OKB-së për organizatën “CIEMEN”, shprehet e zhgënjyer tej mase me neglizhencën e Qeverisë dhe Shoqatës së pensionistëve të Kosovës.

Sindikalistja zvicerane është e befasuar sesi Qeveria e Kosovës, ndonëse përfaqëson popullin e Kosovës, nuk ka kërkuar ende rikthimin e kontributeve nga shteti serb. Ajo shpjegon se kur hyhet në negociata me dikë, duhet t’i tregosh “se ke borxh”, dhe të përdoren të gjitha mjetet juridike për ta kthyer atë borxh.

“Pas informatave që i kam, Qeveria e Kosovës nuk ka bërë asgjë në këtë drejtim. Qeveria e një shteti duhet ta pyesë qeverinë e shtetit tjetër, në ketë rast Serbinë, për kthimin e kontributeve”, thotë Graf.

Por edhe në rastin tjetër, kur shtetet nuk qëndrojnë mirë politikisht, Graf thotë se duhet shfrytëzuar mundësia që denoncimin ta bëjnë palët e treta. Në rastin e Kosovës kjo ka ndodhur, por nuk është parë vullnet i kosovarëve për të bashkëpunuar.

Graf, e cila ka dorë në denoncimin ndaj Serbisë, thotë se denoncimi do të mbetet vetëm në letër, përderisa nuk sigurohen si dëshmi regjistrat e së paku 60 mijë kontribuuesve. Shumë kërkesa i janë dërguar Shoqatës së pensionisteve, por deri tani ka qenë e pamundur të merren këto të dhëna.

“Shoqata e pensionistëve të Kosovës duhet t’i japë këta regjistra. Në mënyrë juridike, këta regjistra i shërbejnë një shteti tjetër për të lobuar”, pohon ajo.
Në të kundërtën, Graf thekson se asnjë shtet tjetër nuk mund t’i ndihmojë Kosovës për këto pensione. Edhe ashtu, ajo vetë ndihet e lodhur dhe e zhgënjyer tej mase, nga kjo papërgjegjësi e palës kosovare.

“Ne nuk mund të jemi më kosovarë se vetë kosovarët”, thotë e shqetësuar Graf.

Artikullin të plotë mund ta lexoni në numrin e sotëm të gazetë Express.
Gazeta Expres

[Llapjani_HH]

Milionat e parë për gurë vullkanikë, në Malishevë e Leposaviq

Dy kompani nga Malisheva kanë fituar tenderin në vlerë prej 1 milion e 300 mijë eurosh për asfaltimin me gurë vullkanikë të magjistrales Prishtinë-Ferizaj, përkatësisht 8 kilometra të segmentit të Çagllavicës.

Biznesmeni Habib Morina, me kompaninë e tij “AHN Group”, i cili ka pranuar se është një mik i ministrit Limaj, ka fituar tenderë milionësh së bashku me konsorciumin “Timi Krsko”, e cila ka për pronar tre biznesmenë nga Malisheva.

Njëri prej tyre, Agim Krasniqi, është aksionar edhe në kompaninë e Morinës.

Kompania “AHN Group” është krijuar më 29 tetor të vitit 2008 dhe ka pasur të regjistruar vetëm 4 punëtorë e tre aksionarë.

Këto dy kompani gurin vullkanik e blejnë nga “Arena Invest”, e cila është krijuar në prill të vitit 2009 dhe ka për aksionarë ish-drejtorin e IPKO-s Akan Ismajlin, Bujar Musën, Fadil Demirin dhe biznesmenin Aleksandar Mihajloviq.

Baza e saj është në qytetin e Leposaviqit, në veri të Kosovës.

Biznesmeni Akan Ismaili, i cili është aksionar i “Arena Invest”, ka theksuar se nuk mund të përgjigjet për detajet e kontratave me kompani të ndryshme të lidhura për shitjen e gurëve vullkanikë.

“Ne jemi vetëm investitorë aty. Si unë, ashtu edhe Fadil Demiri. Drejori i kompanisë Artan Lahaj, që është i autorizuar për të folur është në pushim”, ka thënë Ismaili për gazetën Koha Ditore përmes telefonit.

Për më shumë, lexoni në numrin e sotëm të gazetës.
Koha.net

[Llapjani_HH]

Telashet e Graçanicës

Emblema e Komunës së Graçanicës, zvarritja e zgjedhjes së nënkryetarit për komunitete, financimi nga buxheti i Kosovës për strukturat paralele janë disa nga problemet për të cilat i vetmi deputet shqiptar nga radhët e LDD`së në Kuvendin Komunal të Graçanicës, Agim Krasniqi, e ka ngritur zërin. Për këtë ai fajëson kryetarin e Komunës, Bojan Stojanivoc.

