John Travolta me mafi shqiptare

[pirro]

John Travolta me mafi shqiptare

Nga Ardian Jasiqi më 28.05.2009 në ora 16:45
Shqiptarët edhe njëherë janë paraqitur në role të mafisë në një film amerikan që do të jepet premier me 12 qershor nëpër kinematë e Shteteve të Bashkuara të Amerikës.

Filmi me regji të regjisorit Toni Scott, “The Taking of Pelham 1 2 3” në rolet kryesore paraqiten dy aktorët e njohur amerikan John Travolta dhe Danzel Washington.

Travolta luan rolin e një kidnapuesi të një treni bashkë me mafinë shqiptare, e cila sipas filmit konsiderohet mafi e re në Shtetet e Bashkuara të Amerikës.

Shqiptarët të cilët marrin pjesë në këtë film nuk janë aktorë profesionist, por kritikët kanë thënë se dyshohet që ata janë të implikuar në botën e krimit, pasi që Tony Scott është një regjisor që merr në film njerëz që kanë përjetuar për së afërmi jetën e nëntokës.

Ky është filmi i dytë pas filmit “Taken” që kryesoi Box Office në Amerikë dhe Kanada, dhe “The Taking of Pelham 1 2 3” pritet që të këtë të njëjtin sukses.

Madje edhe zona ku është xhiruar filmi, pra lagja Pelham është një vend ku jetojnë dhe veprojnë shumë organizata të ashtuquajtura të nëntokës shqiptare.

Filmi do të jepet premier me 12 qershor dhe në rolet kryesore paraqiten; John Travolta, Denzel washington, James Gandolfini etj.

Ndërkaq aktorët shqiptarë që do të luajnë në këtë film janë; Viktor Gjocaj që luan në rolin e Bashkimit dhe Robert Vataj në rolin e Emrisë.

Triler i filmit “The Taking of Pelham 1 2 3”

http://www.youtube.com/watch?v=riD_u...layer_embedded