Deri tash nuk ka ngritur zërin për problemet në Komunën e re të krijuar të Graçanicës me arsyetimin se mund të “shkatërrojë Pakon e Ahtisaarit”.

Edhe pse i pranishëm në çdo mbledhje të Asamblesë Komunale të Graçanicës, ai ka heshtur për muaj të tërë, duke shpresuar se një ditë gjithçka do të funksionojë sipas ligjit në këtë komunë.

Pas shumë kohësh deputeti i vetëm shqiptar nga radhët e Lidhjes Demokratike të Dardanisë në Asamblenë Komunale të Graçanicës ka vendosur ta thyejë heshtjen.

I nxitur nga urdhëresa e Gjykatës Kushtetuese të Kosovës për ndërrimin e stemës së Komunës së Prizrenit, Agim Krasniqi ka vendosur të kërkojë në emër të LDD ndërrimin e stemës së Graçanicës, miratuar muaj me parë në Kuvendin Komunal të saj .

“Unë që në start kam pasur vërejte për stemën dhe Statutin që e ka propozuar Komuna. Në statut e kanë futur që simbol i Komunës do të jetë manastiri ose siç e quajnë një simbol i përbashkët fetar. Kam bërë vërejtje, sepse shteti i Kosovës është shtet laik e nuk është shtet fetar”, thotë Krasniqi për Express.

Emblema e Komunës së re shumetnike të Graçanicës, në të cilën kanë zënë vend edhe shumë elemente të lashtësisë së saj të qytetërimit, përfaqëson vetëm një komunitet – atë serb.

E tëra identifikohet me “ОПШТИНА ГРАЧАНИЦА”, që në përkthimin nga serbishtja ka kuptimin “Komuna e Graçanicës”.

Pos këtyre dy fjalëve të shkruara në cirilikë dhe krahas përshkrimit të vitit 1303, ndodhet edhe mbishkrimi latin “URBS SPLENDISSIMA”.

Kjo përbën një vlerësim dhënë në mesjetë për qytetin antik të Ulpianës, përkthimi i së cilës afërsisht është “Qytet i mrekullueshëm”.

Viti 1303, ndërkaq, paraqet kohën kur për herë të parë është përmendur një emërtim i përafërt për emrin Graçanicës.

Në qendër të emblemës është paraqitur një lule bozhuri, gjethes së mesme të së cilës i është dhënë forma e manastirit, duke vënë në gravurë tri kryqe në të.

E gjitha është nën një sfond të kaltër, kufizuar me ngjyrë ari.

“Ne do të propozojmë që kjo emblemë të ndryshohet, meqë përfaqëson vetëm komunitetin serb”, thotë Krasniqi.

Përveç emblemës të Komunës, deputeti i LDD`së thotë se zyrtarët e Komunës bashkë me atë të asamblesë disa herë kanë ndarë para të buxhetit të konsoliduar të Kosovës për financimin e strukturave paralele.

Ai thotë se në dy raste të ndara janë ndarë mbi 80 mijë euro për spitalin e Graçanicës

“Spitali i Graçanicës është strukturë paralele e financuar nga Beogradi, Asambleja Komunale ka vendosur që rreth 80 mijë euro, njëherë 30 mijë e në rastin e dytë 50 mijë euro, t`i ndajë për këtë spital. Edhe për këtë kemi kundërshtuar si subjekt politik . Për këtë dikush duhet të japë përgjegjësi“, thotë Agim Krasniqi nga LDD`ja.

Krasniqi ka thënë se tash e sa kohë, që nga mbajtja e zgjedhjeve në këtë komunë, ende nuk është zgjedhur nënkryetari i Komunës për komunitete e që në këtë rast do të duhej të jetë nga Lidhja Demokratike e Dardanisë.

“Gjithmonë e kam potencuar problemin e nënkryetarit për komunitete e që duhet të jetë nga subjekti jonë politik. Ata më kanë thënë se shumicë pas serbëve janë romët, prandaj duhet të jetë nga komuniteti rom, por komuniteti rom nuk ka garuar me ndonjë subjekt të tyre partiak . Ata kanë votuar për SLS e që e të zgjedhurit e tyre i kanë në pushtet, kështu që posti i nënkryetarit për komunitete na takon neve si LDD”, thotë ai.

Për të gjitha këto probleme, Agim Krasniqi i ka njoftuar strukturat më të larta të partisë së tij.

Ai thotë se çështjen e nënkryetarit, emblemës e të tjera, kolegët e tij nga LDD`ja do t`i ngrehin në kuvendin e Kosovës.

Këto probleme do t`i ngrehim edhe në Kuvendin e Kosovës. Në asamblenë e fundit ju kam se vjen në pikëpyetje pjesëmarrja ime në atë asamble për shkak të këtyre telasheve. Mund t`ju them se deri sot asnjë projekt nuk është bërë për shqiptarët e as për romët”, ka thënë Krasniqi.

Gazeta të shtunën ka provuar të kontaktojë me kryetarin e Komunës së Graçanicës, por një gjë e tillë ka qenë e pamundur.
Gazeta expres

Fermerët e pjesës veriore të Kosovës trajtohen si të huaj

Fermerët që jetojnë në pjesën veriore të Kosovës po ballafaqohen me shumë probleme dhe vështirësi, madje shpesh kontrollimet i përceptojnë edhe si kalim të kufirit.

Skender Rexhepi , që ka një fermë të gjedheve në fshatin Suhodoll, në pjesën veriore të Mitrovicës , thotë se tani e një vit nuk mund të shet kafshët e tij në tregjet në pjesën jugore .

Herën e fundit është ballafaquar me këto pengesë ditë më parë kur po dëshironte ta dërgonte në treg për shitje një dem , pasi që duhej të paguante këstin e kredisë që ka marrë për ngritjen e fermës.

Skënderi thotë se policët që qëndrojnë në atë pikë kontrolli i kishin kërkuar dokumentet përcjellëse për demin e tij e të cilat në fakt nuk i lëshon askush .

“Tani e një vit askush as në Komunë as në institucionet tjera nuk i lëshon dokumentet përcjellëse për kafshët, ndërsa që në të njëjtën kohë ato na kërkohen” thotë Rexhepi.

Ndërkaq nxjerrja në treg pa dokumentacionet përcjellëse rezulton me konfiskimin e kafshëve.

Paradoksalisht edhe në një vendim të Doganës së Kosovës e që gazeta e kishte siguruar këto ditë, zyrtaret doganor e kishte quajtur Urën e Suhodollit si pikëkalim kufitar.

Zyrtaret të ballafaquar me këtë më vonë kishin thënë se ky ishte një gabim teknik. Me të njëjtat probleme ballafaqohen edhe banorët dhe fermerët e fshatrave shqiptare Bistricë, Cerajë dhe Koshtovë të Komunës së Leposaviqit si dhe ata të fshatrave Zhazhë, Kelmend e Boletin të Komunës së Zveçanit.

Bekim Hajdari një fermer nga fshati Bistricë flet për të njëjtin problem .
“Nuk mund të shesim kafshët tona pasi kërkohen dokumente që as nuk i lëshojnë”, thotë ai.

Në anën tjetër praktikat veterinare kanë qenë të pajisura me certifikatat veterinare dhe certifikatat transportuese për kafshët por që për banorët e pjesës veriore nuk i kanë lëshuar.

Edhe zyrtaret komunal dhe ata të policisë pranojnë se egziston ky problem dhe se kjo ka ndodhë për shkak të situatës specifike si dhe dukurisë së rritjes së kontrabandimit, ku janë përfshi edhe kafshët.

Shkumbim Osmani, inspektor komunal i veterinarisë thotë se kompetente për lëshimin e dokumentacioneve përcjellëse për kafshët është Agjensioni Veterinar i Kosovës(AVK) që autorizon për këtë ordinancat e licencuara.

Ai pranon se tani e një vit ka pas probleme rreth lëshimit të këtyre dokumenteve, por që sipas tij, pas një takimi të përbashkët të zyrtarëve në AVK-në , mbajtur ditë më parë, është dakorduar që të vazhdohet me identifikimin dhe regjistrimin e gjedheve në pjesën veriore të Republikës së Kosovës, duke përfshi edhe komunat e Zveçanit, Leposaviqit dhe Zubin Potokut.

Osmani thotë se pronarët legjitim të kafshëve duhet të pajisen me pasaporta të kafshëve në afat sa më të shkurtër, ndërsa që në ndërkohë pronaret e këtyre kafshëve do të pajisen me kartela të lindjes dhe të lëvizjes së kafshëve të lëshuara nga ana e praktikave veterinare.
Koha.net

[Oqeani]

Hajredin Kuçi: Shkëmbimi i territoreve, rrezik për rajonin





Zv/kryeministri i Kosovës Hajredin Kuçi, i ka thënë BBC-së se zërat që po dëgjohen për shkëmbim territoresh ndërmjet Kosovës dhe Serbisë janë zëra të kahershëm, por që nuk kanë të bëjnë asgjë me realitetin.

Kjo ide, sipas tij. do të ishte shumë e rrezikshme jo vetëm për Kosovën, por edhe për rajonin dhe se ajo nuk do të fillonte e as nuk do të përfundonte me Kosovën.

Shkëmbimi i territoreve, siç u shpreh Kuçi, do të nënkuptonte krijimin e konflikteve të hapura dhe se zgjidhja më e mirë është qasja drejt integrimeve evropiane.

“Për Qeverinë e Kosovës, Kosova e ka tërësinë e vetë territoriale të përcaktuar edhe me kushtetutë dhe me aktet ndërkombëtare. Kosova nuk është e interesuar që të hyjë në pazare të tilla. Po ashtu duhet të jemi të vetëdijshëm se çdo fillim i ndryshimit të territoreve, nuk do të ishte pika e fundit e këtyre ndryshimeve, apo së paku nuk do të ishte në Kosovë”.

Sipas zv.kryeministrit Kuçi, përvoja ka treguar se veprime të tilla krijojnë kriza që zgjasin me vite.

Ai ka thënë se kjo çështje nuk është diskutuar asnjëherë dhe sipas tij këta janë zëra që janë dëgjuar në opinionin publik, por nuk kanë qenë asnjëherë në tavolinë, qoftë me faktorin vendor qoftë me atë ndërkombëtar.

“Ne e përjashtojmë nga se kjo do të hapte krizë dhe do të hapte mundësi të reja për krizë jo vetëm në Kosovë por edhe në rajon dhe në anën tjetër po ashtu duhet të themi se kjo nuk mund të fillojë dhe të përfundojë vetëm me Kosovën, prandaj e mira e gjithë rajonit do të ishte qasja drejt integrimit në Bashkimin Evropian”.

Lexone more çka na paska thene ky far ....

[Oqeani]

Hashim Thaçi: Kosova me askënd nuk do të diskutojë për shkëmbim territoresh




Kosova nuk do të diskutojë asnjëherë dhe me askënd idenë e shkëmbimit territorial, dhe se tërësia e saj është e njohur ndërkombëtarisht ka thënë kryeministri i Kosovës Hashim Thaçi, por nuk e ka përjashtuar mundësinë e bisedimeve me Serbinë për çështjet teknike.

Pas një ligjërate që ka mbajtur në UBT, kryeministri ka thënë se tashmë të gjitha vendet e dinë që sovraniteti i Kosovës është i paprekshëm. Ai u ka thënë studentëve se vendimi i GJND-së do të plotësojë zbrazëtirën mes shteteve të BE-së që e kanë njohur dhe ata që janë në proces e sipër për të marrë një vendim të tillë.

Ai sërish ka lavdëruar punën e qeverisë së tij dhe ka thënë se bashkë me EULEX-in po e luftojnë krimin e organizuar.


Ky tipi - po don me dhene - e nuk po don me marre !!
Ata po i thënë UJKU - ky po thot: jo jo eshte miu !!!

[Oqeani]

Serbia do Veriun, jep Preshevën


Udhëheqja e Serbisë, e prirë nga Boris Tadiq, president i Serbisë, dhe Vuk Jeremiq, ministër i Jashtëm, ka ndarë mendjen se çfarë do të kërkojë në bisedimet me autoritetet e Kosovës, të cilat pritet të fillojnë këtë vjeshtë, apo disa muaj pasi Gjykata Ndërkombëtare e Drejtësisë (ICJ) ta kumtojë mendimin e vet për legalitetin e pavarësisë së Kosovës.

Sipas diplomatëve perëndimorë, që kohëve të fundit kanë komunikuar me Beogradin zyrtar, e që folën për gazetën "Zëri" me kushte të anonimitetit, tema kyçe e dialogut të Beogradit dhe Prishtinës, sipas liderëve serbë, duhet të jetë kufiri i ri në mes të Kosovës dhe Serbisë. Të gjitha temat tjera duhet të dalin prej kësaj të parës, e cila domosdoshmërisht duhet të trajtohet, sipas vlerësimeve të Beogradit, prej atyre që do të marrin pjesë në këto bisedime, për shkak të paqëndrueshmërisë së gjendjes në veri të Kosovës.

Bazuar në burimet diplomatike perëndimore, Beogradi, së paku aktualisht, preferon të flasë për "këmbim të territoreve" në vend të modelit të "ndarjes së Kosovës".

Sipas liderëve serbë, veriu i Kosovës do të duhej t'i bashkohej Serbisë, ndërsa një pjesë e Luginës së Preshevës, apo më konkretisht vetë komuna e Preshevës, duke mos iu afruar shumë bazës së madhe ushtarake "Jug" të ushtrisë së Serbisë, e cila është hapur kohë më parë, do të duhej t'i bashkëngjitej Kosovës.

Bazuar në burimet diplomatike perëndimore, Beogradi, së paku aktualisht, preferon të flasë për "këmbim të territoreve" në vend të modelit të "ndarjes së Kosovës".

Sipas liderëve serbë, veriu i Kosovës do të duhej t'i bashkohej Serbisë, ndërsa një pjesë e Luginës së Preshevës, apo më konkretisht vetë komuna e Preshevës, duke mos iu afruar shumë bazës së madhe ushtarake "Jug" të ushtrisë së Serbisë, e cila është hapur kohë më parë, do të duhej t'i bashkëngjitej Kosovës.

Aktualisht nuk ka shenja të qarta që në Perëndim ka mirëkuptim për këtë ide, e cila assesi nuk mund t'i shmanget modelit të ndarjes territoriale të Kosovës, sepse Republika e Kosovës do të humbte një pjesë shumë të rëndësishme të territorit të vet në veri të lumit Ibër. Dihet botërisht që shtetet e mëdha perëndimore, anëtare të Quintit (SHBA-ja, Britania e Madhe, Gjermania, Franca dhe Italia) kanë kundërshtuar çdo solucion të ndarjes territoriale të Kosovës, duke i mbetur kështu besnikë njërit prej parimeve kyç të Grupit të Kontaktit (prill-nëntor 2005), që statusi i Kosovës nuk mund të nënkuptojë ndarjen territoriale të Kosovës. Në anën tjetër, sipas diplomatëve perëndimorë, kundër idesë së Serbisë për shkëmbim të territoreve në mes të Kosovës dhe Serbisë janë fuqimisht edhe pesë shtetet e BE-së (Spanja, Rumania, Sllovakia, Greqia dhe Qipro), të cilat nuk e kanë njohur
pavarësinë e Kosovës.

Por, në fakt, janë edhe disa deklarata të tjera të zyrtarëve serbë, të cilat zbulojnë një pjesë të qëllimit të vërtetë të bisedimeve që i kërkon Beogradi t'i zhvillojë me Prishtinën.

Sekretari shtetëror i Ministrisë për Kosovën në Qeverinë e Serbisë, Oliver Ivanoviq së fundit ka shprehur mendimin e tij se Perëndimi mund të propozojë ndarjen e Kosovës për arsye pragmatike.

"Kam drojë nga pragmatizmi perëndimor, sepse ai pragmatizëm ofron disa zgjidhje që mund të ndikojnë në ndarjen territoriale", ka thënë Ivanoviq.

Ish-koordinatori i Grupit Negociues të Kosovës në bisedimet për statusin, Blerim Shala, ka rikujtuar se që nga koha e formimit të Ekipit të Unitetit, bashkë me presidentin e ndjerë Ibrahim Rugova, një prej shqetësimeve kryesore në bisedimet me Serbinë ishte mos-hapja e temës së ndarjes, që nënkuptonte pavarësimin e Kosovës në kufijtë aktualë.

[Llapjani_HH]

Kapet armatim në Aeroportin e Prishtinës

Dogana e Kosovës ka konfiskuar sot në Aeroportin e Prishtinës, armë dhe municion të kalibrave të rëndë.

Dy persona të cilët vinin nga Gjermania, janë ndaluar në kanalin e gjelbër, duke mbajtur një pako të zezë, të mbushur me armatim. Pasi është futur në skaner është vërejtur se aty ka armatim.

Në pako janë gjetur këto lloje të armëve të zjarrit: “Shoot gun taktical/12 Gauge”, model “Remington 870 taktical”, 1 copë, pistoletë “Heckler & Koch”, modeli “Mark” 23, kalibi 45 auto, 1 copë, karabinë gjuetie - gjysmë automatik, model “Browing Barr” II, 1 copë, karikator për pushkën gjysmë automatike karabin, dy copë, karikator për pistoletën “Heckler”, kalibri 45x10 2 copë.

Ndërkaq, gjatë kontrollit në valixhe janë gjetur një sasi municioni, si 40 fishekë për karabinë gjuetie, 10 fishekë për Shoot gun taktical, 150 copë fishekë për pistoletë “Heckler” dhe një palë dylbi “Bushnell elite 3200”, 3-9x40.

Rasti ka kaluar te Policia e Kosovës për hetime të mëtejme, njofton Zyra e Informacionit e Doganave të Kosovës.
Gazeta expres

Tadiq e vendos kristianizmin evropian në Kosovë

Presidenti i Serbisë, Boris Tadiq, ka deklaruar mbrëmë në Vjenë se pret që Europa të tregojë ndjeshmëri për faktin se hapësira e Serbisë është djepi i kristianizmit saj, raporton Tanjug.

“Çështja e Kosovës për Serbinë nuk është vetëm çështje e integritetit territorial dhe sovranitetit, por para së gjithash çështje e mbrojtjes së identitetit”, ka thënë Tadiq.

Duke përkujtuar se në trollin e Serbisë ka lindur perandori Konstantin, gjatë sundimit të të cilit kristianizmi u bë religjion shtetëror në Perandorinë romake, Tadiq tha se në territorin e Serbisë u lind Europa dhe identiteti9 kristian i saj.

“Edhe sot në shekullin XXI ne (e ka fjalën për Serbinë dhe serbët – përkthyesi) po ballafaqohemi jo vetëm me çështjen e të ardhmes sonë në BE, por edhe me çështjen e identitetit tonë kristian dhe mbrojtjes së tij”, është shprehur Tadiq mbrëmë në shënimin e 150 – vjetorit të Komunës Kishtare Serbe në Vjenë.

“Sot po përballemi me përpjekjen për uzurpimin e ekzistimit të identitet ortodoks serb në hapësirën e Kosovës”, citohet të ketë thënë Tadiq, i cili ka shtuar se ekziston synimi i ndërtimit të identitetit artificial kosovar, që ka nisur para dy vjetësh, kundruall identitetit ortodoks që jeton me shekuj.

Ai ka thënë se pret nga Austria, në truallin e të cilës ekziston identiteti ortodoks e kulturor serb, po ashtu me shekuj, që të kuptojë rëndësinë e ruajtjes së identitetit serb në Kosovë.

“Askush nuk mund të ekzistojë në të ardhmen pa identitet. Kjo çështje kapërcen interesat shtetërore, ajo është transcendente dhe kjo është çështje që i jep kuptim ekzistimit tonë. Prandaj Kosova nuk është vetëm çështje shtetërore”, ka thënë Tadiq në Vjenë.
Koha.net

[Llapjani_HH]

Këngëtarët kosovarë në shënjestër të Administratës Tatimore

Këngëtarët të cilët këtë verë kanë koncerte duhet të mësohen me vizitat e inspektorëve të Administratës Tatimore të Kosovës në lokalet ku ata performojnë. “Vera 2010”, siç shkruan sot “Koha Ditore”, është plani i veprimit të cilin ATK-ja tashmë e ka hedhur në letër, sipas të cilit inspektorët e këtij institucioni e kanë vetëm një qëllim: të vizitojnë çdo lokal ku ata kanë informacione që një këngëtar mban koncert.

Por paralajmërimi i ATK-së duket që nuk e shqetëson edhe aq estradën kosovare, shumë prej të cilëve as nuk janë të regjistruar në Agjencinë Tatimore. Disa prej tyre thonë se nuk e kanë ndërmend të paguajnë. Para se shteti t’u krijojë kushte që ata të regjistrohen si këngëtarë.

Bashkim Shala, zëvendësdrejtor i ATK-së, ka thënë se me këtë plan synojnë eliminimin e çfarëdo shmangieje të obligimeve të tatimit në fitim nga këngëtarët të cilët veprojnë në Kosovë.

“Në sezonin kur këngëtarët i shtojnë aktivitetet e tyre, duke kënduar në shumë vende dhe normalisht duke fituar edhe më shumë, ne do të ndërmarrim një aksion më të intensifikuar ku do të inspektojmë lokalet në të cilat ata këndojnë dhe do të shohim çdo kontratë të lidhur ndërmjet pronarit të lokalit dhe këngëtarit”, ka thënë Shala, i cili shprehet i bindur që ky plan do të ketë sukses.

Mirëpo deri tek vizita e inspektorëve në lokalet ku mbahen koncertet e këngëtarëve është një procedurë të cilën inspektorët duhet ta kalojnë.

“Inspektorët marrin dhe ruajnë çdo publikim të aktiviteteve të këngëtarëve dhe i fusin në dosjet e tyre që ne më pas të kemi edhe fakte se ata kanë marrë pjesë në ato organizime.

Në ikje të obligimit tatimor është një rreth të cilin ATK-ja duhet ta thyejë, për të pasur sa më shumë vjelje të tatimit”, ka thënë Shala, duke shpjeguar se rrethin e përbëjnë organizatorët e ndejave, lokalet dhe këngëtarët.

Sipas tij, në bazë të analizave tatimore del se shumica e këngëtarëve në Kosovë nuk janë pagues të rregullt të tatimit.

“E para, shumica prej tyre nuk i deklarojnë të ardhurat për aq sa fitojnë, pra bëjnë zhvleftësim të të ardhurave. Më pas ata edhe atë shumë të të ardhurave që e paraqesin nuk e paguajnë tatimin për ato të ardhura.

Ka shumë prej tyre që edhe kanë borxhe në ATK”, ka thënë Shala, i cili nuk flet për emrat e borxhlinjve, pasi që këtë nuk ia lejon ligji. Mirëpo, sipas Shalës, jo të gjithë këngëtarët duhet të futen në një thes.

“Ka këngëtarë e produksione që paguajnë tatimin. Mirëpo ka prej tyre që as nuk e njohin ATK-në si institucion”, ka sqaruar Shala.

Aksioni i ATK-së nuk i brengos këngëtarët Blero dhe Dafina Zeqiri dhe Zanfina Ismajli.

Dy të parët pranojnë që nuk paguajnë tatim në Kosovë, me arsyetimin se ata janë shtetas të Suedisë, ani pse veprimtarinë e tyre fitimprurëse e zhvillojnë në Kosovë.

“Kam pasaportë suedeze dhe tatim paguaj vetëm në Suedi dhe atje jam tatimpagues i rregullt.

Mirëpo në Kosovë nuk paguaj, sepse nuk jam banor i këtij vendi”, ka shpjeguar Blero, i cili thotë se e mirëpret aksionin e inspektorëve të ATK-së dhe se shprehet i gatshëm të bashkëpunojë me ta.

Dafina Zeqiri thotë se nuk ka paguar tatim në ATK, dhe se për çdo koncert që e mban qoftë në Kosovë apo jashtë saj e paguan në Suedi.

“Nuk kam pse të paguaj tatim në Kosovë. Paguaj tatim në Suedi dhe nuk kam arsye që në dy vende të paguaj tatimin”, është shprehur Zeqiri, e cila thotë se nuk është e vetmja prej këngëtarëve që bën një gjë të tillë.

Një gjë e tillë për numrin dy të ATK-së është shkelje ligji.

“Çdo person që vepron dhe kryen veprimtari fitimprurëse në Kosovë është i detyruar të paguajë tatimin në fitim në ATK. Ne nuk i kërkojmë tatim nëse një këngëtar zhvillon aktivitet jashtë vendit”, ka thënë Shala, sipas të cilit nuk ka rëndësi se çfarë shtetësie ka një person, por ku kryhet aktiviteti ekonomik.

Në anën tjetër, këngëtarja Genta Ismaili nuk është fare e regjistruar në ATK si tatimpaguese.

“Genta nuk është e regjistruar këtu në Kosovë dhe nuk paguan tatim për fitime në koncerte që i mban në Kosovë.

Nuk ka ndonjë arsye të posaçme për këtë, por e kemi lënë në asgjë, por shumë shpejt do të regjistrohet dhe të fillojë të paguajë”, ka thënë Alie Sylejmani, menaxhere e Genta Ismailit. Ajo ka pranuar se në asnjë koncert që mban klientja e saj nuk lidh kontratë me pronarin e lokalit.

Tatimin në fitim nuk e paguan as këngëtarja Zanfina Ismaili. Ajo thotë se një gjë të tillë as që e ka ndërmend ta bëjë.

“Mua shteti nuk më garanton se albumin tim nuk do ta kopjojë çdo kujt që t’i teket, pastaj unë askund nuk jam e regjistruar si këngëtare dhe unë jam thjesht një person i thjeshtë.

E përderisa shteti nuk me jep asgjë mua, as unë nuk do ta paguaj tatimin”, është arsyetuar Ismaili, sipas së cilës i vetmi fitim që ajo ka si këngëtare janë koncertet.

Edhe Naim Abazi ankohet për qasjen që ka shteti ndaj estradës. Por për dallim nga Zanfina Ismajli, Abazi thotë se paguan tatim.

“Unë për vete nuk e di as çfarë statusi kam. Ajo çka ne bëjmë është e njëjtë me punëtorët e rrugës që presin kush po i thirr që të punojnë një ditë. Prandaj, para se të gjejmë fajtorët, institucionet e shtetit duhet të hartojnë ligjet që na mbrojnë ne si artistë”, është shprehur Abazi, duke thënë se ATK-ja i ka dërguar edhe atij edhe gruas së tij këngëtare tatim paushall.

Mirëpo, përpos kësaj Abazi ka një ide në bazë të së cilës mendon se do të zgjidhej tërë ky problem.

“Mendimi im është që duhet të formohet një institucion brenda shtetit ku të gjithë këngëtarët do të anëtarësoheshin si të tillë duke paguar për atë anëtarësim.

Pastaj ata të certifikohen si këngëtarë që mund të marrin para duke kënduar dhe do t’u ofronte atyre ndihmë. Dhe atëherë nëse një inspektor do të gjente dikë duke kënduar pa një certifikim të tillë, t’i dënojë ata”, ka propozuar Abazi.
Koha.net

Këngëtarët "patriota", mundohen me ja u marr publikut të gjitha paret pej gjepi e shtetit nuk i paguajn kurgja.
Edhe ankohen se shteti nuk po ban kurgja për ta.
Duhet me formue ni FOND PËR KËNGËTARËT sikur fondin e Fatmir Limës e me ju que ndihma se jan kah hjekin keq këta hajnat muzikant.

[Llapjani_HH]

Patrullimet e përbashkëta Shqipëri- Kosovë, në vështirësi

Patrullimet e përbashkëta të policisë së Shqipërisë dhe të Kosovës në territorin e Shqipërisë si duket janë përballur me problemet e para.

Disiplina në zbatimin e orarit të punës, gjobat, por edhe mungesa e kualifikimit të policëve vendas, janë disa nga problemet pas një periudhe dyjavore patrullimesh.

Në një takim të përbashkët në Kukës të drejtuesve të Policisë së Prizrenit dhe asaj të Kukësit është analizuar puna e përbashkët dyjavore e patrullimeve të ndërthurura.

Me këtë rast janë evidentuar problemet si disiplina në zbatimin e orarit të punës, diferencat e mëdha të gjobave në mes Kodit Rrugor në Shqipëri dhe atij në Kosovë, si dhe mosnjohja e teknikës bashkëkohore nga Policia shqiptare, shkruan "Koha ditore".

"Kemi rezerva për sa i përket zbatimit të orarit, pasi policët nga Kosova po vijnë me vonesë dhe po ikin më herët se sa orari i përcaktuar", është shprehur shefi i Njësisë së Policisë së Qarkullimit Rrugor për Qarkun e Kukësit, Alejdin Omuri.

Ndërkaq, Komandanti i Policisë së Qarkullimit Rrugor për rajonin e Prizrenit, Lulzim Shala, ka deklaruar se policia vendase ka mangësi në njohjen e teknikës bashkëkohore në përdorim të Policisë së qarkullimit rrugor.

Në patrullimet e përbashkëta gjatë këtyre dy javëve është vënë re epërsia e Policisë së Kosovës në automjete dhe mjete të tjera logjistike.

Kjo polici ishte e pajisur me radarë laser, ndërkohë që Policia e qarkullimit rrugor të Kukësit nuk dinte të përdorte radarët.

Gjithashtu, edhe nga ana profesionale është vënë re epërsia e Policisë së Kosovës.

Shumë nga rregullat formale që zbatoheshin nga policët kosovarë me rastin e ndalimit të automjetit, policët e Shqipërisë nuk i kishin aplikuar ndonjëherë.

Për sa i përket vendosjes së gjobave, është vendosur që ato të vendosen në bazë të Kodit Rrugor të Republikës Shqipërisë ku gjobat minimale janë të papërfillshme krahasuar me ato të Kosovës.

Gjoba minimale në Shqipëri për kundërvajtësit është rreth 8 euro, ndërkohë që në Kosovë është 35 euro.

Patrullimet e ndërthurura të Policisë së Qarkullimit rrugor në mes Shqipërisë e Kosovës në territorin e Shqipërisë kanë filluar më 16 qershor, pas një marrëveshjeje të nënshkruar në Morin të Kukësit.

Për periudhën dyjavore, patrullimet e përbashkëta kanë vijuar vetëm në aksin rrugor nga Morini në tunelin e Kalimashit, ndërsa në ditët në vazhdim me shtimin e fluksit të turistëve që parashikohet të arrijë shifra të lartë në muajt korrik gusht, patrullimet do të vazhdojnë në të gjitha akset kombëtare të Shqipërisë.
QIK-u

[Gentiani]

Postimi origjinal është bërë nga Llapjani_HH

Këngëtarët kosovarë në shënjestër të Administratës Tatimore

Këngëtarët "patriota", mundohen me ja u marr publikut të gjitha paret pej gjepi e shtetit nuk i paguajn kurgja.
Edhe ankohen se shteti nuk po ban kurgja për ta.
Duhet me formue ni FOND PËR KËNGËTARËT sikur fondin e Fatmir Limës e me ju que ndihma se jan kah hjekin keq këta hajnat muzikant.

Çfare more Fond mi ndihmuar, po policine tatimore edhe shko ne bine qysh jane duke mbajtur koncert konfiskoja deri ne tanga e me çfare kane (ne fakt e zdeshe gjysmen e estrades e nuk te behen nje krahe rroba ) edhe ne fund leshoja kajken as e para e as fundit jooooooooo, joooooooooooo s`je ti... edhe kush nuk e paguan tatimin ... hehehe p..asurine private ja sosim